| Library / Tipiṭaka / д̇ибидага • Tipiṭaka / уд̣̇аанабаал̣и • Udānapāḷi |
6. баадалиг̇аамияасуд̇д̇ам̣
6. Pāṭaligāmiyasuttaṃ
76. звам̣ мз суд̇ам̣ – згам̣ самаяам̣ бхаг̇аваа маг̇ад̇хзсу жааригам̣ жарамаано махад̇аа бхигкусан̇гхзна сад̣̇д̇хим̣ язна баадалиг̇аамо д̇ад̣̇авасари. ассосум̣ ко баадалиг̇аамияаа 1 убаасагаа – ‘‘бхаг̇аваа гира маг̇ад̇хзсу жааригам̣ жарамаано махад̇аа бхигкусан̇гхзна сад̣̇д̇хим̣ баадалиг̇аамам̣ ануббад̇д̇о’’д̇и. ат̇а ко баадалиг̇аамияаа убаасагаа язна бхаг̇аваа д̇знубасан̇гамим̣су; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇им̣су. згаманд̇ам̣ нисиннаа ко баадалиг̇аамияаа убаасагаа бхаг̇аванд̇ам̣ зд̇ад̣̇авожум̣ – ‘‘ад̇хиваасзд̇у но, бханд̇з, бхаг̇аваа аавасат̇ааг̇аара’’нд̇и. ад̇хиваасзси бхаг̇аваа д̇ун̣хийбхаавзна.
76. Evaṃ me sutaṃ – ekaṃ samayaṃ bhagavā magadhesu cārikaṃ caramāno mahatā bhikkhusaṅghena saddhiṃ yena pāṭaligāmo tadavasari. Assosuṃ kho pāṭaligāmiyā 2 upāsakā – ‘‘bhagavā kira magadhesu cārikaṃ caramāno mahatā bhikkhusaṅghena saddhiṃ pāṭaligāmaṃ anuppatto’’ti. Atha kho pāṭaligāmiyā upāsakā yena bhagavā tenupasaṅkamiṃsu; upasaṅkamitvā bhagavantaṃ abhivādetvā ekamantaṃ nisīdiṃsu. Ekamantaṃ nisinnā kho pāṭaligāmiyā upāsakā bhagavantaṃ etadavocuṃ – ‘‘adhivāsetu no, bhante, bhagavā āvasathāgāra’’nti. Adhivāsesi bhagavā tuṇhībhāvena.
ат̇а ко баадалиг̇аамияаа убаасагаа бхаг̇авад̇о ад̇хиваасанам̣ вид̣̇ид̇ваа удтааяаасанаа бхаг̇аванд̇ам̣ абхиваад̣̇зд̇ваа бад̣̇агкин̣ам̣ гад̇ваа язнаавасат̇ааг̇аарам̣ д̇знубасан̇гамим̣су; убасан̇гамид̇ваа саб̣б̣асант̇арим̣ аавасат̇ааг̇аарам̣ сант̇арид̇ваа аасанаани бан̃н̃аабзд̇ваа уд̣̇агаман̣игам̣ бад̇идтаабзд̇ваа д̇злаббад̣̇ийбам̣ ааробзд̇ваа язна бхаг̇аваа д̇знубасан̇гамим̣су; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ адтам̣су. згаманд̇ам̣ тид̇аа ко баадалиг̇аамияаа убаасагаа бхаг̇аванд̇ам̣ зд̇ад̣̇авожум̣ – ‘‘саб̣б̣асант̇арисант̇ад̇ам̣ 3, бханд̇з, аавасат̇ааг̇аарам̣; аасанаани бан̃н̃ад̇д̇аани; уд̣̇агаман̣иго бад̇идтаабид̇о 4 д̇злаббад̣̇ийбо ааробид̇о. яассад̣̇аани, бханд̇з, бхаг̇аваа гаалам̣ ман̃н̃ад̇ий’’д̇и.
Atha kho pāṭaligāmiyā upāsakā bhagavato adhivāsanaṃ viditvā uṭṭhāyāsanā bhagavantaṃ abhivādetvā padakkhiṇaṃ katvā yenāvasathāgāraṃ tenupasaṅkamiṃsu; upasaṅkamitvā sabbasanthariṃ āvasathāgāraṃ santharitvā āsanāni paññāpetvā udakamaṇikaṃ patiṭṭhāpetvā telappadīpaṃ āropetvā yena bhagavā tenupasaṅkamiṃsu; upasaṅkamitvā bhagavantaṃ abhivādetvā ekamantaṃ aṭṭhaṃsu. Ekamantaṃ ṭhitā kho pāṭaligāmiyā upāsakā bhagavantaṃ etadavocuṃ – ‘‘sabbasantharisanthataṃ 5, bhante, āvasathāgāraṃ; āsanāni paññattāni; udakamaṇiko patiṭṭhāpito 6 telappadīpo āropito. Yassadāni, bhante, bhagavā kālaṃ maññatī’’ti.
