| Library / Tipiṭaka / തിപിടക • Tipiṭaka / അങ്ഗുത്തരനികായ (അട്ഠകഥാ) • Aṅguttaranikāya (aṭṭhakathā) |
൪. പസാദസുത്തവണ്ണനാ
4. Pasādasuttavaṇṇanā
൩൪. ചതുത്ഥേ അഗ്ഗേസു പസാദാ, അഗ്ഗാ വാ പസാദാതി അഗ്ഗപ്പസാദാ. യാവതാതി യത്തകാ. അപദാതി നിപ്പദാ അഹിമച്ഛാദയോ. ദ്വിപദാതി മനുസ്സപക്ഖിആദയോ. ചതുപ്പദാതി ഹത്ഥിഅസ്സാദയോ. ബഹുപ്പദാതി സതപദിആദയോ. നേവസഞ്ഞിനാസഞ്ഞിനോതി ഭവഗ്ഗേ നിബ്ബത്തസത്താ. അഗ്ഗമക്ഖായതീതി ഗുണേഹി അഗ്ഗോ ഉത്തമോ സേട്ഠോതി അക്ഖായതി. അസങ്ഖതാതി നിബ്ബാനമേവ ഗഹേത്വാ വുത്തം. വിരാഗോതിആദീനി നിബ്ബാനസ്സേവ നാമാനി. തഞ്ഹി ആഗമ്മ സബ്ബകിലേസാ വിരജ്ജന്തി, സബ്ബേ രാഗമദാദയോ മദാ നിമ്മദാ ഹോന്തി, അഭാവം ഗച്ഛന്തി, സബ്ബാ പിപാസാ വിനയം ഉപേന്തി, സബ്ബേ ആലയാ സമുഗ്ഘാതം ഗച്ഛന്തി, വട്ടാനി ഉപച്ഛിജ്ജന്തി, തണ്ഹാ ഖീയന്തി, വട്ടദുക്ഖാ നിരുജ്ഝന്തി, സബ്ബേ പരിളാഹാ നിബ്ബായന്തി. തസ്മാ ഏതാനി നാമാനി ലഭതി. സേസമേത്ഥ ഉത്താനത്ഥമേവാതി.
34. Catutthe aggesu pasādā, aggā vā pasādāti aggappasādā. Yāvatāti yattakā. Apadāti nippadā ahimacchādayo. Dvipadāti manussapakkhiādayo. Catuppadāti hatthiassādayo. Bahuppadāti satapadiādayo. Nevasaññināsaññinoti bhavagge nibbattasattā. Aggamakkhāyatīti guṇehi aggo uttamo seṭṭhoti akkhāyati. Asaṅkhatāti nibbānameva gahetvā vuttaṃ. Virāgotiādīni nibbānasseva nāmāni. Tañhi āgamma sabbakilesā virajjanti, sabbe rāgamadādayo madā nimmadā honti, abhāvaṃ gacchanti, sabbā pipāsā vinayaṃ upenti, sabbe ālayā samugghātaṃ gacchanti, vaṭṭāni upacchijjanti, taṇhā khīyanti, vaṭṭadukkhā nirujjhanti, sabbe pariḷāhā nibbāyanti. Tasmā etāni nāmāni labhati. Sesamettha uttānatthamevāti.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / അങ്ഗുത്തരനികായ • Aṅguttaranikāya / ൪. അഗ്ഗപ്പസാദസുത്തം • 4. Aggappasādasuttaṃ
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / അങ്ഗുത്തരനികായ (ടീകാ) • Aṅguttaranikāya (ṭīkā) / ൪. അഗ്ഗപസാദസുത്തവണ്ണനാ • 4. Aggapasādasuttavaṇṇanā
