| Library / Tipiṭaka / திபிடக • Tipiṭaka / பாசித்யாதி³யோஜனாபாளி • Pācityādiyojanāpāḷi |
173. பாடலிகா³மவத்து²கதா²
173. Pāṭaligāmavatthukathā
285. யதா² ஸப்³ப³ங் ஸந்த²தங் ஹோதி, ஏவங் ததா² ஸப்³ப³ஸந்த²ரிஸந்த²தந்தி யோஜனா.
285. Yathā sabbaṃ santhataṃ hoti, evaṃ tathā sabbasantharisanthatanti yojanā.
286. ஸுனிதோ⁴ ச வஸ்ஸகாரோ சாதி எத்த² சகாரேஹி த்³வந்த³வாக்யங் த³ஸ்ஸேதி. ஆயமுக²பச்சி²ந்த³னத்த²ந்தி ஸுங்கமுக²ஸ்ஸ பச்சே²த³னத்த²ங். ‘‘க⁴ரவத்தூ²னீ’’தி இமினா வத்து²ஸத்³த³ஸ்ஸ காரணத³ப்³ப³த்தே² படிக்கி²பித்வா பூ⁴பே⁴த³த்த²ங் தீ³பேதி. தா தே³வதா நாமெந்தி கிராதி யோஜனா. யதா²னுரூபந்தி யங் யங் போ⁴க³ப³லானுரூபங். லோகேதி ஸத்தலோகே. ஸத்³தோ³தி கித்திகோ⁴ஸோ. தேனேவாதி தேன ஸத்³த³ஸ்ஸ அப்³பு⁴க்³க³தஹேதுனா ஏவ. ‘‘ஓஸரணட்டா²னங் நாமா’’தி இமினா அரியங் ஆயதனந்தி எத்த² ஆயதனஸத்³தோ³ ஸமோஸரணட்டா²னத்தோ²தி த³ஸ்ஸேதி. யத்தகங் கயவிக்கயட்டா²னங் நாமாதி ஸம்ப³ந்தோ⁴. ‘‘வாணிஜானங்…பே॰… கயவிக்கயட்டா²னங் நாமா’’தி இமினா வணிஜா பதந்தி ஸன்னிபதந்தி எத்தா²தி வணிப்பதோதி வசனத்த²ங் த³ஸ்ஸேதி. ‘‘வணிஜபதோ’’தி வத்தப்³பே³ ஜகாரலோபோதி த³ட்ட²ப்³போ³. பாளியங் ‘‘தேஸ’’ந்தி பாட²ஸேஸஸ்ஸ அஜ்ஜா²ஹரிதப்³ப³பா⁴வங் த³ஸ்ஸேதுங் வுத்தங் ‘‘தேஸங் அரியாயதனவாணிஜபதான’’ந்தி. தேஸந்தி ச ஸாம்யத்தே² ஸாமிவசனங், நித்³தா⁴ரணத்தே² வா விப⁴த்தஅபாதா³னத்தே² வா. இத³ந்தி புரங் . புடபே⁴த³னந்தி எத்த² புடங் பி⁴ந்த³ந்தி எத்தா²தி புடபே⁴த³னந்தி வசனத்த²ங் த³ஸ்ஸெந்தோ ஆஹ ‘‘ப⁴ண்டி³கபே⁴த³னட்டா²ன’’ந்தி. ‘‘ஸமுச்சயத்தோ² வாஸத்³தோ³’’தி வுத்தவசனங் வித்தா²ரெந்தோ ஆஹ ‘‘தத்ர ஹீ’’திஆதி³. தத்த² தத்ராதி பாடலிபுத்தே, தீஸு வா அக்³கி³உத³கமிது²பே⁴தே³ஸு. ‘‘அஞ்ஞமஞ்ஞபே⁴தா³’’தி இமினா மிது²பே⁴தா³தி எத்த² மிது²ஸத்³த³ஸ்ஸ அஞ்ஞமஞ்ஞவேவசனபா⁴வங் த³ஸ்ஸேதி. உளும்பகுல்லஸத்³தா³னங் அத்தே² ஸமானேபி கரணவிஸேஸங் த³ஸ்ஸெந்தோ ஆஹ ‘‘உளும்ப’’ந்திஆதி³. உளு வுச்சதி உத³கங், ததோ பாதி ரக்க²தீதி உளும்போ. கங் வுச்சதி உத³கங், தஸ்மிங் உலதி க³ச்ச²தீதி குல்லோ.
