| Library / Tipiṭaka / д̇ибидага • Tipiṭaka / т̇зрийг̇аат̇аа-адтагат̇аа • Therīgāthā-aṭṭhakathā |
10. бадаажаараат̇зрийг̇аат̇ааван̣н̣анаа
10. Paṭācārātherīgāthāvaṇṇanā
нан̇г̇алзхи гасам̣ кзд̇д̇анд̇иаад̣̇игаа бадаажаарааяа т̇зрияаа г̇аат̇аа. аяамби бад̣̇умуд̇д̇арасса бхаг̇авад̇о гаалз хам̣савад̇ийнаг̇арз гулаг̇зхз ниб̣б̣ад̇д̇ид̇ваа вин̃н̃уд̇ам̣ бад̇ваа, згад̣̇ивасам̣ сад̇т̇у санд̇игз д̇хаммам̣ сун̣анд̇ий сад̇т̇аарам̣ згам̣ бхигкуним̣ винаяад̇хараанам̣ аг̇г̇адтаанз табзнд̇ам̣ д̣̇исваа, ад̇хигаарагаммам̣ гад̇ваа д̇ам̣ таананд̇арам̣ бад̇т̇зси. саа яааваж̇ийвам̣ гусалам̣ гад̇ваа д̣̇звамануссзсу сам̣саранд̇ий гассабаб̣уд̣̇д̇хагаалз гигисса гаасиран̃н̃о г̇зхз бадисанд̇хим̣ г̇ахзд̇ваа сад̇д̇аннам̣ бхаг̇инийнам̣ аб̣бханд̇араа худ̇ваа вийсад̇и вассасахассаани б̣рахмажарияам̣ жарид̇ваа бхигкусан̇гхасса баривзн̣ам̣ агааси. саа д̇ад̇о жуд̇аа д̣̇звалогз ниб̣б̣ад̇д̇аа, згам̣ б̣уд̣̇д̇ханд̇арам̣ д̣̇иб̣б̣асамбад̇д̇им̣ анубхавид̇ваа имасмим̣ б̣уд̣̇д̇хуббаад̣̇з саавад̇т̇ияам̣ сздтиг̇зхз ниб̣б̣ад̇д̇ид̇ваа ваяаббад̇д̇аа ад̇д̇ано г̇зхз згзна гаммагаарзна сад̣̇д̇хим̣ гилзсасант̇авам̣ агааси. д̇ам̣ маад̇аабид̇аро самаж̇аад̇игасса гумаарасса д̣̇аад̇ум̣ д̣̇ивасам̣ сан̣табзсум̣. д̇ам̣ н̃ад̇ваа саа хад̇т̇асаарам̣ г̇ахзд̇ваа д̇зна гад̇асант̇авзна бурисзна сад̣̇д̇хим̣ аг̇г̇ад̣̇ваарзна нигкамид̇ваа згасмим̣ г̇аамагз васанд̇ий г̇аб̣бхиний ахоси. саа барибаггз г̇аб̣бхз ‘‘гим̣ ид̇ха анаат̇аваасзна, гулаг̇зхам̣ г̇ажчаама, саамий’’д̇и вад̇ваа д̇асмим̣ ‘‘аж̇ж̇а г̇ажчаама, свз г̇ажчаамаа’’д̇и гаалагкзбам̣ гаронд̇з ‘‘нааяам̣ б̣аало мам̣ нзссад̇ий’’д̇и д̇асмим̣ б̣ахи г̇ад̇з г̇зхз бадисаамзд̇аб̣б̣ам̣ бадисаамзд̇ваа ‘‘гулагхарам̣ г̇ад̇аад̇и маяхам̣ саамигасса гат̇зт̇аа’’д̇и бадивиссагагхараваасийнам̣ аажигкид̇ваа ‘‘згигаава гулагхарам̣ г̇амиссаамий’’д̇и маг̇г̇ам̣ бадибаж̇ж̇и . со ааг̇анд̇ваа г̇зхз д̇ам̣ абассанд̇о бадивиссагз бужчид̇ваа ‘‘гулагхарам̣ г̇ад̇аа’’д̇и суд̇ваа ‘‘мам̣ ниссааяа гулад̇хийд̇аа анаат̇аа ж̇аад̇аа’’д̇и бад̣̇аанубад̣̇ам̣ г̇анд̇ваа самбаабун̣и. д̇ассаа анд̇араамаг̇г̇з зва г̇аб̣бхавудтаанам̣ ахоси. саа басуд̇агаалад̇о бадтааяа бадиббассад̣̇д̇хаг̇амануссуггаа саамигам̣ г̇ахзд̇ваа нивад̇д̇и. д̣̇уд̇ияаваарамби г̇аб̣бхиний ахосийд̇иаад̣̇и саб̣б̣ам̣ буриманаязнзва вид̇т̇аарзд̇аб̣б̣ам̣.
Naṅgalehi kasaṃ khettantiādikā paṭācārāya theriyā gāthā. Ayampi padumuttarassa bhagavato kāle haṃsavatīnagare kulagehe nibbattitvā viññutaṃ patvā, ekadivasaṃ satthu santike dhammaṃ suṇantī satthāraṃ ekaṃ bhikkhuniṃ vinayadharānaṃ aggaṭṭhāne ṭhapentaṃ disvā, adhikārakammaṃ katvā taṃ ṭhānantaraṃ patthesi. Sā yāvajīvaṃ kusalaṃ katvā devamanussesu saṃsarantī kassapabuddhakāle kikissa kāsirañño gehe paṭisandhiṃ gahetvā sattannaṃ bhaginīnaṃ abbhantarā hutvā vīsati vassasahassāni brahmacariyaṃ caritvā bhikkhusaṅghassa pariveṇaṃ akāsi. Sā tato cutā devaloke nibbattā, ekaṃ buddhantaraṃ dibbasampattiṃ anubhavitvā imasmiṃ buddhuppāde sāvatthiyaṃ seṭṭhigehe nibbattitvā vayappattā attano gehe ekena kammakārena saddhiṃ kilesasanthavaṃ akāsi. Taṃ mātāpitaro samajātikassa kumārassa dātuṃ divasaṃ saṇṭhapesuṃ. Taṃ ñatvā sā hatthasāraṃ gahetvā tena katasanthavena purisena saddhiṃ aggadvārena nikkhamitvā ekasmiṃ gāmake vasantī gabbhinī ahosi. Sā paripakke gabbhe ‘‘kiṃ idha anāthavāsena, kulagehaṃ gacchāma, sāmī’’ti vatvā tasmiṃ ‘‘ajja gacchāma, sve gacchāmā’’ti kālakkhepaṃ karonte ‘‘nāyaṃ bālo maṃ nessatī’’ti tasmiṃ bahi gate gehe paṭisāmetabbaṃ paṭisāmetvā ‘‘kulagharaṃ gatāti mayhaṃ sāmikassa kathethā’’ti paṭivissakagharavāsīnaṃ ācikkhitvā ‘‘ekikāva kulagharaṃ gamissāmī’’ti maggaṃ paṭipajji . So āgantvā gehe taṃ apassanto paṭivissake pucchitvā ‘‘kulagharaṃ gatā’’ti sutvā ‘‘maṃ nissāya kuladhītā anāthā jātā’’ti padānupadaṃ gantvā sampāpuṇi. Tassā antarāmagge eva gabbhavuṭṭhānaṃ ahosi. Sā pasutakālato paṭṭhāya paṭippassaddhagamanussukkā sāmikaṃ gahetvā nivatti. Dutiyavārampi gabbhinī ahosītiādi sabbaṃ purimanayeneva vitthāretabbaṃ.
