| Library / Tipiṭaka / д̇ибидага • Tipiṭaka / маж̇жхиманигааяа (дийгаа) • Majjhimanikāya (ṭīkā) |
6. баасараасисуд̇д̇аван̣н̣анаа
6. Pāsarāsisuttavaṇṇanā
272. саад̇хумаяанд̇и зд̇т̇а саад̇ху-сад̣̇д̣̇о ааяаажанад̇т̇о, на ‘‘саад̇хаавусо’’д̇иаад̣̇ийсу (сам̣. ни. 1.246; су. ни. 182) вияа абхинанд̣̇анаад̣̇иад̇т̇од̇и ааха ‘‘ааяаажанд̇аа’’д̇и. д̇знааха баал̣ияам̣ ‘‘лабхзяяаамаа’’д̇иаад̣̇и вуд̇д̇ам̣. на саггонд̇и, гасмаа? б̣уд̣̇д̇хаа хи г̇аруу хонд̇и, барамаг̇аруу уд̇д̇амам̣ г̇ааравадтаанам̣, на яат̇аа д̇ат̇аа убасан̇гаманийяаа. д̇знааха ‘‘згажаариго сийхо’’д̇иаад̣̇и.
272.Sādhumayanti ettha sādhu-saddo āyācanattho, na ‘‘sādhāvuso’’tiādīsu (saṃ. ni. 1.246; su. ni. 182) viya abhinandanādiatthoti āha ‘‘āyācantā’’ti. Tenāha pāḷiyaṃ ‘‘labheyyāmā’’tiādi vuttaṃ. Na sakkonti, kasmā? Buddhā hi garū honti, paramagarū uttamaṃ gāravaṭṭhānaṃ, na yathā tathā upasaṅkamanīyā. Tenāha ‘‘ekacāriko sīho’’tiādi.
‘‘баагадагирияааяаа’’д̇и сан̇кзбзна вуд̇д̇ам̣ виварид̇ум̣ ‘‘яам̣ хий’’д̇иаад̣̇и вуд̇д̇ам̣. бхаг̇аваа саб̣б̣агаалам̣ гимзвамагаасийд̇и? на саб̣б̣агааламзвамагааси. яад̣̇аа бана агааси, д̇ам̣ д̣̇ассзд̇ум̣ ‘‘бхаг̇аваа батамаб̣од̇хияа’’нд̇иаад̣̇и вуд̇д̇ам̣. мануссад̇д̇абхаавзд̇и иминаа бурисад̇д̇абхаавам̣ уллин̇г̇зд̇и. д̇ханабарижжааг̇о гад̇о наама над̇т̇и бхаг̇авад̇о д̇харамаанагаалзд̇и ад̇хиббааяо.
‘‘Pākaṭakiriyāyā’’ti saṅkhepena vuttaṃ vivarituṃ ‘‘yaṃ hī’’tiādi vuttaṃ. Bhagavā sabbakālaṃ kimevamakāsīti? Na sabbakālamevamakāsi. Yadā pana akāsi, taṃ dassetuṃ ‘‘bhagavā paṭhamabodhiya’’ntiādi vuttaṃ. Manussattabhāveti iminā purisattabhāvaṃ ulliṅgeti. Dhanapariccāgo kato nāma natthi bhagavato dharamānakāleti adhippāyo.
маалаагажаваранд̇и милаад̇амаалаагажаварам̣. раж̇ож̇аллам̣ на убалимбад̇и ажчад̇арачавибхаавад̇о. вуд̇д̇ан̃хзд̇ам̣ ‘‘сукумад̇д̇аа чавияаа гааяз раж̇ож̇аллам̣ на лимбад̇ий’’д̇и. яад̣̇и звам̣ гасмаа бхаг̇аваа нахааяад̇ийд̇и ааха ‘‘уд̇уг̇г̇ахан̣ад̇т̇а’’нд̇и.
Mālākacavaranti milātamālākacavaraṃ. Rajojallaṃ na upalimpati acchatarachavibhāvato. Vuttañhetaṃ ‘‘sukhumattā chaviyā kāye rajojallaṃ na limpatī’’ti. Yadi evaṃ kasmā bhagavā nahāyatīti āha ‘‘utuggahaṇattha’’nti.
вихаарод̇и ж̇зд̇аванавихааро. вийсад̇иусабхам̣ г̇аавуд̇асса жад̇уд̇т̇о бхааг̇од̇и вад̣̇анд̇и. гад̣̇аажийд̇и гасмин̃жи б̣уд̣̇д̇хуббаад̣̇з. ажаламзваад̇и абаривад̇д̇амзва анан̃н̃абхаавад̇о, ман̃жаанам̣ бана аббамаханд̇ад̇аахи баад̣̇аанам̣ бад̇идтид̇адтаанасса хаанивад̣дхияо хонд̇иязва.
Vihāroti jetavanavihāro. Vīsatiusabhaṃ gāvutassa catuttho bhāgoti vadanti. Kadācīti kasmiñci buddhuppāde. Acalamevāti aparivattameva anaññabhāvato, mañcānaṃ pana appamahantatāhi pādānaṃ patiṭṭhitaṭṭhānassa hānivaḍḍhiyo hontiyeva.
яанд̇анаал̣игаахи барибун̣н̣асуван̣н̣арасад̇хаараахи. нхаанавад̇д̇анд̇и ‘‘баб̣б̣аж̇ид̇зна наама звам̣ нхааяид̇аб̣б̣а’’нд̇и нахаанажаарид̇д̇ам̣ д̣̇ассзд̇ваа. яасмаа бхаг̇авад̇о сарийрам̣ суд̇ханд̇ажаамийгарасамаанаван̣н̣ам̣ субарисод̇хид̇абаваал̣аружирагаражаран̣ааварам̣ сувисуд̣̇д̇ханийларад̇анаавал̣исад̣̇исагзсад̇анурухам̣, д̇асмаа д̇ахам̣ д̇ахам̣ виниссад̇аж̇аад̇ихин̇г̇улагарасуубасобхид̇ам̣ убари махаг̇гхарад̇анаавал̣исан̃чаад̣̇ид̇ам̣ ж̇ан̇г̇амамива ганагаг̇ирисикарам̣ вирожид̇т̇а. д̇асмин̃жа самаяз д̣̇асаб̣аласса сарийрад̇о нигкамид̇ваа чаб̣б̣ан̣н̣арасмияо саманд̇ад̇о асийд̇ихад̇т̇аббамаан̣з бад̣̇зсз аад̇хааванд̇ий вид̇хааванд̇ий рад̇анаавал̣ирад̇анад̣̇аама-рад̇анажун̣н̣а-виббагин̣н̣ам̣ вияа, басаарид̇арад̇анажид̇д̇аган̃жанабаддамива, аасин̃жамааналаакаарасад̇хаараа-жид̇амива , уггаасад̇анибаад̇асамаагуламива, ниранд̇арам̣ виббагин̣н̣а-ган̣игаара-гин̇гин̣ига-бубпамива, вааяувзг̇асамуд̣̇д̇хад̇а-жинабидтажун̣н̣а-ран̃ж̇ид̇амива, инд̣̇ад̇хану-виж̇ж̇улад̇аа-вид̇аанасант̇ад̇амива, г̇аг̇анад̇алам̣ д̇ам̣ таанам̣ баванан̃жа саммаа паранд̇и. д̇зна вуд̇д̇ам̣ ‘‘ван̣н̣абхууми наамзсаа’’д̇иаад̣̇и. ад̇т̇анд̇и убамзяяад̇т̇ам̣. убамааяод̇и ‘‘ийд̣̇исо жа ход̇ий’’д̇и яат̇аарахам̣ д̇ад̣̇анужчавигаа убамаа. гааран̣аанийд̇и убамубамзяяасамб̣анд̇хавибхааванаани гааран̣аани. буурзд̇ваад̇и ван̣н̣анам̣ барибун̣н̣ам̣ гад̇ваа. т̇аамо взд̣̇ид̇аб̣б̣о ‘‘ад̇ид̇т̇з багканд̣̇о’’д̇и авад̇д̇аб̣б̣ад̇д̇аа.
Yantanāḷikāhi paripuṇṇasuvaṇṇarasadhārāhi. Nhānavattanti ‘‘pabbajitena nāma evaṃ nhāyitabba’’nti nahānacārittaṃ dassetvā. Yasmā bhagavato sarīraṃ sudhantacāmīkarasamānavaṇṇaṃ suparisodhitapavāḷarucirakaracaraṇāvaraṃ suvisuddhanīlaratanāvaḷisadisakesatanuruhaṃ, tasmā tahaṃ tahaṃ vinissatajātihiṅgulakarasūpasobhitaṃ upari mahaggharatanāvaḷisañchāditaṃ jaṅgamamiva kanakagirisikharaṃ virocittha. Tasmiñca samaye dasabalassa sarīrato nikkhamitvā chabbaṇṇarasmiyo samantato asītihatthappamāṇe padese ādhāvantī vidhāvantī ratanāvaḷiratanadāma-ratanacuṇṇa-vippakiṇṇaṃ viya, pasāritaratanacittakañcanapaṭṭamiva, āsiñcamānalākhārasadhārā-citamiva , ukkāsatanipātasamākulamiva, nirantaraṃ vippakiṇṇa-kaṇikāra-kiṅkiṇika-pupphamiva, vāyuvegasamuddhata-cinapiṭṭhacuṇṇa-rañjitamiva, indadhanu-vijjulatā-vitānasanthatamiva, gaganatalaṃ taṃ ṭhānaṃ pavanañca sammā pharanti. Tena vuttaṃ ‘‘vaṇṇabhūmi nāmesā’’tiādi. Atthanti upameyyatthaṃ. Upamāyoti ‘‘īdiso ca hotī’’ti yathārahaṃ tadanucchavikā upamā. Kāraṇānīti upamupameyyasambandhavibhāvanāni kāraṇāni. Pūretvāti vaṇṇanaṃ paripuṇṇaṃ katvā. Thāmo veditabbo ‘‘atitthe pakkhando’’ti avattabbattā.
273. ган̣н̣игаад̇и сарийраг̇ад̇аб̣инд̣̇угад̇аани ман̣д̣алаани. баригкаарабхан̣д̣анд̇и уд̇д̇араасан̇г̇ам̣ сан̇гхаадин̃жа санд̇хааяа вад̣̇ад̇и. гим̣ банааяам̣ наяо б̣уд̣̇д̇хаанамби сарийрз ход̇ийд̇и? на ход̇и, вад̇д̇ад̣̇ассанад̇т̇ам̣ банзд̇ам̣ гад̇анд̇и д̣̇ассзд̇ум̣ ‘‘б̣уд̣̇д̇хаанам̣ банаа’’д̇иаад̣̇и вуд̇д̇ам̣. г̇аманавасзна гааяассаабхинийхаран̣ам̣ г̇аманаабхихааро. яат̇аад̇хиббааяаавад̇д̇анам̣ ад̇хиббааяагобанам̣.
273.Kaṇṇikāti sarīragatabindukatāni maṇḍalāni. Parikkhārabhaṇḍanti uttarāsaṅgaṃ saṅghāṭiñca sandhāya vadati. Kiṃ panāyaṃ nayo buddhānampi sarīre hotīti? Na hoti, vattadassanatthaṃ panetaṃ katanti dassetuṃ ‘‘buddhānaṃ panā’’tiādi vuttaṃ. Gamanavasena kāyassābhinīharaṇaṃ gamanābhihāro. Yathādhippāyāvattanaṃ adhippāyakopanaṃ.
ан̃н̃ад̇арааяа баарамияаад̇и нзгкаммабаарамияаа. вийрияабаарамияаад̇и абарз. махаабхинигкаманассаад̇и маханд̇асса жаримабхавз абхинигкаманасса. д̇ан̃хи маханд̇ам̣ бхог̇агканд̇хам̣ маханд̇ан̃жа н̃аад̇ибариваддам̣ маханд̇ан̃жа жаггавад̇д̇исирим̣ баж̇ахид̇ваа сад̣̇звагасса логасса самаарагасса жа ажинд̇зяяаабаримзяяабхзд̣̇асса махад̇о ад̇т̇ааяа хид̇ааяа сукааяа бавад̇д̇ад̇д̇аа маханийяад̇ааяа жа маханд̇ам̣ абхинигкамананд̇и вужжад̇и.
Aññatarāya pāramiyāti nekkhammapāramiyā. Vīriyapāramiyāti apare. Mahābhinikkhamanassāti mahantassa carimabhave abhinikkhamanassa. Tañhi mahantaṃ bhogakkhandhaṃ mahantañca ñātiparivaṭṭaṃ mahantañca cakkavattisiriṃ pajahitvā sadevakassa lokassa samārakassa ca acinteyyāparimeyyabhedassa mahato atthāya hitāya sukhāya pavattattā mahanīyatāya ca mahantaṃ abhinikkhamananti vuccati.
буримод̇и ‘‘гад̇амааяа ну гат̇ааяа саннисиннаа бхават̇аа’’д̇и звам̣ вуд̇д̇аад̇т̇о. гаа жа бана вод̇и зд̇т̇а жа-сад̣̇д̣̇о б̣яад̇ирзгз. д̇зна яат̇аабужчид̇ааяа гат̇ааяа вагкамаанам̣ виббагад̇абхаавам̣ ж̇од̇зд̇и. бана-сад̣̇д̣̇о важанаалан̇гаарз. яааяа хи гат̇ааяа д̇з бхигкуу саннисиннаа, саа зва анд̇араагат̇аабхууд̇аа виббагад̇аа висзсзна буна бужчийяад̇и. ан̃н̃аад̇и анд̇араа-сад̣̇д̣̇асса ад̇т̇амааха. ан̃н̃ад̇т̇о хи аяам̣ анд̇араа-сад̣̇д̣̇о ‘‘бхууманд̇арам̣ (д̇ха. са. адта. нид̣̇аанагат̇аа) самаяанд̇ара’’нд̇иаад̣̇ийсу вияа, анд̇араад̇и ваа взмаж̇жхзд̇и ад̇т̇о. д̣̇асагат̇аавад̇т̇униссид̇аад̇и ‘‘гим̣ сийлам̣ наама, гат̇ан̃жа буурзд̇аб̣б̣ам̣, гаани жасса сам̣гилзсавод̣̇аанааний’’д̇иаад̣̇инаа аббижчаад̣̇иниссид̇аа сийлаад̣̇иниссид̇аа жа гат̇аа. арияод̇и нид̣̇д̣̇осо. ат̇а ваа ад̇т̇агаамзхи аран̣ийяод̇и арияо, арияаанам̣ аяанд̇и ваа арияод̇и. бхааванааманасигааравасзна д̇ун̣хий бхаванд̇и, на згажжаб̣аахирагабаб̣б̣аж̇ид̇аа вияа мууг̇аб̣б̣ад̇асамаад̣̇аанзна. д̣̇уд̇ияаж̇жхаанамби арияо д̇ун̣хийбхааво важийсан̇каарабахаанад̇о. муулагаммадтаананд̇и баарихаарияа гаммадтаанамби. жхаананд̇и д̣̇уд̇ияаж̇жхаанам̣.
Purimoti ‘‘katamāya nu kathāya sannisinnā bhavathā’’ti evaṃ vuttaattho. Kā ca pana voti ettha ca-saddo byatireke. Tena yathāpucchitāya kathāya vakkhamānaṃ vippakatabhāvaṃ joteti. Pana-saddo vacanālaṅkāre. Yāya hi kathāya te bhikkhū sannisinnā, sā eva antarākathābhūtā vippakatā visesena puna pucchīyati. Aññāti antarā-saddassa atthamāha. Aññattho hi ayaṃ antarā-saddo ‘‘bhūmantaraṃ (dha. sa. aṭṭha. nidānakathā) samayantara’’ntiādīsu viya, antarāti vā vemajjheti attho. Dasakathāvatthunissitāti ‘‘kiṃ sīlaṃ nāma, kathañca pūretabbaṃ, kāni cassa saṃkilesavodānānī’’tiādinā appicchādinissitā sīlādinissitā ca kathā. Ariyoti niddoso. Atha vā atthakāmehi araṇīyoti ariyo, ariyānaṃ ayanti vā ariyoti. Bhāvanāmanasikāravasena tuṇhī bhavanti, na ekaccabāhirakapabbajitā viya mūgabbatasamādānena. Dutiyajjhānampi ariyo tuṇhībhāvo vacīsaṅkhārapahānato. Mūlakammaṭṭhānanti pārihāriya kammaṭṭhānampi. Jhānanti dutiyajjhānaṃ.
274. ‘‘саннибад̇ид̇аанам̣ во, бхигкавз, д̣̇ваяа’’нд̇и (ма. ни. 1.273; уд̣̇аа. 12, 28, 29) адтуббад̇д̇ивасзна д̣̇зсанаа бавад̇д̇аад̇и д̇ассаа убарид̣̇зсанааяа самб̣анд̇хам̣ д̣̇ассзд̇ум̣ ‘‘д̣̇взмаа, бхигкавз, бариязсанаад̇и го анусанд̇хий’’д̇и анусанд̇хим̣ бужчад̇и. аяам̣ д̇умхаагам̣ бариязсанаад̇и яаа махаабхинигкаманабадиб̣ад̣̇д̇хаа д̇хаммий гат̇аа, саа д̇умхаагам̣ д̇хаммабариязсанаа д̇хаммавижааран̣аа арияабариязсанаа наама. абааяамаг̇г̇анд̇и анад̇т̇аавахам̣ маг̇г̇ам̣. уд̣̇д̣̇зсаануггамам̣ бхинд̣̇ид̇ваад̇и уд̣̇д̣̇зсаанубуб̣б̣им̣ лан̇гхид̇ваа. д̇хамма-сад̣̇д̣̇о ‘‘амосад̇хаммам̣ ниб̣б̣аана’’нд̇иаад̣̇ийсу вияа багад̇ибарияааяо. ж̇ааяанасабхаавод̇и ж̇ааяанабагад̇игод̇и ад̇т̇о. сзсабад̣̇зсуби зсзва наяо.
274. ‘‘Sannipatitānaṃ vo, bhikkhave, dvaya’’nti (ma. ni. 1.273; udā. 12, 28, 29) aṭṭhuppattivasena desanā pavattāti tassā uparidesanāya sambandhaṃ dassetuṃ ‘‘dvemā, bhikkhave, pariyesanāti ko anusandhī’’ti anusandhiṃ pucchati. Ayaṃ tumhākaṃ pariyesanāti yā mahābhinikkhamanapaṭibaddhā dhammī kathā, sā tumhākaṃ dhammapariyesanā dhammavicāraṇā ariyapariyesanā nāma. Apāyamagganti anatthāvahaṃ maggaṃ. Uddesānukkamaṃ bhinditvāti uddesānupubbiṃ laṅghitvā. Dhamma-saddo ‘‘amosadhammaṃ nibbāna’’ntiādīsu viya pakatipariyāyo. Jāyanasabhāvoti jāyanapakatikoti attho. Sesapadesupi eseva nayo.
