| Library / Tipiṭaka / д̇ибидага • Tipiṭaka / маж̇жхиманигааяа • Majjhimanikāya |
6. баасараасисуд̇д̇ам̣
6. Pāsarāsisuttaṃ
272. звам̣ мз суд̇ам̣ – згам̣ самаяам̣ бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. ат̇а ко бхаг̇аваа буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа саавад̇т̇им̣ бин̣д̣ааяа баависи. ат̇а ко самб̣ахулаа бхигкуу язнааяасмаа аананд̣̇о д̇знубасан̇гамим̣су; убасан̇гамид̇ваа ааяасманд̇ам̣ аананд̣̇ам̣ зд̇ад̣̇авожум̣ – ‘‘жирассуд̇аа но, аавусо аананд̣̇а, бхаг̇авад̇о саммукаа д̇хаммий гат̇аа. саад̇ху маяам̣, аавусо аананд̣̇а, лабхзяяаама бхаг̇авад̇о саммукаа д̇хаммим̣ гат̇ам̣ саванааяаа’’д̇и. ‘‘д̇зна хааяасманд̇о язна раммагасса б̣раахман̣асса ассамо д̇знубасан̇гамат̇а; аббзва наама лабхзяяаат̇а бхаг̇авад̇о саммукаа д̇хаммим̣ гат̇ам̣ саванааяаа’’д̇и. ‘‘звамаавусо’’д̇и ко д̇з бхигкуу ааяасмад̇о аананд̣̇асса бажжассосум̣.
272. Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Atha kho bhagavā pubbaṇhasamayaṃ nivāsetvā pattacīvaramādāya sāvatthiṃ piṇḍāya pāvisi. Atha kho sambahulā bhikkhū yenāyasmā ānando tenupasaṅkamiṃsu; upasaṅkamitvā āyasmantaṃ ānandaṃ etadavocuṃ – ‘‘cirassutā no, āvuso ānanda, bhagavato sammukhā dhammī kathā. Sādhu mayaṃ, āvuso ānanda, labheyyāma bhagavato sammukhā dhammiṃ kathaṃ savanāyā’’ti. ‘‘Tena hāyasmanto yena rammakassa brāhmaṇassa assamo tenupasaṅkamatha; appeva nāma labheyyātha bhagavato sammukhā dhammiṃ kathaṃ savanāyā’’ti. ‘‘Evamāvuso’’ti kho te bhikkhū āyasmato ānandassa paccassosuṃ.
ат̇а ко бхаг̇аваа саавад̇т̇ияам̣ бин̣д̣ааяа жарид̇ваа бажчаабхад̇д̇ам̣ бин̣д̣абаад̇абадигганд̇о ааяасманд̇ам̣ аананд̣̇ам̣ ааманд̇зси – ‘‘ааяаамаананд̣̇а, язна буб̣б̣аараамо миг̇аарамаад̇убаасаад̣̇о д̇знубасан̇гамиссаама д̣̇иваавихаарааяаа’’д̇и. ‘‘звам̣, бханд̇з’’д̇и ко ааяасмаа аананд̣̇о бхаг̇авад̇о бажжассоси. ат̇а ко бхаг̇аваа ааяасмад̇аа аананд̣̇зна сад̣̇д̇хим̣ язна буб̣б̣аараамо миг̇аарамаад̇убаасаад̣̇о д̇знубасан̇гами д̣̇иваавихаарааяа. ат̇а ко бхаг̇аваа сааяанхасамаяам̣ бадисаллаанаа вудтид̇о ааяасманд̇ам̣ аананд̣̇ам̣ ааманд̇зси – ‘‘ааяаамаананд̣̇а, язна буб̣б̣агодтаго д̇знубасан̇гамиссаама г̇ад̇д̇аани барисин̃жид̇у’’нд̇и. ‘‘звам̣, бханд̇з’’д̇и ко ааяасмаа аананд̣̇о бхаг̇авад̇о бажжассоси.
Atha kho bhagavā sāvatthiyaṃ piṇḍāya caritvā pacchābhattaṃ piṇḍapātapaṭikkanto āyasmantaṃ ānandaṃ āmantesi – ‘‘āyāmānanda, yena pubbārāmo migāramātupāsādo tenupasaṅkamissāma divāvihārāyā’’ti. ‘‘Evaṃ, bhante’’ti kho āyasmā ānando bhagavato paccassosi. Atha kho bhagavā āyasmatā ānandena saddhiṃ yena pubbārāmo migāramātupāsādo tenupasaṅkami divāvihārāya. Atha kho bhagavā sāyanhasamayaṃ paṭisallānā vuṭṭhito āyasmantaṃ ānandaṃ āmantesi – ‘‘āyāmānanda, yena pubbakoṭṭhako tenupasaṅkamissāma gattāni parisiñcitu’’nti. ‘‘Evaṃ, bhante’’ti kho āyasmā ānando bhagavato paccassosi.
273. ат̇а ко бхаг̇аваа ааяасмад̇аа аананд̣̇зна сад̣̇д̇хим̣ язна буб̣б̣агодтаго д̇знубасан̇гами г̇ад̇д̇аани барисин̃жид̇ум̣. буб̣б̣агодтагз г̇ад̇д̇аани барисин̃жид̇ваа бажжуд̇д̇арид̇ваа згажийваро адтааси г̇ад̇д̇аани буб̣б̣аабаяамаано. ат̇а ко ааяасмаа аананд̣̇о бхаг̇аванд̇ам̣ зд̇ад̣̇авожа – ‘‘аяам̣, бханд̇з, раммагасса б̣раахман̣асса ассамо авид̣̇уурз. раман̣ийяо, бханд̇з, раммагасса б̣раахман̣асса ассамо; баасаад̣̇иго, бханд̇з, раммагасса б̣раахман̣асса ассамо. саад̇ху, бханд̇з, бхаг̇аваа язна раммагасса б̣раахман̣асса ассамо д̇знубасан̇гамад̇у анугамбам̣ убаад̣̇ааяаа’’д̇и. ад̇хиваасзси бхаг̇аваа д̇ун̣хийбхаавзна.
273. Atha kho bhagavā āyasmatā ānandena saddhiṃ yena pubbakoṭṭhako tenupasaṅkami gattāni parisiñcituṃ. Pubbakoṭṭhake gattāni parisiñcitvā paccuttaritvā ekacīvaro aṭṭhāsi gattāni pubbāpayamāno. Atha kho āyasmā ānando bhagavantaṃ etadavoca – ‘‘ayaṃ, bhante, rammakassa brāhmaṇassa assamo avidūre. Ramaṇīyo, bhante, rammakassa brāhmaṇassa assamo; pāsādiko, bhante, rammakassa brāhmaṇassa assamo. Sādhu, bhante, bhagavā yena rammakassa brāhmaṇassa assamo tenupasaṅkamatu anukampaṃ upādāyā’’ti. Adhivāsesi bhagavā tuṇhībhāvena.
ат̇а ко бхаг̇аваа язна раммагасса б̣раахман̣асса ассамо д̇знубасан̇гами. д̇зна ко бана самаязна самб̣ахулаа бхигкуу раммагасса б̣раахман̣асса ассамз д̇хаммияаа гат̇ааяа саннисиннаа хонд̇и. ат̇а ко бхаг̇аваа б̣ахид̣̇ваарагодтагз адтааси гат̇аабарияосаанам̣ ааг̇амаяамаано. ат̇а ко бхаг̇аваа гат̇аабарияосаанам̣ вид̣̇ид̇ваа уггаасид̇ваа аг̇г̇ал̣ам̣ аагодзси. виварим̣су ко д̇з бхигкуу бхаг̇авад̇о д̣̇ваарам̣. ат̇а ко бхаг̇аваа раммагасса б̣раахман̣асса ассамам̣ бависид̇ваа бан̃н̃ад̇д̇з аасанз нисийд̣̇и. нисаж̇ж̇а ко бхаг̇аваа бхигкуу ааманд̇зси – ‘‘гааяануд̇т̇а, бхигкавз, зд̇арахи гат̇ааяа саннисиннаа? гаа жа бана во анд̇араагат̇аа виббагад̇аа’’д̇и ? ‘‘бхаг̇аванд̇амзва ко но, бханд̇з, аараб̣бха д̇хаммий гат̇аа виббагад̇аа, ат̇а бхаг̇аваа ануббад̇д̇о’’д̇и. ‘‘саад̇ху, бхигкавз! зд̇ам̣ ко, бхигкавз, д̇умхаагам̣ бад̇ируубам̣ гулабуд̇д̇аанам̣ сад̣̇д̇хаа аг̇аарасмаа анаг̇аарияам̣ баб̣б̣аж̇ид̇аанам̣ яам̣ д̇умхз д̇хаммияаа гат̇ааяа саннисийд̣̇зяяаат̇а. саннибад̇ид̇аанам̣ во, бхигкавз, д̣̇ваяам̣ гаран̣ийяам̣ – д̇хаммий ваа гат̇аа, арияо ваа д̇ун̣хийбхааво’’.
Atha kho bhagavā yena rammakassa brāhmaṇassa assamo tenupasaṅkami. Tena kho pana samayena sambahulā bhikkhū rammakassa brāhmaṇassa assame dhammiyā kathāya sannisinnā honti. Atha kho bhagavā bahidvārakoṭṭhake aṭṭhāsi kathāpariyosānaṃ āgamayamāno. Atha kho bhagavā kathāpariyosānaṃ viditvā ukkāsitvā aggaḷaṃ ākoṭesi. Vivariṃsu kho te bhikkhū bhagavato dvāraṃ. Atha kho bhagavā rammakassa brāhmaṇassa assamaṃ pavisitvā paññatte āsane nisīdi. Nisajja kho bhagavā bhikkhū āmantesi – ‘‘kāyanuttha, bhikkhave, etarahi kathāya sannisinnā? Kā ca pana vo antarākathā vippakatā’’ti ? ‘‘Bhagavantameva kho no, bhante, ārabbha dhammī kathā vippakatā, atha bhagavā anuppatto’’ti. ‘‘Sādhu, bhikkhave! Etaṃ kho, bhikkhave, tumhākaṃ patirūpaṃ kulaputtānaṃ saddhā agārasmā anagāriyaṃ pabbajitānaṃ yaṃ tumhe dhammiyā kathāya sannisīdeyyātha. Sannipatitānaṃ vo, bhikkhave, dvayaṃ karaṇīyaṃ – dhammī vā kathā, ariyo vā tuṇhībhāvo’’.
274. ‘‘д̣̇взмаа, бхигкавз, бариязсанаа – арияаа жа бариязсанаа, анарияаа жа бариязсанаа.
274. ‘‘Dvemā, bhikkhave, pariyesanā – ariyā ca pariyesanā, anariyā ca pariyesanā.
‘‘гад̇амаа жа, бхигкавз, анарияаа бариязсанаа? ид̇ха, бхигкавз, згажжо ад̇д̇анаа ж̇аад̇ид̇хаммо самаано ж̇аад̇ид̇хаммам̣язва бариязсад̇и, ад̇д̇анаа ж̇араад̇хаммо самаано ж̇араад̇хаммам̣язва бариязсад̇и, ад̇д̇анаа б̣яаад̇хид̇хаммо самаано б̣яаад̇хид̇хаммам̣язва бариязсад̇и, ад̇д̇анаа маран̣ад̇хаммо самаано маран̣ад̇хаммам̣язва бариязсад̇и, ад̇д̇анаа согад̇хаммо самаано согад̇хаммам̣язва бариязсад̇и, ад̇д̇анаа сам̣гилзсад̇хаммо самаано сам̣гилзсад̇хаммам̣язва бариязсад̇и.
‘‘Katamā ca, bhikkhave, anariyā pariyesanā? Idha, bhikkhave, ekacco attanā jātidhammo samāno jātidhammaṃyeva pariyesati, attanā jarādhammo samāno jarādhammaṃyeva pariyesati, attanā byādhidhammo samāno byādhidhammaṃyeva pariyesati, attanā maraṇadhammo samāno maraṇadhammaṃyeva pariyesati, attanā sokadhammo samāno sokadhammaṃyeva pariyesati, attanā saṃkilesadhammo samāno saṃkilesadhammaṃyeva pariyesati.
‘‘гин̃жа, бхигкавз, ж̇аад̇ид̇хаммам̣ вад̣̇зт̇а? буд̇д̇абхарияам̣, бхигкавз, ж̇аад̇ид̇хаммам̣, д̣̇аасид̣̇аасам̣ ж̇аад̇ид̇хаммам̣, аж̇зл̣агам̣ ж̇аад̇ид̇хаммам̣, гуггудасуугарам̣ ж̇аад̇ид̇хаммам̣, хад̇т̇иг̇аваассавал̣авам̣ ж̇аад̇ид̇хаммам̣, ж̇аад̇аруубараж̇ад̇ам̣ ж̇аад̇ид̇хаммам̣. ж̇аад̇ид̇хаммаа хзд̇з, бхигкавз, убад̇хаяо. зд̇т̇ааяам̣ г̇ат̇ид̇о 1 мужчид̇о аж̇жхаабанно ад̇д̇анаа ж̇аад̇ид̇хаммо самаано ж̇аад̇ид̇хаммам̣язва бариязсад̇и.
‘‘Kiñca, bhikkhave, jātidhammaṃ vadetha? Puttabhariyaṃ, bhikkhave, jātidhammaṃ, dāsidāsaṃ jātidhammaṃ, ajeḷakaṃ jātidhammaṃ, kukkuṭasūkaraṃ jātidhammaṃ, hatthigavāssavaḷavaṃ jātidhammaṃ, jātarūparajataṃ jātidhammaṃ. Jātidhammā hete, bhikkhave, upadhayo. Etthāyaṃ gathito 2 mucchito ajjhāpanno attanā jātidhammo samāno jātidhammaṃyeva pariyesati.
‘‘гин̃жа, бхигкавз, ж̇араад̇хаммам̣ вад̣̇зт̇а? буд̇д̇абхарияам̣, бхигкавз, ж̇араад̇хаммам̣, д̣̇аасид̣̇аасам̣ ж̇араад̇хаммам̣, аж̇зл̣агам̣ ж̇араад̇хаммам̣, гуггудасуугарам̣ ж̇араад̇хаммам̣, хад̇т̇иг̇аваассавал̣авам̣ ж̇араад̇хаммам̣ , ж̇аад̇аруубараж̇ад̇ам̣ ж̇араад̇хаммам̣. ж̇араад̇хаммаа хзд̇з, бхигкавз, убад̇хаяо. зд̇т̇ааяам̣ г̇ат̇ид̇о мужчид̇о аж̇жхаабанно ад̇д̇анаа ж̇араад̇хаммо самаано ж̇араад̇хаммам̣язва бариязсад̇и.
‘‘Kiñca, bhikkhave, jarādhammaṃ vadetha? Puttabhariyaṃ, bhikkhave, jarādhammaṃ, dāsidāsaṃ jarādhammaṃ, ajeḷakaṃ jarādhammaṃ, kukkuṭasūkaraṃ jarādhammaṃ, hatthigavāssavaḷavaṃ jarādhammaṃ , jātarūparajataṃ jarādhammaṃ. Jarādhammā hete, bhikkhave, upadhayo. Etthāyaṃ gathito mucchito ajjhāpanno attanā jarādhammo samāno jarādhammaṃyeva pariyesati.
‘‘гин̃жа, бхигкавз, б̣яаад̇хид̇хаммам̣ вад̣̇зт̇а? буд̇д̇абхарияам̣, бхигкавз, б̣яаад̇хид̇хаммам̣, д̣̇аасид̣̇аасам̣ б̣яаад̇хид̇хаммам̣, аж̇зл̣агам̣ б̣яаад̇хид̇хаммам̣, гуггудасуугарам̣ б̣яаад̇хид̇хаммам̣, хад̇т̇иг̇аваассавал̣авам̣ б̣яаад̇хид̇хаммам̣. б̣яаад̇хид̇хаммаа хзд̇з, бхигкавз, убад̇хаяо. зд̇т̇ааяам̣ г̇ат̇ид̇о мужчид̇о аж̇жхаабанно ад̇д̇анаа б̣яаад̇хид̇хаммо самаано б̣яаад̇хид̇хаммам̣язва бариязсад̇и.
