| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
173. баадалиг̇аамавад̇т̇угат̇аа
173. Pāṭaligāmavatthukathā
285. яат̇аа саб̣б̣ам̣ сант̇ад̇ам̣ ход̇и, звам̣ д̇ат̇аа саб̣б̣асант̇арисант̇ад̇анд̇и яож̇анаа.
285. Yathā sabbaṃ santhataṃ hoti, evaṃ tathā sabbasantharisanthatanti yojanā.
286. сунид̇хо жа вассагааро жаад̇и зд̇т̇а жагаарзхи д̣̇ванд̣̇аваагяам̣ д̣̇ассзд̇и. ааяамукабажчинд̣̇анад̇т̇анд̇и сун̇гамукасса бажчзд̣̇анад̇т̇ам̣. ‘‘гхаравад̇т̇ууний’’д̇и иминаа вад̇т̇усад̣̇д̣̇асса гааран̣ад̣̇аб̣б̣ад̇т̇з бадигкибид̇ваа бхуубхзд̣̇ад̇т̇ам̣ д̣̇ийбзд̇и. д̇аа д̣̇звад̇аа наамзнд̇и гираад̇и яож̇анаа. яат̇аануруубанд̇и яам̣ яам̣ бхог̇аб̣алаануруубам̣. логзд̇и сад̇д̇алогз. сад̣̇д̣̇од̇и гид̇д̇игхосо. д̇знзваад̇и д̇зна сад̣̇д̣̇асса аб̣бхуг̇г̇ад̇ахзд̇унаа зва. ‘‘осаран̣адтаанам̣ наамаа’’д̇и иминаа арияам̣ ааяад̇ананд̇и зд̇т̇а ааяад̇анасад̣̇д̣̇о самосаран̣адтаанад̇т̇од̇и д̣̇ассзд̇и. яад̇д̇агам̣ гаяавиггаяадтаанам̣ наамаад̇и самб̣анд̇хо. ‘‘ваан̣иж̇аанам̣…бз… гаяавиггаяадтаанам̣ наамаа’’д̇и иминаа ван̣иж̇аа бад̇анд̇и саннибад̇анд̇и зд̇т̇аад̇и ван̣иббад̇од̇и важанад̇т̇ам̣ д̣̇ассзд̇и. ‘‘ван̣иж̇абад̇о’’д̇и вад̇д̇аб̣б̣з ж̇агааралобод̇и д̣̇адтаб̣б̣о. баал̣ияам̣ ‘‘д̇зса’’нд̇и баатасзсасса аж̇жхаахарид̇аб̣б̣абхаавам̣ д̣̇ассзд̇ум̣ вуд̇д̇ам̣ ‘‘д̇зсам̣ арияааяад̇анаваан̣иж̇абад̇аана’’нд̇и. д̇зсанд̇и жа саамяад̇т̇з саамиважанам̣, нид̣̇д̇хааран̣ад̇т̇з ваа вибхад̇д̇аабаад̣̇аанад̇т̇з ваа. ид̣̇анд̇и бурам̣ . будабхзд̣̇ананд̇и зд̇т̇а будам̣ бхинд̣̇анд̇и зд̇т̇аад̇и будабхзд̣̇ананд̇и важанад̇т̇ам̣ д̣̇ассзнд̇о ааха ‘‘бхан̣д̣игабхзд̣̇анадтаана’’нд̇и. ‘‘самужжаяад̇т̇о ваасад̣̇д̣̇о’’д̇и вуд̇д̇аважанам̣ вид̇т̇аарзнд̇о ааха ‘‘д̇ад̇ра хий’’д̇иаад̣̇и. д̇ад̇т̇а д̇ад̇раад̇и баадалибуд̇д̇з, д̇ийсу ваа аг̇г̇иуд̣̇агамит̇убхзд̣̇зсу. ‘‘ан̃н̃аман̃н̃абхзд̣̇аа’’д̇и иминаа мит̇убхзд̣̇аад̇и зд̇т̇а мит̇усад̣̇д̣̇асса ан̃н̃аман̃н̃авзважанабхаавам̣ д̣̇ассзд̇и. ул̣умбагулласад̣̇д̣̇аанам̣ ад̇т̇з самаанзби гаран̣ависзсам̣ д̣̇ассзнд̇о ааха ‘‘ул̣умба’’нд̇иаад̣̇и. ул̣у вужжад̇и уд̣̇агам̣, д̇ад̇о баад̇и рагкад̇ийд̇и ул̣умбо. гам̣ вужжад̇и уд̣̇агам̣, д̇асмим̣ улад̇и г̇ажчад̇ийд̇и гулло.
