| Library / Tipiṭaka / д̇ибидага • Tipiṭaka / д̣̇ийгха нигааяа (адтагат̇аа) • Dīgha nikāya (aṭṭhakathā) |
6. баасаад̣̇игасуд̇д̇аван̣н̣анаа
6. Pāsādikasuttavaṇṇanā
ниг̇ан̣танаадабуд̇д̇агаалан̇гирияаван̣н̣анаа
Nigaṇṭhanāṭaputtakālaṅkiriyavaṇṇanā
164. звам̣ мз суд̇анд̇и баасаад̣̇игасуд̇д̇ам̣. д̇ад̇рааяамануд̇д̇аанабад̣̇аван̣н̣анаа – взд̇хан̃н̃аа наама сагяаад̇и д̇ханумхи гад̇асигкаа взд̇хан̃н̃анаамагаа згз сагяаа. д̇зсам̣ амб̣аванз баасаад̣̇зд̇и д̇зсам̣ амб̣аванз сиббам̣ уг̇г̇ан̣хад̇т̇ааяа гад̇о д̣̇ийгхабаасаад̣̇о ад̇т̇и, д̇ад̇т̇а вихарад̇и. ад̇хунаа гаалан̇гад̇од̇и самбад̇и гаалан̇гад̇о. д̣̇взд̇хигаж̇аад̇аад̇и д̣̇взж̇жхаж̇аад̇аа, д̣̇взбхааг̇аа ж̇аад̇аа. бхан̣д̣анаад̣̇ийсу бхан̣д̣анам̣ буб̣б̣абхааг̇агалахо, д̇ам̣ д̣̇ан̣д̣аад̣̇аанаад̣̇ивасзна бан̣н̣ад̇д̇ивийд̇иггамавасзна жа вад̣дхид̇ам̣ галахо. ‘‘на д̇вам̣ имам̣ д̇хаммавинаяам̣ ааж̇аанаасий’’д̇иаад̣̇инаа наязна вируд̣̇д̇хаважанам̣ виваад̣̇о. вид̇уд̣̇анд̇аад̇и виж̇жханд̇аа. сахид̇ам̣ мзд̇и мама важанам̣ ад̇т̇асан̃хид̇ам̣. ад̇хижин̣н̣ам̣ д̇з вибараавад̇д̇анд̇и яам̣ д̇ава ад̇хижин̣н̣ам̣ жирагаалаасзванавасзна баг̇ун̣ам̣, д̇ам̣ мама ваад̣̇ам̣ ааг̇амма нивад̇д̇ам̣. ааробид̇о д̇з ваад̣̇од̇и д̇уяхам̣ убари маяаа д̣̇осо ааробид̇о. жара ваад̣̇аббамогкааяаад̇и бхад̇д̇абудам̣ аад̣̇ааяа д̇ам̣ д̇ам̣ убасан̇гамид̇ваа ваад̣̇аббамогкад̇т̇ааяа уд̇д̇ари бариязсамаано вижара. ниб̣б̣зтзхи ваад̇и ат̇а ваа маяаа ааробид̇ад̣̇осад̇о ад̇д̇аанам̣ можзхи. сажз бахосийд̇и сажз саггоси. вад̇хоязваад̇и маран̣амзва. наадабуд̇д̇иязсууд̇и наадабуд̇д̇асса анд̇зваасигзсу. ниб̣б̣иннаруубаад̇и угган̣тид̇асабхааваа абхиваад̣̇анаад̣̇ийниби на гаронд̇и. вирад̇д̇аруубаад̇и виг̇ад̇абзмаа. бадиваанаруубаад̇и д̇зсам̣ саггажжагирияад̇о нивад̇д̇анасабхааваа. яат̇аа д̇анд̇и яат̇аа д̣̇урагкаад̇аад̣̇исабхаавз д̇хаммавинаяз ниб̣б̣иннавирад̇д̇аббадиваанаруубзхи бхавид̇аб̣б̣ам̣, д̇ат̇зва ж̇аад̇аад̇и ад̇т̇о. д̣̇урагкаад̇зд̇и д̣̇уггат̇ид̇з. д̣̇уббавзд̣̇ид̇зд̇и д̣̇увин̃н̃аабид̇з. анубасамасам̣вад̇д̇анигзд̇и рааг̇аад̣̇ийнам̣ убасамам̣ гаад̇ум̣ асамад̇т̇з. бхиннат̇уубзд̇и бхинд̣̇аббад̇идтз. зд̇т̇а хи наадабуд̇д̇ова нзсам̣ бад̇идтадтзна т̇уубо. со бана бхинно мад̇о. д̇зна вуд̇д̇ам̣ ‘‘бхиннат̇уубз’’д̇и. аббадисаран̣зд̇и д̇ассзва абхаавзна бадисаран̣авирахид̇з.
164.Evaṃme sutanti pāsādikasuttaṃ. Tatrāyamanuttānapadavaṇṇanā – vedhaññā nāma sakyāti dhanumhi katasikkhā vedhaññanāmakā eke sakyā. Tesaṃ ambavane pāsādeti tesaṃ ambavane sippaṃ uggaṇhatthāya kato dīghapāsādo atthi, tattha viharati. Adhunā kālaṅkatoti sampati kālaṅkato. Dvedhikajātāti dvejjhajātā, dvebhāgā jātā. Bhaṇḍanādīsu bhaṇḍanaṃ pubbabhāgakalaho, taṃ daṇḍādānādivasena paṇṇattivītikkamavasena ca vaḍḍhitaṃ kalaho. ‘‘Na tvaṃ imaṃ dhammavinayaṃ ājānāsī’’tiādinā nayena viruddhavacanaṃ vivādo. Vitudantāti vijjhantā. Sahitaṃ meti mama vacanaṃ atthasañhitaṃ. Adhiciṇṇaṃ te viparāvattanti yaṃ tava adhiciṇṇaṃ cirakālāsevanavasena paguṇaṃ, taṃ mama vādaṃ āgamma nivattaṃ. Āropito te vādoti tuyhaṃ upari mayā doso āropito. Cara vādappamokkhāyāti bhattapuṭaṃ ādāya taṃ taṃ upasaṅkamitvā vādappamokkhatthāya uttari pariyesamāno vicara. Nibbeṭhehi vāti atha vā mayā āropitadosato attānaṃ mocehi. Sace pahosīti sace sakkosi. Vadhoyevāti maraṇameva. Nāṭaputtiyesūti nāṭaputtassa antevāsikesu. Nibbinnarūpāti ukkaṇṭhitasabhāvā abhivādanādīnipi na karonti. Virattarūpāti vigatapemā. Paṭivānarūpāti tesaṃ sakkaccakiriyato nivattanasabhāvā. Yathā tanti yathā durakkhātādisabhāve dhammavinaye nibbinnavirattappaṭivānarūpehi bhavitabbaṃ, tatheva jātāti attho. Durakkhāteti dukkathite. Duppavediteti duviññāpite. Anupasamasaṃvattaniketi rāgādīnaṃ upasamaṃ kātuṃ asamatthe. Bhinnathūpeti bhindappatiṭṭhe. Ettha hi nāṭaputtova nesaṃ patiṭṭhaṭṭhena thūpo. So pana bhinno mato. Tena vuttaṃ ‘‘bhinnathūpe’’ti. Appaṭisaraṇeti tasseva abhāvena paṭisaraṇavirahite.
нану жааяам̣ наадабуд̇д̇о наал̣анд̣̇аваасиго, со гасмаа баавааяам̣ гаалан̇гад̇од̇и? со гира убаалинаа г̇ахабад̇инаа бадивид̣̇д̇хасажжзна д̣̇асахи г̇аат̇аахи бхаасид̇з б̣уд̣̇д̇хаг̇ун̣з суд̇ваа ун̣хам̣ лохид̇ам̣ чад̣д̣зси. ат̇а нам̣ апаасугам̣ г̇ахзд̇ваа баавам̣ аг̇амам̣су. со д̇ад̇т̇а гааламагааси. гаалам̣ гурумаано жа жинд̇зси – ‘‘мама лад̣̇д̇хи анияяаанигаа сааравирахид̇аа, маяам̣ д̇аава надтаа, авасзсаж̇аноби маа абааяабуураго ахоси, сажз банаахам̣ ‘мама саасанам̣ анияяаанига’нд̇и вагкаами, на сад̣̇д̣̇ахиссанд̇и, яам̣нуунаахам̣ д̣̇взби ж̇анз на зганийхаарзна уг̇г̇ан̣хаабзяяам̣, д̇з мамажжаязна ан̃н̃аман̃н̃ам̣ вивад̣̇иссанд̇и, сад̇т̇аа д̇ам̣ виваад̣̇ам̣ бадижжа згам̣ д̇хаммагат̇ам̣ гат̇зссад̇и, д̇ад̇о д̇з саасанасса маханд̇абхаавам̣ ж̇ааниссанд̇ий’’д̇и.
Nanu cāyaṃ nāṭaputto nāḷandavāsiko, so kasmā pāvāyaṃ kālaṅkatoti? So kira upālinā gahapatinā paṭividdhasaccena dasahi gāthāhi bhāsite buddhaguṇe sutvā uṇhaṃ lohitaṃ chaḍḍesi. Atha naṃ aphāsukaṃ gahetvā pāvaṃ agamaṃsu. So tattha kālamakāsi. Kālaṃ kurumāno ca cintesi – ‘‘mama laddhi aniyyānikā sāravirahitā, mayaṃ tāva naṭṭhā, avasesajanopi mā apāyapūrako ahosi, sace panāhaṃ ‘mama sāsanaṃ aniyyānika’nti vakkhāmi, na saddahissanti, yaṃnūnāhaṃ dvepi jane na ekanīhārena uggaṇhāpeyyaṃ, te mamaccayena aññamaññaṃ vivadissanti, satthā taṃ vivādaṃ paṭicca ekaṃ dhammakathaṃ kathessati, tato te sāsanassa mahantabhāvaṃ jānissantī’’ti.
ат̇а нам̣ зго анд̇зваасиго убасан̇гамид̇ваа ааха – ‘‘бханд̇з д̇умхз д̣̇уб̣б̣алаа, маяхамби имасмим̣ д̇хаммз саарам̣ аажигкат̇а, аажарияаббамаан̣а’’нд̇и. ‘‘аавусо, д̇вам̣ мамажжаязна сассад̇анд̇и г̇ан̣хзяяаасий’’д̇и. абароби убасан̇гами, д̇ам̣ ужчзд̣̇ам̣ г̇ан̣хаабзси. звам̣ д̣̇взби ж̇анз згалад̣̇д̇хигз агад̇ваа б̣ахуу наанаанийхаарзна уг̇г̇ан̣хаабзд̇ваа гааламагааси. д̇з д̇асса сарийрагижжам̣ гад̇ваа саннибад̇ид̇ваа ан̃н̃аман̃н̃ам̣ бужчим̣су – ‘‘гассаавусо, аажарияо саарам̣ аажигкий’’д̇и? зго удтахид̇ваа маяханд̇и ааха. гим̣ аажигкийд̇и? сассад̇анд̇и. абаро д̇ам̣ бадиб̣аахид̇ваа ‘‘маяхам̣ саарам̣ аажигкий’’д̇и ааха. звам̣ саб̣б̣з ‘‘маяхам̣ саарам̣ аажигки, ахам̣ ж̇здтаго’’д̇и ан̃н̃аман̃н̃ам̣ виваад̣̇ам̣ вад̣дхзд̇ваа аггосз жзва барибхаасз жа хад̇т̇абаад̣̇аббахаараад̣̇ийни жа бавад̇д̇зд̇ваа згамаг̇г̇зна д̣̇вз аг̇ажчанд̇аа наанаад̣̇исаасу баггамим̣су.