‘‘Kiñca, bhikkhave, byādhidhammaṃ vadetha? Puttabhariyaṃ, bhikkhave, byādhidhammaṃ, dāsidāsaṃ byādhidhammaṃ, ajeḷakaṃ byādhidhammaṃ, kukkuṭasūkaraṃ byādhidhammaṃ, hatthigavāssavaḷavaṃ byādhidhammaṃ. Byādhidhammā hete, bhikkhave, upadhayo. Etthāyaṃ gathito mucchito ajjhāpanno attanā byādhidhammo samāno byādhidhammaṃyeva pariyesati.
‘‘гин̃жа, бхигкавз, маран̣ад̇хаммам̣ вад̣̇зт̇а? буд̇д̇абхарияам̣, бхигкавз, маран̣ад̇хаммам̣, д̣̇аасид̣̇аасам̣ маран̣ад̇хаммам̣, аж̇зл̣агам̣ маран̣ад̇хаммам̣, гуггудасуугарам̣ маран̣ад̇хаммам̣, хад̇т̇иг̇аваассавал̣авам̣ маран̣ад̇хаммам̣. маран̣ад̇хаммаа хзд̇з, бхигкавз, убад̇хаяо. зд̇т̇ааяам̣ г̇ат̇ид̇о мужчид̇о аж̇жхаабанно ад̇д̇анаа маран̣ад̇хаммо самаано маран̣ад̇хаммам̣язва бариязсад̇и.
‘‘Kiñca, bhikkhave, maraṇadhammaṃ vadetha? Puttabhariyaṃ, bhikkhave, maraṇadhammaṃ, dāsidāsaṃ maraṇadhammaṃ, ajeḷakaṃ maraṇadhammaṃ, kukkuṭasūkaraṃ maraṇadhammaṃ, hatthigavāssavaḷavaṃ maraṇadhammaṃ. Maraṇadhammā hete, bhikkhave, upadhayo. Etthāyaṃ gathito mucchito ajjhāpanno attanā maraṇadhammo samāno maraṇadhammaṃyeva pariyesati.
‘‘гин̃жа, бхигкавз, согад̇хаммам̣ вад̣̇зт̇а? буд̇д̇абхарияам̣, бхигкавз, согад̇хаммам̣, д̣̇аасид̣̇аасам̣ согад̇хаммам̣, аж̇зл̣агам̣ согад̇хаммам̣, гуггудасуугарам̣ согад̇хаммам̣, хад̇т̇иг̇аваассавал̣авам̣ согад̇хаммам̣. согад̇хаммаа хзд̇з, бхигкавз, убад̇хаяо. зд̇т̇ааяам̣ г̇ат̇ид̇о мужчид̇о аж̇жхаабанно ад̇д̇анаа согад̇хаммо самаано согад̇хаммам̣язва бариязсад̇и.
‘‘Kiñca, bhikkhave, sokadhammaṃ vadetha? Puttabhariyaṃ, bhikkhave, sokadhammaṃ, dāsidāsaṃ sokadhammaṃ, ajeḷakaṃ sokadhammaṃ, kukkuṭasūkaraṃ sokadhammaṃ, hatthigavāssavaḷavaṃ sokadhammaṃ. Sokadhammā hete, bhikkhave, upadhayo. Etthāyaṃ gathito mucchito ajjhāpanno attanā sokadhammo samāno sokadhammaṃyeva pariyesati.
‘‘гин̃жа, бхигкавз, сам̣гилзсад̇хаммам̣ вад̣̇зт̇а? буд̇д̇абхарияам̣, бхигкавз, сам̣гилзсад̇хаммам̣, д̣̇аасид̣̇аасам̣ сам̣гилзсад̇хаммам̣, аж̇зл̣агам̣ сам̣гилзсад̇хаммам̣ , гуггудасуугарам̣ сам̣гилзсад̇хаммам̣, хад̇т̇иг̇аваассавал̣авам̣ сам̣гилзсад̇хаммам̣, ж̇аад̇аруубараж̇ад̇ам̣ сам̣гилзсад̇хаммам̣. сам̣гилзсад̇хаммаа хзд̇з, бхигкавз, убад̇хаяо. зд̇т̇ааяам̣ г̇ат̇ид̇о мужчид̇о аж̇жхаабанно ад̇д̇анаа сам̣гилзсад̇хаммо самаано сам̣гилзсад̇хаммам̣язва бариязсад̇и. аяам̣, бхигкавз, анарияаа бариязсанаа.
‘‘Kiñca, bhikkhave, saṃkilesadhammaṃ vadetha? Puttabhariyaṃ, bhikkhave, saṃkilesadhammaṃ, dāsidāsaṃ saṃkilesadhammaṃ, ajeḷakaṃ saṃkilesadhammaṃ , kukkuṭasūkaraṃ saṃkilesadhammaṃ, hatthigavāssavaḷavaṃ saṃkilesadhammaṃ, jātarūparajataṃ saṃkilesadhammaṃ. Saṃkilesadhammā hete, bhikkhave, upadhayo. Etthāyaṃ gathito mucchito ajjhāpanno attanā saṃkilesadhammo samāno saṃkilesadhammaṃyeva pariyesati. Ayaṃ, bhikkhave, anariyā pariyesanā.
275. ‘‘гад̇амаа жа, бхигкавз, арияаа бариязсанаа? ид̇ха, бхигкавз, згажжо ад̇д̇анаа ж̇аад̇ид̇хаммо самаано ж̇аад̇ид̇хаммз аад̣̇ийнавам̣ вид̣̇ид̇ваа аж̇аад̇ам̣ ануд̇д̇арам̣ яог̇агкзмам̣ ниб̣б̣аанам̣ бариязсад̇и, ад̇д̇анаа ж̇араад̇хаммо самаано ж̇араад̇хаммз аад̣̇ийнавам̣ вид̣̇ид̇ваа аж̇арам̣ ануд̇д̇арам̣ яог̇агкзмам̣ ниб̣б̣аанам̣ бариязсад̇и, ад̇д̇анаа б̣яаад̇хид̇хаммо самаано б̣яаад̇хид̇хаммз аад̣̇ийнавам̣ вид̣̇ид̇ваа аб̣яаад̇хим̣ ануд̇д̇арам̣ яог̇агкзмам̣ ниб̣б̣аанам̣ бариязсад̇и, ад̇д̇анаа маран̣ад̇хаммо самаано маран̣ад̇хаммз аад̣̇ийнавам̣ вид̣̇ид̇ваа амад̇ам̣ ануд̇д̇арам̣ яог̇агкзмам̣ ниб̣б̣аанам̣ бариязсад̇и, ад̇д̇анаа согад̇хаммо самаано согад̇хаммз аад̣̇ийнавам̣ вид̣̇ид̇ваа асогам̣ ануд̇д̇арам̣ яог̇агкзмам̣ ниб̣б̣аанам̣ бариязсад̇и, ад̇д̇анаа сам̣гилзсад̇хаммо самаано сам̣гилзсад̇хаммз аад̣̇ийнавам̣ вид̣̇ид̇ваа асам̣гилидтам̣ ануд̇д̇арам̣ яог̇агкзмам̣ ниб̣б̣аанам̣ бариязсад̇и. аяам̣, бхигкавз, арияаа бариязсанаа.
275. ‘‘Katamā ca, bhikkhave, ariyā pariyesanā? Idha, bhikkhave, ekacco attanā jātidhammo samāno jātidhamme ādīnavaṃ viditvā ajātaṃ anuttaraṃ yogakkhemaṃ nibbānaṃ pariyesati, attanā jarādhammo samāno jarādhamme ādīnavaṃ viditvā ajaraṃ anuttaraṃ yogakkhemaṃ nibbānaṃ pariyesati, attanā byādhidhammo samāno byādhidhamme ādīnavaṃ viditvā abyādhiṃ anuttaraṃ yogakkhemaṃ nibbānaṃ pariyesati, attanā maraṇadhammo samāno maraṇadhamme ādīnavaṃ viditvā amataṃ anuttaraṃ yogakkhemaṃ nibbānaṃ pariyesati, attanā sokadhammo samāno sokadhamme ādīnavaṃ viditvā asokaṃ anuttaraṃ yogakkhemaṃ nibbānaṃ pariyesati, attanā saṃkilesadhammo samāno saṃkilesadhamme ādīnavaṃ viditvā asaṃkiliṭṭhaṃ anuttaraṃ yogakkhemaṃ nibbānaṃ pariyesati. Ayaṃ, bhikkhave, ariyā pariyesanā.
276. ‘‘ахамби суд̣̇ам̣, бхигкавз, буб̣б̣зва самб̣од̇хаа анабхисамб̣уд̣̇д̇хо б̣од̇хисад̇д̇ова самаано ад̇д̇анаа ж̇аад̇ид̇хаммо самаано ж̇аад̇ид̇хаммам̣язва бариязсаами, ад̇д̇анаа ж̇араад̇хаммо самаано ж̇араад̇хаммам̣язва бариязсаами, ад̇д̇анаа б̣яаад̇хид̇хаммо самаано б̣яаад̇хид̇хаммам̣язва бариязсаами, ад̇д̇анаа маран̣ад̇хаммо самаано маран̣ад̇хаммам̣язва бариязсаами, ад̇д̇анаа согад̇хаммо самаано согад̇хаммам̣язва бариязсаами, ад̇д̇анаа сам̣гилзсад̇хаммо самаано сам̣гилзсад̇хаммам̣язва бариязсаами. д̇асса маяхам̣, бхигкавз, зд̇ад̣̇ахоси – ‘гим̣ ну ко ахам̣ ад̇д̇анаа ж̇аад̇ид̇хаммо самаано ж̇аад̇ид̇хаммам̣язва бариязсаами, ад̇д̇анаа ж̇араад̇хаммо самаано…бз… б̣яаад̇хид̇хаммо самаано… маран̣ад̇хаммо самаано… согад̇хаммо самаано… ад̇д̇анаа сам̣гилзсад̇хаммо самаано сам̣гилзсад̇хаммам̣язва бариязсаами? яам̣нуунаахам̣ ад̇д̇анаа ж̇аад̇ид̇хаммо самаано ж̇аад̇ид̇хаммз аад̣̇ийнавам̣ вид̣̇ид̇ваа аж̇аад̇ам̣ ануд̇д̇арам̣ яог̇агкзмам̣ ниб̣б̣аанам̣ бариязсзяяам̣, ад̇д̇анаа ж̇араад̇хаммо самаано ж̇араад̇хаммз аад̣̇ийнавам̣ вид̣̇ид̇ваа аж̇арам̣ ануд̇д̇арам̣ яог̇агкзмам̣ ниб̣б̣аанам̣ бариязсзяяам̣, ад̇д̇анаа б̣яаад̇хид̇хаммо самаано б̣яаад̇хид̇хаммз аад̣̇ийнавам̣ вид̣̇ид̇ваа аб̣яаад̇хим̣ ануд̇д̇арам̣ яог̇агкзмам̣ ниб̣б̣аанам̣ бариязсзяяам̣, ад̇д̇анаа маран̣ад̇хаммо самаано маран̣ад̇хаммз аад̣̇ийнавам̣ вид̣̇ид̇ваа амад̇ам̣ ануд̇д̇арам̣ яог̇агкзмам̣ ниб̣б̣аанам̣ бариязсзяяам̣, ад̇д̇анаа согад̇хаммо самаано согад̇хаммз аад̣̇ийнавам̣ вид̣̇ид̇ваа асогам̣ ануд̇д̇арам̣ яог̇агкзмам̣ ниб̣б̣аанам̣ бариязсзяяам̣, ад̇д̇анаа сам̣гилзсад̇хаммо самаано сам̣гилзсад̇хаммз аад̣̇ийнавам̣ вид̣̇ид̇ваа асам̣гилидтам̣ ануд̇д̇арам̣ яог̇агкзмам̣ ниб̣б̣аанам̣ бариязсзяяа’нд̇и.
276. ‘‘Ahampi sudaṃ, bhikkhave, pubbeva sambodhā anabhisambuddho bodhisattova samāno attanā jātidhammo samāno jātidhammaṃyeva pariyesāmi, attanā jarādhammo samāno jarādhammaṃyeva pariyesāmi, attanā byādhidhammo samāno byādhidhammaṃyeva pariyesāmi, attanā maraṇadhammo samāno maraṇadhammaṃyeva pariyesāmi, attanā sokadhammo samāno sokadhammaṃyeva pariyesāmi, attanā saṃkilesadhammo samāno saṃkilesadhammaṃyeva pariyesāmi. Tassa mayhaṃ, bhikkhave, etadahosi – ‘kiṃ nu kho ahaṃ attanā jātidhammo samāno jātidhammaṃyeva pariyesāmi, attanā jarādhammo samāno…pe… byādhidhammo samāno… maraṇadhammo samāno… sokadhammo samāno… attanā saṃkilesadhammo samāno saṃkilesadhammaṃyeva pariyesāmi? Yaṃnūnāhaṃ attanā jātidhammo samāno jātidhamme ādīnavaṃ viditvā ajātaṃ anuttaraṃ yogakkhemaṃ nibbānaṃ pariyeseyyaṃ, attanā jarādhammo samāno jarādhamme ādīnavaṃ viditvā ajaraṃ anuttaraṃ yogakkhemaṃ nibbānaṃ pariyeseyyaṃ, attanā byādhidhammo samāno byādhidhamme ādīnavaṃ viditvā abyādhiṃ anuttaraṃ yogakkhemaṃ nibbānaṃ pariyeseyyaṃ, attanā maraṇadhammo samāno maraṇadhamme ādīnavaṃ viditvā amataṃ anuttaraṃ yogakkhemaṃ nibbānaṃ pariyeseyyaṃ, attanā sokadhammo samāno sokadhamme ādīnavaṃ viditvā asokaṃ anuttaraṃ yogakkhemaṃ nibbānaṃ pariyeseyyaṃ, attanā saṃkilesadhammo samāno saṃkilesadhamme ādīnavaṃ viditvā asaṃkiliṭṭhaṃ anuttaraṃ yogakkhemaṃ nibbānaṃ pariyeseyya’nti.
