| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੪. ਪਸਾਦਸੁਤ੍ਤવਣ੍ਣਨਾ
4. Pasādasuttavaṇṇanā
੩੪. ਚਤੁਤ੍ਥੇ ਅਗ੍ਗੇਸੁ ਪਸਾਦਾ, ਅਗ੍ਗਾ વਾ ਪਸਾਦਾਤਿ ਅਗ੍ਗਪ੍ਪਸਾਦਾ। ਯਾવਤਾਤਿ ਯਤ੍ਤਕਾ। ਅਪਦਾਤਿ ਨਿਪ੍ਪਦਾ ਅਹਿਮਚ੍ਛਾਦਯੋ। ਦ੍વਿਪਦਾਤਿ ਮਨੁਸ੍ਸਪਕ੍ਖਿਆਦਯੋ। ਚਤੁਪ੍ਪਦਾਤਿ ਹਤ੍ਥਿਅਸ੍ਸਾਦਯੋ। ਬਹੁਪ੍ਪਦਾਤਿ ਸਤਪਦਿਆਦਯੋ। ਨੇવਸਞ੍ਞਿਨਾਸਞ੍ਞਿਨੋਤਿ ਭવਗ੍ਗੇ ਨਿਬ੍ਬਤ੍ਤਸਤ੍ਤਾ। ਅਗ੍ਗਮਕ੍ਖਾਯਤੀਤਿ ਗੁਣੇਹਿ ਅਗ੍ਗੋ ਉਤ੍ਤਮੋ ਸੇਟ੍ਠੋਤਿ ਅਕ੍ਖਾਯਤਿ। ਅਸਙ੍ਖਤਾਤਿ ਨਿਬ੍ਬਾਨਮੇવ ਗਹੇਤ੍વਾ વੁਤ੍ਤਂ। વਿਰਾਗੋਤਿਆਦੀਨਿ ਨਿਬ੍ਬਾਨਸ੍ਸੇવ ਨਾਮਾਨਿ। ਤਞ੍ਹਿ ਆਗਮ੍ਮ ਸਬ੍ਬਕਿਲੇਸਾ વਿਰਜ੍ਜਨ੍ਤਿ, ਸਬ੍ਬੇ ਰਾਗਮਦਾਦਯੋ ਮਦਾ ਨਿਮ੍ਮਦਾ ਹੋਨ੍ਤਿ, ਅਭਾવਂ ਗਚ੍ਛਨ੍ਤਿ, ਸਬ੍ਬਾ ਪਿਪਾਸਾ વਿਨਯਂ ਉਪੇਨ੍ਤਿ, ਸਬ੍ਬੇ ਆਲਯਾ ਸਮੁਗ੍ਘਾਤਂ ਗਚ੍ਛਨ੍ਤਿ, વਟ੍ਟਾਨਿ ਉਪਚ੍ਛਿਜ੍ਜਨ੍ਤਿ, ਤਣ੍ਹਾ ਖੀਯਨ੍ਤਿ, વਟ੍ਟਦੁਕ੍ਖਾ ਨਿਰੁਜ੍ਝਨ੍ਤਿ, ਸਬ੍ਬੇ ਪਰਿਲ਼ਾਹਾ ਨਿਬ੍ਬਾਯਨ੍ਤਿ। ਤਸ੍ਮਾ ਏਤਾਨਿ ਨਾਮਾਨਿ ਲਭਤਿ। ਸੇਸਮੇਤ੍ਥ ਉਤ੍ਤਾਨਤ੍ਥਮੇવਾਤਿ।
34. Catutthe aggesu pasādā, aggā vā pasādāti aggappasādā. Yāvatāti yattakā. Apadāti nippadā ahimacchādayo. Dvipadāti manussapakkhiādayo. Catuppadāti hatthiassādayo. Bahuppadāti satapadiādayo. Nevasaññināsaññinoti bhavagge nibbattasattā. Aggamakkhāyatīti guṇehi aggo uttamo seṭṭhoti akkhāyati. Asaṅkhatāti nibbānameva gahetvā vuttaṃ. Virāgotiādīni nibbānasseva nāmāni. Tañhi āgamma sabbakilesā virajjanti, sabbe rāgamadādayo madā nimmadā honti, abhāvaṃ gacchanti, sabbā pipāsā vinayaṃ upenti, sabbe ālayā samugghātaṃ gacchanti, vaṭṭāni upacchijjanti, taṇhā khīyanti, vaṭṭadukkhā nirujjhanti, sabbe pariḷāhā nibbāyanti. Tasmā etāni nāmāni labhati. Sesamettha uttānatthamevāti.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੪. ਅਗ੍ਗਪ੍ਪਸਾਦਸੁਤ੍ਤਂ • 4. Aggappasādasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੪. ਅਗ੍ਗਪਸਾਦਸੁਤ੍ਤવਣ੍ਣਨਾ • 4. Aggapasādasuttavaṇṇanā
