| Library / Tipiṭaka / തിപിടക • Tipiṭaka / വിമതിവിനോദനീ-ടീകാ • Vimativinodanī-ṭīkā |
പാടലിഗാമവത്ഥുകഥാവണ്ണനാ
Pāṭaligāmavatthukathāvaṇṇanā
൨൮൬. പാടലിഗാമേ നഗരം മാപേന്തീതി പാടലിഗാമസ്സ സമീപേ തസ്സേവ ഗാമഖേത്തഭൂതേ മഹന്തേ അരഞ്ഞപ്പദേസേ പാടലിപുത്തം നാമ നഗരം മാപേന്തി. യാവതാ അരിയം ആയതനന്തി യത്തകം അരിയമനുസ്സാനം ഓസരണട്ഠാനം. യാവതാ വണിപ്പഥോതി യത്തകം വാണിജാനം ഭണ്ഡവിക്കീണനട്ഠാനം, വസനട്ഠാനം വാ, ഇദം തേസം സബ്ബേസം അഗ്ഗനഗരം ഭവിസ്സതീതി അത്ഥോ. പുടഭേദനന്തി സകടാദീഹി നാനാദേസതോ ആഹടാനം ഭണ്ഡപുടാനം വിക്കീണനത്ഥായ മോചനട്ഠാനം. സരന്തി തളാകാദീസുപി വത്തതി , തന്നിവത്തനത്ഥം ‘‘സരന്തി ഇധ നദീ അധിപ്പേതാ’’തി വുത്തം സരതി സന്ദതീതി കത്വാ. വിനാ ഏവ കുല്ലേന തിണ്ണാതി ഇദം അപ്പമത്തകഉദകമ്പി അഫുസിത്വാ വിനാ കുല്ലേന പാരപ്പത്താ.
286.Pāṭaligāme nagaraṃ māpentīti pāṭaligāmassa samīpe tasseva gāmakhettabhūte mahante araññappadese pāṭaliputtaṃ nāma nagaraṃ māpenti. Yāvatā ariyaṃ āyatananti yattakaṃ ariyamanussānaṃ osaraṇaṭṭhānaṃ. Yāvatā vaṇippathoti yattakaṃ vāṇijānaṃ bhaṇḍavikkīṇanaṭṭhānaṃ, vasanaṭṭhānaṃ vā, idaṃ tesaṃ sabbesaṃ agganagaraṃ bhavissatīti attho. Puṭabhedananti sakaṭādīhi nānādesato āhaṭānaṃ bhaṇḍapuṭānaṃ vikkīṇanatthāya mocanaṭṭhānaṃ. Saranti taḷākādīsupi vattati , tannivattanatthaṃ ‘‘saranti idha nadī adhippetā’’ti vuttaṃ sarati sandatīti katvā. Vinā eva kullena tiṇṇāti idaṃ appamattakaudakampi aphusitvā vinā kullena pārappattā.
പാടലിഗാമവത്ഥുകഥാവണ്ണനാ നിട്ഠിതാ.
Pāṭaligāmavatthukathāvaṇṇanā niṭṭhitā.
Related texts:
തിപിടക (മൂല) • Tipiṭaka (Mūla) / വിനയപിടക • Vinayapiṭaka / മഹാവഗ്ഗപാളി • Mahāvaggapāḷi / ൧൭൪. സുനിധവസ്സകാരവത്ഥു • 174. Sunidhavassakāravatthu
അട്ഠകഥാ • Aṭṭhakathā / വിനയപിടക (അട്ഠകഥാ) • Vinayapiṭaka (aṭṭhakathā) / മഹാവഗ്ഗ-അട്ഠകഥാ • Mahāvagga-aṭṭhakathā / പാടലിഗാമവത്ഥുകഥാ • Pāṭaligāmavatthukathā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / സാരത്ഥദീപനീ-ടീകാ • Sāratthadīpanī-ṭīkā / സുനിധവസ്സകാരവത്ഥുകഥാവണ്ണനാ • Sunidhavassakāravatthukathāvaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / പാചിത്യാദിയോജനാപാളി • Pācityādiyojanāpāḷi / ൧൭൩. പാടലിഗാമവത്ഥുകഥാ • 173. Pāṭaligāmavatthukathā