286.Sunidho ca vassakāro cāti ettha cakārehi dvandavākyaṃ dasseti. Āyamukhapacchindanatthanti suṅkamukhassa pacchedanatthaṃ. ‘‘Gharavatthūnī’’ti iminā vatthusaddassa kāraṇadabbatthe paṭikkhipitvā bhūbhedatthaṃ dīpeti. Tā devatā nāmenti kirāti yojanā. Yathānurūpanti yaṃ yaṃ bhogabalānurūpaṃ. Loketi sattaloke. Saddoti kittighoso. Tenevāti tena saddassa abbhuggatahetunā eva. ‘‘Osaraṇaṭṭhānaṃ nāmā’’ti iminā ariyaṃ āyatananti ettha āyatanasaddo samosaraṇaṭṭhānatthoti dasseti. Yattakaṃ kayavikkayaṭṭhānaṃ nāmāti sambandho. ‘‘Vāṇijānaṃ…pe… kayavikkayaṭṭhānaṃ nāmā’’ti iminā vaṇijā patanti sannipatanti etthāti vaṇippatoti vacanatthaṃ dasseti. ‘‘Vaṇijapato’’ti vattabbe jakāralopoti daṭṭhabbo. Pāḷiyaṃ ‘‘tesa’’nti pāṭhasesassa ajjhāharitabbabhāvaṃ dassetuṃ vuttaṃ ‘‘tesaṃ ariyāyatanavāṇijapatāna’’nti. Tesanti ca sāmyatthe sāmivacanaṃ, niddhāraṇatthe vā vibhattaapādānatthe vā. Idanti puraṃ . Puṭabhedananti ettha puṭaṃ bhindanti etthāti puṭabhedananti vacanatthaṃ dassento āha ‘‘bhaṇḍikabhedanaṭṭhāna’’nti. ‘‘Samuccayattho vāsaddo’’ti vuttavacanaṃ vitthārento āha ‘‘tatra hī’’tiādi. Tattha tatrāti pāṭaliputte, tīsu vā aggiudakamithubhedesu. ‘‘Aññamaññabhedā’’ti iminā mithubhedāti ettha mithusaddassa aññamaññavevacanabhāvaṃ dasseti. Uḷumpakullasaddānaṃ atthe samānepi karaṇavisesaṃ dassento āha ‘‘uḷumpa’’ntiādi. Uḷu vuccati udakaṃ, tato pāti rakkhatīti uḷumpo. Kaṃ vuccati udakaṃ, tasmiṃ ulati gacchatīti kullo.
அண்ணவந்தி எத்த² அண்ணவோ நாம கிங் ஸமுத்³த³ஸ்ஸ நாமந்தி ஆஹ ‘‘அண்ணவ’’ந்திஆதி³. ‘‘அண்ணவ’’ந்தி ஏதங் நாமங் உத³கட்டா²னஸ்ஸ அதி⁴வசனந்தி யோஜனா. அண்ணோ வுச்சதி உத³கங், தங் ஏதஸ்மிங் அத்தீ²தி அண்ணவோ. ஸரஸத்³த³ஸ்ஸ அகாராதி³ம்ஹி ச கண்டே³ ச பவத்தனதோ வுத்தங் ‘‘ஸரந்தி இத⁴ நதீ³ அதி⁴ப்பேதா’’தி. இதா⁴தி இமிஸ்ஸங் கா³தா²யங். இத³ந்தி அத்த²ஜாதங்.
