| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
17. басаад̣̇агарад̇хаммаваг̇г̇аван̣н̣анаа
17. Pasādakaradhammavaggavaṇṇanā
366. ад̣̇д̇хамид̣̇анд̇и санд̇хивасзна баал̣ияам̣ рассам̣ гад̇ваа вуд̇д̇ам̣, ма-гааро бад̣̇асанд̇хигарод̇и ааха – ‘‘ад̣̇д̇хаа ид̣̇а’’нд̇и. згам̣со зсаад̇и згам̣со хзд̇у зса лаабхаанам̣. баабагам̣ наамаад̇и аббагамби баабам̣ наама б̣яад̇д̇ам̣ згам̣сзна на гарод̇и. д̇ат̇ассаад̇и д̇ат̇аа саммаабадибаж̇ж̇амаанасса асса. ааран̃н̃игад̇д̇ам̣…бз… д̇зжийваригад̇д̇анд̇и имзсам̣ д̇худ̇ад̇хаммаанам̣ г̇ахан̣знзва ид̇арзсамби д̇ам̣сабхааг̇аанам̣ г̇ахид̇абхааво д̣̇адтаб̣б̣о. т̇аавараббад̇д̇абхаавод̇и саасанз т̇ирабхааваббад̇д̇и т̇зрабхааво. аагаббасса самбад̇д̇ийд̇и ‘‘ан̃н̃о мз аагаббо гаран̣ийяо’’д̇и звам̣ вуд̇д̇асса аагаббасса самбад̇д̇и. голабуд̇д̇ийд̇и голабуд̇д̇ияанд̇и ааха – ‘‘гулабуд̇д̇абхааво’’д̇и. самбаннаруубад̇аад̇и убад̇хисамбад̣̇аа. важанагирияааяаад̇и важанаббаяог̇асса мад̇хурабхааво ман̃ж̇уссарад̇аа. д̇знасса лаабхо уббаж̇ж̇ад̇ийд̇и ид̣̇ам̣ на лаабхуббаад̣̇ануубааяад̣̇ассанабарам̣, ат̇а ко звам̣ саммаабадибаж̇ж̇амаанасса анижчанд̇ассзва лаабхо уббаж̇ж̇ад̇ийд̇и лаабхасса аб̣яабхижаарахзд̇уд̣̇ассанабарам̣ д̣̇адтаб̣б̣ам̣. яат̇ааха –
366.Addhamidanti sandhivasena pāḷiyaṃ rassaṃ katvā vuttaṃ, ma-kāro padasandhikaroti āha – ‘‘addhā ida’’nti. Ekaṃso esāti ekaṃso hetu esa lābhānaṃ. Pāpakaṃ nāmāti appakampi pāpaṃ nāma byattaṃ ekaṃsena na karoti. Tathassāti tathā sammāpaṭipajjamānassa assa. Āraññikattaṃ…pe… tecīvarikattanti imesaṃ dhutadhammānaṃ gahaṇeneva itaresampi taṃsabhāgānaṃ gahitabhāvo daṭṭhabbo. Thāvarappattabhāvoti sāsane thirabhāvappatti therabhāvo. Ākappassa sampattīti ‘‘añño me ākappo karaṇīyo’’ti evaṃ vuttassa ākappassa sampatti. Kolaputtīti kolaputtiyanti āha – ‘‘kulaputtabhāvo’’ti. Sampannarūpatāti upadhisampadā. Vacanakiriyāyāti vacanappayogassa madhurabhāvo mañjussaratā. Tenassa lābho uppajjatīti idaṃ na lābhuppādanūpāyadassanaparaṃ, atha kho evaṃ sammāpaṭipajjamānassa anicchantasseva lābho uppajjatīti lābhassa abyabhicārahetudassanaparaṃ daṭṭhabbaṃ. Yathāha –
‘‘ааган̇кзяяа жз, бхигкавз, бхигку лаабхий ассам̣ жийварабин̣д̣абаад̇асзнаасанаг̇илаанаббажжаяабхзсаж̇ж̇абаригкаараананд̇и, сийлзсвзвасса барибуурагаарий’’д̇и (ма. ни. 1.65).
‘‘Ākaṅkheyya ce, bhikkhave, bhikkhu lābhī assaṃ cīvarapiṇḍapātasenāsanagilānappaccayabhesajjaparikkhārānanti, sīlesvevassa paripūrakārī’’ti (ma. ni. 1.65).
басаад̣̇агарад̇хаммаваг̇г̇аван̣н̣анаа нидтид̇аа.
Pasādakaradhammavaggavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 17. басаад̣̇агарад̇хаммаваг̇г̇о • 17. Pasādakaradhammavaggo
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 17. басаад̣̇агарад̇хаммаваг̇г̇аван̣н̣анаа • 17. Pasādakaradhammavaggavaṇṇanā