Atha naṃ eko antevāsiko upasaṅkamitvā āha – ‘‘bhante tumhe dubbalā, mayhampi imasmiṃ dhamme sāraṃ ācikkhatha, ācariyappamāṇa’’nti. ‘‘Āvuso, tvaṃ mamaccayena sassatanti gaṇheyyāsī’’ti. Aparopi upasaṅkami, taṃ ucchedaṃ gaṇhāpesi. Evaṃ dvepi jane ekaladdhike akatvā bahū nānānīhārena uggaṇhāpetvā kālamakāsi. Te tassa sarīrakiccaṃ katvā sannipatitvā aññamaññaṃ pucchiṃsu – ‘‘kassāvuso, ācariyo sāraṃ ācikkhī’’ti? Eko uṭṭhahitvā mayhanti āha. Kiṃ ācikkhīti? Sassatanti. Aparo taṃ paṭibāhitvā ‘‘mayhaṃ sāraṃ ācikkhī’’ti āha. Evaṃ sabbe ‘‘mayhaṃ sāraṃ ācikkhi, ahaṃ jeṭṭhako’’ti aññamaññaṃ vivādaṃ vaḍḍhetvā akkose ceva paribhāse ca hatthapādappahārādīni ca pavattetvā ekamaggena dve agacchantā nānādisāsu pakkamiṃsu.
165. ат̇а ко жунд̣̇о саман̣уд̣̇д̣̇зсод̇и аяам̣ т̇зро д̇хаммасзнаабад̇исса ганидтабхаад̇иго. д̇ам̣ бхигкуу анубасамбаннагаалз ‘‘жунд̣̇о саман̣уд̣̇д̣̇зсо’’д̇и самуд̣̇аажарид̇ваа т̇зрагаалзби д̇ат̇зва самуд̣̇аажарим̣су. д̇зна вуд̇д̇ам̣ – ‘‘жунд̣̇о саман̣уд̣̇д̣̇зсо’’д̇и.
165.Atha kho cundo samaṇuddesoti ayaṃ thero dhammasenāpatissa kaniṭṭhabhātiko. Taṃ bhikkhū anupasampannakāle ‘‘cundo samaṇuddeso’’ti samudācaritvā therakālepi tatheva samudācariṃsu. Tena vuttaṃ – ‘‘cundo samaṇuddeso’’ti.
‘‘баавааяам̣ вассам̣вудто язна саамаг̇аамо, язнааяасмаа аананд̣̇о д̇знубасан̇гамий’’д̇и гасмаа убасан̇гами? наадабуд̇д̇з гира гаалан̇гад̇з ж̇амб̣уд̣̇ийбз мануссаа д̇ад̇т̇а д̇ад̇т̇а гат̇ам̣ бавад̇д̇аяим̣су ‘‘ниг̇ан̣то наадабуд̇д̇о зго сад̇т̇аад̇и бан̃н̃ааяид̇т̇а, д̇асса гаалан̇гирияааяа саавагаанам̣ зваруубо виваад̣̇о ж̇аад̇о. саман̣о бана г̇од̇амо ж̇амб̣уд̣̇ийбз жанд̣̇о вияа суурияо вияа жа баагадо, саавагаабисса баагадааязва. гийд̣̇исо ну ко саман̣з г̇од̇амз бариниб̣б̣уд̇з саавагаанам̣ виваад̣̇о бхависсад̇ий’’д̇и . т̇зро д̇ам̣ гат̇ам̣ суд̇ваа жинд̇зси – ‘‘имам̣ гат̇ам̣ г̇ахзд̇ваа д̣̇асаб̣аласса аарожзссаами, сад̇т̇аа зд̇ам̣ адтуббад̇д̇им̣ гад̇ваа згам̣ д̣̇зсанам̣ гат̇зссад̇ий’’д̇и. со нигкамид̇ваа язна саамаг̇аамо, язнааяасмаа аананд̣̇о д̇знубасан̇гами.
‘‘Pāvāyaṃ vassaṃvuṭṭho yena sāmagāmo, yenāyasmā ānando tenupasaṅkamī’’ti kasmā upasaṅkami? Nāṭaputte kira kālaṅkate jambudīpe manussā tattha tattha kathaṃ pavattayiṃsu ‘‘nigaṇṭho nāṭaputto eko satthāti paññāyittha, tassa kālaṅkiriyāya sāvakānaṃ evarūpo vivādo jāto. Samaṇo pana gotamo jambudīpe cando viya sūriyo viya ca pākaṭo, sāvakāpissa pākaṭāyeva. Kīdiso nu kho samaṇe gotame parinibbute sāvakānaṃ vivādo bhavissatī’’ti . Thero taṃ kathaṃ sutvā cintesi – ‘‘imaṃ kathaṃ gahetvā dasabalassa ārocessāmi, satthā etaṃ aṭṭhuppattiṃ katvā ekaṃ desanaṃ kathessatī’’ti. So nikkhamitvā yena sāmagāmo, yenāyasmā ānando tenupasaṅkami.
саамаг̇аамод̇и саамаагаанам̣ уссаннад̇д̇аа д̇асса г̇аамасса наамам̣. язнааяасмаа аананд̣̇од̇и уж̇умзва бхаг̇авад̇о санд̇игам̣ аг̇анд̇ваа язнасса убаж̇жхааяо ааяасмаа аананд̣̇о д̇знубасан̇гами.
Sāmagāmoti sāmākānaṃ ussannattā tassa gāmassa nāmaṃ. Yenāyasmā ānandoti ujumeva bhagavato santikaṃ agantvā yenassa upajjhāyo āyasmā ānando tenupasaṅkami.
б̣уд̣̇д̇хагаалз гира саарибуд̇д̇ад̇т̇зро жа аананд̣̇ад̇т̇зро жа ан̃н̃аман̃н̃ам̣ мамааяим̣су. саарибуд̇д̇ад̇т̇зро ‘‘маяаа гаад̇аб̣б̣ам̣ сад̇т̇у убадтаанам̣ гарод̇ий’’д̇и аананд̣̇ад̇т̇зрам̣ мамааяи. аананд̣̇ад̇т̇зро ‘‘бхаг̇авад̇о саавагаанам̣ аг̇г̇о’’д̇и саарибуд̇д̇ад̇т̇зрам̣ мамааяи. гулад̣̇аарагз жа баб̣б̣ааж̇зд̇ваа саарибуд̇д̇ад̇т̇зрасса санд̇игз убаж̇жхам̣ г̇ан̣хаабзси. саарибуд̇д̇ад̇т̇зроби д̇ат̇зва агааси. звам̣ згамзгзна ад̇д̇ано бад̇д̇ажийварам̣ д̣̇ад̇ваа баб̣б̣ааж̇зд̇ваа убаж̇жхам̣ г̇ан̣хаабид̇аани бан̃жа бан̃жа бхигкусад̇аани ахзсум̣. ааяасмаа аананд̣̇о бан̣ийд̇аани жийвараад̣̇ийниби лабхид̇ваа т̇зрасса ад̣̇ааси.
Buddhakāle kira sāriputtatthero ca ānandatthero ca aññamaññaṃ mamāyiṃsu. Sāriputtatthero ‘‘mayā kātabbaṃ satthu upaṭṭhānaṃ karotī’’ti ānandattheraṃ mamāyi. Ānandatthero ‘‘bhagavato sāvakānaṃ aggo’’ti sāriputtattheraṃ mamāyi. Kuladārake ca pabbājetvā sāriputtattherassa santike upajjhaṃ gaṇhāpesi. Sāriputtattheropi tatheva akāsi. Evaṃ ekamekena attano pattacīvaraṃ datvā pabbājetvā upajjhaṃ gaṇhāpitāni pañca pañca bhikkhusatāni ahesuṃ. Āyasmā ānando paṇītāni cīvarādīnipi labhitvā therassa adāsi.
д̇хаммарад̇анабууж̇аа
Dhammaratanapūjā
зго гира б̣раахман̣о жинд̇зси – ‘‘б̣уд̣̇д̇харад̇анасса жа сан̇гхарад̇анасса жа бууж̇аа бан̃н̃ааяад̇и, гат̇ам̣ ну ко д̇хаммарад̇анам̣ бууж̇ид̇ам̣ ход̇ий’’д̇и? со бхаг̇аванд̇ам̣ убасан̇гамид̇ваа зд̇амад̇т̇ам̣ бужчи. бхаг̇аваа ааха – ‘‘сажзби б̣раахман̣а д̇хаммарад̇анам̣ бууж̇зд̇угаамо, згам̣ б̣ахуссуд̇ам̣ бууж̇зхий’’д̇и. б̣ахуссуд̇ам̣, бханд̇з, аажигкат̇аад̇и. бхигкусан̇гхам̣ бужчаад̇и. со бхигкусан̇гхам̣ убасан̇гамид̇ваа ‘‘б̣ахуссуд̇ам̣, бханд̇з, аажигкат̇аа’’д̇и ааха. аананд̣̇ад̇т̇зро б̣раахман̣аад̇и. б̣раахман̣о т̇зрам̣ сахассаг̇гханигзна д̇ижийварзна бууж̇зси. т̇зро д̇ам̣ г̇ахзд̇ваа бхаг̇авад̇о санд̇игам̣ аг̇амааси. бхаг̇аваа ‘‘гуд̇о, аананд̣̇а, лад̣̇д̇ха’’нд̇и ааха? згзна, бханд̇з, б̣раахман̣зна д̣̇иннам̣, ид̣̇ам̣ банаахам̣ ааяасмад̇о саарибуд̇д̇асса д̣̇аад̇угаамод̇и. д̣̇зхи, аананд̣̇аад̇и. жааригам̣ багганд̇о бханд̇зд̇и. ааг̇ад̇агаалз д̣̇зхийд̇и, сигкаабад̣̇ам̣ бханд̇з, бан̃н̃ад̇д̇анд̇и. гад̣̇аа бана саарибуд̇д̇о ааг̇амиссад̇ийд̇и? д̣̇асаахамад̇д̇зна бханд̇зд̇и. ‘‘ануж̇аанаами, аананд̣̇а, д̣̇асаахабарамам̣ ад̇ирзгажийварам̣ нигкибид̇у’’нд̇и сигкаабад̣̇ам̣ бан̃н̃аабзси.
Eko kira brāhmaṇo cintesi – ‘‘buddharatanassa ca saṅgharatanassa ca pūjā paññāyati, kathaṃ nu kho dhammaratanaṃ pūjitaṃ hotī’’ti? So bhagavantaṃ upasaṅkamitvā etamatthaṃ pucchi. Bhagavā āha – ‘‘sacepi brāhmaṇa dhammaratanaṃ pūjetukāmo, ekaṃ bahussutaṃ pūjehī’’ti. Bahussutaṃ, bhante, ācikkhathāti. Bhikkhusaṅghaṃ pucchāti. So bhikkhusaṅghaṃ upasaṅkamitvā ‘‘bahussutaṃ, bhante, ācikkhathā’’ti āha. Ānandatthero brāhmaṇāti. Brāhmaṇo theraṃ sahassagghanikena ticīvarena pūjesi. Thero taṃ gahetvā bhagavato santikaṃ agamāsi. Bhagavā ‘‘kuto, ānanda, laddha’’nti āha? Ekena, bhante, brāhmaṇena dinnaṃ, idaṃ panāhaṃ āyasmato sāriputtassa dātukāmoti. Dehi, ānandāti. Cārikaṃ pakkanto bhanteti. Āgatakāle dehīti, sikkhāpadaṃ bhante, paññattanti. Kadā pana sāriputto āgamissatīti? Dasāhamattena bhanteti. ‘‘Anujānāmi, ānanda, dasāhaparamaṃ atirekacīvaraṃ nikkhipitu’’nti sikkhāpadaṃ paññāpesi.