286.Sunidho ca vassakāro cāti ettha cakārehi dvandavākyaṃ dasseti. Āyamukhapacchindanatthanti suṅkamukhassa pacchedanatthaṃ. ‘‘Gharavatthūnī’’ti iminā vatthusaddassa kāraṇadabbatthe paṭikkhipitvā bhūbhedatthaṃ dīpeti. Tā devatā nāmenti kirāti yojanā. Yathānurūpanti yaṃ yaṃ bhogabalānurūpaṃ. Loketi sattaloke. Saddoti kittighoso. Tenevāti tena saddassa abbhuggatahetunā eva. ‘‘Osaraṇaṭṭhānaṃ nāmā’’ti iminā ariyaṃ āyatananti ettha āyatanasaddo samosaraṇaṭṭhānatthoti dasseti. Yattakaṃ kayavikkayaṭṭhānaṃ nāmāti sambandho. ‘‘Vāṇijānaṃ…pe… kayavikkayaṭṭhānaṃ nāmā’’ti iminā vaṇijā patanti sannipatanti etthāti vaṇippatoti vacanatthaṃ dasseti. ‘‘Vaṇijapato’’ti vattabbe jakāralopoti daṭṭhabbo. Pāḷiyaṃ ‘‘tesa’’nti pāṭhasesassa ajjhāharitabbabhāvaṃ dassetuṃ vuttaṃ ‘‘tesaṃ ariyāyatanavāṇijapatāna’’nti. Tesanti ca sāmyatthe sāmivacanaṃ, niddhāraṇatthe vā vibhattaapādānatthe vā. Idanti puraṃ . Puṭabhedananti ettha puṭaṃ bhindanti etthāti puṭabhedananti vacanatthaṃ dassento āha ‘‘bhaṇḍikabhedanaṭṭhāna’’nti. ‘‘Samuccayattho vāsaddo’’ti vuttavacanaṃ vitthārento āha ‘‘tatra hī’’tiādi. Tattha tatrāti pāṭaliputte, tīsu vā aggiudakamithubhedesu. ‘‘Aññamaññabhedā’’ti iminā mithubhedāti ettha mithusaddassa aññamaññavevacanabhāvaṃ dasseti. Uḷumpakullasaddānaṃ atthe samānepi karaṇavisesaṃ dassento āha ‘‘uḷumpa’’ntiādi. Uḷu vuccati udakaṃ, tato pāti rakkhatīti uḷumpo. Kaṃ vuccati udakaṃ, tasmiṃ ulati gacchatīti kullo.
ан̣н̣аванд̇и зд̇т̇а ан̣н̣аво наама гим̣ самуд̣̇д̣̇асса нааманд̇и ааха ‘‘ан̣н̣ава’’нд̇иаад̣̇и. ‘‘ан̣н̣ава’’нд̇и зд̇ам̣ наамам̣ уд̣̇агадтаанасса ад̇хиважананд̇и яож̇анаа. ан̣н̣о вужжад̇и уд̣̇агам̣, д̇ам̣ зд̇асмим̣ ад̇т̇ийд̇и ан̣н̣аво. сарасад̣̇д̣̇асса агаараад̣̇имхи жа ган̣д̣з жа бавад̇д̇анад̇о вуд̇д̇ам̣ ‘‘саранд̇и ид̇ха над̣̇ий ад̇хиббзд̇аа’’д̇и. ид̇хаад̇и имиссам̣ г̇аат̇ааяам̣. ид̣̇анд̇и ад̇т̇аж̇аад̇ам̣.