аяам̣ бана висзсо – яад̣̇аа д̇ассаа анд̇араамаг̇г̇з гаммаж̇аваад̇аа жалим̣су, д̇ад̣̇аа махааагааламзгхо уд̣̇абаад̣̇и. саманд̇ад̇о виж̇ж̇улад̇аахи аад̣̇ид̇д̇ам̣ вияа мзгхат̇анид̇зхи бхиж̇ж̇амаанам̣ вияа жа уд̣̇агад̇хаараанибаад̇аниранд̇арам̣ набхам̣ ахоси. саа д̇ам̣ д̣̇исваа, ‘‘саами, мз ановассагам̣ таанам̣ ж̇аанаахий’’д̇и ааха. со ид̇о жид̇о жа ологзнд̇о згам̣ д̇ин̣асан̃чаннам̣ г̇умб̣ам̣ д̣̇исваа д̇ад̇т̇а г̇анд̇ваа хад̇т̇аг̇ад̇ааяа ваасияаа д̇асмим̣ г̇умб̣з д̣̇ан̣д̣агз чинд̣̇ид̇угаамо д̇ин̣зхи сан̃чаад̣̇ид̇аваммигасийсанд̇з удтид̇аругкад̣̇ан̣д̣агам̣ чинд̣̇и. д̇аавад̣̇зва жа нам̣ д̇ад̇о ваммигад̇о нигкамид̇ваа гхорависо аасийвисо д̣ам̣си. со д̇ад̇т̇зва бад̇ид̇ваа гааламагааси. саа махаад̣̇угкам̣ анубхаванд̇ий д̇асса ааг̇аманам̣ ологзнд̇ий д̣̇взби д̣̇аарагз ваад̇авудтим̣ асахамаанз вираванд̇з уранд̇арз гад̇ваа, д̣̇вийхи ж̇аан̣угзхи д̣̇вийхи хад̇т̇зхи жа бхуумим̣ уббийл̣зд̇ваа яат̇аатид̇аава рад̇д̇им̣ вийд̇инаамзд̇ваа вибхаад̇ааяа рад̇д̇ияаа мам̣сабзсиван̣н̣ам̣ згам̣ буд̇д̇ам̣ билод̇игажумб̣адагз нибаж̇ж̇аабзд̇ваа хад̇т̇зхи урзхи жа бариг̇г̇ахзд̇ваа, ид̇арам̣ ‘‘зхи, д̇аад̇а, бид̇аа д̇з ид̇о г̇ад̇о’’д̇и вад̇ваа саамигзна г̇ад̇амаг̇г̇зна г̇ажчанд̇ий д̇ам̣ ваммигасамийбз гаалан̇гад̇ам̣ нисиннам̣ д̣̇исваа ‘‘мам̣ ниссааяа мама саамиго мад̇о’’д̇и род̣̇анд̇ий барид̣̇званд̇ий сагаларад̇д̇им̣ д̣̇звзна вудтад̇д̇аа ж̇ан̣н̣угаббамаан̣ам̣ т̇анаббамаан̣ам̣ уд̣̇агам̣ саванд̇им̣ анд̇араамаг̇г̇з над̣̇им̣ бад̇ваа, ад̇д̇ано манд̣̇аб̣уд̣̇д̇хид̇ааяа д̣̇уб̣б̣алад̇ааяа жа д̣̇вийхи д̣̇аарагзхи сад̣̇д̇хим̣ уд̣̇агам̣ од̇арид̇ум̣ ависаханд̇ий ж̇здтабуд̇д̇ам̣ оримад̇ийрз табзд̇ваа ид̇арам̣ аад̣̇ааяа барад̇ийрам̣ г̇анд̇ваа саакаабхан̇г̇ам̣ ад̇т̇арид̇ваа д̇ад̇т̇а билод̇игажумб̣адагз нибаж̇ж̇аабзд̇ваа ‘‘ид̇арасса санд̇игам̣ г̇амиссаамий’’д̇и б̣аалабуд̇д̇агам̣ бахаад̇ум̣ асаггонд̇ий бунаббунам̣ нивад̇д̇ид̇ваа ологаяамаанаа над̣̇им̣ од̇арад̇и.
Ayaṃ pana viseso – yadā tassā antarāmagge kammajavātā caliṃsu, tadā mahāakālamegho udapādi. Samantato vijjulatāhi ādittaṃ viya meghathanitehi bhijjamānaṃ viya ca udakadhārānipātanirantaraṃ nabhaṃ ahosi. Sā taṃ disvā, ‘‘sāmi, me anovassakaṃ ṭhānaṃ jānāhī’’ti āha. So ito cito ca olokento ekaṃ tiṇasañchannaṃ gumbaṃ disvā tattha gantvā hatthagatāya vāsiyā tasmiṃ gumbe daṇḍake chinditukāmo tiṇehi sañchāditavammikasīsante uṭṭhitarukkhadaṇḍakaṃ chindi. Tāvadeva ca naṃ tato vammikato nikkhamitvā ghoraviso āsīviso ḍaṃsi. So tattheva patitvā kālamakāsi. Sā mahādukkhaṃ anubhavantī tassa āgamanaṃ olokentī dvepi dārake vātavuṭṭhiṃ asahamāne viravante urantare katvā, dvīhi jāṇukehi dvīhi hatthehi ca bhūmiṃ uppīḷetvā yathāṭhitāva rattiṃ vītināmetvā vibhātāya rattiyā maṃsapesivaṇṇaṃ ekaṃ puttaṃ pilotikacumbaṭake nipajjāpetvā hatthehi urehi ca pariggahetvā, itaraṃ ‘‘ehi, tāta, pitā te ito gato’’ti vatvā sāmikena gatamaggena gacchantī taṃ vammikasamīpe kālaṅkataṃ nisinnaṃ disvā ‘‘maṃ nissāya mama sāmiko mato’’ti rodantī paridevantī sakalarattiṃ devena vuṭṭhattā jaṇṇukappamāṇaṃ thanappamāṇaṃ udakaṃ savantiṃ antarāmagge nadiṃ patvā, attano mandabuddhitāya dubbalatāya ca dvīhi dārakehi saddhiṃ udakaṃ otarituṃ avisahantī jeṭṭhaputtaṃ orimatīre ṭhapetvā itaraṃ ādāya paratīraṃ gantvā sākhābhaṅgaṃ attharitvā tattha pilotikacumbaṭake nipajjāpetvā ‘‘itarassa santikaṃ gamissāmī’’ti bālaputtakaṃ pahātuṃ asakkontī punappunaṃ nivattitvā olokayamānā nadiṃ otarati.