саарибуд̇д̇ад̇т̇зроби д̇ат̇зва яам̣гин̃жи манаабам̣ лабхад̇и, д̇ам̣ аананд̣̇ад̇т̇зрасса д̣̇зд̇и. со имамби ад̇д̇ано ганидтабхаад̇игам̣ т̇зрассзва сад̣̇д̇хивихааригам̣ ад̣̇ааси. д̇зна вуд̇д̇ам̣ – ‘‘язнасса убаж̇жхааяо ааяасмаа аананд̣̇о д̇знубасан̇гамий’’д̇и. звам̣ гирасса ахоси – ‘‘убаж̇жхааяо мз махаабан̃н̃о, со имам̣ гат̇ам̣ сад̇т̇у аарожзссад̇и, ат̇а сад̇т̇аа д̇ад̣̇ануруубам̣ д̇хаммам̣ д̣̇зсзссад̇ий’’д̇и. гат̇аабаабхад̇анд̇и гат̇ааяа муулам̣. муулан̃хи ‘‘баабхад̇а’’нд̇и вужжад̇и. яат̇ааха –
Sāriputtattheropi tatheva yaṃkiñci manāpaṃ labhati, taṃ ānandattherassa deti. So imampi attano kaniṭṭhabhātikaṃ therasseva saddhivihārikaṃ adāsi. Tena vuttaṃ – ‘‘yenassa upajjhāyo āyasmā ānando tenupasaṅkamī’’ti. Evaṃ kirassa ahosi – ‘‘upajjhāyo me mahāpañño, so imaṃ kathaṃ satthu ārocessati, atha satthā tadanurūpaṃ dhammaṃ desessatī’’ti. Kathāpābhatanti kathāya mūlaṃ. Mūlañhi ‘‘pābhata’’nti vuccati. Yathāha –
‘‘аббагзнааби мзд̇хаавий, баабхад̇зна вижагкан̣о;
‘‘Appakenāpi medhāvī, pābhatena vicakkhaṇo;
самудтаабзд̇и ад̇д̇аанам̣, ан̣ум̣ аг̇г̇им̣ва санд̇хама’’нд̇и. (ж̇аа. 1.1.4);
Samuṭṭhāpeti attānaṃ, aṇuṃ aggiṃva sandhama’’nti. (jā. 1.1.4);
бхаг̇аванд̇ам̣ д̣̇ассанааяаад̇и бхаг̇аванд̇ам̣ д̣̇ассанад̇т̇ааяа. гим̣ банаанзна бхаг̇аваа на д̣̇идтабуб̣б̣од̇и? но на д̣̇идтабуб̣б̣о. аяан̃хи ааяасмаа д̣̇иваа нава ваарз, рад̇д̇им̣ нава ваарзд̇и згаахам̣ адтаараса ваарз убадтаанамзва г̇ажчад̇и. д̣̇ивасасса бана сад̇аваарам̣ ваа сахассаваарам̣ ваа г̇анд̇угаамо самааноби на агааран̣аа г̇ажчад̇и, згам̣ бан̃худ̣̇д̇хаарам̣ г̇ахзд̇ваава г̇ажчад̇и. со д̇ам̣ д̣̇ивасам̣ д̇зна гат̇аабаабхад̇зна г̇анд̇угаамо звамааха.
Bhagavantaṃ dassanāyāti bhagavantaṃ dassanatthāya. Kiṃ panānena bhagavā na diṭṭhapubboti? No na diṭṭhapubbo. Ayañhi āyasmā divā nava vāre, rattiṃ nava vāreti ekāhaṃ aṭṭhārasa vāre upaṭṭhānameva gacchati. Divasassa pana satavāraṃ vā sahassavāraṃ vā gantukāmo samānopi na akāraṇā gacchati, ekaṃ pañhuddhāraṃ gahetvāva gacchati. So taṃ divasaṃ tena kathāpābhatena gantukāmo evamāha.
асаммаасамб̣уд̣̇д̇хаббавзд̣̇ид̇ад̇хаммавинаяаван̣н̣анаа
Asammāsambuddhappaveditadhammavinayavaṇṇanā
166. зван̃хзд̇ам̣, жунд̣̇а, ход̇ийд̇и бхаг̇аваа аананд̣̇ад̇т̇зрзна аарожид̇зби яасмаа на аананд̣̇ад̇т̇зро имиссаа гат̇ааяа саамиго, жунд̣̇ад̇т̇зро бана саамиго. сова д̇ассаа аад̣̇имаж̇жхабарияосаанам̣ ж̇аанаад̇и. д̇асмаа бхаг̇аваа д̇зна сад̣̇д̇хим̣ гат̇знд̇о ‘‘зван̃хзд̇ам̣, жунд̣̇а, ход̇ий’’д̇иаад̣̇имааха . д̇ассад̇т̇о – жунд̣̇а зван̃хзд̇ам̣ ход̇и д̣̇урагкаад̇аад̣̇исабхаавз д̇хаммавинаяз саавагаа д̣̇взд̇хигаж̇аад̇аа бхан̣д̣анаад̣̇ийни гад̇ваа мукасад̇д̇ийхи вид̇уд̣̇анд̇аа вихаранд̇и.
166.Evañhetaṃ, cunda, hotīti bhagavā ānandattherena ārocitepi yasmā na ānandatthero imissā kathāya sāmiko, cundatthero pana sāmiko. Sova tassā ādimajjhapariyosānaṃ jānāti. Tasmā bhagavā tena saddhiṃ kathento ‘‘evañhetaṃ, cunda, hotī’’tiādimāha . Tassattho – cunda evañhetaṃ hoti durakkhātādisabhāve dhammavinaye sāvakā dvedhikajātā bhaṇḍanādīni katvā mukhasattīhi vitudantā viharanti.
ид̣̇аани яасмаа анияяаанигасаасанзнзва нияяаанигасаасанам̣ баагадам̣ ход̇и, д̇асмаа аад̣̇ид̇о анияяаанигасаасанамзва д̣̇ассзнд̇о ид̇ха жунд̣̇а сад̇т̇аа жа ход̇и асаммаасамб̣уд̣̇д̇ход̇иаад̣̇имааха. д̇ад̇т̇а воггамма жа д̇амхаа д̇хаммаа вад̇д̇ад̇ийд̇и на ниранд̇арам̣ буурзд̇и, оггамид̇ваа оггамид̇ваа анд̇аранд̇арам̣ гад̇ваа вад̇д̇ад̇ийд̇и ад̇т̇о. д̇асса д̇з, аавусо, лаабхаад̇и д̇асса д̇уяхам̣ зд̇з д̇хаммаануд̇хаммаббадибад̇д̇иаад̣̇аяо лаабхаа. сулад̣̇д̇ханд̇и мануссад̇д̇амби д̇з сулад̣̇д̇хам̣. д̇ат̇аа бадибаж̇ж̇ад̇ууд̇и звам̣ бадибаж̇ж̇ад̇у. яат̇аа д̇з сад̇т̇аараа д̇хаммо д̣̇зсид̇од̇и язна д̇з аагаарзна сад̇т̇аараа д̇хаммо гат̇ид̇о. яо жа самаад̣̇абзд̇ийд̇и яо жа аажарияо самаад̣̇абзд̇и. яан̃жа самаад̣̇абзд̇ийд̇и яам̣ анд̇зваасим̣ самаад̣̇абзд̇и. яо жа самаад̣̇абид̇од̇и яо жа звам̣ самаад̣̇абид̇о анд̇зваасиго. яат̇аа аажариязна самаад̣̇абид̇ам̣, д̇ат̇ад̇т̇ааяа бадибаж̇ж̇ад̇и. саб̣б̣з д̇зд̇и д̇аяоби д̇з. зд̇т̇а хи аажарияо самаад̣̇абид̇ад̇д̇аа абун̃н̃ам̣ басавад̇и, самаад̣̇иннанд̇зваасиго самаад̣̇иннад̇д̇аа, бадибаннаго бадибаннад̇д̇аа. д̇зна вуд̇д̇ам̣ – ‘‘саб̣б̣з д̇з б̣ахум̣ абун̃н̃ам̣ басаванд̇ий’’д̇и. зд̇знубааязна саб̣б̣аваарзсу ад̇т̇о взд̣̇ид̇аб̣б̣о.
Idāni yasmā aniyyānikasāsaneneva niyyānikasāsanaṃ pākaṭaṃ hoti, tasmā ādito aniyyānikasāsanameva dassento idha cunda satthā ca hoti asammāsambuddhotiādimāha. Tattha vokkamma ca tamhā dhammā vattatīti na nirantaraṃ pūreti, okkamitvā okkamitvā antarantaraṃ katvā vattatīti attho. Tassa te, āvuso, lābhāti tassa tuyhaṃ ete dhammānudhammappaṭipattiādayo lābhā. Suladdhanti manussattampi te suladdhaṃ. Tathā paṭipajjatūti evaṃ paṭipajjatu. Yathā te satthārā dhammo desitoti yena te ākārena satthārā dhammo kathito. Yo ca samādapetīti yo ca ācariyo samādapeti. Yañca samādapetīti yaṃ antevāsiṃ samādapeti. Yo ca samādapitoti yo ca evaṃ samādapito antevāsiko. Yathā ācariyena samādapitaṃ, tathatthāya paṭipajjati. Sabbe teti tayopi te. Ettha hi ācariyo samādapitattā apuññaṃ pasavati, samādinnantevāsiko samādinnattā, paṭipannako paṭipannattā. Tena vuttaṃ – ‘‘sabbe te bahuṃ apuññaṃ pasavantī’’ti. Etenupāyena sabbavāresu attho veditabbo.
167. абижзд̇т̇а н̃ааяаббадибаннод̇и гааран̣аббадибанно. н̃ааяамаараад̇хзссад̇ийд̇и гааран̣ам̣ нибпаад̣̇зссад̇и. вийрияам̣ аарабхад̇ийд̇и ад̇д̇ано д̣̇угканиб̣б̣ад̇д̇агам̣ вийрияам̣ гарод̇и. вуд̇д̇ан̃хзд̇ам̣ ‘‘д̣̇урагкаад̇з, бхигкавз, д̇хаммавинаяз яо аарад̣̇д̇хавийрияо, со д̣̇угкам̣ вихарад̇и. яо гусийд̇о, со сукам̣ вихарад̇ий’’д̇и (а. ни. 1.318).
167. Apicettha ñāyappaṭipannoti kāraṇappaṭipanno. Ñāyamārādhessatīti kāraṇaṃ nipphādessati. Vīriyaṃ ārabhatīti attano dukkhanibbattakaṃ vīriyaṃ karoti. Vuttañhetaṃ ‘‘durakkhāte, bhikkhave, dhammavinaye yo āraddhavīriyo, so dukkhaṃ viharati. Yo kusīto, so sukhaṃ viharatī’’ti (a. ni. 1.318).
саммаасамб̣уд̣̇д̇хаббавзд̣̇ид̇ад̇хаммавинаяаад̣̇иван̣н̣анаа
Sammāsambuddhappaveditadhammavinayādivaṇṇanā
168. звам̣ анияяаанигасаасанам̣ д̣̇ассзд̇ваа ид̣̇аани нияяаанигасаасанам̣ д̣̇ассзнд̇о ид̇ха бана, жунд̣̇а, сад̇т̇аа жа ход̇и саммаасамб̣уд̣̇д̇ход̇иаад̣̇имааха. д̇ад̇т̇а нияяаанигод̇и маг̇г̇ад̇т̇ааяа палад̇т̇ааяа жа нияяаад̇и.
