| Library / Tipiṭaka / д̇ибидага • Tipiṭaka / уд̣̇аана-адтагат̇аа • Udāna-aṭṭhakathā |
6. баадалиг̇аамияасуд̇д̇аван̣н̣анаа
6. Pāṭaligāmiyasuttavaṇṇanā
76. чадтз маг̇ад̇хзсууд̇и маг̇ад̇харадтз. махад̇аад̇и ид̇хааби г̇ун̣амахад̇д̇знаби абарижчиннасан̇кяад̇д̇аа г̇ан̣анамахад̇д̇знаби махад̇аа бхигкусан̇гхзна. баадалиг̇аамод̇и звам̣наамаго маг̇ад̇харадтз зго г̇аамо. д̇асса гира г̇аамасса маабанад̣̇ивасз г̇аамаг̇г̇ахан̣адтаанз д̣̇вз д̇аяо баадалан̇гураа бат̇авид̇о уб̣бхиж̇ж̇ид̇ваа нигкамим̣су. д̇зна д̇ам̣ ‘‘баадалиг̇аамо’’д̇взва вохарим̣су. д̇ад̣̇авасарийд̇и д̇ам̣ баадалиг̇аамам̣ авасари анубаабун̣и. гад̣̇аа бана бхаг̇аваа баадалиг̇аамам̣ анубаабун̣и? хздтаа вуд̇д̇анаязна саавад̇т̇ияам̣ д̇хаммасзнаабад̇ино жзд̇ияам̣ гаараабзд̇ваа д̇ад̇о нигкамид̇ваа рааж̇аг̇ахз васанд̇о д̇ад̇т̇а ааяасмад̇о махаамог̇г̇аллаанасса жа жзд̇ияам̣ гаараабзд̇ваа д̇ад̇о нигкамид̇ваа амб̣аладтигааяам̣ васид̇ваа ад̇урид̇ажааригаавасзна ж̇анабад̣̇ажааригам̣ жаранд̇о д̇ад̇т̇а д̇ад̇т̇а згарад̇д̇иваасзна васид̇ваа логам̣ ануг̇г̇ан̣ханд̇о ануггамзна баадалиг̇аамам̣ анубаабун̣и.
76. Chaṭṭhe magadhesūti magadharaṭṭhe. Mahatāti idhāpi guṇamahattenapi aparicchinnasaṅkhyattā gaṇanamahattenapi mahatā bhikkhusaṅghena. Pāṭaligāmoti evaṃnāmako magadharaṭṭhe eko gāmo. Tassa kira gāmassa māpanadivase gāmaggahaṇaṭṭhāne dve tayo pāṭalaṅkurā pathavito ubbhijjitvā nikkhamiṃsu. Tena taṃ ‘‘pāṭaligāmo’’tveva vohariṃsu. Tadavasarīti taṃ pāṭaligāmaṃ avasari anupāpuṇi. Kadā pana bhagavā pāṭaligāmaṃ anupāpuṇi? Heṭṭhā vuttanayena sāvatthiyaṃ dhammasenāpatino cetiyaṃ kārāpetvā tato nikkhamitvā rājagahe vasanto tattha āyasmato mahāmoggallānassa ca cetiyaṃ kārāpetvā tato nikkhamitvā ambalaṭṭhikāyaṃ vasitvā aturitacārikāvasena janapadacārikaṃ caranto tattha tattha ekarattivāsena vasitvā lokaṃ anuggaṇhanto anukkamena pāṭaligāmaṃ anupāpuṇi.
баадалиг̇аамияаад̇и баадалиг̇аамаваасино убаасагаа. д̇з гира бхаг̇авад̇о батамад̣̇ассанзна гзжи саран̣зсу, гзжи сийлзсу, гзжи саран̣зсу жа сийлзсу жа бад̇идтид̇аа. д̇зна вуд̇д̇ам̣ ‘‘убаасагаа’’д̇и. язна бхаг̇аваа д̇знубасан̇гамим̣сууд̇и баадалиг̇аамз гира аж̇аад̇асад̇д̇уно лижчавирааж̇уунан̃жа мануссаа гаалзна гаалам̣ г̇анд̇ваа г̇зхасаамигз г̇зхад̇о нийхарид̇ваа маасамби ад̣дхамаасамби васанд̇и. д̇зна баадалиг̇аамаваасино мануссаа нижжубад̣̇д̣̇уд̇аа ‘‘зд̇зсан̃жзва ааг̇ад̇агаалз васанадтаанам̣ бхависсад̇ий’’д̇и згабассз иссараанам̣ бхан̣д̣аббадисааманадтаанам̣, згабассз васанадтаанам̣, згабассз ааг̇анд̇угаанам̣ ад̣̇д̇хигамануссаанам̣, згабассз д̣̇алид̣̇д̣̇аанам̣ габан̣амануссаанам̣, згабассз г̇илаанаанам̣ васанадтаанам̣ бхависсад̇ийд̇и саб̣б̣зсам̣ ан̃н̃аман̃н̃ам̣ агхаддзд̇ваа васанаббахонагам̣ наг̇арамаж̇жхз махаасаалам̣ гаарзсум̣, д̇ассаа наамам̣ аавасат̇ааг̇ааранд̇и. д̇ам̣ д̣̇ивасан̃жа нидтаанам̣ аг̇амааси. д̇з д̇ад̇т̇а г̇анд̇ваа хад̇т̇агаммасуд̇хаагаммажид̇д̇агаммаад̣̇ивасзна субаринидтид̇ам̣ сусаж̇ж̇ид̇ам̣ д̣̇звавимаанасад̣̇исам̣ д̇ам̣ д̣̇ваарагодтагад̇о бадтааяа ологзд̇ваа ‘‘ид̣̇ам̣ аавасат̇ааг̇аарам̣ ад̇ивияа манорамам̣ сассиригам̣, гзна ну ко батамам̣ барибхуд̇д̇ам̣ амхаагам̣ д̣̇ийгхарад̇д̇ам̣ хид̇ааяа сукааяа ассаа’’д̇и жинд̇зсум̣, д̇асмим̣язва жа кан̣з ‘‘бхаг̇аваа д̇ам̣ г̇аамам̣ ануббад̇д̇о’’д̇и ассосум̣. д̇зна д̇з уббаннабийд̇исоманассаа ‘‘амхзхи бхаг̇аваа г̇анд̇вааби аанзд̇аб̣б̣о сияаа, со бана саяамзва амхаагам̣ васанадтаанам̣ самбад̇д̇о, аж̇ж̇а маяам̣ бхаг̇аванд̇ам̣ ид̇ха васаабзд̇ваа батамам̣ барибхун̃ж̇аабзссаама д̇ат̇аа бхигкусан̇гхам̣, бхигкусан̇гхз ааг̇ад̇з д̇збидагам̣ б̣уд̣̇д̇хаважанам̣ ааг̇ад̇амзва бхависсад̇и, сад̇т̇аарам̣ ман̇г̇алам̣ вад̣̇аабзссаама, д̇хаммам̣ гат̇аабзссаама. ид̇и д̇ийхи рад̇анзхи барибхуд̇д̇з бажчаа амхааган̃жа барзсан̃жа барибхог̇о бхависсад̇и, звам̣ но д̣̇ийгхарад̇д̇ам̣ хид̇ааяа сукааяа бхависсад̇ий’’д̇и саннидтаанам̣ гад̇ваа зд̇ад̣̇ад̇т̇амзва бхаг̇аванд̇ам̣ убасан̇гамим̣су. д̇асмаа звамаахам̣су – ‘‘ад̇хиваасзд̇у но, бханд̇з бхаг̇аваа, аавасат̇ааг̇аара’’нд̇и.
Pāṭaligāmiyāti pāṭaligāmavāsino upāsakā. Te kira bhagavato paṭhamadassanena keci saraṇesu, keci sīlesu, keci saraṇesu ca sīlesu ca patiṭṭhitā. Tena vuttaṃ ‘‘upāsakā’’ti. Yena bhagavā tenupasaṅkamiṃsūti pāṭaligāme kira ajātasattuno licchavirājūnañca manussā kālena kālaṃ gantvā gehasāmike gehato nīharitvā māsampi aḍḍhamāsampi vasanti. Tena pāṭaligāmavāsino manussā niccupaddutā ‘‘etesañceva āgatakāle vasanaṭṭhānaṃ bhavissatī’’ti ekapasse issarānaṃ bhaṇḍappaṭisāmanaṭṭhānaṃ, ekapasse vasanaṭṭhānaṃ, ekapasse āgantukānaṃ addhikamanussānaṃ, ekapasse daliddānaṃ kapaṇamanussānaṃ, ekapasse gilānānaṃ vasanaṭṭhānaṃ bhavissatīti sabbesaṃ aññamaññaṃ aghaṭṭetvā vasanappahonakaṃ nagaramajjhe mahāsālaṃ kāresuṃ, tassā nāmaṃ āvasathāgāranti. Taṃ divasañca niṭṭhānaṃ agamāsi. Te tattha gantvā hatthakammasudhākammacittakammādivasena supariniṭṭhitaṃ susajjitaṃ devavimānasadisaṃ taṃ dvārakoṭṭhakato paṭṭhāya oloketvā ‘‘idaṃ āvasathāgāraṃ ativiya manoramaṃ sassirikaṃ, kena nu kho paṭhamaṃ paribhuttaṃ amhākaṃ dīgharattaṃ hitāya sukhāya assā’’ti cintesuṃ, tasmiṃyeva ca khaṇe ‘‘bhagavā taṃ gāmaṃ anuppatto’’ti assosuṃ. Tena te uppannapītisomanassā ‘‘amhehi bhagavā gantvāpi ānetabbo siyā, so pana sayameva amhākaṃ vasanaṭṭhānaṃ sampatto, ajja mayaṃ bhagavantaṃ idha vasāpetvā paṭhamaṃ paribhuñjāpessāma tathā bhikkhusaṅghaṃ, bhikkhusaṅghe āgate tepiṭakaṃ buddhavacanaṃ āgatameva bhavissati, satthāraṃ maṅgalaṃ vadāpessāma, dhammaṃ kathāpessāma. Iti tīhi ratanehi paribhutte pacchā amhākañca paresañca paribhogo bhavissati, evaṃ no dīgharattaṃ hitāya sukhāya bhavissatī’’ti sanniṭṭhānaṃ katvā etadatthameva bhagavantaṃ upasaṅkamiṃsu. Tasmā evamāhaṃsu – ‘‘adhivāsetu no, bhante bhagavā, āvasathāgāra’’nti.
язна аавасат̇ааг̇аарам̣ д̇знубасан̇гамим̣сууд̇и гин̃жааби д̇ам̣ д̇ам̣ д̣̇ивасамзва баринидтид̇ад̇д̇аа д̣̇звавимаанам̣ вияа сусаж̇ж̇ид̇ам̣ субадиж̇аг̇г̇ид̇ам̣, б̣уд̣̇д̇хаарахам̣ бана гад̇ваа на бан̃н̃ад̇д̇ам̣, ‘‘б̣уд̣̇д̇хаа наама аран̃н̃аж̇жхаасаяаа аран̃н̃аараамаа, анд̇ог̇аамз васзяяум̣ ваа но ваа, д̇асмаа бхаг̇авад̇о ружим̣ ж̇аанид̇ваава бан̃н̃аабзссаамаа’’д̇и жинд̇зд̇ваа д̇з бхаг̇аванд̇ам̣ убасан̇гамим̣су, ид̣̇аани бхаг̇авад̇о ружим̣ ж̇аанид̇ваа д̇ат̇аа бан̃н̃аабзд̇угаамаа язна аавасат̇ааг̇аарам̣ д̇знубасан̇гамим̣су. саб̣б̣асант̇арим̣ аавасат̇ааг̇аарам̣ сант̇арид̇ваад̇и яат̇аа саб̣б̣амзва сант̇ад̇ам̣ ход̇и, звам̣ д̇ам̣ сант̇арид̇ваа саб̣б̣абатамам̣ д̇аава ‘‘г̇омаяам̣ наама саб̣б̣аман̇г̇алзсу вад̇д̇ад̇ий’’д̇и суд̇хаабаригаммагад̇амби бхуумим̣ аллаг̇омаязна обун̃ж̇аабзд̇ваа барисугкабхаавам̣ н̃ад̇ваа яат̇аа агганд̇адтаанз бад̣̇ам̣ на бан̃н̃ааяад̇и, звам̣ жад̇уж̇ж̇аад̇ияаг̇анд̇хзхи лимбзд̇ваа убари наанааван̣н̣агадасаарагз сант̇арид̇ваа д̇зсам̣ убари махаабидтигагож̇аваад̣̇им̣ гад̇ваа хад̇т̇ад̇т̇аран̣аад̣̇ийхи наанааван̣н̣зхи ад̇т̇аран̣зхи сант̇арид̇аб̣б̣аяуд̇д̇агам̣ саб̣б̣огаасам̣ сант̇араабзсум̣. д̇зна вуд̇д̇ам̣ – ‘‘саб̣б̣асант̇арим̣ аавасат̇ааг̇аарам̣ сант̇арид̇ваа’’д̇и.
Yena āvasathāgāraṃ tenupasaṅkamiṃsūti kiñcāpi taṃ taṃ divasameva pariniṭṭhitattā devavimānaṃ viya susajjitaṃ supaṭijaggitaṃ, buddhārahaṃ pana katvā na paññattaṃ, ‘‘buddhā nāma araññajjhāsayā araññārāmā, antogāme vaseyyuṃ vā no vā, tasmā bhagavato ruciṃ jānitvāva paññāpessāmā’’ti cintetvā te bhagavantaṃ upasaṅkamiṃsu, idāni bhagavato ruciṃ jānitvā tathā paññāpetukāmā yena āvasathāgāraṃ tenupasaṅkamiṃsu. Sabbasanthariṃ āvasathāgāraṃ santharitvāti yathā sabbameva santhataṃ hoti, evaṃ taṃ santharitvā sabbapaṭhamaṃ tāva ‘‘gomayaṃ nāma sabbamaṅgalesu vattatī’’ti sudhāparikammakatampi bhūmiṃ allagomayena opuñjāpetvā parisukkhabhāvaṃ ñatvā yathā akkantaṭṭhāne padaṃ na paññāyati, evaṃ catujjātiyagandhehi limpetvā upari nānāvaṇṇakaṭasārake santharitvā tesaṃ upari mahāpiṭṭhikakojavādiṃ katvā hatthattharaṇādīhi nānāvaṇṇehi attharaṇehi santharitabbayuttakaṃ sabbokāsaṃ santharāpesuṃ. Tena vuttaṃ – ‘‘sabbasanthariṃ āvasathāgāraṃ santharitvā’’ti.
