| Library / Tipiṭaka / д̇ибидага • Tipiṭaka / махаанид̣̇д̣̇зса-адтагат̇аа • Mahāniddesa-aṭṭhakathā |
8. басуурасуд̇д̇анид̣̇д̣̇зсаван̣н̣анаа
8. Pasūrasuttaniddesavaṇṇanā
59. адтамз басуурасуд̇д̇анид̣̇д̣̇зсз батамаг̇аат̇ааяа д̇аава сан̇кзбо – имз д̣̇идтиг̇ад̇игаа ад̇д̇ано д̣̇идтим̣ санд̇хааяа ‘‘ид̇хзва суд̣̇д̇хий’’д̇и вад̣̇анд̇и. ан̃н̃зсу бана д̇хаммзсу висуд̣̇д̇хим̣ нааху, звам̣ яам̣ ад̇д̇ано сад̇т̇аараад̣̇им̣ ниссид̇аа, д̇ад̇т̇зва ‘‘зса ваад̣̇о субхо’’д̇и звам̣ субхаваад̣̇аа худ̇ваа бут̇уу саман̣аб̣раахман̣аа ‘‘сассад̇о лого’’д̇иаад̣̇ийсу бажжзгасажжзсу нивидтаа.
59. Aṭṭhame pasūrasuttaniddese paṭhamagāthāya tāva saṅkhepo – ime diṭṭhigatikā attano diṭṭhiṃ sandhāya ‘‘idheva suddhī’’ti vadanti. Aññesu pana dhammesu visuddhiṃ nāhu, evaṃ yaṃ attano satthārādiṃ nissitā, tattheva ‘‘esa vādo subho’’ti evaṃ subhavādā hutvā puthū samaṇabrāhmaṇā ‘‘sassato loko’’tiādīsu paccekasaccesu niviṭṭhā.
саб̣б̣з бараваад̣̇з кибанд̇ийд̇и саб̣б̣аа баралад̣̇д̇хияо чад̣д̣знд̇и. угкибанд̇ийд̇и д̣̇уурад̇о кибанд̇и. баригкибанд̇ийд̇и саманд̇ад̇о кибанд̇и. субхаваад̣̇аад̇и нид̣̇д̣̇зсасса уд̣̇д̣̇зсабад̣̇ам̣. собханаваад̣̇аад̇и ‘‘зд̇ам̣ сунд̣̇ара’’нд̇и гат̇знд̇аа. бан̣д̣ид̇аваад̣̇аад̇и ‘‘бан̣д̣ид̇аа маяа’’нд̇и звам̣ гат̇знд̇аа. т̇ираваад̣̇аад̇и ‘‘нид̣̇д̣̇осаваад̣̇ам̣ вад̣̇аамаа’’д̇и гат̇знд̇аа. н̃ааяаваад̣̇аад̇и ‘‘яуд̇д̇аваад̣̇ам̣ вад̣̇аамаа’’д̇и гат̇знд̇аа. хзд̇уваад̣̇аад̇и ‘‘гааран̣асахид̇ам̣ вад̣̇аамаа’’д̇и гат̇знд̇аа. лагкан̣аваад̣̇аад̇и ‘‘саллагкзд̇аб̣б̣ам̣ вад̣̇аамаа’’д̇и вад̣̇анд̇аа. гааран̣аваад̣̇аад̇и ‘‘уд̣̇аахаран̣аяуд̇д̇аваад̣̇ам̣ вад̣̇аамаа’’д̇и гат̇знд̇аа. таанаваад̣̇аад̇и ‘‘баггамид̇ум̣ асаггун̣зяяаваад̣̇ам̣ вад̣̇аамаа’’д̇и вад̣̇анд̇аа.
Sabbeparavāde khipantīti sabbā paraladdhiyo chaḍḍenti. Ukkhipantīti dūrato khipanti. Parikkhipantīti samantato khipanti. Subhavādāti niddesassa uddesapadaṃ. Sobhanavādāti ‘‘etaṃ sundara’’nti kathentā. Paṇḍitavādāti ‘‘paṇḍitā maya’’nti evaṃ kathentā. Thiravādāti ‘‘niddosavādaṃ vadāmā’’ti kathentā. Ñāyavādāti ‘‘yuttavādaṃ vadāmā’’ti kathentā. Hetuvādāti ‘‘kāraṇasahitaṃ vadāmā’’ti kathentā. Lakkhaṇavādāti ‘‘sallakkhetabbaṃ vadāmā’’ti vadantā. Kāraṇavādāti ‘‘udāharaṇayuttavādaṃ vadāmā’’ti kathentā. Ṭhānavādāti ‘‘pakkamituṃ asakkuṇeyyavādaṃ vadāmā’’ti vadantā.
нивидтаад̇и анд̇обавидтаа. бад̇идтид̇аад̇и д̇ад̇т̇зва тид̇аа.
Niviṭṭhāti antopaviṭṭhā. Patiṭṭhitāti tattheva ṭhitā.
60. звам̣ нивидтаа жа ‘‘д̇з ваад̣̇агаамаа’’д̇и д̣̇уд̇ияаг̇аат̇аа. д̇ад̇т̇а б̣аалам̣ д̣̇аханд̇ий мит̇у ан̃н̃аман̃н̃анд̇и ‘‘аяам̣ б̣аало, аяам̣ б̣аало’’д̇и звам̣ д̣̇взби ж̇анаа ан̃н̃аман̃н̃ам̣ б̣аалам̣ д̣̇аханд̇и, б̣аалад̇о бассанд̇и. вад̣̇анд̇и д̇з ан̃н̃асид̇аа гат̇ож̇ж̇анд̇и д̇з ан̃н̃аман̃н̃асад̇т̇аараад̣̇иниссид̇аа галахам̣ вад̣̇анд̇и. басам̣сагаамаа гусалаавад̣̇аанаад̇и басам̣сад̇т̇игаа убхоби ‘‘маяам̣ гусалаавад̣̇аанаа бан̣д̣ид̇аваад̣̇аа’’д̇и звам̣ сан̃н̃ино худ̇ваа.
60. Evaṃ niviṭṭhā ca ‘‘te vādakāmā’’ti dutiyagāthā. Tattha bālaṃ dahantī mithu aññamaññanti ‘‘ayaṃ bālo, ayaṃ bālo’’ti evaṃ dvepi janā aññamaññaṃ bālaṃ dahanti, bālato passanti. Vadanti te aññasitā kathojjanti te aññamaññasatthārādinissitā kalahaṃ vadanti. Pasaṃsakāmā kusalāvadānāti pasaṃsatthikā ubhopi ‘‘mayaṃ kusalāvadānā paṇḍitavādā’’ti evaṃ saññino hutvā.
ваад̣̇ад̇т̇игаад̇и ваад̣̇зна ад̇т̇игаа. ваад̣̇аад̇хиббааяаад̇и ваад̣̇аж̇жхаасаяаа. ваад̣̇абурзгкаараад̇и ваад̣̇амзва бурад̇о гад̇ваа жарамаанаа . ваад̣̇абариязсанам̣ жаранд̇аад̇и ваад̣̇амзва г̇авзсанам̣ жарамаанаа. виг̇аяхаад̇и бависид̇ваа. ог̇аяхаад̇и од̇арид̇ваа. аж̇жхог̇аахзд̇ваад̇и нимуж̇ж̇ид̇ваа. бависид̇ваад̇и анд̇огад̇ваа.
Vādatthikāti vādena atthikā. Vādādhippāyāti vādajjhāsayā. Vādapurekkhārāti vādameva purato katvā caramānā . Vādapariyesanaṃ carantāti vādameva gavesanaṃ caramānā. Vigayhāti pavisitvā. Ogayhāti otaritvā. Ajjhogāhetvāti nimujjitvā. Pavisitvāti antokatvā.
анож̇аванд̇ийд̇и нихийнаож̇авад̇ий, д̇зж̇авирахид̇аад̇и ад̇т̇о. саа гат̇аад̇и зсаа ваажаа. гат̇ож̇ж̇ам̣ вад̣̇анд̇ийд̇и нид̇д̇зж̇ам̣ бхан̣анд̇и. звам̣ вад̣̇аанзсу жа д̇зсу зго нияамад̇о зва.
Anojavantīti nihīnaojavatī, tejavirahitāti attho. Sā kathāti esā vācā. Kathojjaṃ vadantīti nittejaṃ bhaṇanti. Evaṃ vadānesu ca tesu eko niyamato eva.
61. яуд̇д̇о гат̇ааяанд̇и г̇аат̇аа. д̇ад̇т̇а яуд̇д̇о гат̇ааяанд̇и ваад̣̇агат̇ааяа уссугго. басам̣самижчам̣ винигхаад̇и ход̇ийд̇и ад̇д̇ано басам̣сам̣ ижчанд̇о ‘‘гат̇ам̣ ну ко ниг̇г̇ахзссаамий’’д̇иаад̣̇инаа наязна буб̣б̣зва ваад̣̇аа гат̇ам̣гат̇ий винигхаад̇ий ход̇и. абаахад̇асминд̇и бан̃хавиймам̣сагзхи ‘‘ад̇т̇аабаг̇ад̇ам̣ д̇з бхан̣ид̇ам̣, б̣яан̃ж̇анаабаг̇ад̇ам̣ д̇з бхан̣ид̇а’’нд̇иаад̣̇инаа наязна абахарид̇з ваад̣̇з. нинд̣̇ааяа со губбад̇ийд̇и звам̣ абаахад̇асмин̃жа ваад̣̇з уббаннааяа нинд̣̇ааяа со губбад̇и. ранд̇хамзсийд̇и яасса ранд̇хамзва г̇авзсанд̇о.
61.Yutto kathāyanti gāthā. Tattha yutto kathāyanti vādakathāya ussukko. Pasaṃsamicchaṃ vinighāti hotīti attano pasaṃsaṃ icchanto ‘‘kathaṃ nu kho niggahessāmī’’tiādinā nayena pubbeva vādā kathaṃkathī vinighātī hoti. Apāhatasminti pañhavīmaṃsakehi ‘‘atthāpagataṃ te bhaṇitaṃ, byañjanāpagataṃ te bhaṇita’’ntiādinā nayena apaharite vāde. Nindāya so kuppatīti evaṃ apāhatasmiñca vāde uppannāya nindāya so kuppati. Randhamesīti yassa randhameva gavesanto.
т̇омананд̇и ван̣н̣абхан̣анам̣. гид̇д̇инд̇и баагадагаран̣ам̣. ван̣н̣ахаарияанд̇и г̇ун̣авад̣дханам̣. буб̣б̣зва саллаабаад̇и саллаабад̇о бурзд̇арамзва. ‘‘гат̇амид̣̇ам̣ гат̇амид̣̇а’’нд̇и гат̇ам̣гат̇аа асса ад̇т̇ийд̇и гат̇ам̣гат̇ий. ж̇аяо ну ко мзд̇и мама ж̇аяо. гат̇ам̣ ниг̇г̇аханд̇и гзна багаарзна ниг̇г̇ан̣ханам̣. бадигаммам̣ гариссаамийд̇и мама лад̣̇д̇хим̣ барисуд̣̇д̇хим̣ гариссаами. висзсанд̇и ад̇ирзгам̣. бадивисзсанд̇и бунаббунам̣ висзсам̣. аавзтияам̣ гариссаамийд̇и баривзтанам̣ гариссаами. ниб̣б̣зтияанд̇и мама ниб̣б̣зтанам̣ можанам̣ нигкаманам̣. чзд̣̇анд̇и ваад̣̇ачинд̣̇анам̣. ман̣д̣аланд̇и ваад̣̇асан̇гхаад̇ам̣. баарисаж̇ж̇аад̇и барижааригаа. баасааригаад̇и гааран̣ид̇аа. абахаранд̇ийд̇и бадиб̣ааханд̇и.
Thomananti vaṇṇabhaṇanaṃ. Kittinti pākaṭakaraṇaṃ. Vaṇṇahāriyanti guṇavaḍḍhanaṃ. Pubbeva sallāpāti sallāpato puretarameva. ‘‘Kathamidaṃ kathamida’’nti kathaṃkathā assa atthīti kathaṃkathī. Jayo nu kho meti mama jayo. Kathaṃ niggahanti kena pakārena niggaṇhanaṃ. Paṭikammaṃ karissāmīti mama laddhiṃ parisuddhiṃ karissāmi. Visesanti atirekaṃ. Paṭivisesanti punappunaṃ visesaṃ. Āveṭhiyaṃ karissāmīti pariveṭhanaṃ karissāmi. Nibbeṭhiyanti mama nibbeṭhanaṃ mocanaṃ nikkhamanaṃ. Chedanti vādachindanaṃ. Maṇḍalanti vādasaṅghātaṃ. Pārisajjāti paricārikā. Pāsārikāti kāraṇitā. Apaharantīti paṭibāhanti.
ад̇т̇аабаг̇ад̇анд̇и ад̇т̇ад̇о абаг̇ад̇ам̣ , ад̇т̇о над̇т̇ийд̇и. ад̇т̇ад̇о абахаранд̇ийд̇и ад̇т̇амхаа бадиб̣ааханд̇и. ад̇т̇о д̇з д̣̇уннид̇од̇и д̇ава ад̇т̇о на саммаа убанийд̇о. б̣яан̃ж̇анам̣ д̇з д̣̇уробид̇анд̇и д̇ава б̣яан̃ж̇анам̣ д̣̇уббад̇идтаабид̇ам̣. ниг̇г̇ахо д̇з агад̇од̇и д̇аяаа ниг̇г̇ахо на гад̇о. бадигаммам̣ д̇з д̣̇уггаданд̇и д̇аяаа ад̇д̇ано лад̣̇д̇хибад̇идтаабанам̣ д̣̇удту гад̇ам̣. висамагат̇ам̣ д̣̇уггат̇ид̇анд̇и на саммаа гат̇ид̇ам̣. д̣̇уб̣бхан̣ид̇анд̇и бхан̣анд̇знаби д̣̇удту бхан̣ид̇ам̣. д̣̇уллабид̇анд̇и на саммаа виссаж̇ж̇ид̇ам̣. д̣̇уруд̇д̇анд̇и ан̃н̃ат̇аа бхан̣ид̇ам̣. д̣̇уб̣бхаасид̇анд̇и вируубам̣ бхаасид̇ам̣.
Atthāpagatanti atthato apagataṃ , attho natthīti. Atthato apaharantīti atthamhā paṭibāhanti. Attho te dunnitoti tava attho na sammā upanīto. Byañjanaṃ te duropitanti tava byañjanaṃ duppatiṭṭhāpitaṃ. Niggaho te akatoti tayā niggaho na kato. Paṭikammaṃ te dukkaṭanti tayā attano laddhipatiṭṭhāpanaṃ duṭṭhu kataṃ. Visamakathaṃ dukkathitanti na sammā kathitaṃ. Dubbhaṇitanti bhaṇantenapi duṭṭhu bhaṇitaṃ. Dullapitanti na sammā vissajjitaṃ. Duruttanti aññathā bhaṇitaṃ. Dubbhāsitanti virūpaṃ bhāsitaṃ.
нинд̣̇ааяаад̇и г̇арахан̣зна. г̇арахааяаад̇и д̣̇осагат̇анзна. агид̇д̇ияаад̇и аг̇ун̣агат̇анзна. аван̣н̣ахааригааяаад̇и аг̇ун̣авад̣дханзна.
Nindāyāti garahaṇena. Garahāyāti dosakathanena. Akittiyāti aguṇakathanena. Avaṇṇahārikāyāti aguṇavaḍḍhanena.
губбад̇ийд̇и багад̇ибхаавам̣ ж̇ахзд̇ваа жалад̇и. б̣яаабаж̇ж̇ад̇ийд̇и д̣̇осавасзна бууд̇ибхаавам̣ аабаж̇ж̇ад̇и. бад̇идтийяад̇ийд̇и год̇хавасзна г̇ан̣абхаавам̣ г̇ажчад̇и. гобан̃жаад̇и губид̇абхаавам̣. д̣̇осан̃жаад̇и д̣̇уусанам̣. абажжаяан̃жаад̇и ад̇удтаагааран̃жа. баад̇угарод̇ийд̇и баагадам̣ гарод̇и. ранд̇хамзсийд̇и анд̇араг̇авзсий. виранд̇хамзсийд̇и чид̣̇д̣̇аг̇авзсий. абарад̣̇д̇хамзсийд̇и г̇ун̣ам̣ абанзд̇ваа д̣̇осамзва г̇авзсий. калид̇амзсийд̇и багкаланаг̇авзсий. г̇ал̣ид̇амзсийд̇и бад̇анаг̇авзсий. ‘‘гхаддид̇амзсий’’д̇иби баато, д̇асса бийл̣анаг̇авзсийд̇и ад̇т̇о. виварамзсийд̇и д̣̇осаг̇авзсий.