168. Evaṃ aniyyānikasāsanaṃ dassetvā idāni niyyānikasāsanaṃ dassento idha pana, cunda, satthā ca hoti sammāsambuddhotiādimāha. Tattha niyyānikoti maggatthāya phalatthāya ca niyyāti.
169. вийрияам̣ аарабхад̇ийд̇и ад̇д̇ано суканибпаад̣̇агам̣ вийрияам̣ аарабхад̇и. вуд̇д̇ан̃хзд̇ам̣ ‘‘сваагкаад̇з, бхигкавз, д̇хаммавинаяз яо гусийд̇о, со д̣̇угкам̣ вихарад̇и. яо аарад̣̇д̇хавийрияо, со сукам̣ вихарад̇ий’’д̇и (а. ни. 1.319).
169.Vīriyaṃ ārabhatīti attano sukhanipphādakaṃ vīriyaṃ ārabhati. Vuttañhetaṃ ‘‘svākkhāte, bhikkhave, dhammavinaye yo kusīto, so dukkhaṃ viharati. Yo āraddhavīriyo, so sukhaṃ viharatī’’ti (a. ni. 1.319).
170. ид̇и бхаг̇аваа нияяаанигасаасанз саммаабадибаннасса гулабуд̇д̇асса басам̣сам̣ д̣̇ассзд̇ваа буна д̣̇зсанам̣ вад̣дхзнд̇о ид̇ха, жунд̣̇а, сад̇т̇аа жа логз уд̣̇абаад̣̇ийд̇иаад̣̇имааха. д̇ад̇т̇а авин̃н̃аабид̇ад̇т̇аад̇и аб̣од̇хид̇ад̇т̇аа. саб̣б̣асан̇г̇аахабад̣̇агад̇анд̇и саб̣б̣асан̇г̇ахабад̣̇зхи гад̇ам̣, саб̣б̣асан̇г̇аахигам̣ гад̇ам̣ на ход̇ийд̇и ад̇т̇о. ‘‘саб̣б̣асан̇г̇аахабад̣̇аг̇ад̇а’’нд̇иби баато, на саб̣б̣асан̇г̇аахабад̣̇зсу г̇ад̇ам̣, на згасан̇г̇ахаж̇аад̇анд̇и ад̇т̇о. саббаадихийрагад̇анд̇и нияяаанигам̣. яаава д̣̇звамануссзхийд̇и д̣̇звалогад̇о яаава мануссалогаа суббагаасид̇ам̣. ануд̇аббо ход̇ийд̇и ануд̇аабагаро ход̇и. сад̇т̇аа жа но логзд̇и ид̣̇ам̣ д̇зсам̣ ануд̇аабагаарад̣̇ассанад̇т̇ам̣ вуд̇д̇ам̣. наануд̇аббо ход̇ийд̇и сад̇т̇аарам̣ ааг̇амма саавагзхи яам̣ бад̇д̇аб̣б̣ам̣, д̇асса бад̇д̇ад̇д̇аа ануд̇аабагаро на ход̇и.
170. Iti bhagavā niyyānikasāsane sammāpaṭipannassa kulaputtassa pasaṃsaṃ dassetvā puna desanaṃ vaḍḍhento idha, cunda, satthā ca loke udapādītiādimāha. Tattha aviññāpitatthāti abodhitatthā. Sabbasaṅgāhapadakatanti sabbasaṅgahapadehi kataṃ, sabbasaṅgāhikaṃ kataṃ na hotīti attho. ‘‘Sabbasaṅgāhapadagata’’ntipi pāṭho, na sabbasaṅgāhapadesu gataṃ, na ekasaṅgahajātanti attho. Sappāṭihīrakatanti niyyānikaṃ. Yāvadevamanussehīti devalokato yāva manussalokā suppakāsitaṃ. Anutappo hotīti anutāpakaro hoti. Satthā ca no loketi idaṃ tesaṃ anutāpakāradassanatthaṃ vuttaṃ. Nānutappo hotīti satthāraṃ āgamma sāvakehi yaṃ pattabbaṃ, tassa pattattā anutāpakaro na hoti.
172. т̇зрод̇и т̇иро т̇зрагаарагзхи д̇хаммзхи саманнааг̇ад̇о. ‘‘рад̇д̇ан̃н̃уу’’д̇иаад̣̇ийни вуд̇д̇ад̇т̇аанзва. зд̇зхи жз бийд̇и зд̇зхи хздтаа вуд̇д̇зхи.
172.Theroti thiro therakārakehi dhammehi samannāgato. ‘‘Rattaññū’’tiādīni vuttatthāneva. Etehi ce pīti etehi heṭṭhā vuttehi.
173. бад̇д̇аяог̇агкзмаад̇и жад̇уухи яог̇зхи кзмад̇д̇аа арахад̇д̇ам̣ ид̇ха яог̇агкзмам̣ наама, д̇ам̣ бад̇д̇аад̇и ад̇т̇о. алам̣ самагкаад̇ум̣ сад̣̇д̇хаммассаад̇и саммукаа г̇ахид̇ад̇д̇аа асса сад̣̇д̇хаммам̣ саммаа аажигкид̇ум̣ самад̇т̇аа.
173.Pattayogakkhemāti catūhi yogehi khemattā arahattaṃ idha yogakkhemaṃ nāma, taṃ pattāti attho. Alaṃ samakkhātuṃ saddhammassāti sammukhā gahitattā assa saddhammaṃ sammā ācikkhituṃ samatthā.
174. б̣рахмажааринод̇и б̣рахмажарияаваасам̣ васамаанаа арияасаавагаа. гаамабхог̇инод̇и г̇ихисод̇аабаннаа. ‘‘ид̣̇д̇хан̃жзваа’’д̇иаад̣̇ийни махаабариниб̣б̣аанз вид̇т̇аарид̇аанзва. лаабхаг̇г̇аяасаг̇г̇абад̇д̇анд̇и лаабхаг̇г̇ан̃жзва яасаг̇г̇ан̃жа бад̇д̇ам̣.
174.Brahmacārinoti brahmacariyavāsaṃ vasamānā ariyasāvakā. Kāmabhoginoti gihisotāpannā. ‘‘Iddhañcevā’’tiādīni mahāparinibbāne vitthāritāneva. Lābhaggayasaggapattanti lābhaggañceva yasaggañca pattaṃ.
175. санд̇и ко бана мз, жунд̣̇а, зд̇арахи т̇зраа бхигкуу саавагаад̇и саарибуд̇д̇амог̇г̇аллаанаад̣̇аяо т̇зраа. бхигкунияод̇и кзмаат̇зрийуббалаван̣н̣ат̇зрийаад̣̇аяо. убаасагаа саавагаа г̇ихий од̣̇аад̇авад̇т̇авасанаа б̣рахмажааринод̇и жид̇д̇аг̇ахабад̇ихад̇т̇агааал̣авагаад̣̇аяо. гаамабхог̇инод̇и жуул̣аанаат̇абин̣д̣игамахааанаат̇абин̣д̣игаад̣̇аяо. б̣рахмажааринияод̇и нанд̣̇амаад̇аад̣̇аяо. гаамабхог̇инияод̇и куж̇ж̇уд̇д̇араад̣̇аяо.
175.Santi kho pana me, cunda, etarahi therā bhikkhū sāvakāti sāriputtamoggallānādayo therā. Bhikkhuniyoti khemātherīuppalavaṇṇatherīādayo. Upāsakā sāvakā gihī odātavatthavasanā brahmacārinoti cittagahapatihatthakaāḷavakādayo. Kāmabhoginoti cūḷaanāthapiṇḍikamahāanāthapiṇḍikādayo. Brahmacāriniyoti nandamātādayo. Kāmabhoginiyoti khujjuttarādayo.
176. саб̣б̣аагаарасамбаннанд̇и саб̣б̣агааран̣асамбаннам̣. ид̣̇амзва д̇анд̇и ид̣̇амзва б̣рахмажарияам̣, имамзва д̇хаммам̣ саммаа хзд̇унаа наязна вад̣̇амаано вад̣̇зяяа. уд̣̇агаассуд̣̇анд̇и уд̣̇аго суд̣̇ам̣. бассам̣ на бассад̇ийд̇и бассанд̇о на бассад̇и. со гира имам̣ бан̃хам̣ махааж̇анам̣ бужчи. д̇зхи ‘‘на ж̇аанаама, аажарияа, гат̇зхи но’’д̇и вуд̇д̇о со ааха – ‘‘г̇амбхийро аяам̣ бан̃хо аахаарасаббааяз сад̇и т̇огам̣ жинд̇зд̇ваа саггаа гат̇зд̇у’’нд̇и. д̇ад̇о д̇зхи жад̇д̇ааро маасз махаасаггаарз гад̇з д̇ам̣ бан̃хам̣ гат̇знд̇о гин̃жа бассам̣ на бассад̇ийд̇иаад̣̇имааха. д̇ад̇т̇а саад̇хунисид̇ассаад̇и судтунисид̇асса д̇икин̣асса, сунисид̇акурасса гира д̇алам̣ бан̃н̃ааяад̇и, д̇хаараа на бан̃н̃ааяад̇ийд̇и аяамзд̇т̇а ад̇т̇о.
176.Sabbākārasampannanti sabbakāraṇasampannaṃ. Idamevatanti idameva brahmacariyaṃ, imameva dhammaṃ sammā hetunā nayena vadamāno vadeyya. Udakāssudanti udako sudaṃ. Passaṃ na passatīti passanto na passati. So kira imaṃ pañhaṃ mahājanaṃ pucchi. Tehi ‘‘na jānāma, ācariya, kathehi no’’ti vutto so āha – ‘‘gambhīro ayaṃ pañho āhārasappāye sati thokaṃ cintetvā sakkā kathetu’’nti. Tato tehi cattāro māse mahāsakkāre kate taṃ pañhaṃ kathento kiñca passaṃ na passatītiādimāha. Tattha sādhunisitassāti suṭṭhunisitassa tikhiṇassa, sunisitakhurassa kira talaṃ paññāyati, dhārā na paññāyatīti ayamettha attho.
сан̇г̇ааяид̇аб̣б̣ад̇хаммаад̣̇иван̣н̣анаа
Saṅgāyitabbadhammādivaṇṇanā
177. сан̇г̇амма самааг̇аммаад̇и сан̇г̇анд̇ваа самааг̇анд̇ваа. ад̇т̇зна ад̇т̇ам̣, б̣яан̃ж̇анзна б̣яан̃ж̇ананд̇и ад̇т̇зна саха ад̇т̇ам̣, б̣яан̃ж̇анзнаби саха б̣яан̃ж̇анам̣ самаанзнд̇зхийд̇и ад̇т̇о. сан̇г̇ааяид̇аб̣б̣анд̇и ваажзд̇аб̣б̣ам̣ саж̇жхааяид̇аб̣б̣ам̣. яат̇аяид̣̇ам̣ б̣рахмажарияанд̇и яат̇аа ид̣̇ам̣ сагалам̣ саасанаб̣рахмажарияам̣.
177.Saṅgamma samāgammāti saṅgantvā samāgantvā. Atthena atthaṃ, byañjanena byañjananti atthena saha atthaṃ, byañjanenapi saha byañjanaṃ samānentehīti attho. Saṅgāyitabbanti vācetabbaṃ sajjhāyitabbaṃ. Yathayidaṃ brahmacariyanti yathā idaṃ sakalaṃ sāsanabrahmacariyaṃ.
