| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
баадалиг̇аамавад̇т̇угат̇ааван̣н̣анаа
Pāṭaligāmavatthukathāvaṇṇanā
285. баадалиг̇аамод̇и (уд̣̇аа. адта. 76) звам̣наамаго маг̇ад̇харадтз зго г̇аамо. д̇асса гира г̇аамасса маабанад̣̇ивасз г̇ааман̇г̇ан̣адтаанз д̣̇вз д̇аяо баадалан̇гураа бат̇авид̇о уб̣бхиж̇ж̇ид̇ваа нигкамим̣су. д̇зна д̇ам̣ ‘‘баадалиг̇аамо’’ д̇взва вохарим̣су. д̇ад̣̇авасарийд̇и д̇ам̣ баадалиг̇аамам̣ авасари анубаабун̣и. баадалиг̇аамигаад̇и баадалиг̇аамаваасино. убаасагаад̇и д̇з гира бхаг̇авад̇о батамад̣̇ассанзна гзжи саран̣зсу жа сийлзсу жа бад̇идтид̇аа. д̇зна вуд̇д̇ам̣ ‘‘убаасагаа’’д̇и. язна бхаг̇аваа д̇знубасан̇гамим̣сууд̇и баадалиг̇аамз гира аж̇аад̇асад̇д̇уно лижчавирааж̇уунан̃жа мануссаа гаалзна гаалам̣ г̇анд̇ваа г̇зхасаамигз г̇зхад̇о нийхарид̇ваа маасамби ад̣дхамаасамби васанд̇и. д̇зна баадалиг̇аамаваасино мануссаа нижжубад̣̇д̣̇уд̇аа ‘‘зд̇зсан̃жзва ааг̇ад̇агаалз васанадтаанам̣ бхависсад̇ийд̇и згабассз иссараанам̣ бхан̣д̣абадисааманадтаанам̣, згабассз васанадтаанам̣, згабассз ааг̇анд̇угаанам̣ ад̣̇д̇хигамануссаанам̣, згабассз д̣̇алид̣̇д̣̇аанам̣ габан̣амануссаанам̣, згабассз г̇илаанаанам̣ васанадтаанам̣ бхависсад̇ий’’д̇и саб̣б̣зсам̣ ан̃н̃аман̃н̃ам̣ агхаддзд̇ваа васанаббахонагам̣ наг̇арамаж̇жхз махад̇им̣ саалам̣ гаарзсум̣, д̇асса наамам̣ аавасат̇ааг̇ааранд̇и. ааг̇анд̇ваа васанд̇и зд̇т̇а ааг̇анд̇угаад̇и аавасат̇о, д̇ад̣̇зва ааг̇аарам̣ аавасат̇ааг̇аарам̣.
285.Pāṭaligāmoti (udā. aṭṭha. 76) evaṃnāmako magadharaṭṭhe eko gāmo. Tassa kira gāmassa māpanadivase gāmaṅgaṇaṭṭhāne dve tayo pāṭalaṅkurā pathavito ubbhijjitvā nikkhamiṃsu. Tena taṃ ‘‘pāṭaligāmo’’ tveva vohariṃsu. Tadavasarīti taṃ pāṭaligāmaṃ avasari anupāpuṇi. Pāṭaligāmikāti pāṭaligāmavāsino. Upāsakāti te kira bhagavato paṭhamadassanena keci saraṇesu ca sīlesu ca patiṭṭhitā. Tena vuttaṃ ‘‘upāsakā’’ti. Yena bhagavā tenupasaṅkamiṃsūti pāṭaligāme kira ajātasattuno licchavirājūnañca manussā kālena kālaṃ gantvā gehasāmike gehato nīharitvā māsampi aḍḍhamāsampi vasanti. Tena pāṭaligāmavāsino manussā niccupaddutā ‘‘etesañceva āgatakāle vasanaṭṭhānaṃ bhavissatīti ekapasse issarānaṃ bhaṇḍapaṭisāmanaṭṭhānaṃ, ekapasse vasanaṭṭhānaṃ, ekapasse āgantukānaṃ addhikamanussānaṃ, ekapasse daliddānaṃ kapaṇamanussānaṃ, ekapasse gilānānaṃ vasanaṭṭhānaṃ bhavissatī’’ti sabbesaṃ aññamaññaṃ aghaṭṭetvā vasanappahonakaṃ nagaramajjhe mahatiṃ sālaṃ kāresuṃ, tassa nāmaṃ āvasathāgāranti. Āgantvā vasanti ettha āgantukāti āvasatho, tadeva āgāraṃ āvasathāgāraṃ.
д̇ам̣ д̣̇ивасан̃жа д̇ам̣ нидтаанам̣ аг̇амааси. д̇з д̇ад̇т̇а г̇анд̇ваа идтагагаммасуд̇хаагаммажид̇д̇агаммаад̣̇ивасзна субаринидтид̇ам̣ сусаж̇ж̇ид̇ам̣ д̣̇звавимаанасад̣̇исам̣ д̣̇ваарагодтагад̇о бадтааяа ологзд̇ваа ‘‘ид̣̇ам̣ аавасат̇ааг̇аарам̣ ад̇ивияа манорамам̣ сассиригам̣, гзна ну ко батамам̣ барибхуд̇д̇ам̣ амхаагам̣ д̣̇ийгхарад̇д̇ам̣ хид̇ааяа сукааяа ассаа’’д̇и жинд̇зсум̣, д̇асмим̣язва жа кан̣з ‘‘бхаг̇аваа д̇ам̣ г̇аамам̣ ануббад̇д̇о’’д̇и ассосум̣, д̇зна д̇з уббаннабийд̇исоманассаа ‘‘амхзхи бхаг̇аваа г̇анд̇вааби аанзд̇аб̣б̣о сияаа, со саяамзва амхаагам̣ васанадтаанам̣ самбад̇д̇о, аж̇ж̇а маяам̣ бхаг̇аванд̇ам̣ ид̇ха васаабзд̇ваа батамам̣ барибхун̃ж̇аабзссаама, д̇ат̇аа бхигкусан̇гхам̣, бхигкусан̇гхз ааг̇ад̇з д̇збидагам̣ б̣уд̣̇д̇хаважанам̣ ааг̇ад̇амзва бхависсад̇и, сад̇т̇аарам̣ ман̇г̇алам̣ вад̣̇аабзссаама, д̇хаммам̣ гат̇аабзссаама, ид̇и д̇ийхи рад̇анзхи барибхуд̇д̇з бажчаа амхаагам̣ барзсан̃жа барибхог̇о бхависсад̇и, звам̣ но д̣̇ийгхарад̇д̇ам̣ хид̇ааяа сукааяа бхависсад̇ий’’д̇и саннидтаанам̣ гад̇ваа зд̇ад̣̇ад̇т̇амзва бхаг̇аванд̇ам̣ убасан̇гамим̣су. д̇асмаа звамаахам̣су ‘‘ад̇хиваасзд̇у но, бханд̇з, бхаг̇аваа аавасат̇ааг̇аара’’нд̇и. д̇знубасан̇гамим̣сууд̇и (д̣̇ий. ни. адта. 3.297-298; ма. ни. адта. 2.22) гин̃жааби д̇ам̣ д̣̇ивасамзва баринидтид̇ад̇д̇аа д̣̇звавимаанам̣ вияа сусаж̇ж̇ид̇ам̣ субадиж̇аг̇г̇ид̇ам̣, б̣уд̣̇д̇хаарахам̣ бана гад̇ваа на бан̃н̃ад̇д̇ам̣. б̣уд̣̇д̇хаа хи наама аран̃н̃аж̇жхаасаяаа аран̃н̃аараамаа, анд̇ог̇аамз васзяяум̣ ваа но ваа, д̇асмаа бхаг̇авад̇о ружим̣ ж̇аанид̇ваава бан̃н̃абзссаамаад̇и жинд̇зд̇ваа д̇з бхаг̇аванд̇ам̣ убасан̇гамим̣су, ид̣̇аани бхаг̇авад̇о ружим̣ ж̇аанид̇ваа д̇ат̇аа бан̃н̃аабзд̇угаамаа язнаавасат̇ааг̇аарам̣ д̇знубасан̇гамим̣су. саб̣б̣асант̇арим̣ аавасат̇ааг̇аарам̣ сант̇арид̇ваад̇и зд̇т̇а сант̇аран̣ам̣ сант̇ари, саб̣б̣о сагало сант̇ари зд̇т̇аад̇и саб̣б̣асант̇ари. ат̇а ваа сант̇ад̇анд̇и сант̇ари, саб̣б̣ам̣ сант̇ари саб̣б̣асант̇ари, д̇ам̣ саб̣б̣асант̇арим̣. бхааванабум̣саганид̣̇д̣̇зсовааяам̣, яат̇аа саб̣б̣амзва сант̇ад̇ам̣ ход̇и, звам̣ сант̇арид̇ваад̇и ад̇т̇о. саб̣б̣абатамам̣ д̇аава ‘‘г̇омаяам̣ наама саб̣б̣аман̇г̇алзсу ваддад̇ий’’д̇и суд̇хаабаригаммагад̇амби бхуумим̣ аллаг̇омаязна обун̃ж̇аабзд̇ваа барисугкабхаавам̣ н̃ад̇ваа яат̇аа агганд̇адтаанз бад̣̇ам̣ бан̃н̃ааяад̇и, звам̣ жаад̇уж̇ж̇аад̇ияаг̇анд̇хзхи лимбзд̇ваа убари наанааван̣н̣агадасаарагз сант̇арид̇ваа д̇зсам̣ убари махаабидтигагож̇авз аад̣̇им̣ гад̇ваа хад̇т̇ад̇т̇аран̣аад̣̇ийхи наанааван̣н̣зхи ад̇т̇аран̣зхи сант̇арид̇аб̣б̣аяуд̇д̇агам̣ саб̣б̣огаасам̣ сант̇араабзсум̣. д̇зна вуд̇д̇ам̣ ‘‘саб̣б̣асант̇арим̣ аавасат̇ааг̇аарам̣ сант̇арид̇ваа’’д̇и.