Kuppatīti pakatibhāvaṃ jahetvā calati. Byāpajjatīti dosavasena pūtibhāvaṃ āpajjati. Patiṭṭhīyatīti kodhavasena gaṇabhāvaṃ gacchati. Kopañcāti kupitabhāvaṃ. Dosañcāti dūsanaṃ. Apaccayañcāti atuṭṭhākārañca. Pātukarotīti pākaṭaṃ karoti. Randhamesīti antaragavesī. Virandhamesīti chiddagavesī. Aparaddhamesīti guṇaṃ apanetvā dosameva gavesī. Khalitamesīti pakkhalanagavesī. Gaḷitamesīti patanagavesī. ‘‘Ghaṭṭitamesī’’tipi pāṭho, tassa pīḷanagavesīti attho. Vivaramesīti dosagavesī.
62. на гзвалан̃жа со губбад̇и, абижа ко бана ‘‘яамасса ваад̣̇а’’нд̇и г̇аат̇аа. д̇ад̇т̇а барихийнамааху, абаахад̇анд̇и ад̇т̇аб̣яан̃ж̇анаад̣̇ид̇о абаахад̇ам̣ барихийнам̣ вад̣̇анд̇и. барид̣̇звад̇ийд̇и д̇ад̇онимид̇д̇ам̣ со ‘‘ан̃н̃ам̣ маяаа ааваж̇ж̇ид̇а’’нд̇иаад̣̇ийхи виббалабад̇и. сожад̇ийд̇и ‘‘д̇асса ж̇аяо’’д̇иаад̣̇ийни аараб̣бха сожад̇и. ‘‘убажжаг̇аа ма’’нд̇и ануд̇т̇унаад̇ийд̇и ‘‘со мам̣ ваад̣̇зна ваад̣̇ам̣ ад̇игганд̇о’’д̇иаад̣̇инаа наязна судтуд̇арам̣ виббалабад̇и.
62. Na kevalañca so kuppati, apica kho pana ‘‘yamassa vāda’’nti gāthā. Tattha parihīnamāhu, apāhatanti atthabyañjanādito apāhataṃ parihīnaṃ vadanti. Paridevatīti tatonimittaṃ so ‘‘aññaṃ mayā āvajjita’’ntiādīhi vippalapati. Socatīti ‘‘tassa jayo’’tiādīni ārabbha socati. ‘‘Upaccagā ma’’nti anutthunātīti ‘‘so maṃ vādena vādaṃ atikkanto’’tiādinā nayena suṭṭhutaraṃ vippalapati.
барихаабид̇анд̇и на вад̣дхид̇ам̣. ан̃н̃ам̣ маяаа ааваж̇ж̇ид̇анд̇и ан̃н̃ам̣ гааран̣ам̣ маяаа аванамид̇ам̣. жинд̇ид̇анд̇и виймам̣сид̇ам̣. махаабагкод̇и маханд̇о н̃аад̇ибагко зд̇ассаад̇и махаабагко. махаабарисод̇и махаабарижааригабарисо. махаабариваарод̇и махаад̣̇аасад̣̇аасибаривааро. барисаа жааяам̣ ваг̇г̇аад̇и аяан̃жа барисаа ваг̇г̇аа, на згаа. буна бхан̃ж̇иссаамийд̇и буна бхинд̣̇иссаами.
Parihāpitanti na vaḍḍhitaṃ. Aññaṃ mayā āvajjitanti aññaṃ kāraṇaṃ mayā avanamitaṃ. Cintitanti vīmaṃsitaṃ. Mahāpakkhoti mahanto ñātipakkho etassāti mahāpakkho. Mahāparisoti mahāparicārikapariso. Mahāparivāroti mahādāsadāsiparivāro. Parisā cāyaṃ vaggāti ayañca parisā vaggā, na ekā. Puna bhañjissāmīti puna bhindissāmi.
63. зд̇з виваад̣̇аа саман̣зсууд̇и зд̇т̇а бана саман̣аа вужжанд̇и б̣аахирабариб̣б̣ааж̇агаа. зд̇зсу уг̇гхаад̇инигхаад̇и ход̇ийд̇и зд̇зсу ваад̣̇зсу ж̇аяабарааж̇аяаад̣̇ивасзна жид̇д̇ауг̇гхаад̇анигхаад̇ам̣ ваа баабун̣анд̇о уг̇гхаад̇и жа нигхаад̇и жа ход̇и. вирамз гат̇ож̇ж̇анд̇и баж̇ахзяяа галахам̣. на хан̃н̃ад̣̇ад̇т̇ад̇т̇и басам̣салаабхаад̇и на хи зд̇т̇а басам̣салаабхад̇о ан̃н̃о ад̇т̇о ад̇т̇и. уд̇д̇аано ваад̇и на г̇амбхийрод̇и ад̇т̇о ‘‘бан̃жимз гаамаг̇ун̣аа’’д̇иаад̣̇ийсу (а. ни. 6.63) вияа.
63.Etevivādā samaṇesūti ettha pana samaṇā vuccanti bāhiraparibbājakā. Etesu ugghātinighāti hotīti etesu vādesu jayaparājayādivasena cittaugghātanighātaṃ vā pāpuṇanto ugghāti ca nighāti ca hoti. Virame kathojjanti pajaheyya kalahaṃ. Na haññadatthatthi pasaṃsalābhāti na hi ettha pasaṃsalābhato añño attho atthi. Uttāno vāti na gambhīroti attho ‘‘pañcime kāmaguṇā’’tiādīsu (a. ni. 6.63) viya.
г̇амбхийро ваад̇и д̣̇уббавзсо аббад̇идто бадижжасамуббаад̣̇о вияа. г̇уул̣хо ваад̇и бадижчанно худ̇ваа тид̇о ‘‘абхирама нанд̣̇а ахам̣ д̇з баадибхог̇о’’д̇иаад̣̇ийсу (уд̣̇аа. 22) вияа. бадижчанно ваад̇и абаагадо ‘‘маад̇арам̣ бид̇арам̣ ханд̇ваа’’д̇иаад̣̇ийсу (д̇ха. ба. 294; нзд̇д̇и. 113) вияа. нзяяо ваад̇и нийхарид̇ваа гат̇зд̇аб̣б̣о ‘‘асад̣̇д̇хо агад̇ан̃н̃уу жаа’’д̇иаад̣̇ийсу (д̇ха. ба. 97) вияа. нийд̇о ваад̇и баал̣ияаа тид̇анияаамзна гат̇зд̇аб̣б̣о ‘‘жад̇д̇ааромз, бхигкавз, арияавам̣саа’’д̇иаад̣̇ийсу (а. ни. 4.28) вияа. анаваж̇ж̇о ваад̇и нид̣̇д̣̇осад̇т̇о ‘‘гусалаа д̇хаммаа’’д̇иаад̣̇ийсу (д̇ха. са. д̇игамаад̇игаа 1) вияа. ниггилзсо ваад̇и гилзсавирахид̇о вибассанаа вияа. вод̣̇аано ваад̇и барисуд̣̇д̇хо логуд̇д̇арам̣ вияа. барамад̇т̇о ваад̇и уд̇д̇амад̇т̇о уд̇д̇амад̇т̇абхууд̇о ад̇т̇о канд̇хад̇хаад̇уааяад̇ананиб̣б̣аанаани вияа.
Gambhīro vāti duppaveso appatiṭṭho paṭiccasamuppādo viya. Gūḷho vāti paṭicchanno hutvā ṭhito ‘‘abhirama nanda ahaṃ te pāṭibhogo’’tiādīsu (udā. 22) viya. Paṭicchanno vāti apākaṭo ‘‘mātaraṃ pitaraṃ hantvā’’tiādīsu (dha. pa. 294; netti. 113) viya. Neyyo vāti nīharitvā kathetabbo ‘‘asaddho akataññū cā’’tiādīsu (dha. pa. 97) viya. Nīto vāti pāḷiyā ṭhitaniyāmena kathetabbo ‘‘cattārome, bhikkhave, ariyavaṃsā’’tiādīsu (a. ni. 4.28) viya. Anavajjo vāti niddosattho ‘‘kusalā dhammā’’tiādīsu (dha. sa. tikamātikā 1) viya. Nikkileso vāti kilesavirahito vipassanā viya. Vodānovāti parisuddho lokuttaraṃ viya. Paramattho vāti uttamattho uttamatthabhūto attho khandhadhātuāyatananibbānāni viya.
64. чадтаг̇аат̇ааяад̇т̇о – яасмаа жа на хан̃н̃ад̣̇ад̇т̇ад̇т̇и басам̣салаабхаа, д̇асмаа барамам̣ лаабхам̣ лабханд̇оби ‘‘сунд̣̇аро аяа’’нд̇и д̇ад̇т̇а д̣̇идтияаа басам̣сид̇о ваа бана ход̇ийд̇и д̇ам̣ ваад̣̇ам̣ барисааяа маж̇жхз д̣̇ийбзд̇ваа д̇ад̇о со д̇зна ж̇аяад̇т̇зна д̇удтим̣ ваа д̣̇анд̇авид̣̇ам̣сагам̣ ваа аабаж̇ж̇анд̇о хассад̇и, маанзна жа уннамад̇и. гим̣ гааран̣ам̣? яасмаа д̇ам̣ ж̇аяад̇т̇ам̣ баббуяяа яат̇аамано ж̇аад̇о.
64. Chaṭṭhagāthāyattho – yasmā ca na haññadatthatthi pasaṃsalābhā, tasmā paramaṃ lābhaṃ labhantopi ‘‘sundaro aya’’nti tattha diṭṭhiyā pasaṃsito vā pana hotīti taṃ vādaṃ parisāya majjhe dīpetvā tato so tena jayatthena tuṭṭhiṃ vā dantavidaṃsakaṃ vā āpajjanto hassati, mānena ca unnamati. Kiṃ kāraṇaṃ? Yasmā taṃ jayatthaṃ pappuyya yathāmano jāto.
т̇амбхаяид̇ваад̇и буурзд̇ваа. б̣руухаяид̇ваад̇и вад̣дхзд̇ваа. имиссаа г̇аат̇ааяа нид̣̇д̣̇зсо уд̇д̇аанад̇т̇о.
Thambhayitvāti pūretvā. Brūhayitvāti vaḍḍhetvā. Imissā gāthāya niddeso uttānattho.
65. звам̣ уннамад̇о жа ‘‘яаа уннад̇ий’’д̇и г̇аат̇аа. д̇ад̇т̇а маанаад̇имаанам̣ вад̣̇ад̇з банзсод̇и зсо бана д̇ам̣ уннад̇им̣ ‘‘вигхаад̇абхуумий’’д̇и аб̣уж̇жхамаано маанан̃жа ад̇имаанан̃жа вад̣̇ад̇и. звам̣ имиссааби г̇аат̇ааяа нид̣̇д̣̇зсо уд̇д̇аанад̇т̇о.
65. Evaṃ unnamato ca ‘‘yā unnatī’’ti gāthā. Tattha mānātimānaṃ vadate panesoti eso pana taṃ unnatiṃ ‘‘vighātabhūmī’’ti abujjhamāno mānañca atimānañca vadati. Evaṃ imissāpi gāthāya niddeso uttānattho.
66. звам̣ ваад̣̇з д̣̇осам̣ д̣̇ассзд̇ваа ид̣̇аани д̇асса ваад̣̇ам̣ асамбадижчанд̇о ‘‘сууро’’д̇и г̇аат̇амааха. д̇ад̇т̇а рааж̇акаад̣̇ааяаад̇и рааж̇акаад̣̇анийязна, бхад̇д̇авзд̇анзнаад̇и вуд̇д̇ам̣ ход̇и. абхиг̇аж̇ж̇амзд̇и бадисуурамижчанд̇и яат̇аа со бадисуурам̣ ижчанд̇о абхиг̇аж̇ж̇анд̇о зд̇и, звам̣ д̣̇идтиг̇ад̇иго д̣̇идтиг̇ад̇иганд̇и д̣̇ассзд̇и. язнзва со д̇зна балзхийд̇и язна со д̇уяхам̣ бадисууро, д̇зна г̇ажча. буб̣б̣зва над̇т̇и яад̣̇ид̣̇ам̣ яуд̇хааяаад̇и яам̣ бана гилзсаж̇аад̇ам̣ яуд̣̇д̇хааяа сияаа, д̇ам̣ ид̇ха буб̣б̣зва над̇т̇и, б̣од̇химуулзязвасса бахийнанд̇и д̣̇ассзд̇и.
66. Evaṃ vāde dosaṃ dassetvā idāni tassa vādaṃ asampaṭicchanto ‘‘sūro’’ti gāthamāha. Tattha rājakhādāyāti rājakhādanīyena, bhattavetanenāti vuttaṃ hoti. Abhigajjameti paṭisūramicchanti yathā so paṭisūraṃ icchanto abhigajjanto eti, evaṃ diṭṭhigatiko diṭṭhigatikanti dasseti. Yeneva so tena palehīti yena so tuyhaṃ paṭisūro, tena gaccha. Pubbeva natthi yadidaṃ yudhāyāti yaṃ pana kilesajātaṃ yuddhāya siyā, taṃ idha pubbeva natthi, bodhimūleyevassa pahīnanti dasseti.
суурод̇и нид̣̇д̣̇зсасса уд̣̇д̣̇зсабад̣̇ам̣. судту уро сууро, виссадтауро ниннаурод̇и ад̇т̇о. вийрод̇и бараггамаванд̇о. вигганд̇од̇и сан̇г̇аамам̣ бависанд̇о. абхийрууд̇иаад̣̇аяо вуд̇д̇анаяаа зва. будтод̇и нид̣̇д̣̇зсасса уд̣̇д̣̇зсабад̣̇ам̣. босид̇од̇и т̇уулагад̇о. аабаад̣̇ид̇од̇и убад̣дхаб̣алид̇о бадибаад̣̇ид̇о. вад̣дхид̇од̇и д̇ад̇о д̇ад̇о бхаавид̇о.
Sūroti niddesassa uddesapadaṃ. Suṭṭhu uro sūro, vissaṭṭhauro ninnauroti attho. Vīroti parakkamavanto. Vikkantoti saṅgāmaṃ pavisanto. Abhīrūtiādayo vuttanayā eva. Puṭṭhoti niddesassa uddesapadaṃ. Positoti thūlakato. Āpāditoti upaḍḍhabalito paṭipādito. Vaḍḍhitoti tato tato bhāvito.
г̇аж̇ж̇анд̇од̇и аб̣яад̇д̇асарзна г̇аж̇ж̇анд̇о. уг̇г̇аж̇ж̇анд̇од̇и уггудтим̣ гаронд̇о. абхиг̇аж̇ж̇анд̇од̇и сийханаад̣̇ам̣ гаронд̇о. зд̇ийд̇и ааг̇ажчад̇и. убзд̇ийд̇и д̇ад̇о самийбам̣ г̇ажчад̇и. убаг̇ажчад̇ийд̇и д̇ад̇о самийбам̣ г̇анд̇ваа на нивад̇д̇ад̇и. бадисууранд̇и ниб̣бхаяам̣. бадибурисанд̇и сад̇д̇убурисам̣. бадисад̇д̇унд̇и сад̇д̇у худ̇ваа абхимукз тид̇ам̣. бадималланд̇и бадисзд̇хам̣ худ̇ваа яуж̇жханд̇ам̣. ижчанд̇од̇и ааган̇камаано.
Gajjantoti abyattasarena gajjanto. Uggajjantoti ukkuṭṭhiṃ karonto. Abhigajjantoti sīhanādaṃ karonto. Etīti āgacchati. Upetīti tato samīpaṃ gacchati. Upagacchatīti tato samīpaṃ gantvā na nivattati. Paṭisūranti nibbhayaṃ. Paṭipurisanti sattupurisaṃ. Paṭisattunti sattu hutvā abhimukhe ṭhitaṃ. Paṭimallanti paṭisedhaṃ hutvā yujjhantaṃ. Icchantoti ākaṅkhamāno.
балзхийд̇и г̇ажча. важ̇аад̇и маа д̇идта. г̇ажчаад̇и самийбам̣ убасан̇гама. абхиггамаад̇и бараггамам̣ гарохи.