аасанаанан̃хи маж̇жхадтаанз д̇аава ман̇г̇алат̇амбхам̣ ниссааяа махаарахам̣ б̣уд̣̇д̇хаасанам̣ бан̃н̃аабзд̇ваа д̇ад̇т̇а яам̣ яам̣ муд̣̇уган̃жа манораман̃жа бажжад̇т̇аран̣ам̣, д̇ам̣ д̇ам̣ бажжад̇т̇арид̇ваа убхад̇олохид̇агам̣ манун̃н̃ад̣̇ассанам̣ убад̇хаанам̣ убад̣̇ахид̇ваа убари суван̣н̣араж̇ад̇ад̇аарагаавижид̇д̇ам̣ вид̇аанам̣ б̣анд̇хид̇ваа г̇анд̇хад̣̇аамабубпад̣̇аамаад̣̇ийхи алан̇гарид̇ваа саманд̇аа д̣̇ваад̣̇асахад̇т̇з таанз бубпаж̇аалам̣ гаарзд̇ваа д̇им̣сахад̇т̇амад̇д̇адтаанам̣ бадасаан̣ияаа баригкибаабзд̇ваа бажчимабхид̇д̇им̣ ниссааяа бхигкусан̇гхасса баллан̇гаабассаяаман̃жабийтаад̣̇ийни бан̃н̃аабзд̇ваа убари сзд̇абажжад̇т̇аран̣зхи бажжад̇т̇араабзд̇ваа саалааяа баажийнабассам̣ ад̇д̇ано нисаж̇ж̇ааяог̇г̇ам̣ гаарзсум̣. д̇ам̣ санд̇хааяа вуд̇д̇ам̣ ‘‘аасанаани бан̃н̃аабзд̇ваа’’д̇и.
Āsanānañhi majjhaṭṭhāne tāva maṅgalathambhaṃ nissāya mahārahaṃ buddhāsanaṃ paññāpetvā tattha yaṃ yaṃ mudukañca manoramañca paccattharaṇaṃ, taṃ taṃ paccattharitvā ubhatolohitakaṃ manuññadassanaṃ upadhānaṃ upadahitvā upari suvaṇṇarajatatārakāvicittaṃ vitānaṃ bandhitvā gandhadāmapupphadāmādīhi alaṅkaritvā samantā dvādasahatthe ṭhāne pupphajālaṃ kāretvā tiṃsahatthamattaṭṭhānaṃ paṭasāṇiyā parikkhipāpetvā pacchimabhittiṃ nissāya bhikkhusaṅghassa pallaṅkaapassayamañcapīṭhādīni paññāpetvā upari setapaccattharaṇehi paccattharāpetvā sālāya pācīnapassaṃ attano nisajjāyoggaṃ kāresuṃ. Taṃ sandhāya vuttaṃ ‘‘āsanāni paññāpetvā’’ti.
уд̣̇агаман̣иганд̇и махаагужчигам̣ уд̣̇агажаадим̣. звам̣ бхаг̇аваа бхигкусан̇гхо жа яат̇ааружияаа хад̇т̇абаад̣̇з д̇ховиссанд̇и, мукам̣ вигкаалзссанд̇ийд̇и д̇зсу д̇зсу таанзсу ман̣иван̣н̣асса уд̣̇агасса буурзд̇ваа ваасад̇т̇ааяа наанаабубпаани жзва уд̣̇агаваасажун̣н̣аани жа багкибид̇ваа гад̣̇алибан̣н̣зхи бид̣̇ахид̇ваа бад̇идтабзсум̣. д̇зна вуд̇д̇ам̣ ‘‘уд̣̇агаман̣игам̣ бад̇идтаабзд̇ваа’’д̇и.
Udakamaṇikanti mahākucchikaṃ udakacāṭiṃ. Evaṃ bhagavā bhikkhusaṅgho ca yathāruciyā hatthapāde dhovissanti, mukhaṃ vikkhālessantīti tesu tesu ṭhānesu maṇivaṇṇassa udakassa pūretvā vāsatthāya nānāpupphāni ceva udakavāsacuṇṇāni ca pakkhipitvā kadalipaṇṇehi pidahitvā patiṭṭhapesuṃ. Tena vuttaṃ ‘‘udakamaṇikaṃ patiṭṭhāpetvā’’ti.
д̇злаббад̣̇ийбам̣ ааробзд̇ваад̇и раж̇ад̇асуван̣н̣аад̣̇имаяад̣̇ан̣д̣ад̣̇ийбигаасу яод̇хагаруубавилаасакажид̇аруубагаад̣̇ийнам̣ хад̇т̇з табид̇асуван̣н̣араж̇ад̇аад̣̇имаяагабаллигаасу д̇злаббад̣̇ийбам̣ ж̇аалаяид̇ваа. язна бхаг̇аваа д̇знубасан̇гамим̣сууд̇и зд̇т̇а бана д̇з баадалиг̇аамияаа убаасагаа на гзвалам̣ аавасат̇ааг̇аарамзва, ат̇а ко сагаласмимби г̇аамз вийт̇ияо саж̇ж̇аабзд̇ваа д̇хаж̇з уссаабзд̇ваа г̇зхад̣̇ваарзсу бун̣н̣агхадз гад̣̇алияо жа табаабзд̇ваа сагалаг̇аамам̣ д̣̇ийбамаалаахи виббагин̣н̣ад̇аарагам̣ вияа гад̇ваа ‘‘кийрабагз д̣̇аарагз кийрам̣ бааязт̇а, д̣̇ахарагумаарз лахум̣ лахум̣ бхож̇зд̇ваа саяаабзт̇а, ужжаасад̣̇д̣̇ам̣ маа гарид̇т̇а, аж̇ж̇а згарад̇д̇им̣ сад̇т̇аа анд̇ог̇аамз васиссад̇и, б̣уд̣̇д̇хаа наама аббасад̣̇д̣̇агаамаа хонд̇ий’’д̇и бхзрим̣ жараабзд̇ваа саяам̣ д̣̇ан̣д̣ад̣̇ийбигаа аад̣̇ааяа язна бхаг̇аваа д̇знубасан̇гамим̣су.
Telappadīpaṃāropetvāti rajatasuvaṇṇādimayadaṇḍadīpikāsu yodhakarūpavilāsakhacitarūpakādīnaṃ hatthe ṭhapitasuvaṇṇarajatādimayakapallikāsu telappadīpaṃ jālayitvā. Yena bhagavā tenupasaṅkamiṃsūti ettha pana te pāṭaligāmiyā upāsakā na kevalaṃ āvasathāgārameva, atha kho sakalasmimpi gāme vīthiyo sajjāpetvā dhaje ussāpetvā gehadvāresu puṇṇaghaṭe kadaliyo ca ṭhapāpetvā sakalagāmaṃ dīpamālāhi vippakiṇṇatārakaṃ viya katvā ‘‘khīrapake dārake khīraṃ pāyetha, daharakumāre lahuṃ lahuṃ bhojetvā sayāpetha, uccāsaddaṃ mā karittha, ajja ekarattiṃ satthā antogāme vasissati, buddhā nāma appasaddakāmā hontī’’ti bheriṃ carāpetvā sayaṃ daṇḍadīpikā ādāya yena bhagavā tenupasaṅkamiṃsu.
ат̇а ко бхаг̇аваа ниваасзд̇ваа бад̇д̇ажийварамаад̣̇ааяа сад̣̇д̇хим̣ бхигкусан̇гхзна язна аавасат̇ааг̇аарам̣ д̇знубасан̇гамийд̇и ‘‘яасса д̣̇аани, бханд̇з, бхаг̇аваа гаалам̣ ман̃н̃ад̇ий’’д̇и звам̣ гира д̇зхи гаалз аарожид̇з бхаг̇аваа лаакаарасзна д̇инд̇арад̇д̇аговил̣аарабубпаван̣н̣ам̣ рад̇д̇ад̣̇убаддам̣ гад̇д̇арияаа бад̣̇умам̣ ганд̇знд̇о вияа, сам̣вид̇хааяа д̇иман̣д̣алам̣ бадижчаад̣̇знд̇о ниваасзд̇ваа суван̣н̣абааман̇г̇зна бад̣̇умагалаабам̣ баригкибанд̇о вияа, виж̇ж̇улад̇аасассиригам̣ гааяаб̣анд̇ханам̣ б̣анд̇хид̇ваа рад̇д̇агамб̣алзна г̇аж̇агумбхам̣ барияонанд̇ханд̇о вияа, рад̇анасад̇уб̣б̣зд̇хз суван̣н̣аг̇гхигз баваал̣аж̇аалам̣ кибамаано вияа, махад̇и суван̣н̣ажзд̇ияз рад̇д̇агамб̣алаган̃жугам̣ бадимун̃жанд̇о вияа, г̇ажчанд̇ам̣ бун̣н̣ажанд̣̇ам̣ рад̇д̇авалаахагзна бадижчаад̣̇знд̇о вияа, ган̃жанаг̇иримад̇т̇агз субаггалаакаарасам̣ барисин̃жанд̇о вияа, жид̇д̇агуудабаб̣б̣ад̇амад̇т̇агам̣ виж̇ж̇улад̇ааж̇аалзна баригкибанд̇о вияа, сагалажаггаваал̣асинзруяуг̇анд̇харамахаабат̇авим̣ жаалзд̇ваа г̇ахид̇аниг̇род̇хабаллавасамаанаван̣н̣ам̣ сурад̇д̇аварабам̣сугуулам̣ баарубид̇ваа ванаг̇аханад̇о нигканд̇агзсарасийхо вияа, саманд̇ад̇о уд̣̇аяабаб̣б̣ад̇агуудад̇о бун̣н̣ажанд̣̇о вияа, б̣ааласуурияо вияа жа ад̇д̇анаа нисиннажааруман̣д̣абад̇о нигками.
Atha kho bhagavā nivāsetvā pattacīvaramādāya saddhiṃ bhikkhusaṅghena yena āvasathāgāraṃ tenupasaṅkamīti ‘‘yassa dāni, bhante, bhagavā kālaṃ maññatī’’ti evaṃ kira tehi kāle ārocite bhagavā lākhārasena tintarattakoviḷārapupphavaṇṇaṃ rattadupaṭṭaṃ kattariyā padumaṃ kantento viya, saṃvidhāya timaṇḍalaṃ paṭicchādento nivāsetvā suvaṇṇapāmaṅgena padumakalāpaṃ parikkhipanto viya, vijjulatāsassirikaṃ kāyabandhanaṃ bandhitvā rattakambalena gajakumbhaṃ pariyonandhanto viya, ratanasatubbedhe suvaṇṇagghike pavāḷajālaṃ khipamāno viya, mahati suvaṇṇacetiye rattakambalakañcukaṃ paṭimuñcanto viya, gacchantaṃ puṇṇacandaṃ rattavalāhakena paṭicchādento viya, kañcanagirimatthake supakkalākhārasaṃ parisiñcanto viya, cittakūṭapabbatamatthakaṃ vijjulatājālena parikkhipanto viya, sakalacakkavāḷasineruyugandharamahāpathaviṃ cāletvā gahitanigrodhapallavasamānavaṇṇaṃ surattavarapaṃsukūlaṃ pārupitvā vanagahanato nikkhantakesarasīho viya, samantato udayapabbatakūṭato puṇṇacando viya, bālasūriyo viya ca attanā nisinnacārumaṇḍapato nikkhami.
ат̇асса гааяад̇о мзгхамукад̇о виж̇ж̇угалаабаа вияа расмияо нигкамид̇ваа суван̣н̣арасад̇хаараабарисзгабин̃ж̇арабад̇д̇абубпапаласаакаавидабз вияа саманд̇ад̇о ругкз гарим̣су. д̇аавад̣̇зва ад̇д̇ано ад̇д̇ано бад̇д̇ажийварамаад̣̇ааяа махаабхигкусан̇гхо бхаг̇аванд̇ам̣ бариваарзси. д̇з жа нам̣ бариваарзд̇ваа тид̇аа бхигкуу зваруубаа ахзсум̣ аббижчаа санд̇удтаа бавивид̇д̇аа асам̣садтаа аарад̣̇д̇хавийрияаа вад̇д̇ааро важанагкамаа жод̣̇агаа баабаг̇арахино сийласамбаннаа самаад̇хисамбаннаа бан̃н̃аасамбаннаа вимуд̇д̇исамбаннаа вимуд̇д̇ин̃аан̣ад̣̇ассанасамбаннаа. д̇зхи баривуд̇о бхаг̇аваа рад̇д̇агамб̣алабаригкид̇д̇о вияа суван̣н̣агканд̇хо, нагкад̇д̇абариваарид̇о вияа бун̣н̣ажанд̣̇о, рад̇д̇абад̣̇умаванасан̣д̣амаж̇жхаг̇ад̇аа вияа суван̣н̣анааваа, баваал̣авзд̣̇игабаригкид̇д̇о вияа суван̣н̣абаасаад̣̇о вирожид̇т̇а. махаагассабаббамукаа бана махаат̇зраа мзгхаван̣н̣ам̣ бам̣сугуулажийварам̣ баарубид̇ваа ман̣иваммаваммид̇аа вияа махаанааг̇аа бариваараяим̣су ванд̇арааг̇аа бхиннагилзсаа виж̇адид̇аж̇адаа чиннаб̣анд̇ханаа гулз ваа г̇ан̣з ваа алаг̇г̇аа.