277. ‘‘со ко ахам̣, бхигкавз, абарзна самаязна д̣̇ахарова самаано сусугаал̣агзсо , бхад̣̇рзна яоб̣б̣анзна саманнааг̇ад̇о батамзна ваяасаа агаамагаанам̣ маад̇аабид̇уунам̣ ассумукаанам̣ руд̣̇анд̇аанам̣ гзсамассум̣ охаарзд̇ваа гаасааяаани вад̇т̇аани ажчаад̣̇зд̇ваа аг̇аарасмаа анаг̇аарияам̣ баб̣б̣аж̇им̣. со звам̣ баб̣б̣аж̇ид̇о самаано гим̣ гусалаг̇авзсий 3 ануд̇д̇арам̣ санд̇иварабад̣̇ам̣ бариязсамаано язна аал̣ааро гаалаамо д̇знубасан̇гамим̣. убасан̇гамид̇ваа аал̣аарам̣ гаалаамам̣ зд̇ад̣̇авожам̣ – ‘ижчаамахам̣, аавусо гаалаама, имасмим̣ д̇хаммавинаяз б̣рахмажарияам̣ жарид̇у’нд̇и. звам̣ вуд̇д̇з, бхигкавз, аал̣ааро гаалаамо мам̣ зд̇ад̣̇авожа – ‘вихарад̇ааяасмаа; д̇аад̣̇исо аяам̣ д̇хаммо яад̇т̇а вин̃н̃уу бурисо нажирассзва сагам̣ аажарияагам̣ саяам̣ абхин̃н̃аа сажчигад̇ваа убасамбаж̇ж̇а вихарзяяаа’д̇и. со ко ахам̣, бхигкавз, нажирассзва киббамзва д̇ам̣ д̇хаммам̣ барияаабун̣им̣. со ко ахам̣, бхигкавз, д̇аавад̇агзнзва одтабахад̇амад̇д̇зна лабид̇алаабанамад̇д̇зна н̃аан̣аваад̣̇ан̃жа вад̣̇аами т̇зраваад̣̇ан̃жа, ‘ж̇аанаами бассаамий’д̇и жа бадиж̇аанаами ахан̃жзва ан̃н̃з жа. д̇асса маяхам̣, бхигкавз, зд̇ад̣̇ахоси – ‘на ко аал̣ааро гаалаамо имам̣ д̇хаммам̣ гзвалам̣ сад̣̇д̇хаамад̇д̇агзна саяам̣ абхин̃н̃аа сажчигад̇ваа убасамбаж̇ж̇а вихараамийд̇и бавзд̣̇зд̇и; ад̣̇д̇хаа аал̣ааро гаалаамо имам̣ д̇хаммам̣ ж̇аанам̣ бассам̣ вихарад̇ий’д̇и.
277. ‘‘So kho ahaṃ, bhikkhave, aparena samayena daharova samāno susukāḷakeso , bhadrena yobbanena samannāgato paṭhamena vayasā akāmakānaṃ mātāpitūnaṃ assumukhānaṃ rudantānaṃ kesamassuṃ ohāretvā kāsāyāni vatthāni acchādetvā agārasmā anagāriyaṃ pabbajiṃ. So evaṃ pabbajito samāno kiṃ kusalagavesī 4 anuttaraṃ santivarapadaṃ pariyesamāno yena āḷāro kālāmo tenupasaṅkamiṃ. Upasaṅkamitvā āḷāraṃ kālāmaṃ etadavocaṃ – ‘icchāmahaṃ, āvuso kālāma, imasmiṃ dhammavinaye brahmacariyaṃ caritu’nti. Evaṃ vutte, bhikkhave, āḷāro kālāmo maṃ etadavoca – ‘viharatāyasmā; tādiso ayaṃ dhammo yattha viññū puriso nacirasseva sakaṃ ācariyakaṃ sayaṃ abhiññā sacchikatvā upasampajja vihareyyā’ti. So kho ahaṃ, bhikkhave, nacirasseva khippameva taṃ dhammaṃ pariyāpuṇiṃ. So kho ahaṃ, bhikkhave, tāvatakeneva oṭṭhapahatamattena lapitalāpanamattena ñāṇavādañca vadāmi theravādañca, ‘jānāmi passāmī’ti ca paṭijānāmi ahañceva aññe ca. Tassa mayhaṃ, bhikkhave, etadahosi – ‘na kho āḷāro kālāmo imaṃ dhammaṃ kevalaṃ saddhāmattakena sayaṃ abhiññā sacchikatvā upasampajja viharāmīti pavedeti; addhā āḷāro kālāmo imaṃ dhammaṃ jānaṃ passaṃ viharatī’ti.
‘‘ат̇а кваахам̣, бхигкавз, язна аал̣ааро гаалаамо д̇знубасан̇гамим̣; убасан̇гамид̇ваа аал̣аарам̣ гаалаамам̣ зд̇ад̣̇авожам̣ – ‘гид̇д̇аавад̇аа но, аавусо гаалаама, имам̣ д̇хаммам̣ саяам̣ абхин̃н̃аа сажчигад̇ваа убасамбаж̇ж̇а вихараамийд̇и бавзд̣̇зсий’д̇и 5? звам̣ вуд̇д̇з, бхигкавз, аал̣ааро гаалаамо аагин̃жан̃н̃ааяад̇анам̣ бавзд̣̇зси. д̇асса маяхам̣, бхигкавз, зд̇ад̣̇ахоси – ‘на ко аал̣аарассзва гаалаамасса ад̇т̇и сад̣̇д̇хаа, маяхам̣бад̇т̇и сад̣̇д̇хаа; на ко аал̣аарассзва гаалаамасса ад̇т̇и вийрияам̣, маяхам̣бад̇т̇и вийрияам̣; на ко аал̣аарассзва гаалаамасса ад̇т̇и сад̇и, маяхам̣бад̇т̇и сад̇и; на ко аал̣аарассзва гаалаамасса ад̇т̇и самаад̇хи, маяхам̣бад̇т̇и самаад̇хи; на ко аал̣аарассзва гаалаамасса ад̇т̇и бан̃н̃аа, маяхам̣бад̇т̇и бан̃н̃аа. яам̣нуунаахам̣ яам̣ д̇хаммам̣ аал̣ааро гаалаамо саяам̣ абхин̃н̃аа сажчигад̇ваа убасамбаж̇ж̇а вихараамийд̇и бавзд̣̇зд̇и, д̇асса д̇хаммасса сажчигирияааяа бад̣̇ахзяяа’нд̇и. со ко ахам̣, бхигкавз, нажирассзва киббамзва д̇ам̣ д̇хаммам̣ саяам̣ абхин̃н̃аа сажчигад̇ваа убасамбаж̇ж̇а вихаасим̣.
‘‘Atha khvāhaṃ, bhikkhave, yena āḷāro kālāmo tenupasaṅkamiṃ; upasaṅkamitvā āḷāraṃ kālāmaṃ etadavocaṃ – ‘kittāvatā no, āvuso kālāma, imaṃ dhammaṃ sayaṃ abhiññā sacchikatvā upasampajja viharāmīti pavedesī’ti 6? Evaṃ vutte, bhikkhave, āḷāro kālāmo ākiñcaññāyatanaṃ pavedesi. Tassa mayhaṃ, bhikkhave, etadahosi – ‘na kho āḷārasseva kālāmassa atthi saddhā, mayhaṃpatthi saddhā; na kho āḷārasseva kālāmassa atthi vīriyaṃ, mayhaṃpatthi vīriyaṃ; na kho āḷārasseva kālāmassa atthi sati, mayhaṃpatthi sati; na kho āḷārasseva kālāmassa atthi samādhi, mayhaṃpatthi samādhi; na kho āḷārasseva kālāmassa atthi paññā, mayhaṃpatthi paññā. Yaṃnūnāhaṃ yaṃ dhammaṃ āḷāro kālāmo sayaṃ abhiññā sacchikatvā upasampajja viharāmīti pavedeti, tassa dhammassa sacchikiriyāya padaheyya’nti. So kho ahaṃ, bhikkhave, nacirasseva khippameva taṃ dhammaṃ sayaṃ abhiññā sacchikatvā upasampajja vihāsiṃ.
‘‘ат̇а кваахам̣, бхигкавз, язна аал̣ааро гаалаамо д̇знубасан̇гамим̣; убасан̇гамид̇ваа аал̣аарам̣ гаалаамам̣ зд̇ад̣̇авожам̣ –
‘‘Atha khvāhaṃ, bhikkhave, yena āḷāro kālāmo tenupasaṅkamiṃ; upasaṅkamitvā āḷāraṃ kālāmaṃ etadavocaṃ –
‘зд̇д̇аавад̇аа но, аавусо гаалаама, имам̣ д̇хаммам̣ саяам̣ абхин̃н̃аа сажчигад̇ваа убасамбаж̇ж̇а бавзд̣̇зсий’д̇и?
‘Ettāvatā no, āvuso kālāma, imaṃ dhammaṃ sayaṃ abhiññā sacchikatvā upasampajja pavedesī’ti?
‘зд̇д̇аавад̇аа ко ахам̣, аавусо, имам̣ д̇хаммам̣ саяам̣ абхин̃н̃аа сажчигад̇ваа убасамбаж̇ж̇а бавзд̣̇змий’д̇и.
‘Ettāvatā kho ahaṃ, āvuso, imaṃ dhammaṃ sayaṃ abhiññā sacchikatvā upasampajja pavedemī’ti.
‘ахамби ко, аавусо, зд̇д̇аавад̇аа имам̣ д̇хаммам̣ саяам̣ абхин̃н̃аа сажчигад̇ваа убасамбаж̇ж̇а вихараамий’д̇и.
‘Ahampi kho, āvuso, ettāvatā imaṃ dhammaṃ sayaṃ abhiññā sacchikatvā upasampajja viharāmī’ti.
‘лаабхаа но, аавусо, сулад̣̇д̇хам̣ но, аавусо, яз маяам̣ ааяасманд̇ам̣ д̇аад̣̇исам̣ саб̣рахмажаарим̣ бассаама. ид̇и яаахам̣ д̇хаммам̣ саяам̣ абхин̃н̃аа сажчигад̇ваа убасамбаж̇ж̇а бавзд̣̇зми д̇ам̣ д̇вам̣ д̇хаммам̣ саяам̣ абхин̃н̃аа сажчигад̇ваа убасамбаж̇ж̇а вихараси. яам̣ д̇вам̣ д̇хаммам̣ саяам̣ абхин̃н̃аа сажчигад̇ваа убасамбаж̇ж̇а вихараси д̇амахам̣ д̇хаммам̣ саяам̣ абхин̃н̃аа сажчигад̇ваа убасамбаж̇ж̇а бавзд̣̇зми. ид̇и яаахам̣ д̇хаммам̣ ж̇аанаами д̇ам̣ д̇вам̣ д̇хаммам̣ ж̇аанааси, яам̣ д̇вам̣ д̇хаммам̣ ж̇аанааси д̇амахам̣ д̇хаммам̣ ж̇аанаами. ид̇и яаад̣̇исо ахам̣ д̇аад̣̇исо д̇увам̣, яаад̣̇исо д̇увам̣ д̇аад̣̇исо ахам̣. зхи д̣̇аани, аавусо, убхова санд̇аа имам̣ г̇ан̣ам̣ барихараамаа’д̇и. ид̇и ко, бхигкавз, аал̣ааро гаалаамо аажарияо мз самаано (ад̇д̇ано) 7 анд̇зваасим̣ мам̣ самаанам̣ ад̇д̇анаа 8 самасамам̣ табзси, ул̣аарааяа жа мам̣ бууж̇ааяа бууж̇зси. д̇асса маяхам̣, бхигкавз, зд̇ад̣̇ахоси – ‘нааяам̣ д̇хаммо ниб̣б̣ид̣̇ааяа на вирааг̇ааяа на нирод̇хааяа на убасамааяа на абхин̃н̃ааяа на самб̣од̇хааяа на ниб̣б̣аанааяа сам̣вад̇д̇ад̇и, яаавад̣̇зва аагин̃жан̃н̃ааяад̇ануубабад̇д̇ияаа’д̇и. со ко ахам̣, бхигкавз, д̇ам̣ д̇хаммам̣ аналан̇гарид̇ваа д̇асмаа д̇хаммаа ниб̣б̣иж̇ж̇а абаггамим̣.
‘Lābhā no, āvuso, suladdhaṃ no, āvuso, ye mayaṃ āyasmantaṃ tādisaṃ sabrahmacāriṃ passāma. Iti yāhaṃ dhammaṃ sayaṃ abhiññā sacchikatvā upasampajja pavedemi taṃ tvaṃ dhammaṃ sayaṃ abhiññā sacchikatvā upasampajja viharasi. Yaṃ tvaṃ dhammaṃ sayaṃ abhiññā sacchikatvā upasampajja viharasi tamahaṃ dhammaṃ sayaṃ abhiññā sacchikatvā upasampajja pavedemi. Iti yāhaṃ dhammaṃ jānāmi taṃ tvaṃ dhammaṃ jānāsi, yaṃ tvaṃ dhammaṃ jānāsi tamahaṃ dhammaṃ jānāmi. Iti yādiso ahaṃ tādiso tuvaṃ, yādiso tuvaṃ tādiso ahaṃ. Ehi dāni, āvuso, ubhova santā imaṃ gaṇaṃ pariharāmā’ti. Iti kho, bhikkhave, āḷāro kālāmo ācariyo me samāno (attano) 9 antevāsiṃ maṃ samānaṃ attanā 10 samasamaṃ ṭhapesi, uḷārāya ca maṃ pūjāya pūjesi. Tassa mayhaṃ, bhikkhave, etadahosi – ‘nāyaṃ dhammo nibbidāya na virāgāya na nirodhāya na upasamāya na abhiññāya na sambodhāya na nibbānāya saṃvattati, yāvadeva ākiñcaññāyatanūpapattiyā’ti. So kho ahaṃ, bhikkhave, taṃ dhammaṃ analaṅkaritvā tasmā dhammā nibbijja apakkamiṃ.
278. ‘‘со ко ахам̣, бхигкавз, гим̣ гусалаг̇авзсий ануд̇д̇арам̣ санд̇иварабад̣̇ам̣ бариязсамаано язна уд̣̇аго 11 раамабуд̇д̇о д̇знубасан̇гамим̣; убасан̇гамид̇ваа уд̣̇агам̣ раамабуд̇д̇ам̣ зд̇ад̣̇авожам̣ – ‘ижчаамахам̣, аавусо 12, имасмим̣ д̇хаммавинаяз б̣рахмажарияам̣ жарид̇у’нд̇и. звам̣ вуд̇д̇з, бхигкавз, уд̣̇аго раамабуд̇д̇о мам̣ зд̇ад̣̇авожа – ‘вихарад̇ааяасмаа; д̇аад̣̇исо аяам̣ д̇хаммо яад̇т̇а вин̃н̃уу бурисо нажирассзва сагам̣ аажарияагам̣ саяам̣ абхин̃н̃аа сажчигад̇ваа убасамбаж̇ж̇а вихарзяяаа’д̇и. со ко ахам̣, бхигкавз, нажирассзва киббамзва д̇ам̣ д̇хаммам̣ барияаабун̣им̣. со ко ахам̣, бхигкавз, д̇аавад̇агзнзва одтабахад̇амад̇д̇зна лабид̇алаабанамад̇д̇зна н̃аан̣аваад̣̇ан̃жа вад̣̇аами т̇зраваад̣̇ан̃жа, ‘ж̇аанаами бассаамий’д̇и жа бадиж̇аанаами ахан̃жзва ан̃н̃з жа. д̇асса маяхам̣, бхигкавз, зд̇ад̣̇ахоси – ‘на ко раамо имам̣ д̇хаммам̣ гзвалам̣ сад̣̇д̇хаамад̇д̇агзна саяам̣ абхин̃н̃аа сажчигад̇ваа убасамбаж̇ж̇а вихараамийд̇и бавзд̣̇зси; ад̣̇д̇хаа раамо имам̣ д̇хаммам̣ ж̇аанам̣ бассам̣ вихаасий’д̇и.
278. ‘‘So kho ahaṃ, bhikkhave, kiṃ kusalagavesī anuttaraṃ santivarapadaṃ pariyesamāno yena udako 13 rāmaputto tenupasaṅkamiṃ; upasaṅkamitvā udakaṃ rāmaputtaṃ etadavocaṃ – ‘icchāmahaṃ, āvuso 14, imasmiṃ dhammavinaye brahmacariyaṃ caritu’nti. Evaṃ vutte, bhikkhave, udako rāmaputto maṃ etadavoca – ‘viharatāyasmā; tādiso ayaṃ dhammo yattha viññū puriso nacirasseva sakaṃ ācariyakaṃ sayaṃ abhiññā sacchikatvā upasampajja vihareyyā’ti. So kho ahaṃ, bhikkhave, nacirasseva khippameva taṃ dhammaṃ pariyāpuṇiṃ. So kho ahaṃ, bhikkhave, tāvatakeneva oṭṭhapahatamattena lapitalāpanamattena ñāṇavādañca vadāmi theravādañca, ‘jānāmi passāmī’ti ca paṭijānāmi ahañceva aññe ca. Tassa mayhaṃ, bhikkhave, etadahosi – ‘na kho rāmo imaṃ dhammaṃ kevalaṃ saddhāmattakena sayaṃ abhiññā sacchikatvā upasampajja viharāmīti pavedesi; addhā rāmo imaṃ dhammaṃ jānaṃ passaṃ vihāsī’ti.
