| Library / Tipiṭaka / ತಿಪಿಟಕ • Tipiṭaka / ಅಪದಾನಪಾಳಿ • Apadānapāḷi |
೮. ಪಾಟಲಿಪುಪ್ಫಿಯತ್ಥೇರಅಪದಾನಂ
8. Pāṭalipupphiyattheraapadānaṃ
೩೬.
36.
‘‘ಸುವಣ್ಣವಣ್ಣಂ ಸಮ್ಬುದ್ಧಂ, ಗಚ್ಛನ್ತಂ ಅನ್ತರಾಪಣೇ।
‘‘Suvaṇṇavaṇṇaṃ sambuddhaṃ, gacchantaṃ antarāpaṇe;
ಕಞ್ಚನಗ್ಘಿಯಸಙ್ಕಾಸಂ, ಬಾತ್ತಿಂಸವರಲಕ್ಖಣಂ॥
Kañcanagghiyasaṅkāsaṃ, bāttiṃsavaralakkhaṇaṃ.
೩೭.
37.
‘‘ಸೇಟ್ಠಿಪುತ್ತೋ ತದಾ ಆಸಿಂ, ಸುಖುಮಾಲೋ ಸುಖೇಧಿತೋ।
‘‘Seṭṭhiputto tadā āsiṃ, sukhumālo sukhedhito;
೩೮.
38.
‘‘ಹಟ್ಠೋ ಹಟ್ಠೇನ ಚಿತ್ತೇನ, ಪುಪ್ಫೇಹಿ ಅಭಿಪೂಜಯಿಂ।
‘‘Haṭṭho haṭṭhena cittena, pupphehi abhipūjayiṃ;
ತಿಸ್ಸಂ ಲೋಕವಿದುಂ ನಾಥಂ, ನರದೇವಂ ನಮಸ್ಸಹಂ॥
Tissaṃ lokaviduṃ nāthaṃ, naradevaṃ namassahaṃ.
೩೯.
39.
‘‘ದ್ವೇನವುತೇ ಇತೋ ಕಪ್ಪೇ, ಯಂ ಕಮ್ಮಮಕರಿಂ ತದಾ।
‘‘Dvenavute ito kappe, yaṃ kammamakariṃ tadā;
ದುಗ್ಗತಿಂ ನಾಭಿಜಾನಾಮಿ, ಪುಪ್ಫಪೂಜಾಯಿದಂ ಫಲಂ॥
Duggatiṃ nābhijānāmi, pupphapūjāyidaṃ phalaṃ.
೪೦.
40.
‘‘ಇತೋ ತೇಸಟ್ಠಿಕಪ್ಪಮ್ಹಿ, ಅಭಿಸಮ್ಮತನಾಮಕೋ।
‘‘Ito tesaṭṭhikappamhi, abhisammatanāmako;
ಸತ್ತರತನಸಮ್ಪನ್ನೋ, ಚಕ್ಕವತ್ತೀ ಮಹಬ್ಬಲೋ॥
Sattaratanasampanno, cakkavattī mahabbalo.
೪೧.
41.
‘‘ಪಟಿಸಮ್ಭಿದಾ ಚತಸ್ಸೋ…ಪೇ॰… ಕತಂ ಬುದ್ಧಸ್ಸ ಸಾಸನಂ’’॥
‘‘Paṭisambhidā catasso…pe… kataṃ buddhassa sāsanaṃ’’.
ಇತ್ಥಂ ಸುದಂ ಆಯಸ್ಮಾ ಪಾಟಲಿಪುಪ್ಫಿಯೋ ಥೇರೋ ಇಮಾ ಗಾಥಾಯೋ ಅಭಾಸಿತ್ಥಾತಿ।
Itthaṃ sudaṃ āyasmā pāṭalipupphiyo thero imā gāthāyo abhāsitthāti.
ಪಾಟಲಿಪುಪ್ಫಿಯತ್ಥೇರಸ್ಸಾಪದಾನಂ ಅಟ್ಠಮಂ।
Pāṭalipupphiyattherassāpadānaṃ aṭṭhamaṃ.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಅಪದಾನ-ಅಟ್ಠಕಥಾ • Apadāna-aṭṭhakathā / ೮. ಪಾಟಲಿಪುಪ್ಫಿಯತ್ಥೇರಅಪದಾನವಣ್ಣನಾ • 8. Pāṭalipupphiyattheraapadānavaṇṇanā