Athassa kāyato meghamukhato vijjukalāpā viya rasmiyo nikkhamitvā suvaṇṇarasadhārāparisekapiñjarapattapupphaphalasākhāviṭape viya samantato rukkhe kariṃsu. Tāvadeva attano attano pattacīvaramādāya mahābhikkhusaṅgho bhagavantaṃ parivāresi. Te ca naṃ parivāretvā ṭhitā bhikkhū evarūpā ahesuṃ appicchā santuṭṭhā pavivittā asaṃsaṭṭhā āraddhavīriyā vattāro vacanakkhamā codakā pāpagarahino sīlasampannā samādhisampannā paññāsampannā vimuttisampannā vimuttiñāṇadassanasampannā. Tehi parivuto bhagavā rattakambalaparikkhitto viya suvaṇṇakkhandho, nakkhattaparivārito viya puṇṇacando, rattapadumavanasaṇḍamajjhagatā viya suvaṇṇanāvā, pavāḷavedikaparikkhitto viya suvaṇṇapāsādo virocittha. Mahākassapappamukhā pana mahātherā meghavaṇṇaṃ paṃsukūlacīvaraṃ pārupitvā maṇivammavammitā viya mahānāgā parivārayiṃsu vantarāgā bhinnakilesā vijaṭitajaṭā chinnabandhanā kule vā gaṇe vā alaggā.
ид̇и бхаг̇аваа саяам̣ вийд̇арааг̇о вийд̇арааг̇зхи, вийд̇ад̣̇осо вийд̇ад̣̇осзхи, вийд̇амохо вийд̇амохзхи, нид̇д̇ан̣хо нид̇д̇ан̣хзхи, ниггилзсо ниггилзсзхи, саяам̣ б̣уд̣̇д̇хо ануб̣уд̣̇д̇хзхи бариваарид̇о бад̇д̇абариваарид̇ам̣ вияа гзсарам̣, гзсарабариваарид̇аа вияа ган̣н̣игаа, адтанааг̇асахассабариваарид̇о вияа чад̣̇д̣̇анд̇о нааг̇арааж̇аа, навуд̇ихам̣сасахассабариваарид̇о вияа д̇хад̇арадто хам̣сарааж̇аа, сзнан̇г̇абариваарид̇о вияа жаггавад̇д̇ирааж̇аа, маруг̇ан̣абариваарид̇о вияа сагго д̣̇зварааж̇аа, б̣рахмаг̇ан̣абариваарид̇о вияа хаарид̇амахааб̣рахмаа, д̇аарааг̇ан̣абариваарид̇о вияа бун̣н̣ажанд̣̇о, анубамзна б̣уд̣̇д̇хавзсзна абаримаан̣зна б̣уд̣̇д̇хавилаасзна баадалиг̇ааминам̣ маг̇г̇ам̣ бадибаж̇ж̇и.
Iti bhagavā sayaṃ vītarāgo vītarāgehi, vītadoso vītadosehi, vītamoho vītamohehi, nittaṇho nittaṇhehi, nikkileso nikkilesehi, sayaṃ buddho anubuddhehi parivārito pattaparivāritaṃ viya kesaraṃ, kesaraparivāritā viya kaṇṇikā, aṭṭhanāgasahassaparivārito viya chaddanto nāgarājā, navutihaṃsasahassaparivārito viya dhataraṭṭho haṃsarājā, senaṅgaparivārito viya cakkavattirājā, marugaṇaparivārito viya sakko devarājā, brahmagaṇaparivārito viya hāritamahābrahmā, tārāgaṇaparivārito viya puṇṇacando, anupamena buddhavesena aparimāṇena buddhavilāsena pāṭaligāminaṃ maggaṃ paṭipajji.
ат̇асса бурад̇т̇имагааяад̇о суван̣н̣аван̣н̣аа гханаб̣уд̣̇д̇харасмияо удтахид̇ваа асийд̇ихад̇т̇адтаанам̣ аг̇г̇ахзсум̣, д̇ат̇аа бажчимагааяад̇о д̣̇агкин̣абассад̇о ваамабассад̇о суван̣н̣аван̣н̣аа гханаб̣уд̣̇д̇харасмияо удтахид̇ваа асийд̇ихад̇т̇адтаанам̣ аг̇г̇ахзсум̣, убаригзсанд̇ад̇о бадтааяа саб̣б̣агзсааваддзхи мораг̇ийварааж̇аван̣н̣аа асид̇аа гханаб̣уд̣̇д̇харасмияо удтахид̇ваа г̇аг̇анад̇алз асийд̇ихад̇т̇адтаанам̣ аг̇г̇ахзсум̣, хздтаабаад̣̇ад̇алзхи баваал̣аван̣н̣аа расмияо удтахид̇ваа гханабат̇авияам̣ асийд̇ихад̇т̇адтаанам̣ аг̇г̇ахзсум̣, д̣̇анд̇ад̇о агкийнам̣ сзд̇адтаанад̇о, накаанам̣ мам̣савимуд̇д̇адтаанад̇о од̣̇аад̇аа гханаб̣уд̣̇д̇харасмияо удтахид̇ваа асийд̇ихад̇т̇адтаанам̣ аг̇г̇ахзсум̣, рад̇д̇абийд̇аван̣н̣аанам̣ самбхиннадтаанад̇о ман̃ж̇здтаван̣н̣аа расмияо удтахид̇ваа асийд̇ихад̇т̇адтаанам̣ аг̇г̇ахзсум̣, саб̣б̣ад̇т̇агамзва бабхассараа расмияо удтахим̣су. звам̣ саманд̇аа асийд̇ихад̇т̇адтаанам̣ чаб̣б̣ан̣н̣аа б̣уд̣̇д̇харасмияо виж̇ж̇од̇амаанаа вибпанд̣̇амаанаа вид̇хаавамаанаа ган̃жанад̣̇ан̣д̣ад̣̇ийбигаад̣̇ийхи нижчарид̇ваа аагаасам̣ багканд̣̇амаанаа махаабад̣̇ийбаж̇аалаа вияа, жаад̇уд̣̇д̣̇ийбигамахаамзгхад̇о нигканд̇авиж̇ж̇улад̇аа вияа жа д̣̇исод̣̇исам̣ багканд̣̇им̣су. яаахи саб̣б̣з д̣̇исаабхааг̇аа суван̣н̣ажамбагабубпзхи вигирияамаанаа вияа, суван̣н̣агхадад̇о суван̣н̣арасад̇хаараахи аасин̃жияамаанаа вияа, басаарид̇асуван̣н̣абадабаригкид̇д̇аа вияа, взрамбхаваад̇зна самуд̣̇д̇хад̇агим̣сугаган̣игаараговил̣аарабубпажун̣н̣асамогин̣н̣аа вияа, жийнабидтажун̣н̣асамбариран̃ж̇ид̇аа вияа жа вирожим̣су.
Athassa puratthimakāyato suvaṇṇavaṇṇā ghanabuddharasmiyo uṭṭhahitvā asītihatthaṭṭhānaṃ aggahesuṃ, tathā pacchimakāyato dakkhiṇapassato vāmapassato suvaṇṇavaṇṇā ghanabuddharasmiyo uṭṭhahitvā asītihatthaṭṭhānaṃ aggahesuṃ, uparikesantato paṭṭhāya sabbakesāvaṭṭehi moragīvarājavaṇṇā asitā ghanabuddharasmiyo uṭṭhahitvā gaganatale asītihatthaṭṭhānaṃ aggahesuṃ, heṭṭhāpādatalehi pavāḷavaṇṇā rasmiyo uṭṭhahitvā ghanapathaviyaṃ asītihatthaṭṭhānaṃ aggahesuṃ, dantato akkhīnaṃ setaṭṭhānato, nakhānaṃ maṃsavimuttaṭṭhānato odātā ghanabuddharasmiyo uṭṭhahitvā asītihatthaṭṭhānaṃ aggahesuṃ, rattapītavaṇṇānaṃ sambhinnaṭṭhānato mañjeṭṭhavaṇṇā rasmiyo uṭṭhahitvā asītihatthaṭṭhānaṃ aggahesuṃ, sabbatthakameva pabhassarā rasmiyo uṭṭhahiṃsu. Evaṃ samantā asītihatthaṭṭhānaṃ chabbaṇṇā buddharasmiyo vijjotamānā vipphandamānā vidhāvamānā kañcanadaṇḍadīpikādīhi niccharitvā ākāsaṃ pakkhandamānā mahāpadīpajālā viya, cātuddīpikamahāmeghato nikkhantavijjulatā viya ca disodisaṃ pakkhandiṃsu. Yāhi sabbe disābhāgā suvaṇṇacampakapupphehi vikiriyamānā viya, suvaṇṇaghaṭato suvaṇṇarasadhārāhi āsiñciyamānā viya, pasāritasuvaṇṇapaṭaparikkhittā viya, verambhavātena samuddhatakiṃsukakaṇikārakoviḷārapupphacuṇṇasamokiṇṇā viya, cīnapiṭṭhacuṇṇasamparirañjitā viya ca virociṃsu.
бхаг̇авад̇оби асийд̇иануб̣яан̃ж̇анаб̣яаамаббабхаабаригкзбасамуж̇ж̇алам̣ д̣̇вад̇д̇им̣самахаабурисалагкан̣аббадиман̣д̣ид̇ам̣ сарийрам̣ аб̣бхамахигаад̣̇иубаггилзсавимуд̇д̇ам̣ самуж̇ж̇аланд̇ад̇аарагаавабхаасид̇ам̣ вияа, г̇аг̇анад̇алам̣ вигасид̇ам̣ вияа бад̣̇умаванам̣, саб̣б̣абаалипулло вияа яож̇анасад̇иго баарижчад̇д̇аго, бадибаадияаа табид̇аанам̣ д̣̇вад̇д̇им̣сасуурияаанам̣ д̣̇вад̇д̇им̣сажанд̣̇имаанам̣ д̣̇вад̇д̇им̣сажаггавад̇д̇ийнам̣ д̣̇вад̇д̇им̣сад̣̇зварааж̇аанам̣ д̣̇вад̇д̇им̣самахааб̣рахмаанам̣ сирияаа сирим̣ абхибхавамаанам̣ вияа вирожид̇т̇а, яат̇аа д̇ам̣ д̣̇асахи баарамийхи д̣̇асахи убабаарамийхи д̣̇асахи барамад̇т̇абаарамийхийд̇и саммад̣̇зва барибуурид̇аахи самад̇им̣сабаарамид̇аахи алан̇гад̇ам̣ габбасад̇асахассаад̇хигаани жад̇д̇аари асан̇кязяяаани д̣̇иннзна д̣̇аанзна рагкид̇зна сийлзна гад̇зна галяаан̣агаммзна згасмим̣ ад̇д̇абхаавз самосарид̇ваа вибаагам̣ д̣̇аад̇ум̣ огаасам̣ алабхамаанзна самб̣аад̇хаббад̇д̇ам̣ вияа ниб̣б̣ад̇д̇ид̇ам̣ нааваасахассабхан̣д̣ам̣ згам̣ наавам̣ ааробанагаало вияа, сагадасахассабхан̣д̣ам̣ згам̣ сагадам̣ ааробанагаало вияа, бан̃жавийсад̇ияаа г̇ан̇г̇аанам̣ самбхиннамукад̣̇ваарз згад̇о раасибхууд̇агаало вияа ахоси.
Bhagavatopi asītianubyañjanabyāmappabhāparikkhepasamujjalaṃ dvattiṃsamahāpurisalakkhaṇappaṭimaṇḍitaṃ sarīraṃ abbhamahikādiupakkilesavimuttaṃ samujjalantatārakāvabhāsitaṃ viya, gaganatalaṃ vikasitaṃ viya padumavanaṃ, sabbapāliphullo viya yojanasatiko pāricchattako, paṭipāṭiyā ṭhapitānaṃ dvattiṃsasūriyānaṃ dvattiṃsacandimānaṃ dvattiṃsacakkavattīnaṃ dvattiṃsadevarājānaṃ dvattiṃsamahābrahmānaṃ siriyā siriṃ abhibhavamānaṃ viya virocittha, yathā taṃ dasahi pāramīhi dasahi upapāramīhi dasahi paramatthapāramīhīti sammadeva paripūritāhi samatiṃsapāramitāhi alaṅkataṃ kappasatasahassādhikāni cattāri asaṅkhyeyyāni dinnena dānena rakkhitena sīlena katena kalyāṇakammena ekasmiṃ attabhāve samosaritvā vipākaṃ dātuṃ okāsaṃ alabhamānena sambādhappattaṃ viya nibbattitaṃ nāvāsahassabhaṇḍaṃ ekaṃ nāvaṃ āropanakālo viya, sakaṭasahassabhaṇḍaṃ ekaṃ sakaṭaṃ āropanakālo viya, pañcavīsatiyā gaṅgānaṃ sambhinnamukhadvāre ekato rāsibhūtakālo viya ahosi.
имааяа б̣уд̣̇д̇хасирияаа обхаасамаанассаби бхаг̇авад̇о бурад̇о анзгаани д̣̇ан̣д̣ад̣̇ийбигаасахассаани угкибим̣су. д̇ат̇аа бажчад̇о ваамабассз д̣̇агкин̣абассз ж̇аад̇игусумажамбагаванамаалигаарад̇д̇уббаланийлуббалаб̣агуласинд̣̇уваараад̣̇ибубпаани жзва нийлабийд̇аад̣̇иван̣н̣асуг̇анд̇хажун̣н̣аани жа жаад̇уд̣̇д̣̇ийбигамахаамзгхависсадтаа салилавудтияо вияа виббагирим̣су . бан̃жан̇г̇игад̇уурияаниг̇гхосаа жа б̣уд̣̇д̇хад̇хаммасан̇гхаг̇ун̣аасам̣яуд̇д̇аа т̇уд̇игхосаа жа саб̣б̣аа д̣̇исаа буураяамаанаа мукасамбхаасаа вияа ахзсум̣. д̣̇звасубан̣н̣анааг̇аяагкаг̇анд̇хаб̣б̣амануссаанам̣ агкийни амад̇абаанам̣ вияа лабхим̣су. имасмим̣ бана таанз тад̇ваа бад̣̇асахассзхи г̇аманаван̣н̣анам̣ вад̇д̇ум̣ ваддад̇и. д̇ад̇рияам̣ мукамад̇д̇ам̣ –
Imāya buddhasiriyā obhāsamānassapi bhagavato purato anekāni daṇḍadīpikāsahassāni ukkhipiṃsu. Tathā pacchato vāmapasse dakkhiṇapasse jātikusumacampakavanamālikārattuppalanīluppalabakulasinduvārādipupphāni ceva nīlapītādivaṇṇasugandhacuṇṇāni ca cātuddīpikamahāmeghavissaṭṭhā salilavuṭṭhiyo viya vippakiriṃsu . Pañcaṅgikatūriyanigghosā ca buddhadhammasaṅghaguṇāsaṃyuttā thutighosā ca sabbā disā pūrayamānā mukhasambhāsā viya ahesuṃ. Devasupaṇṇanāgayakkhagandhabbamanussānaṃ akkhīni amatapānaṃ viya labhiṃsu. Imasmiṃ pana ṭhāne ṭhatvā padasahassehi gamanavaṇṇanaṃ vattuṃ vaṭṭati. Tatriyaṃ mukhamattaṃ –
‘‘звам̣ саб̣б̣ан̇г̇асамбанно, гамбаяанд̇о васунд̇харам̣;
‘‘Evaṃ sabbaṅgasampanno, kampayanto vasundharaṃ;
ахзтаяанд̇о баан̣аани, яаад̇и логавинааяаго.