ат̇ассаа над̣̇иймаж̇жхам̣ г̇ад̇агаалз зго сзно д̇ам̣ д̣̇аарагам̣ д̣̇исваа ‘‘мам̣сабзсий’’д̇и сан̃н̃ааяа аагаасад̇о бхасси. саа д̇ам̣ д̣̇исваа убхо хад̇т̇з угкибид̇ваа ‘‘суусуу’’д̇и д̇игкад̇д̇ум̣ махаасад̣̇д̣̇ам̣ нижчаарзси. сзно д̣̇уурабхаавзна д̇ам̣ анаад̣̇ияанд̇о гумаарам̣ г̇ахзд̇ваа взхаасам̣ уббад̇и. оримад̇ийрз тид̇о буд̇д̇о убхо хад̇т̇з угкибид̇ваа махаасад̣̇д̣̇ам̣ нижчаараяамаанам̣ д̣̇исваа ‘‘мам̣ санд̇хааяа вад̣̇ад̇ий’’д̇и сан̃н̃ааяа взг̇зна уд̣̇агз бад̇и. ид̇и б̣аалабуд̇д̇аго сзнзна, ж̇здтабуд̇д̇аго уд̣̇агзна хад̇о. саа ‘‘зго мз буд̇д̇о сзнзна г̇ахид̇о, зго уд̣̇агзна вуул̣хо, бант̇з мз бад̇и мад̇о’’д̇и род̣̇анд̇ий барид̣̇званд̇ий г̇ажчанд̇ий саавад̇т̇ид̇о ааг̇ажчанд̇ам̣ згам̣ бурисам̣ д̣̇исваа бужчи – ‘‘гад̇т̇а ваасигоси, д̇аад̇аа’’д̇и? ‘‘саавад̇т̇иваасигомхи, аммаа’’д̇и. ‘‘саавад̇т̇ияам̣ асугавийт̇ияам̣ асугагулам̣ наама ад̇т̇и, д̇ам̣ ж̇аанааси, д̇аад̇аа’’д̇и? ‘‘ж̇аанаами, амма, д̇ам̣ бана маа бужчи, ан̃н̃ам̣ бужчаа’’д̇и. ‘‘ан̃н̃зна мз баяож̇анам̣ над̇т̇и, д̇ад̣̇зва бужчаами, д̇аад̇аа’’д̇и. ‘‘амма, д̇вам̣ ад̇д̇ано анаажигкид̇ум̣ на д̣̇зси, аж̇ж̇а д̇з саб̣б̣арад̇д̇им̣ д̣̇зво вассанд̇о д̣̇идто’’д̇и? ‘‘д̣̇идто мз, д̇аад̇а, маяхамзва со саб̣б̣арад̇д̇им̣ вудто, д̇ам̣ гааран̣ам̣ бажчаа гат̇зссаами, зд̇асмим̣ д̇аава мз сздтиг̇зхз бавад̇д̇им̣ гат̇зхий’’д̇и. ‘‘амма, аж̇ж̇а рад̇д̇ияам̣ сздти жа бхарияаа жа сздтибуд̇д̇о жаад̇и д̇аяоби ж̇анз авад̇т̇арамаанам̣ г̇зхам̣ бад̇и, д̇з згажид̇агааяам̣ жхааяанд̇и, свааяам̣ д̇хуумо бан̃н̃ааяад̇и, аммаа’’д̇и. саа д̇асмим̣ кан̣з нивад̇т̇авад̇т̇амби бад̇амаанам̣ на сан̃ж̇аани. согуммад̇д̇ад̇д̇ам̣ бад̇ваа ж̇аад̇аруубзнзва –
Athassā nadīmajjhaṃ gatakāle eko seno taṃ dārakaṃ disvā ‘‘maṃsapesī’’ti saññāya ākāsato bhassi. Sā taṃ disvā ubho hatthe ukkhipitvā ‘‘sūsū’’ti tikkhattuṃ mahāsaddaṃ nicchāresi. Seno dūrabhāvena taṃ anādiyanto kumāraṃ gahetvā vehāsaṃ uppati. Orimatīre ṭhito putto ubho hatthe ukkhipitvā mahāsaddaṃ nicchārayamānaṃ disvā ‘‘maṃ sandhāya vadatī’’ti saññāya vegena udake pati. Iti bālaputtako senena, jeṭṭhaputtako udakena hato. Sā ‘‘eko me putto senena gahito, eko udakena vūḷho, panthe me pati mato’’ti rodantī paridevantī gacchantī sāvatthito āgacchantaṃ ekaṃ purisaṃ disvā pucchi – ‘‘kattha vāsikosi, tātā’’ti? ‘‘Sāvatthivāsikomhi, ammā’’ti. ‘‘Sāvatthiyaṃ asukavīthiyaṃ asukakulaṃ nāma atthi, taṃ jānāsi, tātā’’ti? ‘‘Jānāmi, amma, taṃ pana mā pucchi, aññaṃ pucchā’’ti. ‘‘Aññena me payojanaṃ natthi, tadeva pucchāmi, tātā’’ti. ‘‘Amma, tvaṃ attano anācikkhituṃ na desi, ajja te sabbarattiṃ devo vassanto diṭṭho’’ti? ‘‘Diṭṭho me, tāta, mayhameva so sabbarattiṃ vuṭṭho, taṃ kāraṇaṃ pacchā kathessāmi, etasmiṃ tāva me seṭṭhigehe pavattiṃ kathehī’’ti. ‘‘Amma, ajja rattiyaṃ seṭṭhi ca bhariyā ca seṭṭhiputto cāti tayopi jane avattharamānaṃ gehaṃ pati, te ekacitakāyaṃ jhāyanti, svāyaṃ dhūmo paññāyati, ammā’’ti. Sā tasmiṃ khaṇe nivatthavatthampi patamānaṃ na sañjāni. Sokummattattaṃ patvā jātarūpeneva –
‘‘убхо буд̇д̇аа гаалан̇гад̇аа, бант̇з маяхам̣ бад̇ий мад̇о;
‘‘Ubho puttā kālaṅkatā, panthe mayhaṃ patī mato;
маад̇аа бид̇аа жа бхаад̇аа жа, згажид̇амхи д̣аяхарз’’д̇и. (аба. т̇зрий 2.2.498) –
Mātā pitā ca bhātā ca, ekacitamhi ḍayhare’’ti. (apa. therī 2.2.498) –
вилабанд̇ий бариб̣бхамад̇и.
Vilapantī paribbhamati.
д̇ад̇о бадтааяа д̇ассаа ниваасанамад̇д̇знаби бадзна ажаран̣ад̇о бад̇ид̇аажаарад̇д̇аа бадаажаараад̇взва саман̃н̃аа ахоси. д̇ам̣ д̣̇исваа мануссаа ‘‘г̇ажча, уммад̇д̇игз’’д̇и гзжи гажаварам̣ мад̇т̇агз кибанд̇и, ан̃н̃з бам̣сум̣ огиранд̇и, абарз лзд̣д̣ум̣ кибанд̇и. сад̇т̇аа ж̇зд̇аванз махаабарисаамаж̇жхз нисийд̣̇ид̇ваа д̇хаммам̣ д̣̇зсзнд̇о д̇ам̣ д̇ат̇аа бариб̣бхаманд̇им̣ д̣̇исваа н̃аан̣абарибааган̃жа ологзд̇ваа яат̇аа вихаараабхимукий ааг̇ажчад̇и, д̇ат̇аа агааси. барисаа д̇ам̣ д̣̇исваа ‘‘имиссаа уммад̇д̇игааяа ид̇о ааг̇анд̇ум̣ маад̣̇ад̇т̇аа’’д̇и ааха. ‘‘бхаг̇аваа маа нам̣ ваараяид̇т̇аа’’д̇и вад̇ваа авид̣̇уурадтаанам̣ ааг̇ад̇агаалз ‘‘сад̇им̣ бадилабха бхаг̇иний’’д̇и ааха. саа д̇аавад̣̇зва б̣уд̣̇д̇хаанубхаавзна сад̇им̣ бадилабхид̇ваа нивад̇т̇авад̇т̇асса бад̇ид̇абхаавам̣ саллагкзд̇ваа хирод̇д̇аббам̣ бажжубадтабзд̇ваа уггудигам̣ убанисаж̇ж̇ааяа нисийд̣̇и. зго бурисо уд̇д̇арасаадагам̣ киби. саа д̇ам̣ ниваасзд̇ваа сад̇т̇аарам̣ убасан̇гамид̇ваа бан̃жабад̇идтид̇зна ванд̣̇ид̇ваа, ‘‘бханд̇з, авассаяо мз хот̇а, згам̣ мз буд̇д̇ам̣ сзно г̇ан̣хи, зго уд̣̇агзна вуул̣хо, бант̇з бад̇и мад̇о, маад̇аабид̇аро бхаад̇аа жа г̇зхзна авад̇т̇адаа мад̇аа згажид̇агасмим̣ жхааяанд̇ий’’д̇и саа согагааран̣ам̣ аажигки. сад̇т̇аа ‘‘бадаажаарз, маа жинд̇аяи, д̇ава авассаяо бхавид̇ум̣ самад̇т̇ассзва санд̇игам̣ ааг̇ад̇ааси. яат̇аа хи д̇вам̣ ид̣̇аани буд̇д̇аад̣̇ийнам̣ маран̣анимид̇д̇ам̣ ассууни бавад̇д̇зси, звам̣ анамад̇аг̇г̇з сам̣саарз буд̇д̇аад̣̇ийнам̣ маран̣ахзд̇у бавад̇д̇ид̇ам̣ ассу жад̇уннам̣ махаасамуд̣̇д̣̇аанам̣ уд̣̇агад̇о б̣ахуд̇ара’’нд̇и д̣̇ассзнд̇о –
Tato paṭṭhāya tassā nivāsanamattenapi paṭena acaraṇato patitācārattā paṭācārātveva samaññā ahosi. Taṃ disvā manussā ‘‘gaccha, ummattike’’ti keci kacavaraṃ matthake khipanti, aññe paṃsuṃ okiranti, apare leḍḍuṃ khipanti. Satthā jetavane mahāparisāmajjhe nisīditvā dhammaṃ desento taṃ tathā paribbhamantiṃ disvā ñāṇaparipākañca oloketvā yathā vihārābhimukhī āgacchati, tathā akāsi. Parisā taṃ disvā ‘‘imissā ummattikāya ito āgantuṃ mādatthā’’ti āha. ‘‘Bhagavā mā naṃ vārayitthā’’ti vatvā avidūraṭṭhānaṃ āgatakāle ‘‘satiṃ paṭilabha bhaginī’’ti āha. Sā tāvadeva buddhānubhāvena satiṃ paṭilabhitvā nivatthavatthassa patitabhāvaṃ sallakkhetvā hirottappaṃ paccupaṭṭhapetvā ukkuṭikaṃ upanisajjāya nisīdi. Eko puriso uttarasāṭakaṃ khipi. Sā taṃ nivāsetvā satthāraṃ upasaṅkamitvā pañcapatiṭṭhitena vanditvā, ‘‘bhante, avassayo me hotha, ekaṃ me puttaṃ seno gaṇhi, eko udakena vūḷho, panthe pati mato, mātāpitaro bhātā ca gehena avatthaṭā matā ekacitakasmiṃ jhāyantī’’ti sā sokakāraṇaṃ ācikkhi. Satthā ‘‘paṭācāre, mā cintayi, tava avassayo bhavituṃ samatthasseva santikaṃ āgatāsi. Yathā hi tvaṃ idāni puttādīnaṃ maraṇanimittaṃ assūni pavattesi, evaṃ anamatagge saṃsāre puttādīnaṃ maraṇahetu pavattitaṃ assu catunnaṃ mahāsamuddānaṃ udakato bahutara’’nti dassento –
‘‘жад̇уусу самуд̣̇д̣̇зсу ж̇алам̣ барид̇д̇агам̣, д̇ад̇о б̣ахум̣ ассуж̇алам̣ анаббагам̣;
‘‘Catūsu samuddesu jalaṃ parittakaṃ, tato bahuṃ assujalaṃ anappakaṃ;
д̣̇угкзна пудтасса нарасса сожанаа, гим̣ гааран̣аа амма д̇увам̣ бамаж̇ж̇асий’’д̇и. (д̇ха. ба. адта. 1.112 бадаажаараат̇зрийвад̇т̇у) –
Dukkhena phuṭṭhassa narassa socanā, kiṃ kāraṇā amma tuvaṃ pamajjasī’’ti. (dha. pa. aṭṭha. 1.112 paṭācārātherīvatthu) –
г̇аат̇ам̣ абхааси.
