| Library / Tipiṭaka / තිපිටක • Tipiṭaka / ඉතිවුත්‌තක-අට්‌ඨකථා • Itivuttaka-aṭṭhakathā |
3. තතියවග්‌ගො
3. Tatiyavaggo
1. පසන්‌නචිත්‌තසුත්‌තවණ්‌ණනා
1. Pasannacittasuttavaṇṇanā
21. තතියවග්‌ගස්‌ස පඨමෙ පසන්‌නචිත්‌තන්‌ති රතනත්‌තයසද්‌ධාය කම්‌මඵලසද්‌ධාය ච පසන්‌නමානසං. සුගතින්‌ති සුන්‌දරං ගතිං, සුඛස්‌ස වා ගතින්‌ති සුගතිං. සග්‌ගන්‌ති රූපාදිසම්‌පත්‌තීහි සුට්‌ඨු අග්‌ගන්‌ති සග්‌ගං. ලොකන්‌ති ලොකියන්‌ති එත්‌ථ පුඤ්‌ඤපාපඵලානි, ලුජ්‌ජනට්‌ඨෙනෙව වා ලොකං. එත්‌ථ ච සුගතිග්‌ගහණෙන මනුස්‌සගතිපි සඞ්‌ගය්‌හති, සග්‌ගග්‌ගහණෙන දෙවගති එව. සෙසං හෙට්‌ඨා වුත්‌තනයමෙව.
21. Tatiyavaggassa paṭhame pasannacittanti ratanattayasaddhāya kammaphalasaddhāya ca pasannamānasaṃ. Sugatinti sundaraṃ gatiṃ, sukhassa vā gatinti sugatiṃ. Sagganti rūpādisampattīhi suṭṭhu agganti saggaṃ. Lokanti lokiyanti ettha puññapāpaphalāni, lujjanaṭṭheneva vā lokaṃ. Ettha ca sugatiggahaṇena manussagatipi saṅgayhati, saggaggahaṇena devagati eva. Sesaṃ heṭṭhā vuttanayameva.
පඨමසුත්‌තවණ්‌ණනා නිට්‌ඨිතා.
Paṭhamasuttavaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / ඛුද්‌දකනිකාය • Khuddakanikāya / ඉතිවුත්‌තකපාළි • Itivuttakapāḷi / 1. පසන්‌නචිත්‌තසුත්‌තං • 1. Pasannacittasuttaṃ