‘‘ат̇а кваахам̣, бхигкавз, язна уд̣̇аго раамабуд̇д̇о д̇знубасан̇гамим̣; убасан̇гамид̇ваа уд̣̇агам̣ раамабуд̇д̇ам̣ зд̇ад̣̇авожам̣ – ‘гид̇д̇аавад̇аа но, аавусо, раамо имам̣ д̇хаммам̣ саяам̣ абхин̃н̃аа сажчигад̇ваа убасамбаж̇ж̇а вихараамийд̇и бавзд̣̇зсий’д̇и? звам̣ вуд̇д̇з, бхигкавз, уд̣̇аго раамабуд̇д̇о нзвасан̃н̃аанаасан̃н̃ааяад̇анам̣ бавзд̣̇зси. д̇асса маяхам̣, бхигкавз, зд̇ад̣̇ахоси – ‘на ко раамассзва ахоси сад̣̇д̇хаа, маяхам̣бад̇т̇и сад̣̇д̇хаа; на ко раамассзва ахоси вийрияам̣ , маяхам̣бад̇т̇и вийрияам̣; на ко раамассзва ахоси сад̇и, маяхам̣бад̇т̇и сад̇и; на ко раамассзва ахоси самаад̇хи, маяхам̣бад̇т̇и самаад̇хи, на ко раамассзва ахоси бан̃н̃аа, маяхам̣бад̇т̇и бан̃н̃аа. яам̣нуунаахам̣ яам̣ д̇хаммам̣ раамо саяам̣ абхин̃н̃аа сажчигад̇ваа убасамбаж̇ж̇а вихараамийд̇и бавзд̣̇зси, д̇асса д̇хаммасса сажчигирияааяа бад̣̇ахзяяа’нд̇и. со ко ахам̣, бхигкавз, нажирассзва киббамзва д̇ам̣ д̇хаммам̣ саяам̣ абхин̃н̃аа сажчигад̇ваа убасамбаж̇ж̇а вихаасим̣.
‘‘Atha khvāhaṃ, bhikkhave, yena udako rāmaputto tenupasaṅkamiṃ; upasaṅkamitvā udakaṃ rāmaputtaṃ etadavocaṃ – ‘kittāvatā no, āvuso, rāmo imaṃ dhammaṃ sayaṃ abhiññā sacchikatvā upasampajja viharāmīti pavedesī’ti? Evaṃ vutte, bhikkhave, udako rāmaputto nevasaññānāsaññāyatanaṃ pavedesi. Tassa mayhaṃ, bhikkhave, etadahosi – ‘na kho rāmasseva ahosi saddhā, mayhaṃpatthi saddhā; na kho rāmasseva ahosi vīriyaṃ , mayhaṃpatthi vīriyaṃ; na kho rāmasseva ahosi sati, mayhaṃpatthi sati; na kho rāmasseva ahosi samādhi, mayhaṃpatthi samādhi, na kho rāmasseva ahosi paññā, mayhaṃpatthi paññā. Yaṃnūnāhaṃ yaṃ dhammaṃ rāmo sayaṃ abhiññā sacchikatvā upasampajja viharāmīti pavedesi, tassa dhammassa sacchikiriyāya padaheyya’nti. So kho ahaṃ, bhikkhave, nacirasseva khippameva taṃ dhammaṃ sayaṃ abhiññā sacchikatvā upasampajja vihāsiṃ.
‘‘ат̇а кваахам̣, бхигкавз, язна уд̣̇аго раамабуд̇д̇о д̇знубасан̇гамим̣; убасан̇гамид̇ваа уд̣̇агам̣ раамабуд̇д̇ам̣ зд̇ад̣̇авожам̣ –
‘‘Atha khvāhaṃ, bhikkhave, yena udako rāmaputto tenupasaṅkamiṃ; upasaṅkamitvā udakaṃ rāmaputtaṃ etadavocaṃ –
‘зд̇д̇аавад̇аа но, аавусо, раамо имам̣ д̇хаммам̣ саяам̣ абхин̃н̃аа сажчигад̇ваа убасамбаж̇ж̇а бавзд̣̇зсий’д̇и?
‘Ettāvatā no, āvuso, rāmo imaṃ dhammaṃ sayaṃ abhiññā sacchikatvā upasampajja pavedesī’ti?
‘зд̇д̇аавад̇аа ко, аавусо, раамо имам̣ д̇хаммам̣ саяам̣ абхин̃н̃аа сажчигад̇ваа убасамбаж̇ж̇а бавзд̣̇зсий’д̇и.
‘Ettāvatā kho, āvuso, rāmo imaṃ dhammaṃ sayaṃ abhiññā sacchikatvā upasampajja pavedesī’ti.
‘ахамби ко, аавусо, зд̇д̇аавад̇аа имам̣ д̇хаммам̣ саяам̣ абхин̃н̃аа сажчигад̇ваа убасамбаж̇ж̇а вихараамий’д̇и.
‘Ahampi kho, āvuso, ettāvatā imaṃ dhammaṃ sayaṃ abhiññā sacchikatvā upasampajja viharāmī’ti.
‘лаабхаа но, аавусо, сулад̣̇д̇хам̣ но, аавусо, яз маяам̣ ааяасманд̇ам̣ д̇аад̣̇исам̣ саб̣рахмажаарим̣ бассаама. ид̇и яам̣ д̇хаммам̣ раамо саяам̣ абхин̃н̃аа сажчигад̇ваа убасамбаж̇ж̇а бавзд̣̇зси, д̇ам̣ д̇вам̣ д̇хаммам̣ саяам̣ абхин̃н̃аа сажчигад̇ваа убасамбаж̇ж̇а вихараси. яам̣ д̇вам̣ д̇хаммам̣ саяам̣ абхин̃н̃аа сажчигад̇ваа убасамбаж̇ж̇а вихараси, д̇ам̣ д̇хаммам̣ раамо саяам̣ абхин̃н̃аа сажчигад̇ваа убасамбаж̇ж̇а бавзд̣̇зси. ид̇и яам̣ д̇хаммам̣ раамо абхин̃н̃ааси д̇ам̣ д̇вам̣ д̇хаммам̣ ж̇аанааси, яам̣ д̇вам̣ д̇хаммам̣ ж̇аанааси, д̇ам̣ д̇хаммам̣ раамо абхин̃н̃ааси. ид̇и яаад̣̇исо раамо ахоси д̇аад̣̇исо д̇увам̣, яаад̣̇исо д̇увам̣ д̇аад̣̇исо раамо ахоси. зхи д̣̇аани, аавусо, д̇увам̣ имам̣ г̇ан̣ам̣ барихараа’д̇и . ид̇и ко, бхигкавз , уд̣̇аго раамабуд̇д̇о саб̣рахмажаарий мз самаано аажарияадтаанз мам̣ табзси, ул̣аарааяа жа мам̣ бууж̇ааяа бууж̇зси. д̇асса маяхам̣, бхигкавз, зд̇ад̣̇ахоси – ‘нааяам̣ д̇хаммо ниб̣б̣ид̣̇ааяа на вирааг̇ааяа на нирод̇хааяа на убасамааяа на абхин̃н̃ааяа на самб̣од̇хааяа на ниб̣б̣аанааяа сам̣вад̇д̇ад̇и, яаавад̣̇зва нзвасан̃н̃аанаасан̃н̃ааяад̇ануубабад̇д̇ияаа’д̇и. со ко ахам̣, бхигкавз, д̇ам̣ д̇хаммам̣ аналан̇гарид̇ваа д̇асмаа д̇хаммаа ниб̣б̣иж̇ж̇а абаггамим̣.
‘Lābhā no, āvuso, suladdhaṃ no, āvuso, ye mayaṃ āyasmantaṃ tādisaṃ sabrahmacāriṃ passāma. Iti yaṃ dhammaṃ rāmo sayaṃ abhiññā sacchikatvā upasampajja pavedesi, taṃ tvaṃ dhammaṃ sayaṃ abhiññā sacchikatvā upasampajja viharasi. Yaṃ tvaṃ dhammaṃ sayaṃ abhiññā sacchikatvā upasampajja viharasi, taṃ dhammaṃ rāmo sayaṃ abhiññā sacchikatvā upasampajja pavedesi. Iti yaṃ dhammaṃ rāmo abhiññāsi taṃ tvaṃ dhammaṃ jānāsi, yaṃ tvaṃ dhammaṃ jānāsi, taṃ dhammaṃ rāmo abhiññāsi. Iti yādiso rāmo ahosi tādiso tuvaṃ, yādiso tuvaṃ tādiso rāmo ahosi. Ehi dāni, āvuso, tuvaṃ imaṃ gaṇaṃ pariharā’ti . Iti kho, bhikkhave , udako rāmaputto sabrahmacārī me samāno ācariyaṭṭhāne maṃ ṭhapesi, uḷārāya ca maṃ pūjāya pūjesi. Tassa mayhaṃ, bhikkhave, etadahosi – ‘nāyaṃ dhammo nibbidāya na virāgāya na nirodhāya na upasamāya na abhiññāya na sambodhāya na nibbānāya saṃvattati, yāvadeva nevasaññānāsaññāyatanūpapattiyā’ti. So kho ahaṃ, bhikkhave, taṃ dhammaṃ analaṅkaritvā tasmā dhammā nibbijja apakkamiṃ.
279. ‘‘со ко ахам̣, бхигкавз, гим̣ гусалаг̇авзсий ануд̇д̇арам̣ санд̇иварабад̣̇ам̣ бариязсамаано маг̇ад̇хзсу анубуб̣б̣зна жааригам̣ жарамаано язна урувзлаа сзнааниг̇амо д̇ад̣̇авасарим̣. д̇ад̇т̇ад̣̇д̣̇асам̣ раман̣ийяам̣ бхуумибхааг̇ам̣, баасаад̣̇иган̃жа ванасан̣д̣ам̣, над̣̇ин̃жа санд̣̇анд̇им̣ сзд̇агам̣ субад̇ид̇т̇ам̣ раман̣ийяам̣, саманд̇аа 15 жа г̇ожараг̇аамам̣ . д̇асса маяхам̣, бхигкавз, зд̇ад̣̇ахоси – ‘раман̣ийяо вад̇а, бхо, бхуумибхааг̇о, баасаад̣̇иго жа ванасан̣д̣о, над̣̇ий жа санд̣̇ад̇и сзд̇агаа субад̇ид̇т̇аа раман̣ийяаа, саманд̇аа жа г̇ожараг̇аамо. алам̣ вад̇ид̣̇ам̣ гулабуд̇д̇асса бад̇хаанад̇т̇игасса бад̇хаанааяаа’д̇и. со ко ахам̣, бхигкавз, д̇ад̇т̇зва нисийд̣̇им̣ – аламид̣̇ам̣ бад̇хаанааяаад̇и.
279. ‘‘So kho ahaṃ, bhikkhave, kiṃ kusalagavesī anuttaraṃ santivarapadaṃ pariyesamāno magadhesu anupubbena cārikaṃ caramāno yena uruvelā senānigamo tadavasariṃ. Tatthaddasaṃ ramaṇīyaṃ bhūmibhāgaṃ, pāsādikañca vanasaṇḍaṃ, nadiñca sandantiṃ setakaṃ supatitthaṃ ramaṇīyaṃ, samantā 16 ca gocaragāmaṃ . Tassa mayhaṃ, bhikkhave, etadahosi – ‘ramaṇīyo vata, bho, bhūmibhāgo, pāsādiko ca vanasaṇḍo, nadī ca sandati setakā supatitthā ramaṇīyā, samantā ca gocaragāmo. Alaṃ vatidaṃ kulaputtassa padhānatthikassa padhānāyā’ti. So kho ahaṃ, bhikkhave, tattheva nisīdiṃ – alamidaṃ padhānāyāti.
280. ‘‘со ко ахам̣, бхигкавз, ад̇д̇анаа ж̇аад̇ид̇хаммо самаано ж̇аад̇ид̇хаммз аад̣̇ийнавам̣ вид̣̇ид̇ваа аж̇аад̇ам̣ ануд̇д̇арам̣ яог̇агкзмам̣ ниб̣б̣аанам̣ бариязсамаано аж̇аад̇ам̣ ануд̇д̇арам̣ яог̇агкзмам̣ ниб̣б̣аанам̣ аж̇жхаг̇амам̣, ад̇д̇анаа ж̇араад̇хаммо самаано ж̇араад̇хаммз аад̣̇ийнавам̣ вид̣̇ид̇ваа аж̇арам̣ ануд̇д̇арам̣ яог̇агкзмам̣ ниб̣б̣аанам̣ бариязсамаано аж̇арам̣ ануд̇д̇арам̣ яог̇агкзмам̣ ниб̣б̣аанам̣ аж̇жхаг̇амам̣, ад̇д̇анаа б̣яаад̇хид̇хаммо самаано б̣яаад̇хид̇хаммз аад̣̇ийнавам̣ вид̣̇ид̇ваа аб̣яаад̇хим̣ ануд̇д̇арам̣ яог̇агкзмам̣ ниб̣б̣аанам̣ бариязсамаано аб̣яаад̇хим̣ ануд̇д̇арам̣ яог̇агкзмам̣ ниб̣б̣аанам̣ аж̇жхаг̇амам̣, ад̇д̇анаа маран̣ад̇хаммо самаано маран̣ад̇хаммз аад̣̇ийнавам̣ вид̣̇ид̇ваа амад̇ам̣ ануд̇д̇арам̣ яог̇агкзмам̣ ниб̣б̣аанам̣ аж̇жхаг̇амам̣, ад̇д̇анаа согад̇хаммо самаано согад̇хаммз аад̣̇ийнавам̣ вид̣̇ид̇ваа асогам̣ ануд̇д̇арам̣ яог̇агкзмам̣ ниб̣б̣аанам̣ аж̇жхаг̇амам̣, ад̇д̇анаа сам̣гилзсад̇хаммо самаано сам̣гилзсад̇хаммз аад̣̇ийнавам̣ вид̣̇ид̇ваа асам̣гилидтам̣ ануд̇д̇арам̣ яог̇агкзмам̣ ниб̣б̣аанам̣ бариязсамаано асам̣гилидтам̣ ануд̇д̇арам̣ яог̇агкзмам̣ ниб̣б̣аанам̣ аж̇жхаг̇амам̣. н̃аан̣ан̃жа бана мз д̣̇ассанам̣ уд̣̇абаад̣̇и – ‘агуббаа мз вимуд̇д̇и, аяаманд̇имаа ж̇аад̇и, над̇т̇и д̣̇аани бунаб̣бхаво’д̇и.