Gāthaṃ abhāsi.
звам̣ сад̇т̇ари анамад̇аг̇г̇абарияааяагат̇ам̣ (сам̣. ни. 2.125-126) гат̇знд̇з д̇ассаа сого д̇ануд̇арабхаавам̣ аг̇амааси. ат̇а нам̣ д̇анубхууд̇асогам̣ н̃ад̇ваа ‘‘бадаажаарз, буд̇д̇аад̣̇аяо наама баралогам̣ г̇ажчанд̇асса д̇аан̣ам̣ ваа лзн̣ам̣ ваа саран̣ам̣ ваа бхавид̇ум̣ на саггонд̇ий’’д̇и виж̇ж̇амаанааби д̇з на санд̇и зва, д̇асмаа бан̣д̣ид̇зна ад̇д̇ано сийлам̣ висод̇хзд̇ваа ниб̣б̣аанаг̇аамимаг̇г̇оязва саад̇хзд̇аб̣б̣од̇и д̣̇ассзнд̇о –
Evaṃ satthari anamataggapariyāyakathaṃ (saṃ. ni. 2.125-126) kathente tassā soko tanutarabhāvaṃ agamāsi. Atha naṃ tanubhūtasokaṃ ñatvā ‘‘paṭācāre, puttādayo nāma paralokaṃ gacchantassa tāṇaṃ vā leṇaṃ vā saraṇaṃ vā bhavituṃ na sakkontī’’ti vijjamānāpi te na santi eva, tasmā paṇḍitena attano sīlaṃ visodhetvā nibbānagāmimaggoyeva sādhetabboti dassento –
‘‘на санд̇и буд̇д̇аа д̇аан̣ааяа, на бид̇аа нааби б̣анд̇хаваа;
‘‘Na santi puttā tāṇāya, na pitā nāpi bandhavā;
анд̇агзнаад̇хибаннасса, над̇т̇и н̃аад̇ийсу д̇аан̣ад̇аа.
Antakenādhipannassa, natthi ñātīsu tāṇatā.
‘‘зд̇амад̇т̇авасам̣ н̃ад̇ваа, бан̣д̣ид̇о сийласам̣вуд̇о;
‘‘Etamatthavasaṃ ñatvā, paṇḍito sīlasaṃvuto;
ниб̣б̣аанаг̇аманам̣ маг̇г̇ам̣, киббамзва висод̇хаяз’’д̇и. (д̇ха. ба. 288-289) –
Nibbānagamanaṃ maggaṃ, khippameva visodhaye’’ti. (dha. pa. 288-289) –
имаахи г̇аат̇аахи д̇хаммам̣ д̣̇зсзси. д̣̇зсанаавасаанз бадаажаараа сод̇аабад̇д̇ипалз бад̇идтахид̇ваа сад̇т̇аарам̣ баб̣б̣аж̇ж̇ам̣ яаажи. сад̇т̇аа д̇ам̣ бхигкунийнам̣ санд̇игам̣ нзд̇ваа баб̣б̣ааж̇зси. саа лад̣̇д̇хуубасамбад̣̇аа убаримаг̇г̇ад̇т̇ааяа вибассанааяа гаммам̣ гаронд̇ий згад̣̇ивасам̣ гхадзна уд̣̇агам̣ аад̣̇ааяа баад̣̇з д̇хованд̇ий уд̣̇агам̣ аасин̃жи. д̇ам̣ т̇огам̣ таанам̣ г̇анд̇ваа бажчиж̇ж̇и, д̣̇уд̇ияаваарам̣ аасид̇д̇ам̣ д̇ад̇о д̣̇уурам̣ аг̇амааси, д̇ад̇ияаваарам̣ аасид̇д̇ам̣ д̇ад̇оби д̣̇уурад̇арам̣ аг̇амааси. саа д̇ад̣̇зва аарамман̣ам̣ г̇ахзд̇ваа д̇аяо ваяз барижчинд̣̇ид̇ваа ‘‘маяаа батамам̣ аасид̇д̇ауд̣̇агам̣ вияа имз сад̇д̇аа батамаваязби маранд̇и, д̇ад̇о д̣̇уурам̣ г̇ад̇ам̣ д̣̇уд̇ияаваарам̣ аасид̇д̇ам̣ уд̣̇агам̣ вияа маж̇жхимаваязби, д̇ад̇о д̣̇уурад̇арам̣ г̇ад̇ам̣ д̇ад̇ияаваарам̣ аасид̇д̇ам̣ уд̣̇агам̣ вияа бажчимаваязби маранд̇иязваа’’д̇и жинд̇зси. сад̇т̇аа г̇анд̇хагудияам̣ нисиннова обхаасам̣ парид̇ваа д̇ассаа саммукз тад̇ваа гат̇знд̇о вияа ‘‘звамзд̇ам̣, бадаажаарз, саб̣б̣збимз сад̇д̇аа маран̣ад̇хаммаа, д̇асмаа бан̃жаннам̣ канд̇хаанам̣ уд̣̇аяаб̣б̣аяам̣ абассанд̇асса вассасад̇ам̣ ж̇ийвад̇о д̇ам̣ бассанд̇асса згаахамби згагкан̣амби ж̇ийвид̇ам̣ сзяяо’’д̇и имамад̇т̇ам̣ д̣̇ассзнд̇о –
Imāhi gāthāhi dhammaṃ desesi. Desanāvasāne paṭācārā sotāpattiphale patiṭṭhahitvā satthāraṃ pabbajjaṃ yāci. Satthā taṃ bhikkhunīnaṃ santikaṃ netvā pabbājesi. Sā laddhūpasampadā uparimaggatthāya vipassanāya kammaṃ karontī ekadivasaṃ ghaṭena udakaṃ ādāya pāde dhovantī udakaṃ āsiñci. Taṃ thokaṃ ṭhānaṃ gantvā pacchijji, dutiyavāraṃ āsittaṃ tato dūraṃ agamāsi, tatiyavāraṃ āsittaṃ tatopi dūrataraṃ agamāsi. Sā tadeva ārammaṇaṃ gahetvā tayo vaye paricchinditvā ‘‘mayā paṭhamaṃ āsittaudakaṃ viya ime sattā paṭhamavayepi maranti, tato dūraṃ gataṃ dutiyavāraṃ āsittaṃ udakaṃ viya majjhimavayepi, tato dūrataraṃ gataṃ tatiyavāraṃ āsittaṃ udakaṃ viya pacchimavayepi marantiyevā’’ti cintesi. Satthā gandhakuṭiyaṃ nisinnova obhāsaṃ pharitvā tassā sammukhe ṭhatvā kathento viya ‘‘evametaṃ, paṭācāre, sabbepime sattā maraṇadhammā, tasmā pañcannaṃ khandhānaṃ udayabbayaṃ apassantassa vassasataṃ jīvato taṃ passantassa ekāhampi ekakkhaṇampi jīvitaṃ seyyo’’ti imamatthaṃ dassento –
‘‘яо жа вассасад̇ам̣ ж̇ийвз, абассам̣ уд̣̇аяаб̣б̣аяам̣;
‘‘Yo ca vassasataṃ jīve, apassaṃ udayabbayaṃ;
згаахам̣ ж̇ийвид̇ам̣ сзяяо, бассад̇о уд̣̇аяаб̣б̣аяа’’нд̇и. (д̇ха. ба. 113) –
Ekāhaṃ jīvitaṃ seyyo, passato udayabbaya’’nti. (dha. pa. 113) –
г̇аат̇амааха. г̇аат̇аабарияосаанз бадаажаараа саха бадисамбхид̣̇аахи арахад̇д̇ам̣ баабун̣и. д̇зна вуд̇д̇ам̣ абад̣̇аанз (аба. т̇зрий 2.2.468-511) –
Gāthamāha. Gāthāpariyosāne paṭācārā saha paṭisambhidāhi arahattaṃ pāpuṇi. Tena vuttaṃ apadāne (apa. therī 2.2.468-511) –
‘‘бад̣̇умуд̇д̇аро наама ж̇ино, саб̣б̣ад̇хаммаана баараг̇уу;
‘‘Padumuttaro nāma jino, sabbadhammāna pāragū;
ид̇о сад̇асахассамхи, габбз уббаж̇ж̇и нааяаго.