ат̇а ко бхаг̇аваа ниваасзд̇ваа бад̇д̇ажийварамаад̣̇ааяа сад̣̇д̇хим̣ бхигкусан̇гхзна язна аавасат̇ааг̇аарам̣ д̇знубасан̇гами; убасан̇гамид̇ваа баад̣̇з багкаалзд̇ваа аавасат̇ааг̇аарам̣ бависид̇ваа маж̇жхимам̣ т̇амбхам̣ ниссааяа бурад̇т̇аабхимуко нисийд̣̇и. бхигкусан̇гхоби ко баад̣̇з багкаалзд̇ваа аавасат̇ааг̇аарам̣ бависид̇ваа бажчимам̣ бхид̇д̇им̣ ниссааяа бурад̇т̇аабхимуко нисийд̣̇и бхаг̇аванд̇ам̣язва бурагкад̇ваа. баадалиг̇аамияааби ко убаасагаа баад̣̇з багкаалзд̇ваа аавасат̇ааг̇аарам̣ бависид̇ваа бурад̇т̇имам̣ бхид̇д̇им̣ ниссааяа бажчимаабхимукаа нисийд̣̇им̣су бхаг̇аванд̇ам̣язва бурагкад̇ваа. ат̇а ко бхаг̇аваа баадалиг̇аамияз убаасагз ааманд̇зси –
Atha kho bhagavā nivāsetvā pattacīvaramādāya saddhiṃ bhikkhusaṅghena yena āvasathāgāraṃ tenupasaṅkami; upasaṅkamitvā pāde pakkhāletvā āvasathāgāraṃ pavisitvā majjhimaṃ thambhaṃ nissāya puratthābhimukho nisīdi. Bhikkhusaṅghopi kho pāde pakkhāletvā āvasathāgāraṃ pavisitvā pacchimaṃ bhittiṃ nissāya puratthābhimukho nisīdi bhagavantaṃyeva purakkhatvā. Pāṭaligāmiyāpi kho upāsakā pāde pakkhāletvā āvasathāgāraṃ pavisitvā puratthimaṃ bhittiṃ nissāya pacchimābhimukhā nisīdiṃsu bhagavantaṃyeva purakkhatvā. Atha kho bhagavā pāṭaligāmiye upāsake āmantesi –
‘‘бан̃жимз, г̇ахабад̇аяо, аад̣̇ийнаваа д̣̇уссийласса сийлавибад̇д̇ияаа. гад̇амз бан̃жа? ид̇ха, г̇ахабад̇аяо, д̣̇уссийло сийлавибанно бамаад̣̇аад̇хигаран̣ам̣ махад̇им̣ бхог̇аж̇ааним̣ ниг̇ажчад̇и. аяам̣ батамо аад̣̇ийнаво д̣̇уссийласса сийлавибад̇д̇ияаа.
‘‘Pañcime, gahapatayo, ādīnavā dussīlassa sīlavipattiyā. Katame pañca? Idha, gahapatayo, dussīlo sīlavipanno pamādādhikaraṇaṃ mahatiṃ bhogajāniṃ nigacchati. Ayaṃ paṭhamo ādīnavo dussīlassa sīlavipattiyā.
‘‘буна жабарам̣, г̇ахабад̇аяо, д̣̇уссийласса сийлавибаннасса баабаго гид̇д̇исад̣̇д̣̇о аб̣бхуг̇г̇ажчад̇и. аяам̣ д̣̇уд̇ияо аад̣̇ийнаво д̣̇уссийласса сийлавибад̇д̇ияаа.
‘‘Puna caparaṃ, gahapatayo, dussīlassa sīlavipannassa pāpako kittisaddo abbhuggacchati. Ayaṃ dutiyo ādīnavo dussīlassa sīlavipattiyā.
‘‘буна жабарам̣, г̇ахабад̇аяо, д̣̇уссийло сийлавибанно яан̃н̃ад̣̇зва барисам̣ убасан̇гамад̇и – яад̣̇и кад̇д̇ияабарисам̣, яад̣̇и б̣раахман̣абарисам̣, яад̣̇и г̇ахабад̇ибарисам̣, яад̣̇и саман̣абарисам̣ – ависаарад̣̇о убасан̇гамад̇и ман̇губхууд̇о. аяам̣ д̇ад̇ияо аад̣̇ийнаво д̣̇уссийласса сийлавибад̇д̇ияаа.