Aheṭhayanto pāṇāni, yāti lokavināyako.
‘‘д̣̇агкин̣ам̣ батамам̣ баад̣̇ам̣, уд̣̇д̇харанд̇о нараасабхо;
‘‘Dakkhiṇaṃ paṭhamaṃ pādaṃ, uddharanto narāsabho;
г̇ажчанд̇о сирисамбанно, собхад̇з д̣̇вибад̣̇уд̇д̇амо.
Gacchanto sirisampanno, sobhate dvipaduttamo.
‘‘г̇ажчад̇о б̣уд̣̇д̇хасздтасса, хздтаа баад̣̇ад̇алам̣ муд̣̇у;
‘‘Gacchato buddhaseṭṭhassa, heṭṭhā pādatalaṃ mudu;
самам̣ сампусад̇з бхуумим̣, раж̇асаанубалимбад̇и.
Samaṃ samphusate bhūmiṃ, rajasānupalimpati.
‘‘ниннам̣ таанам̣ уннамад̇и, г̇ажчанд̇з логанааяагз;
‘‘Ninnaṃ ṭhānaṃ unnamati, gacchante lokanāyake;
уннад̇ан̃жа самам̣ ход̇и, бат̇авий жа ажзд̇анаа.
Unnatañca samaṃ hoti, pathavī ca acetanā.
‘‘баасаан̣аа сагкараа жзва, гат̇алаа каан̣уган̣дагаа;
‘‘Pāsāṇā sakkharā ceva, kathalā khāṇukaṇṭakā;
саб̣б̣з маг̇г̇аа виваж̇ж̇анд̇и, г̇ажчанд̇з логанааяагз.
Sabbe maggā vivajjanti, gacchante lokanāyake.
‘‘наад̇ид̣̇уурз уд̣̇д̇харад̇и, нажжаасаннз жа нигкибам̣;
‘‘Nātidūre uddharati, naccāsanne ca nikkhipaṃ;
агхаддаяанд̇о нияяаад̇и, убхо ж̇аан̣уу жа г̇обпагз.
Aghaṭṭayanto niyyāti, ubho jāṇū ca gopphake.
‘‘наад̇исийгхам̣ баггамад̇и, самбаннажаран̣о муни;
‘‘Nātisīghaṃ pakkamati, sampannacaraṇo muni;
на жааби сан̣игам̣ яаад̇и, г̇ажчамаано самаахид̇о.
Na cāpi saṇikaṃ yāti, gacchamāno samāhito.
‘‘уд̣̇д̇хам̣ ад̇хо жа д̇ирияам̣, д̣̇исан̃жа вид̣̇исам̣ д̇ат̇аа;
‘‘Uddhaṃ adho ca tiriyaṃ, disañca vidisaṃ tathā;
на бзгкамаано со яаад̇и, яуг̇амад̇д̇ам̣вабзгкад̇и.
Na pekkhamāno so yāti, yugamattaṃvapekkhati.
‘‘нааг̇авигганд̇ажааро со, г̇аманз собхад̇з ж̇ино;
‘‘Nāgavikkantacāro so, gamane sobhate jino;
жаарум̣ г̇ажчад̇и логаг̇г̇о, хаасаяанд̇о сад̣̇звагз.
Cāruṃ gacchati lokaggo, hāsayanto sadevake.
‘‘усабхарааж̇аава собханд̇о, жааружаарийва гзсарий;
‘‘Usabharājāva sobhanto, cārucārīva kesarī;
д̇осаяанд̇о б̣ахуу сад̇д̇з, г̇аамам̣ сздто убааг̇амий’’д̇и. –
Tosayanto bahū satte, gāmaṃ seṭṭho upāgamī’’ti. –
ван̣н̣агаало наама гирзса. звам̣вид̇хзсу гаалзсу бхаг̇авад̇о сарийраван̣н̣з ваа г̇ун̣аван̣н̣з ваа д̇хаммагат̇игасса т̇аамоязва бамаан̣ам̣, жун̣н̣ияабад̣̇зхи г̇аат̇ааб̣анд̇хзхи яад̇д̇агам̣ саггод̇и, д̇ад̇д̇агам̣ вад̇д̇аб̣б̣ам̣. ‘‘д̣̇уггат̇ид̇а’’нд̇и ваа ‘‘ад̇ид̇т̇зна багканд̣̇о’’д̇и ваа на вад̇д̇аб̣б̣о. абаримаан̣аван̣н̣аа хи б̣уд̣̇д̇хаа бхаг̇аванд̇о, д̇зсам̣ б̣уд̣̇д̇хааби анавасзсад̇о ван̣н̣ам̣ вад̇д̇ум̣ асамад̇т̇аа. сагаламби хи габбам̣ ван̣н̣знд̇аа барияосаабзд̇ум̣ на саггонд̇и, баг̇зва ид̇араа баж̇аад̇и. иминаа сиривилаасзна алан̇гад̇аббадияад̇д̇ам̣ баадалиг̇аамам̣ баависи , бависид̇ваа бхаг̇аваа басаннажид̇д̇зна ж̇анзна бубпаг̇анд̇хад̇хуумаваасажун̣н̣аад̣̇ийхи бууж̇ияамаано аавасат̇ааг̇аарам̣ баависи. д̇зна вуд̇д̇ам̣ – ‘‘ат̇а ко бхаг̇аваа ниваасзд̇ваа бад̇д̇ажийварамаад̣̇ааяа сад̣̇д̇хим̣ бхигкусан̇гхзна язна аавасат̇ааг̇аарам̣ д̇знубасан̇гамий’’д̇и.
Vaṇṇakālo nāma kiresa. Evaṃvidhesu kālesu bhagavato sarīravaṇṇe vā guṇavaṇṇe vā dhammakathikassa thāmoyeva pamāṇaṃ, cuṇṇiyapadehi gāthābandhehi yattakaṃ sakkoti, tattakaṃ vattabbaṃ. ‘‘Dukkathita’’nti vā ‘‘atitthena pakkhando’’ti vā na vattabbo. Aparimāṇavaṇṇā hi buddhā bhagavanto, tesaṃ buddhāpi anavasesato vaṇṇaṃ vattuṃ asamatthā. Sakalampi hi kappaṃ vaṇṇentā pariyosāpetuṃ na sakkonti, pageva itarā pajāti. Iminā sirivilāsena alaṅkatappaṭiyattaṃ pāṭaligāmaṃ pāvisi , pavisitvā bhagavā pasannacittena janena pupphagandhadhūmavāsacuṇṇādīhi pūjiyamāno āvasathāgāraṃ pāvisi. Tena vuttaṃ – ‘‘atha kho bhagavā nivāsetvā pattacīvaramādāya saddhiṃ bhikkhusaṅghena yena āvasathāgāraṃ tenupasaṅkamī’’ti.
баад̣̇з багкаалзд̇ваад̇и яад̣̇иби бхаг̇авад̇о баад̣̇з раж̇ож̇аллам̣ на убалимбад̇и, д̇зсам̣ бана убаасагаанам̣ гусалаабхивуд̣̇д̇хим̣ ааган̇канд̇о барзсам̣ д̣̇идтаануг̇ад̇им̣ аабаж̇ж̇анад̇т̇ан̃жа бхаг̇аваа баад̣̇з багкаалзд̇и. абижа убаад̣̇иннагасарийрам̣ наама сийд̇ам̣ гаад̇аб̣б̣амби ход̇ийд̇и зд̇ад̣̇ад̇т̇амби бхаг̇аваа нхаанабаад̣̇ад̇хованаад̣̇ийни гарод̇иязва. бхаг̇аванд̇ам̣язва бурагкад̇ваад̇и бхаг̇аванд̇ам̣ бурад̇о гад̇ваа. д̇ад̇т̇а бхаг̇аваа бхигкуунан̃жзва убаасагаанан̃жа маж̇жхз нисинно г̇анд̇ход̣̇агзна нхаабзд̇ваа д̣̇угуулажумб̣адагзна вод̣̇агам̣ гад̇ваа ж̇аад̇ихин̇г̇улагзна маж̇ж̇ид̇ваа рад̇д̇агамб̣алзна баливзтзд̇ваа бийтз табид̇аа рад̇д̇асуван̣н̣агханабадимаа вияа ад̇ивирожид̇т̇а.
Pādepakkhāletvāti yadipi bhagavato pāde rajojallaṃ na upalimpati, tesaṃ pana upāsakānaṃ kusalābhivuddhiṃ ākaṅkhanto paresaṃ diṭṭhānugatiṃ āpajjanatthañca bhagavā pāde pakkhāleti. Apica upādinnakasarīraṃ nāma sītaṃ kātabbampi hotīti etadatthampi bhagavā nhānapādadhovanādīni karotiyeva. Bhagavantaṃyeva purakkhatvāti bhagavantaṃ purato katvā. Tattha bhagavā bhikkhūnañceva upāsakānañca majjhe nisinno gandhodakena nhāpetvā dukūlacumbaṭakena vodakaṃ katvā jātihiṅgulakena majjitvā rattakambalena paliveṭhetvā pīṭhe ṭhapitā rattasuvaṇṇaghanapaṭimā viya ativirocittha.
аяам̣ банзд̇т̇а бораан̣аанам̣ ван̣н̣абхан̣анамаг̇г̇о –
Ayaṃ panettha porāṇānaṃ vaṇṇabhaṇanamaggo –
‘‘г̇анд̇ваана ман̣д̣аламаал̣ам̣, нааг̇авигганд̇ажааран̣о;
‘‘Gantvāna maṇḍalamāḷaṃ, nāgavikkantacāraṇo;
обхаасаяанд̇о логаг̇г̇о, нисийд̣̇и варамаасанз.
Obhāsayanto lokaggo, nisīdi varamāsane.
‘‘д̇ахим̣ нисинно нарад̣̇аммасаарат̇и,
‘‘Tahiṃ nisinno naradammasārathi,
д̣̇зваад̇ид̣̇зво сад̇абун̃н̃алагкан̣о;
Devātidevo satapuññalakkhaṇo;
б̣уд̣̇д̇хаасанз маж̇жхаг̇ад̇о вирожад̇и,
Buddhāsane majjhagato virocati,
суван̣н̣анигкам̣ вияа бан̣д̣угамб̣алз.
Suvaṇṇanikkhaṃ viya paṇḍukambale.
‘‘нзгкам̣ ж̇амб̣онад̣̇ассзва, нигкид̇д̇ам̣ бан̣д̣угамб̣алз;
‘‘Nekkhaṃ jambonadasseva, nikkhittaṃ paṇḍukambale;
вирожад̇и вийд̇амало, ман̣ивзрожано яат̇аа.
Virocati vītamalo, maṇiverocano yathā.
‘‘махаасаалова сампулло, мзрурааж̇аавалан̇гад̇о;
‘‘Mahāsālova samphullo, merurājāvalaṅkato;
суван̣н̣аяуубасан̇гаасо, бад̣̇умо гоганад̣̇о яат̇аа.
Suvaṇṇayūpasaṅkāso, padumo kokanado yathā.
‘‘ж̇аланд̇о д̣̇ийбаругкова, баб̣б̣ад̇аг̇г̇з яат̇аа сикий;
‘‘Jalanto dīparukkhova, pabbatagge yathā sikhī;
д̣̇зваанам̣ бааричад̇д̇ова, саб̣б̣апулло вирожад̇ий’’д̇и.
Devānaṃ pārichattova, sabbaphullo virocatī’’ti.
баадалиг̇аамияз убаасагз ааманд̇зсийд̇и яасмаа д̇зсу убаасагзсу б̣ахуу ж̇анаа сийлзсу бад̇идтид̇аа, д̇асмаа батамам̣ д̇аава сийлавибад̇д̇ияаа аад̣̇ийнавам̣ багаасзд̇ваа бажчаа сийласамбад̣̇ааяа аанисам̣сам̣ д̣̇ассзд̇ум̣, ‘‘бан̃жимз г̇ахабад̇аяо’’д̇иаад̣̇инаа д̇хаммад̣̇зсанад̇т̇ам̣ ааманд̇зси.
Pāṭaligāmiyeupāsake āmantesīti yasmā tesu upāsakesu bahū janā sīlesu patiṭṭhitā, tasmā paṭhamaṃ tāva sīlavipattiyā ādīnavaṃ pakāsetvā pacchā sīlasampadāya ānisaṃsaṃ dassetuṃ, ‘‘pañcime gahapatayo’’tiādinā dhammadesanatthaṃ āmantesi.
