| Library / Tipiṭaka / တိပိဋက • Tipiṭaka / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) |
၄. ပသာဒသုတ္တဝဏ္ဏနာ
4. Pasādasuttavaṇṇanā
၃၄. စတုတ္ထေ အဂ္ဂေသု ပသာဒာ, အဂ္ဂာ ဝာ ပသာဒာတိ အဂ္ဂပ္ပသာဒာ။ ယာဝတာတိ ယတ္တကာ။ အပဒာတိ နိပ္ပဒာ အဟိမစ္ဆာဒယော။ ဒ္ဝိပဒာတိ မနုသ္သပက္ခိအာဒယော။ စတုပ္ပဒာတိ ဟတ္ထိအသ္သာဒယော။ ဗဟုပ္ပဒာတိ သတပဒိအာဒယော။ နေဝသညိနာသညိနောတိ ဘဝဂ္ဂေ နိဗ္ဗတ္တသတ္တာ။ အဂ္ဂမက္ခာယတီတိ ဂုဏေဟိ အဂ္ဂော ဥတ္တမော သေဋ္ဌောတိ အက္ခာယတိ။ အသင္ခတာတိ နိဗ္ဗာနမေဝ ဂဟေတ္ဝာ ဝုတ္တံ။ ဝိရာဂောတိအာဒီနိ နိဗ္ဗာနသ္သေဝ နာမာနိ။ တဉ္ဟိ အာဂမ္မ သဗ္ဗကိလေသာ ဝိရဇ္ဇန္တိ, သဗ္ဗေ ရာဂမဒာဒယော မဒာ နိမ္မဒာ ဟောန္တိ, အဘာဝံ ဂစ္ဆန္တိ, သဗ္ဗာ ပိပာသာ ဝိနယံ ဥပေန္တိ, သဗ္ဗေ အာလယာ သမုဂ္ဃာတံ ဂစ္ဆန္တိ, ဝဋ္ဋာနိ ဥပစ္ဆိဇ္ဇန္တိ, တဏ္ဟာ ခီယန္တိ, ဝဋ္ဋဒုက္ခာ နိရုဇ္ဈန္တိ, သဗ္ဗေ ပရိဠာဟာ နိဗ္ဗာယန္တိ။ တသ္မာ ဧတာနိ နာမာနိ လဘတိ။ သေသမေတ္ထ ဥတ္တာနတ္ထမေဝာတိ။
34. Catutthe aggesu pasādā, aggā vā pasādāti aggappasādā. Yāvatāti yattakā. Apadāti nippadā ahimacchādayo. Dvipadāti manussapakkhiādayo. Catuppadāti hatthiassādayo. Bahuppadāti satapadiādayo. Nevasaññināsaññinoti bhavagge nibbattasattā. Aggamakkhāyatīti guṇehi aggo uttamo seṭṭhoti akkhāyati. Asaṅkhatāti nibbānameva gahetvā vuttaṃ. Virāgotiādīni nibbānasseva nāmāni. Tañhi āgamma sabbakilesā virajjanti, sabbe rāgamadādayo madā nimmadā honti, abhāvaṃ gacchanti, sabbā pipāsā vinayaṃ upenti, sabbe ālayā samugghātaṃ gacchanti, vaṭṭāni upacchijjanti, taṇhā khīyanti, vaṭṭadukkhā nirujjhanti, sabbe pariḷāhā nibbāyanti. Tasmā etāni nāmāni labhati. Sesamettha uttānatthamevāti.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya / ၄. အဂ္ဂပ္ပသာဒသုတ္တံ • 4. Aggappasādasuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၄. အဂ္ဂပသာဒသုတ္တဝဏ္ဏနာ • 4. Aggapasādasuttavaṇṇanā