178. д̇ад̇ра жзд̇и д̇ад̇ра сан̇гхамаж̇жхз, д̇асса ваа бхаасид̇з. ад̇т̇ан̃жзва мижчаа г̇ан̣хаад̇и, б̣яан̃ж̇анаани жа мижчаа робзд̇ийд̇и ‘‘жад̇д̇ааро сад̇ибадтаанаа’’д̇и зд̇т̇а аарамман̣ам̣ ‘‘сад̇ибадтаана’’нд̇и ад̇т̇ам̣ г̇ан̣хаад̇и. ‘‘сад̇ибадтаанааний’’д̇и б̣яан̃ж̇анам̣ робзд̇и. имасса ну ко, аавусо, ад̇т̇ассаад̇и ‘‘сад̇иязва сад̇ибадтаана’’нд̇и. ад̇т̇асса ‘‘жад̇д̇ааро сад̇ибадтаанаа’’д̇и гим̣ ну ко имаани б̣яан̃ж̇анаани, уд̣̇ааху жад̇д̇аари сад̇ибадтаанааний’’д̇и зд̇аани ваа б̣яан̃ж̇анаани. гад̇амаани обааяигад̇араанийд̇и имасса ад̇т̇асса гад̇амаани б̣яан̃ж̇анаани убабаннад̇араани аллийнад̇араани. имзсан̃жа б̣яан̃ж̇анаананд̇и ‘‘жад̇д̇ааро сад̇ибадтаанаа’’д̇и б̣яан̃ж̇анаанам̣ ‘‘сад̇иязва сад̇ибадтаана’’нд̇и гим̣ ну ко аяам̣ ад̇т̇о, уд̣̇ааху ‘‘аарамман̣ам̣ сад̇ибадтаана’’нд̇и зсо ад̇т̇од̇и? имасса ко, аавусо, ад̇т̇ассаад̇и ‘‘аарамман̣ам̣ сад̇ибадтаана’’нд̇и имасса ад̇т̇асса. яаа жзва зд̇аанийд̇и яаани жзва зд̇аани маяаа вуд̇д̇аани. яаа жзва зсод̇и яо жзва зса маяаа вуд̇д̇о. со нзва уссаад̣̇зд̇аб̣б̣од̇и д̇умхзхи д̇аава саммаа ад̇т̇з жа саммаа б̣яан̃ж̇анз жа таад̇аб̣б̣ам̣. со бана нзва уссаад̣̇зд̇аб̣б̣о, на абасаад̣̇зд̇аб̣б̣о. сан̃н̃аабзд̇аб̣б̣од̇и ж̇аанаабзд̇аб̣б̣о. д̇асса жа ад̇т̇ассаад̇и ‘‘сад̇иязва сад̇ибадтаана’’нд̇и ад̇т̇асса жа. д̇зсан̃жа б̣яан̃ж̇анаананд̇и ‘‘сад̇ибадтаанаа’’д̇и б̣яан̃ж̇анаанам̣. нисанд̇ияаад̇и нисааманад̇т̇ам̣ д̇хааран̣ад̇т̇ам̣. иминаа наязна саб̣б̣аваарзсу ад̇т̇о взд̣̇ид̇аб̣б̣о.
178.Tatra ceti tatra saṅghamajjhe, tassa vā bhāsite. Atthañceva micchā gaṇhāti, byañjanāni ca micchā ropetīti ‘‘cattāro satipaṭṭhānā’’ti ettha ārammaṇaṃ ‘‘satipaṭṭhāna’’nti atthaṃ gaṇhāti. ‘‘Satipaṭṭhānānī’’ti byañjanaṃ ropeti. Imassa nu kho, āvuso, atthassāti ‘‘satiyeva satipaṭṭhāna’’nti. Atthassa ‘‘cattāro satipaṭṭhānā’’ti kiṃ nu kho imāni byañjanāni, udāhu cattāri satipaṭṭhānānī’’ti etāni vā byañjanāni. Katamāni opāyikatarānīti imassa atthassa katamāni byañjanāni upapannatarāni allīnatarāni. Imesañcabyañjanānanti ‘‘cattāro satipaṭṭhānā’’ti byañjanānaṃ ‘‘satiyeva satipaṭṭhāna’’nti kiṃ nu kho ayaṃ attho, udāhu ‘‘ārammaṇaṃ satipaṭṭhāna’’nti eso atthoti? Imassa kho, āvuso, atthassāti ‘‘ārammaṇaṃ satipaṭṭhāna’’nti imassa atthassa. Yā ceva etānīti yāni ceva etāni mayā vuttāni. Yā ceva esoti yo ceva esa mayā vutto. So neva ussādetabboti tumhehi tāva sammā atthe ca sammā byañjane ca ṭhātabbaṃ. So pana neva ussādetabbo, na apasādetabbo. Saññāpetabboti jānāpetabbo. Tassa ca atthassāti ‘‘satiyeva satipaṭṭhāna’’nti atthassa ca. Tesañca byañjanānanti ‘‘satipaṭṭhānā’’ti byañjanānaṃ. Nisantiyāti nisāmanatthaṃ dhāraṇatthaṃ. Iminā nayena sabbavāresu attho veditabbo.
181. д̇аад̣̇исанд̇и д̇умхаад̣̇исам̣. ад̇т̇убзд̇анд̇и ад̇т̇зна убзд̇ам̣ ад̇т̇асса вин̃н̃аад̇аарам̣. б̣яан̃ж̇анубзд̇анд̇и б̣яан̃ж̇анзхи убзд̇ам̣ б̣яан̃ж̇анаанам̣ вин̃н̃аад̇аарам̣. звам̣ зд̇ам̣ бхигкум̣ басам̣сат̇а. зсо хи бхигку на д̇умхаагам̣ сааваго наама, б̣уд̣̇д̇хо наама зса жунд̣̇аад̇и. ид̇и бхаг̇аваа б̣ахуссуд̇ам̣ бхигкум̣ ад̇д̇ано таанз табзси.
181.Tādisanti tumhādisaṃ. Atthupetanti atthena upetaṃ atthassa viññātāraṃ. Byañjanupetanti byañjanehi upetaṃ byañjanānaṃ viññātāraṃ. Evaṃ etaṃ bhikkhuṃ pasaṃsatha. Eso hi bhikkhu na tumhākaṃ sāvako nāma, buddho nāma esa cundāti. Iti bhagavā bahussutaṃ bhikkhuṃ attano ṭhāne ṭhapesi.
бажжаяаанун̃н̃аад̇агааран̣аад̣̇иван̣н̣анаа
Paccayānuññātakāraṇādivaṇṇanā
182. ид̣̇аани д̇ад̇оби уд̇д̇арид̇арам̣ д̣̇зсанам̣ вад̣дхзнд̇о на во ахам̣, жунд̣̇аад̇иаад̣̇имааха. д̇ад̇т̇а д̣̇идтад̇хаммигаа аасаваа наама ид̇халогз бажжаяахзд̇у уббаж̇ж̇анагаа аасаваа. самбарааяигаа аасаваа наама баралогз бхан̣д̣анахзд̇у уббаж̇ж̇анагаа аасаваа. сам̣варааяаад̇и яат̇аа д̇з на бависанд̇и, звам̣ бид̣̇аханааяа. бадигхаад̇ааяаад̇и муулагхаад̇зна бадихананааяа. алам̣ во д̇ам̣ яаавад̣̇зва сийд̇асса бадигхаад̇ааяаад̇и д̇ам̣ д̇умхаагам̣ сийд̇асса бадигхаад̇ааяа самад̇т̇ам̣. ид̣̇ам̣ вуд̇д̇ам̣ ход̇и, яам̣ во маяаа жийварам̣ анун̃н̃аад̇ам̣, д̇ам̣ баарубид̇ваа д̣̇аббам̣ ваа маанам̣ ваа гурумаанаа вихариссат̇аад̇и на анун̃н̃аад̇ам̣, д̇ам̣ бана баарубид̇ваа сийд̇аббадигхаад̇аад̣̇ийни гад̇ваа сукам̣ саман̣ад̇хаммам̣ яонисо манасигаарам̣ гариссат̇аад̇и анун̃н̃аад̇ам̣. яат̇аа жа жийварам̣, звам̣ бин̣д̣абаад̇аад̣̇аяоби. анубад̣̇асам̣ван̣н̣анаа банзд̇т̇а висуд̣̇д̇химаг̇г̇з вуд̇д̇анаязнзва взд̣̇ид̇аб̣б̣аа.
182. Idāni tatopi uttaritaraṃ desanaṃ vaḍḍhento na vo ahaṃ, cundātiādimāha. Tattha diṭṭhadhammikā āsavā nāma idhaloke paccayahetu uppajjanakā āsavā. Samparāyikā āsavā nāma paraloke bhaṇḍanahetu uppajjanakā āsavā. Saṃvarāyāti yathā te na pavisanti, evaṃ pidahanāya. Paṭighātāyāti mūlaghātena paṭihananāya. Alaṃ vo taṃ yāvadeva sītassa paṭighātāyāti taṃ tumhākaṃ sītassa paṭighātāya samatthaṃ. Idaṃ vuttaṃ hoti, yaṃ vo mayā cīvaraṃ anuññātaṃ, taṃ pārupitvā dappaṃ vā mānaṃ vā kurumānā viharissathāti na anuññātaṃ, taṃ pana pārupitvā sītappaṭighātādīni katvā sukhaṃ samaṇadhammaṃ yoniso manasikāraṃ karissathāti anuññātaṃ. Yathā ca cīvaraṃ, evaṃ piṇḍapātādayopi. Anupadasaṃvaṇṇanā panettha visuddhimagge vuttanayeneva veditabbā.
сукаллигаануяог̇аад̣̇иван̣н̣анаа
Sukhallikānuyogādivaṇṇanā
183. сукаллигаануяог̇анд̇и сукаллияанаануяог̇ам̣, сукасзванаад̇химуд̇д̇анд̇и ад̇т̇о. сукзд̇ийд̇и сукид̇ам̣ гарод̇и. бийн̣зд̇ийд̇и бийн̣ид̇ам̣ т̇уулам̣ гарод̇и.
183.Sukhallikānuyoganti sukhalliyanānuyogaṃ, sukhasevanādhimuttanti attho. Sukhetīti sukhitaṃ karoti. Pīṇetīti pīṇitaṃ thūlaṃ karoti.
186. адтид̇ад̇хаммаад̇и надтид̇асабхааваа. ж̇ивхаа но ад̇т̇ийд̇и яам̣ яам̣ ижчанд̇и, д̇ам̣ д̇ам̣ гат̇знд̇и, гад̣̇аажи маг̇г̇ам̣ гат̇знд̇и, гад̣̇аажи палам̣ гад̣̇аажи ниб̣б̣аананд̇и ад̇хиббааяо. ж̇аанад̇аад̇и саб̣б̣ан̃н̃уд̇ан̃н̃аан̣зна ж̇аананд̇зна. бассад̇аад̇и бан̃жахи жагкуухи бассанд̇зна. г̇амбхийранзмод̇и г̇амбхийрабхуумим̣ анубавидто. суникаад̇од̇и судту никаад̇о. звамзва ко, аавусод̇и звам̣ кийн̣аасаво абхаб̣б̣о нава таанаани аж̇жхаажарид̇ум̣. д̇асмим̣ анаж̇жхаажааро ажало асамбавзд̇хий. д̇ад̇т̇а сан̃жижжа баан̣ам̣ ж̇ийвид̇аа воробанаад̣̇ийсу сод̇аабаннаад̣̇аяоби абхаб̣б̣аа. саннид̇хигаарагам̣ гаамз барибхун̃ж̇ид̇унд̇и вад̇т̇угаамз жа гилзсагаамз жа саннид̇хим̣ гад̇ваа барибхун̃ж̇ид̇ум̣. сзяяат̇ааби буб̣б̣з аг̇ааригабхууд̇од̇и яат̇аа буб̣б̣з г̇ихибхууд̇о барибхун̃ж̇ад̇и, звам̣ барибхун̃ж̇ид̇ум̣ абхаб̣б̣о.