Ito satasahassamhi, kappe uppajji nāyako.
‘‘д̇ад̣̇аахам̣ хам̣савад̇ияам̣, ж̇аад̇аа сздтигулз ахум̣;
‘‘Tadāhaṃ haṃsavatiyaṃ, jātā seṭṭhikule ahuṃ;
наанаарад̇анабаж̇ж̇од̇з, махаасукасамаббид̇аа.
Nānāratanapajjote, mahāsukhasamappitā.
‘‘убзд̇ваа д̇ам̣ махаавийрам̣, ассосим̣ д̇хаммад̣̇зсанам̣;
‘‘Upetvā taṃ mahāvīraṃ, assosiṃ dhammadesanaṃ;
д̇ад̇о ж̇аад̇абасаад̣̇аахам̣, убзсим̣ саран̣ам̣ ж̇инам̣.
Tato jātapasādāhaṃ, upesiṃ saraṇaṃ jinaṃ.
‘‘д̇ад̇о винаяад̇хаарийнам̣, аг̇г̇ам̣ ван̣н̣зси нааяаго;
‘‘Tato vinayadhārīnaṃ, aggaṃ vaṇṇesi nāyako;
бхигкуним̣ лаж̇ж̇иним̣ д̇аад̣̇им̣, габбаагаббависаарад̣̇ам̣.
Bhikkhuniṃ lajjiniṃ tādiṃ, kappākappavisāradaṃ.
‘‘д̇ад̣̇аа муд̣̇ид̇ажид̇д̇аахам̣, д̇ам̣ таанамабхиган̇киний;
‘‘Tadā muditacittāhaṃ, taṃ ṭhānamabhikaṅkhinī;
ниманд̇зд̇ваа д̣̇асаб̣алам̣, сасан̇гхам̣ логанааяагам̣.
Nimantetvā dasabalaṃ, sasaṅghaṃ lokanāyakaṃ.
‘‘бхож̇аяид̇ваана сад̇д̇аахам̣, д̣̇ад̣̇ид̇ваава д̇ижийварам̣;
‘‘Bhojayitvāna sattāhaṃ, daditvāva ticīvaraṃ;
нибажжа сирасаа баад̣̇з, ид̣̇ам̣ важанамаб̣равим̣.
Nipacca sirasā pāde, idaṃ vacanamabraviṃ.
‘‘яаа д̇аяаа ван̣н̣ид̇аа вийра, ид̇о адтамагз муни;
‘‘Yā tayā vaṇṇitā vīra, ito aṭṭhamake muni;
д̇аад̣̇исаахам̣ бхависсаами, яад̣̇и сиж̇жхад̇и нааяага.
Tādisāhaṃ bhavissāmi, yadi sijjhati nāyaka.
‘‘д̇ад̣̇аа авожа мам̣ сад̇т̇аа, бхад̣̇д̣̇з маа бхааяи ассаса;
‘‘Tadā avoca maṃ satthā, bhadde mā bhāyi assasa;
анааг̇ад̇амхи ад̣̇д̇хаанз, лажчасз д̇ам̣ манорат̇ам̣.
Anāgatamhi addhāne, lacchase taṃ manorathaṃ.
‘‘сад̇асахассид̇о габбз, оггаагагуласамбхаво;
‘‘Satasahassito kappe, okkākakulasambhavo;
г̇од̇амо наама г̇од̇д̇зна, сад̇т̇аа логз бхависсад̇и.
Gotamo nāma gottena, satthā loke bhavissati.
‘‘д̇асса д̇хаммзсу д̣̇ааяаад̣̇аа, орасаа д̇хамманиммид̇аа;
‘‘Tassa dhammesu dāyādā, orasā dhammanimmitā;
бадаажаараад̇и наамзна, хзссад̇и сад̇т̇у саавигаа.
Paṭācārāti nāmena, hessati satthu sāvikā.
‘‘д̇ад̣̇аахам̣ муд̣̇ид̇аа худ̇ваа, яааваж̇ийвам̣ д̇ад̣̇аа ж̇инам̣;
‘‘Tadāhaṃ muditā hutvā, yāvajīvaṃ tadā jinaṃ;
мзд̇д̇ажид̇д̇аа барижарим̣, сасан̇гхам̣ логанааяагам̣.
Mettacittā paricariṃ, sasaṅghaṃ lokanāyakaṃ.
‘‘д̇зна гаммзна сугад̇зна, жзд̇анаабан̣ид̇хийхи жа;
‘‘Tena kammena sukatena, cetanāpaṇidhīhi ca;
ж̇ахид̇ваа маанусам̣ д̣̇зхам̣, д̇аавад̇им̣самаг̇ажчахам̣.
Jahitvā mānusaṃ dehaṃ, tāvatiṃsamagacchahaṃ.
‘‘имамхи бхад̣̇д̣̇агз габбз, б̣рахмаб̣анд̇ху махааяасо;
‘‘Imamhi bhaddake kappe, brahmabandhu mahāyaso;
гассабо наама г̇од̇д̇зна, уббаж̇ж̇и вад̣̇ад̇ам̣ варо.
Kassapo nāma gottena, uppajji vadataṃ varo.
‘‘убадтааго махзсисса, д̇ад̣̇аа ааси нариссаро;
‘‘Upaṭṭhāko mahesissa, tadā āsi narissaro;
гаасирааж̇аа гигий наама, б̣аараан̣асибуруд̇д̇амз.
Kāsirājā kikī nāma, bārāṇasipuruttame.
‘‘д̇ассаасим̣ д̇ад̇ияаа д̇хийд̇аа, бхигкуний ид̇и виссуд̇аа;
‘‘Tassāsiṃ tatiyā dhītā, bhikkhunī iti vissutā;
д̇хаммам̣ суд̇ваа ж̇инаг̇г̇асса, баб̣б̣аж̇ж̇ам̣ самарожаяим̣.
