| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๘. ปาฎลิปุปฺผิยเตฺถรอปทานํ
8. Pāṭalipupphiyattheraapadānaṃ
๓๖.
36.
‘‘สุวณฺณวณฺณํ สมฺพุทฺธํ, คจฺฉนฺตํ อนฺตราปเณ;
‘‘Suvaṇṇavaṇṇaṃ sambuddhaṃ, gacchantaṃ antarāpaṇe;
กญฺจนคฺฆิยสงฺกาสํ, พาตฺติํสวรลกฺขณํฯ
Kañcanagghiyasaṅkāsaṃ, bāttiṃsavaralakkhaṇaṃ.
๓๗.
37.
‘‘เสฎฺฐิปุโตฺต ตทา อาสิํ, สุขุมาโล สุเขธิโต;
‘‘Seṭṭhiputto tadā āsiṃ, sukhumālo sukhedhito;
๓๘.
38.
‘‘หโฎฺฐ หเฎฺฐน จิเตฺตน, ปุเปฺผหิ อภิปูชยิํ;
‘‘Haṭṭho haṭṭhena cittena, pupphehi abhipūjayiṃ;
ติสฺสํ โลกวิทุํ นาถํ, นรเทวํ นมสฺสหํฯ
Tissaṃ lokaviduṃ nāthaṃ, naradevaṃ namassahaṃ.
๓๙.
39.
‘‘เทฺวนวุเต อิโต กเปฺป, ยํ กมฺมมกริํ ตทา;
‘‘Dvenavute ito kappe, yaṃ kammamakariṃ tadā;
ทุคฺคติํ นาภิชานามิ, ปุปฺผปูชายิทํ ผลํฯ
Duggatiṃ nābhijānāmi, pupphapūjāyidaṃ phalaṃ.
๔๐.
40.
‘‘อิโต เตสฎฺฐิกปฺปมฺหิ, อภิสมฺมตนามโก;
‘‘Ito tesaṭṭhikappamhi, abhisammatanāmako;
สตฺตรตนสมฺปโนฺน, จกฺกวตฺตี มหพฺพโลฯ
Sattaratanasampanno, cakkavattī mahabbalo.
๔๑.
41.
‘‘ปฎิสมฺภิทา จตโสฺส…เป.… กตํ พุทฺธสฺส สาสนํ’’ฯ
‘‘Paṭisambhidā catasso…pe… kataṃ buddhassa sāsanaṃ’’.
อิตฺถํ สุทํ อายสฺมา ปาฎลิปุปฺผิโย เถโร อิมา คาถาโย อภาสิตฺถาติฯ
Itthaṃ sudaṃ āyasmā pāṭalipupphiyo thero imā gāthāyo abhāsitthāti.
ปาฎลิปุปฺผิยเตฺถรสฺสาปทานํ อฎฺฐมํฯ
Pāṭalipupphiyattherassāpadānaṃ aṭṭhamaṃ.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / อปทาน-อฎฺฐกถา • Apadāna-aṭṭhakathā / ๘. ปาฎลิปุปฺผิยเตฺถรอปทานวณฺณนา • 8. Pāṭalipupphiyattheraapadānavaṇṇanā
