| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
4. басаад̣̇асуд̇д̇аван̣н̣анаа
4. Pasādasuttavaṇṇanā
34. жад̇уд̇т̇з аг̇г̇зсу басаад̣̇аа, аг̇г̇аа ваа басаад̣̇аад̇и аг̇г̇аббасаад̣̇аа. яаавад̇аад̇и яад̇д̇агаа. абад̣̇аад̇и ниббад̣̇аа ахимажчаад̣̇аяо. д̣̇вибад̣̇аад̇и мануссабагкиаад̣̇аяо. жад̇уббад̣̇аад̇и хад̇т̇иассаад̣̇аяо. б̣ахуббад̣̇аад̇и сад̇абад̣̇иаад̣̇аяо. нзвасан̃н̃инаасан̃н̃инод̇и бхаваг̇г̇з ниб̣б̣ад̇д̇асад̇д̇аа. аг̇г̇амагкааяад̇ийд̇и г̇ун̣зхи аг̇г̇о уд̇д̇амо сздтод̇и агкааяад̇и. асан̇кад̇аад̇и ниб̣б̣аанамзва г̇ахзд̇ваа вуд̇д̇ам̣. вирааг̇од̇иаад̣̇ийни ниб̣б̣аанассзва наамаани. д̇ан̃хи ааг̇амма саб̣б̣агилзсаа вираж̇ж̇анд̇и, саб̣б̣з рааг̇амад̣̇аад̣̇аяо мад̣̇аа ниммад̣̇аа хонд̇и, абхаавам̣ г̇ажчанд̇и, саб̣б̣аа бибаасаа винаяам̣ убзнд̇и, саб̣б̣з аалаяаа самуг̇гхаад̇ам̣ г̇ажчанд̇и, ваддаани убажчиж̇ж̇анд̇и, д̇ан̣хаа кийяанд̇и, ваддад̣̇угкаа нируж̇жханд̇и, саб̣б̣з барил̣аахаа ниб̣б̣ааяанд̇и. д̇асмаа зд̇аани наамаани лабхад̇и. сзсамзд̇т̇а уд̇д̇аанад̇т̇амзваад̇и.
34. Catutthe aggesu pasādā, aggā vā pasādāti aggappasādā. Yāvatāti yattakā. Apadāti nippadā ahimacchādayo. Dvipadāti manussapakkhiādayo. Catuppadāti hatthiassādayo. Bahuppadāti satapadiādayo. Nevasaññināsaññinoti bhavagge nibbattasattā. Aggamakkhāyatīti guṇehi aggo uttamo seṭṭhoti akkhāyati. Asaṅkhatāti nibbānameva gahetvā vuttaṃ. Virāgotiādīni nibbānasseva nāmāni. Tañhi āgamma sabbakilesā virajjanti, sabbe rāgamadādayo madā nimmadā honti, abhāvaṃ gacchanti, sabbā pipāsā vinayaṃ upenti, sabbe ālayā samugghātaṃ gacchanti, vaṭṭāni upacchijjanti, taṇhā khīyanti, vaṭṭadukkhā nirujjhanti, sabbe pariḷāhā nibbāyanti. Tasmā etāni nāmāni labhati. Sesamettha uttānatthamevāti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 4. аг̇г̇аббасаад̣̇асуд̇д̇ам̣ • 4. Aggappasādasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 4. аг̇г̇абасаад̣̇асуд̇д̇аван̣н̣анаа • 4. Aggapasādasuttavaṇṇanā