Dhammaṃ sutvā jinaggassa, pabbajjaṃ samarocayiṃ.
‘‘ануж̇аани на но д̇аад̇о, аг̇аарзва д̇ад̣̇аа маяам̣;
‘‘Anujāni na no tāto, agāreva tadā mayaṃ;
вийсавассасахассаани, вижаримха ад̇анд̣̇ид̇аа.
Vīsavassasahassāni, vicarimha atanditā.
‘‘гомаариб̣рахмажарияам̣, рааж̇аган̃н̃аа сукзд̇хид̇аа;
‘‘Komāribrahmacariyaṃ, rājakaññā sukhedhitā;
б̣уд̣̇д̇хобадтаананирад̇аа, муд̣̇ид̇аа сад̇д̇ад̇хийд̇аро.
Buddhopaṭṭhānaniratā, muditā sattadhītaro.
‘‘саман̣ий саман̣аг̇уд̇д̇аа жа, бхигкуний бхигкуд̣̇ааяигаа;
‘‘Samaṇī samaṇaguttā ca, bhikkhunī bhikkhudāyikā;
д̇хаммаа жзва суд̇хаммаа жа, сад̇д̇амий сан̇гхад̣̇ааяигаа.
Dhammā ceva sudhammā ca, sattamī saṅghadāyikā.
‘‘ахам̣ уббалаван̣н̣аа жа, кзмаа бхад̣̇д̣̇аа жа бхигкуний;
‘‘Ahaṃ uppalavaṇṇā ca, khemā bhaddā ca bhikkhunī;
гисааг̇од̇амий д̇хаммад̣̇иннаа, висаакаа ход̇и сад̇д̇амий.
Kisāgotamī dhammadinnā, visākhā hoti sattamī.
‘‘д̇зхи гаммзхи сугад̇зхи, жзд̇анаабан̣ид̇хийхи жа;
‘‘Tehi kammehi sukatehi, cetanāpaṇidhīhi ca;
ж̇ахид̇ваа маанусам̣ д̣̇зхам̣, д̇аавад̇им̣самаг̇ажчахам̣.
Jahitvā mānusaṃ dehaṃ, tāvatiṃsamagacchahaṃ.
‘‘бажчимз жа бхавз д̣̇аани, ж̇аад̇аа сздтигулз ахам̣;
‘‘Pacchime ca bhave dāni, jātā seṭṭhikule ahaṃ;
саавад̇т̇ияам̣ бураварз, ид̣̇д̇хз пийд̇з махад̣̇д̇ханз.
Sāvatthiyaṃ puravare, iddhe phīte mahaddhane.
‘‘яад̣̇аа жа яоб̣б̣ануубзд̇аа, вид̇аггавасаг̇аа ахам̣;
‘‘Yadā ca yobbanūpetā, vitakkavasagā ahaṃ;
нарам̣ ж̇аарабад̇им̣ д̣̇исваа, д̇зна сад̣̇д̇хим̣ аг̇ажчахам̣.
Naraṃ jārapatiṃ disvā, tena saddhiṃ agacchahaṃ.
‘‘згабуд̇д̇абасууд̇аахам̣, д̣̇уд̇ияо гужчияаа мама;
‘‘Ekaputtapasūtāhaṃ, dutiyo kucchiyā mama;
д̇ад̣̇аахам̣ маад̇аабид̇аро, огкаамийд̇и сунижчид̇аа.
Tadāhaṃ mātāpitaro, okkhāmīti sunicchitā.
‘‘наарожзсим̣ бад̇им̣ маяхам̣, д̇ад̣̇аа д̇амхи баваасид̇з;
‘‘Nārocesiṃ patiṃ mayhaṃ, tadā tamhi pavāsite;
згигаа ниг̇г̇ад̇аа г̇зхаа, г̇анд̇ум̣ саавад̇т̇имуд̇д̇амам̣.
Ekikā niggatā gehā, gantuṃ sāvatthimuttamaṃ.
‘‘д̇ад̇о мз саами ааг̇анд̇ваа, самбхаавзси бат̇з мамам̣;
‘‘Tato me sāmi āgantvā, sambhāvesi pathe mamaṃ;
д̇ад̣̇аа мз гаммаж̇аа ваад̇аа, уббаннаа ад̇ид̣̇аарун̣аа.
Tadā me kammajā vātā, uppannā atidāruṇā.
‘‘удтид̇о жа махаамзгхо, басууд̇исамаяз мама;
‘‘Uṭṭhito ca mahāmegho, pasūtisamaye mama;
д̣̇аб̣б̣ад̇т̇ааяа д̇ад̣̇аа г̇анд̇ваа, саами саббзна маарид̇о.
Dabbatthāya tadā gantvā, sāmi sappena mārito.
‘‘д̇ад̣̇аа виж̇аад̇ад̣̇угкзна, анаат̇аа габан̣аа ахам̣;
‘‘Tadā vijātadukkhena, anāthā kapaṇā ahaṃ;
гуннад̣̇им̣ буурид̇ам̣ д̣̇исваа, г̇ажчанд̇ий сагулаалаяам̣.
Kunnadiṃ pūritaṃ disvā, gacchantī sakulālayaṃ.
‘‘б̣аалам̣ аад̣̇ааяа ад̇арим̣, баарагуулз жа згагам̣;
‘‘Bālaṃ ādāya atariṃ, pārakūle ca ekakaṃ;
сааязд̇ваа б̣аалагам̣ буд̇д̇ам̣, ид̇арам̣ д̇аран̣ааяахам̣.
Sāyetvā bālakaṃ puttaṃ, itaraṃ taraṇāyahaṃ.
‘‘нивад̇д̇аа уггусо хааси, д̇арун̣ам̣ вилабанд̇агам̣;
‘‘Nivattā ukkuso hāsi, taruṇaṃ vilapantakaṃ;
ид̇аран̃жа вахий сод̇о, саахам̣ согасамаббид̇аа.
Itarañca vahī soto, sāhaṃ sokasamappitā.
‘‘саавад̇т̇инаг̇арам̣ г̇анд̇ваа, ассосим̣ саж̇анз мад̇з;
‘‘Sāvatthinagaraṃ gantvā, assosiṃ sajane mate;
д̇ад̣̇аа авожам̣ согаддаа, махаасогасамаббид̇аа.
Tadā avocaṃ sokaṭṭā, mahāsokasamappitā.
‘‘убхо буд̇д̇аа гаалан̇гад̇аа, бант̇з маяхам̣ бад̇ий мад̇о;
‘‘Ubho puttā kālaṅkatā, panthe mayhaṃ patī mato;
маад̇аа бид̇аа жа бхаад̇аа жа, згажид̇амхи д̣аяхарз.
Mātā pitā ca bhātā ca, ekacitamhi ḍayhare.
‘‘д̇ад̣̇аа гисаа жа бан̣д̣у жа, анаат̇аа д̣̇ийнамаанасаа;
‘‘Tadā kisā ca paṇḍu ca, anāthā dīnamānasā;
ид̇о д̇ад̇о бхаманд̇ийхам̣, ад̣̇д̣̇асам̣ нарасаарат̇им̣.
Ito tato bhamantīhaṃ, addasaṃ narasārathiṃ.
‘‘д̇ад̇о авожа мам̣ сад̇т̇аа, буд̇д̇з маа сожи ассаса;
‘‘Tato avoca maṃ satthā, putte mā soci assasa;
ад̇д̇аанам̣ д̇з г̇авзсассу, гим̣ нирад̇т̇ам̣ вихан̃н̃аси.
Attānaṃ te gavesassu, kiṃ niratthaṃ vihaññasi.
‘‘на санд̇и буд̇д̇аа д̇аан̣ааяа, на н̃аад̇ий нааби б̣анд̇хаваа;
‘‘Na santi puttā tāṇāya, na ñātī nāpi bandhavā;
анд̇агзнаад̇хибаннасса, над̇т̇и н̃аад̇ийсу д̇аан̣ад̇аа.
Antakenādhipannassa, natthi ñātīsu tāṇatā.