‘‘Puna caparaṃ, gahapatayo, dussīlo sīlavipanno yaññadeva parisaṃ upasaṅkamati – yadi khattiyaparisaṃ, yadi brāhmaṇaparisaṃ, yadi gahapatiparisaṃ, yadi samaṇaparisaṃ – avisārado upasaṅkamati maṅkubhūto. Ayaṃ tatiyo ādīnavo dussīlassa sīlavipattiyā.
‘‘буна жабарам̣, г̇ахабад̇аяо, д̣̇уссийло сийлавибанно саммуул̣хо гаалам̣ гарод̇и. аяам̣ жад̇уд̇т̇о аад̣̇ийнаво д̣̇уссийласса сийлавибад̇д̇ияаа.
‘‘Puna caparaṃ, gahapatayo, dussīlo sīlavipanno sammūḷho kālaṃ karoti. Ayaṃ catuttho ādīnavo dussīlassa sīlavipattiyā.
‘‘буна жабарам̣, г̇ахабад̇аяо, д̣̇уссийло сийлавибанно гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаж̇ж̇ад̇и. аяам̣ бан̃жамо аад̣̇ийнаво д̣̇уссийласса сийлавибад̇д̇ияаа. имз ко, г̇ахабад̇аяо, бан̃жа аад̣̇ийнаваа д̣̇уссийласса сийлавибад̇д̇ияаа.
‘‘Puna caparaṃ, gahapatayo, dussīlo sīlavipanno kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjati. Ayaṃ pañcamo ādīnavo dussīlassa sīlavipattiyā. Ime kho, gahapatayo, pañca ādīnavā dussīlassa sīlavipattiyā.
‘‘бан̃жимз, г̇ахабад̇аяо, аанисам̣саа сийлавад̇о сийласамбад̣̇ааяа. гад̇амз бан̃жа? ид̇ха, г̇ахабад̇аяо, сийлаваа сийласамбанно аббамаад̣̇аад̇хигаран̣ам̣ маханд̇ам̣ бхог̇агканд̇хам̣ ад̇хиг̇ажчад̇и. аяам̣ батамо аанисам̣со сийлавад̇о сийласамбад̣̇ааяа.
‘‘Pañcime, gahapatayo, ānisaṃsā sīlavato sīlasampadāya. Katame pañca? Idha, gahapatayo, sīlavā sīlasampanno appamādādhikaraṇaṃ mahantaṃ bhogakkhandhaṃ adhigacchati. Ayaṃ paṭhamo ānisaṃso sīlavato sīlasampadāya.
‘‘буна жабарам̣, г̇ахабад̇аяо, сийлавад̇о сийласамбаннасса галяаан̣о гид̇д̇исад̣̇д̣̇о аб̣бхуг̇г̇ажчад̇и. аяам̣ д̣̇уд̇ияо аанисам̣со сийлавад̇о сийласамбад̣̇ааяа.
‘‘Puna caparaṃ, gahapatayo, sīlavato sīlasampannassa kalyāṇo kittisaddo abbhuggacchati. Ayaṃ dutiyo ānisaṃso sīlavato sīlasampadāya.
‘‘буна жабарам̣, г̇ахабад̇аяо, сийлаваа сийласамбанно яан̃н̃ад̣̇зва барисам̣ убасан̇гамад̇и – яад̣̇и кад̇д̇ияабарисам̣ , яад̣̇и б̣раахман̣абарисам̣, яад̣̇и г̇ахабад̇ибарисам̣, яад̣̇и саман̣абарисам̣ – висаарад̣̇о убасан̇гамад̇и аман̇губхууд̇о. аяам̣ д̇ад̇ияо аанисам̣со сийлавад̇о сийласамбад̣̇ааяа.
‘‘Puna caparaṃ, gahapatayo, sīlavā sīlasampanno yaññadeva parisaṃ upasaṅkamati – yadi khattiyaparisaṃ , yadi brāhmaṇaparisaṃ, yadi gahapatiparisaṃ, yadi samaṇaparisaṃ – visārado upasaṅkamati amaṅkubhūto. Ayaṃ tatiyo ānisaṃso sīlavato sīlasampadāya.
‘‘буна жабарам̣, г̇ахабад̇аяо, сийлаваа сийласамбанно асаммуул̣хо гаалан̇гарод̇и. аяам̣ жад̇уд̇т̇о аанисам̣со сийлавад̇о сийласамбад̣̇ааяа.
‘‘Puna caparaṃ, gahapatayo, sīlavā sīlasampanno asammūḷho kālaṅkaroti. Ayaṃ catuttho ānisaṃso sīlavato sīlasampadāya.
‘‘буна жабарам̣, г̇ахабад̇аяо, сийлаваа сийласамбанно гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаж̇ж̇ад̇и. аяам̣ бан̃жамо аанисам̣со сийлавад̇о сийласамбад̣̇ааяа. имз ко, г̇ахабад̇аяо, бан̃жа аанисам̣саа сийлавад̇о сийласамбад̣̇ааяаа’’д̇и.
