| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੧੭. ਪਸਾਦਕਰਧਮ੍ਮવਗ੍ਗવਣ੍ਣਨਾ
17. Pasādakaradhammavaggavaṇṇanā
੩੬੬. ਅਦ੍ਧਮਿਦਨ੍ਤਿਆਦੀਸੁ ਅਦ੍ਧਨ੍ਤਿ ਏਕਂਸਾਧਿવਚਨਮੇਤਂ, ਅਦ੍ਧਾ ਇਦਂ ਲਾਭਾਨਂ, ਏਕਂਸੋ ਏਸ ਲਾਭਾਨਨ੍ਤਿ વੁਤ੍ਤਂ ਹੋਤਿ। ਯਦਿਦਂ ਆਰਞ੍ਞਿਕਤ੍ਤਨ੍ਤਿ ਯੋ ਏਸ ਆਰਞ੍ਞਿਕਭਾવੋ। ਇਦਂ વੁਤ੍ਤਂ ਹੋਤਿ – ਆਰਞ੍ਞਿਕਭਾવੋ ਨਾਮ ਲਾਭਾਨਂ ਏਕਂਸੋ ਅવਸ੍ਸਭਾવਿਤਾ ਨ ਸਕ੍ਕਾ ਆਰਞ੍ਞਿਕੇਨ ਲਾਭਂ ਨ ਲਭਿਤੁਨ੍ਤਿ। ਆਰਞ੍ਞਿਕੋ ਹਿ ਭਿਕ੍ਖੁ ‘‘ਅਤ੍ਤਨੋ ਅਰਞ੍ਞવਾਸਸ੍ਸ ਅਨੁਚ੍ਛવਿਕਂ ਕਰਿਸ੍ਸਾਮੀ’’ਤਿ ਪਾਪਕਂ ਨਾਮ ਨ ਕਰੋਤਿ, ਅਥਸ੍ਸ ‘‘ਆਰਞ੍ਞਿਕੋ ਅਯਂ ਭਿਕ੍ਖੂ’’ਤਿ ਸਞ੍ਜਾਤਗਾਰવੋ ਮਹਾਜਨੋ ਚਤੁਪਚ੍ਚਯੇਨ ਪੂਜਂ ਕਰੋਤਿ। ਤੇਨ વੁਤ੍ਤਂ – ‘‘ਅਦ੍ਧਮਿਦਂ, ਭਿਕ੍ਖવੇ, ਲਾਭਾਨਂ ਯਦਿਦਂ ਆਰਞ੍ਞਿਕਤ੍ਤ’’ਨ੍ਤਿ। ਸੇਸਪਦੇਸੁਪਿ ਏਸੇવ ਨਯੋ। ਏਤ੍ਥ ਪਨ ਬਾਹੁਸਚ੍ਚਨ੍ਤਿ ਬਹੁਸ੍ਸੁਤਭਾવੋ। ਥਾવਰੇਯ੍ਯਨ੍ਤਿ ਚਿਰਪਬ੍ਬਜਿਤਤ੍ਤਾ ਥਾવਰਪ੍ਪਤ੍ਤਭਾવੋ। ਆਕਪ੍ਪਸਮ੍ਪਦਾਤਿ ਚੀવਰਗ੍ਗਹਣਾਦਿਨੋ ਆਕਪ੍ਪਸ੍ਸ ਸਮ੍ਪਤ੍ਤਿ। ਪਰਿવਾਰਸਮ੍ਪਦਾਤਿ ਸੁਚਿਪਰਿવਾਰਤਾ। ਕੋਲਪੁਤ੍ਤੀਤਿ ਕੁਲਪੁਤ੍ਤਭਾવੋ। વਣ੍ਣਪੋਕ੍ਖਰਤਾਤਿ ਸਮ੍ਪਨ੍ਨਰੂਪਤਾ। ਕਲ੍ਯਾਣવਾਕ੍ਕਰਣਤਾਤਿ વਚਨਕਿਰਿਯਾਯ ਮਧੁਰਭਾવੋ। ਅਪ੍ਪਾਬਾਧਤਾਤਿ ਆਰੋਗ੍ਯਸਮ੍ਪਤ੍ਤਿ। ਅਰੋਗੋ ਹਿ ਭਿਕ੍ਖੁ ਅਤ੍ਤਨੋ ਸਰੀਰਕਲ੍ਯਾਣਤਾਯ વਿਪਸ੍ਸਨਾਧੁਰੇ ਚ ਗਨ੍ਥਧੁਰੇ ਚ ਪਰਿਪੂਰਕਾਰੀ ਹੋਤਿ, ਤੇਨਸ੍ਸ ਲਾਭੋ ਉਪ੍ਪਜ੍ਜਤੀਤਿ।
366.Addhamidantiādīsu addhanti ekaṃsādhivacanametaṃ, addhā idaṃ lābhānaṃ, ekaṃso esa lābhānanti vuttaṃ hoti. Yadidaṃ āraññikattanti yo esa āraññikabhāvo. Idaṃ vuttaṃ hoti – āraññikabhāvo nāma lābhānaṃ ekaṃso avassabhāvitā na sakkā āraññikena lābhaṃ na labhitunti. Āraññiko hi bhikkhu ‘‘attano araññavāsassa anucchavikaṃ karissāmī’’ti pāpakaṃ nāma na karoti, athassa ‘‘āraññiko ayaṃ bhikkhū’’ti sañjātagāravo mahājano catupaccayena pūjaṃ karoti. Tena vuttaṃ – ‘‘addhamidaṃ, bhikkhave, lābhānaṃ yadidaṃ āraññikatta’’nti. Sesapadesupi eseva nayo. Ettha pana bāhusaccanti bahussutabhāvo. Thāvareyyanti cirapabbajitattā thāvarappattabhāvo. Ākappasampadāti cīvaraggahaṇādino ākappassa sampatti. Parivārasampadāti suciparivāratā. Kolaputtīti kulaputtabhāvo. Vaṇṇapokkharatāti sampannarūpatā. Kalyāṇavākkaraṇatāti vacanakiriyāya madhurabhāvo. Appābādhatāti ārogyasampatti. Arogo hi bhikkhu attano sarīrakalyāṇatāya vipassanādhure ca ganthadhure ca paripūrakārī hoti, tenassa lābho uppajjatīti.
ਸੋਲ਼ਸ ਪਸਾਦਕਰਧਮ੍ਮਾ ਨਿਟ੍ਠਿਤਾ।
Soḷasa pasādakaradhammā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੧੭. ਪਸਾਦਕਰਧਮ੍ਮવਗ੍ਗੋ • 17. Pasādakaradhammavaggo
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੧੭. ਪਸਾਦਕਰਧਮ੍ਮવਗ੍ਗવਣ੍ਣਨਾ • 17. Pasādakaradhammavaggavaṇṇanā