‘‘д̇ам̣ суд̇ваа мунино ваагяам̣, батамам̣ паламаж̇жхаг̇ам̣;
‘‘Taṃ sutvā munino vākyaṃ, paṭhamaṃ phalamajjhagaṃ;
баб̣б̣аж̇ид̇ваана нажирам̣, арахад̇д̇амабаабун̣им̣.
Pabbajitvāna naciraṃ, arahattamapāpuṇiṃ.
‘‘ид̣̇д̇хийсу жа васий хоми, д̣̇иб̣б̣ааяа сод̇ад̇хаад̇уяаа;
‘‘Iddhīsu ca vasī homi, dibbāya sotadhātuyā;
баражид̇д̇аани ж̇аанаами, сад̇т̇усаасанагааригаа.
Paracittāni jānāmi, satthusāsanakārikā.
‘‘буб̣б̣зниваасам̣ ж̇аанаами, д̣̇иб̣б̣ажагку висод̇хид̇ам̣;
‘‘Pubbenivāsaṃ jānāmi, dibbacakkhu visodhitaṃ;
кзбзд̇ваа аасавз саб̣б̣з, висуд̣̇д̇хаасим̣ суниммалаа.
Khepetvā āsave sabbe, visuddhāsiṃ sunimmalā.
‘‘д̇ад̇охам̣ винаяам̣ саб̣б̣ам̣, санд̇игз саб̣б̣ад̣̇ассино;
‘‘Tatohaṃ vinayaṃ sabbaṃ, santike sabbadassino;
уг̇г̇ахим̣ саб̣б̣авид̇т̇аарам̣, б̣яаахарин̃жа яат̇аад̇ат̇ам̣.
Uggahiṃ sabbavitthāraṃ, byāhariñca yathātathaṃ.
‘‘ж̇ино д̇асмим̣ г̇ун̣з д̇удто, зд̇ад̣̇аг̇г̇з табзси мам̣;
‘‘Jino tasmiṃ guṇe tuṭṭho, etadagge ṭhapesi maṃ;
аг̇г̇аа винаяад̇хаарийнам̣, бадаажаараава згигаа.
Aggā vinayadhārīnaṃ, paṭācārāva ekikā.
‘‘барижин̣н̣о маяаа сад̇т̇аа, гад̇ам̣ б̣уд̣̇д̇хасса саасанам̣;
‘‘Pariciṇṇo mayā satthā, kataṃ buddhassa sāsanaṃ;
охид̇о г̇аруго бхааро, бхаванзд̇д̇и самуухад̇аа.
Ohito garuko bhāro, bhavanetti samūhatā.
‘‘яассад̇т̇ааяа баб̣б̣аж̇ид̇аа, аг̇аарасмаанаг̇аарияам̣;
‘‘Yassatthāya pabbajitā, agārasmānagāriyaṃ;
со мз ад̇т̇о ануббад̇д̇о, саб̣б̣асам̣яож̇анагкаяо.
So me attho anuppatto, sabbasaṃyojanakkhayo.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
арахад̇д̇ам̣ бана бад̇ваа сзгкагаалз ад̇д̇ано бадибад̇д̇им̣ бажжавзгкид̇ваа убаривисзсасса ниб̣б̣ад̇д̇ид̇аагаарам̣ вибхаавзнд̇ий уд̣̇аанавасзна –
Arahattaṃ pana patvā sekkhakāle attano paṭipattiṃ paccavekkhitvā uparivisesassa nibbattitākāraṃ vibhāventī udānavasena –
112.
112.
‘‘нан̇г̇алзхи гасам̣ кзд̇д̇ам̣, б̣ийж̇аани бавабам̣ чамаа;
‘‘Naṅgalehi kasaṃ khettaṃ, bījāni pavapaṃ chamā;
буд̇д̇ад̣̇аараани босзнд̇аа, д̇ханам̣ винд̣̇анд̇и маан̣аваа.
Puttadārāni posentā, dhanaṃ vindanti māṇavā.
113.
113.
‘‘гимахам̣ сийласамбаннаа, сад̇т̇усаасанагааригаа;
‘‘Kimahaṃ sīlasampannā, satthusāsanakārikā;
ниб̣б̣аанам̣ наад̇хиг̇ажчаами, агусийд̇аа ануд̣̇д̇хад̇аа.
Nibbānaṃ nādhigacchāmi, akusītā anuddhatā.
114.
114.
‘‘баад̣̇з багкаалаяид̇ваана, уд̣̇агзсу гаромахам̣;
‘‘Pāde pakkhālayitvāna, udakesu karomahaṃ;
баад̣̇од̣̇аган̃жа д̣̇исваана, т̇алад̇о ниннамааг̇ад̇ам̣.
Pādodakañca disvāna, thalato ninnamāgataṃ.
115.
115.
‘‘д̇ад̇о жид̇д̇ам̣ самаад̇хзсим̣, ассам̣ бхад̣̇рам̣важ̇аанияам̣;
‘‘Tato cittaṃ samādhesiṃ, assaṃ bhadraṃvajāniyaṃ;
д̇ад̇о д̣̇ийбам̣ г̇ахзд̇ваана, вихаарам̣ баависим̣ ахам̣;
Tato dīpaṃ gahetvāna, vihāraṃ pāvisiṃ ahaṃ;
сзяяам̣ ологаяид̇ваана, ман̃жагамхи убаависим̣.
Seyyaṃ olokayitvāna, mañcakamhi upāvisiṃ.
116.
116.
‘‘д̇ад̇о суужим̣ г̇ахзд̇ваана, ваддим̣ огассаяаамахам̣;
‘‘Tato sūciṃ gahetvāna, vaṭṭiṃ okassayāmahaṃ;
бад̣̇ийбассзва ниб̣б̣аанам̣, вимогко аху жзд̇асо’’д̇и. – имаа г̇аат̇аа абхааси;
Padīpasseva nibbānaṃ, vimokkho ahu cetaso’’ti. – imā gāthā abhāsi;
д̇ад̇т̇а гасанд̇и гасанд̇аа гасигаммам̣ гаронд̇аа. б̣ахуд̇т̇з хи ид̣̇ам̣ згаважанам̣. бавабанд̇и б̣ийж̇аани вабанд̇аа. чамаад̇и чамааяам̣. бхуммад̇т̇з хи ид̣̇ам̣ бажжад̇д̇аважанам̣. аяан̃хзд̇т̇а сан̇кзбад̇т̇о – имз маан̣аваа сад̇д̇аа нан̇г̇алзхи паалзхи кзд̇д̇ам̣ гасанд̇аа яат̇аад̇хиббааяам̣ кзд̇д̇абхуумияам̣ буб̣б̣ан̣н̣аабаран̣н̣абхзд̣̇аани б̣ийж̇аани вабанд̇аа д̇ам̣хзд̇у д̇ам̣нимид̇д̇ам̣ ад̇д̇аанам̣ буд̇д̇ад̣̇аараад̣̇ийни босзнд̇аа худ̇ваа д̇ханам̣ бадилабханд̇и. звам̣ имасмим̣ логз яонисо баяуд̇д̇о бажжад̇д̇абурисагааро наама сапало сауд̣̇аяо.
Tattha kasanti kasantā kasikammaṃ karontā. Bahutthe hi idaṃ ekavacanaṃ. Pavapanti bījāni vapantā. Chamāti chamāyaṃ. Bhummatthe hi idaṃ paccattavacanaṃ. Ayañhettha saṅkhepattho – ime māṇavā sattā naṅgalehi phālehi khettaṃ kasantā yathādhippāyaṃ khettabhūmiyaṃ pubbaṇṇāparaṇṇabhedāni bījāni vapantā taṃhetu taṃnimittaṃ attānaṃ puttadārādīni posentā hutvā dhanaṃ paṭilabhanti. Evaṃ imasmiṃ loke yoniso payutto paccattapurisakāro nāma saphalo saudayo.
д̇ад̇т̇а гимахам̣ сийласамбаннаа, сад̇т̇усаасанагааригаа. ниб̣б̣аанам̣ наад̇хиг̇ажчаами, агусийд̇аа ануд̣̇д̇хад̇аад̇и ахам̣ сувисуд̣̇д̇хасийлаа аарад̣̇д̇хавийрияад̇ааяа агусийд̇аа аж̇жхад̇д̇ам̣ сусамаахид̇ажид̇д̇ад̇ааяа ануд̣̇д̇хад̇аа жа худ̇ваа жад̇усажжагаммадтаанабхааванаасан̇каад̇ам̣ сад̇т̇у саасанам̣ гаронд̇ий гасмаа ниб̣б̣аанам̣ наад̇хиг̇ажчаами, ад̇хиг̇амиссаами зваад̇и.