‘‘Puna caparaṃ, gahapatayo, sīlavā sīlasampanno kāyassa bhedā paraṃ maraṇā sugatiṃ saggaṃ lokaṃ upapajjati. Ayaṃ pañcamo ānisaṃso sīlavato sīlasampadāya. Ime kho, gahapatayo, pañca ānisaṃsā sīlavato sīlasampadāyā’’ti.
ат̇а ко бхаг̇аваа баадалиг̇аамияз убаасагз б̣ахуд̣̇зва рад̇д̇им̣ д̇хаммияаа гат̇ааяа санд̣̇ассзд̇ваа самаад̣̇абзд̇ваа самуд̇зж̇зд̇ваа самбахам̣сзд̇ваа уяяож̇зси – ‘‘абхигганд̇аа ко, г̇ахабад̇аяо, рад̇д̇и; яассад̣̇аани д̇умхз гаалам̣ ман̃н̃ат̇аа’’д̇и. 7 ат̇а ко баадалиг̇аамияаа убаасагаа бхаг̇авад̇о бхаасид̇ам̣ абхинанд̣̇ид̇ваа анумод̣̇ид̇ваа 8 удтааяаасанаа бхаг̇аванд̇ам̣ абхиваад̣̇зд̇ваа бад̣̇агкин̣ам̣ гад̇ваа баггамим̣су. ат̇а ко бхаг̇аваа ажирабагганд̇зсу баадалиг̇аамиязсу убаасагзсу сун̃н̃ааг̇аарам̣ баависи.
Atha kho bhagavā pāṭaligāmiye upāsake bahudeva rattiṃ dhammiyā kathāya sandassetvā samādapetvā samutejetvā sampahaṃsetvā uyyojesi – ‘‘abhikkantā kho, gahapatayo, ratti; yassadāni tumhe kālaṃ maññathā’’ti. 9 Atha kho pāṭaligāmiyā upāsakā bhagavato bhāsitaṃ abhinanditvā anumoditvā 10 uṭṭhāyāsanā bhagavantaṃ abhivādetvā padakkhiṇaṃ katvā pakkamiṃsu. Atha kho bhagavā acirapakkantesu pāṭaligāmiyesu upāsakesu suññāgāraṃ pāvisi.
д̇зна ко бана самаязна сунид̇хавассагаараа 11 маг̇ад̇хамахаамад̇д̇аа баадалиг̇аамз наг̇арам̣ маабзнд̇и важ̇ж̇ийнам̣ бадиб̣аахааяа. д̇зна ко бана самаязна самб̣ахулаа д̣̇звад̇ааяо сахассасахассзва 12 баадалиг̇аамз вад̇т̇ууни бариг̇г̇ан̣ханд̇и. яасмим̣ бад̣̇зсз махзсагкаа д̣̇звад̇аа вад̇т̇ууни бариг̇г̇ан̣ханд̇и махзсагкаанам̣ д̇ад̇т̇а ран̃н̃ам̣ рааж̇амахаамад̇д̇аанам̣ жид̇д̇аани наманд̇и нивзсанаани маабзд̇ум̣. яасмим̣ бад̣̇зсз маж̇жхимаа д̣̇звад̇аа вад̇т̇ууни бариг̇г̇ан̣ханд̇и маж̇жхимаанам̣ д̇ад̇т̇а ран̃н̃ам̣ рааж̇амахаамад̇д̇аанам̣ жид̇д̇аани наманд̇и нивзсанаани маабзд̇ум̣. яасмим̣ бад̣̇зсз нийжаа д̣̇звад̇аа вад̇т̇ууни бариг̇г̇ан̣ханд̇и нийжаанам̣ д̇ад̇т̇а ран̃н̃ам̣ рааж̇амахаамад̇д̇аанам̣ жид̇д̇аани наманд̇и нивзсанаани маабзд̇ум̣.
Tena kho pana samayena sunidhavassakārā 13 magadhamahāmattā pāṭaligāme nagaraṃ māpenti vajjīnaṃ paṭibāhāya. Tena kho pana samayena sambahulā devatāyo sahassasahasseva 14 pāṭaligāme vatthūni pariggaṇhanti. Yasmiṃ padese mahesakkhā devatā vatthūni pariggaṇhanti mahesakkhānaṃ tattha raññaṃ rājamahāmattānaṃ cittāni namanti nivesanāni māpetuṃ. Yasmiṃ padese majjhimā devatā vatthūni pariggaṇhanti majjhimānaṃ tattha raññaṃ rājamahāmattānaṃ cittāni namanti nivesanāni māpetuṃ. Yasmiṃ padese nīcā devatā vatthūni pariggaṇhanti nīcānaṃ tattha raññaṃ rājamahāmattānaṃ cittāni namanti nivesanāni māpetuṃ.