саб̣б̣ад̇т̇аад̇и яат̇аа ‘‘буд̇д̇абхарияа’’нд̇и д̣̇ванд̣̇асамаасавасзна згад̇д̇ам̣, зса наяо саб̣б̣ад̇т̇а ‘‘д̣̇аасид̣̇ааса’’нд̇иаад̣̇ийсу саб̣б̣абад̣̇зсу. барад̇о вигаарам̣ анаабаж̇ж̇ид̇ваа саб̣б̣ад̣̇аа ж̇аад̇аруубамзва ход̇ийд̇и ж̇аад̇аруубам̣, суван̣н̣ам̣. д̇хаваласабхаавад̇ааяа ран̃ж̇ийяад̇ийд̇и раж̇ад̇ам̣, руубияам̣. ид̇ха бана суван̣н̣ам̣ табзд̇ваа яам̣ гин̃жи убабхог̇абарибхог̇аарахам̣ раж̇ад̇ам̣д̇зва г̇ахид̇ам̣. убад̇хийяад̇и зд̇т̇а д̣̇угканд̇и убад̇хаяо. жуд̇ийсан̇каад̇ам̣ маран̣анд̇и згабхавабарияаабаннам̣ канд̇ханирод̇хасан̇каад̇ам̣ маран̣амааха. кан̣иганирод̇хо бана кан̣з кан̣з. д̇знааха ‘‘сад̇д̇аанам̣ вияаа’’д̇и. сам̣гилиссад̇ийд̇и д̣̇уусависзна вияа ад̇д̇аанам̣ д̣̇уусиссад̇и. д̇знааха бхаг̇аваа – ‘‘бан̃жимз, бхигкавз, ж̇аад̇аруубасса убаггилзсаа аяо лоха’’нд̇иаад̣̇и (а. ни. 5.23). малам̣ г̇ахзд̇ваад̇и язхи сахаяог̇ад̇о малинам̣ ход̇и, д̇зсам̣ малинабхаавабажжаяаанам̣ васзна малам̣ г̇ахзд̇ваа. ж̇ийран̣ад̇о ж̇араад̇хаммаваарз ж̇аад̇аруубам̣ г̇ахид̇анд̇и яож̇анаа. яз бана ж̇аад̇ид̇хаммаваарзби ж̇аад̇аруубам̣ на батанд̇и, д̇зсам̣ ид̇арзсам̣ вияа ж̇ийран̣ад̇хаммаваарз саруубад̇о анааг̇ад̇амби убад̇хиг̇г̇ахан̣зна г̇ахид̇амзваад̇и д̣̇адтаб̣б̣ам̣. бариг̇г̇ахз тид̇аанам̣ бана васзна вужжамаанз абаагадаанамби ж̇аад̇иж̇араамаран̣аанам̣ васзна яож̇анаа лаб̣бхад̇зва. ж̇аад̇аруубасийсзна жзд̇т̇а саб̣б̣ассаби анинд̣̇рияаб̣ад̣̇д̇хасса г̇ахан̣ам̣ д̣̇адтаб̣б̣ам̣, буд̇д̇абхарияаад̣̇иг̇г̇ахан̣зна вияа мид̇д̇аамажжаад̣̇иг̇г̇ахан̣ам̣.
Sabbatthāti yathā ‘‘puttabhariya’’nti dvandasamāsavasena ekattaṃ, esa nayo sabbattha ‘‘dāsidāsa’’ntiādīsu sabbapadesu. Parato vikāraṃ anāpajjitvā sabbadā jātarūpameva hotīti jātarūpaṃ, suvaṇṇaṃ. Dhavalasabhāvatāya rañjīyatīti rajataṃ, rūpiyaṃ. Idha pana suvaṇṇaṃ ṭhapetvā yaṃ kiñci upabhogaparibhogārahaṃ rajataṃteva gahitaṃ. Upadhīyati ettha dukkhanti upadhayo. Cutīsaṅkhātaṃ maraṇanti ekabhavapariyāpannaṃ khandhanirodhasaṅkhātaṃ maraṇamāha. Khaṇikanirodho pana khaṇe khaṇe. Tenāha ‘‘sattānaṃ viyā’’ti. Saṃkilissatīti dūsavisena viya attānaṃ dūsissati. Tenāha bhagavā – ‘‘pañcime, bhikkhave, jātarūpassa upakkilesā ayo loha’’ntiādi (a. ni. 5.23). Malaṃ gahetvāti yehi sahayogato malinaṃ hoti, tesaṃ malinabhāvapaccayānaṃ vasena malaṃ gahetvā. Jīraṇato jarādhammavāre jātarūpaṃ gahitanti yojanā. Ye pana jātidhammavārepi jātarūpaṃ na paṭhanti, tesaṃ itaresaṃ viya jīraṇadhammavāre sarūpato anāgatampi upadhiggahaṇena gahitamevāti daṭṭhabbaṃ. Pariggahe ṭhitānaṃ pana vasena vuccamāne apākaṭānampi jātijarāmaraṇānaṃ vasena yojanā labbhateva. Jātarūpasīsena cettha sabbassapi anindriyabaddhassa gahaṇaṃ daṭṭhabbaṃ, puttabhariyādiggahaṇena viya mittāmaccādiggahaṇaṃ.
275. ариязхи бариязсанаа, арияаанам̣ бариязсанаад̇и ваа арияабариязсанаад̇и самаасад̣̇ваяам̣ д̣̇ассзд̇и ‘‘аяам̣, бхигкавз’’д̇иаад̣̇инаа.
275. Ariyehi pariyesanā, ariyānaṃ pariyesanāti vā ariyapariyesanāti samāsadvayaṃ dasseti ‘‘ayaṃ, bhikkhave’’tiādinā.
276. муулад̇о бадтааяаад̇и яам̣ махаабхинигкаманасса муулабхаавзсуаад̣̇ийнавад̣̇ассанам̣, д̇ад̇о бадтааяа. яасмаа д̇з бхигкуу д̇ад̇т̇а махаабхинигкаманагат̇ааяа саннисиннаа, саа жа нзсам̣ анд̇араагат̇аа виббагад̇аа, д̇асмаа бхаг̇аваа д̇зсам̣ муулад̇о бадтааяа махаабхинигкаманагат̇ам̣ гат̇зд̇ум̣ аарабхи. ахамби буб̣б̣зд̇и висзсаважанам̣ абарибагган̃аан̣зна саяам̣ жаримабхавз д̇ийсу баасаад̣̇зсу д̇ивид̇ханаадагабариваарасса д̣̇иб̣б̣асамбад̇д̇исад̣̇исааяа махаасамбад̇д̇ияаа анубхаванам̣, абхинигкамид̇ваа бад̇хаанабад̣̇аханавасзна ад̇д̇агиламат̇аануяог̇ан̃жа санд̇хааяааха. анарияабариязсанам̣ бариязсинд̇и зд̇т̇ааби зсзва наяо. бан̃жаваг̇г̇ияаабийд̇и яат̇аасагам̣ г̇ихибхог̇ам̣ ануяуд̇д̇аа д̇ам̣ бахааяа баб̣б̣аж̇ид̇ваа ад̇д̇агиламат̇аануяог̇з тид̇аа сад̇т̇у д̇хаммажаггабавад̇д̇анад̣̇зсанааяа (сам̣. ни. 5.1081; махаава. 13; бади. ма. 2.30) д̇амби бахааяа арияабариязсанам̣ бариязсим̣сууд̇и.
276.Mūlato paṭṭhāyāti yaṃ mahābhinikkhamanassa mūlabhāvesuādīnavadassanaṃ, tato paṭṭhāya. Yasmā te bhikkhū tattha mahābhinikkhamanakathāya sannisinnā, sā ca nesaṃ antarākathā vippakatā, tasmā bhagavā tesaṃ mūlato paṭṭhāya mahābhinikkhamanakathaṃ kathetuṃ ārabhi. Ahampi pubbeti visesavacanaṃ aparipakkañāṇena sayaṃ carimabhave tīsu pāsādesu tividhanāṭakaparivārassa dibbasampattisadisāya mahāsampattiyā anubhavanaṃ, abhinikkhamitvā padhānapadahanavasena attakilamathānuyogañca sandhāyāha. Anariyapariyesanaṃ pariyesinti etthāpi eseva nayo. Pañcavaggiyāpīti yathāsakaṃ gihibhogaṃ anuyuttā taṃ pahāya pabbajitvā attakilamathānuyoge ṭhitā satthu dhammacakkapavattanadesanāya (saṃ. ni. 5.1081; mahāva. 13; paṭi. ma. 2.30) tampi pahāya ariyapariyesanaṃ pariyesiṃsūti.
277. гаамам̣ д̣̇ахара-сад̣̇д̣̇о ‘‘д̣̇ахарам̣ гумаарам̣ манд̣̇ам̣ уд̇д̇аанасзяяага’’нд̇и (ма. ни. 1.496) зд̇т̇а б̣аалад̣̇аарагз ааг̇ад̇о, ‘‘бхад̣̇рзна яоб̣б̣анзна саманнааг̇ад̇о’’д̇и бана вагкамаанад̇д̇аа яуваавад̇т̇аа ид̇ха д̣̇ахара-сад̣̇д̣̇зна вуд̇д̇аад̇и ааха ‘‘д̇арун̣ова самаано’’д̇и. батамаваязна згуунад̇им̣саваяад̇д̇аа. ж̇аад̇ияаа хи яаава д̇зд̇д̇им̣саваяаа батамаваяо. анаад̣̇арад̇т̇з саамиважанам̣ яат̇аа ‘‘д̣̇звад̣̇ад̇д̇асса руд̣̇анд̇асса баб̣б̣аж̇ий’’д̇и. гаамам̣ ассумужжанам̣ род̣̇анам̣, д̇ам̣ ассумукаананд̇и иминаа багаасид̇ам̣, д̇ам̣ бана вад̇ваа ‘‘руд̣̇анд̇аана’’нд̇и важанам̣ б̣алавасогасамудтаанам̣ аарод̣̇анавад̇т̇ум̣ багаасзд̇ийд̇и ааха ‘‘ганд̣̇ид̇ваа род̣̇амаанаана’’нд̇и. гим̣ гусаланд̇и г̇авзсамаанод̇и гинд̇и саб̣б̣асо аваж̇ж̇арахид̇ам̣ зганд̇а нияяаанигам̣ бариязсамаано. варабад̣̇анд̇и ваддад̣̇угканиссаран̣ад̇т̇игзхи зганд̇зна варан̣ийяадтзна варам̣, баж̇ж̇ид̇аб̣б̣адтзна бад̣̇ам̣. д̇ун̇г̇асарийрад̇ааяа д̣̇ийгхо, бин̇г̇алажагкуд̇ааяа бин̇г̇алод̇и д̣̇ийгхабин̇г̇ало. д̇хаммод̇и винаяо, самаяод̇и ад̇т̇о. суд̇ваава уг̇г̇ан̣хинд̇и д̇зна вужжамаанасса саванамад̇д̇знзва уг̇г̇ан̣хим̣ ваажуг̇г̇ад̇ам̣ агаасим̣.
277. Kāmaṃ dahara-saddo ‘‘daharaṃ kumāraṃ mandaṃ uttānaseyyaka’’nti (ma. ni. 1.496) ettha bāladārake āgato, ‘‘bhadrena yobbanena samannāgato’’ti pana vakkhamānattā yuvāvatthā idha dahara-saddena vuttāti āha ‘‘taruṇova samāno’’ti. Paṭhamavayena ekūnatiṃsavayattā. Jātiyā hi yāva tettiṃsavayā paṭhamavayo. Anādaratthe sāmivacanaṃ yathā ‘‘devadattassa rudantassa pabbajī’’ti. Kāmaṃ assumuccanaṃ rodanaṃ, taṃ assumukhānanti iminā pakāsitaṃ, taṃ pana vatvā ‘‘rudantāna’’nti vacanaṃ balavasokasamuṭṭhānaṃ ārodanavatthuṃ pakāsetīti āha ‘‘kanditvā rodamānāna’’nti. Kiṃ kusalanti gavesamānoti kinti sabbaso avajjarahitaṃ ekanta niyyānikaṃ pariyesamāno. Varapadanti vaṭṭadukkhanissaraṇatthikehi ekantena varaṇīyaṭṭhena varaṃ, pajjitabbaṭṭhena padaṃ. Tuṅgasarīratāya dīgho, piṅgalacakkhutāya piṅgaloti dīghapiṅgalo. Dhammoti vinayo, samayoti attho. Sutvāva uggaṇhinti tena vuccamānassa savanamatteneva uggaṇhiṃ vācuggataṃ akāsiṃ.
бадилабанамад̇д̇агзнаад̇и буна лабанамад̇д̇агзна. ж̇аанаад̇ийд̇и н̃аан̣о, н̃аан̣од̇и ваад̣̇о н̃аан̣аваад̣̇о, д̇ам̣ н̃аан̣аваад̣̇ам̣. ‘‘вад̣̇аамий’’д̇и ааг̇ад̇ад̇д̇аа адтагат̇ааяам̣ ‘‘ж̇аанаамий’’д̇и уд̇д̇амабурисавасзна ад̇т̇о вуд̇д̇о. ан̃н̃зби б̣ахууд̇и ан̃н̃зби б̣ахуу мама д̇ат̇аабхаавам̣ ж̇аананд̇аа ‘‘аяам̣ имам̣ д̇хаммам̣ ж̇аанаад̇ий’’д̇и, ‘‘агамбанийяад̇ааяа т̇иро’’д̇и ваа звам̣ вад̣̇анд̇и. лаабхийд̇и ан̃н̃аасийд̇и д̇хаммасса уд̣̇д̣̇исанзна махаабан̃н̃ад̇ааяа ‘‘аяам̣ ад̇д̇анаа г̇ад̇амаг̇г̇ам̣ бавзд̣̇зд̇и, на ануссуд̇иго’’д̇и ан̃н̃ааси. ассаад̇и б̣од̇хисад̇д̇асса. зд̇ад̣̇ахосийд̇и зд̇ам̣ ‘‘на ко аал̣ааро гаалаамо’’д̇иаад̣̇и манаси ахоси, жинд̇зсийд̇и ад̇т̇о.
Paṭilapanamattakenāti puna lapanamattakena. Jānātīti ñāṇo, ñāṇoti vādo ñāṇavādo, taṃ ñāṇavādaṃ. ‘‘Vadāmī’’ti āgatattā aṭṭhakathāyaṃ ‘‘jānāmī’’ti uttamapurisavasena attho vutto. Aññepi bahūti aññepi bahū mama tathābhāvaṃ jānantā ‘‘ayaṃ imaṃ dhammaṃ jānātī’’ti, ‘‘akampanīyatāya thiro’’ti vā evaṃ vadanti. Lābhīti aññāsīti dhammassa uddisanena mahāpaññatāya ‘‘ayaṃ attanā gatamaggaṃ pavedeti, na anussutiko’’ti aññāsi. Assāti bodhisattassa. Etadahosīti etaṃ ‘‘na kho āḷāro kālāmo’’tiādi manasi ahosi, cintesīti attho.
хздтимасамаабад̇д̇ийхи винаа убаримасамаабад̇д̇ийнам̣ самбаад̣̇анасса асамбхавад̇о ‘‘сад̇д̇а самаабад̇д̇ияо мам̣ ж̇аанаабзсий’’д̇и ааха. баяог̇ам̣ гарзяяанд̇и бхааванам̣ ануяун̃ж̇зяяанд̇и ад̇т̇о. звамаахаад̇и звам̣ ‘‘ахам̣, аавусо’’д̇иаад̣̇имааха, сад̇д̇аннам̣ самаабад̇д̇ийнам̣ ад̇хиг̇амам̣ бажжан̃н̃аасийд̇и ад̇т̇о.
Heṭṭhimasamāpattīhi vinā uparimasamāpattīnaṃ sampādanassa asambhavato ‘‘satta samāpattiyo maṃ jānāpesī’’ti āha. Payogaṃ kareyyanti bhāvanaṃ anuyuñjeyyanti attho. Evamāhāti evaṃ ‘‘ahaṃ, āvuso’’tiādimāha, sattannaṃ samāpattīnaṃ adhigamaṃ paccaññāsīti attho.
анусууяагод̇и аниссугий. д̇зна махаабурисз басаад̣̇ам̣ бавзд̣̇зси. б̣од̇хисад̇д̇асса д̇аа самаабад̇д̇ияо ниб̣б̣ад̇д̇зд̇ваа тид̇асса буримаж̇аад̇ибарижаязна н̃аан̣асса жа маханд̇ад̇ааяа д̇аасам̣ г̇ад̇и жа абхисамбарааяо жа убадтааси . д̇зна ‘‘ваддабарияаабаннаа звзд̇аа’’д̇и нижчаяо уд̣̇абаад̣̇и. д̇знааха ‘‘нааяам̣ д̇хаммо ниб̣б̣ид̣̇ааяаа’’д̇иаад̣̇и. згажжаанам̣ вирааг̇абхааванаасамад̇иггамаавахоби нзва д̇зсамби ажжанд̇ааяа самад̇иггамаавахо, саяан̃жа ваддабарияаабанноязва, д̇асмаа нзва ваддз ниб̣б̣инд̣̇анад̇т̇ааяа, яад̣̇аг̇г̇зна на ниб̣б̣ид̣̇ааяа, д̇ад̣̇аг̇г̇зна на вираж̇ж̇анад̇т̇ааяа, рааг̇аад̣̇ийнам̣ баабад̇хаммаанам̣ на нируж̇жханад̇т̇ааяа, на убасамад̇т̇ааяа, д̇асмаа д̇ам̣ абхин̃н̃зяяад̇хаммам̣ на абхиж̇аананад̇т̇ааяа…бз… сам̣вад̇д̇ад̇ийд̇и яож̇анаа.
Anusūyakoti anissukī. Tena mahāpurise pasādaṃ pavedesi. Bodhisattassa tā samāpattiyo nibbattetvā ṭhitassa purimajātiparicayena ñāṇassa ca mahantatāya tāsaṃ gati ca abhisamparāyo ca upaṭṭhāsi . Tena ‘‘vaṭṭapariyāpannā evetā’’ti nicchayo udapādi. Tenāha ‘‘nāyaṃ dhammo nibbidāyā’’tiādi. Ekaccānaṃ virāgabhāvanāsamatikkamāvahopi neva tesampi accantāya samatikkamāvaho, sayañca vaṭṭapariyāpannoyeva, tasmā neva vaṭṭe nibbindanatthāya, yadaggena na nibbidāya, tadaggena na virajjanatthāya, rāgādīnaṃ pāpadhammānaṃ na nirujjhanatthāya, na upasamatthāya, tasmā taṃ abhiññeyyadhammaṃ na abhijānanatthāya…pe… saṃvattatīti yojanā.