186.Aṭṭhitadhammāti naṭṭhitasabhāvā. Jivhā no atthīti yaṃ yaṃ icchanti, taṃ taṃ kathenti, kadāci maggaṃ kathenti, kadāci phalaṃ kadāci nibbānanti adhippāyo. Jānatāti sabbaññutaññāṇena jānantena. Passatāti pañcahi cakkhūhi passantena. Gambhīranemoti gambhīrabhūmiṃ anupaviṭṭho. Sunikhātoti suṭṭhu nikhāto. Evameva kho, āvusoti evaṃ khīṇāsavo abhabbo nava ṭhānāni ajjhācarituṃ. Tasmiṃ anajjhācāro acalo asampavedhī. Tattha sañcicca pāṇaṃ jīvitā voropanādīsu sotāpannādayopi abhabbā. Sannidhikārakaṃ kāme paribhuñjitunti vatthukāme ca kilesakāme ca sannidhiṃ katvā paribhuñjituṃ. Seyyathāpi pubbe agārikabhūtoti yathā pubbe gihibhūto paribhuñjati, evaṃ paribhuñjituṃ abhabbo.
бан̃хаб̣яаагаран̣аван̣н̣анаа
Pañhabyākaraṇavaṇṇanā
187. аг̇аарамаж̇жхз васанд̇аа хи сод̇аабаннаад̣̇аяо яааваж̇ийвам̣ г̇ихиб̣яан̃ж̇анзна д̇идтанд̇и. кийн̣аасаво бана арахад̇д̇ам̣ бад̇ваава мануссабхууд̇о бариниб̣б̣аад̇и ваа баб̣б̣аж̇ад̇и ваа. жаад̇умахаарааж̇игаад̣̇ийсу гаамааважарад̣̇звзсу мухуд̇д̇амби на д̇идтад̇и. гасмаа? вивзгадтаанасса абхааваа. бхуммад̣̇звад̇д̇абхаавз бана тид̇о арахад̇д̇ам̣ бад̇вааби д̇идтад̇и. д̇асса васзна аяам̣ бан̃хо ааг̇ад̇о. бхиннад̣̇осад̇д̇аа банасса бхигкубхааво взд̣̇ид̇аб̣б̣о. ад̇ийраганд̇и ад̇ийрам̣ абарижчзд̣̇ам̣ маханд̇ам̣. но жа ко анааг̇ад̇анд̇и анааг̇ад̇ам̣ бана ад̣̇д̇хаанам̣ аараб̣бха звам̣ на бан̃н̃абзд̇и, ад̇ийд̇амзва ман̃н̃з саман̣о г̇од̇амо ж̇аанаад̇и, на анааг̇ад̇ам̣. д̇ат̇аа хисса ад̇ийд̇з ад̣дхачадтасад̇аж̇аад̇агаануссаран̣ам̣ бан̃н̃ааяад̇и. анааг̇ад̇з звам̣ б̣ахум̣ ануссаран̣ам̣ на бан̃н̃ааяад̇ийд̇и имамад̇т̇ам̣ ман̃н̃амаанаа звам̣ вад̣̇зяяум̣. д̇аяид̣̇ам̣ гим̣ сууд̇и анааг̇ад̇з абан̃н̃аабанам̣ гим̣ ну ко? гат̇ам̣сууд̇и гзна ну ко гааран̣зна аж̇аананд̇оязва ну ко анааг̇ад̇ам̣ наануссарад̇и, анануссарид̇угаамад̇ааяа наануссарад̇ийд̇и. ан̃н̃авихид̇агзна н̃аан̣ад̣̇ассанзнаад̇и бажжагкам̣ вияа гад̇ваа д̣̇ассанасамад̇т̇ад̇ааяа д̣̇ассанабхууд̇зна н̃аан̣зна ан̃н̃ад̇т̇авихид̇агзна н̃аан̣зна ан̃н̃ам̣ аараб̣бха бавад̇д̇зна, ан̃н̃авихид̇агам̣ ан̃н̃ам̣ аараб̣бха бавад̇д̇амаанам̣ н̃аан̣ад̣̇ассанам̣ сан̇г̇аахзд̇аб̣б̣ам̣ бан̃н̃аабзд̇аб̣б̣ам̣ ман̃н̃анд̇и. д̇з хи жарад̇о жа д̇идтад̇о жа суд̇д̇асса жа ж̇ааг̇арасса жа сад̇ад̇ам̣ самид̇ам̣ н̃аан̣ад̣̇ассанам̣ бажжубадтид̇ам̣ ман̃н̃анд̇и, д̇аад̣̇исан̃жа н̃аан̣ам̣ наама над̇т̇и. д̇асмаа яат̇арива б̣аалаа аб̣яад̇д̇аа, звам̣ ман̃н̃анд̇ийд̇и взд̣̇ид̇аб̣б̣о.
187. Agāramajjhe vasantā hi sotāpannādayo yāvajīvaṃ gihibyañjanena tiṭṭhanti. Khīṇāsavo pana arahattaṃ patvāva manussabhūto parinibbāti vā pabbajati vā. Cātumahārājikādīsu kāmāvacaradevesu muhuttampi na tiṭṭhati. Kasmā? Vivekaṭṭhānassa abhāvā. Bhummadevattabhāve pana ṭhito arahattaṃ patvāpi tiṭṭhati. Tassa vasena ayaṃ pañho āgato. Bhinnadosattā panassa bhikkhubhāvo veditabbo. Atīrakanti atīraṃ aparicchedaṃ mahantaṃ. No ca kho anāgatanti anāgataṃ pana addhānaṃ ārabbha evaṃ na paññapeti, atītameva maññe samaṇo gotamo jānāti, na anāgataṃ. Tathā hissa atīte aḍḍhachaṭṭhasatajātakānussaraṇaṃ paññāyati. Anāgate evaṃ bahuṃ anussaraṇaṃ na paññāyatīti imamatthaṃ maññamānā evaṃ vadeyyuṃ. Tayidaṃ kiṃ sūti anāgate apaññāpanaṃ kiṃ nu kho? Kathaṃsūti kena nu kho kāraṇena ajānantoyeva nu kho anāgataṃ nānussarati, ananussaritukāmatāya nānussaratīti. Aññavihitakena ñāṇadassanenāti paccakkhaṃ viya katvā dassanasamatthatāya dassanabhūtena ñāṇena aññatthavihitakena ñāṇena aññaṃ ārabbha pavattena, aññavihitakaṃ aññaṃ ārabbha pavattamānaṃ ñāṇadassanaṃ saṅgāhetabbaṃ paññāpetabbaṃ maññanti. Te hi carato ca tiṭṭhato ca suttassa ca jāgarassa ca satataṃ samitaṃ ñāṇadassanaṃ paccupaṭṭhitaṃ maññanti, tādisañca ñāṇaṃ nāma natthi. Tasmā yathariva bālā abyattā, evaṃ maññantīti veditabbo.
сад̇аанусаарийд̇и буб̣б̣зниваасаануссад̇исамбаяуд̇д̇агам̣. яаавад̇агам̣ ааган̇кад̇ийд̇и яад̇д̇агам̣ н̃аад̇ум̣ ижчад̇и, д̇ад̇д̇агам̣ ж̇ааниссаамийд̇и н̃аан̣ам̣ бзсзси. ат̇асса д̣̇уб̣б̣алабад̇д̇абудз багканд̣̇анаараажо вияа аббадихад̇ам̣ аниваарид̇ам̣ н̃аан̣ам̣ г̇ажчад̇и, д̇зна яаавад̇агам̣ ааган̇кад̇и д̇аавад̇агам̣ ануссарад̇и. б̣од̇хиж̇анд̇и б̣од̇химуулз ж̇аад̇ам̣. н̃аан̣ам̣ уббаж̇ж̇ад̇ийд̇и жад̇умаг̇г̇ан̃аан̣ам̣ уббаж̇ж̇ад̇и. аяаманд̇имаа ж̇аад̇ийд̇и д̇зна н̃аан̣зна ж̇аад̇имууласса бахийнад̇д̇аа буна аяаманд̇имаа ж̇аад̇и. над̇т̇ид̣̇аани бунаб̣бхавод̇и абарамби н̃аан̣ам̣ уббаж̇ж̇ад̇и. анад̇т̇асам̣хид̇анд̇и на ид̇халогад̇т̇ам̣ ваа баралогад̇т̇ам̣ ваа ниссид̇ам̣. на д̇ам̣ д̇ат̇ааг̇ад̇о б̣яаагарод̇ийд̇и д̇ам̣ бхаарад̇аяуд̣̇д̇хасийд̇аахаран̣асад̣̇исам̣ анияяаанигагат̇ам̣ д̇ат̇ааг̇ад̇о на гат̇зд̇и. бхууд̇ам̣ д̇ажчам̣ анад̇т̇асам̣хид̇анд̇и рааж̇агат̇аад̣̇ид̇иражчаанагат̇ам̣. гаалан̃н̃уу д̇ат̇ааг̇ад̇о ход̇ийд̇и гаалам̣ ж̇аанаад̇и. сахзд̇угам̣ сагааран̣ам̣ гад̇ваа яуд̇д̇абад̇д̇агаалзязва гат̇зд̇и.
Satānusārīti pubbenivāsānussatisampayuttakaṃ. Yāvatakaṃ ākaṅkhatīti yattakaṃ ñātuṃ icchati, tattakaṃ jānissāmīti ñāṇaṃ pesesi. Athassa dubbalapattapuṭe pakkhandanārāco viya appaṭihataṃ anivāritaṃ ñāṇaṃ gacchati, tena yāvatakaṃ ākaṅkhati tāvatakaṃ anussarati. Bodhijanti bodhimūle jātaṃ. Ñāṇaṃ uppajjatīti catumaggañāṇaṃ uppajjati. Ayamantimā jātīti tena ñāṇena jātimūlassa pahīnattā puna ayamantimā jāti. Natthidāni punabbhavoti aparampi ñāṇaṃ uppajjati. Anatthasaṃhitanti na idhalokatthaṃ vā paralokatthaṃ vā nissitaṃ. Na taṃ tathāgato byākarotīti taṃ bhāratayuddhasītāharaṇasadisaṃ aniyyānikakathaṃ tathāgato na katheti. Bhūtaṃ tacchaṃ anatthasaṃhitanti rājakathāditiracchānakathaṃ. Kālaññū tathāgato hotīti kālaṃ jānāti. Sahetukaṃ sakāraṇaṃ katvā yuttapattakāleyeva katheti.