ад̣̇д̣̇асаа ко бхаг̇аваа д̣̇иб̣б̣зна жагкунаа висуд̣̇д̇хзна ад̇игганд̇амаанусагзна д̇аа д̣̇звад̇ааяо сахассасахассзва баадалиг̇аамз вад̇т̇ууни бариг̇г̇ан̣ханд̇ияо. яасмим̣ бад̣̇зсз махзсагкаа д̣̇звад̇аа вад̇т̇ууни бариг̇г̇ан̣ханд̇и, махзсагкаанам̣ д̇ад̇т̇а ран̃н̃ам̣ рааж̇амахаамад̇д̇аанам̣ жид̇д̇аани наманд̇и нивзсанаани маабзд̇ум̣. яасмим̣ бад̣̇зсз маж̇жхимаа д̣̇звад̇аа вад̇т̇ууни бариг̇г̇ан̣ханд̇и, маж̇жхимаанам̣ д̇ад̇т̇а ран̃н̃ам̣ рааж̇амахаамад̇д̇аанам̣ жид̇д̇аани наманд̇и нивзсанаани маабзд̇ум̣. яасмим̣ бад̣̇зсз нийжаа д̣̇звад̇аа вад̇т̇ууни бариг̇г̇ан̣ханд̇и, нийжаанам̣ д̇ад̇т̇а ран̃н̃ам̣ рааж̇амахаамад̇д̇аанам̣ жид̇д̇аани наманд̇и нивзсанаани маабзд̇ум̣. ат̇а ко бхаг̇аваа д̇ассаа рад̇д̇ияаа бажжуусасамаяз бажжудтааяа ааяасманд̇ам̣ аананд̣̇ам̣ ааманд̇зси –
Addasā kho bhagavā dibbena cakkhunā visuddhena atikkantamānusakena tā devatāyo sahassasahasseva pāṭaligāme vatthūni pariggaṇhantiyo. Yasmiṃ padese mahesakkhā devatā vatthūni pariggaṇhanti, mahesakkhānaṃ tattha raññaṃ rājamahāmattānaṃ cittāni namanti nivesanāni māpetuṃ. Yasmiṃ padese majjhimā devatā vatthūni pariggaṇhanti, majjhimānaṃ tattha raññaṃ rājamahāmattānaṃ cittāni namanti nivesanāni māpetuṃ. Yasmiṃ padese nīcā devatā vatthūni pariggaṇhanti, nīcānaṃ tattha raññaṃ rājamahāmattānaṃ cittāni namanti nivesanāni māpetuṃ. Atha kho bhagavā tassā rattiyā paccūsasamaye paccuṭṭhāya āyasmantaṃ ānandaṃ āmantesi –
‘‘гз ну ко 15 аананд̣̇а баадалиг̇аамз наг̇арам̣ маабзнд̇ий’’д̇и 16. ‘‘сунид̇хавассагаараа, бханд̇з, маг̇ад̇хамахаамад̇д̇аа баадалиг̇аамз наг̇арам̣ маабзнд̇и важ̇ж̇ийнам̣ бадиб̣аахааяаа’’д̇и. ‘‘сзяяат̇ааби, аананд̣̇а, д̣̇звзхи д̇аавад̇им̣сзхи сад̣̇д̇хим̣ манд̇зд̇ваа; звамзва ко, аананд̣̇а, сунид̇хавассагаараа маг̇ад̇хамахаамад̇д̇аа баадалиг̇аамз наг̇арам̣ маабзнд̇и важ̇ж̇ийнам̣ бадиб̣аахааяа. ид̇хаахам̣, аананд̣̇а, ад̣̇д̣̇асам̣ д̣̇иб̣б̣зна жагкунаа висуд̣̇д̇хзна ад̇игганд̇амаанусагзна самб̣ахулаа д̣̇звад̇ааяо сахассасахассзва баадалиг̇аамз вад̇т̇ууни бариг̇г̇ан̣ханд̇ияо. яасмим̣ бад̣̇зсз махзсагкаа д̣̇звад̇аа вад̇т̇ууни бариг̇г̇ан̣ханд̇и махзсагкаанам̣ д̇ад̇т̇а ран̃н̃ам̣ рааж̇амахаамад̇д̇аанам̣ жид̇д̇аани наманд̇и нивзсанаани маабзд̇ум̣. яасмим̣ бад̣̇зсз маж̇жхимаа д̣̇звад̇аа вад̇т̇ууни бариг̇г̇ан̣ханд̇и маж̇жхимаанам̣ д̇ад̇т̇а ран̃н̃ам̣ рааж̇амахаамад̇д̇аанам̣ жид̇д̇аани наманд̇и нивзсанаани маабзд̇ум̣. яасмим̣ бад̣̇зсз нийжаа д̣̇звад̇аа вад̇т̇ууни бариг̇г̇ан̣ханд̇и нийжаанам̣ д̇ад̇т̇а ран̃н̃ам̣ рааж̇амахаамад̇д̇аанам̣ жид̇д̇аани наманд̇и нивзсанаани маабзд̇ум̣. яаавад̇аа, аананд̣̇а, арияам̣ ааяад̇анам̣ яаавад̇аа ван̣иббат̇о ид̣̇ам̣ аг̇г̇анаг̇арам̣ бхависсад̇и баадалибуд̇д̇ам̣ будабхзд̣̇анам̣. баадалибуд̇д̇асса ко, аананд̣̇а, д̇аяо анд̇арааяаа бхависсанд̇и – аг̇г̇ид̇о ваа уд̣̇агад̇о ваа мит̇убхзд̣̇ад̇о ваа’’д̇и.