яаавад̣̇зва аагин̃жан̃н̃ааяад̇анубабад̇д̇ияаад̇и сад̇д̇асу самаабад̇д̇ийсу уггадтам̣ г̇ахзд̇ваа вад̣̇ад̇и. удтааяа самудтааяа ажуд̇ид̇хаммам̣ бариязсид̇ум̣ яуд̇д̇ад̇д̇аа д̇ан̃жа анад̇игганд̇аж̇аад̇ид̇хаммамзваад̇и махаасад̇д̇о баж̇ахад̇ийд̇и ааха ‘‘яан̃жа таанам̣ баабзд̇ий’’д̇иаад̣̇и. д̇ад̇о бадтааяаад̇и яад̣̇аа самаабад̇д̇ид̇хаммасса г̇ад̇ин̃жа абхисамбарааяан̃жа аб̣бхан̃н̃ааси, д̇ад̇о бадтааяа. магкигаавасзнаад̇и бхож̇анасса магкигаамиссад̇аавасзна. манам̣ на уббаад̣̇зд̇и бхун̃ж̇ид̇унд̇и ад̇хиббааяо. маханд̇зна уссаахзнаад̇и ид̣̇ам̣ гад̇ибаахам̣ д̇ад̇т̇а бхааванаануяог̇амад̇д̇ам̣ санд̇хааяа вуд̇д̇ам̣, на ан̃н̃зсам̣ вияа гасин̣абаригаммаад̣̇игаран̣ам̣. на хи анд̇имабхавигаб̣од̇хисад̇д̇аанам̣ самаабад̇д̇иниб̣б̣ад̇д̇анз бхаарияам̣ наама. аналан̇гарид̇ваад̇и ану ану алам̣гад̇ваа бунаббунам̣ ‘‘иминаа на гин̃жи баяож̇ана’’нд̇и гад̇ваа.
Yāvadeva ākiñcaññāyatanupapattiyāti sattasu samāpattīsu ukkaṭṭhaṃ gahetvā vadati. Uṭṭhāya samuṭṭhāya acutidhammaṃ pariyesituṃ yuttattā tañca anatikkantajātidhammamevāti mahāsatto pajahatīti āha ‘‘yañca ṭhānaṃ pāpetī’’tiādi. Tato paṭṭhāyāti yadā samāpattidhammassa gatiñca abhisamparāyañca abbhaññāsi, tato paṭṭhāya. Makkhikāvasenāti bhojanassa makkhikāmissatāvasena. Manaṃ na uppādeti bhuñjitunti adhippāyo. Mahantena ussāhenāti idaṃ katipāhaṃ tattha bhāvanānuyogamattaṃ sandhāya vuttaṃ, na aññesaṃ viya kasiṇaparikammādikaraṇaṃ. Na hi antimabhavikabodhisattānaṃ samāpattinibbattane bhāriyaṃ nāma. Analaṅkaritvāti anu anu alaṃkatvā punappunaṃ ‘‘iminā na kiñci payojana’’nti katvā.
278. ваажааяа уг̇г̇ахид̇амад̇д̇оваад̇и зд̇т̇а буб̣б̣з вуд̇д̇анаяаанусаарзна ад̇т̇о взд̣̇ид̇аб̣б̣о.
278.Vācāya uggahitamattovāti ettha pubbe vuttanayānusārena attho veditabbo.
279. махаавзлаа вияа махаавзлаа, вибулаваалигабун̃ж̇ад̇ааяа маханд̇о взлаад̇адо вияаад̇и ад̇т̇о. д̇знааха ‘‘махааваалигараасийд̇и ад̇т̇о’’д̇и. уру мару сигад̇аа ваалугаа ван̣н̣у ваалигаад̇и имз сад̣̇д̣̇аа самаанад̇т̇аа, б̣яан̃ж̇анамзва наанам̣.
279. Mahāvelā viya mahāvelā, vipulavālikapuñjatāya mahanto velātaṭo viyāti attho. Tenāha ‘‘mahāvālikarāsīti attho’’ti. Uru maru sikatā vālukā vaṇṇu vālikāti ime saddā samānatthā, byañjanameva nānaṃ.
сзнаа ниг̇ажчи нивиси зд̇т̇аад̇и сзнааниг̇амо, сзнааяа нивидтадтаанам̣. сзнааниг̇аамод̇и бана аяам̣ саман̃н̃аа абарагаалигаа. г̇ожараг̇ааманид̣̇ассанан̃жзд̇ам̣. убарисуд̇д̇асминд̇и махаасажжагасуд̇д̇з. ид̇ха бана б̣од̇хибаллан̇го ад̇хиббзд̇о арияабариязсанааяа вужжамаанад̇д̇аа.
Senā nigacchi nivisi etthāti senānigamo, senāya niviṭṭhaṭṭhānaṃ. Senānigāmoti pana ayaṃ samaññā aparakālikā. Gocaragāmanidassanañcetaṃ. Uparisuttasminti mahāsaccakasutte. Idha pana bodhipallaṅko adhippeto ariyapariyesanāya vuccamānattā.
280. ‘‘н̃аан̣ад̣̇ассана’’нд̇и жа згаж̇жхам̣ г̇ахид̇абад̣̇ад̣̇ваяависаяависзсасса анаамадтад̇д̇аа ‘‘мз’’д̇и жа г̇ахид̇ад̇д̇аа анавасзсан̃зяяааваб̣од̇ханасамад̇т̇амзва н̃аан̣ависзсам̣ б̣од̇хзд̇и, на н̃аан̣амад̇д̇ам̣, на д̣̇ассанамад̇д̇анд̇и ааха ‘‘саб̣б̣ад̇хаммад̣̇ассанасамад̇т̇ан̃жа мз саб̣б̣ан̃н̃уд̇ан̃н̃аан̣ам̣ уд̣̇абаад̣̇ий’’д̇и. агуббад̇ааяаад̇и вимогканд̇ад̇ааяа саб̣б̣асо бадибагкад̇хаммзхи асан̇кобханийяад̇ааяа. д̇знааха ‘‘рааг̇аад̣̇ийхи на губбад̇ий’’д̇и. аарамман̣асанд̇ад̇ааяаби д̇ад̣̇аарамман̣аанам̣ ад̇т̇и висзсо яат̇аа д̇ам̣ ‘‘аанзн̃ж̇авихаарз’’д̇и ааха ‘‘агуббаарамман̣ад̇ааяа жаа’’д̇и. бажжавзгкан̣ан̃аан̣амбийд̇и на гзвалам̣ саб̣б̣ан̃н̃уд̇ан̃н̃аан̣амзва, ат̇а ко яат̇аад̇хиг̇ад̇з бадивзд̇хасад̣̇д̇хаммз згуунавийсад̇ивид̇хабажжавзгкан̣ан̃аан̣амби.
280. ‘‘Ñāṇadassana’’nti ca ekajjhaṃ gahitapadadvayavisayavisesassa anāmaṭṭhattā ‘‘me’’ti ca gahitattā anavasesañeyyāvabodhanasamatthameva ñāṇavisesaṃ bodheti, na ñāṇamattaṃ, na dassanamattanti āha ‘‘sabbadhammadassanasamatthañca me sabbaññutaññāṇaṃ udapādī’’ti. Akuppatāyāti vimokkhantatāya sabbaso paṭipakkhadhammehi asaṅkhobhanīyatāya. Tenāha ‘‘rāgādīhina kuppatī’’ti. Ārammaṇasantatāyapi tadārammaṇānaṃ atthi viseso yathā taṃ ‘‘āneñjavihāre’’ti āha ‘‘akuppārammaṇatāya cā’’ti. Paccavekkhaṇañāṇampīti na kevalaṃ sabbaññutaññāṇameva, atha kho yathādhigate paṭivedhasaddhamme ekūnavīsatividhapaccavekkhaṇañāṇampi.
281. бадивид̣̇д̇ход̇и (д̣̇ий. ни. дий. 2.64; сам̣. ни. дий. 1.1.172; саарад̇т̇а. дий. махааваг̇г̇а 3.7) саяамбхун̃аан̣зна ‘‘ид̣̇ам̣ д̣̇угка’’нд̇иаад̣̇инаа бадимукам̣ ниб̣б̣иж̇жханавасзна бад̇д̇о, яат̇аабхууд̇ам̣ аваб̣уд̣̇д̇ход̇и ад̇т̇о. г̇амбхийрод̇и махаасамуд̣̇д̣̇о вияа магасад̇ун̣д̣асуужияаа ан̃н̃ад̇ра самубажид̇абарибагган̃аан̣асамбхаарзхи ан̃н̃зсам̣ н̃аан̣зна алаб̣бханзяяабад̇идто. д̇знааха ‘‘уд̇д̇аанабхаавабадигкзбаважанамзд̇а’’нд̇и. яо алаб̣бханзяяабад̇идто, со ог̇аахид̇умасаггун̣зяяад̇ааяа саруубад̇о жа бассид̇ум̣ на саггаад̇и ааха ‘‘г̇амбхийрад̇д̇аава д̣̇уд̣̇д̣̇асо’’д̇и. д̣̇угкзна д̣̇адтаб̣б̣од̇и гижчзна гзнажид̣̇зва д̣̇адтаб̣б̣о. яам̣ бана д̣̇адтумзва на саггаа, д̇асса ог̇аахзд̇ваа ану ану б̣уж̇жханз гат̇аа зва над̇т̇ийд̇и ааха ‘‘д̣̇уд̣̇д̣̇асад̇д̇аава д̣̇урануб̣од̇хо’’д̇и. д̣̇угкзна аваб̣уж̇жхид̇аб̣б̣о аваб̣од̇хасса д̣̇уггарабхаавад̇о. имасмим̣ таанз – ‘‘д̇ам̣ гим̣ ман̃н̃ат̇а, бхигкавз, гад̇амам̣ ну ко д̣̇уггарад̇арам̣ ваа д̣̇урабхисамбхавад̇арам̣ ваа’’д̇и суд̇д̇абад̣̇ам̣ (сам̣. ни. 5.1115) вад̇д̇аб̣б̣ам̣. санд̇аарамман̣ад̇ааяа ваа санд̇о. ниб̣б̣уд̇асаб̣б̣абарил̣аахад̇ааяа ниб̣б̣уд̇о. бад̇хаанабхаавам̣ нийд̇од̇и ваа бан̣ийд̇о. ад̇ид̇д̇игарадтзна ад̇аббаго саад̣̇урасабхож̇анам̣ вияа. зд̇т̇а жа нирод̇хасажжам̣ санд̇ам̣ аарамман̣анд̇и санд̇аарамман̣ам̣, маг̇г̇асажжам̣ санд̇ам̣ санд̇аарамман̣ан̃жаад̇и санд̇аарамман̣ам̣. анубасанд̇асабхааваанам̣ гилзсаанам̣ сан̇каараанан̃жа абхаавад̇о ниб̣б̣уд̇асаб̣б̣абарил̣аахад̇ааяа санд̇абан̣ийд̇абхаавзнзва жа асзжанагад̇ааяа ад̇аббагад̇аа д̣̇адтаб̣б̣аа. д̇знааха ‘‘ид̣̇ам̣ д̣̇ваяам̣ логуд̇д̇арамзва санд̇хааяа вуд̇д̇а’’нд̇и. уд̇д̇аман̃аан̣ависаяад̇д̇аа на д̇аггзна аважарид̇аб̣б̣о, д̇ад̇о зва нибун̣ан̃аан̣аг̇ожарад̇ааяа жа сан̣хо. сукумасабхаавад̇д̇аа жа нибун̣о, б̣аалаанам̣ ависаяад̇д̇аа бан̣д̣ид̇зхи зва взд̣̇ид̇аб̣б̣од̇и бан̣д̣ид̇авзд̣̇анийяо. аалийяанд̇и абхирамид̇аб̣б̣адтзна сзвийяанд̇ийд̇и аалаяаа, бан̃жа гаамаг̇ун̣аа. аалаяанд̇и аллийяанд̇ий абхираман̣авасзна сзванд̇ийд̇и аалаяаа, д̇ан̣хаавижарид̇аани. раманд̇ийд̇и рад̇им̣ винд̣̇анд̇и гийл̣анд̇и лал̣анд̇и. аалаяарад̇аад̇и аалаяанирад̇аа.
281.Paṭividdhoti (dī. ni. ṭī. 2.64; saṃ. ni. ṭī. 1.1.172; sārattha. ṭī. mahāvagga 3.7) sayambhuñāṇena ‘‘idaṃ dukkha’’ntiādinā paṭimukhaṃ nibbijjhanavasena patto, yathābhūtaṃ avabuddhoti attho. Gambhīroti mahāsamuddo viya makasatuṇḍasūciyā aññatra samupacitaparipakkañāṇasambhārehi aññesaṃ ñāṇena alabbhaneyyapatiṭṭho. Tenāha ‘‘uttānabhāvapaṭikkhepavacanameta’’nti. Yo alabbhaneyyapatiṭṭho, so ogāhitumasakkuṇeyyatāya sarūpato ca passituṃ na sakkāti āha ‘‘gambhīrattāva duddaso’’ti. Dukkhena daṭṭhabboti kicchena kenacideva daṭṭhabbo. Yaṃ pana daṭṭhumeva na sakkā, tassa ogāhetvā anu anu bujjhane kathā eva natthīti āha ‘‘duddasattāva duranubodho’’ti. Dukkhena avabujjhitabbo avabodhassa dukkarabhāvato. Imasmiṃ ṭhāne – ‘‘taṃ kiṃ maññatha, bhikkhave, katamaṃ nu kho dukkarataraṃ vā durabhisambhavataraṃ vā’’ti suttapadaṃ (saṃ. ni. 5.1115) vattabbaṃ. Santārammaṇatāya vā santo. Nibbutasabbapariḷāhatāya nibbuto. Padhānabhāvaṃ nītoti vā paṇīto. Atittikaraṭṭhena atappako sādurasabhojanaṃ viya. Ettha ca nirodhasaccaṃ santaṃ ārammaṇanti santārammaṇaṃ, maggasaccaṃ santaṃ santārammaṇañcāti santārammaṇaṃ. Anupasantasabhāvānaṃ kilesānaṃ saṅkhārānañca abhāvato nibbutasabbapariḷāhatāya santapaṇītabhāveneva ca asecanakatāya atappakatā daṭṭhabbā. Tenāha ‘‘idaṃ dvayaṃ lokuttarameva sandhāya vutta’’nti. Uttamañāṇavisayattā na takkena avacaritabbo, tato eva nipuṇañāṇagocaratāya ca saṇho. Sukhumasabhāvattā ca nipuṇo, bālānaṃ avisayattā paṇḍitehi eva veditabboti paṇḍitavedanīyo. Ālīyanti abhiramitabbaṭṭhena sevīyantīti ālayā, pañca kāmaguṇā. Ālayanti allīyantī abhiramaṇavasena sevantīti ālayā, taṇhāvicaritāni. Ramantīti ratiṃ vindanti kīḷanti laḷanti. Ālayaratāti ālayaniratā.
таанам̣ санд̇хааяаад̇и таана-сад̣̇д̣̇ам̣ санд̇хааяа. ад̇т̇ад̇о бана таананд̇и жа бадижжасамуббаад̣̇о зва ад̇хиббзд̇о. д̇идтад̇и палам̣ д̇ад̣̇ааяад̇д̇авуд̇д̇ид̇ааяаад̇и таанам̣, сан̇каараад̣̇ийнам̣ бажжаяабхууд̇аа авиж̇ж̇аад̣̇аяо. имзсам̣ сан̇каараад̣̇ийнам̣ бажжаяаад̇и ид̣̇аббажжаяаа, авиж̇ж̇аад̣̇аяова. ид̣̇аббажжаяаа зва ид̣̇аббажжаяад̇аа яат̇аа ‘‘д̣̇зво зва д̣̇звад̇аа’’д̇и, ид̣̇аббажжаяаанам̣ ваа авиж̇ж̇аад̣̇ийнам̣ ад̇д̇ано палам̣ бад̇и бажжаяабхааво уббаад̣̇анасамад̇т̇ад̇аа ид̣̇аббажжаяад̇аа. д̇зна самад̇т̇абажжаяалагкан̣о бадижжасамуббаад̣̇о д̣̇ассид̇о ход̇и. бадижжа самуббаж̇ж̇ад̇и палам̣ зд̇асмаад̇и бадижжасамуббаад̣̇о. бад̣̇ад̣̇ваязнаби д̇хаммаанам̣ бажжаяадто зва вибхаавид̇о. д̇знааха ‘‘сан̇каараад̣̇ибажжаяаанам̣ зд̇ам̣ ад̇хиважана’’нд̇и. аяамзд̇т̇а сан̇кзбо, вид̇т̇ааро бана висуд̣̇д̇химаг̇г̇асам̣ван̣н̣анааяам̣ (висуд̣̇д̇хи. махаадий. 2.572-573) вуд̇д̇анаязна взд̣̇ид̇аб̣б̣о.
Ṭhānaṃ sandhāyāti ṭhāna-saddaṃ sandhāya. Atthato pana ṭhānanti ca paṭiccasamuppādo eva adhippeto. Tiṭṭhati phalaṃ tadāyattavuttitāyāti ṭhānaṃ, saṅkhārādīnaṃ paccayabhūtā avijjādayo. Imesaṃ saṅkhārādīnaṃ paccayāti idappaccayā, avijjādayova. Idappaccayā eva idappaccayatā yathā ‘‘devo eva devatā’’ti, idappaccayānaṃ vā avijjādīnaṃ attano phalaṃ pati paccayabhāvo uppādanasamatthatā idappaccayatā. Tena samatthapaccayalakkhaṇo paṭiccasamuppādo dassito hoti. Paṭicca samuppajjati phalaṃ etasmāti paṭiccasamuppādo. Padadvayenapi dhammānaṃ paccayaṭṭho eva vibhāvito. Tenāha ‘‘saṅkhārādipaccayānaṃ etaṃ adhivacana’’nti. Ayamettha saṅkhepo, vitthāro pana visuddhimaggasaṃvaṇṇanāyaṃ (visuddhi. mahāṭī. 2.572-573) vuttanayena veditabbo.
