| Library / Tipiṭaka / තිපිටක • Tipiṭaka / අපදානපාළි • Apadānapāḷi |
2. පාටලිපුප්‌ඵියත්‌ථෙරඅපදානං
2. Pāṭalipupphiyattheraapadānaṃ
6.
6.
‘‘විපස්‌සී නාම භගවා, සයම්‌භූ අග්‌ගපුග්‌ගලො;
‘‘Vipassī nāma bhagavā, sayambhū aggapuggalo;
පුරක්‌ඛතො සසිස්‌සෙහි, පාවිසි බන්‌ධුමං ජිනො.
Purakkhato sasissehi, pāvisi bandhumaṃ jino.
7.
7.
‘‘තීණි පාටලිපුප්‌ඵානි, උච්‌ඡඞ්‌ගෙ ඨපිතානි මෙ;
‘‘Tīṇi pāṭalipupphāni, ucchaṅge ṭhapitāni me;
සීසං න්‌හායිතුකාමොව, නදීතිත්‌ථං අගච්‌ඡහං.
Sīsaṃ nhāyitukāmova, nadītitthaṃ agacchahaṃ.
8.
8.
‘‘නික්‌ඛම්‌ම බන්‌ධුමතියා, අද්‌දසං ලොකනායකං;
‘‘Nikkhamma bandhumatiyā, addasaṃ lokanāyakaṃ;
ඉන්‌දීවරංව ජලිතං, ආදිත්‌තංව හුතාසනං.
Indīvaraṃva jalitaṃ, ādittaṃva hutāsanaṃ.
9.
9.
‘‘බ්‍යග්‌ඝූසභංව පවරං, අභිජාතංව කෙසරිං;
‘‘Byagghūsabhaṃva pavaraṃ, abhijātaṃva kesariṃ;
ගච්‌ඡන්‌තං සමණානග්‌ගං, භික්‌ඛුසඞ්‌ඝපුරක්‌ඛතං.
Gacchantaṃ samaṇānaggaṃ, bhikkhusaṅghapurakkhataṃ.
10.
10.
ගහෙත්‌වා තීණි පුප්‌ඵානි, බුද්‌ධසෙට්‌ඨං අපූජයිං.
Gahetvā tīṇi pupphāni, buddhaseṭṭhaṃ apūjayiṃ.
11.
11.
‘‘එකනවුතිතො කප්‌පෙ, යං පුප්‌ඵමභිපූජයිං;
‘‘Ekanavutito kappe, yaṃ pupphamabhipūjayiṃ;
දුග්‌ගතිං නාභිජානාමි, බුද්‌ධපූජායිදං ඵලං.
Duggatiṃ nābhijānāmi, buddhapūjāyidaṃ phalaṃ.
12.
12.
‘‘පටිසම්‌භිදා චතස්‌සො…පෙ.… කතං බුද්‌ධස්‌ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්‌ථං සුදං ආයස්‌මා පාටලිපුප්‌ඵියො ථෙරො ඉමා ගාථායො අභාසිත්‌ථාති.
Itthaṃ sudaṃ āyasmā pāṭalipupphiyo thero imā gāthāyo abhāsitthāti.
පාටලිපුප්‌ඵියත්‌ථෙරස්‌සාපදානං දුතියං.
Pāṭalipupphiyattherassāpadānaṃ dutiyaṃ.
Footnotes:
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / ඛුද්‌දකනිකාය (අට්‌ඨකථා) • Khuddakanikāya (aṭṭhakathā) / අපදාන-අට්‌ඨකථා • Apadāna-aṭṭhakathā / 1. ලකුණ්‌ඩකභද්‌දියත්‌ථෙරඅපදානවණ්‌ණනා • 1. Lakuṇḍakabhaddiyattheraapadānavaṇṇanā