‘‘Ke nu kho 17 ānanda pāṭaligāme nagaraṃ māpentī’’ti 18. ‘‘Sunidhavassakārā, bhante, magadhamahāmattā pāṭaligāme nagaraṃ māpenti vajjīnaṃ paṭibāhāyā’’ti. ‘‘Seyyathāpi, ānanda, devehi tāvatiṃsehi saddhiṃ mantetvā; evameva kho, ānanda, sunidhavassakārā magadhamahāmattā pāṭaligāme nagaraṃ māpenti vajjīnaṃ paṭibāhāya. Idhāhaṃ, ānanda, addasaṃ dibbena cakkhunā visuddhena atikkantamānusakena sambahulā devatāyo sahassasahasseva pāṭaligāme vatthūni pariggaṇhantiyo. Yasmiṃ padese mahesakkhā devatā vatthūni pariggaṇhanti mahesakkhānaṃ tattha raññaṃ rājamahāmattānaṃ cittāni namanti nivesanāni māpetuṃ. Yasmiṃ padese majjhimā devatā vatthūni pariggaṇhanti majjhimānaṃ tattha raññaṃ rājamahāmattānaṃ cittāni namanti nivesanāni māpetuṃ. Yasmiṃ padese nīcā devatā vatthūni pariggaṇhanti nīcānaṃ tattha raññaṃ rājamahāmattānaṃ cittāni namanti nivesanāni māpetuṃ. Yāvatā, ānanda, ariyaṃ āyatanaṃ yāvatā vaṇippatho idaṃ agganagaraṃ bhavissati pāṭaliputtaṃ puṭabhedanaṃ. Pāṭaliputtassa kho, ānanda, tayo antarāyā bhavissanti – aggito vā udakato vā mithubhedato vā’’ti.
ат̇а ко сунид̇хавассагаараа маг̇ад̇хамахаамад̇д̇аа язна бхаг̇аваа д̇знубасан̇гамим̣су; убасан̇гамид̇ваа бхаг̇авад̇аа сад̣̇д̇хим̣ саммод̣̇им̣су. саммод̣̇анийяам̣ гат̇ам̣ саараан̣ияам̣ 19 вийд̇исаарзд̇ваа згаманд̇ам̣ адтам̣су. згаманд̇ам̣ тид̇аа ко сунид̇хавассагаараа маг̇ад̇хамахаамад̇д̇аа бхаг̇аванд̇ам̣ зд̇ад̣̇авожум̣ – ‘‘ад̇хиваасзд̇у но бхавам̣ г̇од̇амо аж̇ж̇ад̇анааяа бхад̇д̇ам̣ сад̣̇д̇хим̣ бхигкусан̇гхзнаа’’д̇и. ад̇хиваасзси бхаг̇аваа д̇ун̣хийбхаавзна.
Atha kho sunidhavassakārā magadhamahāmattā yena bhagavā tenupasaṅkamiṃsu; upasaṅkamitvā bhagavatā saddhiṃ sammodiṃsu. Sammodanīyaṃ kathaṃ sārāṇiyaṃ 20 vītisāretvā ekamantaṃ aṭṭhaṃsu. Ekamantaṃ ṭhitā kho sunidhavassakārā magadhamahāmattā bhagavantaṃ etadavocuṃ – ‘‘adhivāsetu no bhavaṃ gotamo ajjatanāya bhattaṃ saddhiṃ bhikkhusaṅghenā’’ti. Adhivāsesi bhagavā tuṇhībhāvena.