Palehīti gaccha. Vajāti mā tiṭṭha. Gacchāti samīpaṃ upasaṅkama. Abhikkamāti parakkamaṃ karohi.
б̣од̇хияаа муулзд̇и махааб̣од̇хиругкасса самийбз. яз бадисзнигараа гилзсаад̇и яз гилзсаа бадибагкагараа. бадиломагараад̇и бадаан̣ийгараа. бадиган̣дагагараад̇и винивиж̇жханагараа. бадибагкагараад̇и сад̇д̇угараа.
Bodhiyā mūleti mahābodhirukkhassa samīpe. Ye paṭisenikarā kilesāti ye kilesā paṭipakkhakarā. Paṭilomakarāti paṭāṇīkarā. Paṭikaṇṭakakarāti vinivijjhanakarā. Paṭipakkhakarāti sattukarā.
67. ид̇о барам̣ сзсаг̇аат̇аа баагадасамб̣анд̇хаа зва. д̇ад̇т̇а виваад̣̇аяанд̇ийд̇и вивад̣̇анд̇и. бадисзнигад̇д̇аад̇и бадиломагаарагаа. ‘‘на д̇вам̣ имам̣ д̇хаммавинаяам̣ ааж̇аанаасий’’д̇иаад̣̇инаа наязна вируд̣̇д̇хаважанам̣ виваад̣̇о.
67. Ito paraṃ sesagāthā pākaṭasambandhā eva. Tattha vivādayantīti vivadanti. Paṭisenikattāti paṭilomakārakā. ‘‘Na tvaṃ imaṃ dhammavinayaṃ ājānāsī’’tiādinā nayena viruddhavacanaṃ vivādo.
сахид̇ам̣ мзд̇и мама важанам̣ ад̇т̇асам̣хид̇ам̣. асахид̇ам̣ д̇зд̇и д̇ава важанам̣ анад̇т̇асам̣хид̇ам̣. ад̇хижин̣н̣ам̣ д̇з вибараавад̇д̇анд̇и яам̣ д̇ам̣ ад̇хижин̣н̣ам̣ жирагааласзванавасзна баг̇ун̣ам̣, д̇ам̣ мама ваад̣̇ам̣ ааг̇амма нивад̇д̇ам̣. ааробид̇о д̇з ваад̣̇од̇и д̇уяхам̣ убари маяаа д̣̇осо ааробид̇о. жара ваад̣̇аббамогкааяаад̇и бхад̇д̇абудам̣ аад̣̇ааяа д̇ам̣ д̇ам̣ убасан̇гамид̇ваа ваад̣̇аа бамогкад̇т̇ааяа уд̇д̇арам̣ бариязсамаано вижара. ниб̣б̣зтзхи ваад̇и ат̇а ваа маяаа ааробид̇ад̣̇осад̇о ад̇д̇аанам̣ можзхи. сажз бахосийд̇и сажз саггоси.
Sahitaṃ meti mama vacanaṃ atthasaṃhitaṃ. Asahitaṃ teti tava vacanaṃ anatthasaṃhitaṃ. Adhiciṇṇaṃ te viparāvattanti yaṃ taṃ adhiciṇṇaṃ cirakālasevanavasena paguṇaṃ, taṃ mama vādaṃ āgamma nivattaṃ. Āropito te vādoti tuyhaṃ upari mayā doso āropito. Cara vādappamokkhāyāti bhattapuṭaṃ ādāya taṃ taṃ upasaṅkamitvā vādā pamokkhatthāya uttaraṃ pariyesamāno vicara. Nibbeṭhehi vāti atha vā mayā āropitadosato attānaṃ mocehi. Sace pahosīti sace sakkosi.
аавзтияааяа аавзтияанд̇и аавзтзд̇ваа нивад̇д̇анзна нивад̇д̇анам̣. ниб̣б̣зтияааяа ниб̣б̣зтияанд̇и д̣̇осад̇о можанзна можанам̣. чзд̣̇зна чзд̣̇анд̇и звамаад̣̇и хздтаа вуд̇д̇анаяад̇д̇аа яат̇ааяог̇ам̣ яож̇зд̇аб̣б̣ам̣.
Āveṭhiyāya āveṭhiyanti āveṭhetvā nivattanena nivattanaṃ. Nibbeṭhiyāya nibbeṭhiyanti dosato mocanena mocanaṃ. Chedena chedanti evamādi heṭṭhā vuttanayattā yathāyogaṃ yojetabbaṃ.
68. висзнигад̇ваад̇и гилзсасзнам̣ винаасзд̇ваа. гим̣ лабхзт̇аад̇и бадималлам̣ гим̣ лабхиссаси. басуураад̇и д̇ам̣ бариб̣б̣ааж̇агам̣ аалабад̇и. язсийд̇ха над̇т̇ийд̇и язсам̣ ид̇ха над̇т̇и. имааяаби г̇аат̇ааяа нид̣̇д̣̇зсо уд̇д̇аанад̇т̇оязва.
68.Visenikatvāti kilesasenaṃ vināsetvā. Kiṃ labhethāti paṭimallaṃ kiṃ labhissasi. Pasūrāti taṃ paribbājakaṃ ālapati. Yesīdha natthīti yesaṃ idha natthi. Imāyapi gāthāya niddeso uttānatthoyeva.
69. бавид̇агганд̇и ‘‘ж̇аяо ну ко мз бхависсад̇ий’’д̇иаад̣̇ийни вид̇аггзнд̇о. д̇хонзна яуг̇ам̣ самааг̇амаад̇и д̇худ̇агилзсзна б̣уд̣̇д̇хзна сад̣̇д̇хим̣ яуг̇аг̇г̇аахам̣ самаабанно. на хи д̇вам̣ сагкаси самбаяаад̇авзд̇и год̇т̇уаад̣̇аяо вияа сийхаад̣̇ийхи д̇хонзна саха яуг̇ам̣ г̇ахзд̇ваа згабад̣̇амби самбаяаад̇ум̣ яуг̇аг̇г̇аахамзва ваа самбаад̣̇зд̇ум̣ на сагкиссасийд̇и.
69.Pavitakkanti ‘‘jayo nu kho me bhavissatī’’tiādīni vitakkento. Dhonena yugaṃ samāgamāti dhutakilesena buddhena saddhiṃ yugaggāhaṃ samāpanno. Na hi tvaṃ sakkhasi sampayātaveti kotthuādayo viya sīhādīhi dhonena saha yugaṃ gahetvā ekapadampi sampayātuṃ yugaggāhameva vā sampādetuṃ na sakkhissasīti.
манод̇и нид̣̇д̣̇зсасса уд̣̇д̣̇зсабад̣̇ам̣. жид̇д̇анд̇и жид̇д̇ад̇ааяа жид̇д̇ам̣. ‘‘аарамман̣ам̣ минамаанам̣ ж̇аанаад̇ий’’д̇и мано. маанасанд̇и мано зва. ‘‘анд̇алигкажаро баасо, явааяам̣ жарад̇и маанасо’’д̇и (махаава. 33; сам̣. ни. 1.151) хи зд̇т̇а бана самбаяуд̇д̇агад̇хаммо маанасод̇и вуд̇д̇о.
Manoti niddesassa uddesapadaṃ. Cittanti cittatāya cittaṃ. ‘‘Ārammaṇaṃ minamānaṃ jānātī’’ti mano. Mānasanti mano eva. ‘‘Antalikkhacaro pāso, yvāyaṃ carati mānaso’’ti (mahāva. 33; saṃ. ni. 1.151) hi ettha pana sampayuttakadhammo mānasoti vutto.
‘‘гат̇ан̃хи бхаг̇аваа д̇уяхам̣, сааваго саасанз рад̇о;
‘‘Kathañhi bhagavā tuyhaṃ, sāvako sāsane rato;
аббад̇д̇амаанасо сзгко, гаалам̣гаяираа ж̇анзсуд̇аа’’д̇и. (сам̣. ни. 1.159) –
Appattamānaso sekkho, kālaṃkayirā janesutā’’ti. (saṃ. ni. 1.159) –
зд̇т̇а арахад̇д̇ам̣ маанасанд̇и вуд̇д̇ам̣. ид̇ха бана манова маанасам̣, б̣яан̃ж̇анавасзна хзд̇ам̣ бад̣̇ам̣ вад̣дхид̇ам̣.
Ettha arahattaṃ mānasanti vuttaṃ. Idha pana manova mānasaṃ, byañjanavasena hetaṃ padaṃ vaḍḍhitaṃ.
хад̣̇аяанд̇и жид̇д̇ам̣. ‘‘жид̇д̇ам̣ ваа д̇з кибиссаами, хад̣̇аяам̣ ваа д̇з паалзссаамий’’д̇и (су. ни. аал̣авагасуд̇д̇а; сам̣. ни. 1.237) зд̇т̇а уро хад̣̇аяанд̇и вуд̇д̇ам̣. ‘‘хад̣̇аяаа хад̣̇аяам̣ ман̃н̃з ан̃н̃ааяа д̇ажчад̇ий’’д̇и (ма. ни. 1.63) зд̇т̇а жид̇д̇ам̣. ‘‘ваггам̣ хад̣̇аяа’’нд̇и (д̣̇ий. ни. 2.377; ма. ни. 1.110; ку. баа. 3.д̣̇вад̇д̇им̣саагаара) зд̇т̇а хад̣̇аяавад̇т̇у. ид̇ха бана жид̇д̇амзва аб̣бханд̇арадтзна ‘‘хад̣̇аяа’’нд̇и вуд̇д̇ам̣. д̇амзва барисуд̣̇д̇хадтзна бан̣д̣арам̣, бхаван̇г̇ам̣ санд̇хааязд̇ам̣ вуд̇д̇ам̣. яат̇ааха ‘‘бабхассарамид̣̇ам̣, бхигкавз, жид̇д̇ам̣, д̇ан̃жа ко ааг̇анд̇угзхи убаггилзсзхи убаггилидта’’нд̇и (а. ни. 1.49). д̇ад̇о нигканд̇ад̇д̇аа бана агусаламби г̇ан̇г̇ааяа нигканд̇аа над̣̇ий г̇ан̇г̇аа вияа г̇од̇хааварид̇о нигканд̇аа г̇од̇хаавари вияа жа ‘‘бан̣д̣ара’’нд̇взва вуд̇д̇ам̣.
Hadayanti cittaṃ. ‘‘Cittaṃ vā te khipissāmi, hadayaṃ vā te phālessāmī’’ti (su. ni. āḷavakasutta; saṃ. ni. 1.237) ettha uro hadayanti vuttaṃ. ‘‘Hadayā hadayaṃ maññe aññāya tacchatī’’ti (ma. ni. 1.63) ettha cittaṃ. ‘‘Vakkaṃ hadaya’’nti (dī. ni. 2.377; ma. ni. 1.110; khu. pā. 3.dvattiṃsākāra) ettha hadayavatthu. Idha pana cittameva abbhantaraṭṭhena ‘‘hadaya’’nti vuttaṃ. Tameva parisuddhaṭṭhena paṇḍaraṃ, bhavaṅgaṃ sandhāyetaṃ vuttaṃ. Yathāha ‘‘pabhassaramidaṃ, bhikkhave, cittaṃ, tañca kho āgantukehi upakkilesehi upakkiliṭṭha’’nti (a. ni. 1.49). Tato nikkhantattā pana akusalampi gaṅgāya nikkhantā nadī gaṅgā viya godhāvarito nikkhantā godhāvari viya ca ‘‘paṇḍara’’ntveva vuttaṃ.
мано манааяад̇ананд̇и ид̇ха бана маног̇ахан̣ам̣ манассзва ааяад̇анабхаавад̣̇ийбанад̇т̇ам̣. д̇знзд̇ам̣ д̣̇ийбзд̇и ‘‘наяид̣̇ам̣ д̣̇звааяад̇анам̣ вияа манасса ааяад̇анад̇д̇аа манааяад̇анам̣, ат̇а ко мано зва ааяад̇анам̣ манааяад̇ана’’нд̇и. д̇ад̇т̇а ниваасадтаанадтзна аагарадтзна самосаран̣адтаанадтзна сан̃ж̇аад̇ид̣̇зсадтзна гааран̣адтзна жа ааяад̇анам̣ взд̣̇ид̇аб̣б̣ам̣. д̇ат̇аа хи логз ‘‘иссарааяад̇анам̣ ваасуд̣̇звааяад̇ана’’нд̇иаад̣̇ийсу ниваасадтаанам̣ ааяад̇ананд̇и вужжад̇и . ‘‘суван̣н̣ааяад̇анам̣ раж̇ад̇ааяад̇ана’’нд̇иаад̣̇ийсу аагаро. саасанз бана ‘‘манорамз ааяад̇анз, сзванд̇и нам̣ вихан̇г̇амаа’’д̇иаад̣̇ийсу (а. ни. 5.38) самосаран̣адтаанам̣. ‘‘д̣̇агкин̣аабат̇о г̇уннам̣ ааяад̇ана’’нд̇иаад̣̇ийсу сан̃ж̇аад̇ид̣̇зсо. ‘‘д̇ад̇ра д̇ад̇рзва сагкибхаб̣б̣ад̇ам̣ баабун̣аад̇и сад̇и сад̇иааяад̇анз’’д̇иаад̣̇ийсу (а. ни. 3.102; ма. ни. 3.158) гааран̣ам̣. ид̇ха бана сан̃ж̇аад̇ид̣̇зсадтзна самосаран̣адтаанадтзна гааран̣адтзнаад̇и д̇ид̇хааби ваддад̇и.
Mano manāyatananti idha pana manogahaṇaṃ manasseva āyatanabhāvadīpanatthaṃ. Tenetaṃ dīpeti ‘‘nayidaṃ devāyatanaṃ viya manassa āyatanattā manāyatanaṃ, atha kho mano eva āyatanaṃ manāyatana’’nti. Tattha nivāsaṭṭhānaṭṭhena ākaraṭṭhena samosaraṇaṭṭhānaṭṭhena sañjātidesaṭṭhena kāraṇaṭṭhena ca āyatanaṃ veditabbaṃ. Tathā hi loke ‘‘issarāyatanaṃ vāsudevāyatana’’ntiādīsu nivāsaṭṭhānaṃ āyatananti vuccati . ‘‘Suvaṇṇāyatanaṃ rajatāyatana’’ntiādīsu ākaro. Sāsane pana ‘‘manorame āyatane, sevanti naṃ vihaṅgamā’’tiādīsu (a. ni. 5.38) samosaraṇaṭṭhānaṃ. ‘‘Dakkhiṇāpatho gunnaṃ āyatana’’ntiādīsu sañjātideso. ‘‘Tatra tatreva sakkhibhabbataṃ pāpuṇāti sati satiāyatane’’tiādīsu (a. ni. 3.102; ma. ni. 3.158) kāraṇaṃ. Idha pana sañjātidesaṭṭhena samosaraṇaṭṭhānaṭṭhena kāraṇaṭṭhenāti tidhāpi vaṭṭati.
пассаад̣̇аяо хи д̇хаммаа зд̇т̇а сан̃ж̇ааяанд̇ийд̇и сан̃ж̇аад̇ид̣̇зсадтзнаби зд̇ам̣ ааяад̇анам̣. б̣ахид̣̇д̇хаа руубасад̣̇д̣̇аг̇анд̇харасаподтаб̣б̣аа аарамман̣абхаавзнзд̇т̇а осаранд̇ийд̇и самосаран̣адтаанадтзнаби ааяад̇анам̣ . пассаад̣̇ийнам̣ бана сахаж̇аад̇аад̣̇ибажжаяадтзна гааран̣ад̇д̇аа гааран̣адтзнааби ааяад̇ананд̇и взд̣̇ид̇аб̣б̣ам̣. манинд̣̇рияам̣ вуд̇д̇ад̇т̇амзва.
Phassādayo hi dhammā ettha sañjāyantīti sañjātidesaṭṭhenapi etaṃ āyatanaṃ. Bahiddhā rūpasaddagandharasaphoṭṭhabbā ārammaṇabhāvenettha osarantīti samosaraṇaṭṭhānaṭṭhenapi āyatanaṃ . Phassādīnaṃ pana sahajātādipaccayaṭṭhena kāraṇattā kāraṇaṭṭhenāpi āyatananti veditabbaṃ. Manindriyaṃ vuttatthameva.