саб̣б̣асан̇каарасамат̇од̇иаад̣̇и саб̣б̣анд̇и саб̣б̣асан̇каарасамат̇аад̣̇исад̣̇д̣̇аабхид̇хзяяам̣ саб̣б̣ам̣ ад̇т̇ад̇о ниб̣б̣аанамзва. ид̣̇аани д̇асса ниб̣б̣аанабхаавам̣ д̣̇ассзд̇ум̣ ‘‘яасмаа хий’’д̇иаад̣̇и вуд̇д̇ам̣. нд̇и ниб̣б̣аанам̣. ааг̇аммаад̇и бадижжа арияамаг̇г̇асса аарамман̣абажжаяабхаавахзд̇у. самманд̇ийд̇и аббадисанд̇хигуубасамавасзна самманд̇и. д̇ат̇аа санд̇аа сависзсам̣ убасанд̇аа наама хонд̇ийд̇и ааха ‘‘вуубасамманд̇ий’’д̇и. зд̇зна ‘‘саб̣б̣з сан̇каараа самманд̇и зд̇т̇аад̇и саб̣б̣асан̇каарасамат̇о, ниб̣б̣аана’’нд̇и д̣̇ассзд̇и. саб̣б̣асан̇кад̇ависам̣яуд̇д̇з жа ниб̣б̣аанз саб̣б̣асан̇кааравуубасамабарияааяо хздтаа вуд̇д̇анаязнзва взд̣̇ид̇аб̣б̣о. сзсабад̣̇зсуби зсзва наяо. бадиниссадтаад̇и самужчзд̣̇авасзна барижжад̇д̇аа хонд̇и. саб̣б̣аа д̇ан̣хаад̇и адтасад̇аббабхзд̣̇аа саб̣б̣ааби д̇ан̣хаа. саб̣б̣з гилзсарааг̇аад̇и гаамарааг̇аруубарааг̇аад̣̇ибхзд̣̇аа саб̣б̣зби гилзсабхууд̇аа рааг̇аа, саб̣б̣зби ваа гилзсаа ид̇ха ‘‘гилзсарааг̇аа’’д̇и взд̣̇ид̇аб̣б̣аа, на лобхависзсаа зва жид̇д̇асса вибарин̣ад̇абхааваабаад̣̇анад̇о . яат̇ааха ‘‘рад̇д̇амби жид̇д̇ам̣ вибарин̣ад̇ам̣, д̣̇удтамби жид̇д̇ам̣ вибарин̣ад̇ам̣, муул̣хамби жид̇д̇ам̣ вибарин̣ад̇а’’нд̇и (баараа. 271). вираж̇ж̇анд̇ийд̇и балуж̇ж̇анд̇и.
Sabbasaṅkhārasamathotiādi sabbanti sabbasaṅkhārasamathādisaddābhidheyyaṃ sabbaṃ atthato nibbānameva. Idāni tassa nibbānabhāvaṃ dassetuṃ ‘‘yasmā hī’’tiādi vuttaṃ. Nti nibbānaṃ. Āgammāti paṭicca ariyamaggassa ārammaṇapaccayabhāvahetu. Sammantīti appaṭisandhikūpasamavasena sammanti. Tathā santā savisesaṃ upasantā nāma hontīti āha ‘‘vūpasammantī’’ti. Etena ‘‘sabbe saṅkhārā sammanti etthāti sabbasaṅkhārasamatho, nibbāna’’nti dasseti. Sabbasaṅkhatavisaṃyutte ca nibbāne sabbasaṅkhāravūpasamapariyāyo heṭṭhā vuttanayeneva veditabbo. Sesapadesupi eseva nayo. Paṭinissaṭṭhāti samucchedavasena pariccattā honti. Sabbā taṇhāti aṭṭhasatappabhedā sabbāpi taṇhā. Sabbe kilesarāgāti kāmarāgarūparāgādibhedā sabbepi kilesabhūtā rāgā, sabbepi vā kilesā idha ‘‘kilesarāgā’’ti veditabbā, na lobhavisesā eva cittassa vipariṇatabhāvāpādanato . Yathāha ‘‘rattampi cittaṃ vipariṇataṃ, duṭṭhampi cittaṃ vipariṇataṃ, mūḷhampi cittaṃ vipariṇata’’nti (pārā. 271). Virajjantīti palujjanti.
жиранисаж̇ж̇аажирабхаасанзхи бидтиааг̇илааяанад̇аалуг̇аласосаад̣̇ивасзна гааяагиламат̇о жзва гааяавихзсаа жа взд̣̇ид̇аб̣б̣аа. саа жа ко д̣̇зсанааяа ад̇т̇ам̣ аж̇аананд̇аанам̣ васзна вуд̇д̇аа, ж̇аананд̇аанам̣ бана д̣̇зсанааяа гааяабариссамоби сад̇т̇у абариссамова. д̇знааха бхаг̇аваа – ‘‘на жа мам̣ д̇хаммаад̇хигаран̣ам̣ вихзсзсий’’д̇и (уд̣̇аа. 10). д̇знзвааха ‘‘яаа аж̇аананд̇аанам̣ д̣̇зсанаа наама, со мама гиламат̇о ассаа’’д̇и. убхаяанд̇и жид̇д̇агиламат̇о жзва жид̇д̇авихзсаа жаад̇и убхаяамбзд̇ам̣ б̣уд̣̇д̇хаанам̣ над̇т̇и б̣од̇химуулзязва самужчиннад̇д̇аа.
Ciranisajjācirabhāsanehi piṭṭhiāgilāyanatālugalasosādivasena kāyakilamatho ceva kāyavihesā ca veditabbā. Sā ca kho desanāya atthaṃ ajānantānaṃ vasena vuttā, jānantānaṃ pana desanāya kāyaparissamopi satthu aparissamova. Tenāha bhagavā – ‘‘na ca maṃ dhammādhikaraṇaṃ vihesesī’’ti (udā. 10). Tenevāha ‘‘yā ajānantānaṃ desanā nāma, so mama kilamatho assā’’ti. Ubhayanti cittakilamatho ceva cittavihesā cāti ubhayampetaṃ buddhānaṃ natthi bodhimūleyeva samucchinnattā.
ануб̣рууханам̣ самбин̣д̣анам̣. сод̇и ‘‘абиссуу’’д̇и нибаад̇о. манд̇и бади-сад̣̇д̣̇аяог̇зна саамиад̇т̇з убаяог̇аважананд̇и ааха ‘‘мамаа’’д̇и. вуд̣̇д̇хиббад̇д̇аа ваа ажчарияаа анажчарияаа. вуд̣̇д̇хиад̇т̇оби хи а-гааро ход̇и яат̇аа ‘‘асзгкаа д̇хаммаа’’д̇и (д̇ха. са. 11.д̇игамаад̇игаа). габбаанам̣ сад̇асахассам̣ жад̇д̇аари жа асан̇кязяяаани сад̣̇звагасса логасса д̇хаммасам̣вибхааг̇агаран̣ад̇т̇амзва баарамияо буурзд̇ваа ид̣̇аани ад̇хиг̇ад̇ад̇хаммараж̇ж̇асса д̇ад̇т̇а аббоссуггад̇аабад̇д̇ид̣̇ийбанад̇аа, г̇аат̇аад̇т̇асса ажчарияад̇аа, д̇асса вуд̣̇д̇хиббад̇д̇и жаад̇и взд̣̇ид̇аб̣б̣ам̣. ад̇т̇ад̣̇ваарзна хи г̇аат̇аанам̣ анажчарияад̇аа. г̇ожараа ахзсунд̇и убадтахзсум̣. убадтаанан̃жа вид̇аггзд̇аб̣б̣ад̇аад̇и ааха ‘‘баривид̇аггаяид̇аб̣б̣ад̇ам̣ баабун̣им̣суу’’д̇и.
Anubrūhanaṃ sampiṇḍanaṃ. Soti ‘‘apissū’’ti nipāto. Manti paṭi-saddayogena sāmiatthe upayogavacananti āha ‘‘mamā’’ti. Vuddhippattā vā acchariyā anacchariyā. Vuddhiatthopi hi a-kāro hoti yathā ‘‘asekkhā dhammā’’ti (dha. sa. 11.tikamātikā). Kappānaṃ satasahassaṃ cattāri ca asaṅkhyeyyāni sadevakassa lokassa dhammasaṃvibhāgakaraṇatthameva pāramiyo pūretvā idāni adhigatadhammarajjassa tattha appossukkatāpattidīpanatā, gāthātthassa acchariyatā, tassa vuddhippatti cāti veditabbaṃ. Atthadvārena hi gāthānaṃ anacchariyatā. Gocarā ahesunti upaṭṭhahesuṃ. Upaṭṭhānañca vitakketabbatāti āha ‘‘parivitakkayitabbataṃ pāpuṇiṃsū’’ti.
яад̣̇и сукаабадибад̣̇аава, гат̇ам̣ гижчад̇аад̇и ааха ‘‘баарамийбууран̣агаалз банаа’’д̇иаад̣̇и. звамаад̣̇ийни д̣̇уббарижжаж̇аани д̣̇знд̇асса. ха-ид̇и ваа ‘‘б̣яад̇д̇а’’нд̇и зд̇асмим̣ ад̇т̇з нибаад̇о. згам̣сад̇т̇зд̇и гзжи. ха б̣яад̇д̇ам̣, згам̣сзна ваа алам̣ ниббаяож̇анам̣ звам̣ гижчзна ад̇хиг̇ад̇асса д̇хаммасса д̣̇зсид̇анд̇и яож̇анаа. халанд̇и ваа ‘‘ала’’нд̇и иминаа самаанад̇т̇ам̣ бад̣̇ам̣ ‘‘халанд̇и вад̣̇аамий’’д̇иаад̣̇ийсу (д̣̇ий. ни. дий. 2.65; сам̣. ни. дий. 1.1.172) вияа. рааг̇ад̣̇осабарипудтзхийд̇и пудтависзна вияа саббзна рааг̇зна д̣̇осзна жа сампудтзхи абхибхууд̇зхи. рааг̇ад̣̇осаануг̇ад̇зхийд̇и рааг̇зна жа д̣̇осзна жа ануб̣анд̇хзхи.
Yadi sukhāpaṭipadāva, kathaṃ kicchatāti āha ‘‘pāramīpūraṇakāle panā’’tiādi. Evamādīni duppariccajāni dentassa. Ha-iti vā ‘‘byatta’’nti etasmiṃ atthe nipāto. Ekaṃsattheti keci. Ha byattaṃ, ekaṃsena vā alaṃ nippayojanaṃ evaṃ kicchena adhigatassa dhammassa desitanti yojanā. Halanti vā ‘‘ala’’nti iminā samānatthaṃ padaṃ ‘‘halanti vadāmī’’tiādīsu (dī. ni. ṭī. 2.65; saṃ. ni. ṭī. 1.1.172) viya. Rāgadosapariphuṭṭhehīti phuṭṭhavisena viya sappena rāgena dosena ca samphuṭṭhehi abhibhūtehi. Rāgadosānugatehīti rāgena ca dosena ca anubandhehi.
гаамарааг̇арад̇д̇аа бхаварааг̇арад̇д̇аа жа нийваран̣зхи нивуд̇ад̇ааяа, д̣̇идтирааг̇арад̇д̇аа вибарийд̇аабхинивзсзна. на д̣̇агканд̇ийд̇и яаат̇аавад̇о д̇хаммам̣ на бадивиж̇жхиссанд̇и. звам̣ г̇аахаабзд̇унд̇и ‘‘анижжа’’нд̇иаад̣̇инаа сабхаавзна яаат̇аавад̇о д̇хаммам̣ ж̇аанаабзд̇ум̣. рааг̇ад̣̇осабарзд̇ад̇ааби нзсам̣ саммуул̣хабхаавзнзваад̇и ааха ‘‘д̇амоканд̇хзна аавудаа’’д̇и.
Kāmarāgarattā bhavarāgarattā ca nīvaraṇehi nivutatāya, diṭṭhirāgarattā viparītābhinivesena. Na dakkhantīti yāthāvato dhammaṃ na paṭivijjhissanti. Evaṃ gāhāpetunti ‘‘anicca’’ntiādinā sabhāvena yāthāvato dhammaṃ jānāpetuṃ. Rāgadosaparetatāpi nesaṃ sammūḷhabhāvenevāti āha ‘‘tamokhandhena āvuṭā’’ti.
282. д̇хаммад̣̇зсанааяа аббоссуггад̇аабад̇д̇ияаа гааран̣ам̣ вибхаавзд̇ум̣ ‘‘гасмаа банаа’’д̇иаад̣̇инаа саяамзва жод̣̇анам̣ самудтаабзд̇и. д̇ад̇т̇а ан̃н̃аад̇авзсзнаад̇и имасса бхаг̇авад̇о саавагабхаавуубаг̇аманзна ан̃н̃аад̇аруубзна. д̇аабасавзсзнаад̇и гзжи. со бана арахад̇д̇аад̇хиг̇амзнзва виг̇ажчзяяа. д̇ивид̇хам̣ гааран̣ам̣ аббоссуггад̇аабад̇д̇ияаа бадибагкасса б̣алавабхааво, д̇хаммасса г̇амбхийрад̇аа, д̇ад̇т̇а жа саад̇исаяам̣ г̇аараванд̇и, д̇а д̣̇ассзд̇ум̣ ‘‘д̇асса хий’’д̇иаад̣̇и аарад̣̇д̇хам̣. (д̇ад̇т̇а бадибагкаа наама рааг̇аад̣̇аяо гилзсаа саммаабадибад̇д̇ияаа анд̇арааяагарад̇д̇аа. д̇зсам̣ б̣алавабхаавад̇о жирабарибхааванааяа сад̇д̇асанд̇аанад̇о д̣̇уб̣б̣исод̇хияад̇ааяа д̇з сад̇д̇з мад̇д̇ахад̇т̇ино вияа д̣̇уб̣б̣алабурисам̣ ад̇хибхавид̇ваа аж̇жход̇т̇арид̇ваа анаяаб̣яасанам̣ аабаад̣̇знд̇аа анзгасад̇аяож̇анааяаамавид̇т̇аарам̣ сунижид̇ам̣ гханасаннивзсам̣ ган̣дагад̣̇уг̇г̇амби ад̇хисзнд̇и. д̣̇уураббабхзд̣̇ад̣̇ужчзж̇ж̇ад̇аахи д̣̇уб̣б̣исод̇хияад̇ам̣ бана д̣̇ассзд̇ум̣ ‘‘ат̇ассаа’’д̇иаад̣̇и вуд̇д̇ам̣. д̇ад̇т̇а жа анд̇о амадтад̇ааяа ган̃ж̇ияабун̣н̣аа лааб̣у. жирабаариваасигад̇ааяа д̇аггабхарид̇аа жаади. снзхад̇инд̇ад̣̇уб̣б̣алабхаавзна васаабийд̇абилод̇игаа. д̇зламиссид̇ад̇ааяа ан̃ж̇анамагкид̇ахад̇т̇о д̣̇уб̣б̣исод̇ханийяаа вуд̇д̇аа, хийнуубамаа жзд̇аа руубабаб̣анд̇хабхаавад̇о ажирагаалигад̇д̇аа жа малийнад̇ааяа, гилзсасам̣гилзсо зва бана д̣̇уб̣б̣исод̇ханийяад̇аро анаад̣̇игаалигад̇д̇аа анусаяид̇ад̇д̇аа жа. д̇знааха ‘‘ад̇исам̣гилидтаа’’д̇и. яат̇аа жа д̣̇уб̣б̣исод̇ханийяад̇арад̇ааяа, звам̣ г̇амбхийрад̣̇уд̣̇д̣̇асад̣̇урануб̣од̇хаанамби вуд̇д̇аубамаа хийнуубамаава).
282. Dhammadesanāya appossukkatāpattiyā kāraṇaṃ vibhāvetuṃ ‘‘kasmā panā’’tiādinā sayameva codanaṃ samuṭṭhāpeti. Tattha aññātavesenāti imassa bhagavato sāvakabhāvūpagamanena aññātarūpena. Tāpasavesenāti keci. So pana arahattādhigameneva vigaccheyya. Tividhaṃ kāraṇaṃ appossukkatāpattiyā paṭipakkhassa balavabhāvo, dhammassa gambhīratā, tattha ca sātisayaṃ gāravanti, ta dassetuṃ ‘‘tassa hī’’tiādi āraddhaṃ. (Tattha paṭipakkhā nāma rāgādayo kilesā sammāpaṭipattiyā antarāyakarattā. Tesaṃ balavabhāvato ciraparibhāvanāya sattasantānato dubbisodhiyatāya te satte mattahatthino viya dubbalapurisaṃ adhibhavitvā ajjhottharitvā anayabyasanaṃ āpādentā anekasatayojanāyāmavitthāraṃ sunicitaṃ ghanasannivesaṃ kaṇṭakaduggampi adhisenti. Dūrappabhedaducchejjatāhi dubbisodhiyataṃ pana dassetuṃ ‘‘athassā’’tiādi vuttaṃ. Tattha ca anto amaṭṭhatāya kañjiyapuṇṇā lābu. Cirapārivāsikatāya takkabharitā cāṭi. Snehatintadubbalabhāvena vasāpītapilotikā. Telamissitatāya añjanamakkhitahattho dubbisodhanīyā vuttā, hīnūpamā cetā rūpapabandhabhāvato acirakālikattā ca malīnatāya, kilesasaṃkileso eva pana dubbisodhanīyataro anādikālikattā anusayitattā ca. Tenāha ‘‘atisaṃkiliṭṭhā’’ti. Yathā ca dubbisodhanīyataratāya, evaṃ gambhīraduddasaduranubodhānampi vuttaupamā hīnūpamāva).
бадибагкавиг̇аманзна г̇амбхийроби д̇хаммо субаагадо бхавзяяа. бадибагкавиг̇аманам̣ бана саммаабадибад̇д̇ибадиб̣ад̣̇д̇хам̣, саа сад̣̇д̇хаммассаванаад̇хийнаа. д̇ам̣ сад̇т̇ари д̇хаммз жа басаад̣̇ааяад̇д̇ам̣, со г̇арудтаанияаанам̣ аж̇жхзсанахзд̇угод̇и банаал̣игааяа сад̇д̇аанам̣ д̇хаммасамбадибад̇д̇ияаа б̣рахмаяаажанаанимид̇д̇анд̇и д̇ам̣ д̣̇ассзнд̇о ‘‘абижаа’’д̇иаад̣̇имааха.
Paṭipakkhavigamanena gambhīropi dhammo supākaṭo bhaveyya. Paṭipakkhavigamanaṃ pana sammāpaṭipattipaṭibaddhaṃ, sā saddhammassavanādhīnā. Taṃ satthari dhamme ca pasādāyattaṃ, so garuṭṭhāniyānaṃ ajjhesanahetukoti panāḷikāya sattānaṃ dhammasampaṭipattiyā brahmayācanānimittanti taṃ dassento ‘‘apicā’’tiādimāha.
