| Library / Tipiṭaka / д̇ибидага • Tipiṭaka / д̇хаммасан̇г̇ан̣ий-анудийгаа • Dhammasaṅgaṇī-anuṭīkā |
бассад̣̇д̇хаад̣̇ияуг̇алаван̣н̣анаа
Passaddhādiyugalavaṇṇanā
саманд̇и саммаа. жзд̇ияаванд̣̇анаад̣̇иад̇т̇анд̇и жзд̇ияаванд̣̇анаад̣̇ихзд̇у. самат̇ажад̇усажжагаммадтаанавасзна д̇аб̣бхзд̣̇авасзна жа саб̣б̣агаммадтаанабхааванаабхияуд̇д̇аанам̣ муд̣̇умаж̇жхимад̇игкинд̣̇рияад̇аад̣̇ибхзд̣̇авасзна саб̣б̣аяог̇ийнам̣ жид̇д̇асса лийнуд̣̇д̇хажжаад̣̇игаалавасзна саб̣б̣ад̣̇аа хид̇аахид̇ад̇хаммуубалагкан̣абхаавад̇о яат̇аасабхаавам̣ бадивзд̇хабхаавад̇о жа сад̇исамбаж̇ан̃н̃аанам̣ баариб̣анд̇хагахаран̣абхааванаавад̣дханаани ависзсад̇о д̣̇адтаб̣б̣аани. яат̇аа аббанаагосаллзна винаа самат̇о самат̇аманд̇арзна яат̇аабхууд̇ааваб̣од̇хо жа над̇т̇ийд̇и наанаагкан̣игаа самаад̇хибан̃н̃аа ан̃н̃аман̃н̃асса висзсагааран̣ам̣, звам̣ бадивзд̇хз згагкан̣игаабийд̇и д̣̇ассзнд̇о ааха ‘‘ан̃н̃аман̃н̃ам̣ нимид̇д̇абхаавзнаа’’д̇и. бан̃н̃ааяа хи саад̇исаяам̣ авабхаасияамаанз висаяз самаад̇хи згад̇д̇авасзна аббзд̇ум̣ саггод̇и, самаад̇химхи жа маж̇жхимам̣ самат̇анимид̇д̇ам̣ бадибаннз бан̃н̃аа аарамман̣зсу висад̣̇аа вахад̇ийд̇и. самам̣ бавад̇д̇аад̇и ан̃н̃аман̃н̃аанад̇ивад̇д̇анзна самам̣ ависамам̣ згарасабхаавзна бавад̇д̇аа. ан̃н̃аман̃н̃асахааяабхаавуубаг̇аманзна яог̇ино манорат̇ад̇хураагад̣дханз рат̇ад̇хураагад̣дханз вияа ааж̇аанзяяаяуг̇о яуг̇алаго худ̇ваа ан̃н̃аман̃н̃аанад̇ивад̇д̇амаанзна над̣̇д̇хаа б̣ад̣̇д̇хаа вияаад̇и ваа яуг̇анад̣̇д̇хаа. ад̇хижид̇д̇амануяуд̇д̇зхи вийрияасамаад̇хаяо самам̣ яож̇зд̇аб̣б̣аад̇и имасса висзсасса д̣̇ассанад̇т̇ам̣ буб̣б̣з г̇ахид̇ааби д̇з буна г̇ахид̇аад̇и д̣̇ассзд̇ум̣ вийрияасамаад̇хияож̇анад̇т̇ааяаад̇и адтагат̇ааяам̣ вуд̇д̇ам̣. д̇ам̣ бана самаад̇хивийрияаяог̇асса вибхааванам̣ ход̇ийд̇и ‘‘яог̇аважанад̇т̇ааяаад̇и ад̇т̇о’’д̇и ааха.
Samanti sammā. Cetiyavandanādiatthanti cetiyavandanādihetu. Samathacatusaccakammaṭṭhānavasena tabbhedavasena ca sabbakammaṭṭhānabhāvanābhiyuttānaṃ mudumajjhimatikkhindriyatādibhedavasena sabbayogīnaṃ cittassa līnuddhaccādikālavasena sabbadā hitāhitadhammūpalakkhaṇabhāvato yathāsabhāvaṃ paṭivedhabhāvato ca satisampajaññānaṃ pāribandhakaharaṇabhāvanāvaḍḍhanāni avisesato daṭṭhabbāni. Yathā appanākosallena vinā samatho samathamantarena yathābhūtāvabodho ca natthīti nānākkhaṇikā samādhipaññā aññamaññassa visesakāraṇaṃ, evaṃ paṭivedhe ekakkhaṇikāpīti dassento āha ‘‘aññamaññaṃ nimittabhāvenā’’ti. Paññāya hi sātisayaṃ avabhāsiyamāne visaye samādhi ekattavasena appetuṃ sakkoti, samādhimhi ca majjhimaṃ samathanimittaṃ paṭipanne paññā ārammaṇesu visadā vahatīti. Samaṃ pavattāti aññamaññānativattanena samaṃ avisamaṃ ekarasabhāvena pavattā. Aññamaññasahāyabhāvūpagamanena yogino manorathadhurākaḍḍhane rathadhurākaḍḍhane viya ājāneyyayugo yugalako hutvā aññamaññānativattamānena naddhā baddhā viyāti vā yuganaddhā. Adhicittamanuyuttehi vīriyasamādhayo samaṃ yojetabbāti imassa visesassa dassanatthaṃ pubbe gahitāpi te puna gahitāti dassetuṃ vīriyasamādhiyojanatthāyāti aṭṭhakathāyaṃ vuttaṃ. Taṃ pana samādhivīriyayogassa vibhāvanaṃ hotīti ‘‘yogavacanatthāyāti attho’’ti āha.
Related texts:
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-мууладийгаа • Dhammasaṅgaṇī-mūlaṭīkā / бассад̣̇д̇хаад̣̇ияуг̇алаван̣н̣анаа • Passaddhādiyugalavaṇṇanā