Taṃ divasañca taṃ niṭṭhānaṃ agamāsi. Te tattha gantvā iṭṭhakakammasudhākammacittakammādivasena supariniṭṭhitaṃ susajjitaṃ devavimānasadisaṃ dvārakoṭṭhakato paṭṭhāya oloketvā ‘‘idaṃ āvasathāgāraṃ ativiya manoramaṃ sassirikaṃ, kena nu kho paṭhamaṃ paribhuttaṃ amhākaṃ dīgharattaṃ hitāya sukhāya assā’’ti cintesuṃ, tasmiṃyeva ca khaṇe ‘‘bhagavā taṃ gāmaṃ anuppatto’’ti assosuṃ, tena te uppannapītisomanassā ‘‘amhehi bhagavā gantvāpi ānetabbo siyā, so sayameva amhākaṃ vasanaṭṭhānaṃ sampatto, ajja mayaṃ bhagavantaṃ idha vasāpetvā paṭhamaṃ paribhuñjāpessāma, tathā bhikkhusaṅghaṃ, bhikkhusaṅghe āgate tepiṭakaṃ buddhavacanaṃ āgatameva bhavissati, satthāraṃ maṅgalaṃ vadāpessāma, dhammaṃ kathāpessāma, iti tīhi ratanehi paribhutte pacchā amhākaṃ paresañca paribhogo bhavissati, evaṃ no dīgharattaṃ hitāya sukhāya bhavissatī’’ti sanniṭṭhānaṃ katvā etadatthameva bhagavantaṃ upasaṅkamiṃsu. Tasmā evamāhaṃsu ‘‘adhivāsetu no, bhante, bhagavāāvasathāgāra’’nti. Tenupasaṅkamiṃsūti (dī. ni. aṭṭha. 3.297-298; ma. ni. aṭṭha. 2.22) kiñcāpi taṃ divasameva pariniṭṭhitattā devavimānaṃ viya susajjitaṃ supaṭijaggitaṃ, buddhārahaṃ pana katvā na paññattaṃ. Buddhā hi nāma araññajjhāsayā araññārāmā, antogāme vaseyyuṃ vā no vā, tasmā bhagavato ruciṃ jānitvāva paññapessāmāti cintetvā te bhagavantaṃ upasaṅkamiṃsu, idāni bhagavato ruciṃ jānitvā tathā paññāpetukāmā yenāvasathāgāraṃ tenupasaṅkamiṃsu. Sabbasanthariṃ āvasathāgāraṃ santharitvāti ettha santharaṇaṃ santhari, sabbo sakalo santhari etthāti sabbasanthari. Atha vā santhatanti santhari, sabbaṃ santhari sabbasanthari, taṃ sabbasanthariṃ. Bhāvanapuṃsakaniddesovāyaṃ, yathā sabbameva santhataṃ hoti, evaṃ santharitvāti attho. Sabbapaṭhamaṃ tāva ‘‘gomayaṃ nāma sabbamaṅgalesu vaṭṭatī’’ti sudhāparikammakatampi bhūmiṃ allagomayena opuñjāpetvā parisukkhabhāvaṃ ñatvā yathā akkantaṭṭhāne padaṃ paññāyati, evaṃ cātujjātiyagandhehi limpetvā upari nānāvaṇṇakaṭasārake santharitvā tesaṃ upari mahāpiṭṭhikakojave ādiṃ katvā hatthattharaṇādīhi nānāvaṇṇehi attharaṇehi santharitabbayuttakaṃ sabbokāsaṃ santharāpesuṃ. Tena vuttaṃ ‘‘sabbasanthariṃ āvasathāgāraṃ santharitvā’’ti.
аасанаанийд̇и маж̇жхадтаанз д̇аава ман̇г̇алад̇т̇амбхам̣ ниссааяа махаарахам̣ б̣уд̣̇д̇хаасанам̣ бан̃н̃абзд̇ваа д̇ад̇т̇а яам̣ яам̣ муд̣̇уган̃жа манораман̃жа бажжад̇т̇аран̣ам̣, д̇ам̣ д̇ам̣ ад̇т̇арид̇ваа убхад̇олохид̇агам̣ манун̃н̃ад̣̇ассанам̣ убад̇хаанам̣ убад̣̇ахид̇ваа убари суван̣н̣араж̇ад̇ад̇аарагавижид̇д̇авид̇аанам̣ б̣анд̇хид̇ваа г̇анд̇хад̣̇аамабубпад̣̇аамабад̇д̇аад̣̇аамаад̣̇ийхи алан̇гарид̇ваа саманд̇аа д̣̇ваад̣̇асахад̇т̇з таанз бубпаж̇аалам̣ гаарзд̇ваа д̇им̣сахад̇т̇амад̇д̇ам̣ таанам̣ бадасаан̣ияаа баригкибаабзд̇ваа бажчимабхид̇д̇им̣ ниссааяа бхигкусан̇гхасса баллан̇габийтаабассаяабийтамун̣д̣абийтаад̣̇ийни бан̃н̃абаабзд̇ваа убари сзд̇абажжад̇т̇аран̣зхи бажжад̇т̇араабзд̇ваа саалааяа баажийнабассам̣ ад̇д̇ано нисаж̇ж̇ааяог̇г̇ам̣ гаарзсум̣. д̇ам̣ санд̇хааяа вуд̇д̇ам̣ ‘‘аасанаани бан̃н̃абзд̇ваа’’д̇и.
Āsanānīti majjhaṭṭhāne tāva maṅgalatthambhaṃ nissāya mahārahaṃ buddhāsanaṃ paññapetvā tattha yaṃ yaṃ mudukañca manoramañca paccattharaṇaṃ, taṃ taṃ attharitvā ubhatolohitakaṃ manuññadassanaṃ upadhānaṃ upadahitvā upari suvaṇṇarajatatārakavicittavitānaṃ bandhitvā gandhadāmapupphadāmapattādāmādīhi alaṅkaritvā samantā dvādasahatthe ṭhāne pupphajālaṃ kāretvā tiṃsahatthamattaṃ ṭhānaṃ paṭasāṇiyā parikkhipāpetvā pacchimabhittiṃ nissāya bhikkhusaṅghassa pallaṅkapīṭhaapassayapīṭhamuṇḍapīṭhādīni paññapāpetvā upari setapaccattharaṇehi paccattharāpetvā sālāya pācīnapassaṃ attano nisajjāyoggaṃ kāresuṃ. Taṃ sandhāya vuttaṃ ‘‘āsanāni paññapetvā’’ti.
уд̣̇агаман̣иганд̇и махаагужчигам̣ самзкалам̣ уд̣̇агажаадим̣. звам̣ бхаг̇аваа бхигкусан̇гхо жа яат̇ааружияаа хад̇т̇абаад̣̇з д̇ховиссанд̇и, мукам̣ вигкаалзссанд̇ийд̇и д̇зсу д̇зсу таанзсу ман̣иван̣н̣асса уд̣̇агасса буурзд̇ваа ваасад̇т̇ааяа наанаабубпаани жзва уд̣̇агаваасажун̣н̣аани жа багкибид̇ваа гад̣̇алибан̣н̣зхи бид̣̇ахид̇ваа бад̇идтабзсум̣. д̇зна вуд̇д̇ам̣ ‘‘уд̣̇агаман̣игам̣ бад̇идтаабзд̇ваа’’д̇и.
Udakamaṇikanti mahākucchikaṃ samekhalaṃ udakacāṭiṃ. Evaṃ bhagavā bhikkhusaṅgho ca yathāruciyā hatthapāde dhovissanti, mukhaṃ vikkhālessantīti tesu tesu ṭhānesu maṇivaṇṇassa udakassa pūretvā vāsatthāya nānāpupphāni ceva udakavāsacuṇṇāni ca pakkhipitvā kadalipaṇṇehi pidahitvā patiṭṭhapesuṃ. Tena vuttaṃ ‘‘udakamaṇikaṃ patiṭṭhāpetvā’’ti.
д̇злабад̣̇ийбам̣ ааробзд̇ваад̇и раж̇ад̇асуван̣н̣аад̣̇имаяад̣̇ан̣д̣аасу д̣̇ан̣д̣ад̣̇ийбигаасу яонагаруубагаад̣̇ийнам̣ хад̇т̇з табид̇асуван̣н̣араж̇ад̇аад̣̇имаяагабаллигаасу жа д̇злабад̣̇ийбз ж̇алаяид̇ваа. язна бхаг̇аваа д̇знубасан̇гамим̣сууд̇и зд̇т̇а бана д̇з баадалиг̇аамигаубаасагаа на гзвалам̣ аавасат̇ааг̇аарамзва, ат̇а ко сагаласмимби г̇аамз вийт̇ияо саж̇ж̇аабзд̇ваа д̇хаж̇з уссаабзд̇ваа г̇зхад̣̇ваарзсу бун̣н̣агхадз жа гад̣̇алиаад̣̇аяо жа табаабзд̇ваа сагалаг̇аамам̣ д̣̇ийбамаалаахи виббагин̣н̣ад̇аарагам̣ вияа гад̇ваа ‘‘кийрабагз д̣̇аарагз кийрам̣ бааязт̇а, д̣̇ахарагумаарз лахум̣ лахум̣ бхож̇зд̇ваа саяаабзт̇а, ужжаасад̣̇д̣̇ам̣ маа гарид̇т̇а, аж̇ж̇а згарад̇д̇им̣ сад̇т̇аа анд̇ог̇аамз васиссад̇и, б̣уд̣̇д̇хаа наама аббасад̣̇д̣̇агаамаа хонд̇ий’’д̇и бхзрим̣ жараабзд̇ваа саяам̣ д̣̇ан̣д̣ад̣̇ийбигаа аад̣̇ааяа язна бхаг̇аваа д̇знубасан̇гамим̣су.
Telapadīpaṃ āropetvāti rajatasuvaṇṇādimayadaṇḍāsu daṇḍadīpikāsu yonakarūpakādīnaṃ hatthe ṭhapitasuvaṇṇarajatādimayakapallikāsu ca telapadīpe jalayitvā. Yena bhagavā tenupasaṅkamiṃsūti ettha pana te pāṭaligāmikaupāsakā na kevalaṃ āvasathāgārameva, atha kho sakalasmimpi gāme vīthiyo sajjāpetvā dhaje ussāpetvā gehadvāresu puṇṇaghaṭe ca kadaliādayo ca ṭhapāpetvā sakalagāmaṃ dīpamālāhi vippakiṇṇatārakaṃ viya katvā ‘‘khīrapake dārake khīraṃ pāyetha, daharakumāre lahuṃ lahuṃ bhojetvā sayāpetha, uccāsaddaṃ mā karittha, ajja ekarattiṃ satthā antogāme vasissati, buddhā nāma appasaddakāmā hontī’’ti bheriṃ carāpetvā sayaṃ daṇḍadīpikā ādāya yena bhagavā tenupasaṅkamiṃsu.
