| Library / Tipiṭaka / திபிடக • Tipiṭaka / அங்கு³த்தரனிகாய (டீகா) • Aṅguttaranikāya (ṭīkā) |
17. பஸாத³கரத⁴ம்மவக்³க³வண்ணனா
17. Pasādakaradhammavaggavaṇṇanā
366. அத்³த⁴மித³ந்தி ஸந்தி⁴வஸேன பாளியங் ரஸ்ஸங் கத்வா வுத்தங், ம-காரோ பத³ஸந்தி⁴கரோதி ஆஹ – ‘‘அத்³தா⁴ இத³’’ந்தி. ஏகங்ஸோ ஏஸாதி ஏகங்ஸோ ஹேது ஏஸ லாபா⁴னங். பாபகங் நாமாதி அப்பகம்பி பாபங் நாம ப்³யத்தங் ஏகங்ஸேன ந கரோதி. தத²ஸ்ஸாதி ததா² ஸம்மாபடிபஜ்ஜமானஸ்ஸ அஸ்ஸ. ஆரஞ்ஞிகத்தங்…பே॰… தேசீவரிகத்தந்தி இமேஸங் து⁴தத⁴ம்மானங் க³ஹணேனேவ இதரேஸம்பி தங்ஸபா⁴கா³னங் க³ஹிதபா⁴வோ த³ட்ட²ப்³போ³. தா²வரப்பத்தபா⁴வோதி ஸாஸனே தி²ரபா⁴வப்பத்தி தே²ரபா⁴வோ. ஆகப்பஸ்ஸ ஸம்பத்தீதி ‘‘அஞ்ஞோ மே ஆகப்போ கரணீயோ’’தி ஏவங் வுத்தஸ்ஸ ஆகப்பஸ்ஸ ஸம்பத்தி. கோலபுத்தீதி கோலபுத்தியந்தி ஆஹ – ‘‘குலபுத்தபா⁴வோ’’தி. ஸம்பன்னரூபதாதி உபதி⁴ஸம்பதா³. வசனகிரியாயாதி வசனப்பயோக³ஸ்ஸ மது⁴ரபா⁴வோ மஞ்ஜுஸ்ஸரதா. தேனஸ்ஸ லாபோ⁴ உப்பஜ்ஜதீதி இத³ங் ந லாபு⁴ப்பாத³னூபாயத³ஸ்ஸனபரங், அத² கோ² ஏவங் ஸம்மாபடிபஜ்ஜமானஸ்ஸ அனிச்ச²ந்தஸ்ஸேவ லாபோ⁴ உப்பஜ்ஜதீதி லாப⁴ஸ்ஸ அப்³யபி⁴சாரஹேதுத³ஸ்ஸனபரங் த³ட்ட²ப்³ப³ங். யதா²ஹ –
366.Addhamidanti sandhivasena pāḷiyaṃ rassaṃ katvā vuttaṃ, ma-kāro padasandhikaroti āha – ‘‘addhā ida’’nti. Ekaṃso esāti ekaṃso hetu esa lābhānaṃ. Pāpakaṃ nāmāti appakampi pāpaṃ nāma byattaṃ ekaṃsena na karoti. Tathassāti tathā sammāpaṭipajjamānassa assa. Āraññikattaṃ…pe… tecīvarikattanti imesaṃ dhutadhammānaṃ gahaṇeneva itaresampi taṃsabhāgānaṃ gahitabhāvo daṭṭhabbo. Thāvarappattabhāvoti sāsane thirabhāvappatti therabhāvo. Ākappassa sampattīti ‘‘añño me ākappo karaṇīyo’’ti evaṃ vuttassa ākappassa sampatti. Kolaputtīti kolaputtiyanti āha – ‘‘kulaputtabhāvo’’ti. Sampannarūpatāti upadhisampadā. Vacanakiriyāyāti vacanappayogassa madhurabhāvo mañjussaratā. Tenassa lābho uppajjatīti idaṃ na lābhuppādanūpāyadassanaparaṃ, atha kho evaṃ sammāpaṭipajjamānassa anicchantasseva lābho uppajjatīti lābhassa abyabhicārahetudassanaparaṃ daṭṭhabbaṃ. Yathāha –
‘‘ஆகங்கெ²ய்ய சே, பி⁴க்க²வே, பி⁴க்கு² லாபீ⁴ அஸ்ஸங் சீவரபிண்ட³பாதஸேனாஸனகி³லானப்பச்சயபே⁴ஸஜ்ஜபரிக்கா²ரானந்தி, ஸீலெஸ்வேவஸ்ஸ பரிபூரகாரீ’’தி (ம॰ நி॰ 1.65).
‘‘Ākaṅkheyya ce, bhikkhave, bhikkhu lābhī assaṃ cīvarapiṇḍapātasenāsanagilānappaccayabhesajjaparikkhārānanti, sīlesvevassa paripūrakārī’’ti (ma. ni. 1.65).
பஸாத³கரத⁴ம்மவக்³க³வண்ணனா நிட்டி²தா.
Pasādakaradhammavaggavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 17. பஸாத³கரத⁴ம்மவக்³கோ³ • 17. Pasādakaradhammavaggo
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 17. பஸாத³கரத⁴ம்மவக்³க³வண்ணனா • 17. Pasādakaradhammavaggavaṇṇanā