убаггилзсабхууд̇ам̣ аббам̣ рааг̇аад̣̇ираж̇ам̣ зд̇ассаад̇и аббараж̇ам̣, аббараж̇ам̣ агки бан̃н̃аажагку язсам̣ д̇з д̇ам̣сабхааваад̇и гад̇ваа аббараж̇агкаж̇аад̇игаад̇и аяамад̇т̇о вибхаавид̇о ‘‘бан̃н̃аамаяз’’д̇иаад̣̇инаа. аббам̣ рааг̇аад̣̇ираж̇ам̣ язсам̣ д̇ам̣сабхааваа аббараж̇агкаж̇аад̇игаад̇и звамби сад̣̇д̣̇ад̇т̇о самбхавад̇и. д̣̇аанаад̣̇ид̣̇асабун̃н̃агирияавад̇т̇ууни саран̣аг̇аманабарахид̇абарин̣ааманзхи сад̣̇д̇хим̣ (д̣̇ваад̣̇аса хонд̇ийд̇и) ‘‘д̣̇ваад̣̇асабун̃н̃агирияавасзнаа’’д̇и вуд̇д̇ам̣.
Upakkilesabhūtaṃ appaṃ rāgādirajaṃ etassāti apparajaṃ, apparajaṃ akkhi paññācakkhu yesaṃ te taṃsabhāvāti katvā apparajakkhajātikāti ayamattho vibhāvito ‘‘paññāmaye’’tiādinā. Appaṃ rāgādirajaṃ yesaṃ taṃsabhāvā apparajakkhajātikāti evampi saddattho sambhavati. Dānādidasapuññakiriyavatthūni saraṇagamanaparahitapariṇāmanehi saddhiṃ (dvādasa hontīti) ‘‘dvādasapuññakiriyavasenā’’ti vuttaṃ.
рааг̇аад̣̇ималзна самалзхи бууран̣аад̣̇ийхи чахи сад̇т̇аарзхи сад̇т̇убадин̃н̃зхи габ̣б̣аражанаавасзна жинд̇аагавиаад̣̇ибхаавз тад̇ваа д̇аггабарияаахад̇ам̣ виймам̣саанужарид̇ам̣ саяам̣бадибхаанам̣ жинд̇ид̇о. д̇з гира б̣уд̣̇д̇хаголаахалаануссавзна сан̃ж̇аад̇агуд̇уухалам̣ логам̣ ван̃жзд̇ваа гохан̃н̃з тад̇ваа саб̣б̣ан̃н̃уд̇ам̣ бадиж̇аананд̇аа яам̣ гин̃жи ад̇хаммам̣язва д̇хаммод̇и д̣̇ийбзсум̣. д̇знааха ‘‘д̇з хи бурзд̇арам̣ уббаж̇ж̇ид̇ваа’’д̇иаад̣̇и. абаабурзд̇анд̇и зд̇ам̣ гассабасса бхаг̇авад̇о саасананд̇арад̇хаанад̇о бабхуд̇и бихид̇ам̣ ниб̣б̣аананаг̇арасса махаад̣̇ваарам̣ арияамаг̇г̇ам̣ сад̣̇д̇хаммад̣̇зсанаахад̇т̇зна абаабура вивара.
Rāgādimalena samalehi pūraṇādīhi chahi satthārehi satthupaṭiññehi kabbaracanāvasena cintākaviādibhāve ṭhatvā takkapariyāhataṃ vīmaṃsānucaritaṃ sayaṃpaṭibhānaṃ cintito. Te kira buddhakolāhalānussavena sañjātakutūhalaṃ lokaṃ vañcetvā kohaññe ṭhatvā sabbaññutaṃ paṭijānantā yaṃ kiñci adhammaṃyeva dhammoti dīpesuṃ. Tenāha ‘‘te hi puretaraṃ uppajjitvā’’tiādi. Apāpuretanti etaṃ kassapassa bhagavato sāsanantaradhānato pabhuti pihitaṃ nibbānanagarassa mahādvāraṃ ariyamaggaṃ saddhammadesanāhatthena apāpura vivara.
сзлабаб̣б̣ад̇о ужжо ход̇и т̇иро жа, на бам̣субаб̣б̣ад̇о миссагабаб̣б̣ад̇о жаад̇и ааха ‘‘сзлз яат̇аа баб̣б̣ад̇амуд̣̇д̇ханий’’д̇и. д̇хаммамаяам̣ баасаад̣̇анд̇и логуд̇д̇арад̇хаммамааха. со хи саб̣б̣асо басаад̣̇аавахо, саб̣б̣ад̇хаммз ад̇иггамма аб̣бхуг̇г̇ад̇адтзна баасаад̣̇асад̣̇исо жа. бан̃н̃аабарияааяо ваа ид̇ха д̇хамма-сад̣̇д̣̇о. саа хи аб̣бхуг̇г̇ад̇адтзна ‘‘баасаад̣̇о’’д̇и абхид̇хаммз (д̇ха. са. адта. 16) нид̣̇д̣̇идтаа. д̇ат̇аа жааха –
Selapabbato ucco hoti thiro ca, na paṃsupabbato missakapabbato cāti āha ‘‘sele yathā pabbatamuddhanī’’ti. Dhammamayaṃ pāsādanti lokuttaradhammamāha. So hi sabbaso pasādāvaho, sabbadhamme atikkamma abbhuggataṭṭhena pāsādasadiso ca. Paññāpariyāyo vā idha dhamma-saddo. Sā hi abbhuggataṭṭhena ‘‘pāsādo’’ti abhidhamme (dha. sa. aṭṭha. 16) niddiṭṭhā. Tathā cāha –
‘‘бан̃н̃аабаасаад̣̇амааруяха, асого согиним̣ баж̇ам̣;
‘‘Paññāpāsādamāruyha, asoko sokiniṃ pajaṃ;
баб̣б̣ад̇адтова бхуумадтз, д̇хийро б̣аалз авзгкад̇ий’’д̇и. (д̇ха. ба. 28);
Pabbataṭṭhova bhūmaṭṭhe, dhīro bāle avekkhatī’’ti. (dha. pa. 28);
удтзхийд̇и ваа д̇хаммад̣̇зсанааяа аббоссуггад̇аасан̇каад̇асан̇гожаабад̇д̇ид̇о гилаасубхаавад̇о удтаха.
Uṭṭhehīti vā dhammadesanāya appossukkatāsaṅkhātasaṅkocāpattito kilāsubhāvato uṭṭhaha.
283. г̇арудтаанияам̣ баяирубаасид̇ваа г̇аруд̇арам̣ баяож̇анам̣ уд̣̇д̣̇исса абхибад̇т̇анаа аж̇жхзсанаа, сааби ад̇т̇ад̇о яаажанаава ход̇ийд̇и ааха ‘‘аж̇жхзсананд̇и яаажана’’нд̇и. бад̣̇зсависаяам̣ н̃аан̣ад̣̇ассанам̣ ахуд̇ваа б̣уд̣̇д̇хаанам̣язва аавзн̣игабхаавад̇о ид̣̇ам̣ н̃аан̣ад̣̇ваяам̣ ‘‘б̣уд̣̇д̇хажагкуу’’д̇и вужжад̇ийд̇и ааха ‘‘имзсан̃хи д̣̇виннам̣ н̃аан̣аанам̣ б̣уд̣̇д̇хажагкууд̇и наама’’нд̇и. д̇ин̣н̣ам̣ маг̇г̇ан̃аан̣аананд̇и хздтимаанам̣ д̇ин̣н̣ам̣ маг̇г̇ан̃аан̣аанам̣ ‘‘д̇хаммажагкуу’’д̇и наамам̣ жад̇усажжад̇хаммад̣̇ассанамад̇д̇абхаавад̇о. яад̇о д̇аани н̃аан̣аани виж̇ж̇уубамабхаавзна вуд̇д̇аани, аг̇г̇амаг̇г̇ан̃аан̣ам̣ бана н̃аан̣агижжасса сикааббад̇д̇ияаа на д̣̇ассанамад̇д̇ам̣ ход̇ийд̇и ‘‘д̇хаммажагкуу’’д̇и на вужжад̇и, д̇ад̇о д̇ам̣ важ̇ируубамабхаавзна вуд̇д̇ам̣. вуд̇д̇анаязнаад̇и ‘‘аббараж̇агкаа’’д̇и зд̇т̇а вуд̇д̇анаязна. яасмаа манд̣̇агилзсаа ‘‘аббараж̇агкаа’’д̇и вуд̇д̇аа, д̇асмаа б̣ахалагилзсаа ‘‘махаараж̇агкаа’’д̇и взд̣̇ид̇аб̣б̣аа. бадибагкавид̇хаманасамад̇т̇ад̇ааяа д̇игкаани суураани висад̣̇аани, вуд̇д̇авибарияааязна муд̣̇ууни. сад̣̇д̇хаад̣̇аяо аагаараад̇и сад̣̇д̣̇аханаад̣̇иббагаарз вад̣̇ад̇и. сунд̣̇араад̇и галяаан̣аа. саммохавинод̣̇анияам̣ (вибха. адта. 814) бана ‘‘язсам̣ аасаяаад̣̇аяо годтаасаа сунд̣̇араа, д̇з сваагаараа, вибарийд̇аа д̣̇ваагаараа’’д̇и вуд̇д̇ам̣, д̇ам̣ имааяа ад̇т̇аван̣н̣анааяа ан̃н̃ад̣̇ад̇т̇у сам̣санд̣̇ад̇и самзд̇ийд̇и д̣̇адтаб̣б̣ам̣. гааран̣ам̣ наама бажжаяаагааро, сажжаани ваа.
283. Garuṭṭhāniyaṃ payirupāsitvā garutaraṃ payojanaṃ uddissa abhipatthanā ajjhesanā, sāpi atthato yācanāva hotīti āha ‘‘ajjhesananti yācana’’nti. Padesavisayaṃ ñāṇadassanaṃ ahutvā buddhānaṃyeva āveṇikabhāvato idaṃ ñāṇadvayaṃ ‘‘buddhacakkhū’’ti vuccatīti āha ‘‘imesañhi dvinnaṃ ñāṇānaṃ buddhacakkhūti nāma’’nti. Tiṇṇaṃ maggañāṇānanti heṭṭhimānaṃ tiṇṇaṃ maggañāṇānaṃ ‘‘dhammacakkhū’’ti nāmaṃ catusaccadhammadassanamattabhāvato. Yato tāni ñāṇāni vijjūpamabhāvena vuttāni, aggamaggañāṇaṃ pana ñāṇakiccassa sikhāppattiyā na dassanamattaṃ hotīti ‘‘dhammacakkhū’’ti na vuccati, tato taṃ vajirūpamabhāvena vuttaṃ. Vuttanayenāti ‘‘apparajakkhā’’ti ettha vuttanayena. Yasmā mandakilesā ‘‘apparajakkhā’’ti vuttā, tasmā bahalakilesā ‘‘mahārajakkhā’’ti veditabbā. Paṭipakkhavidhamanasamatthatāya tikkhāni sūrāni visadāni, vuttavipariyāyena mudūni. Saddhādayo ākārāti saddahanādippakāre vadati. Sundarāti kalyāṇā. Sammohavinodaniyaṃ (vibha. aṭṭha. 814) pana ‘‘yesaṃ āsayādayo koṭṭhāsā sundarā, te svākārā, viparītā dvākārā’’ti vuttaṃ, taṃ imāya atthavaṇṇanāya aññadatthu saṃsandati sametīti daṭṭhabbaṃ. Kāraṇaṃ nāma paccayākāro, saccāni vā.
аяам̣ банзд̇т̇а баал̣ийд̇и зд̇т̇а аббараж̇агкаад̣̇ибад̣̇аанам̣ ад̇т̇авибхааванз аяам̣ д̇ассад̇т̇асса вибхааваний баал̣и. сад̣̇д̇хаад̣̇ийнам̣ вимуд̇д̇ибарибаажагад̇хаммаанам̣ б̣алавабхааво д̇аббадибагкаанам̣ баабад̇хаммаанам̣ д̣̇уб̣б̣алабхаавзнзва ход̇и, д̇зсан̃жа б̣алавабхааво сад̣̇д̇хаад̣̇ийнам̣ д̣̇уб̣б̣алабхаавзнаад̇и вимуд̇д̇ибарибаажагад̇хаммаанам̣ ад̇т̇ид̇аанад̇т̇ид̇аавасзна аббараж̇агкамахаараж̇агкад̇аад̣̇аяо баал̣ияам̣ вибхаж̇ид̇ваа д̣̇ассид̇аа. канд̇хаад̣̇аяо зва луж̇ж̇анабалуж̇ж̇анадтзна лого. самбад̇д̇ибхавабхууд̇о лого самбад̇д̇ибхавалого, суг̇ад̇исан̇каад̇о убабад̇д̇ибхаво. самбад̇д̇и самбхавад̇и зд̇знаад̇и самбад̇д̇исамбхавалого. суг̇ад̇исам̣вад̇д̇анияо гаммабхаво. д̣̇уг̇г̇ад̇и сан̇каад̇аубабад̇д̇ибхавад̣̇уг̇г̇ад̇и сам̣вад̇д̇анияагаммабхаваа вибад̇д̇ибхавалогавибад̇д̇исамбхавалогаа.
Ayaṃ panettha pāḷīti ettha apparajakkhādipadānaṃ atthavibhāvane ayaṃ tassatthassa vibhāvanī pāḷi. Saddhādīnaṃ vimuttiparipācakadhammānaṃ balavabhāvo tappaṭipakkhānaṃ pāpadhammānaṃ dubbalabhāveneva hoti, tesañca balavabhāvo saddhādīnaṃ dubbalabhāvenāti vimuttiparipācakadhammānaṃ atthitānatthitāvasena apparajakkhamahārajakkhatādayo pāḷiyaṃ vibhajitvā dassitā. Khandhādayo eva lujjanapalujjanaṭṭhena loko. Sampattibhavabhūto loko sampattibhavaloko, sugatisaṅkhāto upapattibhavo. Sampatti sambhavati etenāti sampattisambhavaloko. Sugatisaṃvattaniyo kammabhavo. Duggati saṅkhātaupapattibhavaduggati saṃvattaniyakammabhavā vipattibhavalokavipattisambhavalokā.
буна згагад̣̇угаад̣̇ивасзна логам̣ вибхаж̇ид̇ваа д̣̇ассзд̇ум̣ ‘‘зго лого’’д̇иаад̣̇и вуд̇д̇ам̣. аахаараад̣̇аяо вияа хи аахаарадтид̇игаа сан̇каараа луж̇ж̇анабалуж̇ж̇анадтзна логод̇и. зд̇т̇а зго лого саб̣б̣з сад̇д̇аа аахаарадтид̇игаад̇и яааяам̣ буг̇г̇алаад̇хидтаанааяа гат̇ааяа саб̣б̣асан̇каараанам̣ бажжаяааяад̇д̇авуд̇д̇и, д̇ааяа саб̣б̣з сан̇каараа згова лого згавид̇хо багааранд̇арасса абхаавад̇о. д̣̇вз логаад̇иаад̣̇ийсуби иминаа наязна ад̇т̇о взд̣̇ид̇аб̣б̣о. наамаг̇г̇ахан̣зна жзд̇т̇а ниб̣б̣аанасса аг̇г̇ахан̣ам̣ д̇асса алогасабхаавад̇д̇аа. нану жа аахаарадтид̇игаад̇и зд̇т̇а бажжаяааяад̇д̇авуд̇д̇ид̇ааяа маг̇г̇апалаанамби логад̇аа аабаж̇ж̇ад̇ийд̇и? наабаж̇ж̇ад̇и барин̃н̃зяяаанам̣ д̣̇угкасажжад̇хаммаанам̣ ид̇ха ‘‘лого’’д̇и ад̇хиббзд̇ад̇д̇аа. ат̇а ваа на луж̇ж̇ад̇и на балуж̇ж̇ад̇ийд̇и яо г̇ахид̇о д̇ат̇аа на ход̇и, со логод̇и д̇ам̣-г̇ахан̣арахид̇аанам̣ логуд̇д̇араанам̣ над̇т̇и логад̇аа. убаад̣̇аанаанам̣ аарамман̣абхууд̇аа канд̇хаа убаад̣̇аанагканд̇хаа. д̣̇асааяад̇анаанийд̇и д̣̇аса руубааяад̇анаани. сзсамзд̇т̇а сувин̃н̃зяяамзва.
Puna ekakadukādivasena lokaṃ vibhajitvā dassetuṃ ‘‘eko loko’’tiādi vuttaṃ. Āhārādayo viya hi āhāraṭṭhitikā saṅkhārā lujjanapalujjanaṭṭhena lokoti. Ettha eko loko sabbe sattā āhāraṭṭhitikāti yāyaṃ puggalādhiṭṭhānāya kathāya sabbasaṅkhārānaṃ paccayāyattavutti, tāya sabbe saṅkhārā ekova loko ekavidho pakārantarassa abhāvato. Dve lokātiādīsupi iminā nayena attho veditabbo. Nāmaggahaṇena cettha nibbānassa aggahaṇaṃ tassa alokasabhāvattā. Nanu ca āhāraṭṭhitikāti ettha paccayāyattavuttitāya maggaphalānampi lokatā āpajjatīti? Nāpajjati pariññeyyānaṃ dukkhasaccadhammānaṃ idha ‘‘loko’’ti adhippetattā. Atha vā na lujjati na palujjatīti yo gahito tathā na hoti, so lokoti taṃ-gahaṇarahitānaṃ lokuttarānaṃ natthi lokatā. Upādānānaṃ ārammaṇabhūtā khandhā upādānakkhandhā. Dasāyatanānīti dasa rūpāyatanāni. Sesamettha suviññeyyameva.
виваддаж̇жхаасаяасса ад̇хиббзд̇ад̇д̇аа д̇асса жа саб̣б̣ам̣ д̇збхуумагагаммам̣ г̇арахид̇аб̣б̣ам̣ важ̇ж̇ид̇аб̣б̣ан̃жа худ̇ваа убадтаад̇ийд̇и вуд̇д̇ам̣ ‘‘саб̣б̣з абхисан̇каараа важ̇ж̇ам̣, саб̣б̣з бхаваг̇аамигаммаа важ̇ж̇а’’нд̇и. аббараж̇агкамахаараж̇агкаад̣̇ийсу бан̃жасу д̣̇угзсу згзгасмим̣ д̣̇аса д̣̇аса гад̇ваа ‘‘бан̃н̃аасааяа аагаарзхи имаани бан̃жинд̣̇рияаани ж̇аанаад̇ий’’д̇и вуд̇д̇ам̣. ат̇а ваа анваяад̇о б̣яад̇ирзгад̇о жа сад̣̇д̇хаад̣̇ийнам̣ инд̣̇рияаанам̣ баробарияад̇д̇ам̣ ж̇аанаад̇ийд̇и гад̇ваа д̇ат̇аа вуд̇д̇ам̣. зд̇т̇а жа аббараж̇агкаад̣̇ибхаб̣б̣аад̣̇ивасзна ааваж̇ж̇знд̇асса бхаг̇авад̇о д̇з сад̇д̇аа бун̃ж̇абун̃ж̇аава худ̇ваа убадтаханд̇и, на згзгаа.