ат̇а ко бхаг̇аваа ниваасзд̇ваа бад̇д̇ажийварамаад̣̇ааяа сад̣̇д̇хим̣ бхигкусан̇гхзна язна аавасат̇ааг̇аарам̣ д̇знубасан̇гамийд̇и ‘‘яасса д̣̇аани, бханд̇з, бхаг̇аваа гаалам̣ ман̃н̃ад̇ий’’д̇и звам̣ гира д̇зхи гаалз аарожид̇з бхаг̇аваа лаакаарасзна д̇инд̇арад̇д̇аговил̣аарабубпаван̣н̣ам̣ сурад̇д̇ам̣ д̣̇убаддам̣ гад̇д̇арияаа бад̣̇умам̣ ганд̇знд̇о вияа, сам̣вид̇хааяа д̇иман̣д̣алам̣ бадижчаад̣̇знд̇о ниваасзд̇ваа суван̣н̣абааман̇г̇зна бад̣̇умагалаабам̣ баригкибанд̇о вияа, виж̇ж̇улад̇аасассиригам̣ гааяаб̣анд̇ханам̣ б̣анд̇хид̇ваа рад̇д̇агамб̣алзна г̇аж̇агумбхам̣ барияонанд̇ханд̇о вияа, рад̇анасад̇уб̣б̣зд̇хз суван̣н̣аг̇гхигз баваал̣аж̇аалам̣ кибамаано вияа, махад̇и суван̣н̣ажзд̇ияз рад̇д̇агамб̣алаган̃жугам̣ бадимун̃жанд̇о вияа, г̇ажчанд̇ам̣ бун̣н̣ажанд̣̇ам̣ рад̇д̇авалаахагзна бадижчаад̣̇аяамаано вияа, ган̃жанаг̇иримад̇т̇агз субаггалаакаарасам̣ барисин̃жанд̇о вияа, жид̇д̇агуудабаб̣б̣ад̇амад̇т̇агам̣ виж̇ж̇улад̇ааж̇аалзна баригкибанд̇о вияа жа сажаггаваал̣асинзруяуг̇анд̇харамахаабат̇авим̣ жаалзд̇ваа г̇ахид̇аниг̇род̇хабаллавасамаанаван̣н̣ам̣ рад̇д̇аварабам̣сугуулам̣ баарубид̇ваа ванаг̇аханад̇о гзсарасийхо вияа, уд̣̇аяабаб̣б̣ад̇агуудад̇о бун̣н̣ажанд̣̇о вияа, б̣ааласуурияо вияа жа ад̇д̇анаа нисиннад̇арусан̣д̣ад̇о нигками.
Atha kho bhagavā nivāsetvā pattacīvaramādāya saddhiṃ bhikkhusaṅghena yena āvasathāgāraṃ tenupasaṅkamīti ‘‘yassa dāni, bhante, bhagavā kālaṃ maññatī’’ti evaṃ kira tehi kāle ārocite bhagavā lākhārasena tintarattakoviḷārapupphavaṇṇaṃ surattaṃ dupaṭṭaṃ kattariyā padumaṃ kantento viya, saṃvidhāya timaṇḍalaṃ paṭicchādento nivāsetvā suvaṇṇapāmaṅgena padumakalāpaṃ parikkhipanto viya, vijjulatāsassirikaṃ kāyabandhanaṃ bandhitvā rattakambalena gajakumbhaṃ pariyonandhanto viya, ratanasatubbedhe suvaṇṇagghike pavāḷajālaṃ khipamāno viya, mahati suvaṇṇacetiye rattakambalakañcukaṃ paṭimuñcanto viya, gacchantaṃ puṇṇacandaṃ rattavalāhakena paṭicchādayamāno viya, kañcanagirimatthake supakkalākhārasaṃ parisiñcanto viya, cittakūṭapabbatamatthakaṃ vijjulatājālena parikkhipanto viya ca sacakkavāḷasineruyugandharamahāpathaviṃ cāletvā gahitanigrodhapallavasamānavaṇṇaṃ rattavarapaṃsukūlaṃ pārupitvā vanagahanato kesarasīho viya, udayapabbatakūṭato puṇṇacando viya, bālasūriyo viya ca attanā nisinnatarusaṇḍato nikkhami.
ат̇асса гааяад̇о мзгхамукад̇о виж̇ж̇угалаабаа вияа расмияо нигкамид̇ваа суван̣н̣арасад̇хаараабарисзгабин̃ж̇арабад̇д̇абубпапаласаакаавидабз вияа саманд̇ад̇о ругкз гарим̣су. д̇аавад̣̇зва ад̇д̇ано ад̇д̇ано бад̇д̇ажийварамаад̣̇ааяа махаабхигкусан̇гхо бхаг̇аванд̇ам̣ бариваарзси. д̇з жа нам̣ бариваарзд̇ваа тид̇абхигкуу зваруубаа ахзсум̣ аббижчаа санд̇удтаа бавивид̇д̇аа асам̣садтаа аарад̣̇д̇хавийрияаа вад̇д̇ааро важанагкамаа жод̣̇агаа баабаг̇арахино сийласамбаннаа самаад̇хисамбаннаа бан̃н̃аасамбаннаа вимуд̇д̇исамбаннаа вимуд̇д̇ин̃аан̣ад̣̇ассанасамбаннаа. д̇зхи бариваарид̇о бхаг̇аваа рад̇д̇агамб̣алабаригкид̇д̇о вияа суван̣н̣агканд̇хо, рад̇д̇абад̣̇умасан̣д̣амаж̇жхаг̇ад̇аа вияа суван̣н̣анааваа, баваал̣авзд̣̇игаабаригкид̇д̇о вияа суван̣н̣абаасаад̣̇о вирожид̇т̇а. махаагассабаббамукаа бана махаат̇зраа мзгхаван̣н̣ам̣ бам̣сугуулажийварам̣ баарубид̇ваа ман̣иваммаваммид̇аа вияа махаанааг̇аа бариваараяим̣су вийд̇арааг̇аа бхиннагилзсаа виж̇адид̇аж̇адаа чиннаб̣анд̇ханаа гулз ваа г̇ан̣з ваа алаг̇г̇аа.
Athassa kāyato meghamukhato vijjukalāpā viya rasmiyo nikkhamitvā suvaṇṇarasadhārāparisekapiñjarapattapupphaphalasākhāviṭape viya samantato rukkhe kariṃsu. Tāvadeva attano attano pattacīvaramādāya mahābhikkhusaṅgho bhagavantaṃ parivāresi. Te ca naṃ parivāretvā ṭhitabhikkhū evarūpā ahesuṃ appicchā santuṭṭhā pavivittā asaṃsaṭṭhā āraddhavīriyā vattāro vacanakkhamā codakā pāpagarahino sīlasampannā samādhisampannā paññāsampannā vimuttisampannā vimuttiñāṇadassanasampannā. Tehi parivārito bhagavā rattakambalaparikkhitto viya suvaṇṇakkhandho, rattapadumasaṇḍamajjhagatā viya suvaṇṇanāvā, pavāḷavedikāparikkhitto viya suvaṇṇapāsādo virocittha. Mahākassapappamukhā pana mahātherā meghavaṇṇaṃ paṃsukūlacīvaraṃ pārupitvā maṇivammavammitā viya mahānāgā parivārayiṃsu vītarāgā bhinnakilesā vijaṭitajaṭā chinnabandhanā kule vā gaṇe vā alaggā.
ид̇и бхаг̇аваа саяам̣ вийд̇арааг̇о вийд̇арааг̇зхи, вийд̇ад̣̇осо вийд̇ад̣̇осзхи, вийд̇амохо вийд̇амохзхи , нид̇д̇ан̣хо нид̇д̇ан̣хзхи, ниггилзсо ниггилзсзхи, саяам̣ б̣уд̣̇д̇хо ануб̣уд̣̇д̇хзхи бариваарид̇о бад̇д̇абариваарид̇ам̣ вияа гзсарам̣, гзсарабариваарид̇аа вияа ган̣н̣игаа, адтанааг̇асахассабариваарид̇о вияа чад̣̇д̣̇анд̇о нааг̇арааж̇аа, навуд̇ихам̣сасахассабариваарид̇о вияа д̇хад̇арадто хам̣сарааж̇аа, сзнан̇г̇абариваарид̇о вияа жаггавад̇д̇ий, маруг̇ан̣абариваарид̇о вияа сагго д̣̇зварааж̇аа, б̣рахмаг̇ан̣абариваарид̇о вияа хаарид̇амахааб̣рахмаа, д̇аарааг̇ан̣абаривуд̇о вияа бун̣н̣ажанд̣̇о асамзна б̣уд̣̇д̇хавзсзна абаримаан̣зна б̣уд̣̇д̇хавилаасзна баадалиг̇аамийнам̣ маг̇г̇ам̣ бадибаж̇ж̇и.
Iti bhagavā sayaṃ vītarāgo vītarāgehi, vītadoso vītadosehi, vītamoho vītamohehi , nittaṇho nittaṇhehi, nikkileso nikkilesehi, sayaṃ buddho anubuddhehi parivārito pattaparivāritaṃ viya kesaraṃ, kesaraparivāritā viya kaṇṇikā, aṭṭhanāgasahassaparivārito viya chaddanto nāgarājā, navutihaṃsasahassaparivārito viya dhataraṭṭho haṃsarājā, senaṅgaparivārito viya cakkavattī, marugaṇaparivārito viya sakko devarājā, brahmagaṇaparivārito viya hāritamahābrahmā, tārāgaṇaparivuto viya puṇṇacando asamena buddhavesena aparimāṇena buddhavilāsena pāṭaligāmīnaṃ maggaṃ paṭipajji.
ат̇асса бурад̇т̇имагааяад̇о суван̣н̣аван̣н̣аа гханаб̣уд̣̇д̇харасмияо удтахид̇ваа асийд̇ихад̇т̇ам̣ таанам̣ аг̇г̇ахзсум̣, бажчимагааяад̇о д̣̇агкин̣абассад̇о ваамабассад̇о суван̣н̣аван̣н̣аа гханарасмияо удтахид̇ваа асийд̇ихад̇т̇ам̣ таанам̣ аг̇г̇ахзсум̣, убаригзсанд̇ад̇о бадтааяа саб̣б̣агзсаавад̇д̇зхи мораг̇ийваван̣н̣аа гханаб̣уд̣̇д̇харасмияо удтахид̇ваа г̇аг̇анад̇алз асийд̇ихад̇т̇ам̣ таанам̣ аг̇г̇ахзсум̣, хздтаабаад̣̇ад̇алзхи баваал̣аван̣н̣аа расмияо удтахид̇ваа гханабат̇авияам̣ асийд̇ихад̇т̇ам̣ таанам̣ аг̇г̇ахзсум̣, д̣̇анд̇ад̇о агкийнам̣ сзд̇адтаанад̇о, накаанан̃жа мам̣савинимуд̇д̇адтаанад̇о од̣̇аад̇аа гханаб̣уд̣̇д̇харасмияо удтахид̇ваа асийд̇ихад̇т̇ам̣ таанам̣ аг̇г̇ахзсум̣, рад̇д̇абийд̇аван̣н̣аанам̣ самбхиннадтаанад̇о ман̃ж̇идтаван̣н̣аа расмияо удтахид̇ваа асийд̇ихад̇т̇ам̣ таанам̣ аг̇г̇ахзсум̣, саб̣б̣ад̇т̇агамзва бабхассараа расмияо удтахим̣су. звам̣ саманд̇аа асийд̇ихад̇т̇амад̇д̇ам̣ таанам̣ чаб̣б̣ан̣н̣аа б̣уд̣̇д̇харасмияо виж̇ж̇од̇амаанаа вибпанд̣̇амаанаа вид̇хаавамаанаа ган̃жанад̣̇ан̣д̣ад̣̇ийбигаахи нижчарид̇ваа аагаасам̣ багканд̣̇амаанаа махаабад̣̇ийбаж̇аалаа вияа, жаад̇уд̣̇д̣̇ийбигамахаамзгхад̇о нигканд̇авиж̇ж̇улад̇аа вияа жа д̣̇исод̣̇исам̣ багканд̣̇им̣су. яаахи саб̣б̣ад̣̇исаабхааг̇аа суван̣н̣ажамбагабубпзхи вигирияамаанаа вияа, суван̣н̣агхадад̇о нигканд̇асуван̣н̣арасад̇хаараахи аасин̃жияамаанаа вияа, басаарид̇асуван̣н̣абаддабаригкид̇д̇аа вияа, взрамбхаваад̇асамуд̣̇д̇хад̇агим̣сугаган̣игаарагигираад̇абубпажун̣н̣асамогин̣н̣аа вияа жийнабидтажун̣н̣асамбариран̃ж̇ид̇аа вияа жа вирожим̣су.