280. ‘‘So kho ahaṃ, bhikkhave, attanā jātidhammo samāno jātidhamme ādīnavaṃ viditvā ajātaṃ anuttaraṃ yogakkhemaṃ nibbānaṃ pariyesamāno ajātaṃ anuttaraṃ yogakkhemaṃ nibbānaṃ ajjhagamaṃ, attanā jarādhammo samāno jarādhamme ādīnavaṃ viditvā ajaraṃ anuttaraṃ yogakkhemaṃ nibbānaṃ pariyesamāno ajaraṃ anuttaraṃ yogakkhemaṃ nibbānaṃ ajjhagamaṃ, attanā byādhidhammo samāno byādhidhamme ādīnavaṃ viditvā abyādhiṃ anuttaraṃ yogakkhemaṃ nibbānaṃ pariyesamāno abyādhiṃ anuttaraṃ yogakkhemaṃ nibbānaṃ ajjhagamaṃ, attanā maraṇadhammo samāno maraṇadhamme ādīnavaṃ viditvā amataṃ anuttaraṃ yogakkhemaṃ nibbānaṃ ajjhagamaṃ, attanā sokadhammo samāno sokadhamme ādīnavaṃ viditvā asokaṃ anuttaraṃ yogakkhemaṃ nibbānaṃ ajjhagamaṃ, attanā saṃkilesadhammo samāno saṃkilesadhamme ādīnavaṃ viditvā asaṃkiliṭṭhaṃ anuttaraṃ yogakkhemaṃ nibbānaṃ pariyesamāno asaṃkiliṭṭhaṃ anuttaraṃ yogakkhemaṃ nibbānaṃ ajjhagamaṃ. Ñāṇañca pana me dassanaṃ udapādi – ‘akuppā me vimutti, ayamantimā jāti, natthi dāni punabbhavo’ti.
281. ‘‘д̇асса маяхам̣, бхигкавз, зд̇ад̣̇ахоси – ‘ад̇хиг̇ад̇о ко мяааяам̣ д̇хаммо г̇амбхийро д̣̇уд̣̇д̣̇асо д̣̇урануб̣од̇хо санд̇о бан̣ийд̇о ад̇аггааважаро нибун̣о бан̣д̣ид̇авзд̣̇анийяо. аалаяараамаа ко банааяам̣ баж̇аа аалаяарад̇аа аалаяасаммуд̣̇ид̇аа. аалаяараамаа ко банааяам̣ баж̇аа аалаяарад̇ааяа аалаяасаммуд̣̇ид̇ааяа д̣̇уд̣̇д̣̇асам̣ ид̣̇ам̣ таанам̣ яад̣̇ид̣̇ам̣ – ид̣̇аббажжаяад̇аа бадижжасамуббаад̣̇о. ид̣̇амби ко таанам̣ д̣̇уд̣̇д̣̇асам̣ яад̣̇ид̣̇ам̣ – саб̣б̣асан̇каарасамат̇о саб̣б̣уубад̇хибадиниссаг̇г̇о д̇ан̣хаагкаяо вирааг̇о нирод̇хо ниб̣б̣аанам̣. ахан̃жзва ко бана д̇хаммам̣ д̣̇зсзяяам̣, барз жа мз на ааж̇аанзяяум̣, со мамасса гиламат̇о, саа мамасса вихзсаа’д̇и. абиссу мам̣, бхигкавз, имаа анажчарияаа г̇аат̇ааяо бадибхам̣су буб̣б̣з ассуд̇абуб̣б̣аа –
281. ‘‘Tassa mayhaṃ, bhikkhave, etadahosi – ‘adhigato kho myāyaṃ dhammo gambhīro duddaso duranubodho santo paṇīto atakkāvacaro nipuṇo paṇḍitavedanīyo. Ālayarāmā kho panāyaṃ pajā ālayaratā ālayasammuditā. Ālayarāmā kho panāyaṃ pajā ālayaratāya ālayasammuditāya duddasaṃ idaṃ ṭhānaṃ yadidaṃ – idappaccayatā paṭiccasamuppādo. Idampi kho ṭhānaṃ duddasaṃ yadidaṃ – sabbasaṅkhārasamatho sabbūpadhipaṭinissaggo taṇhākkhayo virāgo nirodho nibbānaṃ. Ahañceva kho pana dhammaṃ deseyyaṃ, pare ca me na ājāneyyuṃ, so mamassa kilamatho, sā mamassa vihesā’ti. Apissu maṃ, bhikkhave, imā anacchariyā gāthāyo paṭibhaṃsu pubbe assutapubbā –
‘гижчзна мз ад̇хиг̇ад̇ам̣, халам̣ д̣̇аани багаасид̇ум̣;
‘Kicchena me adhigataṃ, halaṃ dāni pakāsituṃ;
рааг̇ад̣̇осабарзд̇зхи, нааяам̣ д̇хаммо сусамб̣уд̇хо.
Rāgadosaparetehi, nāyaṃ dhammo susambudho.
‘бадисод̇аг̇аамим̣ нибун̣ам̣, г̇амбхийрам̣ д̣̇уд̣̇д̣̇асам̣ ан̣ум̣;
‘Paṭisotagāmiṃ nipuṇaṃ, gambhīraṃ duddasaṃ aṇuṃ;
рааг̇арад̇д̇аа на д̣̇агканд̇и, д̇амоканд̇хзна аавудаа’’’д̇и 17.
Rāgarattā na dakkhanti, tamokhandhena āvuṭā’’’ti 18.
282. ‘‘ид̇иха мз, бхигкавз, бадисан̃жигкад̇о аббоссуггад̇ааяа жид̇д̇ам̣ намад̇и, но д̇хаммад̣̇зсанааяа. ат̇а ко, бхигкавз, б̣рахмуно сахамбад̇исса мама жзд̇асаа жзд̇обаривид̇аггаман̃н̃ааяа зд̇ад̣̇ахоси – ‘нассад̇и вад̇а бхо лого, винассад̇и вад̇а бхо лого, яад̇ра хи наама д̇ат̇ааг̇ад̇асса арахад̇о саммаасамб̣уд̣̇д̇хасса аббоссуггад̇ааяа жид̇д̇ам̣ намад̇и 19, но д̇хаммад̣̇зсанааяаа’д̇и. ат̇а ко, бхигкавз, б̣рахмаа сахамбад̇и – сзяяат̇ааби наама б̣алаваа бурисо самин̃ж̇ид̇ам̣ ваа б̣аахам̣ басаарзяяа, басаарид̇ам̣ ваа б̣аахам̣ самин̃ж̇зяяа, звамзва – б̣рахмалогз анд̇арахид̇о мама бурад̇о баад̇урахоси. ат̇а ко, бхигкавз, б̣рахмаа сахамбад̇и згам̣сам̣ уд̇д̇араасан̇г̇ам̣ гарид̇ваа язнаахам̣ д̇знан̃ж̇алим̣ бан̣аамзд̇ваа мам̣ зд̇ад̣̇авожа – ‘д̣̇зсзд̇у, бханд̇з, бхаг̇аваа д̇хаммам̣, д̣̇зсзд̇у суг̇ад̇о д̇хаммам̣. санд̇и сад̇д̇аа аббараж̇агкаж̇аад̇игаа, ассаванад̇аа д̇хаммасса барихааяанд̇и. бхависсанд̇и д̇хаммасса ан̃н̃аад̇ааро’д̇и. ид̣̇амавожа, бхигкавз, б̣рахмаа сахамбад̇и. ид̣̇ам̣ вад̇ваа ат̇аабарам̣ зд̇ад̣̇авожа –
282. ‘‘Itiha me, bhikkhave, paṭisañcikkhato appossukkatāya cittaṃ namati, no dhammadesanāya. Atha kho, bhikkhave, brahmuno sahampatissa mama cetasā cetoparivitakkamaññāya etadahosi – ‘nassati vata bho loko, vinassati vata bho loko, yatra hi nāma tathāgatassa arahato sammāsambuddhassa appossukkatāya cittaṃ namati 20, no dhammadesanāyā’ti. Atha kho, bhikkhave, brahmā sahampati – seyyathāpi nāma balavā puriso samiñjitaṃ vā bāhaṃ pasāreyya, pasāritaṃ vā bāhaṃ samiñjeyya, evameva – brahmaloke antarahito mama purato pāturahosi. Atha kho, bhikkhave, brahmā sahampati ekaṃsaṃ uttarāsaṅgaṃ karitvā yenāhaṃ tenañjaliṃ paṇāmetvā maṃ etadavoca – ‘desetu, bhante, bhagavā dhammaṃ, desetu sugato dhammaṃ. Santi sattā apparajakkhajātikā, assavanatā dhammassa parihāyanti. Bhavissanti dhammassa aññātāro’ti. Idamavoca, bhikkhave, brahmā sahampati. Idaṃ vatvā athāparaṃ etadavoca –
‘баад̇урахоси маг̇ад̇хзсу буб̣б̣з,
‘Pāturahosi magadhesu pubbe,
д̇хаммо асуд̣̇д̇хо самалзхи жинд̇ид̇о;
Dhammo asuddho samalehi cintito;
сун̣анд̇у д̇хаммам̣ вималзнаануб̣уд̣̇д̇хам̣.
Suṇantu dhammaṃ vimalenānubuddhaṃ.
‘сзлз яат̇аа баб̣б̣ад̇амуд̣̇д̇ханидтид̇о,
‘Sele yathā pabbatamuddhaniṭṭhito,
яат̇ааби бассз ж̇анад̇ам̣ саманд̇ад̇о;
Yathāpi passe janataṃ samantato;
д̇ат̇уубамам̣ д̇хаммамаяам̣ сумзд̇ха,
Tathūpamaṃ dhammamayaṃ sumedha,
баасаад̣̇амааруяха саманд̇ажагку;
Pāsādamāruyha samantacakkhu;
авзгкассу ж̇аад̇иж̇араабхибхууд̇ам̣.
Avekkhassu jātijarābhibhūtaṃ.
‘удтзхи вийра виж̇ид̇асан̇г̇аама,
‘Uṭṭhehi vīra vijitasaṅgāma,
сад̇т̇авааха ан̣ан̣а вижара логз;
Satthavāha aṇaṇa vicara loke;
ан̃н̃аад̇ааро бхависсанд̇ий’’’д̇и.
Aññātāro bhavissantī’’’ti.
283. ‘‘ат̇а ко ахам̣, бхигкавз, б̣рахмуно жа аж̇жхзсанам̣ вид̣̇ид̇ваа сад̇д̇зсу жа гаарун̃н̃ад̇ам̣ бадижжа б̣уд̣̇д̇хажагкунаа логам̣ вологзсим̣. ад̣̇д̣̇асам̣ ко ахам̣, бхигкавз, б̣уд̣̇д̇хажагкунаа логам̣ вологзнд̇о сад̇д̇з аббараж̇агкз махаараж̇агкз, д̇игкинд̣̇рияз муд̣̇инд̣̇рияз, сваагаарз д̣̇ваагаарз, сувин̃н̃аабаяз д̣̇увин̃н̃аабаяз, аббзгажжз баралогаваж̇ж̇абхаяад̣̇ассаавинз 27 вихаранд̇з, аббзгажжз на баралогаваж̇ж̇абхаяад̣̇ассаавинз 28 вихаранд̇з. сзяяат̇ааби наама уббалинияам̣ ваа бад̣̇уминияам̣ ваа бун̣д̣арийгинияам̣ ваа аббзгажжаани уббалаани ваа бад̣̇умаани ваа бун̣д̣арийгаани ваа уд̣̇агз ж̇аад̇аани уд̣̇агз сам̣вад̣дхаани уд̣̇агаануг̇г̇ад̇аани анд̇онимуг̇г̇абосийни, аббзгажжаани уббалаани ваа бад̣̇умаани ваа бун̣д̣арийгаани ваа уд̣̇агз ж̇аад̇аани уд̣̇агз сам̣вад̣дхаани уд̣̇агаануг̇г̇ад̇аани самод̣̇агам̣ тид̇аани, аббзгажжаани уббалаани ваа бад̣̇умаани ваа бун̣д̣арийгаани ваа уд̣̇агз ж̇аад̇аани уд̣̇агз сам̣вад̣дхаани уд̣̇агам̣ ажжуг̇г̇амма тид̇аани 29 анубалид̇д̇аани уд̣̇агзна; звамзва ко ахам̣, бхигкавз, б̣уд̣̇д̇хажагкунаа логам̣ вологзнд̇о ад̣̇д̣̇асам̣ сад̇д̇з аббараж̇агкз махаараж̇агкз, д̇игкинд̣̇рияз муд̣̇инд̣̇рияз, сваагаарз д̣̇ваагаарз, сувин̃н̃аабаяз д̣̇увин̃н̃аабаяз, аббзгажжз баралогаваж̇ж̇абхаяад̣̇ассаавинз вихаранд̇з, аббзгажжз на баралогаваж̇ж̇абхаяад̣̇ассаавинз вихаранд̇з. ат̇а кваахам̣, бхигкавз, б̣рахмаанам̣ сахамбад̇им̣ г̇аат̇ааяа бажжабхаасим̣ –
283. ‘‘Atha kho ahaṃ, bhikkhave, brahmuno ca ajjhesanaṃ viditvā sattesu ca kāruññataṃ paṭicca buddhacakkhunā lokaṃ volokesiṃ. Addasaṃ kho ahaṃ, bhikkhave, buddhacakkhunā lokaṃ volokento satte apparajakkhe mahārajakkhe, tikkhindriye mudindriye, svākāre dvākāre, suviññāpaye duviññāpaye, appekacce paralokavajjabhayadassāvine 30 viharante, appekacce na paralokavajjabhayadassāvine 31 viharante. Seyyathāpi nāma uppaliniyaṃ vā paduminiyaṃ vā puṇḍarīkiniyaṃ vā appekaccāni uppalāni vā padumāni vā puṇḍarīkāni vā udake jātāni udake saṃvaḍḍhāni udakānuggatāni antonimuggaposīni, appekaccāni uppalāni vā padumāni vā puṇḍarīkāni vā udake jātāni udake saṃvaḍḍhāni udakānuggatāni samodakaṃ ṭhitāni, appekaccāni uppalāni vā padumāni vā puṇḍarīkāni vā udake jātāni udake saṃvaḍḍhāni udakaṃ accuggamma ṭhitāni 32 anupalittāni udakena; evameva kho ahaṃ, bhikkhave, buddhacakkhunā lokaṃ volokento addasaṃ satte apparajakkhe mahārajakkhe, tikkhindriye mudindriye, svākāre dvākāre, suviññāpaye duviññāpaye, appekacce paralokavajjabhayadassāvine viharante, appekacce na paralokavajjabhayadassāvine viharante. Atha khvāhaṃ, bhikkhave, brahmānaṃ sahampatiṃ gāthāya paccabhāsiṃ –
‘абааруд̇аа д̇зсам̣ амад̇асса д̣̇ваараа,
‘Apārutā tesaṃ amatassa dvārā,
яз сод̇аванд̇о бамун̃жанд̇у сад̣̇д̇хам̣;
Ye sotavanto pamuñcantu saddhaṃ;
вихим̣сасан̃н̃ий баг̇ун̣ам̣ на бхаасим̣,
Vihiṃsasaññī paguṇaṃ na bhāsiṃ,
д̇хаммам̣ бан̣ийд̇ам̣ мануж̇зсу б̣рахмз’’’д̇и.
Dhammaṃ paṇītaṃ manujesu brahme’’’ti.
‘‘ат̇а ко, бхигкавз, б̣рахмаа сахамбад̇и ‘гад̇аавагаасо комхи бхаг̇авад̇аа д̇хаммад̣̇зсанааяаа’д̇и мам̣ абхиваад̣̇зд̇ваа бад̣̇агкин̣ам̣ гад̇ваа д̇ад̇т̇званд̇арад̇хааяи.
‘‘Atha kho, bhikkhave, brahmā sahampati ‘katāvakāso khomhi bhagavatā dhammadesanāyā’ti maṃ abhivādetvā padakkhiṇaṃ katvā tatthevantaradhāyi.