Vivaṭṭajjhāsayassa adhippetattā tassa ca sabbaṃ tebhūmakakammaṃ garahitabbaṃ vajjitabbañca hutvā upaṭṭhātīti vuttaṃ ‘‘sabbe abhisaṅkhārā vajjaṃ, sabbe bhavagāmikammā vajja’’nti. Apparajakkhamahārajakkhādīsu pañcasu dukesu ekekasmiṃ dasa dasa katvā ‘‘paññāsāya ākārehi imāni pañcindriyāni jānātī’’ti vuttaṃ. Atha vā anvayato byatirekato ca saddhādīnaṃ indriyānaṃ paropariyattaṃ jānātīti katvā tathā vuttaṃ. Ettha ca apparajakkhādibhabbādivasena āvajjentassa bhagavato te sattā puñjapuñjāva hutvā upaṭṭhahanti, na ekekā.
уббалаани зд̇т̇а санд̇ийд̇и уббалиний, г̇ажчоби ж̇алаасаяоби, ид̇ха бана ж̇алаасаяо ад̇хиббзд̇од̇и ааха ‘‘уббалаванз’’д̇и. яаани уд̣̇агасса анд̇о нимуг̇г̇аанзва худ̇ваа бусанд̇и вад̣дханд̇и, д̇аани анд̇онимуг̇г̇абосийни. д̣̇ийбид̇аанийд̇и адтагат̇ааяам̣ багаасид̇аани, ид̇хзва ваа ‘‘ан̃н̃аанибий’’д̇иаад̣̇инаа бхаасид̇аани.
Uppalāni ettha santīti uppalinī, gacchopi jalāsayopi, idha pana jalāsayo adhippetoti āha ‘‘uppalavane’’ti. Yāni udakassa anto nimuggāneva hutvā pusanti vaḍḍhanti, tāni antonimuggaposīni. Dīpitānīti aṭṭhakathāyaṃ pakāsitāni, idheva vā ‘‘aññānipī’’tiādinā bhāsitāni.
уг̇гхадид̇ан̃н̃ууд̇и уг̇гхадид̇ам̣ наама н̃аан̣уг̇гхаданам̣, н̃аан̣з уг̇гхадид̇амад̇д̇з зва ж̇аанаад̇ийд̇и ад̇т̇о. вибан̃жид̇ам̣ вид̇т̇аарид̇амзва ад̇т̇ам̣ ж̇аанаад̇ийд̇и вибан̃жид̇ан̃н̃уу. уд̣̇д̣̇зсаад̣̇ийхи нзд̇аб̣б̣од̇и нзяяо. саха уд̣̇аахадавзлааяаад̇и уд̣̇аахаарз уд̣̇аахадамад̇д̇зязва. д̇хаммаабхисамаяод̇и жад̇усажжад̇хаммасса н̃аан̣зна сад̣̇д̇хим̣ абхисамаяо. аяам̣ вужжад̇ийд̇и аяам̣ ‘‘жад̇д̇ааро сад̇ибадтаанаа’’д̇иаад̣̇инаа наязна сам̣кид̇д̇зна маад̇игааяа табияамаанааяа д̣̇зсанаанусаарзна н̃аан̣ам̣ бзсзд̇ваа арахад̇д̇ам̣ г̇ан̣хид̇ум̣ самад̇т̇о буг̇г̇ало ‘‘уг̇гхадид̇ан̃н̃уу’’д̇и вужжад̇и. аяам̣ вужжад̇ийд̇и аяам̣ сам̣кид̇д̇зна маад̇игам̣ табзд̇ваа вид̇т̇аарзна ад̇т̇з вибхаж̇ияамаанз арахад̇д̇ам̣ баабун̣ид̇ум̣ самад̇т̇о буг̇г̇ало ‘‘вибан̃жид̇ан̃н̃уу’’д̇и вужжад̇и. уд̣̇д̣̇зсад̇од̇и уд̣̇д̣̇зсахзд̇у, уд̣̇д̣̇исанд̇асса, уд̣̇д̣̇исаабзнд̇асса ваад̇и ад̇т̇о. барибужчад̇од̇и ад̇т̇ам̣ барибужчанд̇асса. анубуб̣б̣зна д̇хаммаабхисамаяо ход̇ийд̇и ануггамзна арахад̇д̇аббад̇д̇и ход̇и. на д̇ааяа ж̇аад̇ияаа д̇хаммаабхисамаяо ход̇ийд̇и д̇зна ад̇д̇абхаавзна маг̇г̇ам̣ ваа палам̣ ваа анд̇амасо жхаанам̣ ваа вибассанам̣ ваа ниб̣б̣ад̇д̇зд̇ум̣ на саггод̇и. аяам̣ вужжад̇и буг̇г̇ало бад̣̇абарамод̇и аяам̣ буг̇г̇ало б̣яан̃ж̇анабад̣̇амзва барамам̣ ассаад̇и бад̣̇абарамод̇и вужжад̇и.
Ugghaṭitaññūti ugghaṭitaṃ nāma ñāṇugghaṭanaṃ, ñāṇe ugghaṭitamatte eva jānātīti attho. Vipañcitaṃ vitthāritameva atthaṃ jānātīti vipañcitaññū. Uddesādīhi netabboti neyyo. Saha udāhaṭavelāyāti udāhāre udāhaṭamatteyeva. Dhammābhisamayoti catusaccadhammassa ñāṇena saddhiṃ abhisamayo. Ayaṃ vuccatīti ayaṃ ‘‘cattāro satipaṭṭhānā’’tiādinā nayena saṃkhittena mātikāya ṭhapiyamānāya desanānusārena ñāṇaṃ pesetvā arahattaṃ gaṇhituṃ samattho puggalo ‘‘ugghaṭitaññū’’ti vuccati. Ayaṃ vuccatīti ayaṃ saṃkhittena mātikaṃ ṭhapetvā vitthārena atthe vibhajiyamāne arahattaṃ pāpuṇituṃ samattho puggalo ‘‘vipañcitaññū’’ti vuccati. Uddesatoti uddesahetu, uddisantassa, uddisāpentassa vāti attho. Paripucchatoti atthaṃ paripucchantassa. Anupubbena dhammābhisamayo hotīti anukkamena arahattappatti hoti. Na tāya jātiyā dhammābhisamayo hotīti tena attabhāvena maggaṃ vā phalaṃ vā antamaso jhānaṃ vā vipassanaṃ vā nibbattetuṃ na sakkoti. Ayaṃ vuccati puggalo padaparamoti ayaṃ puggalo byañjanapadameva paramaṃ assāti padaparamoti vuccati.
гаммааваран̣знаад̇и (вибха. адта. 826) бан̃жавид̇хзна аананд̇арияагаммзна. вибаагааваран̣знаад̇и ахзд̇угабадисанд̇хияаа. яасмаа бана д̣̇ухзд̇угаанамби арияамаг̇г̇абадивзд̇хо над̇т̇и, д̇асмаа д̣̇ухзд̇угаа бадисанд̇хиби ‘‘вибаагааваран̣амзваа’’д̇и взд̣̇ид̇аб̣б̣аа. гилзсааваран̣знаад̇и нияад̇амижчаад̣̇идтияаа. ассад̣̇д̇хаад̇и б̣уд̣̇д̇хаад̣̇ийсу сад̣̇д̇хаарахид̇аа. ажчанд̣̇игаад̇и гад̇д̇угамяад̇аагусалажчанд̣̇арахид̇аа. уд̇д̇арагуругаа мануссаа ажчанд̣̇игадтаанам̣ бавидтаа. д̣̇уббан̃н̃аад̇и бхаван̇г̇абан̃н̃ааяа барихийнаа. бхаван̇г̇абан̃н̃ааяа бана барибун̣н̣ааяаби яасса бхаван̇г̇ам̣ логуд̇д̇арасса бажжаяо на ход̇и, соби д̣̇уббан̃н̃о зва наама. абхаб̣б̣аа нияаамам̣ оггамид̇ум̣ гусалзсу д̇хаммзсу саммад̇д̇анд̇и гусалзсу д̇хаммзсу саммад̇д̇анияаамасан̇каад̇ам̣ маг̇г̇ам̣ оггамид̇ум̣ ад̇хиг̇анд̇ум̣ абхаб̣б̣аа. на гаммааваран̣знаад̇иаад̣̇ийни вуд̇д̇авибарияааязна взд̣̇ид̇аб̣б̣аани.
Kammāvaraṇenāti (vibha. aṭṭha. 826) pañcavidhena ānantariyakammena. Vipākāvaraṇenāti ahetukapaṭisandhiyā. Yasmā pana duhetukānampi ariyamaggapaṭivedho natthi, tasmā duhetukā paṭisandhipi ‘‘vipākāvaraṇamevā’’ti veditabbā. Kilesāvaraṇenāti niyatamicchādiṭṭhiyā. Assaddhāti buddhādīsu saddhārahitā. Acchandikāti kattukamyatākusalacchandarahitā. Uttarakurukā manussā acchandikaṭṭhānaṃ paviṭṭhā. Duppaññāti bhavaṅgapaññāya parihīnā. Bhavaṅgapaññāya pana paripuṇṇāyapi yassa bhavaṅgaṃ lokuttarassa paccayo na hoti, sopi duppañño eva nāma. Abhabbā niyāmaṃ okkamituṃ kusalesu dhammesu sammattanti kusalesu dhammesu sammattaniyāmasaṅkhātaṃ maggaṃ okkamituṃ adhigantuṃ abhabbā. Na kammāvaraṇenātiādīni vuttavipariyāyena veditabbāni.
ниб̣б̣аанасса д̣̇ваарам̣ бависанамаг̇г̇о. виварид̇ваа табид̇о махаагарун̣уубаниссаязна саяамбхун̃аан̣зна ад̇хиг̇ад̇ад̇д̇аа. сад̣̇д̇хам̣ бамун̃жанд̇ууд̇и ад̇д̇ано сад̣̇д̇хам̣ бавзсзнд̇у, сад̣̇д̣̇аханаагаарам̣ убадтабзнд̇ууд̇и ад̇т̇о. сукзна агижчзна бавад̇д̇анийяад̇ааяа суббавад̇д̇ид̇ам̣. на бхаасим̣ на бхаасиссаамийд̇и жинд̇зсим̣.
Nibbānassa dvāraṃ pavisanamaggo. Vivaritvā ṭhapito mahākaruṇūpanissayena sayambhuñāṇena adhigatattā. Saddhaṃ pamuñcantūti attano saddhaṃ pavesentu, saddahanākāraṃ upaṭṭhapentūti attho. Sukhena akicchena pavattanīyatāya suppavattitaṃ. Na bhāsiṃ na bhāsissāmīti cintesiṃ.
284. д̇хаммам̣ д̣̇зсзссаамийд̇и звам̣ бавад̇д̇ид̇ад̇хаммад̣̇зсанаабадисам̣яуд̇д̇асса вид̇аггасса сад̇д̇амасад̇д̇аахад̇о барам̣ адтамасад̇д̇аахзязва уббаннад̇д̇аа вуд̇д̇ам̣ ‘‘адтамз сад̇д̇аахз’’д̇и. на ид̇арасад̇д̇аахаани вияа бадинияад̇агижжалагкид̇асса адтамасад̇д̇аахасса наама бавад̇д̇ид̇асса саб̣бхааваа.
284. Dhammaṃ desessāmīti evaṃ pavattitadhammadesanāpaṭisaṃyuttassa vitakkassa sattamasattāhato paraṃ aṭṭhamasattāheyeva uppannattā vuttaṃ ‘‘aṭṭhame sattāhe’’ti. Na itarasattāhāni viya paṭiniyatakiccalakkhitassa aṭṭhamasattāhassa nāma pavattitassa sabbhāvā.
виваданд̇и д̣̇звад̇аавиг̇г̇ахзна вивадаан̇г̇абажжан̇г̇анид̣̇д̣̇ааяа ж̇анаанам̣ баагадам̣ виббагааранд̇и ад̇т̇о. ‘‘б̣уд̣̇д̇хад̇д̇ам̣ анад̇хиг̇анд̇ваа на бажжааг̇амиссаамий’’д̇и уббаннавид̇аггаад̇исаяахзд̇угзна бат̇авийбаривад̇д̇анажзд̇ияам̣ наама д̣̇ассзд̇ваа. саагияаголияамаллараж̇ж̇авасзна д̇ийн̣и раж̇ж̇аани. ругкамуулзд̇и ниг̇род̇хамуулз. вад̇ваа баггаами, баггаманд̇ияаа жассаа махаасад̇д̇о аагаарам̣ д̣̇ассзси суван̣н̣ат̇аалаг̇г̇ахан̣ааяа, саа ‘‘д̇умхаагам̣ д̇ам̣ барижжад̇д̇амзваа’’д̇и баггаами.
Vivaṭanti devatāviggahena vivaṭaaṅgapaccaṅganiddāya janānaṃ pākaṭaṃ vippakāranti attho. ‘‘Buddhattaṃ anadhigantvā na paccāgamissāmī’’ti uppannavitakkātisayahetukena pathavīparivattanacetiyaṃ nāma dassetvā. Sākiyakoliyamallarajjavasena tīṇi rajjāni. Rukkhamūleti nigrodhamūle. Vatvā pakkāmi, pakkamantiyā cassā mahāsatto ākāraṃ dassesi suvaṇṇathālaggahaṇāya, sā ‘‘tumhākaṃ taṃ pariccattamevā’’ti pakkāmi.
д̣̇иваавихаарам̣ гад̇ваад̇и наанаасамаабад̇д̇ияо самаабаж̇ж̇анзна д̣̇иваавихаарам̣ вихарид̇ваа. ‘‘гаамам̣ д̇ажо жа нхаару жа, адти жа авасиссад̇у, убасуссад̇у сарийрз мам̣салохид̇а’’нд̇иаад̣̇инаа суд̇д̇з (ма. ни. 2.184; сам̣. ни. 2.237; а. ни. 2.5; 8.13; махаани. 17, 196) ааг̇ад̇анаязна жад̇уран̇г̇авийрияам̣ ад̇хидтахид̇ваа.
Divāvihāraṃ katvāti nānāsamāpattiyo samāpajjanena divāvihāraṃ viharitvā. ‘‘Kāmaṃ taco ca nhāru ca, aṭṭhi ca avasissatu, upasussatu sarīre maṃsalohita’’ntiādinā sutte (ma. ni. 2.184; saṃ. ni. 2.237; a. ni. 2.5; 8.13; mahāni. 17, 196) āgatanayena caturaṅgavīriyaṃ adhiṭṭhahitvā.
наваяож̇ананд̇и уб̣б̣зд̇хад̇о вуд̇д̇ам̣, бут̇улад̇о д̣̇ваад̣̇асаяож̇анаа, д̣̇ийгхад̇о яаава жаггаваал̣аа ааяад̇аад̇и вад̣̇анд̇и. аж̇жход̇т̇аранд̇о убасан̇гамид̇ваа – ‘‘удтзхи со, сид̣̇д̇хад̇т̇а, ахам̣ имасса баллан̇гасса анужчавиго’’д̇и вад̇ваа д̇ад̇т̇а сагким̣ од̇аарзнд̇о ад̇д̇ано барисам̣ нид̣̇д̣̇иси. згаббахаарзнзва – ‘‘аяамзва анужчавиго, аяамзва анужчавиго’’д̇и голаахаламагааси, д̇ам̣ суд̇ваа махаасад̇д̇о…бз… хад̇т̇ам̣ басаарзд̇и. яам̣ санд̇хааяа вуд̇д̇ам̣ –
Navayojananti ubbedhato vuttaṃ, puthulato dvādasayojanā, dīghato yāva cakkavāḷā āyatāti vadanti. Ajjhottharanto upasaṅkamitvā – ‘‘uṭṭhehi so, siddhattha, ahaṃ imassa pallaṅkassa anucchaviko’’ti vatvā tattha sakkhiṃ otārento attano parisaṃ niddisi. Ekappahāreneva – ‘‘ayameva anucchaviko, ayameva anucchaviko’’ti kolāhalamakāsi, taṃ sutvā mahāsatto…pe… hatthaṃ pasāreti. Yaṃ sandhāya vuttaṃ –
‘‘ажзд̇анааяам̣ бат̇авий, авин̃н̃ааяа сукам̣ д̣̇укам̣;
‘‘Acetanāyaṃ pathavī, aviññāya sukhaṃ dukhaṃ;
сааби д̣̇аанаб̣алаа маяхам̣, сад̇д̇агкад̇д̇ум̣ багамбат̇аа’’д̇и. (жарияаа. 1.124);
Sāpi dānabalā mayhaṃ, sattakkhattuṃ pakampathā’’ti. (cariyā. 1.124);
буб̣б̣зниваасан̃аан̣ам̣ висод̇хзд̇ваад̇и аанзд̇ваа самб̣анд̇хо сийхаавалоганан̃ааязна. ваддавиваддам̣ саммасид̇ваад̇и жад̇усажжаманасигаарам̣ санд̇хааяааха. имасса баллан̇гасса ад̇т̇ааяаад̇и баллан̇гасийсзна ад̇хиг̇ад̇ависзсам̣ д̣̇ассзд̇и. д̇ад̇т̇а хи сикааббад̇д̇авимуд̇д̇исукам̣ авиж̇аханд̇о анд̇аранд̇араа жа бадижжасамуббаад̣̇ан̇г̇ам̣ манасигаронд̇о згабаллан̇гзна нисийд̣̇и. згажжаананд̇и яаа ад̇хиг̇ад̇амаг̇г̇аа сажчигад̇анирод̇хаа згад̣̇зсзна жа б̣уд̣̇д̇хаг̇ун̣з ж̇аананд̇и, д̇аа табзд̇ваа д̇ад̣̇ан̃н̃зсам̣ д̣̇звад̇аанам̣. ан̃н̃зби б̣уд̣̇д̇хад̇д̇агараад̇и висаакаабун̣н̣амад̇о бадтааяа рад̇д̇инд̣̇ивам̣ звам̣ нижжасамаахид̇абхаавахзд̇угаанам̣ б̣уд̣̇д̇хаг̇ун̣аанам̣ убари ан̃н̃зби б̣уд̣̇д̇хад̇д̇асаад̇хагаа, ‘‘аяам̣ б̣уд̣̇д̇хо’’д̇и б̣уд̣̇д̇хабхаавасса барзсам̣ вибхааванаа д̇хаммаа гим̣ ну ко ад̇т̇ийд̇и яож̇анаа.