Athassa puratthimakāyato suvaṇṇavaṇṇā ghanabuddharasmiyo uṭṭhahitvā asītihatthaṃ ṭhānaṃ aggahesuṃ, pacchimakāyato dakkhiṇapassato vāmapassato suvaṇṇavaṇṇā ghanarasmiyo uṭṭhahitvā asītihatthaṃ ṭhānaṃ aggahesuṃ, uparikesantato paṭṭhāya sabbakesāvattehi moragīvavaṇṇā ghanabuddharasmiyo uṭṭhahitvā gaganatale asītihatthaṃ ṭhānaṃ aggahesuṃ, heṭṭhāpādatalehi pavāḷavaṇṇā rasmiyo uṭṭhahitvā ghanapathaviyaṃ asītihatthaṃ ṭhānaṃ aggahesuṃ, dantato akkhīnaṃ setaṭṭhānato, nakhānañca maṃsavinimuttaṭṭhānato odātā ghanabuddharasmiyo uṭṭhahitvā asītihatthaṃ ṭhānaṃ aggahesuṃ, rattapītavaṇṇānaṃ sambhinnaṭṭhānato mañjiṭṭhavaṇṇā rasmiyo uṭṭhahitvā asītihatthaṃ ṭhānaṃ aggahesuṃ, sabbatthakameva pabhassarā rasmiyo uṭṭhahiṃsu. Evaṃ samantā asītihatthamattaṃ ṭhānaṃ chabbaṇṇā buddharasmiyo vijjotamānā vipphandamānā vidhāvamānā kañcanadaṇḍadīpikāhi niccharitvā ākāsaṃ pakkhandamānā mahāpadīpajālā viya, cātuddīpikamahāmeghato nikkhantavijjulatā viya ca disodisaṃ pakkhandiṃsu. Yāhi sabbadisābhāgā suvaṇṇacampakapupphehi vikiriyamānā viya, suvaṇṇaghaṭato nikkhantasuvaṇṇarasadhārāhi āsiñciyamānā viya, pasāritasuvaṇṇapaṭṭaparikkhittā viya, verambhavātasamuddhatakiṃsukakaṇikārakikirātapupphacuṇṇasamokiṇṇā viya cīnapiṭṭhacuṇṇasamparirañjitā viya ca virociṃsu.
бхаг̇авад̇оби асийд̇иануб̣яан̃ж̇анаб̣яаамаббабхаабаригкзбасамуж̇ж̇алам̣ д̣̇вад̇д̇им̣самахаабурисалагкан̣абадиман̣д̣ид̇ам̣ сарийрам̣ аб̣бхамахигаад̣̇иубаггилзсавимуд̇д̇ам̣ самуж̇ж̇алад̇аарагабабхаасид̇ам̣ вияа г̇аг̇анад̇алам̣, вигасид̇ам̣ вияа бад̣̇умаванам̣, саб̣б̣абаалипулло вияа яож̇анасад̇иго баарижчад̇д̇аго, бадибаадияаа табид̇аанам̣ д̣̇вад̇д̇им̣сажанд̣̇аанам̣ д̣̇вад̇д̇им̣сасуурияаанам̣ д̣̇вад̇д̇им̣сажаггавад̇д̇ийнам̣ д̣̇вад̇д̇им̣сад̣̇зварааж̇аанам̣ д̣̇вад̇д̇им̣самахааб̣рахмаанам̣ сирияаа сирим̣ абхибхавамаанам̣ вияа вирожид̇т̇а, яат̇аа д̇ам̣ д̣̇асахи баарамийхи д̣̇асахи убабаарамийхи д̣̇асахи барамад̇т̇абаарамийхийд̇и саммад̣̇зва барибуурид̇аахи самад̇им̣сааяа баарамийхи алан̇гад̇ам̣ габбасад̇асахассаад̇хигаани жад̇д̇аари асан̇кязяяаани д̣̇иннзна д̣̇аанзна рагкид̇зна сийлзна гад̇зна галяаан̣агаммзна згасмим̣ ад̇д̇абхаавз самосарид̇ваа вибаагам̣ д̣̇аад̇ум̣ огаасам̣ алабхамаанзна самб̣аад̇хаббад̇д̇зна вияа ниб̣б̣ад̇д̇ид̇ам̣ нааваасахассасса бхан̣д̣ам̣ згам̣ наавам̣ ааробанагаало вияа, сагадасахассасса бхан̣д̣ам̣ згам̣ сагадам̣ ааробанагаало вияа, бан̃жавийсад̇ияаа г̇ан̇г̇аанам̣ самбхиж̇ж̇а мукад̣̇ваарз згад̇о раасийбхууд̇агаало вияа жа ахоси.
Bhagavatopi asītianubyañjanabyāmappabhāparikkhepasamujjalaṃ dvattiṃsamahāpurisalakkhaṇapaṭimaṇḍitaṃ sarīraṃ abbhamahikādiupakkilesavimuttaṃ samujjalatārakapabhāsitaṃ viya gaganatalaṃ, vikasitaṃ viya padumavanaṃ, sabbapāliphullo viya yojanasatiko pāricchattako, paṭipāṭiyā ṭhapitānaṃ dvattiṃsacandānaṃ dvattiṃsasūriyānaṃ dvattiṃsacakkavattīnaṃ dvattiṃsadevarājānaṃ dvattiṃsamahābrahmānaṃ siriyā siriṃ abhibhavamānaṃ viya virocittha, yathā taṃ dasahi pāramīhi dasahi upapāramīhi dasahi paramatthapāramīhīti sammadeva paripūritāhi samatiṃsāya pāramīhi alaṅkataṃ kappasatasahassādhikāni cattāri asaṅkhyeyyāni dinnena dānena rakkhitena sīlena katena kalyāṇakammena ekasmiṃ attabhāve samosaritvā vipākaṃ dātuṃ okāsaṃ alabhamānena sambādhappattena viya nibbattitaṃ nāvāsahassassa bhaṇḍaṃ ekaṃ nāvaṃ āropanakālo viya, sakaṭasahassassa bhaṇḍaṃ ekaṃ sakaṭaṃ āropanakālo viya, pañcavīsatiyā gaṅgānaṃ sambhijja mukhadvāre ekato rāsībhūtakālo viya ca ahosi.
имааяа б̣уд̣̇д̇харасмияаа обхаасамаанассаби бхаг̇авад̇о бурад̇о анзгаани д̣̇ан̣д̣ад̣̇ийбигаасахассаани угкибим̣су, д̇ат̇аа бажчад̇о ваамабассз д̣̇агкин̣абассз. ж̇аад̇исуманажамбагаванамаалигаарад̇д̇уббаланийлуббалаб̣агуласинд̣̇уваараад̣̇ибубпаани жзва нийлабийд̇аад̣̇иван̣н̣асуг̇анд̇хаг̇анд̇хажун̣н̣аани жа жаад̇уд̣̇д̣̇ийбигамахааамзгхависсадтаа салилавудтияо вияа виббагирим̣су. бан̃жан̇г̇игад̇уурияаниг̇гхосаа жзва б̣уд̣̇д̇хад̇хаммасан̇гхаг̇ун̣абадисам̣яуд̇д̇аа т̇уд̇игхосаа жа саб̣б̣аа д̣̇исаа буураяамаанаа мукараа вияа агам̣су. д̣̇звасубан̣н̣анааг̇аяагкаг̇анд̇хаб̣б̣амануссаанам̣ агкийни амад̇абаанам̣ вияа лабхим̣су. имасмим̣ бана таанз тад̇ваа бад̣̇асахассзхи г̇аманаван̣н̣ам̣ вад̇д̇ум̣ ваддад̇и. д̇ад̇рид̣̇ам̣ мукамад̇д̇ам̣ (ма. ни. адта. 2.22; уд̣̇аа. адта. 76) –
Imāya buddharasmiyā obhāsamānassapi bhagavato purato anekāni daṇḍadīpikāsahassāni ukkhipiṃsu, tathā pacchato vāmapasse dakkhiṇapasse. Jātisumanacampakavanamālikārattuppalanīluppalabakulasinduvārādipupphāni ceva nīlapītādivaṇṇasugandhagandhacuṇṇāni ca cātuddīpikamahaāmeghavissaṭṭhā salilavuṭṭhiyo viya vippakiriṃsu. Pañcaṅgikatūriyanigghosā ceva buddhadhammasaṅghaguṇapaṭisaṃyuttā thutighosā ca sabbā disā pūrayamānā mukharā viya akaṃsu. Devasupaṇṇanāgayakkhagandhabbamanussānaṃ akkhīni amatapānaṃ viya labhiṃsu. Imasmiṃ pana ṭhāne ṭhatvā padasahassehi gamanavaṇṇaṃ vattuṃ vaṭṭati. Tatridaṃ mukhamattaṃ (ma. ni. aṭṭha. 2.22; udā. aṭṭha. 76) –
‘‘звам̣ саб̣б̣ан̇г̇асамбанно, гамбаяанд̇о васунд̇харам̣;
‘‘Evaṃ sabbaṅgasampanno, kampayanto vasundharaṃ;
ахзтаяанд̇о баан̣аани, яаад̇и логавинааяаго.
Aheṭhayanto pāṇāni, yāti lokavināyako.
‘‘д̣̇агкин̣ам̣ батамам̣ баад̣̇ам̣, уд̣̇д̇харанд̇о нараасабхо;
‘‘Dakkhiṇaṃ paṭhamaṃ pādaṃ, uddharanto narāsabho;
г̇ажчанд̇о сирисамбанно, собхад̇з д̣̇вибад̣̇уд̇д̇амо.
Gacchanto sirisampanno, sobhate dvipaduttamo.
‘‘г̇ажчад̇о б̣уд̣̇д̇хасздтасса, хздтаабаад̣̇ад̇алам̣ муд̣̇у;
‘‘Gacchato buddhaseṭṭhassa, heṭṭhāpādatalaṃ mudu;
самам̣ сампусад̇з бхуумим̣, раж̇асаанубалимбад̇и.
Samaṃ samphusate bhūmiṃ, rajasānupalimpati.