Aṇṇavanti ettha aṇṇavo nāma kiṃ samuddassa nāmanti āha ‘‘aṇṇava’’ntiādi. ‘‘Aṇṇava’’nti etaṃ nāmaṃ udakaṭṭhānassa adhivacananti yojanā. Aṇṇo vuccati udakaṃ, taṃ etasmiṃ atthīti aṇṇavo. Sarasaddassa akārādimhi ca kaṇḍe ca pavattanato vuttaṃ ‘‘saranti idha nadī adhippetā’’ti. Idhāti imissaṃ gāthāyaṃ. Idanti atthajātaṃ.
யேதி அரியா. தேதி அரியா, தரந்தீதி ஸம்ப³ந்தோ⁴. விஸஜ்ஜபல்லலானீதி எத்த² விஸஜ்ஜஸத்³தோ³ த்வாபச்சயந்தோ, பல்லலஸத்³தோ³ நின்னட்டா²னவாசகோதி ஆஹ ‘‘விஸஜ்ஜ…பே॰… நின்னட்டா²னானீ’’தி. அயங் பன ஜனோ குல்லங் ப³ந்த⁴தீதி யோஜனா. திண்ணா மேதா⁴வினோ ஜனா இதி வுத்தங் ஹோதீதி யோஜனா.
Yeti ariyā. Teti ariyā, tarantīti sambandho. Visajjapallalānīti ettha visajjasaddo tvāpaccayanto, pallalasaddo ninnaṭṭhānavācakoti āha ‘‘visajja…pe… ninnaṭṭhānānī’’ti. Ayaṃ pana jano kullaṃ bandhatīti yojanā. Tiṇṇā medhāvino janā iti vuttaṃ hotīti yojanā.
287. அனநுபோ³தா⁴தி எத்த² காரணத்தே² நிஸ்ஸக்கவசனந்தி ஆஹ ‘‘அபு³ஜ்ஜ²னேனா’’தி. ஸந்தா⁴விதங் ஸங்ஸரிதந்தி எத்த² தபச்சயஸ்ஸ கம்மத்த²ங் ஸந்தா⁴ய வுத்தங் ‘‘மயா ச தும்ஹேஹி சா’’தி. இமினா கத்துத்தே² ஸாமிவசனந்தி த³ஸ்ஸேதி. ‘‘அத² வா’’திஆதி³னா தபச்சயஸ்ஸ பா⁴வத்த²ங் த³ஸ்ஸேதி. ஸங்ஸிதந்தி எத்த² ஸரதா⁴துயா ரகாரோ லோபோதி ஆஹ ‘‘ஸங்ஸரித’’ந்தி. ‘‘தண்ஹாரஜ்ஜூ’’தி இமினா ப⁴வதோ ப⁴வங் நேதீதி ப⁴வனெத்தீதி வசனத்தே²ன தண்ஹாரஜ்ஜு ப⁴வனெத்தி நாமாதி த³ஸ்ஸேதி.
287.Ananubodhāti ettha kāraṇatthe nissakkavacananti āha ‘‘abujjhanenā’’ti. Sandhāvitaṃ saṃsaritanti ettha tapaccayassa kammatthaṃ sandhāya vuttaṃ ‘‘mayā ca tumhehi cā’’ti. Iminā kattutthe sāmivacananti dasseti. ‘‘Atha vā’’tiādinā tapaccayassa bhāvatthaṃ dasseti. Saṃsitanti ettha saradhātuyā rakāro lopoti āha ‘‘saṃsarita’’nti. ‘‘Taṇhārajjū’’ti iminā bhavato bhavaṃ netīti bhavanettīti vacanatthena taṇhārajju bhavanetti nāmāti dasseti.