д̇ад̇т̇а д̣̇уссийлод̇и ниссийло. сийлавибаннод̇и вибаннасийло бхиннасам̣варо. зд̇т̇а жа ‘‘д̣̇уссийло’’д̇и бад̣̇зна буг̇г̇аласса сийлаабхааво вуд̇д̇о. со банасса сийлаабхааво д̣̇увид̇хо асамаад̣̇аанзна ваа самаад̣̇иннасса бхзд̣̇зна ваад̇и. д̇зсу буримо на д̇ат̇аа сааваж̇ж̇о, яат̇аа д̣̇уд̇ияо сааваж̇ж̇ад̇аро. яат̇аад̇хиббзд̇аад̣̇ийнаванимид̇д̇ам̣ сийлаабхаавам̣ буг̇г̇алаад̇хидтаанааяа д̣̇зсанааяа д̣̇ассзд̇ум̣, ‘‘сийлавибанно’’д̇и вуд̇д̇ам̣. д̇зна ‘‘д̣̇уссийло’’д̇и бад̣̇асса ад̇т̇ам̣ д̣̇ассзд̇и. бамаад̣̇аад̇хигаран̣анд̇и бамаад̣̇агааран̣аа. ид̣̇ан̃жа суд̇д̇ам̣ г̇ахадтаанам̣ васзна ааг̇ад̇ам̣, баб̣б̣аж̇ид̇аанамби бана лаб̣бхад̇зва. г̇ахадто хи язна сиббадтаанзна ж̇ийвигам̣ габбзд̇и яад̣̇и гасияаа яад̣̇и ваан̣иж̇ж̇ааяа яад̣̇и г̇орагкзна, баан̣аад̇ибаад̇аад̣̇ивасзна бамад̇д̇о д̇ам̣ д̇ам̣ яат̇аагаалам̣ самбаад̣̇зд̇ум̣ на саггод̇и, ат̇асса гаммам̣ винассад̇и. маагхаад̇агаалз бана баан̣аад̇ибаад̇аад̣̇ийни гаронд̇о д̣̇ан̣д̣авасзна махад̇им̣ бхог̇аж̇ааним̣ ниг̇ажчад̇и. баб̣б̣аж̇ид̇о д̣̇уссийло бамаад̣̇агааран̣аа сийлад̇о б̣уд̣̇д̇хаважанад̇о жхаанад̇о сад̇д̇аарияад̇ханад̇о жа ж̇ааним̣ ниг̇ажчад̇и.
Tattha dussīloti nissīlo. Sīlavipannoti vipannasīlo bhinnasaṃvaro. Ettha ca ‘‘dussīlo’’ti padena puggalassa sīlābhāvo vutto. So panassa sīlābhāvo duvidho asamādānena vā samādinnassa bhedena vāti. Tesu purimo na tathā sāvajjo, yathā dutiyo sāvajjataro. Yathādhippetādīnavanimittaṃ sīlābhāvaṃ puggalādhiṭṭhānāya desanāya dassetuṃ, ‘‘sīlavipanno’’ti vuttaṃ. Tena ‘‘dussīlo’’ti padassa atthaṃ dasseti. Pamādādhikaraṇanti pamādakāraṇā. Idañca suttaṃ gahaṭṭhānaṃ vasena āgataṃ, pabbajitānampi pana labbhateva. Gahaṭṭho hi yena sippaṭṭhānena jīvikaṃ kappeti yadi kasiyā yadi vāṇijjāya yadi gorakkhena, pāṇātipātādivasena pamatto taṃ taṃ yathākālaṃ sampādetuṃ na sakkoti, athassa kammaṃ vinassati. Māghātakāle pana pāṇātipātādīni karonto daṇḍavasena mahatiṃ bhogajāniṃ nigacchati. Pabbajito dussīlo pamādakāraṇā sīlato buddhavacanato jhānato sattaariyadhanato ca jāniṃ nigacchati.
баабаго гид̇д̇исад̣̇д̣̇од̇и г̇ахадтасса ‘‘асуго амугагулз ж̇аад̇о д̣̇уссийло баабад̇хаммо барижжад̇д̇аид̇халогабаралого салаагабхад̇д̇амад̇д̇амби на д̣̇зд̇ий’’д̇и барисамаж̇жхз баабаго гид̇д̇исад̣̇д̣̇о аб̣бхуг̇г̇ажчад̇и. баб̣б̣аж̇ид̇асса ‘‘асуго наама т̇зро сад̇т̇у саасанз баб̣б̣аж̇ид̇ваа наасагки сийлаани рагкид̇ум̣, на б̣уд̣̇д̇хаважанам̣ г̇ахзд̇ум̣, взж̇ж̇агаммаад̣̇ийхи ж̇ийвад̇и, чахи аг̇ааравзхи саманнааг̇ад̇о’’д̇и звам̣ баабаго гид̇д̇исад̣̇д̣̇о аб̣бхуг̇г̇ажчад̇и.
Pāpako kittisaddoti gahaṭṭhassa ‘‘asuko amukakule jāto dussīlo pāpadhammo pariccattaidhalokaparaloko salākabhattamattampi na detī’’ti parisamajjhe pāpako kittisaddo abbhuggacchati. Pabbajitassa ‘‘asuko nāma thero satthu sāsane pabbajitvā nāsakkhi sīlāni rakkhituṃ, na buddhavacanaṃ gahetuṃ, vejjakammādīhi jīvati, chahi agāravehi samannāgato’’ti evaṃ pāpako kittisaddo abbhuggacchati.
ависаарад̣̇од̇и г̇ахадто д̇аава авассам̣ б̣ахуунам̣ саннибаад̇адтаанз ‘‘гожи мама гаммам̣ ж̇ааниссад̇и, ат̇а мам̣ нинд̣̇иссад̇и, рааж̇агуласса ваа д̣̇ассзссад̇ий’’д̇и сабхаяо убасан̇гамад̇и, ман̇губхууд̇о бад̇д̇агканд̇хо ад̇хомуко нисийд̣̇ад̇и, висаарад̣̇о худ̇ваа гат̇зд̇ум̣ на саггод̇и. баб̣б̣аж̇ид̇оби б̣ахубхигкусан̇гхз саннибад̇ид̇з ‘‘авассам̣ гожи мама гаммам̣ ж̇ааниссад̇и, ат̇а мз убосат̇амби бавааран̣амби табзд̇ваа сааман̃н̃ад̇о жаавзд̇ваа ниггад̣дхиссад̇ий’’д̇и сабхаяо убасан̇гамад̇и, висаарад̣̇о худ̇ваа гат̇зд̇ум̣ на саггод̇и. згажжо бана д̣̇уссийлоби самаано сусийло вияа жарад̇и, соби аж̇жхаасаязна ман̇гу ход̇иязва.
Avisāradoti gahaṭṭho tāva avassaṃ bahūnaṃ sannipātaṭṭhāne ‘‘koci mama kammaṃ jānissati, atha maṃ nindissati, rājakulassa vā dassessatī’’ti sabhayo upasaṅkamati, maṅkubhūto pattakkhandho adhomukho nisīdati, visārado hutvā kathetuṃ na sakkoti. Pabbajitopi bahubhikkhusaṅghe sannipatite ‘‘avassaṃ koci mama kammaṃ jānissati, atha me uposathampi pavāraṇampi ṭhapetvā sāmaññato cāvetvā nikkaḍḍhissatī’’ti sabhayo upasaṅkamati, visārado hutvā kathetuṃ na sakkoti. Ekacco pana dussīlopi samāno susīlo viya carati, sopi ajjhāsayena maṅku hotiyeva.
саммуул̣хо гаалам̣ гарод̇ийд̇и д̣̇уссийласса хи маран̣аман̃жз нибаннасса д̣̇уссийлагаммаани самаад̣̇ааяа бавад̇д̇ид̇адтаанаани аабаат̇ам̣ ааг̇ажчанд̇и. со уммийлзд̇ваа ид̇халогам̣, нимийлзд̇ваа баралогам̣ бассад̇и. д̇асса жад̇д̇ааро абааяаа гаммаануруубам̣ убадтаханд̇и, сад̇д̇исад̇зна бахарияамаано вияа аг̇г̇иж̇аалаабхигхаад̇зна жхааяамаано вияа жа ход̇и. со ‘‘ваарзт̇а, ваарзт̇аа’’д̇и вираванд̇ова марад̇и. д̇зна вуд̇д̇ам̣ – ‘‘саммуул̣хо гаалам̣ гарод̇ий’’д̇и.
Sammūḷho kālaṃ karotīti dussīlassa hi maraṇamañce nipannassa dussīlakammāni samādāya pavattitaṭṭhānāni āpāthaṃ āgacchanti. So ummīletvā idhalokaṃ, nimīletvā paralokaṃ passati. Tassa cattāro apāyā kammānurūpaṃ upaṭṭhahanti, sattisatena pahariyamāno viya aggijālābhighātena jhāyamāno viya ca hoti. So ‘‘vāretha, vārethā’’ti viravantova marati. Tena vuttaṃ – ‘‘sammūḷho kālaṃ karotī’’ti.
гааяасса бхзд̣̇аад̇и убаад̣̇иннагканд̇хабарижжааг̇аа. барам̣ маран̣аад̇и д̇ад̣̇ананд̇арам̣ абхиниб̣б̣ад̇д̇агканд̇хаг̇г̇ахан̣аа. ат̇а ваа гааяасса бхзд̣̇аад̇и ж̇ийвид̇инд̣̇рияасса убажчзд̣̇аа. барам̣ маран̣аад̇и жуд̇ид̇о уд̣̇д̇хам̣. абааяанд̇иаад̣̇и саб̣б̣ам̣ нираяавзважанам̣. нираяо хи саг̇г̇амогкахзд̇убхууд̇аа бун̃н̃асан̇каад̇аа аяаа абзд̇ад̇д̇аа, сукаанам̣ ваа аяасса, ааг̇аманасса ваа абхааваа абааяо. д̣̇угкасса г̇ад̇и бадисаран̣анд̇и д̣̇уг̇г̇ад̇и, д̣̇осаб̣ахулад̇ааяа ваа д̣̇удтзна гаммунаа ниб̣б̣ад̇д̇аа г̇ад̇ийд̇и д̣̇уг̇г̇ад̇и. вивасаа нибад̇анд̇и зд̇т̇а д̣̇уггад̇агааринод̇и винибаад̇о, винассанд̇аа ваа зд̇т̇а нибад̇анд̇и самбхиж̇ж̇амаанан̇г̇абажжан̇г̇аад̇и винибаад̇о. над̇т̇и зд̇т̇а ассаад̣̇асан̃н̃ид̇о аяод̇и нираяо.
Kāyassabhedāti upādinnakkhandhapariccāgā. Paraṃ maraṇāti tadanantaraṃ abhinibbattakkhandhaggahaṇā. Atha vā kāyassa bhedāti jīvitindriyassa upacchedā. Paraṃ maraṇāti cutito uddhaṃ. Apāyantiādi sabbaṃ nirayavevacanaṃ. Nirayo hi saggamokkhahetubhūtā puññasaṅkhātā ayā apetattā, sukhānaṃ vā ayassa, āgamanassa vā abhāvā apāyo. Dukkhassa gati paṭisaraṇanti duggati, dosabahulatāya vā duṭṭhena kammunā nibbattā gatīti duggati. Vivasā nipatanti ettha dukkatakārinoti vinipāto, vinassantā vā ettha nipatanti sambhijjamānaṅgapaccaṅgāti vinipāto. Natthi ettha assādasaññito ayoti nirayo.
ат̇а ваа абааяаг̇г̇ахан̣зна д̇иражчаанаяоним̣ д̣̇ийбзд̇и. д̇иражчаанаяони хи абааяо суг̇ад̇ид̇о абзд̇ад̇д̇аа, на д̣̇уг̇г̇ад̇и махзсагкаанам̣ нааг̇арааж̇аад̣̇ийнам̣ самбхавад̇о. д̣̇уг̇г̇ад̇иг̇г̇ахан̣зна бзд̇д̇ивисаяам̣ д̣̇ийбзд̇и. со хи абааяо жзва д̣̇уг̇г̇ад̇и жа суг̇ад̇ид̇о абзд̇ад̇д̇аа, д̣̇угкасса жа г̇ад̇ибхууд̇ад̇д̇аа, на д̇у винибаад̇о асурасад̣̇исам̣ авинибад̇ид̇ад̇д̇аа бзд̇амахид̣̇д̇хигаанамби виж̇ж̇амаанад̇д̇аа. винибаад̇аг̇г̇ахан̣зна асурагааяам̣ д̣̇ийбзд̇и. со хи яат̇аавуд̇д̇знадтзна ‘‘абааяо’’ жзва ‘‘д̣̇уг̇г̇ад̇и’’ жа саб̣б̣асамбад̇д̇исамуссаязхи винибад̇ид̇ад̇д̇аа ‘‘винибаад̇о’’д̇и жа вужжад̇и. нираяаг̇г̇ахан̣зна авийжиаад̣̇игам̣ анзгаббагаарам̣ нираяамзва д̣̇ийбзд̇и. убабаж̇ж̇ад̇ийд̇и ниб̣б̣ад̇д̇ад̇и.
Atha vā apāyaggahaṇena tiracchānayoniṃ dīpeti. Tiracchānayoni hi apāyo sugatito apetattā, na duggati mahesakkhānaṃ nāgarājādīnaṃ sambhavato. Duggatiggahaṇena pettivisayaṃ dīpeti. So hi apāyo ceva duggati ca sugatito apetattā, dukkhassa ca gatibhūtattā, na tu vinipāto asurasadisaṃ avinipatitattā petamahiddhikānampi vijjamānattā. Vinipātaggahaṇena asurakāyaṃ dīpeti. So hi yathāvuttenaṭṭhena ‘‘apāyo’’ ceva ‘‘duggati’’ ca sabbasampattisamussayehi vinipatitattā ‘‘vinipāto’’ti ca vuccati. Nirayaggahaṇena avīciādikaṃ anekappakāraṃ nirayameva dīpeti. Upapajjatīti nibbattati.