284. ‘‘д̇асса маяхам̣, бхигкавз, зд̇ад̣̇ахоси – ‘гасса ну ко ахам̣ батамам̣ д̇хаммам̣ д̣̇зсзяяам̣; го имам̣ д̇хаммам̣ киббамзва ааж̇ааниссад̇ий’д̇и? д̇асса маяхам̣, бхигкавз, зд̇ад̣̇ахоси – ‘аяам̣ ко аал̣ааро гаалаамо бан̣д̣ид̇о вияад̇д̇о мзд̇хаавий д̣̇ийгхарад̇д̇ам̣ аббараж̇агкаж̇аад̇иго. яам̣нуунаахам̣ аал̣аарасса гаалаамасса батамам̣ д̇хаммам̣ д̣̇зсзяяам̣. со имам̣ д̇хаммам̣ киббамзва ааж̇ааниссад̇ий’д̇и. ат̇а ко мам̣, бхигкавз, д̣̇звад̇аа убасан̇гамид̇ваа зд̇ад̣̇авожа – ‘сад̇д̇аахагаалан̇гад̇о, бханд̇з, аал̣ааро гаалаамо’д̇и. н̃аан̣ан̃жа бана мз д̣̇ассанам̣ уд̣̇абаад̣̇и – ‘сад̇д̇аахагаалан̇гад̇о аал̣ааро гаалаамо’д̇и. д̇асса маяхам̣, бхигкавз, зд̇ад̣̇ахоси – ‘махааж̇аанияо ко аал̣ааро гаалаамо. сажз хи со имам̣ д̇хаммам̣ сун̣зяяа, киббамзва ааж̇аанзяяаа’д̇и.
284. ‘‘Tassa mayhaṃ, bhikkhave, etadahosi – ‘kassa nu kho ahaṃ paṭhamaṃ dhammaṃ deseyyaṃ; ko imaṃ dhammaṃ khippameva ājānissatī’ti? Tassa mayhaṃ, bhikkhave, etadahosi – ‘ayaṃ kho āḷāro kālāmo paṇḍito viyatto medhāvī dīgharattaṃ apparajakkhajātiko. Yaṃnūnāhaṃ āḷārassa kālāmassa paṭhamaṃ dhammaṃ deseyyaṃ. So imaṃ dhammaṃ khippameva ājānissatī’ti. Atha kho maṃ, bhikkhave, devatā upasaṅkamitvā etadavoca – ‘sattāhakālaṅkato, bhante, āḷāro kālāmo’ti. Ñāṇañca pana me dassanaṃ udapādi – ‘sattāhakālaṅkato āḷāro kālāmo’ti. Tassa mayhaṃ, bhikkhave, etadahosi – ‘mahājāniyo kho āḷāro kālāmo. Sace hi so imaṃ dhammaṃ suṇeyya, khippameva ājāneyyā’ti.
‘‘д̇асса маяхам̣, бхигкавз, зд̇ад̣̇ахоси – ‘гасса ну ко ахам̣ батамам̣ д̇хаммам̣ д̣̇зсзяяам̣; го имам̣ д̇хаммам̣ киббамзва ааж̇ааниссад̇ий’д̇и? д̇асса маяхам̣, бхигкавз, зд̇ад̣̇ахоси – ‘аяам̣ ко уд̣̇аго раамабуд̇д̇о бан̣д̣ид̇о вияад̇д̇о мзд̇хаавий д̣̇ийгхарад̇д̇ам̣ аббараж̇агкаж̇аад̇иго. яам̣нуунаахам̣ уд̣̇агасса раамабуд̇д̇асса батамам̣ д̇хаммам̣ д̣̇зсзяяам̣. со имам̣ д̇хаммам̣ киббамзва ааж̇ааниссад̇ий’д̇и. ат̇а ко мам̣, бхигкавз, д̣̇звад̇аа убасан̇гамид̇ваа зд̇ад̣̇авожа – ‘абхид̣̇осагаалан̇гад̇о, бханд̇з, уд̣̇аго раамабуд̇д̇о’д̇и. н̃аан̣ан̃жа бана мз д̣̇ассанам̣ уд̣̇абаад̣̇и – ‘абхид̣̇осагаалан̇гад̇о уд̣̇аго раамабуд̇д̇о’д̇и. д̇асса маяхам̣, бхигкавз, зд̇ад̣̇ахоси – ‘махааж̇аанияо ко уд̣̇аго раамабуд̇д̇о. сажз хи со имам̣ д̇хаммам̣ сун̣зяяа , киббамзва ааж̇аанзяяаа’д̇и.
‘‘Tassa mayhaṃ, bhikkhave, etadahosi – ‘kassa nu kho ahaṃ paṭhamaṃ dhammaṃ deseyyaṃ; ko imaṃ dhammaṃ khippameva ājānissatī’ti? Tassa mayhaṃ, bhikkhave, etadahosi – ‘ayaṃ kho udako rāmaputto paṇḍito viyatto medhāvī dīgharattaṃ apparajakkhajātiko. Yaṃnūnāhaṃ udakassa rāmaputtassa paṭhamaṃ dhammaṃ deseyyaṃ. So imaṃ dhammaṃ khippameva ājānissatī’ti. Atha kho maṃ, bhikkhave, devatā upasaṅkamitvā etadavoca – ‘abhidosakālaṅkato, bhante, udako rāmaputto’ti. Ñāṇañca pana me dassanaṃ udapādi – ‘abhidosakālaṅkato udako rāmaputto’ti. Tassa mayhaṃ, bhikkhave, etadahosi – ‘mahājāniyo kho udako rāmaputto. Sace hi so imaṃ dhammaṃ suṇeyya , khippameva ājāneyyā’ti.
‘‘д̇асса маяхам̣ , бхигкавз, зд̇ад̣̇ахоси – ‘гасса ну ко ахам̣ батамам̣ д̇хаммам̣ д̣̇зсзяяам̣; го имам̣ д̇хаммам̣ киббамзва ааж̇ааниссад̇ий’д̇и? д̇асса маяхам̣, бхигкавз, зд̇ад̣̇ахоси – ‘б̣ахугаараа ко мз бан̃жаваг̇г̇ияаа бхигкуу, яз мам̣ бад̇хаанабахид̇ад̇д̇ам̣ убадтахим̣су. яам̣нуунаахам̣ бан̃жаваг̇г̇ияаанам̣ бхигкуунам̣ батамам̣ д̇хаммам̣ д̣̇зсзяяа’нд̇и. д̇асса маяхам̣, бхигкавз, зд̇ад̣̇ахоси – ‘гахам̣ ну ко зд̇арахи бан̃жаваг̇г̇ияаа бхигкуу вихаранд̇ий’д̇и? ад̣̇д̣̇асам̣ ко ахам̣, бхигкавз, д̣̇иб̣б̣зна жагкунаа висуд̣̇д̇хзна ад̇игганд̇амаанусагзна бан̃жаваг̇г̇ияз бхигкуу б̣аараан̣асияам̣ вихаранд̇з исибад̇анз миг̇ад̣̇ааяз. ат̇а кваахам̣, бхигкавз, урувзлааяам̣ яат̇аабхиранд̇ам̣ вихарид̇ваа язна б̣аараан̣асий д̇зна жааригам̣ баггамим̣ 33.
‘‘Tassa mayhaṃ , bhikkhave, etadahosi – ‘kassa nu kho ahaṃ paṭhamaṃ dhammaṃ deseyyaṃ; ko imaṃ dhammaṃ khippameva ājānissatī’ti? Tassa mayhaṃ, bhikkhave, etadahosi – ‘bahukārā kho me pañcavaggiyā bhikkhū, ye maṃ padhānapahitattaṃ upaṭṭhahiṃsu. Yaṃnūnāhaṃ pañcavaggiyānaṃ bhikkhūnaṃ paṭhamaṃ dhammaṃ deseyya’nti. Tassa mayhaṃ, bhikkhave, etadahosi – ‘kahaṃ nu kho etarahi pañcavaggiyā bhikkhū viharantī’ti? Addasaṃ kho ahaṃ, bhikkhave, dibbena cakkhunā visuddhena atikkantamānusakena pañcavaggiye bhikkhū bārāṇasiyaṃ viharante isipatane migadāye. Atha khvāhaṃ, bhikkhave, uruvelāyaṃ yathābhirantaṃ viharitvā yena bārāṇasī tena cārikaṃ pakkamiṃ 34.
285. ‘‘ад̣̇д̣̇асаа ко мам̣, бхигкавз, убаго ааж̇ийваго анд̇араа 35 жа г̇аяам̣ анд̇араа жа б̣од̇хим̣ ад̣̇д̇хаанамаг̇г̇аббадибаннам̣. д̣̇исваана мам̣ зд̇ад̣̇авожа – ‘виббасаннаани ко д̇з, аавусо, инд̣̇рияаани, барисуд̣̇д̇хо чавиван̣н̣о барияод̣̇аад̇о! гам̣си д̇вам̣, аавусо, уд̣̇д̣̇исса баб̣б̣аж̇ид̇о, го ваа д̇з сад̇т̇аа, гасса ваа д̇вам̣ д̇хаммам̣ рожзсий’д̇и ? звам̣ вуд̇д̇з, ахам̣, бхигкавз, убагам̣ ааж̇ийвагам̣ г̇аат̇аахи аж̇жхабхаасим̣ –
285. ‘‘Addasā kho maṃ, bhikkhave, upako ājīvako antarā 36 ca gayaṃ antarā ca bodhiṃ addhānamaggappaṭipannaṃ. Disvāna maṃ etadavoca – ‘vippasannāni kho te, āvuso, indriyāni, parisuddho chavivaṇṇo pariyodāto! Kaṃsi tvaṃ, āvuso, uddissa pabbajito, ko vā te satthā, kassa vā tvaṃ dhammaṃ rocesī’ti ? Evaṃ vutte, ahaṃ, bhikkhave, upakaṃ ājīvakaṃ gāthāhi ajjhabhāsiṃ –
‘саб̣б̣аабхибхуу саб̣б̣авид̣̇уухамасми, саб̣б̣зсу д̇хаммзсу ануубалид̇д̇о;
‘Sabbābhibhū sabbavidūhamasmi, sabbesu dhammesu anūpalitto;
саб̣б̣ан̃ж̇ахо д̇ан̣хаагкаяз вимуд̇д̇о, саяам̣ абхин̃н̃ааяа гамуд̣̇д̣̇исзяяам̣.
Sabbañjaho taṇhākkhaye vimutto, sayaṃ abhiññāya kamuddiseyyaṃ.
‘на мз аажарияо ад̇т̇и, сад̣̇исо мз на виж̇ж̇ад̇и;
‘Na me ācariyo atthi, sadiso me na vijjati;
сад̣̇звагасмим̣ логасмим̣, над̇т̇и мз бадибуг̇г̇ало.
Sadevakasmiṃ lokasmiṃ, natthi me paṭipuggalo.
‘ахан̃хи арахаа логз, ахам̣ сад̇т̇аа ануд̇д̇аро;
‘Ahañhi arahā loke, ahaṃ satthā anuttaro;
згомхи саммаасамб̣уд̣̇д̇хо, сийд̇ибхууд̇осми ниб̣б̣уд̇о.
Ekomhi sammāsambuddho, sītibhūtosmi nibbuto.
‘д̇хаммажаггам̣ бавад̇д̇зд̇ум̣, г̇ажчаами гаасинам̣ бурам̣;
‘Dhammacakkaṃ pavattetuṃ, gacchāmi kāsinaṃ puraṃ;
анд̇хийбхууд̇асмим̣ 37 логасмим̣, аахан̃чам̣ амад̇ад̣̇унд̣̇убхи’нд̇и.
Andhībhūtasmiṃ 38 lokasmiṃ, āhañchaṃ amatadundubhi’nti.
‘яат̇аа ко д̇вам̣, аавусо, бадиж̇аанааси, арахаси ананд̇аж̇ино’д̇и!
‘Yathā kho tvaṃ, āvuso, paṭijānāsi, arahasi anantajino’ti!
‘маад̣̇исаа вз ж̇инаа хонд̇и, яз бад̇д̇аа аасавагкаяам̣;
‘Mādisā ve jinā honti, ye pattā āsavakkhayaṃ;
ж̇ид̇аа мз баабагаа д̇хаммаа, д̇асмаахамубага ж̇ино’д̇и.
Jitā me pāpakā dhammā, tasmāhamupaka jino’ti.
‘‘звам̣ вуд̇д̇з, бхигкавз, убаго ааж̇ийваго ‘хубзяяабаавусо’д̇и 39 вад̇ваа сийсам̣ огамбзд̇ваа уммаг̇г̇ам̣ г̇ахзд̇ваа баггаами.
‘‘Evaṃ vutte, bhikkhave, upako ājīvako ‘hupeyyapāvuso’ti 40 vatvā sīsaṃ okampetvā ummaggaṃ gahetvā pakkāmi.
286. ‘‘ат̇а кваахам̣, бхигкавз, анубуб̣б̣зна жааригам̣ жарамаано язна б̣аараан̣асий исибад̇анам̣ миг̇ад̣̇ааяо язна бан̃жаваг̇г̇ияаа бхигкуу д̇знубасан̇гамим̣. ад̣̇д̣̇асам̣су ко мам̣, бхигкавз, бан̃жаваг̇г̇ияаа бхигкуу д̣̇уурад̇о ааг̇ажчанд̇ам̣. д̣̇исваана ан̃н̃аман̃н̃ам̣ сан̣табзсум̣ 41 – ‘аяам̣ ко, аавусо, саман̣о г̇од̇амо ааг̇ажчад̇и б̣аахуллиго 42 бад̇хаанавиб̣бханд̇о аавад̇д̇о б̣аахуллааяа. со нзва абхиваад̣̇зд̇аб̣б̣о, на бажжудтаад̇аб̣б̣о; наасса бад̇д̇ажийварам̣ бадиг̇г̇ахзд̇аб̣б̣ам̣. аби жа ко аасанам̣ табзд̇аб̣б̣ам̣, сажз ааган̇киссад̇и нисийд̣̇иссад̇ий’д̇и. яат̇аа яат̇аа ко ахам̣, бхигкавз, убасан̇гамим̣ д̇ат̇аа д̇ат̇аа бан̃жаваг̇г̇ияаа бхигкуу наасагким̣су сагааяа гад̇игааяа сан̣таад̇ум̣. аббзгажжз мам̣ бажжуг̇г̇анд̇ваа бад̇д̇ажийварам̣ бадиг̇г̇ахзсум̣, аббзгажжз аасанам̣ бан̃н̃абзсум̣, аббзгажжз баад̣̇од̣̇агам̣ убадтабзсум̣. аби жа ко мам̣ наамзна жа аавусоваад̣̇зна жа самуд̣̇аажаранд̇и.
286. ‘‘Atha khvāhaṃ, bhikkhave, anupubbena cārikaṃ caramāno yena bārāṇasī isipatanaṃ migadāyo yena pañcavaggiyā bhikkhū tenupasaṅkamiṃ. Addasaṃsu kho maṃ, bhikkhave, pañcavaggiyā bhikkhū dūrato āgacchantaṃ. Disvāna aññamaññaṃ saṇṭhapesuṃ 43 – ‘ayaṃ kho, āvuso, samaṇo gotamo āgacchati bāhulliko 44 padhānavibbhanto āvatto bāhullāya. So neva abhivādetabbo, na paccuṭṭhātabbo; nāssa pattacīvaraṃ paṭiggahetabbaṃ. Api ca kho āsanaṃ ṭhapetabbaṃ, sace ākaṅkhissati nisīdissatī’ti. Yathā yathā kho ahaṃ, bhikkhave, upasaṅkamiṃ tathā tathā pañcavaggiyā bhikkhū nāsakkhiṃsu sakāya katikāya saṇṭhātuṃ. Appekacce maṃ paccuggantvā pattacīvaraṃ paṭiggahesuṃ, appekacce āsanaṃ paññapesuṃ, appekacce pādodakaṃ upaṭṭhapesuṃ. Api ca kho maṃ nāmena ca āvusovādena ca samudācaranti.