‘‘ниннам̣ таанам̣ уннамад̇и, г̇ажчанд̇з логанааяагз;
‘‘Ninnaṃ ṭhānaṃ unnamati, gacchante lokanāyake;
уннад̇ан̃жа самам̣ ход̇и, бат̇авий жа ажзд̇анаа.
Unnatañca samaṃ hoti, pathavī ca acetanā.
‘‘баасаан̣аа сагкараа жзва, гат̇алаа каан̣уган̣дагаа;
‘‘Pāsāṇā sakkharā ceva, kathalā khāṇukaṇṭakā;
саб̣б̣з маг̇г̇аа виваж̇ж̇анд̇и, г̇ажчанд̇з логанааяагз.
Sabbe maggā vivajjanti, gacchante lokanāyake.
‘‘наад̇ид̣̇уурз уд̣̇д̇харад̇и, наажжаасаннз жа нигкибам̣;
‘‘Nātidūre uddharati, nāccāsanne ca nikkhipaṃ;
агхаддаяанд̇о нияяаад̇и, убхо ж̇аан̣уу жа г̇обпагз.
Aghaṭṭayanto niyyāti, ubho jāṇū ca gopphake.
‘‘наад̇исийгхам̣ баггамад̇и, самбаннажаран̣о муни;
‘‘Nātisīghaṃ pakkamati, sampannacaraṇo muni;
на жаад̇исан̣игам̣ яаад̇и, г̇ажчамаано самаахид̇о.
Na cātisaṇikaṃ yāti, gacchamāno samāhito.
‘‘уд̣̇д̇хам̣ ад̇хо д̇ирияан̃жа, д̣̇исан̃жа вид̣̇исам̣ д̇ат̇аа;
‘‘Uddhaṃ adho tiriyañca, disañca vidisaṃ tathā;
на бзгкамаано со яаад̇и, яуг̇амад̇д̇ан̃хи бзгкад̇и.
Na pekkhamāno so yāti, yugamattañhi pekkhati.
‘‘нааг̇авигганд̇ажааро со, г̇аманз собхад̇з ж̇ино;
‘‘Nāgavikkantacāro so, gamane sobhate jino;
жаару г̇ажчад̇и логаг̇г̇о, хаасаяанд̇о сад̣̇звагз.
Cāru gacchati lokaggo, hāsayanto sadevake.
‘‘усабхарааж̇аава собханд̇о, жаад̇ужаарийва гзсарий;
‘‘Usabharājāva sobhanto, cātucārīva kesarī;
д̇осаяанд̇о б̣ахуу сад̇д̇з, г̇аамасздтам̣ убааг̇амий’’д̇и. (ма. ни. адта. 2.22; уд̣̇аа. адта. 76);
Tosayanto bahū satte, gāmaseṭṭhaṃ upāgamī’’ti. (ma. ni. aṭṭha. 2.22; udā. aṭṭha. 76);
ван̣н̣агаало наама гирзса. звам̣вид̇хзсу гаалзсу бхаг̇авад̇о сарийраван̣н̣з ваа г̇ун̣аван̣н̣з ваа д̇хаммагат̇игасса т̇аамоязва бамаан̣ам̣. жун̣н̣ияабад̣̇зхи г̇аат̇ааб̣анд̇хзхи ваа яад̇д̇агам̣ саггод̇и, д̇ад̇д̇агам̣ вад̇д̇аб̣б̣ам̣, ‘‘д̣̇уггат̇ид̇а’’нд̇и ваа ‘‘ад̇ид̇т̇зна багканд̣̇о’’д̇и ваа на вад̇д̇аб̣б̣о. абаримаан̣аван̣н̣аа хи б̣уд̣̇д̇хаа бхаг̇аванд̇о, д̇зсам̣ б̣уд̣̇д̇хааби анавасзсад̇о ван̣н̣ам̣ вад̇д̇ум̣ асамад̇т̇аа. сагаламби хи габбам̣ вад̣̇анд̇аа барияосаабзд̇ум̣ на саггонд̇и, баг̇зва ид̇араа баж̇аад̇и. иминаа сиривилаасзна алан̇гад̇абадияад̇д̇ам̣ баадалиг̇аамам̣ бависид̇ваа бхаг̇аваа басаннажид̇д̇зна ж̇анзна бубпаг̇анд̇хад̇хуумаваасажун̣н̣аад̣̇ийхи бууж̇ияамаано аавасат̇ааг̇аарам̣ баависи. д̇зна вуд̇д̇ам̣ ‘‘ат̇а ко бхаг̇аваа ниваасзд̇ваа бад̇д̇ажийварамаад̣̇ааяа сад̣̇д̇хим̣ бхигкусан̇гхзна язна аавасат̇ааг̇аарам̣ д̇знубасан̇гамий’’д̇и.
Vaṇṇakālo nāma kiresa. Evaṃvidhesu kālesu bhagavato sarīravaṇṇe vā guṇavaṇṇe vā dhammakathikassa thāmoyeva pamāṇaṃ. Cuṇṇiyapadehi gāthābandhehi vā yattakaṃ sakkoti, tattakaṃ vattabbaṃ, ‘‘dukkathita’’nti vā ‘‘atitthena pakkhando’’ti vā na vattabbo. Aparimāṇavaṇṇā hi buddhā bhagavanto, tesaṃ buddhāpi anavasesato vaṇṇaṃ vattuṃ asamatthā. Sakalampi hi kappaṃ vadantā pariyosāpetuṃ na sakkonti, pageva itarā pajāti. Iminā sirivilāsena alaṅkatapaṭiyattaṃ pāṭaligāmaṃ pavisitvā bhagavā pasannacittena janena pupphagandhadhūmavāsacuṇṇādīhi pūjiyamāno āvasathāgāraṃ pāvisi. Tena vuttaṃ ‘‘atha kho bhagavā nivāsetvā pattacīvaramādāya saddhiṃ bhikkhusaṅghena yena āvasathāgāraṃ tenupasaṅkamī’’ti.
баад̣̇з багкаалзд̇ваад̇и яад̣̇иби бхаг̇авад̇о баад̣̇з раж̇ож̇аллам̣ на убалимбад̇и, д̇зсам̣ бана убаасагаанам̣ гусалаабхивуд̣̇д̇хим̣ ааган̇канд̇о барзсам̣ д̣̇идтаануг̇ад̇им̣ аабаж̇ж̇анад̇т̇ам̣ бхаг̇аваа баад̣̇з багкаалзси. абижа убаад̣̇иннагасарийрам̣ наама сийд̇игаад̇аб̣б̣амби ход̇ийд̇и д̇ад̣̇ад̇т̇амби бхаг̇аваа нахаанабаад̣̇ад̇хованаани гарод̇иязва. бхаг̇аванд̇ам̣язва бурагкад̇ваад̇и бхаг̇аванд̇ам̣ бурад̇о гад̇ваа. д̇ад̇т̇а бхаг̇аваа бхигкуунан̃жзва убаасагаанан̃жа маж̇жхз нисинно г̇анд̇ход̣̇агзна нахаабзд̇ваа д̣̇угуулажумб̣адзна вод̣̇агам̣ гад̇ваа ж̇аад̇ихин̇г̇улагзна маж̇ж̇ид̇ваа рад̇д̇агамб̣алабаливзтид̇з бийтз табид̇аа рад̇д̇асуван̣н̣агханабадимаа вияа ад̇ивияа вирожид̇т̇а. аяам̣ банзд̇т̇а бораан̣аанам̣ ван̣н̣абхан̣анамаг̇г̇о –
Pāde pakkhāletvāti yadipi bhagavato pāde rajojallaṃ na upalimpati, tesaṃ pana upāsakānaṃ kusalābhivuddhiṃ ākaṅkhanto paresaṃ diṭṭhānugatiṃ āpajjanatthaṃ bhagavā pāde pakkhālesi. Apica upādinnakasarīraṃ nāma sītikātabbampi hotīti tadatthampi bhagavā nahānapādadhovanāni karotiyeva. Bhagavantaṃyeva purakkhatvāti bhagavantaṃ purato katvā. Tattha bhagavā bhikkhūnañceva upāsakānañca majjhe nisinno gandhodakena nahāpetvā dukūlacumbaṭena vodakaṃ katvā jātihiṅgulakena majjitvā rattakambalapaliveṭhite pīṭhe ṭhapitā rattasuvaṇṇaghanapaṭimā viya ativiya virocittha. Ayaṃ panettha porāṇānaṃ vaṇṇabhaṇanamaggo –
‘‘г̇анд̇ваана ман̣д̣аламаал̣ам̣, нааг̇авигганд̇ажааран̣о;
‘‘Gantvāna maṇḍalamāḷaṃ, nāgavikkantacāraṇo;
обхаасаяанд̇о логаг̇г̇о, нисийд̣̇и варамаасанз.
Obhāsayanto lokaggo, nisīdi varamāsane.
‘‘д̇ахим̣ нисинно нарад̣̇аммасаарат̇и,
‘‘Tahiṃ nisinno naradammasārathi,
д̣̇зваад̇ид̣̇зво сад̇абун̃н̃алагкан̣о;
Devātidevo satapuññalakkhaṇo;
б̣уд̣̇д̇хаасанз маж̇жхаг̇ад̇о вирожад̇и,
Buddhāsane majjhagato virocati,
суван̣н̣анзгкам̣ вияа бан̣д̣угамб̣алз.
Suvaṇṇanekkhaṃ viya paṇḍukambale.
‘‘нзгкам̣ ж̇амб̣онад̣̇ассзва, нигкид̇д̇ам̣ бан̣д̣угамб̣алз;
‘‘Nekkhaṃ jambonadasseva, nikkhittaṃ paṇḍukambale;
вирожад̇и вийд̇амало, ман̣и взрожано яат̇аа.
Virocati vītamalo, maṇi verocano yathā.
‘‘махаасаалова сампулло, мзрурааж̇аавалан̇гад̇о;
‘‘Mahāsālova samphullo, merurājāvalaṅkato;
суван̣н̣ат̇уубасан̇гаасо, бад̣̇умо госаго яат̇аа.
Suvaṇṇathūpasaṅkāso, padumo kosako yathā.