виж̇аанаад̇ийд̇и вин̃н̃аан̣ам̣. вин̃н̃аан̣амзва канд̇хо вин̃н̃аан̣агканд̇хо. д̇асса раасиаад̣̇ивасзна ад̇т̇о взд̣̇ид̇аб̣б̣о. ‘‘махаауд̣̇агагканд̇ход̇взва сан̇кам̣ г̇ажчад̇ий’’д̇и (а. ни. 4.51) зд̇т̇а хи раасадтзна канд̇хо вуд̇д̇о. ‘‘сийлагканд̇хо самаад̇хигканд̇хо’’д̇иаад̣̇ийсу (д̣̇ий. ни. 3.355) г̇ун̣адтзна. ‘‘ад̣̇д̣̇аса ко бхаг̇аваа маханд̇ам̣ д̣̇ааругканд̇ха’’нд̇и (сам̣. ни. 4.241) зд̇т̇а бан̣н̣ад̇д̇имад̇д̇адтзна. ид̇ха бана руул̣хид̇о канд̇хо вуд̇д̇о. раасадтзна хи вин̃н̃аан̣агканд̇хасса згад̣̇зсо згам̣ вин̃н̃аан̣ам̣. д̇асмаа яат̇аа ругкасса згад̣̇зсам̣ чинд̣̇анд̇о ругкам̣ чинд̣̇ад̇ийд̇и вужжад̇и, звамзва вин̃н̃аан̣агканд̇хасса згад̣̇зсабхууд̇ам̣ згамби вин̃н̃аан̣ам̣ руул̣хид̇о вин̃н̃аан̣агканд̇ход̇и вуд̇д̇ам̣.
Vijānātīti viññāṇaṃ. Viññāṇameva khandho viññāṇakkhandho. Tassa rāsiādivasena attho veditabbo. ‘‘Mahāudakakkhandhotveva saṅkhaṃ gacchatī’’ti (a. ni. 4.51) ettha hi rāsaṭṭhena khandho vutto. ‘‘Sīlakkhandho samādhikkhandho’’tiādīsu (dī. ni. 3.355) guṇaṭṭhena. ‘‘Addasa kho bhagavā mahantaṃ dārukkhandha’’nti (saṃ. ni. 4.241) ettha paṇṇattimattaṭṭhena. Idha pana rūḷhito khandho vutto. Rāsaṭṭhena hi viññāṇakkhandhassa ekadeso ekaṃ viññāṇaṃ. Tasmā yathā rukkhassa ekadesaṃ chindanto rukkhaṃ chindatīti vuccati, evameva viññāṇakkhandhassa ekadesabhūtaṃ ekampi viññāṇaṃ rūḷhito viññāṇakkhandhoti vuttaṃ.
д̇аж̇ж̇аа мановин̃н̃аан̣ад̇хаад̇ууд̇и д̇зсам̣ пассаад̣̇ийнам̣ д̇хаммаанам̣ анужчавигаа мановин̃н̃аан̣ад̇хаад̇у. имасмин̃хи бад̣̇з згамзва жид̇д̇ам̣ минанадтзна мано, виж̇аананадтзна вин̃н̃аан̣ам̣, сабхаавадтзна ниссад̇д̇адтзна ваа д̇хаад̇ууд̇и д̇ийхи наамзхи вуд̇д̇ам̣.
Tajjā manoviññāṇadhātūti tesaṃ phassādīnaṃ dhammānaṃ anucchavikā manoviññāṇadhātu. Imasmiñhi pade ekameva cittaṃ minanaṭṭhena mano, vijānanaṭṭhena viññāṇaṃ, sabhāvaṭṭhena nissattaṭṭhena vā dhātūti tīhi nāmehi vuttaṃ.
сад̣̇д̇хим̣ яуг̇ам̣ самааг̇аманд̇и згаббахаарзна сад̣̇д̇хим̣. саммааг̇анд̇ваад̇и баабун̣ид̇ваа. яуг̇аг̇г̇аахам̣ г̇ан̣хид̇ваад̇и яуг̇абадибхааг̇ам̣ г̇ахзд̇ваа. саагажчзд̇унд̇и сад̣̇д̇хим̣ гат̇зд̇ум̣. саллабид̇унд̇и аллаабасаллаабам̣ гаад̇ум̣. саагажчам̣ самаабаж̇ж̇ид̇унд̇и сад̣̇д̇хим̣ гат̇анам̣ бадибаж̇ж̇ид̇ум̣. на бадиб̣алабхаавз гааран̣ам̣ д̣̇ассзд̇ум̣ ‘‘д̇ам̣ гиссахзд̇у, басууро бариб̣б̣ааж̇аго хийно’’д̇иаад̣̇имааха. со хи бхаг̇аваа аг̇г̇о жаад̇и асад̣̇исад̣̇аанааг̇г̇ад̇д̇аа асамаанабан̃н̃ад̇д̇аа аг̇г̇о жа. сздто жаад̇и саб̣б̣аг̇ун̣зхи аббадисамадтзна сздто жа. могко жаад̇и саваасанзхи гилзсзхи муд̇д̇ад̇д̇аа могко жа. уд̇д̇амо жаад̇и ад̇д̇ано уд̇д̇арид̇аравирахид̇ад̇д̇аа уд̇д̇амо жа. баваро жаад̇и саб̣б̣алогзна абхибад̇т̇анийяад̇д̇аа баваро жа. мад̇д̇зна маад̇ан̇г̇знаад̇и бабхиннамад̣̇зна хад̇т̇инаа.
Saddhiṃ yugaṃ samāgamanti ekappahārena saddhiṃ. Sammāgantvāti pāpuṇitvā. Yugaggāhaṃ gaṇhitvāti yugapaṭibhāgaṃ gahetvā. Sākacchetunti saddhiṃ kathetuṃ. Sallapitunti allāpasallāpaṃ kātuṃ. Sākacchaṃ samāpajjitunti saddhiṃ kathanaṃ paṭipajjituṃ. Na paṭibalabhāve kāraṇaṃ dassetuṃ ‘‘taṃ kissahetu, pasūro paribbājako hīno’’tiādimāha. So hi bhagavā aggocāti asadisadānaaggattā asamānapaññattā aggo ca. Seṭṭho cāti sabbaguṇehi appaṭisamaṭṭhena seṭṭho ca. Mokkho cāti savāsanehi kilesehi muttattā mokkho ca. Uttamo cāti attano uttaritaravirahitattā uttamo ca. Pavaro cāti sabbalokena abhipatthanīyattā pavaro ca. Mattenamātaṅgenāti pabhinnamadena hatthinā.
год̇т̇угод̇и ж̇иран̣асин̇г̇аало. сийхзна миг̇аран̃н̃аа сад̣̇д̇хинд̇и гзсарасийхзна миг̇арааж̇зна саха. д̇арун̣агод̇и чаабаго. д̇хзнубагод̇и кийрабаго. усабхзнаад̇и ман̇г̇аласаммад̇зна усабхзна. жалагагунаа сад̣̇д̇хинд̇и жаламаанагагунаа сад̣̇д̇хим̣. д̇хан̇год̇и гааго. г̇арул̣зна взнад̇зяязна сад̣̇д̇хинд̇и зд̇т̇а г̇арул̣знаад̇и ж̇аад̇ивасзна наамам̣. взнад̇зяязнаад̇и г̇од̇д̇авасзна. жан̣д̣аалод̇и чаважан̣д̣аало. ран̃н̃аа жаггавад̇д̇инаад̇и жаад̇уд̣̇д̣̇ийбигажаггавад̇д̇инаа. бам̣субисаажагод̇и гажаварачад̣д̣анадтаанз ниб̣б̣ад̇д̇аго яагко. инд̣̇зна д̣̇зваран̃н̃аа сад̣̇д̇хинд̇и саггзна д̣̇зварааж̇зна саха. со хи бхаг̇аваа махаабан̃н̃од̇иаад̣̇ийни чаббад̣̇аани хздтаа вид̇т̇аарид̇аани. д̇ад̇т̇а бан̃н̃аабабхзд̣̇агусалод̇и ад̇д̇ано ананд̇авигаббз бан̃н̃аабхзд̣̇з чзго. бабхиннан̃аан̣од̇и ананд̇аббабхзд̣̇абад̇д̇ан̃аан̣о. зд̇зна бан̃н̃аабабхзд̣̇агусалад̇д̇зби сад̇и д̇аасам̣ бан̃н̃аанам̣ ананд̇абхзд̣̇ад̇д̇ам̣ д̣̇ассзд̇и. ад̇хиг̇ад̇абадисамбхид̣̇од̇и бадилад̣̇д̇хааг̇г̇ажад̇убадисамбхид̣̇ан̃аан̣о. жад̇увзсаараж̇ж̇аббад̇д̇од̇и жад̇д̇аари висаарад̣̇абхаавасан̇каад̇аани н̃аан̣аани бад̇д̇о. яат̇ааха –
Kotthukoti jiraṇasiṅgālo. Sīhena migaraññā saddhinti kesarasīhena migarājena saha. Taruṇakoti chāpako. Dhenupakoti khīrapako. Usabhenāti maṅgalasammatena usabhena. Calakakunā saddhinti calamānakakunā saddhiṃ. Dhaṅkoti kāko. Garuḷena venateyyena saddhinti ettha garuḷenāti jātivasena nāmaṃ. Venateyyenāti gottavasena. Caṇḍāloti chavacaṇḍālo. Raññā cakkavattināti cātuddīpikacakkavattinā. Paṃsupisācakoti kacavarachaḍḍanaṭṭhāne nibbattako yakkho. Indena devaraññā saddhinti sakkena devarājena saha. So hi bhagavā mahāpaññotiādīni chappadāni heṭṭhā vitthāritāni. Tattha paññāpabhedakusaloti attano anantavikappe paññābhede cheko. Pabhinnañāṇoti anantappabhedapattañāṇo. Etena paññāpabhedakusalattepi sati tāsaṃ paññānaṃ anantabhedattaṃ dasseti. Adhigatapaṭisambhidoti paṭiladdhaaggacatupaṭisambhidañāṇo. Catuvesārajjappattoti cattāri visāradabhāvasaṅkhātāni ñāṇāni patto. Yathāha –
‘‘саммаасамб̣уд̣̇д̇хасса д̇з бадиж̇аанад̇о ‘имз д̇хаммаа анабхисамб̣уд̣̇д̇хаа’д̇и, д̇ад̇ра вад̇а мам̣ саман̣о ваа б̣раахман̣о ваа д̣̇зво ваа мааро ваа б̣рахмаа ваа гожи ваа логасмим̣ сахад̇хаммзна бадижод̣̇зссад̇ийд̇и нимид̇д̇амзд̇ам̣, бхигкавз, на саманубассаами, зд̇амахам̣, бхигкавз, нимид̇д̇ам̣ асаманубассанд̇о кзмаббад̇д̇о абхаяаббад̇д̇о взсаараж̇ж̇аббад̇д̇о вихараами.
‘‘Sammāsambuddhassa te paṭijānato ‘ime dhammā anabhisambuddhā’ti, tatra vata maṃ samaṇo vā brāhmaṇo vā devo vā māro vā brahmā vā koci vā lokasmiṃ sahadhammena paṭicodessatīti nimittametaṃ, bhikkhave, na samanupassāmi, etamahaṃ, bhikkhave, nimittaṃ asamanupassanto khemappatto abhayappatto vesārajjappatto viharāmi.
‘‘кийн̣аасавасса д̇з бадиж̇аанад̇о ‘имз аасаваа абаригкийн̣аа’д̇и…бз… ‘яз ко бана д̇з анд̇арааяигаа д̇хаммаа вуд̇д̇аа, д̇з бадисзвад̇о наалам̣ анд̇арааяааяаа’’д̇и…бз… яасса ко бана д̇з ад̇т̇ааяа д̇хаммо д̣̇зсид̇о, со на нияяаад̇и д̇аггарасса саммаа д̣̇угкагкаяааяаад̇и, д̇ад̇ра вад̇а мам̣ саман̣о ваа б̣раахман̣о ваа д̣̇зво ваа мааро ваа б̣рахмаа ваа гожи ваа логасмим̣ сахад̇хаммзна бадижод̣̇зссад̇ийд̇и нимид̇д̇амзд̇ам̣, бхигкавз, на саманубассаами, зд̇амахам̣, бхигкавз, нимид̇д̇ам̣ асаманубассанд̇о кзмаббад̇д̇о абхаяаббад̇д̇о взсаараж̇ж̇аббад̇д̇о вихараамий’’д̇и (а. ни. 4.8; ма. ни. 1.150).
‘‘Khīṇāsavassa te paṭijānato ‘ime āsavā aparikkhīṇā’ti…pe… ‘ye kho pana te antarāyikā dhammā vuttā, te paṭisevato nālaṃ antarāyāyā’’ti…pe… yassa kho pana te atthāya dhammo desito, so na niyyāti takkarassa sammā dukkhakkhayāyāti, tatra vata maṃ samaṇo vā brāhmaṇo vā devo vā māro vā brahmā vā koci vā lokasmiṃ sahadhammena paṭicodessatīti nimittametaṃ, bhikkhave, na samanupassāmi, etamahaṃ, bhikkhave, nimittaṃ asamanupassanto khemappatto abhayappatto vesārajjappatto viharāmī’’ti (a. ni. 4.8; ma. ni. 1.150).
д̣̇асаб̣алаб̣алад̇хаарийд̇и д̣̇аса б̣алаани зд̇зсанд̇и д̣̇асаб̣алаа, д̣̇асаб̣алаанам̣ б̣алаани д̣̇асаб̣алаб̣алаани, д̇аани д̣̇асаб̣алаб̣алаани д̇хаараяад̇ийд̇и д̣̇асаб̣алаб̣алад̇хаарий, д̣̇асаб̣алан̃аан̣аб̣алад̇хаарийд̇и ад̇т̇о. зд̇зхи д̇ийхи важанзхи ананд̇аббабхзд̣̇аанам̣ нзяяаанам̣ бабхзд̣̇амукамад̇д̇ам̣ д̣̇ассид̇ам̣. соязва бан̃н̃аабаяог̇авасзна абхиман̇г̇аласаммад̇адтзна бурисаасабхо. асанд̇аасадтзна бурисасийхо. маханд̇адтзна бурисанааг̇о. баж̇аананадтзна бурисааж̇ан̃н̃о. логагижжад̇хураваханадтзна бурисад̇хораяхо.
Dasabalabaladhārīti dasa balāni etesanti dasabalā, dasabalānaṃ balāni dasabalabalāni, tāni dasabalabalāni dhārayatīti dasabalabaladhārī, dasabalañāṇabaladhārīti attho. Etehi tīhi vacanehi anantappabhedānaṃ neyyānaṃ pabhedamukhamattaṃ dassitaṃ. Soyeva paññāpayogavasena abhimaṅgalasammataṭṭhena purisāsabho. Asantāsaṭṭhena purisasīho. Mahantaṭṭhena purisanāgo. Pajānanaṭṭhena purisājañño. Lokakiccadhuravahanaṭṭhena purisadhorayho.
ат̇а д̇зж̇аад̣̇игам̣ ананд̇ан̃аан̣ад̇о лад̣̇д̇хам̣ г̇ун̣ависзсам̣ д̣̇ассзд̇угаамо д̇зсам̣ д̇зж̇аад̣̇ийнам̣ ананд̇ан̃аан̣амуулабхаавам̣ д̣̇ассзнд̇о ‘‘ананд̇ан̃аан̣о’’д̇и вад̇ваа ‘‘ананд̇ад̇зж̇о’’д̇иаад̣̇имааха. д̇ад̇т̇а ананд̇ан̃аан̣од̇и г̇ан̣анавасзна жа бабхаававасзна жа анд̇авирахид̇ан̃аан̣о. ананд̇ад̇зж̇од̇и взнзяяасанд̇аанз мохад̇амавид̇хаманзна ананд̇ан̃аан̣ад̇зж̇о. ананд̇аяасод̇и бан̃н̃ааг̇ун̣зхзва логад̇д̇аяавид̇т̇ад̇аананд̇агид̇д̇игхосо. ад̣дход̇и бан̃н̃аад̇ханасамид̣̇д̇хияаа самид̣̇д̇хо. махад̣̇д̇ханод̇и бан̃н̃аад̇ханавад̣дхад̇д̇зби бабхаавамахад̇д̇зна маханд̇ам̣ бавад̇д̇абан̃н̃аад̇ханамассаад̇и махад̣̇д̇хано. ‘‘махаад̇хано’’д̇и ваа баато. д̇ханаваад̇и басам̣сид̇аб̣б̣абан̃н̃аад̇ханавад̇д̇аа нижжаяуд̇д̇абан̃н̃аад̇ханавад̇д̇аа ад̇исаяабхаавзна бан̃н̃аад̇ханавад̇д̇аа д̇ханаваа. зд̇зсуби хи д̇ийсу ад̇т̇зсу ид̣̇ам̣ важанам̣ сад̣̇д̣̇авид̣̇уу ижчанд̇и.
