| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
17. басаад̣̇агарад̇хаммаваг̇г̇аван̣н̣анаа
17. Pasādakaradhammavaggavaṇṇanā
366. ад̣̇д̇хамид̣̇анд̇иаад̣̇ийсу ад̣̇д̇ханд̇и згам̣саад̇хиважанамзд̇ам̣, ад̣̇д̇хаа ид̣̇ам̣ лаабхаанам̣, згам̣со зса лаабхаананд̇и вуд̇д̇ам̣ ход̇и. яад̣̇ид̣̇ам̣ ааран̃н̃игад̇д̇анд̇и яо зса ааран̃н̃игабхааво. ид̣̇ам̣ вуд̇д̇ам̣ ход̇и – ааран̃н̃игабхааво наама лаабхаанам̣ згам̣со авассабхаавид̇аа на саггаа ааран̃н̃игзна лаабхам̣ на лабхид̇унд̇и. ааран̃н̃иго хи бхигку ‘‘ад̇д̇ано аран̃н̃аваасасса анужчавигам̣ гариссаамий’’д̇и баабагам̣ наама на гарод̇и, ат̇асса ‘‘ааран̃н̃иго аяам̣ бхигкуу’’д̇и сан̃ж̇аад̇аг̇аараво махааж̇ано жад̇убажжаязна бууж̇ам̣ гарод̇и. д̇зна вуд̇д̇ам̣ – ‘‘ад̣̇д̇хамид̣̇ам̣, бхигкавз, лаабхаанам̣ яад̣̇ид̣̇ам̣ ааран̃н̃игад̇д̇а’’нд̇и. сзсабад̣̇зсуби зсзва наяо. зд̇т̇а бана б̣аахусажжанд̇и б̣ахуссуд̇абхааво. т̇ааварзяяанд̇и жирабаб̣б̣аж̇ид̇ад̇д̇аа т̇аавараббад̇д̇абхааво. аагаббасамбад̣̇аад̇и жийвараг̇г̇ахан̣аад̣̇ино аагаббасса самбад̇д̇и. бариваарасамбад̣̇аад̇и сужибариваарад̇аа. голабуд̇д̇ийд̇и гулабуд̇д̇абхааво. ван̣н̣абогкарад̇аад̇и самбаннаруубад̇аа. галяаан̣авааггаран̣ад̇аад̇и важанагирияааяа мад̇хурабхааво. аббааб̣аад̇хад̇аад̇и аарог̇яасамбад̇д̇и. арог̇о хи бхигку ад̇д̇ано сарийрагаляаан̣ад̇ааяа вибассанаад̇хурз жа г̇ант̇ад̇хурз жа барибуурагаарий ход̇и, д̇знасса лаабхо уббаж̇ж̇ад̇ийд̇и.
366.Addhamidantiādīsu addhanti ekaṃsādhivacanametaṃ, addhā idaṃ lābhānaṃ, ekaṃso esa lābhānanti vuttaṃ hoti. Yadidaṃ āraññikattanti yo esa āraññikabhāvo. Idaṃ vuttaṃ hoti – āraññikabhāvo nāma lābhānaṃ ekaṃso avassabhāvitā na sakkā āraññikena lābhaṃ na labhitunti. Āraññiko hi bhikkhu ‘‘attano araññavāsassa anucchavikaṃ karissāmī’’ti pāpakaṃ nāma na karoti, athassa ‘‘āraññiko ayaṃ bhikkhū’’ti sañjātagāravo mahājano catupaccayena pūjaṃ karoti. Tena vuttaṃ – ‘‘addhamidaṃ, bhikkhave, lābhānaṃ yadidaṃ āraññikatta’’nti. Sesapadesupi eseva nayo. Ettha pana bāhusaccanti bahussutabhāvo. Thāvareyyanti cirapabbajitattā thāvarappattabhāvo. Ākappasampadāti cīvaraggahaṇādino ākappassa sampatti. Parivārasampadāti suciparivāratā. Kolaputtīti kulaputtabhāvo. Vaṇṇapokkharatāti sampannarūpatā. Kalyāṇavākkaraṇatāti vacanakiriyāya madhurabhāvo. Appābādhatāti ārogyasampatti. Arogo hi bhikkhu attano sarīrakalyāṇatāya vipassanādhure ca ganthadhure ca paripūrakārī hoti, tenassa lābho uppajjatīti.
сол̣аса басаад̣̇агарад̇хаммаа нидтид̇аа.
Soḷasa pasādakaradhammā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 17. басаад̣̇агарад̇хаммаваг̇г̇о • 17. Pasādakaradhammavaggo
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 17. басаад̣̇агарад̇хаммаваг̇г̇аван̣н̣анаа • 17. Pasādakaradhammavaggavaṇṇanā