‘‘ж̇аланд̇о д̣̇ийбаругкова, баб̣б̣ад̇аг̇г̇з яат̇аа сикий;
‘‘Jalanto dīparukkhova, pabbatagge yathā sikhī;
д̣̇зваанам̣ баарижчад̇д̇ова, саб̣б̣апулло вирожат̇аа’’д̇и. (ма. ни. адта. 2.22; уд̣̇аа. адта. 76);
Devānaṃ pāricchattova, sabbaphullo virocathā’’ti. (ma. ni. aṭṭha. 2.22; udā. aṭṭha. 76);
баадалиг̇аамигз убаасагз ааманд̇зсийд̇и яасмаа д̇зсу убаасагзсу б̣ахуу ж̇анаа сийлз бад̇идтид̇аа, д̇асмаа батамам̣ д̇аава сийлавибад̇д̇ияаа аад̣̇ийнавам̣ багаасзд̇ваа бажчаа сийласамбад̣̇ааяа аанисам̣сам̣ д̣̇ассзд̇ум̣ ‘‘бан̃жимз г̇ахабад̇аяо’’д̇иаад̣̇инаа д̇хаммад̣̇зсанад̇т̇ам̣ ааманд̇зси. д̇ад̇т̇а д̣̇уссийлод̇и ниссийло (д̣̇ий. ни. адта. 2.149; а. ни. адта. 3.5.213; уд̣̇аа. адта. 76). абхаавад̇т̇о хзд̇т̇а д̣̇у-сад̣̇д̣̇о ‘‘д̣̇уббан̃н̃о’’д̇иаад̣̇ийсу вияа. сийлавибаннод̇и вибаннасийло бхиннасам̣варо. зд̇т̇а жа ‘‘д̣̇уссийло’’д̇и бад̣̇зна буг̇г̇аласса сийлаабхааво вуд̇д̇о. со банасса сийлаабхааво д̣̇увид̇хо асамаад̣̇аанзна ваа самаад̣̇иннасса бхзд̣̇зна ваад̇и. д̇зсу буримо на д̇ат̇аа сааваж̇ж̇о, яат̇аа д̣̇уд̇ияо сааваж̇ж̇ад̇аро. яат̇аад̇хиббзд̇аад̣̇ийнаванимид̇д̇ам̣ сийлаабхаавам̣ буг̇г̇алаад̇хидтаанааяа д̣̇зсанааяа д̣̇ассзд̇ум̣ ‘‘сийлавибанно’’д̇и вуд̇д̇ам̣, д̇зна ‘‘д̣̇уссийло’’д̇и бад̣̇асса ад̇т̇ам̣ д̣̇ассзд̇и. бамаад̣̇аад̇хигаран̣анд̇и бамаад̣̇агааран̣аа. ид̣̇ан̃жа суд̇д̇ам̣ г̇ахадтаанам̣ васзна ааг̇ад̇ам̣, баб̣б̣аж̇ид̇аанамби бана лаб̣бхад̇зва. г̇ахадто хи язна язна сиббадтаанзна ж̇ийвигам̣ габбзд̇и яад̣̇и гасияаа яад̣̇и ван̣иж̇ж̇ааяа яад̣̇и г̇орагкзна. баан̣аад̇ибаад̇аад̣̇ивасзна бамад̇д̇о д̇ам̣ д̇ам̣ яат̇аагаалам̣ самбаад̣̇зд̇ум̣ на саггод̇и, ат̇асса гаммам̣ винассад̇и. маагхаад̇агаалз баан̣аад̇ибаад̇ам̣ бана ад̣̇иннаад̣̇аанаад̣̇ийни жа гаронд̇о д̣̇ан̣д̣авасзна махад̇им̣ бхог̇аж̇ааним̣ ниг̇ажчад̇и. баб̣б̣аж̇ид̇о д̣̇уссийло бамаад̣̇агааран̣аа сийлад̇о б̣уд̣̇д̇хаважанад̇о жхаанад̇о сад̇д̇аарияад̇ханад̇о жа ж̇ааним̣ ниг̇ажчад̇и.
Pāṭaligāmike upāsake āmantesīti yasmā tesu upāsakesu bahū janā sīle patiṭṭhitā, tasmā paṭhamaṃ tāva sīlavipattiyā ādīnavaṃ pakāsetvā pacchā sīlasampadāya ānisaṃsaṃ dassetuṃ ‘‘pañcime gahapatayo’’tiādinā dhammadesanatthaṃ āmantesi. Tattha dussīloti nissīlo (dī. ni. aṭṭha. 2.149; a. ni. aṭṭha. 3.5.213; udā. aṭṭha. 76). Abhāvattho hettha du-saddo ‘‘duppañño’’tiādīsu viya. Sīlavipannoti vipannasīlo bhinnasaṃvaro. Ettha ca ‘‘dussīlo’’ti padena puggalassa sīlābhāvo vutto. So panassa sīlābhāvo duvidho asamādānena vā samādinnassa bhedena vāti. Tesu purimo na tathā sāvajjo, yathā dutiyo sāvajjataro. Yathādhippetādīnavanimittaṃ sīlābhāvaṃ puggalādhiṭṭhānāya desanāya dassetuṃ ‘‘sīlavipanno’’ti vuttaṃ, tena ‘‘dussīlo’’ti padassa atthaṃ dasseti. Pamādādhikaraṇanti pamādakāraṇā. Idañca suttaṃ gahaṭṭhānaṃ vasena āgataṃ, pabbajitānampi pana labbhateva. Gahaṭṭho hi yena yena sippaṭṭhānena jīvikaṃ kappeti yadi kasiyā yadi vaṇijjāya yadi gorakkhena. Pāṇātipātādivasena pamatto taṃ taṃ yathākālaṃ sampādetuṃ na sakkoti, athassa kammaṃ vinassati. Māghātakāle pāṇātipātaṃ pana adinnādānādīni ca karonto daṇḍavasena mahatiṃ bhogajāniṃ nigacchati. Pabbajito dussīlo pamādakāraṇā sīlato buddhavacanato jhānato sattaariyadhanato ca jāniṃ nigacchati.
баабаго гид̇д̇исад̣̇д̣̇од̇и г̇ахадтасса ‘‘асуго асугагулз ж̇аад̇о д̣̇уссийло баабад̇хаммо барижжад̇д̇аид̇халогабаралого салаагабхад̇д̇амад̇д̇амби на д̣̇зд̇ий’’д̇и жад̇убарисамаж̇жхз баабаго гид̇д̇исад̣̇д̣̇о аб̣бхуг̇г̇ажчад̇и. баб̣б̣аж̇ид̇асса ‘‘асуго наама сад̇т̇усаасанз баб̣б̣аж̇ид̇ваа наасагки сийлаани рагкид̇ум̣, на б̣уд̣̇д̇хаважанам̣ уг̇г̇ахзд̇ум̣, взж̇ж̇агаммаад̣̇ийхи ж̇ийвад̇и, чахи аг̇ааравзхи саманнааг̇ад̇о’’д̇и звам̣ баабаго гид̇д̇исад̣̇д̣̇о аб̣бхуг̇г̇ажчад̇и.
Pāpako kittisaddoti gahaṭṭhassa ‘‘asuko asukakule jāto dussīlo pāpadhammo pariccattaidhalokaparaloko salākabhattamattampi na detī’’ti catuparisamajjhe pāpako kittisaddo abbhuggacchati. Pabbajitassa ‘‘asuko nāma satthusāsane pabbajitvā nāsakkhi sīlāni rakkhituṃ, na buddhavacanaṃ uggahetuṃ, vejjakammādīhi jīvati, chahi agāravehi samannāgato’’ti evaṃ pāpako kittisaddo abbhuggacchati.
ависаарад̣̇од̇и г̇ахадто д̇аава ‘‘авассам̣ б̣ахуунам̣ саннибаад̇адтаанз гожи мама гаммам̣ ж̇ааниссад̇и, ат̇а мам̣ ниг̇г̇ан̣хиссанд̇ий’’д̇и ваа, ‘‘рааж̇агуласса ваа д̣̇ассанд̇ий’’д̇и сабхаяо убасан̇гамад̇и, ман̇губхууд̇о бад̇д̇агканд̇хо ад̇хомуко нисийд̣̇ад̇и, висаарад̣̇о худ̇ваа гат̇зд̇ум̣ на саггод̇и. баб̣б̣аж̇ид̇оби ‘‘б̣ахуу бхигкуу саннибад̇ид̇аа, авассам̣ гожи мама гаммам̣ ж̇ааниссад̇и, ат̇а мз убосат̇амби бавааран̣амби табзд̇ваа сааман̃н̃ад̇о жаавзд̇ваа ниггад̣дхиссанд̇ий’’д̇и сабхаяо убасан̇гамад̇и, висаарад̣̇о худ̇ваа гат̇зд̇ум̣ на саггод̇и. згажжо бана д̣̇уссийлоби самаано д̣̇аббид̇о вияа вад̣̇ад̇и, соби аж̇жхаасаязна ман̇гу ход̇иязва виббадисаарийбхаавад̇о.
Avisāradoti gahaṭṭho tāva ‘‘avassaṃ bahūnaṃ sannipātaṭṭhāne koci mama kammaṃ jānissati, atha maṃ niggaṇhissantī’’ti vā, ‘‘rājakulassa vā dassantī’’ti sabhayo upasaṅkamati, maṅkubhūto pattakkhandho adhomukho nisīdati, visārado hutvā kathetuṃ na sakkoti. Pabbajitopi ‘‘bahū bhikkhū sannipatitā, avassaṃ koci mama kammaṃ jānissati, atha me uposathampi pavāraṇampi ṭhapetvā sāmaññato cāvetvā nikkaḍḍhissantī’’ti sabhayo upasaṅkamati, visārado hutvā kathetuṃ na sakkoti. Ekacco pana dussīlopi samāno dappito viya vadati, sopi ajjhāsayena maṅku hotiyeva vippaṭisārībhāvato.
саммуул̣хо гаалам̣ гарод̇ийд̇и д̣̇уссийласса хи маран̣аман̃жз нибаннасса д̣̇уссийляагаммаанам̣ самаад̣̇ааяа вад̇д̇ид̇адтаанаани аабаат̇амааг̇ажчанд̇и. со уммийлзд̇ваа ад̇д̇ано буд̇д̇ад̣̇аараад̣̇ид̣̇ассанавасзна ид̇халогам̣ бассад̇и, нимийлзд̇ваа г̇ад̇инимид̇д̇убадтаанавасзна баралогам̣ бассад̇и, д̇асса жад̇д̇ааро абааяаа гаммаануруубам̣ убадтаханд̇и. сад̇д̇исад̇зна бахарияамаано вияа аг̇г̇иж̇аалааяа аалин̇г̇ияамаано вияа жа ход̇и. со ‘‘ваарзт̇а ваарзт̇аа’’д̇и вираванд̇ова марад̇и. д̇зна вуд̇д̇ам̣ ‘‘саммуул̣хо гаалам̣ гарод̇ий’’д̇и.
Sammūḷhokālaṃ karotīti dussīlassa hi maraṇamañce nipannassa dussīlyakammānaṃ samādāya vattitaṭṭhānāni āpāthamāgacchanti. So ummīletvā attano puttadārādidassanavasena idhalokaṃ passati, nimīletvā gatinimittupaṭṭhānavasena paralokaṃ passati, tassa cattāro apāyā kammānurūpaṃ upaṭṭhahanti. Sattisatena pahariyamāno viya aggijālāya āliṅgiyamāno viya ca hoti. So ‘‘vāretha vārethā’’ti viravantova marati. Tena vuttaṃ ‘‘sammūḷho kālaṃ karotī’’ti.