ат̇а ко сунид̇хавассагаараа маг̇ад̇хамахаамад̇д̇аа бхаг̇авад̇о ад̇хиваасанам̣ вид̣̇ид̇ваа язна саго аавасат̇о д̇знубасан̇гамим̣су; убасан̇гамид̇ваа сагз аавасат̇з бан̣ийд̇ам̣ каад̣̇анийяам̣ бхож̇анийяам̣ бадияаад̣̇аабзд̇ваа бхаг̇авад̇о гаалам̣ аарожзсум̣ – ‘‘гаало, бхо г̇од̇ама, нидтид̇ам̣ бхад̇д̇а’’нд̇и.
Atha kho sunidhavassakārā magadhamahāmattā bhagavato adhivāsanaṃ viditvā yena sako āvasatho tenupasaṅkamiṃsu; upasaṅkamitvā sake āvasathe paṇītaṃ khādanīyaṃ bhojanīyaṃ paṭiyādāpetvā bhagavato kālaṃ ārocesuṃ – ‘‘kālo, bho gotama, niṭṭhitaṃ bhatta’’nti.
ат̇а ко бхаг̇аваа буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа сад̣̇д̇хим̣ бхигкусан̇гхзна язна сунид̇хавассагаараанам̣ маг̇ад̇хамахаамад̇д̇аанам̣ аавасат̇о д̇знубасан̇гами; убасан̇гамид̇ваа бан̃н̃ад̇д̇з аасанз нисийд̣̇и. ат̇а ко сунид̇хавассагаараа маг̇ад̇хамахаамад̇д̇аа б̣уд̣̇д̇хаббамукам̣ бхигкусан̇гхам̣ бан̣ийд̇зна каад̣̇анийязна бхож̇анийязна сахад̇т̇аа санд̇аббзсум̣ самбаваарзсум̣.
Atha kho bhagavā pubbaṇhasamayaṃ nivāsetvā pattacīvaramādāya saddhiṃ bhikkhusaṅghena yena sunidhavassakārānaṃ magadhamahāmattānaṃ āvasatho tenupasaṅkami; upasaṅkamitvā paññatte āsane nisīdi. Atha kho sunidhavassakārā magadhamahāmattā buddhappamukhaṃ bhikkhusaṅghaṃ paṇītena khādanīyena bhojanīyena sahatthā santappesuṃ sampavāresuṃ.
ат̇а ко сунид̇хавассагаараа маг̇ад̇хамахаамад̇д̇аа бхаг̇аванд̇ам̣ бхуд̇д̇аавим̣ онийд̇абад̇д̇абаан̣им̣ ан̃н̃ад̇арам̣ нийжам̣ аасанам̣ г̇ахзд̇ваа згаманд̇ам̣ нисийд̣̇им̣су. згаманд̇ам̣ нисиннз ко сунид̇хавассагаарз маг̇ад̇хамахаамад̇д̇з бхаг̇аваа имаахи г̇аат̇аахи анумод̣̇и –
Atha kho sunidhavassakārā magadhamahāmattā bhagavantaṃ bhuttāviṃ onītapattapāṇiṃ aññataraṃ nīcaṃ āsanaṃ gahetvā ekamantaṃ nisīdiṃsu. Ekamantaṃ nisinne kho sunidhavassakāre magadhamahāmatte bhagavā imāhi gāthāhi anumodi –
‘‘яасмим̣ бад̣̇зсз габбзд̇и, ваасам̣ бан̣д̣ид̇аж̇аад̇ияо;
‘‘Yasmiṃ padese kappeti, vāsaṃ paṇḍitajātiyo;
сийлаванд̇зд̇т̇а бхож̇зд̇ваа, сан̃н̃ад̇з б̣рахмажаараяо 21.
Sīlavantettha bhojetvā, saññate brahmacārayo 22.
‘‘яаа д̇ад̇т̇а д̣̇звад̇аа аасум̣, д̇аасам̣ д̣̇агкин̣амаад̣̇исз;
‘‘Yā tattha devatā āsuṃ, tāsaṃ dakkhiṇamādise;
д̇аа бууж̇ид̇аа бууж̇аяанд̇и, маанид̇аа маанаяанд̇и нам̣.
Tā pūjitā pūjayanti, mānitā mānayanti naṃ.
‘‘д̇ад̇о нам̣ анугамбанд̇и, маад̇аа буд̇д̇ам̣ва орасам̣;
‘‘Tato naṃ anukampanti, mātā puttaṃva orasaṃ;
д̣̇звад̇аанугамбид̇о босо, сад̣̇аа бхад̣̇раани бассад̇ий’’д̇и.
Devatānukampito poso, sadā bhadrāni passatī’’ti.
ат̇а ко бхаг̇аваа сунид̇хавассагаараанам̣ маг̇ад̇хамахаамад̇д̇аанам̣ имаахи г̇аат̇аахи анумод̣̇ид̇ваа удтааяаасанаа баггаами.
