| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๒. ปาฎลิปุปฺผิยเตฺถรอปทานํ
2. Pāṭalipupphiyattheraapadānaṃ
๖.
6.
‘‘วิปสฺสี นาม ภควา, สยมฺภู อคฺคปุคฺคโล;
‘‘Vipassī nāma bhagavā, sayambhū aggapuggalo;
ปุรกฺขโต สสิเสฺสหิ, ปาวิสิ พนฺธุมํ ชิโนฯ
Purakkhato sasissehi, pāvisi bandhumaṃ jino.
๗.
7.
‘‘ตีณิ ปาฎลิปุปฺผานิ, อุจฺฉเงฺค ฐปิตานิ เม;
‘‘Tīṇi pāṭalipupphāni, ucchaṅge ṭhapitāni me;
สีสํ นฺหายิตุกาโมว, นทีติตฺถํ อคจฺฉหํฯ
Sīsaṃ nhāyitukāmova, nadītitthaṃ agacchahaṃ.
๘.
8.
‘‘นิกฺขมฺม พนฺธุมติยา, อทฺทสํ โลกนายกํ;
‘‘Nikkhamma bandhumatiyā, addasaṃ lokanāyakaṃ;
อินฺทีวรํว ชลิตํ, อาทิตฺตํว หุตาสนํฯ
Indīvaraṃva jalitaṃ, ādittaṃva hutāsanaṃ.
๙.
9.
‘‘พฺยคฺฆูสภํว ปวรํ, อภิชาตํว เกสริํ;
‘‘Byagghūsabhaṃva pavaraṃ, abhijātaṃva kesariṃ;
คจฺฉนฺตํ สมณานคฺคํ, ภิกฺขุสงฺฆปุรกฺขตํฯ
Gacchantaṃ samaṇānaggaṃ, bhikkhusaṅghapurakkhataṃ.
๑๐.
10.
คเหตฺวา ตีณิ ปุปฺผานิ, พุทฺธเสฎฺฐํ อปูชยิํฯ
Gahetvā tīṇi pupphāni, buddhaseṭṭhaṃ apūjayiṃ.
๑๑.
11.
‘‘เอกนวุติโต กเปฺป, ยํ ปุปฺผมภิปูชยิํ;
‘‘Ekanavutito kappe, yaṃ pupphamabhipūjayiṃ;
ทุคฺคติํ นาภิชานามิ, พุทฺธปูชายิทํ ผลํฯ
Duggatiṃ nābhijānāmi, buddhapūjāyidaṃ phalaṃ.
๑๒.
12.
‘‘ปฎิสมฺภิทา จตโสฺส…เป.… กตํ พุทฺธสฺส สาสนํ’’ฯ
‘‘Paṭisambhidā catasso…pe… kataṃ buddhassa sāsanaṃ’’.
อิตฺถํ สุทํ อายสฺมา ปาฎลิปุปฺผิโย เถโร อิมา คาถาโย อภาสิตฺถาติฯ
Itthaṃ sudaṃ āyasmā pāṭalipupphiyo thero imā gāthāyo abhāsitthāti.
ปาฎลิปุปฺผิยเตฺถรสฺสาปทานํ ทุติยํฯ
Pāṭalipupphiyattherassāpadānaṃ dutiyaṃ.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / อปทาน-อฎฺฐกถา • Apadāna-aṭṭhakathā / ๑. ลกุณฺฑกภทฺทิยเตฺถรอปทานวณฺณนา • 1. Lakuṇḍakabhaddiyattheraapadānavaṇṇanā