гааяасса бхзд̣̇аад̇и убаад̣̇иннагагканд̇хабарижжааг̇аа. барам̣ маран̣аад̇и д̇ад̣̇ананд̇арам̣ абхиниб̣б̣ад̇д̇агканд̇хаг̇г̇ахан̣з. ат̇а ваа гааяасса бхзд̣̇аад̇и ж̇ийвид̇инд̣̇рияасса убажчзд̣̇аа. барам̣ маран̣аад̇и жуд̇ид̇о уд̣̇д̇хам̣. абааяанд̇иаад̣̇и саб̣б̣ам̣ нираяавзважанам̣. нираяо хи саг̇г̇амогкахзд̇убхууд̇аа бун̃н̃асан̇каад̇аа аяаа абзд̇ад̇д̇аа, сукаанам̣ ваа ааяасса ааг̇аманасса абхааваа абааяо. д̣̇угкасса г̇ад̇и бадисаран̣анд̇и д̣̇уг̇г̇ад̇и, д̣̇осаб̣ахулад̇ааяа ваа д̣̇удтзна гаммунаа ниб̣б̣ад̇д̇аа г̇ад̇ийд̇и д̣̇уг̇г̇ад̇и. вивасаа нибад̇анд̇и зд̇т̇а д̣̇уггадагааринод̇и винибаад̇о, винассанд̇аа ваа зд̇т̇а нибад̇анд̇и сам̣бхиж̇ж̇амаанан̇г̇абажжан̇г̇аад̇и винибаад̇о. над̇т̇и зд̇т̇а ассаад̣̇асан̃н̃ид̇о аяод̇и нираяо.
Kāyassa bhedāti upādinnakakkhandhapariccāgā. Paraṃ maraṇāti tadanantaraṃ abhinibbattakkhandhaggahaṇe. Atha vā kāyassa bhedāti jīvitindriyassa upacchedā. Paraṃ maraṇāti cutito uddhaṃ. Apāyantiādi sabbaṃ nirayavevacanaṃ. Nirayo hi saggamokkhahetubhūtā puññasaṅkhātā ayā apetattā, sukhānaṃ vā āyassa āgamanassa abhāvā apāyo. Dukkhassa gati paṭisaraṇanti duggati, dosabahulatāya vā duṭṭhena kammunā nibbattā gatīti duggati. Vivasā nipatanti ettha dukkaṭakārinoti vinipāto, vinassantā vā ettha nipatanti saṃbhijjamānaṅgapaccaṅgāti vinipāto. Natthi ettha assādasaññito ayoti nirayo.
ат̇а ваа абааяаг̇г̇ахан̣зна д̇иражчаанаяоним̣ д̣̇ийбзд̇и. д̇иражчаанаяони хи абааяо суг̇ад̇ид̇о абзд̇ад̇д̇аа, на д̣̇уг̇г̇ад̇и махзсагкаанам̣ нааг̇арааж̇аад̣̇ийнам̣ самбхавад̇о. д̣̇уг̇г̇ад̇иг̇г̇ахан̣зна бзд̇д̇ивисаяам̣ д̣̇ийбзд̇и. со хи абааяо жзва д̣̇уг̇г̇ад̇и жа суг̇ад̇ид̇о абзд̇ад̇д̇аа д̣̇угкасса жа г̇ад̇ибхууд̇ад̇д̇аа, на д̇у винибаад̇о асурасад̣̇исам̣ авинибад̇ид̇ад̇д̇аа. бзд̇амахид̣̇д̇хигаанам̣ вимаанааниби ниб̣б̣ад̇д̇анд̇и. винибаад̇аг̇г̇ахан̣зна асурагааяам̣ д̣̇ийбзд̇и. со хи яат̇аавуд̇д̇знад̇т̇зна абааяо жзва д̣̇уг̇г̇ад̇и жа саб̣б̣асамбад̇д̇исамуссаязхи винибаад̇ад̇д̇аа винибаад̇од̇и жа вужжад̇и. нираяаг̇г̇ахан̣зна бана авийжиаад̣̇игам̣ анзгаббагаарам̣ нираяамзва д̣̇ийбзд̇и. убабаж̇ж̇ад̇ийд̇и ниб̣б̣ад̇д̇ад̇и.
Atha vā apāyaggahaṇena tiracchānayoniṃ dīpeti. Tiracchānayoni hi apāyo sugatito apetattā, na duggati mahesakkhānaṃ nāgarājādīnaṃ sambhavato. Duggatiggahaṇena pettivisayaṃ dīpeti. So hi apāyo ceva duggati ca sugatito apetattā dukkhassa ca gatibhūtattā, na tu vinipāto asurasadisaṃ avinipatitattā. Petamahiddhikānaṃ vimānānipi nibbattanti. Vinipātaggahaṇena asurakāyaṃ dīpeti. So hi yathāvuttenatthena apāyo ceva duggati ca sabbasampattisamussayehi vinipātattā vinipātoti ca vuccati. Nirayaggahaṇena pana avīciādikaṃ anekappakāraṃ nirayameva dīpeti. Upapajjatīti nibbattati.
аанисам̣сагат̇аа вуд̇д̇авибарияааязна взд̣̇ид̇аб̣б̣аа. аяам̣ бана висзсо – сийлаваад̇и самаад̣̇аанавасзна сийлаваа. сийласамбаннод̇и барисуд̣̇д̇хам̣ барибун̣н̣ан̃жа гад̇ваа сийласса самбаад̣̇анзна сийласамбанно. бхог̇агканд̇ханд̇и бхог̇араасим̣. суг̇ад̇им̣ саг̇г̇ам̣ логанд̇и зд̇т̇а суг̇ад̇иг̇г̇ахан̣зна мануссаг̇ад̇иби сан̇г̇аяхад̇и, саг̇г̇аг̇г̇ахан̣зна д̣̇зваг̇ад̇и зва. д̇ад̇т̇а сунд̣̇араа г̇ад̇ийд̇и суг̇ад̇и, руубаад̣̇ийхи висаязхи судту аг̇г̇од̇и саг̇г̇о, со саб̣б̣оби луж̇ж̇анабалуж̇ж̇анадтзна логод̇и.
Ānisaṃsakathā vuttavipariyāyena veditabbā. Ayaṃ pana viseso – sīlavāti samādānavasena sīlavā. Sīlasampannoti parisuddhaṃ paripuṇṇañca katvā sīlassa sampādanena sīlasampanno. Bhogakkhandhanti bhogarāsiṃ. Sugatiṃ saggaṃ lokanti ettha sugatiggahaṇena manussagatipi saṅgayhati, saggaggahaṇena devagati eva. Tattha sundarā gatīti sugati, rūpādīhi visayehi suṭṭhu aggoti saggo, so sabbopi lujjanapalujjanaṭṭhena lokoti.
баадалиг̇аамигз убаасагз б̣ахуд̣̇зва рад̇д̇им̣ д̇хаммияаа гат̇ааяаад̇и ан̃н̃ааяаби баал̣имуд̇д̇ааяа д̇хаммагат̇ааяа жзва аавасат̇аанумод̣̇анагат̇ааяа жа. д̇ад̣̇аа хи бхаг̇аваа яасмаа аж̇аад̇асад̇д̇унаа д̇ад̇т̇а баадалибуд̇д̇анаг̇арам̣ маабзнд̇зна ан̃н̃аасу г̇ааманиг̇амарааж̇ад̇хаанийсу яз сийлаажаарасамбаннаа гудумб̣игаа, д̇з аанзд̇ваа д̇ханад̇хан̃н̃аани гхаравад̇т̇укзд̇д̇авад̇т̇аад̣̇ийни жзва барихааран̃жа д̣̇аабзд̇ваа нивзсияанд̇и, д̇асмаа баадалиг̇аамигаа убаасагаа аанисам̣сад̣̇ассаавид̇ааяа висзсад̇о сийлаг̇аругаад̇и саб̣б̣аг̇ун̣аанан̃жа сийласса ад̇хидтаанабхаавад̇о д̇зсам̣ батамам̣ сийлаанисам̣сз багаасзд̇ваа д̇ад̇о барам̣ аагаасаг̇ан̇г̇ам̣ од̇аарзнд̇о вияа бат̇авож̇ам̣ аагад̣дханд̇о вияа махааж̇амб̣ум̣ мад̇т̇агз г̇ахзд̇ваа жаалзнд̇о вияа яож̇анаббамаан̣ам̣ махаамад̇хум̣ жаггаяанд̇зна бийл̣зд̇ваа сумад̇хурарасам̣ бааяамаано вияа жа баадалиг̇аамигаанам̣ убаасагаанам̣ хид̇асукаавахам̣ багин̣н̣агагат̇ам̣ гат̇знд̇оби ‘‘ааваасад̣̇аанам̣ наамзд̇ам̣ г̇ахабад̇аяо маханд̇ам̣ бун̃н̃ам̣, д̇умхаагам̣ ааваасо маяаа барибхуд̇д̇о, бхигкусан̇гхзна барибхуд̇д̇о, маяаа жа бхигкусан̇гхзна жа барибхуд̇д̇з д̇хаммарад̇анзнаби барибхуд̇д̇оязва ход̇и, звам̣ д̇ийхи рад̇анзхи барибхуд̇д̇з абаримзяяова вибааго, абижа ааваасад̣̇аанасмим̣ д̣̇иннз саб̣б̣ад̣̇аанам̣ д̣̇иннамзва ход̇и, бхуумадтагабан̣н̣асаалааяа ваа саакааман̣д̣абасса ваа сан̇гхам̣ уд̣̇д̣̇исса гад̇асса аанисам̣со барижчинд̣̇ид̇ум̣ на саггаа. ааваасад̣̇аанаанубхаавзна хи бхавз ниб̣б̣ад̇д̇амаанассаби самбийл̣ид̇аг̇аб̣бхаваасо наама на ход̇и, д̣̇ваад̣̇асахад̇т̇о овараго вияасса маад̇угужчи асамб̣аад̇хова ход̇ий’’д̇и звам̣ наанаанаяавижид̇д̇ам̣ б̣ахум̣ д̇хаммагат̇ам̣ гат̇зд̇ваа –
Pāṭaligāmike upāsake bahudeva rattiṃ dhammiyā kathāyāti aññāyapi pāḷimuttāya dhammakathāya ceva āvasathānumodanakathāya ca. Tadā hi bhagavā yasmā ajātasattunā tattha pāṭaliputtanagaraṃ māpentena aññāsu gāmanigamarājadhānīsu ye sīlācārasampannā kuṭumbikā, te ānetvā dhanadhaññāni gharavatthukhettavatthādīni ceva parihārañca dāpetvā nivesiyanti, tasmā pāṭaligāmikā upāsakā ānisaṃsadassāvitāya visesato sīlagarukāti sabbaguṇānañca sīlassa adhiṭṭhānabhāvato tesaṃ paṭhamaṃ sīlānisaṃse pakāsetvā tato paraṃ ākāsagaṅgaṃ otārento viya pathavojaṃ ākaḍḍhanto viya mahājambuṃ matthake gahetvā cālento viya yojanappamāṇaṃ mahāmadhuṃ cakkayantena pīḷetvā sumadhurarasaṃ pāyamāno viya ca pāṭaligāmikānaṃ upāsakānaṃ hitasukhāvahaṃ pakiṇṇakakathaṃ kathentopi ‘‘āvāsadānaṃ nāmetaṃ gahapatayo mahantaṃ puññaṃ, tumhākaṃ āvāso mayā paribhutto, bhikkhusaṅghena paribhutto, mayā ca bhikkhusaṅghena ca paribhutte dhammaratanenapi paribhuttoyeva hoti, evaṃ tīhi ratanehi paribhutte aparimeyyova vipāko, apica āvāsadānasmiṃ dinne sabbadānaṃ dinnameva hoti, bhūmaṭṭhakapaṇṇasālāya vā sākhāmaṇḍapassa vā saṅghaṃ uddissa katassa ānisaṃso paricchindituṃ na sakkā. Āvāsadānānubhāvena hi bhave nibbattamānassapi sampīḷitagabbhavāso nāma na hoti, dvādasahattho ovarako viyassa mātukucchi asambādhova hotī’’ti evaṃ nānānayavicittaṃ bahuṃ dhammakathaṃ kathetvā –
‘‘сийд̇ам̣ ун̣хам̣ бадиханд̇и, д̇ад̇о ваал̣амиг̇аани жа;
‘‘Sītaṃ uṇhaṃ paṭihanti, tato vāḷamigāni ca;
сарийсабз жа магасз, сисирз жааби вудтияо.