Aṇṇavanti ettha aṇṇavo nāma kiṃ samuddassa nāmanti āha ‘‘aṇṇava’’ntiādi. ‘‘Aṇṇava’’nti etaṃ nāmaṃ udakaṭṭhānassa adhivacananti yojanā. Aṇṇo vuccati udakaṃ, taṃ etasmiṃ atthīti aṇṇavo. Sarasaddassa akārādimhi ca kaṇḍe ca pavattanato vuttaṃ ‘‘saranti idha nadī adhippetā’’ti. Idhāti imissaṃ gāthāyaṃ. Idanti atthajātaṃ.
язд̇и арияаа. д̇зд̇и арияаа, д̇аранд̇ийд̇и самб̣анд̇хо. висаж̇ж̇абаллалаанийд̇и зд̇т̇а висаж̇ж̇асад̣̇д̣̇о д̇ваабажжаяанд̇о, баллаласад̣̇д̣̇о ниннадтаанаваажагод̇и ааха ‘‘висаж̇ж̇а…бз… ниннадтаанааний’’д̇и. аяам̣ бана ж̇ано гуллам̣ б̣анд̇хад̇ийд̇и яож̇анаа. д̇ин̣н̣аа мзд̇хаавино ж̇анаа ид̇и вуд̇д̇ам̣ ход̇ийд̇и яож̇анаа.
Yeti ariyā. Teti ariyā, tarantīti sambandho. Visajjapallalānīti ettha visajjasaddo tvāpaccayanto, pallalasaddo ninnaṭṭhānavācakoti āha ‘‘visajja…pe… ninnaṭṭhānānī’’ti. Ayaṃ pana jano kullaṃ bandhatīti yojanā. Tiṇṇā medhāvino janā iti vuttaṃ hotīti yojanā.
287. анануб̣од̇хаад̇и зд̇т̇а гааран̣ад̇т̇з ниссаггаважананд̇и ааха ‘‘аб̣уж̇жханзнаа’’д̇и. санд̇хаавид̇ам̣ сам̣сарид̇анд̇и зд̇т̇а д̇абажжаяасса гаммад̇т̇ам̣ санд̇хааяа вуд̇д̇ам̣ ‘‘маяаа жа д̇умхзхи жаа’’д̇и. иминаа гад̇д̇уд̇т̇з саамиважананд̇и д̣̇ассзд̇и. ‘‘ат̇а ваа’’д̇иаад̣̇инаа д̇абажжаяасса бхаавад̇т̇ам̣ д̣̇ассзд̇и. сам̣сид̇анд̇и зд̇т̇а сарад̇хаад̇уяаа рагааро лобод̇и ааха ‘‘сам̣сарид̇а’’нд̇и. ‘‘д̇ан̣хаараж̇ж̇уу’’д̇и иминаа бхавад̇о бхавам̣ нзд̇ийд̇и бхаванзд̇д̇ийд̇и важанад̇т̇зна д̇ан̣хаараж̇ж̇у бхаванзд̇д̇и наамаад̇и д̣̇ассзд̇и.
287.Ananubodhāti ettha kāraṇatthe nissakkavacananti āha ‘‘abujjhanenā’’ti. Sandhāvitaṃ saṃsaritanti ettha tapaccayassa kammatthaṃ sandhāya vuttaṃ ‘‘mayā ca tumhehi cā’’ti. Iminā kattutthe sāmivacananti dasseti. ‘‘Atha vā’’tiādinā tapaccayassa bhāvatthaṃ dasseti. Saṃsitanti ettha saradhātuyā rakāro lopoti āha ‘‘saṃsarita’’nti. ‘‘Taṇhārajjū’’ti iminā bhavato bhavaṃ netīti bhavanettīti vacanatthena taṇhārajju bhavanetti nāmāti dasseti.