188. д̇асмаа д̇ат̇ааг̇ад̇од̇и вужжад̇ийд̇и яат̇аа яат̇аа г̇ад̣̇ид̇аб̣б̣ам̣, д̇ат̇аа д̇ат̇зва г̇ад̣̇анад̇о д̣̇агаарасса д̇агаарам̣ гад̇ваа д̇ат̇ааг̇ад̇од̇и вужжад̇ийд̇и ад̇т̇о. д̣̇идтанд̇и руубааяад̇анам̣. суд̇анд̇и сад̣̇д̣̇ааяад̇анам̣. муд̇анд̇и муд̇ваа бад̇ваа г̇ахзд̇аб̣б̣ад̇о г̇анд̇хааяад̇анам̣ расааяад̇анам̣ подтаб̣б̣ааяад̇анам̣. вин̃н̃аад̇анд̇и сукад̣̇угкаад̣̇ид̇хаммааяад̇анам̣. бад̇д̇анд̇и бариязсид̇ваа ваа абариязсид̇ваа ваа бад̇д̇ам̣. бариязсид̇анд̇и бад̇д̇ам̣ ваа абад̇д̇ам̣ ваа бариязсид̇ам̣. анувижарид̇ам̣ манасаад̇и жид̇д̇зна анусан̃жарид̇ам̣. ‘‘д̇ат̇ааг̇ад̇зна абхисамб̣уд̣̇д̇ха’’нд̇и иминаа зд̇ам̣ д̣̇ассзд̇и, яан̃хи абаримаан̣аасу логад̇хаад̇уусу имасса сад̣̇звагасса логасса нийлам̣ бийд̇аганд̇иаад̣̇и руубаарамман̣ам̣ жагкуд̣̇ваарз аабаат̇амааг̇ажчад̇и, ‘‘аяам̣ сад̇д̇о имасмим̣ кан̣з имам̣ наама руубаарамман̣ам̣ д̣̇исваа сумано ваа д̣̇уммано ваа маж̇жхад̇д̇о ваа ж̇аад̇о’’д̇и саб̣б̣ам̣ д̇ам̣ д̇ат̇ааг̇ад̇асса звам̣ абхисамб̣уд̣̇д̇хам̣ . д̇ат̇аа яам̣ абаримаан̣аасу логад̇хаад̇уусу имасса сад̣̇звагасса логасса бхзрисад̣̇д̣̇о муд̣̇ин̇г̇асад̣̇д̣̇од̇иаад̣̇и сад̣̇д̣̇аарамман̣ам̣ сод̇ад̣̇ваарз аабаат̇амааг̇ажчад̇и. муулаг̇анд̇хо д̇ажаг̇анд̇ход̇иаад̣̇и г̇анд̇хаарамман̣ам̣ гхаанад̣̇ваарз аабаат̇амааг̇ажчад̇и. мууларасо канд̇харасод̇иаад̣̇и расаарамман̣ам̣ ж̇ивхаад̣̇ваарз аабаат̇амааг̇ажчад̇и. гагкал̣ам̣ муд̣̇уганд̇иаад̣̇и бат̇авийд̇хаад̇уд̇зж̇од̇хаад̇увааяод̇хаад̇убхзд̣̇ам̣ подтаб̣б̣аарамман̣ам̣ гааяад̣̇ваарз аабаат̇амааг̇ажчад̇и. ‘‘аяам̣ сад̇д̇о имасмим̣ кан̣з имам̣ наама подтаб̣б̣аарамман̣ам̣ пусид̇ваа сумано ваа д̣̇уммано ваа маж̇жхад̇д̇о ваа ж̇аад̇о’’д̇и саб̣б̣ам̣ д̇ам̣ д̇ат̇ааг̇ад̇асса звам̣ абхисамб̣уд̣̇д̇хам̣. д̇ат̇аа яам̣ абаримаан̣аасу логад̇хаад̇уусу имасса сад̣̇звагасса логасса сукад̣̇угкаад̣̇ибхзд̣̇ам̣ д̇хаммаарамман̣ам̣ манод̣̇ваарасса аабаат̇амааг̇ажчад̇и, ‘‘аяам̣ сад̇д̇о имасмим̣ кан̣з ид̣̇ам̣ наама д̇хаммаарамман̣ам̣ виж̇аанид̇ваа сумано ваа д̣̇уммано ваа маж̇жхад̇д̇о ваа ж̇аад̇о’’д̇и саб̣б̣ам̣ д̇ам̣ д̇ат̇ааг̇ад̇асса звам̣ абхисамб̣уд̣̇д̇хам̣.
188.Tasmā tathāgatoti vuccatīti yathā yathā gaditabbaṃ, tathā tatheva gadanato dakārassa takāraṃ katvā tathāgatoti vuccatīti attho. Diṭṭhanti rūpāyatanaṃ. Sutanti saddāyatanaṃ. Mutanti mutvā patvā gahetabbato gandhāyatanaṃ rasāyatanaṃ phoṭṭhabbāyatanaṃ. Viññātanti sukhadukkhādidhammāyatanaṃ. Pattanti pariyesitvā vā apariyesitvā vā pattaṃ. Pariyesitanti pattaṃ vā apattaṃ vā pariyesitaṃ. Anuvicaritaṃ manasāti cittena anusañcaritaṃ. ‘‘Tathāgatena abhisambuddha’’nti iminā etaṃ dasseti, yañhi aparimāṇāsu lokadhātūsu imassa sadevakassa lokassa nīlaṃ pītakantiādi rūpārammaṇaṃ cakkhudvāre āpāthamāgacchati, ‘‘ayaṃ satto imasmiṃ khaṇe imaṃ nāma rūpārammaṇaṃ disvā sumano vā dummano vā majjhatto vā jāto’’ti sabbaṃ taṃ tathāgatassa evaṃ abhisambuddhaṃ . Tathā yaṃ aparimāṇāsu lokadhātūsu imassa sadevakassa lokassa bherisaddo mudiṅgasaddotiādi saddārammaṇaṃ sotadvāre āpāthamāgacchati. Mūlagandho tacagandhotiādi gandhārammaṇaṃ ghānadvāre āpāthamāgacchati. Mūlaraso khandharasotiādi rasārammaṇaṃ jivhādvāre āpāthamāgacchati. Kakkhaḷaṃ mudukantiādi pathavīdhātutejodhātuvāyodhātubhedaṃ phoṭṭhabbārammaṇaṃ kāyadvāre āpāthamāgacchati. ‘‘Ayaṃ satto imasmiṃ khaṇe imaṃ nāma phoṭṭhabbārammaṇaṃ phusitvā sumano vā dummano vā majjhatto vā jāto’’ti sabbaṃ taṃ tathāgatassa evaṃ abhisambuddhaṃ. Tathā yaṃ aparimāṇāsu lokadhātūsu imassa sadevakassa lokassa sukhadukkhādibhedaṃ dhammārammaṇaṃ manodvārassa āpāthamāgacchati, ‘‘ayaṃ satto imasmiṃ khaṇe idaṃ nāma dhammārammaṇaṃ vijānitvā sumano vā dummano vā majjhatto vā jāto’’ti sabbaṃ taṃ tathāgatassa evaṃ abhisambuddhaṃ.
яан̃хи , жунд̣̇а, имзсам̣ сад̇д̇аанам̣ д̣̇идтам̣ суд̇ам̣ муд̇ам̣ вин̃н̃аад̇ам̣ д̇ад̇т̇а д̇ат̇ааг̇ад̇зна ад̣̇идтам̣ ваа асуд̇ам̣ ваа амуд̇ам̣ ваа авин̃н̃аад̇ам̣ ваа над̇т̇и. имасса махааж̇анасса бариязсид̇ваа бад̇д̇амби ад̇т̇и, бариязсид̇ваа аббад̇д̇амби ад̇т̇и. абариязсид̇ваа бад̇д̇амби ад̇т̇и, абариязсид̇ваа аббад̇д̇амби ад̇т̇и. саб̣б̣амби д̇ам̣ д̇ат̇ааг̇ад̇асса аббад̇д̇ам̣ наама над̇т̇и, н̃аан̣зна асажчигад̇ам̣ наама. ‘‘д̇асмаа д̇ат̇ааг̇ад̇од̇и вужжад̇ий’’д̇и. яам̣ яат̇аа логзна г̇ад̇ам̣ д̇асса д̇ат̇зва г̇ад̇ад̇д̇аа ‘‘д̇ат̇ааг̇ад̇о’’д̇и вужжад̇и. баал̣ияам̣ бана абхисамб̣уд̣̇д̇ханд̇и вуд̇д̇ам̣, д̇ам̣ г̇ад̇асад̣̇д̣̇зна згад̇т̇ам̣. иминаа наязна саб̣б̣аваарзсу ‘‘д̇ат̇ааг̇ад̇о’’д̇и ниг̇аманасса ад̇т̇о взд̣̇ид̇аб̣б̣о, д̇асса яуд̇д̇и б̣рахмаж̇аалз д̇ат̇ааг̇ад̇асад̣̇д̣̇авид̇т̇аарз вуд̇д̇ааязва.
Yañhi , cunda, imesaṃ sattānaṃ diṭṭhaṃ sutaṃ mutaṃ viññātaṃ tattha tathāgatena adiṭṭhaṃ vā asutaṃ vā amutaṃ vā aviññātaṃ vā natthi. Imassa mahājanassa pariyesitvā pattampi atthi, pariyesitvā appattampi atthi. Apariyesitvā pattampi atthi, apariyesitvā appattampi atthi. Sabbampi taṃ tathāgatassa appattaṃ nāma natthi, ñāṇena asacchikataṃ nāma. ‘‘Tasmā tathāgatoti vuccatī’’ti. Yaṃ yathā lokena gataṃ tassa tatheva gatattā ‘‘tathāgato’’ti vuccati. Pāḷiyaṃ pana abhisambuddhanti vuttaṃ, taṃ gatasaddena ekatthaṃ. Iminā nayena sabbavāresu ‘‘tathāgato’’ti nigamanassa attho veditabbo, tassa yutti brahmajāle tathāgatasaddavitthāre vuttāyeva.
аб̣яаагад̇адтаанаван̣н̣анаа
Abyākataṭṭhānavaṇṇanā
189. звам̣ ад̇д̇ано асамад̇ам̣ ануд̇д̇арад̇ам̣ саб̣б̣ан̃н̃уд̇ам̣ д̇хаммарааж̇абхаавам̣ гат̇зд̇ваа ид̣̇аани ‘‘бут̇усаман̣аб̣раахман̣аанам̣ лад̣̇д̇хийсу маяаа ан̃н̃аад̇ам̣ ад̣̇идтам̣ наама над̇т̇и, саб̣б̣ам̣ мама н̃аан̣асса анд̇оязва баривад̇д̇ад̇ий’’д̇и сийханаад̣̇ам̣ над̣̇анд̇о таанам̣ ко банзд̇ам̣, жунд̣̇а, виж̇ж̇ад̇ийд̇иаад̣̇имааха. д̇ад̇т̇а д̇ат̇ааг̇ад̇од̇и сад̇д̇о. на хзд̇ам̣, аавусо, ад̇т̇асам̣хид̇анд̇и ид̇халогабаралогаад̇т̇асам̣хид̇ам̣ на ход̇и. на жа д̇хаммасам̣хид̇анд̇и навалогуд̇д̇арад̇хамманиссид̇ам̣ на ход̇и. на аад̣̇иб̣рахмажарияаганд̇и сигкад̇д̇аяасан̇г̇ахид̇асса сагаласаасанаб̣рахмажарияасса аад̣̇ибхууд̇ам̣ на ход̇и.
189. Evaṃ attano asamataṃ anuttarataṃ sabbaññutaṃ dhammarājabhāvaṃ kathetvā idāni ‘‘puthusamaṇabrāhmaṇānaṃ laddhīsu mayā aññātaṃ adiṭṭhaṃ nāma natthi, sabbaṃ mama ñāṇassa antoyeva parivattatī’’ti sīhanādaṃ nadanto ṭhānaṃ kho panetaṃ, cunda, vijjatītiādimāha. Tattha tathāgatoti satto. Na hetaṃ, āvuso, atthasaṃhitanti idhalokaparalokaatthasaṃhitaṃ na hoti. Na ca dhammasaṃhitanti navalokuttaradhammanissitaṃ na hoti. Naādibrahmacariyakanti sikkhattayasaṅgahitassa sakalasāsanabrahmacariyassa ādibhūtaṃ na hoti.
