| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
4. баад̇ааласуд̇д̇аван̣н̣анаа
4. Pātālasuttavaṇṇanā
252. жад̇уд̇т̇з баад̇аалод̇и баад̇асса алам̣ барияад̇д̇о, над̇т̇и зд̇т̇а бад̇идтаад̇и баад̇аало. асанд̇ам̣ авиж̇ж̇амаананд̇и асамбхууд̇ад̇д̇ам̣ абан̃н̃ааяамаанад̇д̇ам̣. звам̣ ваажам̣ бхаасад̇ийд̇и ад̇т̇и махаасамуд̣̇д̣̇з баад̇аалод̇и звам̣ ваажам̣. со хи яам̣ д̇ам̣ б̣алаваамукам̣ махаасамуд̣̇д̣̇асса уд̣̇агам̣ взг̇зна багканд̣̇ид̇ваа жаггаваал̣ам̣ ваа синзрум̣ ваа аахажжа яож̇анад̣̇вияож̇анад̣̇асаяож̇анаббамаан̣амби уг̇г̇анд̇ваа буна махаасамуд̣̇д̣̇з бад̇ад̇и, яасса бад̇ид̇адтаанз махаанарагабабаад̇о вияа ход̇и, яам̣ логз б̣алаваамуканд̇и вужжад̇и. д̇ам̣ санд̇хааяа звам̣ вад̣̇ад̇и.
252. Catutthe pātāloti pātassa alaṃ pariyatto, natthi ettha patiṭṭhāti pātālo. Asantaṃ avijjamānanti asambhūtattaṃ apaññāyamānattaṃ. Evaṃ vācaṃ bhāsatīti atthi mahāsamudde pātāloti evaṃ vācaṃ. So hi yaṃ taṃ balavāmukhaṃ mahāsamuddassa udakaṃ vegena pakkhanditvā cakkavāḷaṃ vā sineruṃ vā āhacca yojanadviyojanadasayojanappamāṇampi uggantvā puna mahāsamudde patati, yassa patitaṭṭhāne mahānarakapapāto viya hoti, yaṃ loke balavāmukhanti vuccati. Taṃ sandhāya evaṃ vadati.
яасмаа бана д̇ад̇т̇а д̇ат̇ааруубаанам̣ мажчагажчабад̣̇звад̣̇аанаваанам̣ бад̇идтааби ход̇и суканиваасоби, д̇асмаа асанд̇ам̣ асам̣виж̇ж̇амаанам̣ д̇ам̣ д̇ам̣ ваажам̣ бхаасад̇и наама. яасмаа бана саб̣б̣абут̇уж̇ж̇анаа саарийригааяа д̣̇угкавзд̣̇анааяа бад̇идтаад̇ум̣ на саггонд̇и, д̇асмаа баад̇асса аланд̇и ад̇т̇зна аяамзва баад̇аалод̇и д̣̇ассзнд̇о саарийригаанам̣ ко зд̇ам̣ бхигкавзд̇иаад̣̇имааха.
Yasmā pana tattha tathārūpānaṃ macchakacchapadevadānavānaṃ patiṭṭhāpi hoti sukhanivāsopi, tasmā asantaṃ asaṃvijjamānaṃ taṃ taṃ vācaṃ bhāsati nāma. Yasmā pana sabbaputhujjanā sārīrikāya dukkhavedanāya patiṭṭhātuṃ na sakkonti, tasmā pātassa alanti atthena ayameva pātāloti dassento sārīrikānaṃ kho etaṃ bhikkhavetiādimāha.
баад̇аалз на бажжудтаасийд̇и баад̇ааласмим̣ на бад̇идтааси. г̇аад̇ханд̇и бад̇идтам̣. агганд̣̇ад̇ийд̇и аниб̣ад̣̇д̇хам̣ виббалаабам̣ вилабанд̇о ганд̣̇ад̇и. д̣̇уб̣б̣алод̇и д̣̇уб̣б̣алан̃аан̣о. аббат̇аамагод̇и н̃аан̣ат̇аамасса барид̇д̇ад̇ааяа барид̇д̇ат̇аамаго. имасмим̣ суд̇д̇з арияасаавагод̇и сод̇аабанно. сод̇аабанно хи зд̇т̇а д̇хурам̣, б̣алававибассаго на д̇игкаб̣уд̣̇д̇хи уббаннам̣ взд̣̇анам̣ ананувад̇д̇ид̇ваа бад̇идтаад̇ум̣ самад̇т̇о яог̇ааважароби ваддад̇и.
Pātālena paccuṭṭhāsīti pātālasmiṃ na patiṭṭhāsi. Gādhanti patiṭṭhaṃ. Akkandatīti anibaddhaṃ vippalāpaṃ vilapanto kandati. Dubbaloti dubbalañāṇo. Appathāmakoti ñāṇathāmassa parittatāya parittathāmako. Imasmiṃ sutte ariyasāvakoti sotāpanno. Sotāpanno hi ettha dhuraṃ, balavavipassako na tikkhabuddhi uppannaṃ vedanaṃ ananuvattitvā patiṭṭhātuṃ samattho yogāvacaropi vaṭṭati.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 4. баад̇ааласуд̇д̇ам̣ • 4. Pātālasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 4. баад̇ааласуд̇д̇аван̣н̣анаа • 4. Pātālasuttavaṇṇanā