Pubbenivāsañāṇaṃ visodhetvāti ānetvā sambandho sīhāvalokanañāyena. Vaṭṭavivaṭṭaṃ sammasitvāti catusaccamanasikāraṃ sandhāyāha. Imassa pallaṅkassa atthāyāti pallaṅkasīsena adhigatavisesaṃ dasseti. Tattha hi sikhāppattavimuttisukhaṃ avijahanto antarantarā ca paṭiccasamuppādaṅgaṃ manasikaronto ekapallaṅkena nisīdi. Ekaccānanti yā adhigatamaggā sacchikatanirodhā ekadesena ca buddhaguṇe jānanti, tā ṭhapetvā tadaññesaṃ devatānaṃ. Aññepi buddhattakarāti visākhāpuṇṇamato paṭṭhāya rattindivaṃ evaṃ niccasamāhitabhāvahetukānaṃ buddhaguṇānaṃ upari aññepi buddhattasādhakā, ‘‘ayaṃ buddho’’ti buddhabhāvassa paresaṃ vibhāvanā dhammā kiṃ nu kho atthīti yojanā.
анимисзхийд̇и д̇хаммабийд̇ивибпааравасзна басаад̣̇авигасид̇анижжалад̇ааяа нимзсарахид̇зхи. рад̇анажан̇гамзд̇и д̣̇звад̇аахи маабид̇з рад̇анамаяажан̇гамз. рад̇анабхууд̇аанам̣ сад̇д̇аннам̣ багаран̣аанам̣ д̇ад̇т̇а жа ананд̇анаяасса д̇хаммарад̇анасса саммасанзна д̇ам̣ таанам̣ рад̇анагхаражзд̇ияам̣ наама ж̇аад̇анд̇иби вад̣̇анд̇и. званд̇и вагкамаанаагаарзна. чаб̣б̣ан̣н̣аанам̣ расмийнам̣ д̣̇анд̇зхи нигкаманад̇о чад̣̇д̣̇анд̇анааг̇агулам̣ вияаад̇и нид̣̇ассанам̣ вуд̇д̇ам̣.
Animisehīti dhammapītivipphāravasena pasādavikasitaniccalatāya nimesarahitehi. Ratanacaṅkameti devatāhi māpite ratanamayacaṅkame. Ratanabhūtānaṃ sattannaṃ pakaraṇānaṃ tattha ca anantanayassa dhammaratanassa sammasanena taṃ ṭhānaṃ ratanagharacetiyaṃ nāma jātantipi vadanti. Evanti vakkhamānākārena. Chabbaṇṇānaṃ rasmīnaṃ dantehi nikkhamanato chaddantanāgakulaṃ viyāti nidassanaṃ vuttaṃ.
хздтаа лохабаасаад̣̇аббамаан̣од̇и навабхуумагасса саб̣б̣абатамасса лохабаасаад̣̇асса хздтаа лохабаасаад̣̇аббамаан̣о. канд̇хагадтагат̇ааяам̣ (махаава. адта. 5) бана д̇ад̇т̇а ‘‘бхан̣д̣ааг̇аараг̇аб̣бхаббамаан̣а’’нд̇и вуд̇д̇ам̣.
Heṭṭhā lohapāsādappamāṇoti navabhūmakassa sabbapaṭhamassa lohapāsādassa heṭṭhā lohapāsādappamāṇo. Khandhakaṭṭhakathāyaṃ (mahāva. aṭṭha. 5) pana tattha ‘‘bhaṇḍāgāragabbhappamāṇa’’nti vuttaṃ.
бажжаг̇гхзд̇и абхинавз. бажжзгам̣ махаг̇гхад̇ааяа бажжаг̇гхзд̇и гзжи, д̇ам̣ на сунд̣̇арам̣. на хи б̣уд̣̇д̇хаа бхаг̇аванд̇о махаг̇гхам̣ бадиг̇г̇ан̣ханд̇и барибхун̃ж̇анд̇и ваа. бин̣д̣абаад̇анд̇и зд̇т̇а мант̇ан̃жа мад̇хубин̣д̣иган̃жа санд̇хааяа вад̣̇ад̇и. аяам̣ вид̇аггод̇и – ‘‘гасса ну ко ахам̣ батамам̣ д̇хаммам̣ д̣̇зсзяяа’’нд̇и аяам̣ баривид̇агго.
Paccaggheti abhinave. Paccekaṃ mahagghatāya paccaggheti keci, taṃ na sundaraṃ. Na hi buddhā bhagavanto mahagghaṃ paṭiggaṇhanti paribhuñjanti vā. Piṇḍapātanti ettha manthañca madhupiṇḍikañca sandhāya vadati. Ayaṃ vitakkoti – ‘‘kassa nu kho ahaṃ paṭhamaṃ dhammaṃ deseyya’’nti ayaṃ parivitakko.
бан̣д̣ижжзнаад̇и самаабад̇д̇ибадилаабхасам̣сид̣̇д̇хзна ад̇хиг̇амаб̣аахусажжасан̇каад̇зна бан̣д̣ид̇абхаавзна. взяяад̇д̇иязнаад̇и самаабад̇д̇ибадилаабхабажжаязна баарихаарияабан̃н̃аасан̇каад̇зна б̣яад̇д̇абхаавзна. мзд̇хаавийд̇и д̇ихзд̇угабадисанд̇хибан̃н̃аасан̇каад̇ааяа д̇ам̣д̇ам̣ид̇игад̇д̇аб̣б̣ад̇аабан̃н̃аасан̇каад̇ааяа жа мзд̇хааяа саманнааг̇ад̇од̇и звамбзд̇т̇а ад̇т̇о д̣̇адтаб̣б̣о. махааж̇аанияод̇и махаабарихааниго. ааг̇аманабаад̣̇ааби над̇т̇ийд̇и ид̣̇ам̣ батамам̣ вад̇д̇аб̣б̣ам̣, ат̇аахам̣ д̇ад̇т̇а г̇ажчзяяам̣, г̇анд̇ваа д̣̇зсияамаанам̣ д̇хаммамбисса сод̇ум̣ сод̇абасаад̣̇оби над̇т̇ийд̇и яож̇анаа. гим̣ бана бхаг̇авад̇аа ад̇д̇ано б̣уд̣̇д̇хаанубхаавзна д̇з д̇хаммам̣ н̃аабзд̇ум̣ на саггаад̇и? аама, на саггаа. на хи барад̇о гхосам̣ анд̇арзна саавагаанам̣ д̇хаммаабхисамаяо самбхавад̇и, ан̃н̃ат̇аа ид̇арабажжаяарахид̇ассаби д̇хаммаабхисамаязна бхавид̇аб̣б̣ам̣, на жа д̇ам̣ ад̇т̇и. вуд̇д̇ан̃хзд̇ам̣ – ‘‘д̣̇взмз, бхигкавз, бажжаяаа саммаад̣̇идтияаа уббаад̣̇ааяа барад̇о жа гхосо аж̇жхад̇д̇ан̃жа яонисоманасигааро’’д̇и (а. ни. 2.127). баал̣ияам̣ раамассзва самаабад̇д̇илаабхид̇аа ааг̇ад̇аа, на уд̣̇агасса, д̇ам̣ д̇асса б̣од̇хисад̇д̇зна самааг̇ад̇агаалавасзна вуд̇д̇ам̣ . со хи буб̣б̣зби д̇ад̇т̇а яуд̇д̇аббаяуд̇д̇о вихаранд̇о махаабурисзна киббан̃н̃зва самаабад̇д̇ийнам̣ ниб̣б̣ад̇д̇ид̇абхаавам̣ суд̇ваа сам̣взг̇аж̇аад̇о махаасад̇д̇з д̇ад̇о ниб̣б̣иж̇ж̇а багганд̇з гхадзнд̇о вааяаманд̇о нажирассзва адта самаабад̇д̇ияо ниб̣б̣ад̇д̇зси. д̇зна вуд̇д̇ам̣ ‘‘нзвасан̃н̃аанаасан̃н̃ааяад̇анз ниб̣б̣ад̇д̇од̇и ад̣̇д̣̇асаа’’д̇и. зд̇з адта б̣раахман̣аад̇и самб̣анд̇хо. чал̣ан̇г̇аваад̇и чал̣ан̇г̇авид̣̇уно. манд̇анд̇и манд̇абад̣̇ам̣. ‘‘ниж̇жхааяид̇ваа’’д̇и важанасзсо, манд̇зд̇ваад̇и ад̇т̇о. вияаагарим̣сууд̇и гат̇зсум̣.
Paṇḍiccenāti samāpattipaṭilābhasaṃsiddhena adhigamabāhusaccasaṅkhātena paṇḍitabhāvena. Veyyattiyenāti samāpattipaṭilābhapaccayena pārihāriyapaññāsaṅkhātena byattabhāvena. Medhāvīti tihetukapaṭisandhipaññāsaṅkhātāya taṃtaṃitikattabbatāpaññāsaṅkhātāya ca medhāya samannāgatoti evampettha attho daṭṭhabbo. Mahājāniyoti mahāparihāniko. Āgamanapādāpi natthīti idaṃ paṭhamaṃ vattabbaṃ, athāhaṃ tattha gaccheyyaṃ, gantvā desiyamānaṃ dhammampissa sotuṃ sotapasādopi natthīti yojanā. Kiṃ pana bhagavatā attano buddhānubhāvena te dhammaṃ ñāpetuṃ na sakkāti? Āma, na sakkā. Na hi parato ghosaṃ antarena sāvakānaṃ dhammābhisamayo sambhavati, aññathā itarapaccayarahitassapi dhammābhisamayena bhavitabbaṃ, na ca taṃ atthi. Vuttañhetaṃ – ‘‘dveme, bhikkhave, paccayā sammādiṭṭhiyā uppādāya parato ca ghoso ajjhattañca yonisomanasikāro’’ti (a. ni. 2.127). Pāḷiyaṃ rāmasseva samāpattilābhitā āgatā, na udakassa, taṃ tassa bodhisattena samāgatakālavasena vuttaṃ . So hi pubbepi tattha yuttappayutto viharanto mahāpurisena khippaññeva samāpattīnaṃ nibbattitabhāvaṃ sutvā saṃvegajāto mahāsatte tato nibbijja pakkante ghaṭento vāyamanto nacirasseva aṭṭha samāpattiyo nibbattesi. Tena vuttaṃ ‘‘nevasaññānāsaññāyatane nibbattoti addasā’’ti. Ete aṭṭha brāhmaṇāti sambandho. Chaḷaṅgavāti chaḷaṅgaviduno. Mantanti mantapadaṃ. ‘‘Nijjhāyitvā’’ti vacanaseso, mantetvāti attho. Viyākariṃsūti kathesuṃ.
яат̇ааманд̇абад̣̇анд̇и лагкан̣аманд̇асан̇каад̇авзд̣̇аважанаануруубам̣. г̇ад̇аад̇и бадибаннаа. ‘‘д̣̇взва г̇ад̇ияо бхаванд̇и анан̃н̃аа’’д̇и (д̣̇ий. ни. 2.33; 3.199-200; ма. ни. 2.384, 398) вуд̇д̇анияаамзна нижчинид̇ум̣ асаггонд̇аа б̣раахман̣аа вуд̇д̇амзва бадибаж̇ж̇им̣су, на махаабурисасса б̣уд̣̇д̇хабхааваббад̇д̇им̣ бажжаасийсим̣су. имз бана гон̣д̣ан̃н̃аад̣̇аяо бан̃жа ‘‘згам̣сад̇о б̣уд̣̇д̇хо бхависсад̇ий’’д̇и ж̇аад̇анижчаяад̇д̇аа манд̇абад̣̇ам̣ ад̇игганд̇аа. бун̣н̣абад̇д̇анд̇и д̇удтид̣̇аанам̣. ниб̣б̣ид̇аггаад̇и ниб̣б̣игаббаа, на д̣̇взд̇хаа д̇аггаа.
Yathāmantapadanti lakkhaṇamantasaṅkhātavedavacanānurūpaṃ. Gatāti paṭipannā. ‘‘Dveva gatiyo bhavanti anaññā’’ti (dī. ni. 2.33; 3.199-200; ma. ni. 2.384, 398) vuttaniyāmena nicchinituṃ asakkontā brāhmaṇā vuttameva paṭipajjiṃsu, na mahāpurisassa buddhabhāvappattiṃ paccāsīsiṃsu. Ime pana koṇḍaññādayo pañca ‘‘ekaṃsato buddho bhavissatī’’ti jātanicchayattā mantapadaṃ atikkantā. Puṇṇapattanti tuṭṭhidānaṃ. Nibbitakkāti nibbikappā, na dvedhā takkā.
ваббагаалзд̇и вабанагаалз. вабанад̇т̇ам̣ б̣ийж̇аани нийхаран̣анд̇зна д̇ад̇т̇а аг̇г̇ам̣ г̇ахзд̇ваа д̣̇аанам̣ б̣ийж̇аг̇г̇ад̣̇аанам̣ наама. лааяанаг̇г̇аад̣̇ийсуби зсзва наяо. д̇хан̃н̃апаласса наад̇ибарин̣ад̇агаалз бут̇угагаалз. лааяанзд̇и сассалааяанз. яат̇аа луунам̣ хад̇т̇агам̣ гад̇ваа взн̣ивасзна б̣анд̇ханам̣ взн̣игаран̣ам̣. взн̣ияо бана бурисабхааравасзна б̣анд̇ханам̣ галаабо. калз галаабаанам̣ табанад̣̇ивасз аг̇г̇ам̣ г̇ахзд̇ваа д̣̇аанам̣ калаг̇г̇ам̣. мад̣̇д̣̇ид̇ваа вийхийнам̣ раасигаран̣ад̣̇ивасз аг̇г̇ам̣ г̇ахзд̇ваа д̣̇аанам̣ бхан̣д̣аг̇г̇ам̣. годтааг̇аарз д̇хан̃н̃асса багкибанад̣̇ивасз д̣̇аанам̣ годтаг̇г̇ам̣. уд̣̇д̇харид̇ваад̇и калад̇о д̇хан̃н̃асса уд̣̇д̇харид̇ваа. наваннам̣ аг̇г̇ад̣̇аанаанам̣ д̣̇иннад̇д̇аад̇и ид̣̇ам̣ д̇асса рад̇д̇ан̃н̃уунам̣ аг̇г̇абхаавад̇т̇ааяа гад̇аабхинийхаараануруубам̣ бавад̇д̇ид̇асаавагабаарамияаа жин̣н̣анд̇з бавад̇д̇ид̇ад̇д̇аа вуд̇д̇ам̣. д̇ин̣н̣амби хи б̣од̇хисад̇д̇аанам̣ д̇ам̣д̇ам̣баарамияаа сикааббад̇д̇агаалз бавад̇д̇ид̇ам̣ бун̃н̃ам̣ абун̃н̃ам̣ ваа г̇аруд̇аравибаагамзва ход̇и, д̇хаммасса жа саб̣б̣абатамам̣ сажчигирияааяа винаа гат̇ам̣ рад̇д̇ан̃н̃уунам̣ аг̇г̇абхаавасид̣̇д̇хийд̇и. б̣ахугаараа ко имз бан̃жаваг̇г̇ияаад̇и ид̣̇ам̣ бана убагаараануссаран̣амад̇д̇агамзва барижаяавасзна аал̣ааруд̣̇агаануссаран̣ам̣ вияа.
Vappakāleti vapanakāle. Vapanatthaṃ bījāni nīharaṇantena tattha aggaṃ gahetvā dānaṃ bījaggadānaṃ nāma. Lāyanaggādīsupi eseva nayo. Dhaññaphalassa nātipariṇatakāle puthukakāle. Lāyaneti sassalāyane. Yathā lūnaṃ hatthakaṃ katvā veṇivasena bandhanaṃ veṇikaraṇaṃ. Veṇiyo pana purisabhāravasena bandhanaṃ kalāpo. Khale kalāpānaṃ ṭhapanadivase aggaṃ gahetvā dānaṃ khalaggaṃ. Madditvā vīhīnaṃ rāsikaraṇadivase aggaṃ gahetvā dānaṃ bhaṇḍaggaṃ. Koṭṭhāgāre dhaññassa pakkhipanadivase dānaṃ koṭṭhaggaṃ. Uddharitvāti khalato dhaññassa uddharitvā. Navannaṃ aggadānānaṃ dinnattāti idaṃ tassa rattaññūnaṃ aggabhāvatthāya katābhinīhārānurūpaṃ pavattitasāvakapāramiyā ciṇṇante pavattitattā vuttaṃ. Tiṇṇampi hi bodhisattānaṃ taṃtaṃpāramiyā sikhāppattakāle pavattitaṃ puññaṃ apuññaṃ vā garutaravipākameva hoti, dhammassa ca sabbapaṭhamaṃ sacchikiriyāya vinā kathaṃ rattaññūnaṃ aggabhāvasiddhīti. Bahukārā kho ime pañcavaggiyāti idaṃ pana upakārānussaraṇamattakameva paricayavasena āḷārudakānussaraṇaṃ viya.
285. виварзд̇и маж̇жхз. д̇знааха ‘‘д̇иг̇аавуд̇анд̇арз таанз’’д̇и. аяож̇ияамаанз убаяог̇аважанам̣ на баабун̣аад̇и саамиважанасса басан̇г̇з анд̇араа-сад̣̇д̣̇аяог̇зна убаяог̇аважанасса ижчид̇ад̇д̇аа. д̇знааха ‘‘анд̇араасад̣̇д̣̇зна бана яуд̇д̇ад̇д̇аа убаяог̇аважанам̣ гад̇а’’нд̇и.
285.Vivareti majjhe. Tenāha ‘‘tigāvutantare ṭhāne’’ti. Ayojiyamāne upayogavacanaṃ na pāpuṇāti sāmivacanassa pasaṅge antarā-saddayogena upayogavacanassa icchitattā. Tenāha ‘‘antarāsaddena pana yuttattā upayogavacanaṃ kata’’nti.