Atha tejādikaṃ anantañāṇato laddhaṃ guṇavisesaṃ dassetukāmo tesaṃ tejādīnaṃ anantañāṇamūlabhāvaṃ dassento ‘‘anantañāṇo’’ti vatvā ‘‘anantatejo’’tiādimāha. Tattha anantañāṇoti gaṇanavasena ca pabhāvavasena ca antavirahitañāṇo. Anantatejoti veneyyasantāne mohatamavidhamanena anantañāṇatejo. Anantayasoti paññāguṇeheva lokattayavitthatānantakittighoso. Aḍḍhoti paññādhanasamiddhiyā samiddho. Mahaddhanoti paññādhanavaḍḍhattepi pabhāvamahattena mahantaṃ pavattapaññādhanamassāti mahaddhano. ‘‘Mahādhano’’ti vā pāṭho. Dhanavāti pasaṃsitabbapaññādhanavattā niccayuttapaññādhanavattā atisayabhāvena paññādhanavattā dhanavā. Etesupi hi tīsu atthesu idaṃ vacanaṃ saddavidū icchanti.
звам̣ бан̃н̃ааг̇ун̣зна бхаг̇авад̇о ад̇д̇асамбад̇д̇исид̣̇д̇хим̣ д̣̇ассзд̇ваа буна бан̃н̃ааг̇ун̣знзва логахид̇асамбад̇д̇исид̣̇д̇хим̣ д̣̇ассзнд̇о ‘‘нзд̇аа’’д̇иаад̣̇имааха. д̇ад̇т̇а взнзяяз сам̣саарасан̇каад̇абхаяадтаанад̇о ниб̣б̣аанасан̇каад̇ам̣ кзмадтаанам̣ нзд̇аа . д̇ад̇т̇а наяанагаалз зва сам̣варавинаяабахаанавинаяавасзна взнзяяз винзд̇аа. д̇хаммад̣̇зсанаагаалз зва сам̣саяажчзд̣̇анзна анунзд̇аа. сам̣саяам̣ чинд̣̇ид̇ваа сан̃н̃аабзд̇аб̣б̣ам̣ ад̇т̇ам̣ бан̃н̃аабзд̇аа. д̇ат̇аа бан̃н̃аабид̇аанам̣ нижчаяагаран̣зна ниж̇жхаабзд̇аа. д̇ат̇аа ниж̇жхаабид̇асса ад̇т̇асса бадибад̇д̇ибаяож̇анавасзна бзгкзд̇аа. д̇ат̇аабадибаннз бадибад̇д̇иб̣алзна басаад̣̇зд̇аа. со хи бхаг̇аваад̇и зд̇т̇а хи-гааро ананд̇арам̣ вуд̇д̇асса ад̇т̇асса гааран̣обад̣̇зсз нибаад̇о.
Evaṃ paññāguṇena bhagavato attasampattisiddhiṃ dassetvā puna paññāguṇeneva lokahitasampattisiddhiṃ dassento ‘‘netā’’tiādimāha. Tattha veneyye saṃsārasaṅkhātabhayaṭṭhānato nibbānasaṅkhātaṃ khemaṭṭhānaṃ netā. Tattha nayanakāle eva saṃvaravinayapahānavinayavasena veneyye vinetā. Dhammadesanākāle eva saṃsayacchedanena anunetā. Saṃsayaṃ chinditvā saññāpetabbaṃ atthaṃ paññāpetā. Tathā paññāpitānaṃ nicchayakaraṇena nijjhāpetā. Tathā nijjhāpitassa atthassa paṭipattipayojanavasena pekkhetā. Tathāpaṭipanne paṭipattibalena pasādetā. So hi bhagavāti ettha hi-kāro anantaraṃ vuttassa atthassa kāraṇopadese nipāto.
ануббаннасса маг̇г̇асса уббаад̣̇зд̇аад̇и сагасанд̇аанз науббаннабуб̣б̣асса чаасаад̇хааран̣ан̃аан̣ахзд̇убхууд̇асса арияамаг̇г̇асса б̣од̇химуулз логахид̇ад̇т̇ам̣ сагасанд̇аанз уббаад̣̇зд̇аа. асан̃ж̇аад̇асса маг̇г̇асса сан̃ж̇анзд̇аад̇и взнзяяасанд̇аанз асан̃ж̇аад̇абуб̣б̣асса саавагабаарамийн̃аан̣ахзд̇убхууд̇асса арияамаг̇г̇асса д̇хаммажаггаббавад̇д̇анад̇о бабхуд̇и яааваж̇ж̇агаалаа взнзяяасанд̇аанз сан̃ж̇анзд̇аа. саавагавзнзяяаанамби хи санд̇аанз бхаг̇авад̇аа вуд̇д̇аважанзнзва арияамаг̇г̇асса сан̃ж̇ананад̇о бхаг̇аваа сан̃ж̇анзд̇аа наама ход̇и. анагкаад̇асса маг̇г̇асса агкаад̇аад̇и адтад̇хаммасаманнааг̇ад̇аанам̣ б̣уд̣̇д̇хабхаавааяа гат̇аабхинийхаараанам̣ б̣од̇хисад̇д̇аанам̣ б̣уд̣̇д̇хабхаавааяа б̣яаагаран̣ам̣ д̣̇ад̇ваа анагкаад̇абуб̣б̣асса баарамид̇аамаг̇г̇асса ‘‘б̣уд̣̇д̇хо бхависсад̇ий’’д̇и б̣яаагаран̣амад̇д̇знзва б̣од̇химуулз уббаж̇ж̇ид̇аб̣б̣асса арияамаг̇г̇асса агкаад̇аа. аяам̣ наяо бажжзгаб̣од̇хисад̇д̇аб̣яаагаран̣зби лаб̣бхад̇иязва. маг̇г̇ан̃н̃ууд̇и бажжавзгкан̣аавасзна ад̇д̇ано уббаад̣̇ид̇асса арияамаг̇г̇асса н̃аад̇аа. маг̇г̇авид̣̇ууд̇и взнзяяасанд̇аанз ж̇анзд̇аб̣б̣асса арияамаг̇г̇асса гусало. маг̇г̇аговид̣̇од̇и б̣од̇хисад̇д̇аанам̣ агкаад̇аб̣б̣амаг̇г̇з вижагкан̣о. ат̇а ваа абхисамб̣од̇хибадибад̇д̇и маг̇г̇ан̃н̃уу, бажжзгаб̣од̇хибадибад̇д̇и маг̇г̇авид̣̇уу, саавагаб̣од̇хибадибад̇д̇и маг̇г̇аговид̣̇о. ат̇а ваа –
Anuppannassa maggassa uppādetāti sakasantāne nauppannapubbassa chaasādhāraṇañāṇahetubhūtassa ariyamaggassa bodhimūle lokahitatthaṃ sakasantāne uppādetā. Asañjātassa maggassa sañjanetāti veneyyasantāne asañjātapubbassa sāvakapāramīñāṇahetubhūtassa ariyamaggassa dhammacakkappavattanato pabhuti yāvajjakālā veneyyasantāne sañjanetā. Sāvakaveneyyānampi hi santāne bhagavatā vuttavacaneneva ariyamaggassa sañjananato bhagavā sañjanetā nāma hoti. Anakkhātassa maggassa akkhātāti aṭṭhadhammasamannāgatānaṃ buddhabhāvāya kathābhinīhārānaṃ bodhisattānaṃ buddhabhāvāya byākaraṇaṃ datvā anakkhātapubbassa pāramitāmaggassa ‘‘buddho bhavissatī’’ti byākaraṇamatteneva bodhimūle uppajjitabbassa ariyamaggassa akkhātā. Ayaṃ nayo paccekabodhisattabyākaraṇepi labbhatiyeva. Maggaññūti paccavekkhaṇāvasena attano uppāditassa ariyamaggassa ñātā. Maggavidūti veneyyasantāne janetabbassa ariyamaggassa kusalo. Maggakovidoti bodhisattānaṃ akkhātabbamagge vicakkhaṇo. Atha vā abhisambodhipaṭipatti maggaññū, paccekabodhipaṭipatti maggavidū, sāvakabodhipaṭipatti maggakovido. Atha vā –
‘‘зд̇зна маг̇г̇зна д̇арим̣су буб̣б̣з,
‘‘Etena maggena tariṃsu pubbe,
д̇ариссанд̇и яз жа д̇аранд̇и огха’’нд̇и. (сам̣. ни. 5.409) –
Tarissanti ye ca taranti ogha’’nti. (saṃ. ni. 5.409) –
важанад̇о яат̇ааяог̇ам̣ ад̇ийд̇аанааг̇ад̇абажжуббаннаб̣уд̣̇д̇хабажжзгаб̣уд̣̇д̇хасаавагаанам̣ маг̇г̇авасзна жа сун̃н̃ад̇аанимид̇д̇ааббан̣ихид̇амаг̇г̇авасзна жа уг̇гхадид̇ан̃н̃уувибан̃жид̇ан̃н̃уунзяяабуг̇г̇алаанам̣ маг̇г̇авасзна жа яат̇ааггамзнзд̇т̇а яож̇анам̣ гаронд̇и . маг̇г̇аануг̇аа жа банассаад̇и бхаг̇авад̇о г̇ад̇амаг̇г̇аануг̇аамино худ̇ваа. зд̇т̇а жа-сад̣̇д̣̇о хзд̇уад̇т̇з нибаад̇о, зд̇зна жа бхаг̇авад̇аа маг̇г̇уббаад̣̇анаад̣̇иг̇ун̣аад̇хиг̇амааяа хзд̇у вуд̇д̇о ход̇и. бана-сад̣̇д̣̇о гад̇ад̇т̇з нибаад̇о, д̇зна бхаг̇авад̇аа гад̇амаг̇г̇агаран̣ам̣ вуд̇д̇ам̣ ход̇и. бажчаа саманнааг̇ад̇аад̇и батамам̣ г̇ад̇асса бхаг̇авад̇о бажчаа сийлаад̣̇иг̇ун̣зна саманнааг̇ад̇аа. ид̇и т̇зро ‘‘ануббаннасса маг̇г̇асса уббаад̣̇зд̇аа’’д̇иаад̣̇ийхи яасмаа саб̣б̣зби бхаг̇авад̇о сийлаад̣̇аяо г̇ун̣аа арахад̇д̇амаг̇г̇амзва ниссааяа ааг̇ад̇аа, д̇асмаа арахад̇д̇амаг̇г̇амзва ниссааяа г̇ун̣ам̣ гат̇зси.
Vacanato yathāyogaṃ atītānāgatapaccuppannabuddhapaccekabuddhasāvakānaṃ maggavasena ca suññatānimittaappaṇihitamaggavasena ca ugghaṭitaññūvipañcitaññūneyyapuggalānaṃ maggavasena ca yathākkamenettha yojanaṃ karonti . Maggānugā ca panassāti bhagavato gatamaggānugāmino hutvā. Ettha ca-saddo hetuatthe nipāto, etena ca bhagavatā magguppādanādiguṇādhigamāya hetu vutto hoti. Pana-saddo katatthe nipāto, tena bhagavatā katamaggakaraṇaṃ vuttaṃ hoti. Pacchā samannāgatāti paṭhamaṃ gatassa bhagavato pacchā sīlādiguṇena samannāgatā. Iti thero ‘‘anuppannassa maggassa uppādetā’’tiādīhi yasmā sabbepi bhagavato sīlādayo guṇā arahattamaggameva nissāya āgatā, tasmā arahattamaggameva nissāya guṇaṃ kathesi.
ж̇аанам̣ ж̇аанаад̇ийд̇и ж̇аанид̇аб̣б̣ам̣ ж̇аанаад̇и, саб̣б̣ан̃н̃уд̇ааяа яам̣гин̃жи бан̃н̃ааяа ж̇аанид̇аб̣б̣ам̣ наама ад̇т̇и, д̇ам̣ саб̣б̣ам̣ бан̃жанзяяабат̇абхууд̇ам̣ бан̃н̃ааяа ж̇аанаад̇ийд̇и ад̇т̇о. бассам̣ бассад̇ийд̇и бассид̇аб̣б̣ам̣ бассад̇и, саб̣б̣ад̣̇ассаавид̇ааяа д̇ам̣язва нзяяабат̇ам̣ жагкунаа д̣̇идтам̣ вияа гаронд̇о бан̃н̃аажагкунаа бассад̇ийд̇и ад̇т̇о. яат̇аа ваа згажжо вибарийд̇ам̣ г̇ан̣ханд̇о ж̇аананд̇оби на ж̇аанаад̇и, бассанд̇оби на бассад̇и, на звам̣ бхаг̇аваа. бхаг̇аваа бана яат̇аасабхаавам̣ г̇ан̣ханд̇о ж̇аананд̇о ж̇аанаад̇иязва, бассанд̇о бассад̇иязва. свааяам̣ наяана барин̣ааяагадтзна жагкубхууд̇о. вид̣̇ид̇ад̇аад̣̇иад̇т̇зна н̃аан̣абхууд̇о. авибарийд̇асабхаавадтзна ваа барияад̇д̇ид̇хаммабавад̇д̇анад̇о хад̣̇аязна жинд̇зд̇ваа ваажааяа нижчаарид̇ад̇хаммамаяод̇и ваа д̇хаммабхууд̇о. сздтадтзна б̣рахмабхууд̇о. ат̇а ваа жагку вияа бхууд̇од̇и жагкубхууд̇о. н̃аан̣ам̣ вияа бхууд̇од̇и н̃аан̣абхууд̇о. авибарийд̇ад̇хаммо вияа бхууд̇од̇и д̇хаммабхууд̇о. б̣рахмаа вияа бхууд̇од̇и б̣рахмабхууд̇о. явааяам̣ д̇хаммасса важанад̇о вад̇д̇анад̇о ваа вад̇д̇аа. наанаббагаарзхи важанад̇о вад̇д̇анад̇о ваа бавад̇д̇аа. ад̇т̇ам̣ нийхарид̇ваа д̣̇ассанад̇о ад̇т̇асса ниннзд̇аа. амад̇аад̇хиг̇амааяа бадибад̇д̇ид̣̇зсанад̇о, амад̇аббагаасанааяа ваа д̇хаммад̣̇зсанааяа амад̇асса ад̇хиг̇амаабанад̇о амад̇асса д̣̇аад̇аа. логуд̇д̇арасса д̇хаммасса уббаад̣̇ид̇ад̇д̇аа взнзяяаануруубзна яат̇аасукам̣ логуд̇д̇арад̇хаммасса д̣̇аанзна жа д̇хаммзсу иссарод̇и д̇хаммассаамий. д̇ат̇ааг̇ад̇абад̣̇ам̣ хздтаа вуд̇д̇ад̇т̇ам̣.
Jānaṃ jānātīti jānitabbaṃ jānāti, sabbaññutāya yaṃkiñci paññāya jānitabbaṃ nāma atthi, taṃ sabbaṃ pañcaneyyapathabhūtaṃ paññāya jānātīti attho. Passaṃ passatīti passitabbaṃ passati, sabbadassāvitāya taṃyeva neyyapathaṃ cakkhunā diṭṭhaṃ viya karonto paññācakkhunā passatīti attho. Yathā vā ekacco viparītaṃ gaṇhanto jānantopi na jānāti, passantopi na passati, na evaṃ bhagavā. Bhagavā pana yathāsabhāvaṃ gaṇhanto jānanto jānātiyeva, passanto passatiyeva. Svāyaṃ nayana pariṇāyakaṭṭhena cakkhubhūto. Viditatādiatthena ñāṇabhūto. Aviparītasabhāvaṭṭhena vā pariyattidhammapavattanato hadayena cintetvā vācāya nicchāritadhammamayoti vā dhammabhūto. Seṭṭhaṭṭhena brahmabhūto. Atha vā cakkhu viya bhūtoti cakkhubhūto. Ñāṇaṃ viya bhūtoti ñāṇabhūto. Aviparītadhammo viya bhūtoti dhammabhūto. Brahmā viya bhūtoti brahmabhūto. Yvāyaṃ dhammassa vacanato vattanato vā vattā. Nānappakārehi vacanato vattanato vā pavattā. Atthaṃ nīharitvā dassanato atthassa ninnetā. Amatādhigamāya paṭipattidesanato, amatappakāsanāya vā dhammadesanāya amatassa adhigamāpanato amatassa dātā. Lokuttarassa dhammassa uppāditattā veneyyānurūpena yathāsukhaṃ lokuttaradhammassa dānena ca dhammesu issaroti dhammassāmī. Tathāgatapadaṃ heṭṭhā vuttatthaṃ.