аанисам̣сагат̇аа вуд̇д̇авибарияааязна взд̣̇ид̇аб̣б̣аа. аяам̣ бана висзсо – сийлаваад̇и самаад̣̇аанавасзна сийлаваа. сийласамбаннод̇и барисуд̣̇д̇хам̣ барибун̣н̣ан̃жа гад̇ваа сийласса самаад̣̇аанзна сийласамбанно. бхог̇агканд̇ханд̇и бхог̇араасим̣. суг̇ад̇им̣ саг̇г̇ам̣ логанд̇и зд̇т̇а суг̇ад̇иг̇г̇ахан̣зна мануссаг̇ад̇иби сан̇г̇аяхад̇и, саг̇г̇аг̇г̇ахан̣зна д̣̇зваг̇ад̇и зва. д̇ад̇т̇а сунд̣̇араа г̇ад̇и суг̇ад̇и, руубаад̣̇ийхи висаязхи судту аг̇г̇од̇и саг̇г̇о, со саб̣б̣оби луж̇ж̇анабалуж̇ж̇анадтзна логод̇и.
Ānisaṃsakathā vuttavipariyāyena veditabbā. Ayaṃ pana viseso – sīlavāti samādānavasena sīlavā. Sīlasampannoti parisuddhaṃ paripuṇṇañca katvā sīlassa samādānena sīlasampanno. Bhogakkhandhanti bhogarāsiṃ. Sugatiṃ saggaṃ lokanti ettha sugatiggahaṇena manussagatipi saṅgayhati, saggaggahaṇena devagati eva. Tattha sundarā gati sugati, rūpādīhi visayehi suṭṭhu aggoti saggo, so sabbopi lujjanapalujjanaṭṭhena lokoti.
баадалиг̇аамияз убаасагз б̣ахуд̣̇зва рад̇д̇им̣ д̇хаммияаа гат̇ааяаад̇и ан̃н̃ааяаби баал̣имуд̇д̇ааяа д̇хаммагат̇ааяа жзва аавасат̇аанумод̣̇анагат̇ааяа жа. д̇ад̣̇аа хи бхаг̇аваа яасмаа аж̇аад̇асад̇д̇унаа д̇ад̇т̇а баадалибуд̇д̇анаг̇арам̣ маабзнд̇зна ан̃н̃зсу г̇ааманиг̇амаж̇анабад̣̇арааж̇ад̇хаанийсу яз сийлаажаарасамбаннаа гудумб̣игаа, д̇з аанзд̇ваа д̇ханад̇хан̃н̃агхаравад̇т̇укзд̇д̇авад̇т̇аад̣̇ийни жзва барихааран̃жа д̣̇аабзд̇ваа нивзсияанд̇и. д̇асмаа баадалиг̇аамияаа убаасагаа аанисам̣сад̣̇ассаавид̇ааяа висзсад̇о сийлаг̇аругаа саб̣б̣аг̇ун̣аанан̃жа сийласса ад̇хидтаанабхаавад̇о д̇зсам̣ батамам̣ сийлаанисам̣сз багаасзд̇ваа д̇ад̇о барам̣ аагаасаг̇ан̇г̇ам̣ од̇аарзнд̇о вияа, бат̇авож̇ам̣ аагад̣дханд̇о вияа, махааж̇амб̣ум̣ мад̇т̇агз г̇ахзд̇ваа жаалзнд̇о вияа, яож̇анигамад̇хуган̣д̣ам̣ жаггаяанд̇зна бийл̣зд̇ваа мад̇хурасам̣ бааяамаано вияа баадалиг̇аамигаанам̣ убаасагаанам̣ хид̇асукаавахам̣ багин̣н̣агагат̇ам̣ гат̇знд̇о ‘‘ааваасад̣̇аанам̣ наамзд̇ам̣ г̇ахабад̇аяо маханд̇ам̣ бун̃н̃ам̣, д̇умхаагам̣ ааваасо маяаа барибхуд̇д̇о, бхигкусан̇гхзна жа барибхуд̇д̇о, маяаа жа бхигкусан̇гхзна жа барибхуд̇д̇з бана д̇хаммарад̇анзнаби барибхуд̇д̇оязва ход̇и. звам̣ д̇ийхи рад̇анзхи барибхуд̇д̇з абаримзяяо жа вибааго, абижа ааваасад̣̇аанасмим̣ д̣̇иннз саб̣б̣ад̣̇аанам̣ д̣̇иннамзва ход̇и, бхуумадтагабан̣н̣асаалааяа ваа саакааман̣д̣абасса ваа сан̇гхам̣ уд̣̇д̣̇исса гад̇асса аанисам̣со барижчинд̣̇ид̇ум̣ на саггаа. ааваасад̣̇аанаанубхаавзна хи бхавз ниб̣б̣ад̇д̇амаанассаби самбийл̣ид̇аг̇аб̣бхаваасо наама на ход̇и, д̣̇ваад̣̇асахад̇т̇о овараго вияасса маад̇угужчи асамб̣аад̇хова ход̇ий’’д̇и звам̣ наанаанаязхи вижид̇д̇ам̣ б̣ахум̣ д̇хаммагат̇ам̣ гат̇зд̇ваа –
Pāṭaligāmiyeupāsake bahudeva rattiṃ dhammiyā kathāyāti aññāyapi pāḷimuttāya dhammakathāya ceva āvasathānumodanakathāya ca. Tadā hi bhagavā yasmā ajātasattunā tattha pāṭaliputtanagaraṃ māpentena aññesu gāmanigamajanapadarājadhānīsu ye sīlācārasampannā kuṭumbikā, te ānetvā dhanadhaññagharavatthukhettavatthādīni ceva parihārañca dāpetvā nivesiyanti. Tasmā pāṭaligāmiyā upāsakā ānisaṃsadassāvitāya visesato sīlagarukā sabbaguṇānañca sīlassa adhiṭṭhānabhāvato tesaṃ paṭhamaṃ sīlānisaṃse pakāsetvā tato paraṃ ākāsagaṅgaṃ otārento viya, pathavojaṃ ākaḍḍhanto viya, mahājambuṃ matthake gahetvā cālento viya, yojanikamadhukaṇḍaṃ cakkayantena pīḷetvā madhurasaṃ pāyamāno viya pāṭaligāmikānaṃ upāsakānaṃ hitasukhāvahaṃ pakiṇṇakakathaṃ kathento ‘‘āvāsadānaṃ nāmetaṃ gahapatayo mahantaṃ puññaṃ, tumhākaṃ āvāso mayā paribhutto, bhikkhusaṅghena ca paribhutto, mayā ca bhikkhusaṅghena ca paribhutte pana dhammaratanenapi paribhuttoyeva hoti. Evaṃ tīhi ratanehi paribhutte aparimeyyo ca vipāko, apica āvāsadānasmiṃ dinne sabbadānaṃ dinnameva hoti, bhūmaṭṭhakapaṇṇasālāya vā sākhāmaṇḍapassa vā saṅghaṃ uddissa katassa ānisaṃso paricchindituṃ na sakkā. Āvāsadānānubhāvena hi bhave nibbattamānassapi sampīḷitagabbhavāso nāma na hoti, dvādasahattho ovarako viyassa mātukucchi asambādhova hotī’’ti evaṃ nānānayehi vicittaṃ bahuṃ dhammakathaṃ kathetvā –
‘‘сийд̇ам̣ ун̣хам̣ бадиханд̇и, д̇ад̇о ваал̣амиг̇аани жа;
‘‘Sītaṃ uṇhaṃ paṭihanti, tato vāḷamigāni ca;
сарийсабз жа магасз, сисирз жааби вудтияо.
Sarīsape ca makase, sisire cāpi vuṭṭhiyo.
‘‘д̇ад̇о ваад̇аад̇або гхоро, сан̃ж̇аад̇о бадихан̃н̃ад̇и;
‘‘Tato vātātapo ghoro, sañjāto paṭihaññati;
лзн̣ад̇т̇ан̃жа сукад̇т̇ан̃жа, жхааяид̇ун̃жа вибассид̇ум̣.
Leṇatthañca sukhatthañca, jhāyituñca vipassituṃ.
‘‘вихаарад̣̇аанам̣ сан̇гхасса, аг̇г̇ам̣ б̣уд̣̇д̇хзна ван̣н̣ид̇ам̣;
‘‘Vihāradānaṃ saṅghassa, aggaṃ buddhena vaṇṇitaṃ;
д̇асмаа хи бан̣д̣ид̇о босо, самбассам̣ ад̇т̇амад̇д̇ано.
Tasmā hi paṇḍito poso, sampassaṃ atthamattano.
‘‘вихаарз гаараяз раммз, ваасаязд̇т̇а б̣ахуссуд̇з;
‘‘Vihāre kāraye ramme, vāsayettha bahussute;
д̇зсам̣ аннан̃жа баанан̃жа, вад̇т̇асзнаасанаани жа.
Tesaṃ annañca pānañca, vatthasenāsanāni ca.
‘‘д̣̇ад̣̇зяяа уж̇убхууд̇зсу, виббасаннзна жзд̇асаа;
‘‘Dadeyya ujubhūtesu, vippasannena cetasā;
д̇з д̇асса д̇хаммам̣ д̣̇зсзнд̇и, саб̣б̣ад̣̇угкаабанууд̣̇анам̣;
Te tassa dhammaṃ desenti, sabbadukkhāpanūdanaṃ;
яам̣ со д̇хаммам̣ ид̇хан̃н̃ааяа, бариниб̣б̣аад̇и анаасаво’’д̇и. (жуул̣ава. 295) –
Yaṃ so dhammaṃ idhaññāya, parinibbāti anāsavo’’ti. (cūḷava. 295) –
звам̣ аяамби ааваасад̣̇аанз аанисам̣сод̇и б̣ахуд̣̇зва рад̇д̇им̣ ад̇ирзгад̇арам̣ д̣̇ияад̣дхаяаамам̣ ааваасад̣̇аанаанисам̣сагат̇ам̣ гат̇зси. д̇ад̇т̇а имаа г̇аат̇аа д̇аава сан̇г̇ахам̣ аарул̣хаа, багин̣н̣агад̇хаммад̣̇зсанаа бана сан̇г̇ахам̣ наарохад̇и. санд̣̇ассзд̇ваад̇иаад̣̇ийни вуд̇д̇ад̇т̇аанзва.
Evaṃ ayampi āvāsadāne ānisaṃsoti bahudeva rattiṃ atirekataraṃ diyaḍḍhayāmaṃ āvāsadānānisaṃsakathaṃ kathesi. Tattha imā gāthā tāva saṅgahaṃ āruḷhā, pakiṇṇakadhammadesanā pana saṅgahaṃ nārohati. Sandassetvātiādīni vuttatthāneva.
абхигганд̇аад̇и ад̇игганд̇аа д̣̇вз яаамаа г̇ад̇аа. яасса д̣̇аани гаалам̣ ман̃н̃ат̇аад̇и яасса г̇аманасса д̇умхз гаалам̣ ман̃н̃ат̇а, г̇аманагаало д̇умхаагам̣, г̇ажчат̇аад̇и вуд̇д̇ам̣ ход̇и. гасмаа бана бхаг̇аваа д̇з уяяож̇зсийд̇и? анугамбааяа. д̇ияаамарад̇д̇ин̃хи д̇ад̇т̇а нисийд̣̇ид̇ваа вийд̇инаамзнд̇аанам̣ д̇зсам̣ сарийрз ааб̣аад̇хо уббаж̇ж̇зяяаад̇и, бхигкусан̇гхзби жа виббабхаад̇асаяананисаж̇ж̇ааяа огаасо лад̣̇д̇хум̣ ваддад̇и, ид̇и убхаяаанугамбааяа уяяож̇зсийд̇и. сун̃н̃ааг̇ааранд̇и баадиязггам̣ сун̃н̃ааг̇аарам̣ наама д̇ад̇т̇а над̇т̇и. д̇зна гира г̇ахабад̇аяо д̇ассзва аавасат̇ааг̇аарасса згабассз бадасаан̣ияаа баригкибаабзд̇ваа габбияаман̃жам̣ бан̃н̃аабзд̇ваа д̇ад̇т̇а габбияабажжад̇т̇аран̣ам̣ ад̇т̇арид̇ваа убари суван̣н̣араж̇ад̇ад̇аарагааг̇анд̇хамаалаад̣̇ибадиман̣д̣ид̇ам̣ вид̇аанам̣ б̣анд̇хид̇ваа д̇злаббад̣̇ийбам̣ ааробзсум̣ ‘‘аббзва наама сад̇т̇аа д̇хаммаасанад̇о вудтааяа т̇огам̣ виссамид̇угаамо ид̇ха нибаж̇ж̇зяяа, звам̣ но ид̣̇ам̣ аавасат̇ааг̇аарам̣ бхаг̇авад̇аа жад̇уухи ирияаабат̇зхи барибхуд̇д̇ам̣ д̣̇ийгхарад̇д̇ам̣ хид̇ааяа сукааяа бхависсад̇ий’’д̇и. сад̇т̇ааби д̇ад̣̇зва санд̇хааяа д̇ад̇т̇а сан̇гхаадим̣ бан̃н̃аабзд̇ваа сийхасзяяам̣ габбзси. д̇ам̣ санд̇хааяа вуд̇д̇ам̣ ‘‘сун̃н̃ааг̇аарам̣ баависий’’д̇и. д̇ад̇т̇а баад̣̇ад̇хованадтаанад̇о бадтааяа яаава д̇хаммаасанаа аг̇амааси, зд̇д̇агз таанз г̇аманам̣ нибпаннам̣. д̇хаммаасанам̣ бад̇ваа т̇огам̣ адтааси, ид̣̇ам̣ д̇ад̇т̇а таанам̣. бхаг̇аваа д̣̇вз яаамз д̇хаммаасанз нисийд̣̇и, зд̇д̇агз таанз нисаж̇ж̇аа нибпаннаа. убаасагз уяяож̇зд̇ваа д̇хаммаасанад̇о оруяха яат̇аавуд̇д̇з таанз сийхасзяяам̣ габбзси. звам̣ д̇ам̣ таанам̣ бхаг̇авад̇аа жад̇уухи ирияаабат̇зхи барибхуд̇д̇ам̣ ахосийд̇и.