‘‘звам̣ вуд̇д̇з, ахам̣, бхигкавз, бан̃жаваг̇г̇ияз бхигкуу зд̇ад̣̇авожам̣ – ‘маа, бхигкавз, д̇ат̇ааг̇ад̇ам̣ наамзна жа аавусоваад̣̇зна жа самуд̣̇аажарат̇а 45. арахам̣, бхигкавз, д̇ат̇ааг̇ад̇о саммаасамб̣уд̣̇д̇хо . од̣̇ахат̇а, бхигкавз, сод̇ам̣, амад̇амад̇хиг̇ад̇ам̣, ахаманусаасаами, ахам̣ д̇хаммам̣ д̣̇зсзми. яат̇аанусидтам̣ д̇ат̇аа бадибаж̇ж̇амаанаа нажирассзва – яассад̇т̇ааяа гулабуд̇д̇аа саммад̣̇зва аг̇аарасмаа анаг̇аарияам̣ баб̣б̣аж̇анд̇и д̇ад̣̇ануд̇д̇арам̣ – б̣рахмажарияабарияосаанам̣ д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихариссат̇аа’д̇и. звам̣ вуд̇д̇з, бхигкавз, бан̃жаваг̇г̇ияаа бхигкуу мам̣ зд̇ад̣̇авожум̣ – ‘д̇ааяаби ко д̇вам̣, аавусо г̇од̇ама, ирияааяа д̇ааяа бадибад̣̇ааяа д̇ааяа д̣̇уггарагааригааяа нааж̇жхаг̇амаа уд̇д̇аримануссад̇хаммаа аламарияан̃аан̣ад̣̇ассанависзсам̣, гим̣ бана д̇вам̣ зд̇арахи б̣аахуллиго бад̇хаанавиб̣бханд̇о аавад̇д̇о б̣аахуллааяа ад̇хиг̇амиссаси уд̇д̇аримануссад̇хаммаа аламарияан̃аан̣ад̣̇ассанависзса’нд̇и? звам̣ вуд̇д̇з, ахам̣, бхигкавз, бан̃жаваг̇г̇ияз бхигкуу зд̇ад̣̇авожам̣ – ‘на, бхигкавз, д̇ат̇ааг̇ад̇о б̣аахуллиго, на бад̇хаанавиб̣бханд̇о, на аавад̇д̇о б̣аахуллааяа . арахам̣, бхигкавз, д̇ат̇ааг̇ад̇о саммаасамб̣уд̣̇д̇хо. од̣̇ахат̇а, бхигкавз, сод̇ам̣, амад̇амад̇хиг̇ад̇ам̣, ахаманусаасаами, ахам̣ д̇хаммам̣ д̣̇зсзми. яат̇аанусидтам̣ д̇ат̇аа бадибаж̇ж̇амаанаа нажирассзва – яассад̇т̇ааяа гулабуд̇д̇аа саммад̣̇зва аг̇аарасмаа анаг̇аарияам̣ баб̣б̣аж̇анд̇и д̇ад̣̇ануд̇д̇арам̣ – б̣рахмажарияабарияосаанам̣ д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихариссат̇аа’д̇и. д̣̇уд̇ияамби ко, бхигкавз, бан̃жаваг̇г̇ияаа бхигкуу мам̣ зд̇ад̣̇авожум̣ – ‘д̇ааяаби ко д̇вам̣, аавусо г̇од̇ама, ирияааяа д̇ааяа бадибад̣̇ааяа д̇ааяа д̣̇уггарагааригааяа нааж̇жхаг̇амаа уд̇д̇аримануссад̇хаммаа аламарияан̃аан̣ад̣̇ассанависзсам̣, гим̣ бана д̇вам̣ зд̇арахи б̣аахуллиго бад̇хаанавиб̣бханд̇о аавад̇д̇о б̣аахуллааяа ад̇хиг̇амиссаси уд̇д̇аримануссад̇хаммаа аламарияан̃аан̣ад̣̇ассанависзса’нд̇и? д̣̇уд̇ияамби ко ахам̣, бхигкавз, бан̃жаваг̇г̇ияз бхигкуу зд̇ад̣̇авожам̣ – ‘на, бхигкавз, д̇ат̇ааг̇ад̇о б̣аахуллиго…бз… убасамбаж̇ж̇а вихариссат̇аа’д̇и. д̇ад̇ияамби ко, бхигкавз, бан̃жаваг̇г̇ияаа бхигкуу мам̣ зд̇ад̣̇авожум̣ – ‘д̇ааяаби ко д̇вам̣, аавусо г̇од̇ама, ирияааяа д̇ааяа бадибад̣̇ааяа д̇ааяа д̣̇уггарагааригааяа нааж̇жхаг̇амаа уд̇д̇аримануссад̇хаммаа аламарияан̃аан̣ад̣̇ассанависзсам̣, гим̣ бана д̇вам̣ зд̇арахи б̣аахуллиго бад̇хаанавиб̣бханд̇о аавад̇д̇о б̣аахуллааяа ад̇хиг̇амиссаси уд̇д̇аримануссад̇хаммаа аламарияан̃аан̣ад̣̇ассанависзса’нд̇и?
‘‘Evaṃ vutte, ahaṃ, bhikkhave, pañcavaggiye bhikkhū etadavocaṃ – ‘mā, bhikkhave, tathāgataṃ nāmena ca āvusovādena ca samudācaratha 46. Arahaṃ, bhikkhave, tathāgato sammāsambuddho . Odahatha, bhikkhave, sotaṃ, amatamadhigataṃ, ahamanusāsāmi, ahaṃ dhammaṃ desemi. Yathānusiṭṭhaṃ tathā paṭipajjamānā nacirasseva – yassatthāya kulaputtā sammadeva agārasmā anagāriyaṃ pabbajanti tadanuttaraṃ – brahmacariyapariyosānaṃ diṭṭheva dhamme sayaṃ abhiññā sacchikatvā upasampajja viharissathā’ti. Evaṃ vutte, bhikkhave, pañcavaggiyā bhikkhū maṃ etadavocuṃ – ‘tāyapi kho tvaṃ, āvuso gotama, iriyāya tāya paṭipadāya tāya dukkarakārikāya nājjhagamā uttarimanussadhammā alamariyañāṇadassanavisesaṃ, kiṃ pana tvaṃ etarahi bāhulliko padhānavibbhanto āvatto bāhullāya adhigamissasi uttarimanussadhammā alamariyañāṇadassanavisesa’nti? Evaṃ vutte, ahaṃ, bhikkhave, pañcavaggiye bhikkhū etadavocaṃ – ‘na, bhikkhave, tathāgato bāhulliko, na padhānavibbhanto, na āvatto bāhullāya . Arahaṃ, bhikkhave, tathāgato sammāsambuddho. Odahatha, bhikkhave, sotaṃ, amatamadhigataṃ, ahamanusāsāmi, ahaṃ dhammaṃ desemi. Yathānusiṭṭhaṃ tathā paṭipajjamānā nacirasseva – yassatthāya kulaputtā sammadeva agārasmā anagāriyaṃ pabbajanti tadanuttaraṃ – brahmacariyapariyosānaṃ diṭṭheva dhamme sayaṃ abhiññā sacchikatvā upasampajja viharissathā’ti. Dutiyampi kho, bhikkhave, pañcavaggiyā bhikkhū maṃ etadavocuṃ – ‘tāyapi kho tvaṃ, āvuso gotama, iriyāya tāya paṭipadāya tāya dukkarakārikāya nājjhagamā uttarimanussadhammā alamariyañāṇadassanavisesaṃ, kiṃ pana tvaṃ etarahi bāhulliko padhānavibbhanto āvatto bāhullāya adhigamissasi uttarimanussadhammā alamariyañāṇadassanavisesa’nti? Dutiyampi kho ahaṃ, bhikkhave, pañcavaggiye bhikkhū etadavocaṃ – ‘na, bhikkhave, tathāgato bāhulliko…pe… upasampajja viharissathā’ti. Tatiyampi kho, bhikkhave, pañcavaggiyā bhikkhū maṃ etadavocuṃ – ‘tāyapi kho tvaṃ, āvuso gotama, iriyāya tāya paṭipadāya tāya dukkarakārikāya nājjhagamā uttarimanussadhammā alamariyañāṇadassanavisesaṃ, kiṃ pana tvaṃ etarahi bāhulliko padhānavibbhanto āvatto bāhullāya adhigamissasi uttarimanussadhammā alamariyañāṇadassanavisesa’nti?
‘‘звам̣ вуд̇д̇з, ахам̣, бхигкавз, бан̃жаваг̇г̇ияз бхигкуу зд̇ад̣̇авожам̣ – ‘абхиж̇аанаат̇а мз но д̇умхз, бхигкавз, ид̇о буб̣б̣з зваруубам̣ бабхаавид̇амзд̇а’нд̇и 47? ‘но хзд̇ам̣, бханд̇з’. ‘арахам̣, бхигкавз, д̇ат̇ааг̇ад̇о саммаасамб̣уд̣̇д̇хо. од̣̇ахат̇а, бхигкавз, сод̇ам̣, амад̇амад̇хиг̇ад̇ам̣, ахаманусаасаами, ахам̣ д̇хаммам̣ д̣̇зсзми. яат̇аанусидтам̣ д̇ат̇аа бадибаж̇ж̇амаанаа нажирассзва – яассад̇т̇ааяа гулабуд̇д̇аа саммад̣̇зва аг̇аарасмаа анаг̇аарияам̣ баб̣б̣аж̇анд̇и д̇ад̣̇ануд̇д̇арам̣ – б̣рахмажарияабарияосаанам̣ д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихариссат̇аа’д̇и.
‘‘Evaṃ vutte, ahaṃ, bhikkhave, pañcavaggiye bhikkhū etadavocaṃ – ‘abhijānātha me no tumhe, bhikkhave, ito pubbe evarūpaṃ pabhāvitameta’nti 48? ‘No hetaṃ, bhante’. ‘Arahaṃ, bhikkhave, tathāgato sammāsambuddho. Odahatha, bhikkhave, sotaṃ, amatamadhigataṃ, ahamanusāsāmi, ahaṃ dhammaṃ desemi. Yathānusiṭṭhaṃ tathā paṭipajjamānā nacirasseva – yassatthāya kulaputtā sammadeva agārasmā anagāriyaṃ pabbajanti tadanuttaraṃ – brahmacariyapariyosānaṃ diṭṭheva dhamme sayaṃ abhiññā sacchikatvā upasampajja viharissathā’ti.
‘‘асагким̣ ко ахам̣, бхигкавз, бан̃жаваг̇г̇ияз бхигкуу сан̃н̃аабзд̇ум̣. д̣̇взби суд̣̇ам̣, бхигкавз, бхигкуу овад̣̇аами, д̇аяо бхигкуу бин̣д̣ааяа жаранд̇и. яам̣ д̇аяо бхигкуу бин̣д̣ааяа жарид̇ваа аахаранд̇и д̇зна чаб̣б̣аг̇г̇ияаа 49 яаабзма. д̇аяоби суд̣̇ам̣, бхигкавз, бхигкуу овад̣̇аами, д̣̇вз бхигкуу бин̣д̣ааяа жаранд̇и. яам̣ д̣̇вз бхигкуу бин̣д̣ааяа жарид̇ваа аахаранд̇и д̇зна чаб̣б̣аг̇г̇ияаа яаабзма. ат̇а ко, бхигкавз, бан̃жаваг̇г̇ияаа бхигкуу маяаа звам̣ овад̣̇ияамаанаа звам̣ анусаасияамаанаа ад̇д̇анаа ж̇аад̇ид̇хаммаа самаанаа ж̇аад̇ид̇хаммз аад̣̇ийнавам̣ вид̣̇ид̇ваа аж̇аад̇ам̣ ануд̇д̇арам̣ яог̇агкзмам̣ ниб̣б̣аанам̣ бариязсамаанаа аж̇аад̇ам̣ ануд̇д̇арам̣ яог̇агкзмам̣ ниб̣б̣аанам̣ аж̇жхаг̇амам̣су, ад̇д̇анаа ж̇араад̇хаммаа самаанаа ж̇араад̇хаммз аад̣̇ийнавам̣ вид̣̇ид̇ваа аж̇арам̣ ануд̇д̇арам̣ яог̇агкзмам̣ ниб̣б̣аанам̣ бариязсамаанаа аж̇арам̣ ануд̇д̇арам̣ яог̇агкзмам̣ ниб̣б̣аанам̣ аж̇жхаг̇амам̣су, ад̇д̇анаа б̣яаад̇хид̇хаммаа самаанаа…бз… ад̇д̇анаа маран̣ад̇хаммаа самаанаа… ад̇д̇анаа согад̇хаммаа самаанаа… ад̇д̇анаа сам̣гилзсад̇хаммаа самаанаа сам̣гилзсад̇хаммз аад̣̇ийнавам̣ вид̣̇ид̇ваа асам̣гилидтам̣ ануд̇д̇арам̣ яог̇агкзмам̣ ниб̣б̣аанам̣ бариязсамаанаа асам̣гилидтам̣ ануд̇д̇арам̣ яог̇агкзмам̣ ниб̣б̣аанам̣ аж̇жхаг̇амам̣су. н̃аан̣ан̃жа бана нзсам̣ д̣̇ассанам̣ уд̣̇абаад̣̇и – ‘агуббаа но вимуд̇д̇и 50, аяаманд̇имаа ж̇аад̇и, над̇т̇и д̣̇аани бунаб̣бхаво’д̇и.
‘‘Asakkhiṃ kho ahaṃ, bhikkhave, pañcavaggiye bhikkhū saññāpetuṃ. Dvepi sudaṃ, bhikkhave, bhikkhū ovadāmi, tayo bhikkhū piṇḍāya caranti. Yaṃ tayo bhikkhū piṇḍāya caritvā āharanti tena chabbaggiyā 51 yāpema. Tayopi sudaṃ, bhikkhave, bhikkhū ovadāmi, dve bhikkhū piṇḍāya caranti. Yaṃ dve bhikkhū piṇḍāya caritvā āharanti tena chabbaggiyā yāpema. Atha kho, bhikkhave, pañcavaggiyā bhikkhū mayā evaṃ ovadiyamānā evaṃ anusāsiyamānā attanā jātidhammā samānā jātidhamme ādīnavaṃ viditvā ajātaṃ anuttaraṃ yogakkhemaṃ nibbānaṃ pariyesamānā ajātaṃ anuttaraṃ yogakkhemaṃ nibbānaṃ ajjhagamaṃsu, attanā jarādhammā samānā jarādhamme ādīnavaṃ viditvā ajaraṃ anuttaraṃ yogakkhemaṃ nibbānaṃ pariyesamānā ajaraṃ anuttaraṃ yogakkhemaṃ nibbānaṃ ajjhagamaṃsu, attanā byādhidhammā samānā…pe… attanā maraṇadhammā samānā… attanā sokadhammā samānā… attanā saṃkilesadhammā samānā saṃkilesadhamme ādīnavaṃ viditvā asaṃkiliṭṭhaṃ anuttaraṃ yogakkhemaṃ nibbānaṃ pariyesamānā asaṃkiliṭṭhaṃ anuttaraṃ yogakkhemaṃ nibbānaṃ ajjhagamaṃsu. Ñāṇañca pana nesaṃ dassanaṃ udapādi – ‘akuppā no vimutti 52, ayamantimā jāti, natthi dāni punabbhavo’ti.