289. வண்ணவத்தா²லங்காரானி ஸாமஞ்ஞவஸேன ‘‘நீலா’’தி வுத்தானீதி ஆஹ ‘‘நீலாதி இத³ங் ஸப்³ப³ஸங்கா³ஹக’’ந்தி. தத்தா²தி ‘‘நீலா’’திஆதி³பாடே². தேஸந்தி லிச்ச²வீனங். பகதிவண்ணா நீலா ந ஹொந்தீதி யோஜனா. ஏதந்தி ‘‘நீலா’’திஆதி³வசனங். படிவத்தேஸீதி எத்த² வதுதா⁴து உபஸக்³க³வஸேன வா அத்தா²திஸயவஸேன வா பஹரணத்தோ²தி ஆஹ ‘‘பஹாரேஸீ’’தி. ‘‘ஸஜனபத³’’ந்தி இமினா ஸாஹாரந்தி எத்த² ஆஹாரஸத்³தோ³ ஜனபத³த்தோ²தி த³ஸ்ஸேதி. ஜனபதோ³ ஹி யஸ்மா நக³ரஸ்ஸ பரிவாரபா⁴வேன ஆஹரிதப்³போ³, இமஸ்மா ச ராஜபுரிஸா ப³லிங் ஆஹரந்தி, தஸ்மா ஆஹாரோதி வுத்தோ. ஸஜனபத³ங் வேஸாலிங் த³ஜ்ஜெய்யாதா²தி யோஜனா. அங்கு³லிங் போ²டேஸுந்தி எத்த² பு²டதா⁴து ஸஞ்சலனத்தோ²தி ஆஹ ‘‘அங்கு³லிங் சாலேஸு’’ந்தி. இத்தி²காயாதி இத்தீ²யேவ புரிஸதோ கு²த்³த³கட்டே²ன இத்தி²கா, தாய.
289. Vaṇṇavatthālaṅkārāni sāmaññavasena ‘‘nīlā’’ti vuttānīti āha ‘‘nīlāti idaṃ sabbasaṅgāhaka’’nti. Tatthāti ‘‘nīlā’’tiādipāṭhe. Tesanti licchavīnaṃ. Pakativaṇṇā nīlā na hontīti yojanā. Etanti ‘‘nīlā’’tiādivacanaṃ. Paṭivattesīti ettha vatudhātu upasaggavasena vā atthātisayavasena vā paharaṇatthoti āha ‘‘pahāresī’’ti. ‘‘Sajanapada’’nti iminā sāhāranti ettha āhārasaddo janapadatthoti dasseti. Janapado hi yasmā nagarassa parivārabhāvena āharitabbo, imasmā ca rājapurisā baliṃ āharanti, tasmā āhāroti vutto. Sajanapadaṃ vesāliṃ dajjeyyāthāti yojanā. Aṅguliṃ phoṭesunti ettha phuṭadhātu sañcalanatthoti āha ‘‘aṅguliṃ cālesu’’nti. Itthikāyāti itthīyeva purisato khuddakaṭṭhena itthikā, tāya.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவக்³க³பாளி • Mahāvaggapāḷi
173. பாடலிகா³மவத்து² • 173. Pāṭaligāmavatthu
174. ஸுனித⁴வஸ்ஸகாரவத்து² • 174. Sunidhavassakāravatthu
175. கோடிகா³மே ஸச்சகதா² • 175. Koṭigāme saccakathā
177. லிச்ச²வீவத்து² • 177. Licchavīvatthu
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவக்³க³-அட்ட²கதா² • Mahāvagga-aṭṭhakathā / பாடலிகா³மவத்து²கதா² • Pāṭaligāmavatthukathā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā
பாடலிகா³மவத்து²கதா²வண்ணனா • Pāṭaligāmavatthukathāvaṇṇanā
ஸுனித⁴வஸ்ஸகாரவத்து²கதா²வண்ணனா • Sunidhavassakāravatthukathāvaṇṇanā
கோடிகா³மே ஸச்சகதா²வண்ணனா • Koṭigāme saccakathāvaṇṇanā
லிச்ச²வீவத்து²கதா²வண்ணனா • Licchavīvatthukathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / யாகு³மது⁴கோ³ளகாதி³கதா²வண்ணனா • Yāgumadhugoḷakādikathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā
பாடலிகா³மவத்து²கதா²வண்ணனா • Pāṭaligāmavatthukathāvaṇṇanā
கோடிகா³மேஸச்சகதா²வண்ணனா • Koṭigāmesaccakathāvaṇṇanā