Atha kho bhagavā sunidhavassakārānaṃ magadhamahāmattānaṃ imāhi gāthāhi anumoditvā uṭṭhāyāsanā pakkāmi.
д̇зна ко бана самаязна сунид̇хавассагаараа маг̇ад̇хамахаамад̇д̇аа бхаг̇аванд̇ам̣ бидтид̇о бидтид̇о ануб̣анд̇хаа хонд̇и – ‘‘язнаж̇ж̇а саман̣о г̇од̇амо д̣̇ваарзна нигкамиссад̇и д̇ам̣ ‘г̇од̇амад̣̇ваарам̣’ наама бхависсад̇и. язна д̇ид̇т̇зна г̇ан̇г̇ам̣ над̣̇им̣ д̇ариссад̇и д̇ам̣ ‘г̇од̇амад̇ид̇т̇ам̣’ наама бхависсад̇ий’’д̇и.
Tena kho pana samayena sunidhavassakārā magadhamahāmattā bhagavantaṃ piṭṭhito piṭṭhito anubandhā honti – ‘‘yenajja samaṇo gotamo dvārena nikkhamissati taṃ ‘gotamadvāraṃ’ nāma bhavissati. Yena titthena gaṅgaṃ nadiṃ tarissati taṃ ‘gotamatitthaṃ’ nāma bhavissatī’’ti.
ат̇а ко бхаг̇аваа язна д̣̇ваарзна нигками д̇ам̣ ‘г̇од̇амад̣̇ваарам̣’ наама ахоси. ат̇а ко бхаг̇аваа язна г̇ан̇г̇аа над̣̇ий д̇знубасан̇гами. д̇зна ко бана самаязна г̇ан̇г̇аа над̣̇ий буураа ход̇и самад̇ид̇д̇игаа гаагабзяяаа. аббзгажжз мануссаа наавам̣ бариязсанд̇и, аббзгажжз ул̣умбам̣ бариязсанд̇и, аббзгажжз гуллам̣ б̣анд̇ханд̇и абаараа баарам̣ г̇анд̇угаамаа. ат̇а ко бхаг̇аваа – сзяяат̇ааби наама б̣алаваа бурисо самин̃ж̇ид̇ам̣ ваа б̣аахам̣ басаарзяяа, басаарид̇ам̣ ваа б̣аахам̣ самин̃ж̇зяяа, звамзва – г̇ан̇г̇ааяа над̣̇ияаа оримад̇ийрз 23 анд̇арахид̇о бааримад̇ийрз бажжудтааси сад̣̇д̇хим̣ бхигкусан̇гхзна .
Atha kho bhagavā yena dvārena nikkhami taṃ ‘gotamadvāraṃ’ nāma ahosi. Atha kho bhagavā yena gaṅgā nadī tenupasaṅkami. Tena kho pana samayena gaṅgā nadī pūrā hoti samatittikā kākapeyyā. Appekacce manussā nāvaṃ pariyesanti, appekacce uḷumpaṃ pariyesanti, appekacce kullaṃ bandhanti apārā pāraṃ gantukāmā. Atha kho bhagavā – seyyathāpi nāma balavā puriso samiñjitaṃ vā bāhaṃ pasāreyya, pasāritaṃ vā bāhaṃ samiñjeyya, evameva – gaṅgāya nadiyā orimatīre 24 antarahito pārimatīre paccuṭṭhāsi saddhiṃ bhikkhusaṅghena .
ад̣̇д̣̇асаа ко бхаг̇аваа д̇з мануссз аббзгажжз наавам̣ бариязсанд̇з, аббзгажжз ул̣умбам̣ бариязсанд̇з, аббзгажжз гуллам̣ б̣анд̇ханд̇з абаараа баарам̣ г̇анд̇угаамз.
Addasā kho bhagavā te manusse appekacce nāvaṃ pariyesante, appekacce uḷumpaṃ pariyesante, appekacce kullaṃ bandhante apārā pāraṃ gantukāme.
ат̇а ко бхаг̇аваа зд̇амад̇т̇ам̣ вид̣̇ид̇ваа д̇ааяам̣ взлааяам̣ имам̣ уд̣̇аанам̣ уд̣̇аанзси –
Atha kho bhagavā etamatthaṃ viditvā tāyaṃ velāyaṃ imaṃ udānaṃ udānesi –
‘‘яз д̇аранд̇и ан̣н̣авам̣ сарам̣,
‘‘Ye taranti aṇṇavaṃ saraṃ,
сзд̇ум̣ гад̇ваана висаж̇ж̇а баллалаани;
Setuṃ katvāna visajja pallalāni;
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / уд̣̇аана-адтагат̇аа • Udāna-aṭṭhakathā / 6. баадалиг̇аамияасуд̇д̇аван̣н̣анаа • 6. Pāṭaligāmiyasuttavaṇṇanā
