| Library / Tipiṭaka / д̇ибидага • Tipiṭaka / д̇хаммасан̇г̇ан̣ий-мууладийгаа • Dhammasaṅgaṇī-mūlaṭīkā |
бассад̣̇д̇хаад̣̇ияуг̇алаван̣н̣анаа
Passaddhādiyugalavaṇṇanā
д̣̇арат̇о саарамбхо, д̣̇угкад̣̇оманассабажжаяаанам̣ уд̣̇д̇хажжаад̣̇игаанам̣ гилзсаанам̣ жад̇уннам̣ ваа канд̇хаанам̣ зд̇ам̣ ад̇хиважанам̣. уд̣̇д̇хажжаббад̇хаанаа гилзсаа уд̣̇д̇хажжаад̣̇игилзсаа, уд̣̇д̇хажжам̣ ваа аад̣̇им̣ гад̇ваа саб̣б̣агилзсз сан̇г̇ан̣хаад̇и. суван̣н̣ависуд̣̇д̇хи вияаад̇и яат̇аа суван̣н̣ависуд̣̇д̇хи алан̇гааравигад̇ивинияог̇агкамаа, звам̣ аяамби хид̇агирияаавинияог̇агкамаа.
Daratho sārambho, dukkhadomanassapaccayānaṃ uddhaccādikānaṃ kilesānaṃ catunnaṃ vā khandhānaṃ etaṃ adhivacanaṃ. Uddhaccappadhānā kilesā uddhaccādikilesā, uddhaccaṃ vā ādiṃ katvā sabbakilese saṅgaṇhāti. Suvaṇṇavisuddhi viyāti yathā suvaṇṇavisuddhi alaṅkāravikativiniyogakkhamā, evaṃ ayampi hitakiriyāviniyogakkhamā.
самам̣ , саманд̇ад̇о ваа багаарзхи ж̇аананам̣ самбаж̇ан̃н̃ам̣. жзд̇ияаванд̣̇анаад̣̇иад̇т̇ам̣ абхиггамаад̣̇ийсу ад̇т̇аанад̇т̇абариг̇г̇ан̣ханам̣ саад̇т̇агасамбаж̇ан̃н̃ам̣. сад̇и жа ад̇т̇з саббааяаасаббааяаруубаад̣̇ибариг̇г̇ан̣ханам̣ саббааяасамбаж̇ан̃н̃ам̣. г̇ожараг̇аамаабхиггаманаад̣̇ийсу гаммадтаанаавиж̇аханам̣ г̇ожарасамбаж̇ан̃н̃ам̣. абхиггаманаад̣̇ийнам̣ д̇хаад̇уаад̣̇ивасзна бавижаяо асаммохасамбаж̇ан̃н̃ам̣. саб̣б̣агаммадтаанабхааванаануяуд̇д̇аанам̣ саб̣б̣аяог̇ийнам̣ саб̣б̣ад̣̇аа убагаарагаа имз д̣̇вз д̇хаммаа баарибант̇агахаран̣ад̇о бхааванаавад̣дханад̇о жа. яат̇ааха ‘‘д̣̇вз д̇хаммаа б̣ахугаараа сад̇и жа самбаж̇ан̃н̃ан̃жаа’’д̇и (д̣̇ий. ни. 3.352). яуг̇з над̣̇д̇хаа вияаад̇и яуг̇анад̣̇д̇хаа, ан̃н̃аман̃н̃ам̣ нимид̇д̇абхаавзна самам̣ бавад̇д̇аад̇и ад̇т̇о. ‘‘буна жабарам̣, аавусо, бхигку самат̇авибассанам̣ яуг̇анад̣̇д̇хам̣ бхаавзд̇ий’’д̇и (а. ни. 4.170; бади. ма. 2.1) хи суд̇д̇з зд̇зсам̣ яуг̇анад̣̇д̇хад̇аа вуд̇д̇аа. саб̣б̣агусалад̇хаммзсу лийнуд̣̇д̇хажжаабхааво зд̇зхи д̣̇вийхи самам̣ яуд̇д̇зхийд̇и ‘‘вийрияасамаад̇хияож̇анад̇т̇ааяаа’’д̇и ааха, яог̇аважанад̇т̇ааяаад̇и ад̇т̇о.
Samaṃ , samantato vā pakārehi jānanaṃ sampajaññaṃ. Cetiyavandanādiatthaṃ abhikkamādīsu atthānatthapariggaṇhanaṃ sātthakasampajaññaṃ. Sati ca atthe sappāyāsappāyarūpādipariggaṇhanaṃ sappāyasampajaññaṃ. Gocaragāmābhikkamanādīsu kammaṭṭhānāvijahanaṃ gocarasampajaññaṃ. Abhikkamanādīnaṃ dhātuādivasena pavicayo asammohasampajaññaṃ. Sabbakammaṭṭhānabhāvanānuyuttānaṃ sabbayogīnaṃ sabbadā upakārakā ime dve dhammā pāripanthakaharaṇato bhāvanāvaḍḍhanato ca. Yathāha ‘‘dve dhammā bahukārā sati ca sampajaññañcā’’ti (dī. ni. 3.352). Yuge naddhā viyāti yuganaddhā, aññamaññaṃ nimittabhāvena samaṃ pavattāti attho. ‘‘Puna caparaṃ, āvuso, bhikkhu samathavipassanaṃ yuganaddhaṃ bhāvetī’’ti (a. ni. 4.170; paṭi. ma. 2.1) hi sutte etesaṃ yuganaddhatā vuttā. Sabbakusaladhammesu līnuddhaccābhāvo etehi dvīhi samaṃ yuttehīti ‘‘vīriyasamādhiyojanatthāyā’’ti āha, yogavacanatthāyāti attho.
Related texts:
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-анудийгаа • Dhammasaṅgaṇī-anuṭīkā / бассад̣̇д̇хаад̣̇ияуг̇алаван̣н̣анаа • Passaddhādiyugalavaṇṇanā