190. ид̣̇ам̣ д̣̇угканд̇и код̇иаад̣̇ийсу д̇ан̣хам̣ табзд̇ваа авасзсаа д̇збхуммагаа д̇хаммаа ид̣̇ам̣ д̣̇угканд̇и б̣яаагад̇ам̣. д̇ассзва д̣̇угкасса бабхаавигаа ж̇анигаа д̇ан̣хаа д̣̇угкасамуд̣̇аяод̇и б̣яаагад̇ам̣. убхиннам̣ аббавад̇д̇и д̣̇угканирод̇ход̇и б̣яаагад̇ам̣. д̣̇угкабариж̇аанано самуд̣̇аяабаж̇ахано нирод̇хасажчигаран̣о арияамаг̇г̇о д̣̇угканирод̇хаг̇ааминий бадибад̣̇аад̇и б̣яаагад̇ам̣. ‘‘зд̇ан̃хи, аавусо, ад̇т̇асам̣хид̇а’’нд̇иаад̣̇ийсу зд̇ам̣ ид̇халогабаралогаад̇т̇аниссид̇ам̣ навалогуд̇д̇арад̇хамманиссид̇ам̣ сагаласаасанаб̣рахмажарияасса аад̣̇и бад̇хаанам̣ буб̣б̣ан̇г̇аманд̇и аяамад̇т̇о.
190.Idaṃ dukkhanti khotiādīsu taṇhaṃ ṭhapetvā avasesā tebhummakā dhammā idaṃ dukkhanti byākataṃ. Tasseva dukkhassa pabhāvikā janikā taṇhā dukkhasamudayoti byākataṃ. Ubhinnaṃ appavatti dukkhanirodhoti byākataṃ. Dukkhaparijānano samudayapajahano nirodhasacchikaraṇo ariyamaggo dukkhanirodhagāminī paṭipadāti byākataṃ. ‘‘Etañhi, āvuso, atthasaṃhita’’ntiādīsu etaṃ idhalokaparalokaatthanissitaṃ navalokuttaradhammanissitaṃ sakalasāsanabrahmacariyassa ādi padhānaṃ pubbaṅgamanti ayamattho.
буб̣б̣анд̇асахаг̇ад̇ад̣̇идтиниссаяаван̣н̣анаа
Pubbantasahagatadiṭṭhinissayavaṇṇanā
191. ид̣̇аани яам̣ д̇ам̣ маяаа на б̣яаагад̇ам̣, д̇ам̣ аж̇аананд̇зна на б̣яаагад̇анд̇и маа звам̣ сан̃н̃амагам̣су. ж̇аананд̇ова ахам̣ звам̣ ‘‘зд̇асмим̣ б̣яаагад̇зби ад̇т̇о над̇т̇ий’’д̇и на б̣яаагарим̣. яам̣ бана яат̇аа б̣яаагаад̇аб̣б̣ам̣, д̇ам̣ маяаа б̣яаагад̇амзваад̇и сийханаад̣̇ам̣ над̣̇анд̇о буна язби д̇з, жунд̣̇аад̇иаад̣̇имааха. д̇ад̇т̇а д̣̇идтияова д̣̇идтиниссаяаа, д̣̇идтиниссид̇агаа д̣̇идтиг̇ад̇игаад̇и ад̇т̇о. ид̣̇амзва сажжанд̇и ид̣̇амзва д̣̇ассанам̣ сажжам̣. могхаман̃н̃анд̇и ан̃н̃зсам̣ важанам̣ могхам̣. асаяам̣гаарод̇и асаяам̣ гад̇о.
191. Idāni yaṃ taṃ mayā na byākataṃ, taṃ ajānantena na byākatanti mā evaṃ saññamakaṃsu. Jānantova ahaṃ evaṃ ‘‘etasmiṃ byākatepi attho natthī’’ti na byākariṃ. Yaṃ pana yathā byākātabbaṃ, taṃ mayā byākatamevāti sīhanādaṃ nadanto puna yepi te, cundātiādimāha. Tattha diṭṭhiyova diṭṭhinissayā, diṭṭhinissitakā diṭṭhigatikāti attho. Idameva saccanti idameva dassanaṃ saccaṃ. Moghamaññanti aññesaṃ vacanaṃ moghaṃ. Asayaṃkāroti asayaṃ kato.
192. д̇ад̇раад̇и д̇зсу саман̣аб̣раахман̣зсу. ад̇т̇и ну ко ид̣̇ам̣ аавусо вужжад̇ийд̇и, аавусо, яам̣ д̇умхзхи сассад̇о ад̇д̇аа жа лого жаад̇и вужжад̇и, ид̣̇амад̇т̇и ну ко уд̣̇ааху над̇т̇ийд̇и звамахам̣ д̇з бужчаамийд̇и ад̇т̇о. яан̃жа ко д̇з звамаахам̣сууд̇и яам̣ бана д̇з ‘‘ид̣̇амзва сажжам̣ могхаман̃н̃а’’нд̇и вад̣̇анд̇и, д̇ам̣ д̇зсам̣ наануж̇аанаами. бан̃н̃ад̇д̇ияаад̇и д̣̇идтибан̃н̃ад̇д̇ияаа. самасаманд̇и самзна н̃аан̣зна самам̣. яад̣̇ид̣̇ам̣ ад̇хибан̃н̃ад̇д̇ийд̇и яаа аяам̣ ад̇хибан̃н̃ад̇д̇и наама. зд̇т̇а ахамзва бхияяо уд̇д̇арид̇аро на маяаа само ад̇т̇и. д̇ад̇т̇а яан̃жа вуд̇д̇ам̣ ‘‘бан̃н̃ад̇д̇ияаад̇и яан̃жа ад̇хибан̃н̃ад̇д̇ий’’д̇и убхаяамзд̇ам̣ ад̇т̇ад̇о згам̣. бхзд̣̇ад̇о хи бан̃н̃ад̇д̇и ад̇хибан̃н̃ад̇д̇ийд̇и д̣̇ваяам̣ ход̇и. д̇ад̇т̇а бан̃н̃ад̇д̇и наама д̣̇идтибан̃н̃ад̇д̇и. ад̇хибан̃н̃ад̇д̇и наама канд̇хабан̃н̃ад̇д̇и д̇хаад̇убан̃н̃ад̇д̇и ааяад̇анабан̃н̃ад̇д̇и инд̣̇рияабан̃н̃ад̇д̇и сажжабан̃н̃ад̇д̇и буг̇г̇алабан̃н̃ад̇д̇ийд̇и звам̣ вуд̇д̇аа ча бан̃н̃ад̇д̇ияо. ид̇ха бана бан̃н̃ад̇д̇ияаад̇и зд̇т̇ааби бан̃н̃ад̇д̇и жзва ад̇хибан̃н̃ад̇д̇и жа ад̇хиббзд̇аа, ад̇хибан̃н̃ад̇д̇ийд̇и зд̇т̇ааби. бхаг̇аваа хи бан̃н̃ад̇д̇ияааби ануд̇д̇аро, ад̇хибан̃н̃ад̇д̇ияааби ануд̇д̇аро. д̇знааха – ‘‘ахамзва д̇ад̇т̇а бхияяо яад̣̇ид̣̇ам̣ ад̇хибан̃н̃ад̇д̇ий’’д̇и.
192.Tatrāti tesu samaṇabrāhmaṇesu. Atthi nu kho idaṃ āvuso vuccatīti, āvuso, yaṃ tumhehi sassato attā ca loko cāti vuccati, idamatthi nu kho udāhu natthīti evamahaṃ te pucchāmīti attho. Yañca kho te evamāhaṃsūti yaṃ pana te ‘‘idameva saccaṃ moghamañña’’nti vadanti, taṃ tesaṃ nānujānāmi. Paññattiyāti diṭṭhipaññattiyā. Samasamanti samena ñāṇena samaṃ. Yadidaṃ adhipaññattīti yā ayaṃ adhipaññatti nāma. Ettha ahameva bhiyyo uttaritaro na mayā samo atthi. Tattha yañca vuttaṃ ‘‘paññattiyāti yañca adhipaññattī’’ti ubhayametaṃ atthato ekaṃ. Bhedato hi paññatti adhipaññattīti dvayaṃ hoti. Tattha paññatti nāma diṭṭhipaññatti. Adhipaññatti nāma khandhapaññatti dhātupaññatti āyatanapaññatti indriyapaññatti saccapaññatti puggalapaññattīti evaṃ vuttā cha paññattiyo. Idha pana paññattiyāti etthāpi paññatti ceva adhipaññatti ca adhippetā, adhipaññattīti etthāpi. Bhagavā hi paññattiyāpi anuttaro, adhipaññattiyāpi anuttaro. Tenāha – ‘‘ahameva tattha bhiyyo yadidaṃ adhipaññattī’’ti.
196. бахаанааяаад̇и баж̇аханад̇т̇ам̣. самад̇иггамааяаад̇и д̇ассзва взважанам̣. д̣̇зсид̇аад̇и гат̇ид̇аа. бан̃н̃ад̇д̇аад̇и табид̇аа. сад̇ибадтаанабхааванааяа хи гханавиниб̣бхог̇ам̣ гад̇ваа саб̣б̣ад̇хаммзсу яаат̇аавад̇о д̣̇идтзсу ‘‘суд̣̇д̇хасан̇каарабун̃ж̇ояам̣ наяид̇ха сад̇д̇уубалаб̣бхад̇ий’’д̇и саннидтаанад̇о саб̣б̣ад̣̇идтиниссаяаанам̣ бахаанам̣ ход̇ийд̇и. д̇зна вуд̇д̇ам̣. д̣̇идтиниссаяаанам̣ бахаанааяа самад̇иггамааяа звам̣ маяаа имз жад̇д̇ааро сад̇ибадтаанаа д̣̇зсид̇аа бан̃н̃ад̇д̇аа’’д̇и. сзсам̣ саб̣б̣ад̇т̇а уд̇д̇аанад̇т̇амзваад̇и.
196.Pahānāyāti pajahanatthaṃ. Samatikkamāyāti tasseva vevacanaṃ. Desitāti kathitā. Paññattāti ṭhapitā. Satipaṭṭhānabhāvanāya hi ghanavinibbhogaṃ katvā sabbadhammesu yāthāvato diṭṭhesu ‘‘suddhasaṅkhārapuñjoyaṃ nayidha sattūpalabbhatī’’ti sanniṭṭhānato sabbadiṭṭhinissayānaṃ pahānaṃ hotīti. Tena vuttaṃ. Diṭṭhinissayānaṃ pahānāya samatikkamāya evaṃ mayā ime cattāro satipaṭṭhānā desitā paññattā’’ti. Sesaṃ sabbattha uttānatthamevāti.
суман̇г̇алавилаасинияаа д̣̇ийгханигааяадтагат̇ааяа
Sumaṅgalavilāsiniyā dīghanikāyaṭṭhakathāya
баасаад̣̇игасуд̇д̇аван̣н̣анаа нидтид̇аа.
Pāsādikasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / д̣̇ийгханигааяа • Dīghanikāya / 6. баасаад̣̇игасуд̇д̇ам̣ • 6. Pāsādikasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / д̣̇ийгханигааяа (дийгаа) • Dīghanikāya (ṭīkā) / 6. баасаад̣̇игасуд̇д̇аван̣н̣анаа • 6. Pāsādikasuttavaṇṇanā