Sarīsape ca makase, sisire cāpi vuṭṭhiyo.
‘‘д̇ад̇о ваад̇аад̇або гхоро, сан̃ж̇аад̇о бадихан̃н̃ад̇и;
‘‘Tato vātātapo ghoro, sañjāto paṭihaññati;
лзн̣ад̇т̇ан̃жа сукад̇т̇ан̃жа, жхааяид̇ун̃жа вибассид̇ум̣.
Leṇatthañca sukhatthañca, jhāyituñca vipassituṃ.
‘‘вихаарад̣̇аанам̣ сан̇гхасса, аг̇г̇ам̣ б̣уд̣̇д̇хзна ван̣н̣ид̇ам̣;
‘‘Vihāradānaṃ saṅghassa, aggaṃ buddhena vaṇṇitaṃ;
д̇асмаа хи бан̣д̣ид̇о босо, самбассам̣ ад̇т̇амад̇д̇ано.
Tasmā hi paṇḍito poso, sampassaṃ atthamattano.
‘‘вихаарз гаараяз раммз, ваасаязд̇т̇а б̣ахуссуд̇з;
‘‘Vihāre kāraye ramme, vāsayettha bahussute;
д̇зсам̣ аннан̃жа баанан̃жа, вад̇т̇асзнаасанаани жа.
Tesaṃ annañca pānañca, vatthasenāsanāni ca.
‘‘д̣̇ад̣̇зяяа уж̇убхууд̇зсу, виббасаннзна жзд̇асаа;
‘‘Dadeyya ujubhūtesu, vippasannena cetasā;
д̇з д̇асса д̇хаммам̣ д̣̇зсзнд̇и, саб̣б̣ад̣̇угкаабанууд̣̇анам̣;
Te tassa dhammaṃ desenti, sabbadukkhāpanūdanaṃ;
яам̣ со д̇хаммам̣ ид̇хан̃н̃ааяа, бариниб̣б̣аад̇и анаасаво’’д̇и. (жуул̣ава. 295, 315) –
Yaṃ so dhammaṃ idhaññāya, parinibbāti anāsavo’’ti. (cūḷava. 295, 315) –
звам̣ аяамби ааваасад̣̇аанз аанисам̣со аяамби ааваасад̣̇аанз аанисам̣сод̇и б̣ахуд̣̇зва рад̇д̇им̣ ад̇ирзгад̣̇ияад̣дхаяаамам̣ ааваасад̣̇аанаанисам̣сам̣ гат̇зси. д̇ад̇т̇а имаа г̇аат̇аава сан̇г̇ахам̣ аарул̣хаа, багин̣н̣агад̇хаммад̣̇зсанаа бана сан̇г̇ахам̣ на аарохад̇и. санд̣̇ассзд̇ваад̇иаад̣̇ийни вуд̇д̇ад̇т̇аанзва.
Evaṃ ayampi āvāsadāne ānisaṃso ayampi āvāsadāne ānisaṃsoti bahudeva rattiṃ atirekadiyaḍḍhayāmaṃ āvāsadānānisaṃsaṃ kathesi. Tattha imā gāthāva saṅgahaṃ āruḷhā, pakiṇṇakadhammadesanā pana saṅgahaṃ na ārohati. Sandassetvātiādīni vuttatthāneva.
абхигганд̇аад̇и ад̇игганд̇аа д̣̇вз яаамаа г̇ад̇аа. яассад̣̇аани д̇умхз гаалам̣ ман̃н̃ат̇аад̇и яасса г̇аманасса д̇умхз гаалам̣ ман̃н̃ат̇а, г̇аманагаало д̇умхаагам̣, г̇ажчат̇аад̇и вуд̇д̇ам̣ ход̇и. гасмаа бана бхаг̇аваа д̇з уяяож̇зсийд̇и? анугамбааяа. д̇ияаамарад̇д̇ин̃хи нисийд̣̇ид̇ваа вийд̇инаамзнд̇аанам̣ д̇зсам̣ сарийрз ааб̣аад̇хо уббаж̇ж̇зяяа, бхигкусан̇гхоби жа махаа, д̇асса саяананисаж̇ж̇аанам̣ огаасам̣ лад̣̇д̇хум̣ ваддад̇и, ид̇и убхаяаанугамбааяа уяяож̇зси.
Abhikkantāti atikkantā dve yāmā gatā. Yassadāni tumhe kālaṃ maññathāti yassa gamanassa tumhe kālaṃ maññatha, gamanakālo tumhākaṃ, gacchathāti vuttaṃ hoti. Kasmā pana bhagavā te uyyojesīti? Anukampāya. Tiyāmarattiñhi nisīditvā vītināmentānaṃ tesaṃ sarīre ābādho uppajjeyya, bhikkhusaṅghopi ca mahā, tassa sayananisajjānaṃ okāsaṃ laddhuṃ vaṭṭati, iti ubhayānukampāya uyyojesi.
сун̃н̃ааг̇ааранд̇и баадиязггам̣ сун̃н̃ааг̇аарам̣ наама д̇ад̇т̇а над̇т̇и. д̇з гира г̇ахабад̇аяо д̇ассзва аавасат̇ааг̇аарасса згабассз бадасаан̣им̣ баригкибаабзд̇ваа габбияаман̃жам̣ бан̃н̃абзд̇ваа д̇ад̇т̇а габбияабажжад̇т̇аран̣аани ад̇т̇арид̇ваа убари суван̣н̣араж̇ад̇ад̇аарагаг̇анд̇хамаалаад̣̇ид̣̇аамабадиман̣д̣ид̇ам̣ вид̇аанам̣ б̣анд̇хид̇ваа г̇анд̇хад̇злабад̣̇ийбам̣ ааробаяим̣су ‘‘аббзва наама сад̇т̇аа д̇хаммаасанад̇о вудтааяа т̇огам̣ виссамзд̇угаамо ид̇ха нибаж̇ж̇зяяа, звам̣ но ид̣̇ам̣ аавасат̇ааг̇аарам̣ бхаг̇авад̇аа жад̇уухи ирияаабат̇зхи барибхуд̇д̇ам̣ д̣̇ийгхарад̇д̇ам̣ хид̇ааяа сукааяа бхависсад̇ий’’д̇и. сад̇т̇ааби д̇ад̣̇зва санд̇хааяа д̇ад̇т̇а сан̇гхаадим̣ бан̃н̃абзд̇ваа сийхасзяяам̣ габбзси. д̇ам̣ санд̇хааяа вуд̇д̇ам̣ ‘‘сун̃н̃ааг̇аарам̣ баависий’’д̇и. д̇ад̇т̇а баад̣̇ад̇хованадтаанад̇о бадтааяа яаава д̇хаммаасанаа аг̇амааси, зд̇д̇агз таанз г̇аманам̣ нибпаннам̣. д̇хаммаасанам̣ бад̇ваа т̇огам̣ адтааси, ид̣̇ам̣ д̇ад̇т̇а таанам̣. д̣̇вз яаамз д̇хаммаасанз нисийд̣̇и, зд̇д̇агз таанз нисаж̇ж̇аа нибпаннаа. убаасагз уяяож̇зд̇ваа д̇хаммаасанад̇о оруяха яат̇аавуд̇д̇з таанз сийхасзяяам̣ габбзси . зд̇ам̣ таанам̣ бхаг̇авад̇аа жад̇уухи ирияаабат̇зхи барибхуд̇д̇ам̣ ахосийд̇и.
Suññāgāranti pāṭiyekkaṃ suññāgāraṃ nāma tattha natthi. Te kira gahapatayo tasseva āvasathāgārassa ekapasse paṭasāṇiṃ parikkhipāpetvā kappiyamañcaṃ paññapetvā tattha kappiyapaccattharaṇāni attharitvā upari suvaṇṇarajatatārakagandhamālādidāmapaṭimaṇḍitaṃ vitānaṃ bandhitvā gandhatelapadīpaṃ āropayiṃsu ‘‘appeva nāma satthā dhammāsanato vuṭṭhāya thokaṃ vissametukāmo idha nipajjeyya, evaṃ no idaṃ āvasathāgāraṃ bhagavatā catūhi iriyāpathehi paribhuttaṃ dīgharattaṃ hitāya sukhāya bhavissatī’’ti. Satthāpi tadeva sandhāya tattha saṅghāṭiṃ paññapetvā sīhaseyyaṃ kappesi. Taṃ sandhāya vuttaṃ ‘‘suññāgāraṃ pāvisī’’ti. Tattha pādadhovanaṭṭhānato paṭṭhāya yāva dhammāsanā agamāsi, ettake ṭhāne gamanaṃ nipphannaṃ. Dhammāsanaṃ patvā thokaṃ aṭṭhāsi, idaṃ tattha ṭhānaṃ. Dve yāme dhammāsane nisīdi, ettake ṭhāne nisajjā nipphannā. Upāsake uyyojetvā dhammāsanato oruyha yathāvutte ṭhāne sīhaseyyaṃ kappesi . Etaṃ ṭhānaṃ bhagavatā catūhi iriyāpathehi paribhuttaṃ ahosīti.
баадалиг̇аамавад̇т̇угат̇ааван̣н̣анаа нидтид̇аа.
Pāṭaligāmavatthukathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 173. баадалиг̇аамавад̇т̇у • 173. Pāṭaligāmavatthu
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / баадалиг̇аамавад̇т̇угат̇аа • Pāṭaligāmavatthukathā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / яааг̇умад̇хуг̇ол̣агаад̣̇игат̇ааван̣н̣анаа • Yāgumadhugoḷakādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 173. баадалиг̇аамавад̇т̇угат̇аа • 173. Pāṭaligāmavatthukathā