Tattha kimahaṃ sīlasampannā, satthusāsanakārikā. Nibbānaṃ nādhigacchāmi, akusītā anuddhatāti ahaṃ suvisuddhasīlā āraddhavīriyatāya akusītā ajjhattaṃ susamāhitacittatāya anuddhatā ca hutvā catusaccakammaṭṭhānabhāvanāsaṅkhātaṃ satthu sāsanaṃ karontī kasmā nibbānaṃ nādhigacchāmi, adhigamissāmi evāti.
звам̣ бана жинд̇зд̇ваа вибассанааяа гаммам̣ гаронд̇ий згад̣̇ивасам̣ баад̣̇ад̇хованауд̣̇агз нимид̇д̇ам̣ г̇ан̣хи. д̇знааха ‘‘баад̣̇з багкаалаяид̇ваанаа’’д̇иаад̣̇и . д̇ассад̇т̇о – ахам̣ баад̣̇з д̇хованд̇ий баад̣̇абагкааланахзд̇у д̇игкад̇д̇ум̣ аасид̇д̇зсу уд̣̇агзсу т̇алад̇о ниннамааг̇ад̇ам̣ баад̣̇од̣̇агам̣ д̣̇исваа нимид̇д̇ам̣ гароми.
Evaṃ pana cintetvā vipassanāya kammaṃ karontī ekadivasaṃ pādadhovanaudake nimittaṃ gaṇhi. Tenāha ‘‘pāde pakkhālayitvānā’’tiādi . Tassattho – ahaṃ pāde dhovantī pādapakkhālanahetu tikkhattuṃ āsittesu udakesu thalato ninnamāgataṃ pādodakaṃ disvā nimittaṃ karomi.
‘‘яат̇аа ид̣̇ам̣ уд̣̇агам̣ каяад̇хаммам̣ ваяад̇хаммам̣, звам̣ сад̇д̇аанам̣ ааяусан̇каараа’’д̇и звам̣ анижжалагкан̣ам̣, д̇ад̣̇анусаарзна д̣̇угкалагкан̣ам̣, анад̇д̇алагкан̣ан̃жа убад̇хаарзд̇ваа вибассанам̣ вад̣дхзнд̇ий д̇ад̇о жид̇д̇ам̣ самаад̇хзсим̣, ассам̣ бхад̣̇рам̣важ̇аанияанд̇и яат̇аа ассам̣ бхад̣̇рам̣ ааж̇аанияам̣ гусало саарат̇и сукзна саарзд̇и, звам̣ маяхам̣ жид̇д̇ам̣ сукзнзва самаад̇хзсим̣, вибассанаасамаад̇хинаа самаахид̇ам̣ агаасим̣. звам̣ бана вибассанам̣ вад̣дхзнд̇ий уд̇усаббааяаниж̇иг̇исааяа оварагам̣ бависанд̇ий анд̇хагааравид̇хаманад̇т̇ам̣ д̣̇ийбам̣ г̇ахзд̇ваа г̇аб̣бхам̣ бависид̇ваа д̣̇ийбам̣ табзд̇ваа ман̃жагз нисиннамад̇д̇аава д̣̇ийбам̣ виж̇жхаабзд̇ум̣ аг̇г̇ал̣асуужияаа д̣̇ийбаваддим̣ аагад̣дхим̣, д̇аавад̣̇зва уд̇усаббааяалаабхзна д̇ассаа жид̇д̇ам̣ самаахид̇ам̣ ахоси, вибассанаавийт̇им̣ од̇ари, маг̇г̇зна гхаддзси. д̇ад̇о маг̇г̇абадибаадияаа саб̣б̣асо аасаваанам̣ каяо ахоси. д̇зна вуд̇д̇ам̣ – ‘‘д̇ад̇о д̣̇ийбам̣ г̇ахзд̇ваана…бз… вимогко аху жзд̇асо’’д̇и. д̇ад̇т̇а сзяяам̣ ологаяид̇ваанаад̇и д̣̇ийбаалогзна сзяяам̣ бассид̇ваа.
‘‘Yathā idaṃ udakaṃ khayadhammaṃ vayadhammaṃ, evaṃ sattānaṃ āyusaṅkhārā’’ti evaṃ aniccalakkhaṇaṃ, tadanusārena dukkhalakkhaṇaṃ, anattalakkhaṇañca upadhāretvā vipassanaṃ vaḍḍhentī tato cittaṃ samādhesiṃ, assaṃ bhadraṃvajāniyanti yathā assaṃ bhadraṃ ājāniyaṃ kusalo sārathi sukhena sāreti, evaṃ mayhaṃ cittaṃ sukheneva samādhesiṃ, vipassanāsamādhinā samāhitaṃ akāsiṃ. Evaṃ pana vipassanaṃ vaḍḍhentī utusappāyanijigisāya ovarakaṃ pavisantī andhakāravidhamanatthaṃ dīpaṃ gahetvā gabbhaṃ pavisitvā dīpaṃ ṭhapetvā mañcake nisinnamattāva dīpaṃ vijjhāpetuṃ aggaḷasūciyā dīpavaṭṭiṃ ākaḍḍhiṃ, tāvadeva utusappāyalābhena tassā cittaṃ samāhitaṃ ahosi, vipassanāvīthiṃ otari, maggena ghaṭṭesi. Tato maggapaṭipāṭiyā sabbaso āsavānaṃ khayo ahosi. Tena vuttaṃ – ‘‘tato dīpaṃ gahetvāna…pe… vimokkho ahu cetaso’’ti. Tattha seyyaṃ olokayitvānāti dīpālokena seyyaṃ passitvā.
суужинд̇и аг̇г̇ал̣асуужим̣. ваддим̣ огассаяаамийд̇и д̣̇ийбам̣ виж̇жхаабзд̇ум̣ д̇злаабхимукам̣ д̣̇ийбаваддим̣ аагад̣дхзми. вимогкод̇и гилзсзхи вимогко. со бана яасмаа барамад̇т̇ад̇о жид̇д̇асса санд̇ад̇и, д̇асмаа вуд̇д̇ам̣ ‘‘жзд̇асо’’д̇и. яат̇аа бана ваддид̇злаад̣̇игз бажжаяз сад̇и уббаж̇ж̇анаарахо бад̣̇ийбо д̇ад̣̇абхаавз ануббаж̇ж̇анад̇о ниб̣б̣уд̇од̇и вужжад̇и, звам̣ гилзсаад̣̇ибажжаяз сад̇и уббаж̇ж̇анаарахам̣ жид̇д̇ам̣ д̇ад̣̇абхаавз ануббаж̇ж̇анад̇о вимуд̇д̇анд̇и вужжад̇ийд̇и ааха – ‘‘бад̣̇ийбассзва ниб̣б̣аанам̣, вимогко аху жзд̇асо’’д̇и.
Sūcinti aggaḷasūciṃ. Vaṭṭiṃ okassayāmīti dīpaṃ vijjhāpetuṃ telābhimukhaṃ dīpavaṭṭiṃ ākaḍḍhemi. Vimokkhoti kilesehi vimokkho. So pana yasmā paramatthato cittassa santati, tasmā vuttaṃ ‘‘cetaso’’ti. Yathā pana vaṭṭitelādike paccaye sati uppajjanāraho padīpo tadabhāve anuppajjanato nibbutoti vuccati, evaṃ kilesādipaccaye sati uppajjanārahaṃ cittaṃ tadabhāve anuppajjanato vimuttanti vuccatīti āha – ‘‘padīpasseva nibbānaṃ, vimokkho ahu cetaso’’ti.
бадаажаараат̇зрийг̇аат̇ааван̣н̣анаа нидтид̇аа.
Paṭācārātherīgāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зрийг̇аат̇аабаал̣и • Therīgāthāpāḷi / 10. бадаажаараат̇зрийг̇аат̇аа • 10. Paṭācārātherīgāthā
