| Library / Tipiṭaka / तिपिटक • Tipiṭaka / अपदानपाळि • Apadānapāḷi |
८. पाटलिपुप्फियत्थेरअपदानं
8. Pāṭalipupphiyattheraapadānaṃ
३६.
36.
‘‘सुवण्णवण्णं सम्बुद्धं, गच्छन्तं अन्तरापणे।
‘‘Suvaṇṇavaṇṇaṃ sambuddhaṃ, gacchantaṃ antarāpaṇe;
कञ्चनग्घियसङ्कासं, बात्तिंसवरलक्खणं॥
Kañcanagghiyasaṅkāsaṃ, bāttiṃsavaralakkhaṇaṃ.
३७.
37.
‘‘सेट्ठिपुत्तो तदा आसिं, सुखुमालो सुखेधितो।
‘‘Seṭṭhiputto tadā āsiṃ, sukhumālo sukhedhito;
३८.
38.
‘‘हट्ठो हट्ठेन चित्तेन, पुप्फेहि अभिपूजयिं।
‘‘Haṭṭho haṭṭhena cittena, pupphehi abhipūjayiṃ;
तिस्सं लोकविदुं नाथं, नरदेवं नमस्सहं॥
Tissaṃ lokaviduṃ nāthaṃ, naradevaṃ namassahaṃ.
३९.
39.
‘‘द्वेनवुते इतो कप्पे, यं कम्ममकरिं तदा।
‘‘Dvenavute ito kappe, yaṃ kammamakariṃ tadā;
दुग्गतिं नाभिजानामि, पुप्फपूजायिदं फलं॥
Duggatiṃ nābhijānāmi, pupphapūjāyidaṃ phalaṃ.
४०.
40.
‘‘इतो तेसट्ठिकप्पम्हि, अभिसम्मतनामको।
‘‘Ito tesaṭṭhikappamhi, abhisammatanāmako;
सत्तरतनसम्पन्नो, चक्कवत्ती महब्बलो॥
Sattaratanasampanno, cakkavattī mahabbalo.
४१.
41.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं आयस्मा पाटलिपुप्फियो थेरो इमा गाथायो अभासित्थाति।
Itthaṃ sudaṃ āyasmā pāṭalipupphiyo thero imā gāthāyo abhāsitthāti.
पाटलिपुप्फियत्थेरस्सापदानं अट्ठमं।
Pāṭalipupphiyattherassāpadānaṃ aṭṭhamaṃ.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / अपदान-अट्ठकथा • Apadāna-aṭṭhakathā / ८. पाटलिपुप्फियत्थेरअपदानवण्णना • 8. Pāṭalipupphiyattheraapadānavaṇṇanā