саб̣б̣ам̣ д̇збхуумагад̇хаммам̣ абхибхавид̇ваа барин̃н̃аабхисамаяавасзна ад̇иггамид̇ваа. жад̇убхуумагад̇хаммам̣ анавасзсам̣ н̃зяяам̣ саб̣б̣асо н̃зяяааваран̣асса бахийнад̇д̇аа саб̣б̣ан̃н̃уд̇ан̃н̃аан̣зна авзд̣̇им̣. раж̇ж̇анад̣̇уссанамуяханаад̣̇инаа гилзсзна. аббахаад̇аб̣б̣амби гусалааб̣яаагад̇ам̣ д̇аббадиб̣ад̣̇д̇хагилзсамат̇анзна бахийнад̇д̇аа на ход̇ийд̇и ааха ‘‘саб̣б̣ам̣ д̇збхуумагад̇хаммам̣ ж̇ахид̇ваа тид̇о’’д̇и. аарамман̣ад̇од̇и аарамман̣агаран̣авасзна.
Sabbaṃ tebhūmakadhammaṃ abhibhavitvā pariññābhisamayavasena atikkamitvā. Catubhūmakadhammaṃ anavasesaṃ ñeyyaṃ sabbaso ñeyyāvaraṇassa pahīnattā sabbaññutaññāṇena avediṃ. Rajjanadussanamuyhanādinā kilesena. Appahātabbampi kusalābyākataṃ tappaṭibaddhakilesamathanena pahīnattā na hotīti āha ‘‘sabbaṃ tebhūmakadhammaṃ jahitvā ṭhito’’ti. Ārammaṇatoti ārammaṇakaraṇavasena.
гин̃жааби логияад̇хаммаанамби яаад̣̇исо логанаат̇асса ад̇хиг̇амо, на д̇аад̣̇исо ад̇хиг̇амо баруубад̣̇зсо ад̇т̇и, логуд̇д̇арад̇хаммз банасса лзсоби над̇т̇ийд̇и ааха ‘‘логуд̇д̇арад̇хаммз маяхам̣ аажарияо наама над̇т̇ий’’д̇и. бадибхааг̇абуг̇г̇алод̇и сийлаад̣̇ийхи г̇ун̣зхи бадинид̇хибхууд̇о буг̇г̇ало. сахзд̇унаад̇и сахад̇хаммзна сабаадихийрагад̇ааяа. наязнаад̇и абхиж̇аананад̇аад̣̇ивид̇хинаа. жад̇д̇аари сажжаанийд̇и ид̣̇ам̣ д̇аб̣б̣инимуд̇д̇асса н̃зяяасса абхаавад̇о вуд̇д̇ам̣. саяам̣ б̣уд̣̇д̇ход̇и саяамзва саяамбхун̃аан̣зна б̣уд̣̇д̇хо. виг̇ад̇абарил̣аахад̇ааяа сийд̇ибхууд̇о. д̇ад̇о зва ниб̣б̣уд̇о. аахан̃чанд̇и ааханиссаами. взнзяяаанам̣ амад̇аад̇хиг̇амааяа уг̇гхосанаад̣̇им̣ гад̇ваа сад̇т̇у д̇хаммад̣̇зсанаа амад̇ад̣̇унд̣̇убхийд̇и вуд̇д̇аа.
Kiñcāpi lokiyadhammānampi yādiso lokanāthassa adhigamo, na tādiso adhigamo parūpadeso atthi, lokuttaradhamme panassa lesopi natthīti āha ‘‘lokuttaradhamme mayhaṃ ācariyo nāma natthī’’ti. Paṭibhāgapuggaloti sīlādīhi guṇehi paṭinidhibhūto puggalo. Sahetunāti sahadhammena sapāṭihīrakatāya. Nayenāti abhijānanatādividhinā. Cattāri saccānīti idaṃ tabbinimuttassa ñeyyassa abhāvato vuttaṃ. Sayaṃ buddhoti sayameva sayambhuñāṇena buddho. Vigatapariḷāhatāya sītibhūto. Tato eva nibbuto. Āhañchanti āhanissāmi. Veneyyānaṃ amatādhigamāya ugghosanādiṃ katvā satthu dhammadesanā amatadundubhīti vuttā.
ананд̇ан̃аан̣о ж̇ид̇агилзсод̇и ананд̇аж̇ино. звамби наама бхавзяяаад̇и звам̣вид̇хз наама руубарад̇анз ийд̣̇исзна н̃аан̣зна бхавид̇аб̣б̣анд̇и ад̇хиббааяо. аяам̣ хисса баб̣б̣аж̇ж̇ааяа бажжаяо ж̇аад̇о, гад̇аад̇хигааро жзса. д̇ат̇аа хи бхаг̇аваа д̇зна самааг̇амад̇т̇ам̣ бад̣̇асаава д̇ам̣ маг̇г̇ам̣ бадибаж̇ж̇и.
Anantañāṇo jitakilesoti anantajino. Evampi nāma bhaveyyāti evaṃvidhe nāma rūparatane īdisena ñāṇena bhavitabbanti adhippāyo. Ayaṃ hissa pabbajjāya paccayo jāto, katādhikāro cesa. Tathā hi bhagavā tena samāgamatthaṃ padasāva taṃ maggaṃ paṭipajji.
годтаасасамбаннаад̇и ан̇г̇абажжан̇г̇асан̇каад̇ааваяавасамбаннаа. аддийяад̇ийд̇и аддо ход̇и, д̣̇оманассам̣ аабаж̇ж̇ад̇ийд̇и ад̇т̇о.
Koṭṭhāsasampannāti aṅgapaccaṅgasaṅkhātaavayavasampannā. Aṭṭīyatīti aṭṭo hoti, domanassaṃ āpajjatīti attho.
авихам̣ убабаннаасзд̇и авихзсу ниб̣б̣ад̇д̇аа. вимуд̇д̇аад̇и аг̇г̇апалавимуд̇д̇ияаа вимуд̇д̇аа. д̇з хид̇ваа маанусам̣ д̣̇зхам̣, д̣̇иб̣б̣аяог̇ам̣ убаж̇жхаг̇унд̇и д̇з убагаа д̣̇аяо маанусам̣ ад̇д̇абхаавам̣ ж̇ахид̇ваа орамбхааг̇ияасам̣яож̇анаббахаанзна авихзсу ниб̣б̣ад̇д̇амад̇д̇аава аг̇г̇амаг̇г̇аад̇хиг̇амзна д̣̇иб̣б̣аяог̇ам̣ уд̣̇д̇хамбхааг̇ияасам̣яож̇анам̣ самад̇иггамим̣су.
Avihaṃ upapannāseti avihesu nibbattā. Vimuttāti aggaphalavimuttiyā vimuttā. Te hitvā mānusaṃ dehaṃ, dibbayogaṃ upajjhagunti te upakā dayo mānusaṃ attabhāvaṃ jahitvā orambhāgiyasaṃyojanappahānena avihesu nibbattamattāva aggamaggādhigamena dibbayogaṃ uddhambhāgiyasaṃyojanaṃ samatikkamiṃsu.
286. сан̣табзсунд̇и ‘‘нзва абхиваад̣̇зд̇аб̣б̣о’’д̇иаад̣̇инаа (махаава. 12) сан̣там̣ гирияаагаарам̣ агам̣су. д̇знааха ‘‘гад̇игам̣ агам̣суу’’д̇и. бад̇хаанад̇од̇и буб̣б̣з анудтид̇ад̣̇уггаражаран̣ад̇о. бабхаавид̇анд̇и ваажаасамудтаанам̣, важийнижчааран̣анд̇и ад̇т̇о. ‘‘аяам̣ на гин̃жи висзсам̣ ад̇хиг̇амиссад̇ий’’д̇и анугган̣танад̇т̇ам̣. ‘‘маяам̣ яад̇т̇а гад̇т̇ажи г̇амиссаамаа’’д̇и маа вид̇аггаяид̇т̇а. обхаасод̇и вибассанобхаасо. нимид̇д̇анд̇и гаммадтаананимид̇д̇ам̣. згабад̣̇знзваад̇и згаважанзнзва. ‘‘анзна буб̣б̣зби на гин̃жи мижчаа вуд̇д̇абуб̣б̣а’’нд̇и сад̇им̣ лабхид̇ваа. яат̇аабхууд̇аваад̣̇ийд̇и уббаннаг̇аараваа.
286.Saṇṭhapesunti ‘‘neva abhivādetabbo’’tiādinā (mahāva. 12) saṇṭhaṃ kiriyākāraṃ akaṃsu. Tenāha ‘‘katikaṃ akaṃsū’’ti. Padhānatoti pubbe anuṭṭhitadukkaracaraṇato. Pabhāvitanti vācāsamuṭṭhānaṃ, vacīnicchāraṇanti attho. ‘‘Ayaṃ na kiñci visesaṃ adhigamissatī’’ti anukkaṇṭhanatthaṃ. ‘‘Mayaṃ yattha katthaci gamissāmā’’ti mā vitakkayittha. Obhāsoti vipassanobhāso. Nimittanti kammaṭṭhānanimittaṃ. Ekapadenevāti ekavacaneneva. ‘‘Anena pubbepi na kiñci micchā vuttapubba’’nti satiṃ labhitvā. Yathābhūtavādīti uppannagāravā.
анд̇овихаарзязва ахоси д̣̇ахарагумааро вияа д̇зхи бхигкуухи барихарид̇о. малзд̇и сам̣гилзсз. г̇аамад̇о бхигкуухи нийхадам̣ убанийд̇ам̣ бхад̇д̇ам̣ зд̇ассаад̇и нийхадабхад̇д̇о, д̇зна нийхадабхад̇д̇зна бхаг̇авад̇аа. зд̇д̇агам̣ гат̇аамаг̇г̇анд̇и – ‘‘д̣̇взмаа, бхигкавз, бариязсанаа’’д̇и аарабхид̇ваа яаава – ‘‘над̇т̇и д̣̇аани бунаб̣бхаво’’д̇и бад̣̇ам̣, зд̇д̇агам̣ д̣̇зсанаамаг̇г̇ам̣. гааман̃жзд̇т̇а – ‘‘д̇умхзби маман̃жзва бан̃жаваг̇г̇ияаанан̃жа маг̇г̇ам̣ ааруул̣хаа, арияабариязсанаа д̇умхаагам̣ бариязсанаа’’д̇и адтагат̇ааважанам̣. д̇зна бана – ‘‘со ко ахам̣, бхигкавз, ад̇д̇анаа ж̇аад̇ид̇хаммо самаано…бз… асам̣гилидтам̣ ануд̇д̇арам̣ яог̇агкзмам̣ ниб̣б̣аанам̣ аж̇жхаг̇аманд̇и, ат̇а ко, бхигкавз, бан̃жаваг̇г̇ияаа бхигкуу маяаа звам̣ овад̣̇ияамаанаа…бз… ануд̇д̇арам̣ яог̇агкзмам̣ ниб̣б̣аанам̣ аж̇жхаг̇амам̣су…бз… над̇т̇и д̣̇аани бунаб̣бхаво’’д̇и имассзва суд̇д̇абад̣̇асса ад̇т̇о вибхаавид̇од̇и гад̇ваа вуд̇д̇ам̣ ‘‘бхаг̇аваа яам̣ буб̣б̣з аважа д̇умхзби маман̃жзва бан̃жаваг̇г̇ияаанан̃жа маг̇г̇ам̣ аарул̣хаа, арияабариязсанаа д̇умхаагам̣ бариязсанаад̇и. имам̣ згамзва анусанд̇хим̣ д̣̇ассзнд̇о аахарий’’д̇и.
Antovihāreyeva ahosi daharakumāro viya tehi bhikkhūhi pariharito. Maleti saṃkilese. Gāmato bhikkhūhi nīhaṭaṃ upanītaṃ bhattaṃ etassāti nīhaṭabhatto, tena nīhaṭabhattena bhagavatā. Ettakaṃ kathāmagganti – ‘‘dvemā, bhikkhave, pariyesanā’’ti ārabhitvā yāva – ‘‘natthi dāni punabbhavo’’ti padaṃ, ettakaṃ desanāmaggaṃ. Kāmañcettha – ‘‘tumhepi mamañceva pañcavaggiyānañca maggaṃ ārūḷhā, ariyapariyesanā tumhākaṃ pariyesanā’’ti aṭṭhakathāvacanaṃ. Tena pana – ‘‘so kho ahaṃ, bhikkhave, attanā jātidhammo samāno…pe… asaṃkiliṭṭhaṃ anuttaraṃ yogakkhemaṃ nibbānaṃ ajjhagamanti, atha kho, bhikkhave, pañcavaggiyā bhikkhū mayā evaṃ ovadiyamānā…pe… anuttaraṃ yogakkhemaṃ nibbānaṃ ajjhagamaṃsu…pe… natthi dāni punabbhavo’’ti imasseva suttapadassa attho vibhāvitoti katvā vuttaṃ ‘‘bhagavā yaṃ pubbe avaca tumhepi mamañceva pañcavaggiyānañca maggaṃ āruḷhā, ariyapariyesanā tumhākaṃ pariyesanāti. Imaṃ ekameva anusandhiṃ dassento āharī’’ti.
287. анаг̇аарияаанамбийд̇и баб̣б̣аж̇ид̇аанамби. бан̃жагаамаг̇ун̣авасзна анарияабариязсанаа ход̇и г̇ад̇хид̇аад̣̇ибхаавзна барибхун̃ж̇анад̇о. мижчааж̇ийвавасзнаби анарияабариязсанаа ход̇ийд̇и д̇ад̇о висзсанад̇т̇ам̣ ‘‘бан̃жагаамаг̇ун̣авасзнаа’’д̇и вуд̇д̇ам̣ сажчанд̣̇арааг̇абарибхог̇асса ад̇хиббзд̇ад̇д̇аа. ид̣̇аани жад̇уусу бажжаязсу гаамаг̇ун̣з нид̣̇д̇хаарзд̇ум̣ ‘‘д̇ад̇т̇аа’’д̇иаад̣̇и вуд̇д̇ам̣. барибхог̇арасод̇и барибхог̇абажжаяабийд̇исоманассам̣. аяам̣ бана расасамаанад̇аавасзна г̇ахан̣ам̣ убаад̣̇ааяа ‘‘расо’’д̇и вуд̇д̇о, на сабхаавад̇о. сабхаавзна г̇ахан̣ам̣ убаад̣̇ааяа бийд̇исоманассам̣ д̇хаммаарамман̣ам̣ сияаа, на расаарамман̣ам̣. аббажжавзгкан̣абарибхог̇од̇и бажжавзгкан̣арахид̇о барибхог̇о, ид̣̇амад̇т̇ид̇ам̣ аниссааяа г̇ад̇хид̇аад̣̇ибхаавзна барибхог̇од̇и ад̇т̇о. г̇ад̇хид̇аад̇и д̇ан̣хааяа б̣ад̣̇д̇хаа. мужчид̇аад̇и мужчам̣ мохам̣ бамаад̣̇ам̣ аабаннаа. аж̇жхог̇аал̣хаад̇и ад̇хиог̇аал̣хаа, д̇ам̣ д̇ам̣ аарамман̣ам̣ анубависид̇ваа тид̇аа. аад̣̇ийнавам̣ абассанд̇аад̇и сажчанд̣̇арааг̇абарибхог̇з д̣̇осам̣ аж̇аананд̇аа. абажжавзгкид̇абарибхог̇ахзд̇уаад̣̇ийнавам̣ ниссарад̇и ад̇иггамад̇и зд̇знаад̇и ниссаран̣ам̣, бажжавзгкан̣ан̃аан̣ам̣.
287.Anagāriyānampīti pabbajitānampi. Pañcakāmaguṇavasena anariyapariyesanā hoti gadhitādibhāvena paribhuñjanato. Micchājīvavasenapi anariyapariyesanā hotīti tato visesanatthaṃ ‘‘pañcakāmaguṇavasenā’’ti vuttaṃ sacchandarāgaparibhogassa adhippetattā. Idāni catūsu paccayesu kāmaguṇe niddhāretuṃ ‘‘tatthā’’tiādi vuttaṃ. Paribhogarasoti paribhogapaccayapītisomanassaṃ. Ayaṃ pana rasasamānatāvasena gahaṇaṃ upādāya ‘‘raso’’ti vutto, na sabhāvato. Sabhāvena gahaṇaṃ upādāya pītisomanassaṃ dhammārammaṇaṃ siyā, na rasārammaṇaṃ. Appaccavekkhaṇaparibhogoti paccavekkhaṇarahito paribhogo, idamatthitaṃ anissāya gadhitādibhāvena paribhogoti attho. Gadhitāti taṇhāya baddhā. Mucchitāti mucchaṃ mohaṃ pamādaṃ āpannā. Ajjhogāḷhāti adhiogāḷhā, taṃ taṃ ārammaṇaṃ anupavisitvā ṭhitā. Ādīnavaṃ apassantāti sacchandarāgaparibhoge dosaṃ ajānantā. Apaccavekkhitaparibhogahetuādīnavaṃ nissarati atikkamati etenāti nissaraṇaṃ, paccavekkhaṇañāṇaṃ.
баасараасинд̇и баасасамуд̣̇ааяам̣. луд̣̇д̣̇аго хи баасам̣ од̣д̣знд̇о на згам̣язва, на жа згасмим̣язва таанз од̣д̣зд̇и, ат̇а ко д̇ам̣д̇ам̣миг̇аанам̣ ааг̇аманамаг̇г̇ам̣ саллагкзд̇ваа д̇ад̇т̇а д̇ад̇т̇а од̣д̣знд̇о б̣ахууязва од̣д̣зд̇и, д̇асмаа д̇з жид̇д̇зна згад̇о г̇ахзд̇ваа ‘‘баасараасий’’д̇и вуд̇д̇ам̣. вааг̇урасса ваа баасабад̣̇зсаанам̣ б̣ахубхаавад̇о ‘‘баасараасий’’д̇и вуд̇д̇ам̣.
Pāsarāsinti pāsasamudāyaṃ. Luddako hi pāsaṃ oḍḍento na ekaṃyeva, na ca ekasmiṃyeva ṭhāne oḍḍeti, atha kho taṃtaṃmigānaṃ āgamanamaggaṃ sallakkhetvā tattha tattha oḍḍento bahūyeva oḍḍeti, tasmā te cittena ekato gahetvā ‘‘pāsarāsī’’ti vuttaṃ. Vāgurassa vā pāsapadesānaṃ bahubhāvato ‘‘pāsarāsī’’ti vuttaṃ.
баасараасисуд̇д̇аван̣н̣анааяа лийнад̇т̇аббагаасанаа самад̇д̇аа.
Pāsarāsisuttavaṇṇanāya līnatthappakāsanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 6. баасараасисуд̇д̇ам̣ • 6. Pāsarāsisuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 6. баасараасисуд̇д̇аван̣н̣анаа • 6. Pāsarāsisuttavaṇṇanā