ид̣̇аани ‘‘ж̇аанам̣ ж̇аанаад̇ий’’д̇иаад̣̇ийхи вуд̇д̇аг̇ун̣ам̣ саб̣б̣ан̃н̃уд̇ааяа висзсзд̇ваа д̣̇ассзд̇угаамо саб̣б̣ан̃н̃уд̇ам̣ саад̇хзнд̇о ‘‘над̇т̇ий’’д̇иаад̣̇имааха. звам̣бхууд̇асса хи д̇асса бхаг̇авад̇о баарамид̇аабун̃н̃апалаббабхааванибпаннзна арахад̇д̇амаг̇г̇ан̃аан̣зна саб̣б̣ад̇хаммзсу саваасанасса саммохасса вихад̇ад̇д̇аа асаммохад̇о саб̣б̣ад̇хаммаанам̣ н̃аад̇ад̇д̇аа ан̃н̃аад̇ам̣ наама над̇т̇и. д̇ат̇зва жа саб̣б̣ад̇хаммаанам̣ жагкунаа вияа н̃аан̣ажагкунаа д̣̇идтад̇д̇аа ад̣̇идтам̣ наама над̇т̇и. н̃аан̣зна бад̇д̇ад̇д̇аа авид̣̇ид̇ам̣ наама над̇т̇и. асаммохасажчигирияааяа сажчигад̇ад̇д̇аа асажчигад̇ам̣ наама над̇т̇и. асаммохабан̃н̃ааяа пудтад̇д̇аа бан̃н̃ааяа апассид̇ам̣ наама над̇т̇и.
Idāni ‘‘jānaṃ jānātī’’tiādīhi vuttaguṇaṃ sabbaññutāya visesetvā dassetukāmo sabbaññutaṃ sādhento ‘‘natthī’’tiādimāha. Evaṃbhūtassa hi tassa bhagavato pāramitāpuññaphalappabhāvanipphannena arahattamaggañāṇena sabbadhammesu savāsanassa sammohassa vihatattā asammohato sabbadhammānaṃ ñātattā aññātaṃ nāma natthi. Tatheva ca sabbadhammānaṃ cakkhunā viya ñāṇacakkhunā diṭṭhattā adiṭṭhaṃ nāma natthi. Ñāṇena pattattā aviditaṃ nāma natthi. Asammohasacchikiriyāya sacchikatattā asacchikataṃ nāma natthi. Asammohapaññāya phuṭṭhattā paññāya aphassitaṃ nāma natthi.
бажжуббаннанд̇и бажжуббаннам̣ гаалам̣ ваа д̇хаммам̣ ваа. убаад̣̇ааяаад̇и аад̣̇ааяа, анд̇огад̇ваад̇и ад̇т̇о. убаад̣̇ааяаважанзнзва гаалавинимуд̇д̇ам̣ ниб̣б̣аанамби г̇ахид̇амзва ход̇и. ‘‘ад̇ийд̇аа’’д̣̇иважанаани жа ‘‘над̇т̇ий’’д̇иаад̣̇иважанзнзва гхадияанд̇и, ‘‘саб̣б̣з’’д̇иаад̣̇иважанзна ваа. саб̣б̣з д̇хаммаад̇и саб̣б̣асан̇кад̇аасан̇кад̇ад̇хаммабарияаад̣̇аанам̣. саб̣б̣аагаарзнаад̇и саб̣б̣ад̇хаммзсу згзгассзва д̇хаммасса анижжаагаараад̣̇исаб̣б̣аагаарабарияаад̣̇аанам̣. н̃аан̣амукзд̇и н̃аан̣аабхимукз. аабаат̇ам̣ ааг̇ажчанд̇ийд̇и осаран̣ам̣ убзнд̇и. ж̇аанид̇аб̣б̣анд̇и бад̣̇ам̣ нзяяанд̇и бад̣̇асса ад̇т̇авиваран̣ад̇т̇ам̣ вуд̇д̇ам̣.
Paccuppannanti paccuppannaṃ kālaṃ vā dhammaṃ vā. Upādāyāti ādāya, antokatvāti attho. Upādāyavacaneneva kālavinimuttaṃ nibbānampi gahitameva hoti. ‘‘Atītā’’divacanāni ca ‘‘natthī’’tiādivacaneneva ghaṭiyanti, ‘‘sabbe’’tiādivacanena vā. Sabbe dhammāti sabbasaṅkhatāsaṅkhatadhammapariyādānaṃ. Sabbākārenāti sabbadhammesu ekekasseva dhammassa aniccākārādisabbākārapariyādānaṃ. Ñāṇamukheti ñāṇābhimukhe. Āpāthaṃ āgacchantīti osaraṇaṃ upenti. Jānitabbanti padaṃ neyyanti padassa atthavivaraṇatthaṃ vuttaṃ.
ад̇д̇ад̇т̇о ваад̇иаад̣̇ийсу ваа-сад̣̇д̣̇о самужжаяад̇т̇о. ад̇д̇ад̇т̇од̇и ад̇д̇ано ад̇т̇о. барад̇т̇од̇и барзсам̣ д̇ин̣н̣ам̣ логаанам̣ ад̇т̇о. убхаяад̇т̇од̇и ад̇д̇ано жа барзсан̃жаад̇и сагим̣язва убхиннам̣ ад̇т̇о. д̣̇идтад̇хаммигод̇и д̣̇идтад̇хаммз нияуд̇д̇о, д̣̇идтад̇хаммаббаяож̇ано ваа ад̇т̇о. самбарааяз нияуд̇д̇о, самбарааяаббаяож̇ано ваа самбарааяиго. уд̇д̇аанод̇иаад̣̇ийсу вохааравасзна вад̇д̇аб̣б̣о сукабад̇идтад̇д̇аа уд̇д̇аано . вохаарам̣ ад̇иггамид̇ваа вад̇д̇аб̣б̣о сун̃н̃ад̇аабадисам̣яуд̇д̇о д̣̇угкабад̇идтад̇д̇аа г̇амбхийро. логуд̇д̇аро ажжанд̇ад̇ирогкад̇д̇аа г̇уул̣хо. анижжад̇аад̣̇иго гханаад̣̇ийхи бадижчаннад̇д̇аа бадижчанно. абажуравохаарзна вад̇д̇аб̣б̣о яат̇ааруд̇ам̣ аг̇г̇ахзд̇ваа ад̇хиббааяасса нзд̇аб̣б̣ад̇о нзяяо. бажуравохаарзна вад̇д̇аб̣б̣о важанамад̇д̇знзва ад̇хиббааяасса нийд̇ад̇д̇аа нийд̇о. субарисуд̣̇д̇хасийласамаад̇хивибассанад̇т̇о д̇ад̣̇ан̇г̇авигкамбханавасзна важ̇ж̇авирахид̇ад̇д̇аа анаваж̇ж̇о. гилзсасамужчзд̣̇анад̇о арияамаг̇г̇ад̇т̇о наггилзсо. гилзсабадиббассад̣̇д̇хад̇д̇аа арияапалад̇т̇о вод̣̇аано. сан̇кад̇аасан̇кад̇зсу аг̇г̇ад̇хаммад̇д̇аа ниб̣б̣аанам̣ барамад̇т̇о. баривад̇д̇ад̇ийд̇и б̣уд̣̇д̇хан̃аан̣асса висаяабхаавад̇о аб̣ахибхууд̇ад̇д̇аа анд̇об̣уд̣̇д̇хан̃аан̣з б̣яаабид̇ваа ваа саманд̇аа ваа алан̇гарид̇ваа ваа висзсзна ваа вад̇д̇ад̇и.
Attattho vātiādīsu vā-saddo samuccayattho. Attatthoti attano attho. Paratthoti paresaṃ tiṇṇaṃ lokānaṃ attho. Ubhayatthoti attano ca paresañcāti sakiṃyeva ubhinnaṃ attho. Diṭṭhadhammikoti diṭṭhadhamme niyutto, diṭṭhadhammappayojano vā attho. Samparāye niyutto, samparāyappayojano vā samparāyiko. Uttānotiādīsu vohāravasena vattabbo sukhapatiṭṭhattā uttāno . Vohāraṃ atikkamitvā vattabbo suññatāpaṭisaṃyutto dukkhapatiṭṭhattā gambhīro. Lokuttaro accantatirokkhattā gūḷho. Aniccatādiko ghanādīhi paṭicchannattā paṭicchanno. Apacuravohārena vattabbo yathārutaṃ aggahetvā adhippāyassa netabbato neyyo. Pacuravohārena vattabbo vacanamatteneva adhippāyassa nītattā nīto. Suparisuddhasīlasamādhivipassanattho tadaṅgavikkhambhanavasena vajjavirahitattā anavajjo. Kilesasamucchedanato ariyamaggattho nakkileso. Kilesapaṭippassaddhattā ariyaphalattho vodāno. Saṅkhatāsaṅkhatesu aggadhammattā nibbānaṃ paramattho. Parivattatīti buddhañāṇassa visayabhāvato abahibhūtattā antobuddhañāṇe byāpitvā vā samantā vā alaṅkaritvā vā visesena vā vattati.
‘‘саб̣б̣ам̣ гааяагамма’’нд̇иаад̣̇ийхи бхаг̇авад̇о н̃аан̣ависаяад̇ам̣ д̣̇ассзд̇и. н̃аан̣аанубаривад̇д̇ийд̇и н̃аан̣ам̣ анубаривад̇д̇и, н̃аан̣авирахид̇ам̣ на ход̇ийд̇и ад̇т̇о. аббадихад̇анд̇и нирааваран̣ад̇ам̣ д̣̇ассзд̇и. буна саб̣б̣ан̃н̃уд̇ам̣ убамааяа саад̇хзд̇угаамо ‘‘яаавад̇ага’’нд̇иаад̣̇имааха. д̇ад̇т̇а ж̇аанид̇аб̣б̣анд̇и нзяяам̣. нзяяабарияанд̇о нзяяаавасаанамасса ад̇т̇ийд̇и нзяяабарияанд̇игам̣. асаб̣б̣ан̃н̃уунам̣ бана нзяяаавасаанамзва над̇т̇и. н̃аан̣абарияанд̇игзби зсзва наяо. буримаяамагз вуд̇д̇ад̇т̇амзва иминаа яамагзна висзсзд̇ваа д̣̇ассзд̇и , д̇ад̇ияаяамагзна бадисзд̇хавасзна нияамзд̇ваа д̣̇ассзд̇и. зд̇т̇а жа нзяяам̣ н̃аан̣асса бат̇ад̇д̇аа нзяяабат̇о. ан̃н̃аман̃н̃абарияанд̇адтааяинод̇и нзяяан̃жа н̃аан̣ан̃жа кзбзд̇ваа таанад̇о ан̃н̃аман̃н̃асса барияанд̇з таанасийлаа.
‘‘Sabbaṃkāyakamma’’ntiādīhi bhagavato ñāṇavisayataṃ dasseti. Ñāṇānuparivattīti ñāṇaṃ anuparivatti, ñāṇavirahitaṃ na hotīti attho. Appaṭihatanti nirāvaraṇataṃ dasseti. Puna sabbaññutaṃ upamāya sādhetukāmo ‘‘yāvataka’’ntiādimāha. Tattha jānitabbanti neyyaṃ. Neyyapariyanto neyyāvasānamassa atthīti neyyapariyantikaṃ. Asabbaññūnaṃ pana neyyāvasānameva natthi. Ñāṇapariyantikepi eseva nayo. Purimayamake vuttatthameva iminā yamakena visesetvādasseti , tatiyayamakena paṭisedhavasena niyametvā dasseti. Ettha ca neyyaṃ ñāṇassa pathattā neyyapatho. Aññamaññapariyantaṭṭhāyinoti neyyañca ñāṇañca khepetvā ṭhānato aññamaññassa pariyante ṭhānasīlā.
ааваж̇ж̇анабадиб̣ад̣̇д̇хаад̇и манод̣̇ваарааваж̇ж̇анааяад̇д̇аа, ааваж̇ж̇ид̇аананд̇арамзва ж̇аанаад̇ийд̇и ад̇т̇о. ааган̇кабадиб̣ад̣̇д̇хаад̇и ружиааяад̇д̇аа , ааваж̇ж̇анаананд̇арам̣ ж̇аванан̃аан̣зна ж̇аанаад̇ийд̇и ад̇т̇о. ид̇араани д̣̇вз бад̣̇аани имзсам̣ д̣̇виннам̣ бад̣̇аанам̣ яат̇ааггамзна ад̇т̇аббагаасанад̇т̇ам̣ вуд̇д̇аани. аасаяам̣ ж̇аанаад̇ийд̇и зд̇т̇а аасаяанд̇и ниссаяанд̇и зд̇т̇аад̇и аасаяо, мижчаад̣̇идтияаа саммаад̣̇идтияаа гаамаад̣̇ийхи нзгкаммаад̣̇ийхи ваа барибхаавид̇асса санд̇аанассзд̇ам̣ ад̇хиважанам̣. сад̇д̇асанд̇аанам̣ анусзнд̇и анубавад̇д̇знд̇ийд̇и анусаяаа, т̇аамаг̇ад̇аанам̣ гаамарааг̇аад̣̇ийнам̣ва зд̇ам̣ ад̇хиважанам̣. анусаяам̣ ж̇аанаад̇ийд̇и анусаяагат̇аа хздтаа вуд̇д̇ааязва.
Āvajjanapaṭibaddhāti manodvārāvajjanāyattā, āvajjitānantarameva jānātīti attho. Ākaṅkhapaṭibaddhāti ruciāyattā , āvajjanānantaraṃ javanañāṇena jānātīti attho. Itarāni dve padāni imesaṃ dvinnaṃ padānaṃ yathākkamena atthappakāsanatthaṃ vuttāni. Āsayaṃ jānātīti ettha āsayanti nissayanti etthāti āsayo, micchādiṭṭhiyā sammādiṭṭhiyā kāmādīhi nekkhammādīhi vā paribhāvitassa santānassetaṃ adhivacanaṃ. Sattasantānaṃ anusenti anupavattentīti anusayā, thāmagatānaṃ kāmarāgādīnaṃva etaṃ adhivacanaṃ. Anusayaṃ jānātīti anusayakathā heṭṭhā vuttāyeva.
жарид̇анд̇и буб̣б̣з гад̇агусалаагусалагаммам̣. ад̇химуд̇д̇инд̇и самбад̇и гусалз агусалз ваа жид̇д̇авосаг̇г̇о. аббараж̇агкзд̇и бан̃н̃аамаяз агкимхи аббам̣ рааг̇аад̣̇ираж̇о зд̇зсанд̇и аббараж̇агкаа. аббам̣ рааг̇аад̣̇ираж̇о зд̇зсанд̇и ваа аббараж̇агкаа, д̇з аббараж̇агкз. махаараж̇агкзд̇и н̃аан̣амаяз агкимхи маханд̇ам̣ рааг̇аад̣̇ираж̇о зд̇зсанд̇и махаараж̇агкаа. маханд̇ам̣ рааг̇аад̣̇ираж̇о зд̇зсанд̇и ваа махаараж̇агкаа, д̇з махаараж̇агкз. д̇игкинд̣̇рияз муд̣̇инд̣̇риязд̇и д̇игкаани сад̣̇д̇хаад̣̇ийни инд̣̇рияаани зд̇зсанд̇и д̇игкинд̣̇рияаа. муд̣̇ууни сад̣̇д̇хаад̣̇ийни инд̣̇рияаани зд̇зсанд̇и муд̣̇инд̣̇рияаа. сваагаарз д̣̇ваагаарзд̇и сунд̣̇араа сад̣̇д̇хаад̣̇аяо аагаараа годтаасаа зд̇зсанд̇и сваагаараа. гужчид̇аа г̇арахид̇аа асад̣̇д̇хаад̣̇аяо аагаараа годтаасаа зд̇зсанд̇и д̣̇ваагаараа. сувин̃н̃аабаяз д̣̇увин̃н̃аабаязд̇и яз гат̇ид̇ам̣ гааран̣ам̣ саллагкзнд̇и сукзна саггаа хонд̇и вин̃н̃аабзд̇ум̣, д̇з сувин̃н̃аабаяаа. д̇аб̣б̣ибарийд̇аа д̣̇увин̃н̃аабаяаа. бхаб̣б̣аабхаб̣б̣зд̇и бхаб̣б̣з жа абхаб̣б̣з жа. арияааяа ж̇аад̇ияаа бхаванд̇и ж̇ааяанд̇ийд̇и бхаб̣б̣аа. вад̇д̇амаанасамийбз вад̇д̇амаанаважанам̣. бхависсанд̇и ж̇ааяиссанд̇и ваад̇и бхаб̣б̣аа, бхааж̇анабхууд̇аад̇и ад̇т̇о. яз арияамаг̇г̇абадивзд̇хасса анужчавигаа убаниссаяасамбаннаа, д̇з бхаб̣б̣аа. вуд̇д̇абадибагкаа абхаб̣б̣аа.