Abhikkantāti atikkantā dve yāmā gatā. Yassa dāni kālaṃ maññathāti yassa gamanassa tumhe kālaṃ maññatha, gamanakālo tumhākaṃ, gacchathāti vuttaṃ hoti. Kasmā pana bhagavā te uyyojesīti? Anukampāya. Tiyāmarattiñhi tattha nisīditvā vītināmentānaṃ tesaṃ sarīre ābādho uppajjeyyāti, bhikkhusaṅghepi ca vippabhātasayananisajjāya okāso laddhuṃ vaṭṭati, iti ubhayānukampāya uyyojesīti. Suññāgāranti pāṭiyekkaṃ suññāgāraṃ nāma tattha natthi. Tena kira gahapatayo tasseva āvasathāgārassa ekapasse paṭasāṇiyā parikkhipāpetvā kappiyamañcaṃ paññāpetvā tattha kappiyapaccattharaṇaṃ attharitvā upari suvaṇṇarajatatārakāgandhamālādipaṭimaṇḍitaṃ vitānaṃ bandhitvā telappadīpaṃ āropesuṃ ‘‘appeva nāma satthā dhammāsanato vuṭṭhāya thokaṃ vissamitukāmo idha nipajjeyya, evaṃ no idaṃ āvasathāgāraṃ bhagavatā catūhi iriyāpathehi paribhuttaṃ dīgharattaṃ hitāya sukhāya bhavissatī’’ti. Satthāpi tadeva sandhāya tattha saṅghāṭiṃ paññāpetvā sīhaseyyaṃ kappesi. Taṃ sandhāya vuttaṃ ‘‘suññāgāraṃ pāvisī’’ti. Tattha pādadhovanaṭṭhānato paṭṭhāya yāva dhammāsanā agamāsi, ettake ṭhāne gamanaṃ nipphannaṃ. Dhammāsanaṃ patvā thokaṃ aṭṭhāsi, idaṃ tattha ṭhānaṃ. Bhagavā dve yāme dhammāsane nisīdi, ettake ṭhāne nisajjā nipphannā. Upāsake uyyojetvā dhammāsanato oruyha yathāvutte ṭhāne sīhaseyyaṃ kappesi. Evaṃ taṃ ṭhānaṃ bhagavatā catūhi iriyāpathehi paribhuttaṃ ahosīti.
сунид̇хавассагаараад̇и сунид̇хо жа вассагааро жа д̣̇вз б̣раахман̣аа. маг̇ад̇хамахаамад̇д̇аад̇и маг̇ад̇харан̃н̃о махааамажжаа, маг̇ад̇харадтз ваа махаамад̇д̇аа махад̇ияаа иссарияамад̇д̇ааяа саманнааг̇ад̇аад̇и махаамад̇д̇аа. баадалиг̇аамз наг̇арам̣ маабзнд̇ийд̇и баадалиг̇аамасан̇каад̇з бхуумибад̣̇зсз наг̇арам̣ маабзнд̇и. важ̇ж̇ийнам̣ бадиб̣аахааяаад̇и лижчавирааж̇уунам̣ ааяамукаббажчинд̣̇анад̇т̇ам̣. сахассасахассзваад̇и згзгаваг̇г̇авасзна сахассам̣ сахассам̣ худ̇ваа. вад̇т̇уунийд̇и гхаравад̇т̇ууни. жид̇д̇аани наманд̇и нивзсанаани маабзд̇унд̇и ран̃н̃о рааж̇амахаамад̇д̇аанан̃жа нивзсанаани маабзд̇ум̣ вад̇т̇увиж̇ж̇аабаатагаанам̣ жид̇д̇аани наманд̇и. д̇з гира ад̇д̇ано сиббаанубхаавзна хздтаабат̇авияам̣ д̇им̣сахад̇т̇амад̇д̇з таанз ‘‘ид̇ха нааг̇аг̇г̇аахо, ид̇ха яагкаг̇г̇аахо, ид̇ха бхууд̇аг̇г̇аахо, ид̇ха баасаан̣о ваа каан̣уго ваа ад̇т̇ий’’д̇и ж̇аананд̇и. д̇з д̇ад̣̇аа сиббам̣ ж̇аббзд̇ваа д̣̇звад̇аахи сад̣̇д̇хим̣ самманд̇аяамаанаа вияа маабзнд̇и.
Sunidhavassakārāti sunidho ca vassakāro ca dve brāhmaṇā. Magadhamahāmattāti magadharañño mahāamaccā, magadharaṭṭhe vā mahāmattā mahatiyā issariyamattāya samannāgatāti mahāmattā. Pāṭaligāme nagaraṃ māpentīti pāṭaligāmasaṅkhāte bhūmipadese nagaraṃ māpenti. Vajjīnaṃ paṭibāhāyāti licchavirājūnaṃ āyamukhappacchindanatthaṃ. Sahassasahassevāti ekekavaggavasena sahassaṃ sahassaṃ hutvā. Vatthūnīti gharavatthūni. Cittāni namanti nivesanāni māpetunti rañño rājamahāmattānañca nivesanāni māpetuṃ vatthuvijjāpāṭhakānaṃ cittāni namanti. Te kira attano sippānubhāvena heṭṭhāpathaviyaṃ tiṃsahatthamatte ṭhāne ‘‘idha nāgaggāho, idha yakkhaggāho, idha bhūtaggāho, idha pāsāṇo vā khāṇuko vā atthī’’ti jānanti. Te tadā sippaṃ jappetvā devatāhi saddhiṃ sammantayamānā viya māpenti.
ат̇а ваа нзсам̣ сарийрз д̣̇звад̇аа ад̇химужжид̇ваа д̇ад̇т̇а д̇ад̇т̇а нивзсанаани маабзд̇ум̣ жид̇д̇ам̣ наамзнд̇и. д̇аа жад̇уусу гон̣зсу каан̣угз годдзд̇ваа вад̇т̇умхи г̇ахид̇амад̇д̇з бадивиг̇ажчанд̇и. сад̣̇д̇хагулаанам̣ сад̣̇д̇хаа д̣̇звад̇аа д̇ат̇аа гаронд̇и, ассад̣̇д̇хагулаанам̣ ассад̣̇д̇хаа д̣̇звад̇аа. гим̣гааран̣аа? сад̣̇д̇хаанан̃хи звам̣ ход̇и ‘‘ид̇ха мануссаа нивзсанам̣ маабзнд̇аа батамам̣ бхигкусан̇гхам̣ нисийд̣̇аабзд̇ваа ман̇г̇алам̣ вад̣̇аабзссанд̇и, ат̇а маяам̣ сийлаванд̇аанам̣ д̣̇ассанам̣ д̇хаммагат̇ам̣ бан̃хависсаж̇ж̇анам̣ анумод̣̇анам̣ сод̇ум̣ лабхиссаама, мануссаа жа д̣̇аанам̣ д̣̇ад̇ваа амхаагам̣ бад̇д̇им̣ д̣̇ассанд̇ий’’д̇и. ассад̣̇д̇хаа д̣̇звад̇ааби ‘‘ад̇д̇ано ижчаануруубам̣ д̇зсам̣ бадибад̇д̇им̣ бассид̇ум̣, гат̇ан̃жа сод̇ум̣ лабхиссаамаа’’д̇и д̇ат̇аа гаронд̇и.
Atha vā nesaṃ sarīre devatā adhimuccitvā tattha tattha nivesanāni māpetuṃ cittaṃ nāmenti. Tā catūsu koṇesu khāṇuke koṭṭetvā vatthumhi gahitamatte paṭivigacchanti. Saddhakulānaṃ saddhā devatā tathā karonti, assaddhakulānaṃ assaddhā devatā. Kiṃkāraṇā? Saddhānañhi evaṃ hoti ‘‘idha manussā nivesanaṃ māpentā paṭhamaṃ bhikkhusaṅghaṃ nisīdāpetvā maṅgalaṃ vadāpessanti, atha mayaṃ sīlavantānaṃ dassanaṃ dhammakathaṃ pañhavissajjanaṃ anumodanaṃ sotuṃ labhissāma, manussā ca dānaṃ datvā amhākaṃ pattiṃ dassantī’’ti. Assaddhā devatāpi ‘‘attano icchānurūpaṃ tesaṃ paṭipattiṃ passituṃ, kathañca sotuṃ labhissāmā’’ti tathā karonti.
д̇аавад̇им̣сзхийд̇и яат̇аа хи згасмим̣ гулз згам̣ бан̣д̣ид̇амануссам̣, згасмин̃жа вихаарз згам̣ б̣ахуссуд̇ам̣ бхигкум̣ убаад̣̇ааяа ‘‘асугагулз мануссаа бан̣д̣ид̇аа, асугавихаарз бхигкуу б̣ахуссуд̇аа’’д̇и сад̣̇д̣̇о аб̣бхуг̇г̇ажчад̇и, звамзва саггам̣ д̣̇зварааж̇аанам̣, виссагамман̃жа д̣̇звабуд̇д̇ам̣ убаад̣̇ааяа ‘‘д̇аавад̇им̣саа бан̣д̣ид̇аа’’д̇и сад̣̇д̣̇о аб̣бхуг̇г̇ад̇о. д̇знааха ‘‘д̇аавад̇им̣сзхий’’д̇и. сзяяат̇аабийд̇иаад̣̇инаа д̣̇звзхи д̇аавад̇им̣сзхи сад̣̇д̇хим̣ манд̇зд̇ваа вияа сунид̇хавассагаараа наг̇арам̣ маабзнд̇ийд̇и д̣̇ассзд̇и.
Tāvatiṃsehīti yathā hi ekasmiṃ kule ekaṃ paṇḍitamanussaṃ, ekasmiñca vihāre ekaṃ bahussutaṃ bhikkhuṃ upādāya ‘‘asukakule manussā paṇḍitā, asukavihāre bhikkhū bahussutā’’ti saddo abbhuggacchati, evameva sakkaṃ devarājānaṃ, vissakammañca devaputtaṃ upādāya ‘‘tāvatiṃsā paṇḍitā’’ti saddo abbhuggato. Tenāha ‘‘tāvatiṃsehī’’ti. Seyyathāpītiādinā devehi tāvatiṃsehi saddhiṃ mantetvā viya sunidhavassakārā nagaraṃ māpentīti dasseti.
яаавад̇аа, аананд̣̇а, арияам̣ ааяад̇ананд̇и яад̇д̇агам̣ арияамануссаанам̣ осаран̣адтаанам̣ наама ад̇т̇и. яаавад̇аа ван̣иббат̇од̇и яад̇д̇агам̣ ваан̣иж̇аанам̣ аахадабхан̣д̣асса раасивасзна гаяавиггаяадтаанам̣ наама, ваан̣иж̇аанам̣ васанадтаанам̣ ваа ад̇т̇и. ид̣̇ам̣ аг̇г̇анаг̇аранд̇и д̇зсам̣ арияааяад̇анаван̣иббат̇аанам̣ ид̣̇ам̣ наг̇арам̣ аг̇г̇ам̣ бхависсад̇и ж̇здтагам̣ баамогкам̣. будабхзд̣̇ананд̇и бхан̣д̣абудабхзд̣̇анадтаанам̣, бхан̣д̣абхан̣д̣игаанам̣ можанадтаананд̇и вуд̇д̇ам̣ ход̇и. сагалаж̇амб̣уд̣̇ийбз алад̣̇д̇хабхан̣д̣амби хи ид̇хзва лабхиссанд̇и, ан̃н̃ад̇т̇а виггаяам̣ аг̇ажчанд̇ааби ид̇хзва виггаяам̣ г̇ажчиссанд̇и, д̇асмаа ид̇хзва будам̣ бхинд̣̇иссанд̇ийд̇и ад̇т̇о. ааяаанамби хи жад̇уусу д̣̇ваарзсу жад̇д̇аари, сабхааяам̣ зганд̇и звам̣ д̣̇ивасз д̣̇ивасз бан̃жасад̇асахассаани д̇ад̇т̇а удтахиссанд̇и. д̇аани сабхааваани ааяаанийд̇и д̣̇ассзд̇и.
Yāvatā, ānanda, ariyaṃ āyatananti yattakaṃ ariyamanussānaṃ osaraṇaṭṭhānaṃ nāma atthi. Yāvatā vaṇippathoti yattakaṃ vāṇijānaṃ āhaṭabhaṇḍassa rāsivasena kayavikkayaṭṭhānaṃ nāma, vāṇijānaṃ vasanaṭṭhānaṃ vā atthi. Idaṃ agganagaranti tesaṃ ariyāyatanavaṇippathānaṃ idaṃ nagaraṃ aggaṃ bhavissati jeṭṭhakaṃ pāmokkhaṃ. Puṭabhedananti bhaṇḍapuṭabhedanaṭṭhānaṃ, bhaṇḍabhaṇḍikānaṃ mocanaṭṭhānanti vuttaṃ hoti. Sakalajambudīpe aladdhabhaṇḍampi hi idheva labhissanti, aññattha vikkayaṃ agacchantāpi idheva vikkayaṃ gacchissanti, tasmā idheva puṭaṃ bhindissantīti attho. Āyānampi hi catūsu dvāresu cattāri, sabhāyaṃ ekanti evaṃ divase divase pañcasatasahassāni tattha uṭṭhahissanti. Tāni sabhāvāni āyānīti dasseti.
аг̇г̇ид̇о ваад̇иаад̣̇ийсу самужжаяад̇т̇о ваасад̣̇д̣̇о, аг̇г̇инаа жа уд̣̇агзна жа мит̇убхзд̣̇зна жа нассиссад̇ийд̇и ад̇т̇о. д̇асса хи зго годтаасо аг̇г̇инаа нассиссад̇и, ниб̣б̣аабзд̇ум̣ на сагкиссанд̇и, згам̣ годтаасам̣ г̇ан̇г̇аа г̇ахзд̇ваа г̇амиссад̇и, зго иминаа агат̇ид̇ам̣ амусса, амунаа агат̇ид̇ам̣ имасса вад̣̇анд̇аанам̣ бисун̣аваажаанам̣ васзна бхиннаанам̣ мануссаанам̣ ан̃н̃аман̃н̃абхзд̣̇зна винассиссад̇и. звам̣ вад̇ваа бхаг̇аваа бажжуусагаалз г̇ан̇г̇аад̇ийрам̣ г̇анд̇ваа гад̇амукад̇ховано бхигкаажааравзлам̣ ааг̇амаяамаано нисийд̣̇и.