287. ‘‘бан̃жимз, бхигкавз, гаамаг̇ун̣аа. гад̇амз бан̃жа? жагкувин̃н̃зяяаа руубаа идтаа ганд̇аа манаабаа бияаруубаа гаамуубасам̣хид̇аа раж̇анийяаа, сод̇авин̃н̃зяяаа сад̣̇д̣̇аа…бз… гхаанавин̃н̃зяяаа г̇анд̇хаа… ж̇ивхаавин̃н̃зяяаа расаа… гааяавин̃н̃зяяаа подтаб̣б̣аа идтаа ганд̇аа манаабаа бияаруубаа гаамуубасам̣хид̇аа раж̇анийяаа. имз ко, бхигкавз, бан̃жа гаамаг̇ун̣аа. яз хи гзжи, бхигкавз, саман̣аа ваа б̣раахман̣аа ваа имз бан̃жа гаамаг̇ун̣з г̇ат̇ид̇аа мужчид̇аа аж̇жхобаннаа анаад̣̇ийнавад̣̇ассаавино аниссаран̣абан̃н̃аа барибхун̃ж̇анд̇и, д̇з звамассу взд̣̇ид̇аб̣б̣аа – ‘анаяамаабаннаа б̣яасанамаабаннаа яат̇аагаамагаран̣ийяаа баабимад̇о’ 53. ‘сзяяат̇ааби, бхигкавз, ааран̃н̃аго маг̇о б̣ад̣̇д̇хо баасараасим̣ ад̇хисаязяяа. со звамасса взд̣̇ид̇аб̣б̣о – анаяамаабанно б̣яасанамаабанно яат̇аагаамагаран̣ийяо луд̣̇д̣̇асса. ааг̇ажчанд̇з жа бана луд̣̇д̣̇з язна гаамам̣ на баггамиссад̇ий’д̇и. звамзва ко, бхигкавз, яз хи гзжи саман̣аа ваа б̣раахман̣аа ваа имз бан̃жа гаамаг̇ун̣з г̇ат̇ид̇аа мужчид̇аа аж̇жхобаннаа анаад̣̇ийнавад̣̇ассаавино аниссаран̣абан̃н̃аа барибхун̃ж̇анд̇и, д̇з звамассу взд̣̇ид̇аб̣б̣аа – ‘анаяамаабаннаа б̣яасанамаабаннаа яат̇аагаамагаран̣ийяаа баабимад̇о’. яз жа ко гзжи, бхигкавз, саман̣аа ваа б̣раахман̣аа ваа имз бан̃жа гаамаг̇ун̣з аг̇ат̇ид̇аа амужчид̇аа анаж̇жхобаннаа аад̣̇ийнавад̣̇ассаавино ниссаран̣абан̃н̃аа барибхун̃ж̇анд̇и, д̇з звамассу взд̣̇ид̇аб̣б̣аа – ‘на анаяамаабаннаа на б̣яасанамаабаннаа на яат̇аагаамагаран̣ийяаа баабимад̇о’.
287. ‘‘Pañcime, bhikkhave, kāmaguṇā. Katame pañca? Cakkhuviññeyyā rūpā iṭṭhā kantā manāpā piyarūpā kāmūpasaṃhitā rajanīyā, sotaviññeyyā saddā…pe… ghānaviññeyyā gandhā… jivhāviññeyyā rasā… kāyaviññeyyā phoṭṭhabbā iṭṭhā kantā manāpā piyarūpā kāmūpasaṃhitā rajanīyā. Ime kho, bhikkhave, pañca kāmaguṇā. Ye hi keci, bhikkhave, samaṇā vā brāhmaṇā vā ime pañca kāmaguṇe gathitā mucchitā ajjhopannā anādīnavadassāvino anissaraṇapaññā paribhuñjanti, te evamassu veditabbā – ‘anayamāpannā byasanamāpannā yathākāmakaraṇīyā pāpimato’ 54. ‘Seyyathāpi, bhikkhave, āraññako mago baddho pāsarāsiṃ adhisayeyya. So evamassa veditabbo – anayamāpanno byasanamāpanno yathākāmakaraṇīyo luddassa. Āgacchante ca pana ludde yena kāmaṃ na pakkamissatī’ti. Evameva kho, bhikkhave, ye hi keci samaṇā vā brāhmaṇā vā ime pañca kāmaguṇe gathitā mucchitā ajjhopannā anādīnavadassāvino anissaraṇapaññā paribhuñjanti, te evamassu veditabbā – ‘anayamāpannā byasanamāpannā yathākāmakaraṇīyā pāpimato’. Ye ca kho keci, bhikkhave, samaṇā vā brāhmaṇā vā ime pañca kāmaguṇe agathitā amucchitā anajjhopannā ādīnavadassāvino nissaraṇapaññā paribhuñjanti, te evamassu veditabbā – ‘na anayamāpannā na byasanamāpannā na yathākāmakaraṇīyā pāpimato’.
‘‘сзяяат̇ааби , бхигкавз, ааран̃н̃аго маг̇о аб̣ад̣̇д̇хо баасараасим̣ ад̇хисаязяяа. со звамасса взд̣̇ид̇аб̣б̣о – ‘на анаяамаабанно на б̣яасанамаабанно на яат̇аагаамагаран̣ийяо луд̣̇д̣̇асса. ааг̇ажчанд̇з жа бана луд̣̇д̣̇з язна гаамам̣ баггамиссад̇ий’д̇и. звамзва ко, бхигкавз, яз хи гзжи саман̣аа ваа б̣раахман̣аа ваа имз бан̃жа гаамаг̇ун̣з аг̇ат̇ид̇аа амужчид̇аа анаж̇жхобаннаа аад̣̇ийнавад̣̇ассаавино ниссаран̣абан̃н̃аа барибхун̃ж̇анд̇и, д̇з звамассу взд̣̇ид̇аб̣б̣аа – ‘на анаяамаабаннаа на б̣яасанамаабаннаа на яат̇аагаамагаран̣ийяаа баабимад̇о’.
‘‘Seyyathāpi , bhikkhave, āraññako mago abaddho pāsarāsiṃ adhisayeyya. So evamassa veditabbo – ‘na anayamāpanno na byasanamāpanno na yathākāmakaraṇīyo luddassa. Āgacchante ca pana ludde yena kāmaṃ pakkamissatī’ti. Evameva kho, bhikkhave, ye hi keci samaṇā vā brāhmaṇā vā ime pañca kāmaguṇe agathitā amucchitā anajjhopannā ādīnavadassāvino nissaraṇapaññā paribhuñjanti, te evamassu veditabbā – ‘na anayamāpannā na byasanamāpannā na yathākāmakaraṇīyā pāpimato’.
‘‘сзяяат̇ааби, бхигкавз, ааран̃н̃аго маг̇о аран̃н̃з баванз жарамаано виссад̇т̇о г̇ажчад̇и, виссад̇т̇о д̇идтад̇и, виссад̇т̇о нисийд̣̇ад̇и, виссад̇т̇о сзяяам̣ габбзд̇и. д̇ам̣ гисса хзд̇у? анаабаат̇аг̇ад̇о, бхигкавз, луд̣̇д̣̇асса. звамзва ко, бхигкавз, бхигку вивижжзва гаамзхи вивижжа агусалзхи д̇хаммзхи савид̇аггам̣ савижаарам̣ вивзгаж̇ам̣ бийд̇исукам̣ батамам̣ жхаанам̣ убасамбаж̇ж̇а вихарад̇и. аяам̣ вужжад̇и, бхигкавз, бхигку анд̇хамагааси маарам̣ абад̣̇ам̣, вад̇хид̇ваа мааражагкум̣ ад̣̇ассанам̣ г̇ад̇о баабимад̇о.
‘‘Seyyathāpi, bhikkhave, āraññako mago araññe pavane caramāno vissattho gacchati, vissattho tiṭṭhati, vissattho nisīdati, vissattho seyyaṃ kappeti. Taṃ kissa hetu? Anāpāthagato, bhikkhave, luddassa. Evameva kho, bhikkhave, bhikkhu vivicceva kāmehi vivicca akusalehi dhammehi savitakkaṃ savicāraṃ vivekajaṃ pītisukhaṃ paṭhamaṃ jhānaṃ upasampajja viharati. Ayaṃ vuccati, bhikkhave, bhikkhu andhamakāsi māraṃ apadaṃ, vadhitvā māracakkhuṃ adassanaṃ gato pāpimato.
‘‘буна жабарам̣, бхигкавз, бхигку вид̇аггавижаараанам̣ вуубасамаа аж̇жхад̇д̇ам̣ самбасаад̣̇анам̣ жзд̇асо згод̣̇ибхаавам̣ авид̇аггам̣ авижаарам̣ самаад̇хиж̇ам̣ бийд̇исукам̣ д̣̇уд̇ияам̣ жхаанам̣ убасамбаж̇ж̇а вихарад̇и. аяам̣ вужжад̇и, бхигкавз…бз… баабимад̇о.
‘‘Puna caparaṃ, bhikkhave, bhikkhu vitakkavicārānaṃ vūpasamā ajjhattaṃ sampasādanaṃ cetaso ekodibhāvaṃ avitakkaṃ avicāraṃ samādhijaṃ pītisukhaṃ dutiyaṃ jhānaṃ upasampajja viharati. Ayaṃ vuccati, bhikkhave…pe… pāpimato.
‘‘буна жабарам̣, бхигкавз, бхигку бийд̇ияаа жа вирааг̇аа убзгкаго жа вихарад̇и, сад̇о жа самбаж̇аано, сукан̃жа гааязна бадисам̣взд̣̇зд̇и яам̣ д̇ам̣ арияаа аажигканд̇и ‘убзгкаго сад̇имаа сукавихаарий’д̇и д̇ад̇ияам̣ жхаанам̣ убасамбаж̇ж̇а вихарад̇и. аяам̣ вужжад̇и, бхигкавз…бз… баабимад̇о.
‘‘Puna caparaṃ, bhikkhave, bhikkhu pītiyā ca virāgā upekkhako ca viharati, sato ca sampajāno, sukhañca kāyena paṭisaṃvedeti yaṃ taṃ ariyā ācikkhanti ‘upekkhako satimā sukhavihārī’ti tatiyaṃ jhānaṃ upasampajja viharati. Ayaṃ vuccati, bhikkhave…pe… pāpimato.
‘‘буна жабарам̣, бхигкавз, бхигку сукасса жа бахаанаа д̣̇угкасса жа бахаанаа буб̣б̣зва соманассад̣̇оманассаанам̣ ад̇т̇ан̇г̇амаа ад̣̇угкамасукам̣ убзгкаасад̇ибаарисуд̣̇д̇хим̣ жад̇уд̇т̇ам̣ жхаанам̣ убасамбаж̇ж̇а вихарад̇и. аяам̣ вужжад̇и, бхигкавз…бз… баабимад̇о.
‘‘Puna caparaṃ, bhikkhave, bhikkhu sukhassa ca pahānā dukkhassa ca pahānā pubbeva somanassadomanassānaṃ atthaṅgamā adukkhamasukhaṃ upekkhāsatipārisuddhiṃ catutthaṃ jhānaṃ upasampajja viharati. Ayaṃ vuccati, bhikkhave…pe… pāpimato.
‘‘буна жабарам̣, бхигкавз, бхигку саб̣б̣асо руубасан̃н̃аанам̣ самад̇иггамаа бадигхасан̃н̃аанам̣ ад̇т̇ан̇г̇амаа наанад̇д̇асан̃н̃аанам̣ аманасигаараа ‘ананд̇о аагаасо’д̇и аагаасаанан̃жааяад̇анам̣ убасамбаж̇ж̇а вихарад̇и. аяам̣ вужжад̇и, бхигкавз…бз… баабимад̇о.
‘‘Puna caparaṃ, bhikkhave, bhikkhu sabbaso rūpasaññānaṃ samatikkamā paṭighasaññānaṃ atthaṅgamā nānattasaññānaṃ amanasikārā ‘ananto ākāso’ti ākāsānañcāyatanaṃ upasampajja viharati. Ayaṃ vuccati, bhikkhave…pe… pāpimato.
‘‘буна жабарам̣, бхигкавз, бхигку саб̣б̣асо аагаасаанан̃жааяад̇анам̣ самад̇иггамма ‘ананд̇ам̣ вин̃н̃аан̣а’нд̇и вин̃н̃аан̣ан̃жааяад̇анам̣ убасамбаж̇ж̇а вихарад̇и. аяам̣ вужжад̇и, бхигкавз…бз… баабимад̇о.
‘‘Puna caparaṃ, bhikkhave, bhikkhu sabbaso ākāsānañcāyatanaṃ samatikkamma ‘anantaṃ viññāṇa’nti viññāṇañcāyatanaṃ upasampajja viharati. Ayaṃ vuccati, bhikkhave…pe… pāpimato.
‘‘буна жабарам̣, бхигкавз, бхигку саб̣б̣асо вин̃н̃аан̣ан̃жааяад̇анам̣ самад̇иггамма ‘над̇т̇и гин̃жий’д̇и аагин̃жан̃н̃ааяад̇анам̣ убасамбаж̇ж̇а вихарад̇и. аяам̣ вужжад̇и, бхигкавз…бз… баабимад̇о.
‘‘Puna caparaṃ, bhikkhave, bhikkhu sabbaso viññāṇañcāyatanaṃ samatikkamma ‘natthi kiñcī’ti ākiñcaññāyatanaṃ upasampajja viharati. Ayaṃ vuccati, bhikkhave…pe… pāpimato.
‘‘буна жабарам̣, бхигкавз, бхигку саб̣б̣асо аагин̃жан̃н̃ааяад̇анам̣ самад̇иггамма нзвасан̃н̃аанаасан̃н̃ааяад̇анам̣ убасамбаж̇ж̇а вихарад̇и. аяам̣ вужжад̇и, бхигкавз…бз… баабимад̇о.
‘‘Puna caparaṃ, bhikkhave, bhikkhu sabbaso ākiñcaññāyatanaṃ samatikkamma nevasaññānāsaññāyatanaṃ upasampajja viharati. Ayaṃ vuccati, bhikkhave…pe… pāpimato.
‘‘буна жабарам̣, бхигкавз, бхигку саб̣б̣асо нзвасан̃н̃аанаасан̃н̃ааяад̇анам̣ самад̇иггамма сан̃н̃аавзд̣̇аяид̇анирод̇хам̣ убасамбаж̇ж̇а вихарад̇и, бан̃н̃ааяа жасса д̣̇исваа аасаваа баригкийн̣аа хонд̇и. аяам̣ вужжад̇и, бхигкавз, бхигку анд̇хамагааси маарам̣ абад̣̇ам̣, вад̇хид̇ваа мааражагкум̣ ад̣̇ассанам̣ г̇ад̇о баабимад̇о. д̇ин̣н̣о логз висад̇д̇игам̣ виссад̇т̇о г̇ажчад̇и, виссад̇т̇о д̇идтад̇и, виссад̇т̇о нисийд̣̇ад̇и, виссад̇т̇о сзяяам̣ габбзд̇и. д̇ам̣ гисса хзд̇у? анаабаат̇аг̇ад̇о, бхигкавз, баабимад̇о’’д̇и.
‘‘Puna caparaṃ, bhikkhave, bhikkhu sabbaso nevasaññānāsaññāyatanaṃ samatikkamma saññāvedayitanirodhaṃ upasampajja viharati, paññāya cassa disvā āsavā parikkhīṇā honti. Ayaṃ vuccati, bhikkhave, bhikkhu andhamakāsi māraṃ apadaṃ, vadhitvā māracakkhuṃ adassanaṃ gato pāpimato. Tiṇṇo loke visattikaṃ vissattho gacchati, vissattho tiṭṭhati, vissattho nisīdati, vissattho seyyaṃ kappeti. Taṃ kissa hetu? Anāpāthagato, bhikkhave, pāpimato’’ti.
ид̣̇амавожа бхаг̇аваа. ад̇д̇аманаа д̇з бхигкуу бхаг̇авад̇о бхаасид̇ам̣ абхинанд̣̇унд̇и.
Idamavoca bhagavā. Attamanā te bhikkhū bhagavato bhāsitaṃ abhinandunti.
баасараасисуд̇д̇ам̣ нидтид̇ам̣ чадтам̣.
Pāsarāsisuttaṃ niṭṭhitaṃ chaṭṭhaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 6. баасараасисуд̇д̇аван̣н̣анаа • 6. Pāsarāsisuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 6. баасараасисуд̇д̇аван̣н̣анаа • 6. Pāsarāsisuttavaṇṇanā