289. ван̣н̣авад̇т̇аалан̇гаараани сааман̃н̃авасзна ‘‘нийлаа’’д̇и вуд̇д̇аанийд̇и ааха ‘‘нийлаад̇и ид̣̇ам̣ саб̣б̣асан̇г̇аахага’’нд̇и. д̇ад̇т̇аад̇и ‘‘нийлаа’’д̇иаад̣̇ибаатз. д̇зсанд̇и лижчавийнам̣. багад̇иван̣н̣аа нийлаа на хонд̇ийд̇и яож̇анаа. зд̇анд̇и ‘‘нийлаа’’д̇иаад̣̇иважанам̣. бадивад̇д̇зсийд̇и зд̇т̇а вад̇уд̇хаад̇у убасаг̇г̇авасзна ваа ад̇т̇аад̇исаяавасзна ваа бахаран̣ад̇т̇од̇и ааха ‘‘бахаарзсий’’д̇и. ‘‘саж̇анабад̣̇а’’нд̇и иминаа саахааранд̇и зд̇т̇а аахаарасад̣̇д̣̇о ж̇анабад̣̇ад̇т̇од̇и д̣̇ассзд̇и. ж̇анабад̣̇о хи яасмаа наг̇арасса бариваарабхаавзна аахарид̇аб̣б̣о, имасмаа жа рааж̇абурисаа б̣алим̣ аахаранд̇и, д̇асмаа аахаарод̇и вуд̇д̇о. саж̇анабад̣̇ам̣ взсаалим̣ д̣̇аж̇ж̇зяяаат̇аад̇и яож̇анаа. ан̇г̇улим̣ подзсунд̇и зд̇т̇а пудад̇хаад̇у сан̃жаланад̇т̇од̇и ааха ‘‘ан̇г̇улим̣ жаалзсу’’нд̇и. ид̇т̇игааяаад̇и ид̇т̇ийязва бурисад̇о куд̣̇д̣̇агадтзна ид̇т̇игаа, д̇ааяа.
289. Vaṇṇavatthālaṅkārāni sāmaññavasena ‘‘nīlā’’ti vuttānīti āha ‘‘nīlāti idaṃ sabbasaṅgāhaka’’nti. Tatthāti ‘‘nīlā’’tiādipāṭhe. Tesanti licchavīnaṃ. Pakativaṇṇā nīlā na hontīti yojanā. Etanti ‘‘nīlā’’tiādivacanaṃ. Paṭivattesīti ettha vatudhātu upasaggavasena vā atthātisayavasena vā paharaṇatthoti āha ‘‘pahāresī’’ti. ‘‘Sajanapada’’nti iminā sāhāranti ettha āhārasaddo janapadatthoti dasseti. Janapado hi yasmā nagarassa parivārabhāvena āharitabbo, imasmā ca rājapurisā baliṃ āharanti, tasmā āhāroti vutto. Sajanapadaṃ vesāliṃ dajjeyyāthāti yojanā. Aṅguliṃ phoṭesunti ettha phuṭadhātu sañcalanatthoti āha ‘‘aṅguliṃ cālesu’’nti. Itthikāyāti itthīyeva purisato khuddakaṭṭhena itthikā, tāya.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi
173. баадалиг̇аамавад̇т̇у • 173. Pāṭaligāmavatthu
174. сунид̇хавассагааравад̇т̇у • 174. Sunidhavassakāravatthu
175. годиг̇аамз сажжагат̇аа • 175. Koṭigāme saccakathā
177. лижчавийвад̇т̇у • 177. Licchavīvatthu
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / баадалиг̇аамавад̇т̇угат̇аа • Pāṭaligāmavatthukathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā
баадалиг̇аамавад̇т̇угат̇ааван̣н̣анаа • Pāṭaligāmavatthukathāvaṇṇanā
сунид̇хавассагааравад̇т̇угат̇ааван̣н̣анаа • Sunidhavassakāravatthukathāvaṇṇanā
годиг̇аамз сажжагат̇ааван̣н̣анаа • Koṭigāme saccakathāvaṇṇanā
лижчавийвад̇т̇угат̇ааван̣н̣анаа • Licchavīvatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / яааг̇умад̇хуг̇ол̣агаад̣̇игат̇ааван̣н̣анаа • Yāgumadhugoḷakādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā
баадалиг̇аамавад̇т̇угат̇ааван̣н̣анаа • Pāṭaligāmavatthukathāvaṇṇanā
годиг̇аамзсажжагат̇ааван̣н̣анаа • Koṭigāmesaccakathāvaṇṇanā