Caritanti pubbe katakusalākusalakammaṃ. Adhimuttinti sampati kusale akusale vā cittavosaggo. Apparajakkheti paññāmaye akkhimhi appaṃ rāgādirajo etesanti apparajakkhā. Appaṃ rāgādirajo etesanti vā apparajakkhā, te apparajakkhe. Mahārajakkheti ñāṇamaye akkhimhi mahantaṃ rāgādirajo etesanti mahārajakkhā. Mahantaṃ rāgādirajo etesanti vā mahārajakkhā, te mahārajakkhe. Tikkhindriye mudindriyeti tikkhāni saddhādīni indriyāni etesanti tikkhindriyā. Mudūni saddhādīni indriyāni etesanti mudindriyā. Svākāre dvākāreti sundarā saddhādayo ākārā koṭṭhāsā etesanti svākārā. Kucchitā garahitā asaddhādayo ākārā koṭṭhāsā etesanti dvākārā. Suviññāpaye duviññāpayeti ye kathitaṃ kāraṇaṃ sallakkhenti sukhena sakkā honti viññāpetuṃ, te suviññāpayā. Tabbiparītā duviññāpayā. Bhabbābhabbeti bhabbe ca abhabbe ca. Ariyāya jātiyā bhavanti jāyantīti bhabbā. Vattamānasamīpe vattamānavacanaṃ. Bhavissanti jāyissanti vāti bhabbā, bhājanabhūtāti attho. Ye ariyamaggapaṭivedhassa anucchavikā upanissayasampannā, te bhabbā. Vuttapaṭipakkhā abhabbā.
сад̇д̇з баж̇аанаад̇ийд̇и руубаад̣̇игз аарамман̣з лаг̇г̇з лаг̇г̇ид̇з сад̇д̇з баж̇аанаад̇и. сад̣̇зваго логод̇и саха д̣̇звзхи сад̣̇зваго. саха маарзна самаараго. саха б̣рахмунаа саб̣рахмаго. саха саман̣аб̣раахман̣зхи сассаман̣аб̣раахман̣ий. баж̇аад̇ад̇д̇аа баж̇аа. саха д̣̇звамануссзхи сад̣̇звамануссаа. ‘‘баж̇аа’’д̇и сад̇д̇алогасса барияааяаважанамзд̇ам̣. д̇ад̇т̇а сад̣̇звагаважанзна бан̃жагаамааважарад̣̇зваг̇г̇ахан̣ам̣, самаарагаважанзна чадтагаамааважарад̣̇зваг̇г̇ахан̣ам̣. саб̣рахмагаважанзна б̣рахмагааяигаад̣̇иб̣рахмаг̇г̇ахан̣ам̣. сассаман̣аб̣раахман̣ийважанзна саасанасса бажжад̇т̇игабажжаамид̇д̇асаман̣аб̣раахман̣аг̇г̇ахан̣ам̣ самид̇абаабаб̣аахид̇абаабасаман̣аб̣раахман̣аг̇г̇ахан̣ан̃жа. баж̇ааважанзна сад̇д̇алогаг̇г̇ахан̣ам̣. сад̣̇звамануссаважанзна саммуд̇ид̣̇зваавасзсамануссаг̇г̇ахан̣ам̣. звамзд̇т̇а д̇ийхи бад̣̇зхи огаасалого. д̣̇вийхи баж̇аавасзна сад̇д̇алого г̇ахид̇од̇и взд̣̇ид̇аб̣б̣о.
Satte pajānātīti rūpādike ārammaṇe lagge laggite satte pajānāti. Sadevakolokoti saha devehi sadevako. Saha mārena samārako. Saha brahmunā sabrahmako. Saha samaṇabrāhmaṇehi sassamaṇabrāhmaṇī. Pajātattā pajā. Saha devamanussehi sadevamanussā. ‘‘Pajā’’ti sattalokassa pariyāyavacanametaṃ. Tattha sadevakavacanena pañcakāmāvacaradevaggahaṇaṃ, samārakavacanena chaṭṭhakāmāvacaradevaggahaṇaṃ. Sabrahmakavacanena brahmakāyikādibrahmaggahaṇaṃ. Sassamaṇabrāhmaṇīvacanena sāsanassa paccatthikapaccāmittasamaṇabrāhmaṇaggahaṇaṃ samitapāpabāhitapāpasamaṇabrāhmaṇaggahaṇañca. Pajāvacanena sattalokaggahaṇaṃ. Sadevamanussavacanena sammutidevaavasesamanussaggahaṇaṃ. Evamettha tīhi padehi okāsaloko. Dvīhi pajāvasena sattaloko gahitoti veditabbo.
абаро наяо – сад̣̇звагаг̇г̇ахан̣зна аруубааважаралого г̇ахид̇о, самаарагаг̇г̇ахан̣зна чагаамааважаралого, саб̣рахмагаг̇г̇ахан̣зна руубааважараб̣рахмалого, сассаман̣аб̣раахман̣аад̣̇иг̇г̇ахан̣зна жад̇убарисавасзна саммуд̇ид̣̇звзхи ваа саха мануссалого, авасзсасаб̣б̣асад̇д̇алого ваа. аби жзд̇т̇а сад̣̇звагаважанзна уггадтабарижчзд̣̇ад̇о саб̣б̣ассаби логасса анд̇об̣уд̣̇д̇хан̃аан̣з баривад̇д̇анабхаавам̣ саад̇хзд̇и. д̇ад̇о язсам̣ сияаа ‘‘мааро махаанубхааво чагаамааважариссаро васавад̇д̇ий, гим̣ соби анд̇об̣уд̣̇д̇хан̃аан̣з баривад̇д̇ад̇ий’’д̇и. д̇зсам̣ вимад̇им̣ вид̇хамзнд̇о ‘‘самаараго’’д̇и ааха. язсам̣ бана сияаа ‘‘б̣рахмаа махаанубхааво, зган̇г̇улияаа згасмим̣ жаггаваал̣асахассз аалогам̣ парад̇и. д̣̇вийхи…бз… д̣̇асахи ан̇г̇улийхи д̣̇асасу жаггаваал̣асахассзсу аалогам̣ парад̇и, ануд̇д̇аран̃жа жхаанасамаабад̇д̇исукам̣ бадисам̣взд̣̇зд̇и, гим̣ соби анд̇об̣уд̣̇д̇хан̃аан̣з баривад̇д̇ад̇ий’’д̇и. д̇зсам̣ вимад̇им̣ вид̇хамзнд̇о ‘‘саб̣рахмаго’’д̇и ааха. д̇ад̇о язсам̣ сияаа ‘‘бут̇уу саман̣аб̣раахман̣аа саасанабажжад̇т̇игаа, гим̣ д̇зби анд̇об̣уд̣̇д̇хан̃аан̣з баривад̇д̇анд̇ий’’д̇и. д̇зсам̣ вимад̇им̣ вид̇хамзнд̇о ‘‘сассаман̣аб̣раахман̣ий баж̇аа’’д̇и ааха.
Aparo nayo – sadevakaggahaṇena arūpāvacaraloko gahito, samārakaggahaṇena chakāmāvacaraloko, sabrahmakaggahaṇena rūpāvacarabrahmaloko, sassamaṇabrāhmaṇādiggahaṇena catuparisavasena sammutidevehi vā saha manussaloko, avasesasabbasattaloko vā. Api cettha sadevakavacanena ukkaṭṭhaparicchedato sabbassapi lokassa antobuddhañāṇe parivattanabhāvaṃ sādheti. Tato yesaṃ siyā ‘‘māro mahānubhāvo chakāmāvacarissaro vasavattī, kiṃ sopi antobuddhañāṇe parivattatī’’ti. Tesaṃ vimatiṃ vidhamento ‘‘samārako’’ti āha. Yesaṃ pana siyā ‘‘brahmā mahānubhāvo, ekaṅguliyā ekasmiṃ cakkavāḷasahasse ālokaṃ pharati. Dvīhi…pe… dasahi aṅgulīhi dasasu cakkavāḷasahassesu ālokaṃ pharati, anuttarañca jhānasamāpattisukhaṃ paṭisaṃvedeti, kiṃ sopi antobuddhañāṇe parivattatī’’ti. Tesaṃ vimatiṃ vidhamento ‘‘sabrahmako’’ti āha. Tato yesaṃ siyā ‘‘puthū samaṇabrāhmaṇā sāsanapaccatthikā, kiṃ tepi antobuddhañāṇe parivattantī’’ti. Tesaṃ vimatiṃ vidhamento ‘‘sassamaṇabrāhmaṇī pajā’’ti āha.
звам̣ уггадтаанам̣ анд̇об̣уд̣̇д̇хан̃аан̣з баривад̇д̇анабхаавам̣ багаасзд̇ваа ат̇а саммуд̇ид̣̇звз авасзсамануссз жа убаад̣̇ааяа уггадтабарижчзд̣̇авасзна сзсасад̇д̇алогасса анд̇об̣уд̣̇д̇хан̃аан̣з баривад̇д̇анабхаавам̣ багаасзнд̇о ‘‘сад̣̇звамануссаа’’д̇и ааха. аяамзд̇т̇а анусанд̇хиггамо. бораан̣аа банааху ‘‘сад̣̇звагод̇и д̣̇звад̇аахи сад̣̇д̇хим̣ авасзсалого. самаарагод̇и маарзна сад̣̇д̇хим̣ авасзсалого. саб̣рахмагод̇и б̣рахмзхи сад̣̇д̇хим̣ авасзсалого. звам̣ саб̣б̣зби д̇ибхавуубаг̇з сад̇д̇з д̇ийхаагаарзхи д̇ийсу бад̣̇зсу багкибид̇ваа буна д̣̇вийхаагаарзхи барияаад̣̇аад̇ум̣ ‘сассаман̣аб̣раахман̣ий баж̇аа сад̣̇звамануссаа’д̇и вуд̇д̇ам̣. звам̣ бан̃жахи бад̣̇зхи д̇зна д̇зна аагаарзна д̇зд̇хаад̇угамзва барияаад̣̇иннам̣ ход̇ий’’д̇и.
Evaṃ ukkaṭṭhānaṃ antobuddhañāṇe parivattanabhāvaṃ pakāsetvā atha sammutideve avasesamanusse ca upādāya ukkaṭṭhaparicchedavasena sesasattalokassa antobuddhañāṇe parivattanabhāvaṃ pakāsento ‘‘sadevamanussā’’ti āha. Ayamettha anusandhikkamo. Porāṇā panāhu ‘‘sadevakoti devatāhi saddhiṃ avasesaloko. Samārakoti mārena saddhiṃ avasesaloko. Sabrahmakoti brahmehi saddhiṃ avasesaloko. Evaṃ sabbepi tibhavūpage satte tīhākārehi tīsu padesu pakkhipitvā puna dvīhākārehi pariyādātuṃ ‘sassamaṇabrāhmaṇī pajā sadevamanussā’ti vuttaṃ. Evaṃ pañcahi padehi tena tena ākārena tedhātukameva pariyādinnaṃ hotī’’ti.
анд̇амасод̇и убариманд̇зна. д̇имид̇имин̇г̇аланд̇и зд̇т̇а д̇ими наама згаа мажчаж̇аад̇и, д̇имим̣ г̇илид̇ум̣ самад̇т̇аа д̇ад̇о маханд̇асарийраа д̇имин̇г̇алаа наама згаа мажчаж̇аад̇и, д̇имин̇г̇аламби г̇илид̇ум̣ самад̇т̇аа бан̃жаяож̇анасад̇игасарийраа д̇имид̇имин̇г̇алаа наама згаа мажчаж̇аад̇и. ид̇ха ж̇аад̇иг̇г̇ахан̣зна згаважанам̣ гад̇анд̇и взд̣̇ид̇аб̣б̣ам̣. г̇арул̣ам̣ взнад̇зяяанд̇и зд̇т̇а г̇арул̣од̇и ж̇аад̇ивасзна наамам̣. взнад̇зяяод̇и г̇од̇д̇авасзна. бад̣̇зсзд̇и згад̣̇зсз. саарибуд̇д̇асамаад̇и саб̣б̣аб̣уд̣̇д̇хаанам̣ д̇хаммасзнаабад̇ид̇т̇зрз г̇ахзд̇ваа вуд̇д̇анд̇и взд̣̇ид̇аб̣б̣ам̣. сзсасаавагаа хи бан̃н̃ааяа д̇хаммасзнаабад̇ид̇т̇зрзна самаа наама над̇т̇и. яат̇ааха – ‘‘зд̇ад̣̇аг̇г̇ам̣, бхигкавз, мама саавагаанам̣ бхигкуунам̣ махаабан̃н̃аанам̣ яад̣̇ид̣̇ам̣ саарибуд̇д̇о’’д̇и (а. ни. 1.188-189). адтагат̇ааяан̃жа (висуд̣̇д̇хи. 1.171; бади. ма. адта. 2.3.5) вуд̇д̇ам̣ –
Antamasoti uparimantena. Timitimiṅgalanti ettha timi nāma ekā macchajāti, timiṃ gilituṃ samatthā tato mahantasarīrā timiṅgalā nāma ekā macchajāti, timiṅgalampi gilituṃ samatthā pañcayojanasatikasarīrā timitimiṅgalā nāma ekā macchajāti. Idha jātiggahaṇena ekavacanaṃ katanti veditabbaṃ. Garuḷaṃ venateyyanti ettha garuḷoti jātivasena nāmaṃ. Venateyyoti gottavasena. Padeseti ekadese. Sāriputtasamāti sabbabuddhānaṃ dhammasenāpatitthere gahetvā vuttanti veditabbaṃ. Sesasāvakā hi paññāya dhammasenāpatittherena samā nāma natthi. Yathāha – ‘‘etadaggaṃ, bhikkhave, mama sāvakānaṃ bhikkhūnaṃ mahāpaññānaṃ yadidaṃ sāriputto’’ti (a. ni. 1.188-189). Aṭṭhakathāyañca (visuddhi. 1.171; paṭi. ma. aṭṭha. 2.3.5) vuttaṃ –
‘‘логанаат̇ам̣ табзд̇ваана, яз жан̃н̃з санд̇и баан̣ино;
‘‘Lokanāthaṃ ṭhapetvāna, ye caññe santi pāṇino;
бан̃н̃ааяа саарибуд̇д̇асса, галам̣ нааг̇гханд̇и сол̣аси’’нд̇и.
Paññāya sāriputtassa, kalaṃ nāgghanti soḷasi’’nti.
парид̇ваад̇и б̣уд̣̇д̇хан̃аан̣ам̣ саб̣б̣ад̣̇звамануссаанамби бан̃н̃ам̣ баабун̣ид̇ваа таанад̇о д̇зсам̣ бан̃н̃ам̣ парид̇ваа б̣яаабид̇ваа д̇идтад̇и. абхибхавид̇ваад̇и саб̣б̣ад̣̇звамануссаанамби бан̃н̃ам̣ ад̇иггамид̇ваа, д̇зсам̣ ависаяабхууд̇амби саб̣б̣ам̣ нзяяам̣ абхибхавид̇ваа д̇идтад̇ийд̇и ад̇т̇о.
Pharitvāti buddhañāṇaṃ sabbadevamanussānampi paññaṃ pāpuṇitvā ṭhānato tesaṃ paññaṃ pharitvā byāpitvā tiṭṭhati. Abhibhavitvāti sabbadevamanussānampi paññaṃ atikkamitvā, tesaṃ avisayabhūtampi sabbaṃ neyyaṃ abhibhavitvā tiṭṭhatīti attho.