Aggito vātiādīsu samuccayattho vāsaddo, agginā ca udakena ca mithubhedena ca nassissatīti attho. Tassa hi eko koṭṭhāso agginā nassissati, nibbāpetuṃ na sakkhissanti, ekaṃ koṭṭhāsaṃ gaṅgā gahetvā gamissati, eko iminā akathitaṃ amussa, amunā akathitaṃ imassa vadantānaṃ pisuṇavācānaṃ vasena bhinnānaṃ manussānaṃ aññamaññabhedena vinassissati. Evaṃ vatvā bhagavā paccūsakāle gaṅgātīraṃ gantvā katamukhadhovano bhikkhācāravelaṃ āgamayamāno nisīdi.
сунид̇хавассагаарааби ‘‘амхаагам̣ рааж̇аа саман̣асса г̇од̇амасса убадтааго , со амхз убаг̇ад̇з бужчиссад̇и ‘сад̇т̇аа гира баадалиг̇аамам̣ аг̇амааси, гим̣ д̇асса санд̇игам̣ убасан̇гамид̇т̇а, на убасан̇гамид̇т̇аа’д̇и. ‘убасан̇гамимхаа’д̇и жа вуд̇д̇з ‘ниманд̇аяид̇т̇а, на ниманд̇аяид̇т̇аа’д̇и бужчиссад̇и. ‘на ниманд̇аяимхаа’д̇и жа вуд̇д̇з амхаагам̣ д̣̇осам̣ ааробзд̇ваа ниг̇г̇ан̣хиссад̇и, ид̣̇ан̃жааби маяам̣ агад̇адтаанз наг̇арам̣ маабзма, саман̣асса ко бана г̇од̇амасса г̇ад̇аг̇ад̇адтаанз гаал̣аган̣н̣исад̇д̇аа бадиггаманд̇и, д̇ам̣ маяам̣ наг̇араман̇г̇алам̣ ваажаабзссаамаа’’д̇и жинд̇зд̇ваа сад̇т̇аарам̣ убасан̇гамид̇ваа ниманд̇аяим̣су. д̇зна вуд̇д̇ам̣ – ‘‘ат̇а ко сунид̇хавассагаараа’’д̇иаад̣̇и.
Sunidhavassakārāpi ‘‘amhākaṃ rājā samaṇassa gotamassa upaṭṭhāko , so amhe upagate pucchissati ‘satthā kira pāṭaligāmaṃ agamāsi, kiṃ tassa santikaṃ upasaṅkamittha, na upasaṅkamitthā’ti. ‘Upasaṅkamimhā’ti ca vutte ‘nimantayittha, na nimantayitthā’ti pucchissati. ‘Na nimantayimhā’ti ca vutte amhākaṃ dosaṃ āropetvā niggaṇhissati, idañcāpi mayaṃ akataṭṭhāne nagaraṃ māpema, samaṇassa kho pana gotamassa gatagataṭṭhāne kāḷakaṇṇisattā paṭikkamanti, taṃ mayaṃ nagaramaṅgalaṃ vācāpessāmā’’ti cintetvā satthāraṃ upasaṅkamitvā nimantayiṃsu. Tena vuttaṃ – ‘‘atha kho sunidhavassakārā’’tiādi.
буб̣б̣ан̣хасамаяанд̇и буб̣б̣ан̣хз гаалз. ниваасзд̇ваад̇и г̇аамабавзсананийхаарзна ниваасанам̣ ниваасзд̇ваа гааяаб̣анд̇ханам̣ б̣анд̇хид̇ваа. бад̇д̇ажийварамаад̣̇ааяаад̇и жийварам̣ баарубид̇ваа бад̇д̇ам̣ хад̇т̇зна г̇ахзд̇ваа.
Pubbaṇhasamayanti pubbaṇhe kāle. Nivāsetvāti gāmapavesananīhārena nivāsanaṃ nivāsetvā kāyabandhanaṃ bandhitvā. Pattacīvaramādāyāti cīvaraṃ pārupitvā pattaṃ hatthena gahetvā.
сийлаванд̇зд̇т̇аад̇и сийлаванд̇о зд̇т̇а ад̇д̇ано васанадтаанз. сан̃н̃ад̇зд̇и гааяаваажаажид̇д̇зхи сан̃н̃ад̇з. д̇аасам̣ д̣̇агкин̣амаад̣̇исзд̇и сан̇гхасса д̣̇иннз жад̇д̇ааро бажжаяз д̇аасам̣ гхарад̣̇звад̇аанам̣ аад̣̇исзяяа бад̇д̇им̣ д̣̇ад̣̇зяяа. бууж̇ид̇аа бууж̇аяанд̇ийд̇и ‘‘имз мануссаа амхаагам̣ н̃аад̇агааби на хонд̇и, звамби но бад̇д̇им̣ д̣̇знд̇ий’’д̇и аарагкам̣ сусам̣вихид̇ам̣ гаронд̇и судту аарагкам̣ гаронд̇и. маанид̇аа маанаяанд̇ийд̇и гаалаанугаалам̣ б̣алигаммагаран̣зна маанид̇аа ‘‘зд̇з мануссаа амхаагам̣ н̃аад̇агааби на хонд̇и, д̇ат̇ааби жад̇убан̃жачамаасанд̇арам̣ но б̣алигаммам̣ гаронд̇ий’’д̇и маанзнд̇и уббаннабариссаяам̣ харанд̇и. д̇ад̇о нанд̇и д̇ад̇о д̇ам̣ бан̣д̣ид̇аж̇аад̇игам̣ бурисам̣. орасанд̇и урз табзд̇ваа вад̣дхид̇ам̣, яат̇аа маад̇аа орасам̣ буд̇д̇ам̣ анугамбад̇и, уббаннабариссаяахаран̣ад̇т̇амзвасса яат̇аа вааяамад̇и, звам̣ анугамбанд̇ийд̇и ад̇т̇о. бхад̣̇раани бассад̇ийд̇и сунд̣̇араани бассад̇и.
Sīlavantetthāti sīlavanto ettha attano vasanaṭṭhāne. Saññateti kāyavācācittehi saññate. Tāsaṃ dakkhiṇamādiseti saṅghassa dinne cattāro paccaye tāsaṃ gharadevatānaṃ ādiseyya pattiṃ dadeyya. Pūjitā pūjayantīti ‘‘ime manussā amhākaṃ ñātakāpi na honti, evampi no pattiṃ dentī’’ti ārakkhaṃ susaṃvihitaṃ karonti suṭṭhu ārakkhaṃ karonti. Mānitā mānayantīti kālānukālaṃ balikammakaraṇena mānitā ‘‘ete manussā amhākaṃ ñātakāpi na honti, tathāpi catupañcachamāsantaraṃ no balikammaṃ karontī’’ti mānenti uppannaparissayaṃ haranti. Tato nanti tato taṃ paṇḍitajātikaṃ purisaṃ. Orasanti ure ṭhapetvā vaḍḍhitaṃ, yathā mātā orasaṃ puttaṃ anukampati, uppannaparissayaharaṇatthamevassa yathā vāyamati, evaṃ anukampantīti attho. Bhadrāni passatīti sundarāni passati.
анумод̣̇ид̇ваад̇и д̇зхи д̇ад̣̇аа басуд̇абун̃н̃асса анумод̣̇анавасзна д̇зсам̣ д̇хаммагат̇ам̣ гад̇ваа. сунид̇хавассагаарааби ‘‘яаа д̇ад̇т̇а д̣̇звад̇аа аасум̣, д̇аасам̣ д̣̇агкин̣амаад̣̇исз’’д̇и бхаг̇авад̇о важанам̣ суд̇ваа д̣̇звад̇аанам̣ бад̇д̇им̣ ад̣̇ам̣су. д̇ам̣ г̇од̇амад̣̇ваарам̣ наама ахосийд̇и д̇асса наг̇арасса язна д̣̇ваарзна бхаг̇аваа нигками, д̇ам̣ г̇од̇амад̣̇ваарам̣ наама ахоси. г̇ан̇г̇ааяа бана уд̇д̇аран̣ад̇т̇ам̣ анод̇ин̣н̣ад̇д̇аа г̇од̇амад̇ид̇т̇ам̣ наама наахоси. буураад̇и бун̣н̣аа. самад̇ид̇д̇игаад̇и д̇адасамам̣ уд̣̇агасса д̇ид̇д̇аа бхарид̇аа. гаагабзяяаад̇и д̇ийрз тид̇агаагзхи баад̇ум̣ саггун̣зяяауд̣̇агаа. д̣̇вийхиби бад̣̇зхи убхад̇огууласамам̣ барибун̣н̣абхаавамзва д̣̇ассзд̇и. ул̣умбанд̇и баараг̇аманад̇т̇ааяа д̣̇аарууни сан̇гхаадзд̇ваа аан̣ияо годдзд̇ваа гад̇ам̣. гулланд̇и взл̣уд̣̇ан̣д̣аад̣̇игз валлиаад̣̇ийхи б̣анд̇хид̇ваа гад̇ам̣.
Anumoditvāti tehi tadā pasutapuññassa anumodanavasena tesaṃ dhammakathaṃ katvā. Sunidhavassakārāpi ‘‘yā tattha devatā āsuṃ, tāsaṃ dakkhiṇamādise’’ti bhagavato vacanaṃ sutvā devatānaṃ pattiṃ adaṃsu. Taṃ gotamadvāraṃ nāma ahosīti tassa nagarassa yena dvārena bhagavā nikkhami, taṃ gotamadvāraṃ nāma ahosi. Gaṅgāya pana uttaraṇatthaṃ anotiṇṇattā gotamatitthaṃ nāma nāhosi. Pūrāti puṇṇā. Samatittikāti taṭasamaṃ udakassa tittā bharitā. Kākapeyyāti tīre ṭhitakākehi pātuṃ sakkuṇeyyaudakā. Dvīhipi padehi ubhatokūlasamaṃ paripuṇṇabhāvameva dasseti. Uḷumpanti pāragamanatthāya dārūni saṅghāṭetvā āṇiyo koṭṭetvā kataṃ. Kullanti veḷudaṇḍādike valliādīhi bandhitvā kataṃ.
зд̇амад̇т̇ам̣ вид̣̇ид̇ваад̇и зд̇ам̣ махааж̇анасса г̇ан̇г̇од̣̇агамад̇д̇ассаби гзвалам̣ д̇арид̇ум̣ асамад̇т̇ад̇ам̣, ад̇д̇ано бана бхигкусан̇гхасса жа ад̇иг̇амбхийравид̇т̇ад̇ам̣ сам̣саарамахан̣н̣авам̣ д̇арид̇ваа тид̇абхааван̃жа саб̣б̣аагаарад̇о вид̣̇ид̇ваа д̇ад̣̇ад̇т̇абарид̣̇ийбанам̣ имам̣ уд̣̇аанам̣ уд̣̇аанзси.
Etamatthaṃviditvāti etaṃ mahājanassa gaṅgodakamattassapi kevalaṃ tarituṃ asamatthataṃ, attano pana bhikkhusaṅghassa ca atigambhīravitthataṃ saṃsāramahaṇṇavaṃ taritvā ṭhitabhāvañca sabbākārato viditvā tadatthaparidīpanaṃ imaṃ udānaṃ udānesi.
д̇ад̇т̇а ан̣н̣аванд̇и саб̣б̣анд̇имзна барижчзд̣̇зна яож̇анамад̇д̇ам̣ г̇амбхийрасса жа вид̇т̇ад̇асса жа уд̣̇агадтаанассзд̇ам̣ ад̇хиважанам̣. саранд̇и сарид̇ваа г̇аманад̇о ид̇ха над̣̇ий ад̇хиббзд̇аа. ид̣̇ам̣ вуд̇д̇ам̣ ход̇и – яз г̇амбхийравид̇т̇ад̇ам̣ сам̣сааран̣н̣авам̣ д̇ан̣хаасарид̇ан̃жа д̇аранд̇и, д̇з арияамаг̇г̇асан̇каад̇ам̣ сзд̇ум̣ гад̇ваана висаж̇ж̇а баллалаани анаамасид̇ваава уд̣̇агабхарид̇аани ниннадтаанаани, аяам̣ бана ид̣̇ам̣ аббамад̇д̇агам̣ уд̣̇агам̣ д̇арид̇угаамо гуллан̃хи ж̇ано баб̣анд̇хад̇и гуллам̣ б̣анд̇хид̇ум̣ ааяаасам̣ аабаж̇ж̇ад̇и. д̇ин̣н̣аа мзд̇хаавино ж̇анаад̇и арияамаг̇г̇ан̃аан̣асан̇каад̇ааяа мзд̇хааяа саманнааг̇ад̇ад̇д̇аа мзд̇хаавино б̣уд̣̇д̇хаа жа б̣уд̣̇д̇хасаавагаа жа винаа зва гуллзна д̇ин̣н̣аа барад̇ийрз бад̇идтид̇аад̇и.
Tattha aṇṇavanti sabbantimena paricchedena yojanamattaṃ gambhīrassa ca vitthatassa ca udakaṭṭhānassetaṃ adhivacanaṃ. Saranti saritvā gamanato idha nadī adhippetā. Idaṃ vuttaṃ hoti – ye gambhīravitthataṃ saṃsāraṇṇavaṃ taṇhāsaritañca taranti, te ariyamaggasaṅkhātaṃ setuṃ katvāna visajja pallalāni anāmasitvāva udakabharitāni ninnaṭṭhānāni, ayaṃ pana idaṃ appamattakaṃ udakaṃ taritukāmo kullañhi jano pabandhati kullaṃ bandhituṃ āyāsaṃ āpajjati. Tiṇṇā medhāvino janāti ariyamaggañāṇasaṅkhātāya medhāya samannāgatattā medhāvino buddhā ca buddhasāvakā ca vinā eva kullena tiṇṇā paratīre patiṭṭhitāti.
чадтасуд̇д̇аван̣н̣анаа нидтид̇аа.
Chaṭṭhasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / уд̣̇аанабаал̣и • Udānapāḷi / 6. баадалиг̇аамияасуд̇д̇ам̣ • 6. Pāṭaligāmiyasuttaṃ