бадисамбхид̣̇ааяам̣ (бади. ма. 3.5) бана ‘‘ад̇игхам̣сид̇ваа’’д̇и баато, гхам̣сид̇ваа д̇уд̣̇ид̇ваад̇и ад̇т̇о. язби д̇зд̇иаад̣̇ийхи звам̣ парид̇ваа абхибхавид̇ваа таанасса бажжагкагааран̣ам̣ д̣̇ассзд̇и. д̇ад̇т̇а бан̣д̣ид̇аад̇и бан̣д̣ижжзна саманнааг̇ад̇аа . нибун̣аад̇и сан̣хасукумаб̣уд̣̇д̇хино сукумз ад̇т̇анд̇арз бадивиж̇жханасамад̇т̇аа. гад̇абараббаваад̣̇аад̇и вин̃н̃аад̇абараббаваад̣̇аа жзва барзхи сад̣̇д̇хим̣ гад̇аваад̣̇абарижаяаа жа. ваалавзд̇хируубаад̇и ваалавзд̇хид̇хануг̇г̇ахасад̣̇исаа. во бхинд̣̇анд̇аа ман̃н̃з жаранд̇и бан̃н̃ааг̇ад̇зна д̣̇идтиг̇ад̇аанийд̇и ваалавзд̇хий вияа ваалам̣ сукумааниби барзсам̣ д̣̇идтиг̇аманаани ад̇д̇ано бан̃н̃ааг̇аманзна бхинд̣̇анд̇аа вияа жаранд̇ийд̇и ад̇т̇о. ат̇а ваа ‘‘г̇уут̇аг̇ад̇ам̣ муд̇д̇аг̇ад̇а’’нд̇иаад̣̇ийсу (а. ни. 9.11) вияа бан̃н̃аа зва бан̃н̃ааг̇ад̇ам̣. д̣̇идтияо зва д̣̇идтиг̇ад̇аани. бан̃хз абхисан̇карид̇ваа абхисан̇карид̇ваад̇и д̣̇вибад̣̇амби д̇ибад̣̇амби жад̇убад̣̇амби бужчам̣ ражаяид̇ваа д̇зсам̣ бан̃хаанам̣ ад̇иб̣ахугад̇д̇аа саб̣б̣асан̇г̇ахад̇т̇ам̣ д̣̇вигкад̇д̇ум̣ вуд̇д̇ам̣. г̇уул̣хаани жа бадижчаннаани жа ад̇т̇аж̇аад̇аанийд̇и баатасзсо. д̇зсам̣ д̇ат̇аа винаяам̣ д̣̇исваа ад̇д̇анаа абхисан̇кад̇ам̣ бан̃хам̣ бужчанд̇ийд̇и звам̣ бхаг̇авад̇аа ад̇хиббзд̇ад̇д̇аа бан̃хам̣ бужчанд̇и. ан̃н̃зсам̣ бана бужчааяа огаасамзва ад̣̇ад̇ваа бхаг̇аваа убасан̇гаманд̇аанам̣ д̇хаммам̣ д̣̇зсзд̇и. яат̇ааха –
Paṭisambhidāyaṃ (paṭi. ma. 3.5) pana ‘‘atighaṃsitvā’’ti pāṭho, ghaṃsitvā tuditvāti attho. Yepi tetiādīhi evaṃ pharitvā abhibhavitvā ṭhānassa paccakkhakāraṇaṃ dasseti. Tattha paṇḍitāti paṇḍiccena samannāgatā . Nipuṇāti saṇhasukhumabuddhino sukhume atthantare paṭivijjhanasamatthā. Kataparappavādāti viññātaparappavādā ceva parehi saddhiṃ katavādaparicayā ca. Vālavedhirūpāti vālavedhidhanuggahasadisā. Vo bhindantā maññe caranti paññāgatena diṭṭhigatānīti vālavedhī viya vālaṃ sukhumānipi paresaṃ diṭṭhigamanāni attano paññāgamanena bhindantā viya carantīti attho. Atha vā ‘‘gūthagataṃ muttagata’’ntiādīsu (a. ni. 9.11) viya paññā eva paññāgataṃ. Diṭṭhiyo eva diṭṭhigatāni. Pañhe abhisaṅkharitvā abhisaṅkharitvāti dvipadampi tipadampi catupadampi pucchaṃ racayitvā tesaṃ pañhānaṃ atibahukattā sabbasaṅgahatthaṃ dvikkhattuṃ vuttaṃ. Gūḷhāni ca paṭicchannāni ca atthajātānīti pāṭhaseso. Tesaṃ tathā vinayaṃ disvā attanā abhisaṅkhataṃ pañhaṃ pucchantīti evaṃ bhagavatā adhippetattā pañhaṃ pucchanti. Aññesaṃ pana pucchāya okāsameva adatvā bhagavā upasaṅkamantānaṃ dhammaṃ deseti. Yathāha –
‘‘д̇з бан̃хам̣ абхисан̇каронд̇и ‘имам̣ маяам̣ бан̃хам̣ саман̣ам̣ г̇од̇амам̣ убасан̇гамид̇ваа бужчиссаама, сажз но саман̣о г̇од̇амо звам̣ будто звам̣ б̣яаагариссад̇и, звамасса маяам̣ ваад̣̇ам̣ ааробзссаама, звам̣ жзби но будто звам̣ б̣яаагариссад̇и, звамбисса маяам̣ ваад̣̇ам̣ ааробзссаамаа’д̇и. д̇з сун̣анд̇и ‘саман̣о калу бхо г̇од̇амо амугам̣ наама г̇аамам̣ ваа ниг̇амам̣ ваа осадо’д̇и. д̇з язна саман̣о г̇од̇амо д̇знубасан̇гаманд̇и. д̇з саман̣о г̇од̇амо д̇хаммияаа гат̇ааяа санд̣̇ассзд̇и самаад̣̇абзд̇и самуд̇д̇зж̇зд̇и самбахам̣сзд̇и. д̇з саман̣зна г̇од̇амзна д̇хаммияаа гат̇ааяа санд̣̇ассид̇аа самаад̣̇абид̇аа самуд̇д̇зж̇ид̇аа самбахам̣сид̇аа на жзва саман̣ам̣ г̇од̇амам̣ бан̃хам̣ бужчанд̇и, гуд̇осса ваад̣̇ам̣ ааробзссанд̇и, ан̃н̃ад̣̇ад̇т̇у саман̣ассзва г̇од̇амасса саавагаа самбаж̇ж̇анд̇ий’’д̇и (ма. ни. 1.289).
‘‘Te pañhaṃ abhisaṅkharonti ‘imaṃ mayaṃ pañhaṃ samaṇaṃ gotamaṃ upasaṅkamitvā pucchissāma, sace no samaṇo gotamo evaṃ puṭṭho evaṃ byākarissati, evamassa mayaṃ vādaṃ āropessāma, evaṃ cepi no puṭṭho evaṃ byākarissati, evampissa mayaṃ vādaṃ āropessāmā’ti. Te suṇanti ‘samaṇo khalu bho gotamo amukaṃ nāma gāmaṃ vā nigamaṃ vā osaṭo’ti. Te yena samaṇo gotamo tenupasaṅkamanti. Te samaṇo gotamo dhammiyā kathāya sandasseti samādapeti samuttejeti sampahaṃseti. Te samaṇena gotamena dhammiyā kathāya sandassitā samādapitā samuttejitā sampahaṃsitā na ceva samaṇaṃ gotamaṃ pañhaṃ pucchanti, kutossa vādaṃ āropessanti, aññadatthu samaṇasseva gotamassa sāvakā sampajjantī’’ti (ma. ni. 1.289).
гасмаа бан̃хз на бужчанд̇ийд̇и жз? бхаг̇аваа гира барисамаж̇жхз д̇хаммам̣ д̣̇зсзнд̇о барисааяа аж̇жхаасаяам̣ ологзд̇и, д̇ад̇о бассад̇и ‘‘имз бан̣д̣ид̇аа г̇уул̣хам̣ рахассам̣ бан̃хам̣ оваддигасаарам̣ гад̇ваа ааг̇ад̇аа’’д̇и. со д̇зхи абудтоязва ‘‘бан̃хабужчааяа зд̇д̇агаа д̣̇осаа, виссаж̇ж̇анз зд̇д̇агаа, ад̇т̇з, бад̣̇з, агкарз зд̇д̇агаад̇и; имам̣ бан̃хам̣ бужчанд̇о звам̣ бужчзяяа, виссаж̇ж̇знд̇о звам̣ виссаж̇ж̇зяяаа’’д̇и; ид̇и оваддигасаарам̣ гад̇ваа аанийд̇з бан̃хз д̇хаммагат̇ааяа анд̇арз багкибид̇ваа д̣̇ассзд̇и. д̇з бан̣д̣ид̇аа ‘‘сзяяаа вад̇а но, яз маяам̣ имз бан̃хз на бужчимхаа. сажзби маяам̣ бужчзяяаама, аббад̇идтид̇з но гад̇ваа саман̣о г̇од̇амо кибзяяаа’’д̇и ад̇д̇аманаа бхаванд̇и.
Kasmā pañhe na pucchantīti ce? Bhagavā kira parisamajjhe dhammaṃ desento parisāya ajjhāsayaṃ oloketi, tato passati ‘‘ime paṇḍitā gūḷhaṃ rahassaṃ pañhaṃ ovaṭṭikasāraṃ katvā āgatā’’ti. So tehi apuṭṭhoyeva ‘‘pañhapucchāya ettakā dosā, vissajjane ettakā, atthe, pade, akkhare ettakāti; imaṃ pañhaṃ pucchanto evaṃ puccheyya, vissajjento evaṃ vissajjeyyā’’ti; iti ovaṭṭikasāraṃ katvā ānīte pañhe dhammakathāya antare pakkhipitvā dasseti. Te paṇḍitā ‘‘seyyā vata no, ye mayaṃ ime pañhe na pucchimhā. Sacepi mayaṃ puccheyyāma, appatiṭṭhite no katvā samaṇo gotamo khipeyyā’’ti attamanā bhavanti.
аби жа б̣уд̣̇д̇хаа наама д̇хаммам̣ д̣̇зсзнд̇аа барисам̣ мзд̇д̇ааяа паранд̇и. мзд̇д̇аапаран̣зна д̣̇асаб̣алзсу махааж̇анасса жид̇д̇ам̣ басийд̣̇ад̇и. б̣уд̣̇д̇хаа наама руубаг̇г̇аббад̇д̇аа хонд̇и д̣̇ассанасамбаннаа мад̇хурассараа муд̣̇уж̇ивхаа супусид̇ад̣̇анд̇ааваран̣аа, амад̇зна хад̣̇аяам̣ син̃жанд̇аа вияа д̇хаммам̣ гат̇знд̇и. д̇ад̇ра нзсам̣ мзд̇д̇аапаран̣зна басаннажид̇д̇аанам̣ звам̣ ход̇и – ‘‘зваруубам̣ ад̣̇взж̇жхагат̇ам̣ амогхагат̇ам̣ нияяаанигагат̇ам̣ гат̇знд̇зна бхаг̇авад̇аа сад̣̇д̇хим̣ на сагкиссаама бажжанийгаг̇г̇аахам̣ г̇ан̣хид̇у’’нд̇и ад̇д̇ано басаннабхаавзнзва бан̃хз на бужчанд̇ийд̇и.
Api ca buddhā nāma dhammaṃ desentā parisaṃ mettāya pharanti. Mettāpharaṇena dasabalesu mahājanassa cittaṃ pasīdati. Buddhā nāma rūpaggappattā honti dassanasampannā madhurassarā mudujivhā suphusitadantāvaraṇā, amatena hadayaṃ siñcantā viya dhammaṃ kathenti. Tatra nesaṃ mettāpharaṇena pasannacittānaṃ evaṃ hoti – ‘‘evarūpaṃ advejjhakathaṃ amoghakathaṃ niyyānikakathaṃ kathentena bhagavatā saddhiṃ na sakkhissāma paccanīkaggāhaṃ gaṇhitu’’nti attano pasannabhāveneva pañhe na pucchantīti.
гат̇ид̇аа виссаж̇ж̇ид̇аа ваад̇и ‘‘звам̣ д̇умхз бужчат̇аа’’д̇и абужчид̇абан̃хаанам̣ ужжааран̣зна д̇з бан̃хаа бхаг̇авад̇аа гат̇ид̇аа зва хонд̇и. яат̇аа жа д̇з виссаж̇ж̇зд̇аб̣б̣аа, д̇ат̇аа виссаж̇ж̇ид̇аа зва хонд̇и. нид̣̇д̣̇идтагааран̣аад̇и иминаа гааран̣зна иминаа хзд̇унаа звам̣ хонд̇ийд̇и звам̣ сахзд̇угам̣ гад̇ваа виссаж̇ж̇анзна бхаг̇авад̇аа нид̣̇д̣̇идтагааран̣аа зва хонд̇и д̇з бан̃хаа. убагкид̇д̇агаа жа д̇з бхаг̇авад̇о самбаж̇ж̇анд̇ийд̇и кад̇д̇ияабан̣д̣ид̇аад̣̇аяо бхаг̇авад̇о бан̃хависсаж̇ж̇анзнзва бхаг̇авад̇о самийбз кид̇д̇агаа багкид̇д̇агаа самбаж̇ж̇анд̇и; саавагаа ваа самбаж̇ж̇анд̇и, убаасагаа ваад̇и ад̇т̇о; саавагасамбад̇д̇им̣ ваа баабун̣анд̇и, убаасагасамбад̇д̇им̣ ваад̇и вуд̇д̇ам̣ ход̇и. ат̇аад̇и ананд̇арад̇т̇з, д̇зсам̣ убагкид̇д̇агасамбад̇д̇исамананд̇арамзваад̇и ад̇т̇о. д̇ад̇т̇аад̇и д̇асмим̣ таанз, д̇асмим̣ ад̇хигаарз ваа. ад̇ирожад̇ийд̇и ад̇ивияа ж̇од̇ад̇и багаасад̇и. яад̣̇ид̣̇ам̣ бан̃н̃ааяаад̇и яааяам̣ бхаг̇авад̇о бан̃н̃аа, д̇ааяа бан̃н̃ааяа бхаг̇аваава ад̇ирожад̇ийд̇и ад̇т̇о. ид̇и-сад̣̇д̣̇о гааран̣ад̇т̇о, иминаа гааран̣знаад̇и ад̇т̇о. сзсам̣ саб̣б̣ад̇т̇а баагадамзваад̇и.
Kathitā vissajjitā vāti ‘‘evaṃ tumhe pucchathā’’ti apucchitapañhānaṃ uccāraṇena te pañhā bhagavatā kathitā eva honti. Yathā ca te vissajjetabbā, tathā vissajjitā eva honti. Niddiṭṭhakāraṇāti iminā kāraṇena iminā hetunā evaṃ hontīti evaṃ sahetukaṃ katvā vissajjanena bhagavatā niddiṭṭhakāraṇā eva honti te pañhā. Upakkhittakā ca te bhagavato sampajjantīti khattiyapaṇḍitādayo bhagavato pañhavissajjaneneva bhagavato samīpe khittakā pakkhittakā sampajjanti; sāvakā vā sampajjanti, upāsakā vāti attho; sāvakasampattiṃ vā pāpuṇanti, upāsakasampattiṃ vāti vuttaṃ hoti. Athāti anantaratthe, tesaṃ upakkhittakasampattisamanantaramevāti attho. Tatthāti tasmiṃ ṭhāne, tasmiṃ adhikāre vā. Atirocatīti ativiya jotati pakāsati. Yadidaṃ paññāyāti yāyaṃ bhagavato paññā, tāya paññāya bhagavāva atirocatīti attho. Iti-saddo kāraṇattho, iminā kāraṇenāti attho. Sesaṃ sabbattha pākaṭamevāti.
сад̣̇д̇хаммаббаж̇ж̇од̇игааяа махаанид̣̇д̣̇зсадтагат̇ааяа
Saddhammappajjotikāya mahāniddesaṭṭhakathāya
басуурасуд̇д̇анид̣̇д̣̇зсаван̣н̣анаа нидтид̇аа.
Pasūrasuttaniddesavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / махаанид̣̇д̣̇зсабаал̣и • Mahāniddesapāḷi / 8. басуурасуд̇д̇анид̣̇д̣̇зсо • 8. Pasūrasuttaniddeso
