| Library / Tipiṭaka / তিপিটক • Tipiṭaka / অপদান-অট্ঠকথা • Apadāna-aṭṭhakathā |
৮. পাটলিপুপ্ফিযত্থেরঅপদানৰণ্ণনা
8. Pāṭalipupphiyattheraapadānavaṇṇanā
সুৰণ্ণৰণ্ণং সম্বুদ্ধন্তিআদিকং আযস্মতো পাটলিপুপ্ফিযত্থেরস্স অপদানং। অযম্পি পুরিমজিনৰরেসু কতাধিকারো তত্থ তত্থ ভৰে ৰিৰট্টূপনিস্সযানি পুঞ্ঞানি উপচিনন্তো তিস্সস্স ভগৰতো কালে একস্মিং কুলগেহে সেট্ঠিপুত্তো হুত্ৰা নিব্বত্তো ৰুদ্ধিপ্পত্তো কুসলাকুসলঞ্ঞূ সত্থরি পসীদিত্ৰা পাটলিপুপ্ফং গহেত্ৰা সত্থু পূজেসি। সো তেন পুঞ্ঞেন বহুধা সুখসম্পত্তিযো অনুভৰন্তো দেৰমনুস্সেসু সংসরন্তো ইমস্মিং বুদ্ধুপ্পাদে কুলগেহে নিব্বত্তো ৰুদ্ধিমন্ৰায সত্থরি পসন্নো পব্বজিত্ৰা নচিরস্সেৰ অরহা অহোসি।
Suvaṇṇavaṇṇaṃ sambuddhantiādikaṃ āyasmato pāṭalipupphiyattherassa apadānaṃ. Ayampi purimajinavaresu katādhikāro tattha tattha bhave vivaṭṭūpanissayāni puññāni upacinanto tissassa bhagavato kāle ekasmiṃ kulagehe seṭṭhiputto hutvā nibbatto vuddhippatto kusalākusalaññū satthari pasīditvā pāṭalipupphaṃ gahetvā satthu pūjesi. So tena puññena bahudhā sukhasampattiyo anubhavanto devamanussesu saṃsaranto imasmiṃ buddhuppāde kulagehe nibbatto vuddhimanvāya satthari pasanno pabbajitvā nacirasseva arahā ahosi.
৩৬. সো অপরভাগে অত্তনো পুব্বকম্মং সরিত্ৰা সোমনস্সজাতো পুব্বচরিতাপদানং পকাসেন্তো সুৰণ্ণৰণ্ণং সম্বুদ্ধন্তিআদিমাহ। তত্থ অন্তরাপণেতি আ সমন্ততো হিরঞ্ঞসুৰণ্ণাদিকং ভণ্ডং পণেন্তি ৰিক্কিণন্তি পত্থরন্তি এত্থাতি আপণং, আপণস্স অন্তরং ৰীথীতি অন্তরাপণং, তস্মিং অন্তরাপণে। সুৰণ্ণৰণ্ণং কঞ্চনগ্ঘিযসংকাসং দ্ৰত্তিংসৰরলক্খণং সম্বুদ্ধং দিস্ৰা পাটলিপুপ্ফং পূজেসিন্তি অত্থো। সেসং সব্বত্থ উত্তানত্থমেৰাতি।
36. So aparabhāge attano pubbakammaṃ saritvā somanassajāto pubbacaritāpadānaṃ pakāsento suvaṇṇavaṇṇaṃ sambuddhantiādimāha. Tattha antarāpaṇeti ā samantato hiraññasuvaṇṇādikaṃ bhaṇḍaṃ paṇenti vikkiṇanti pattharanti etthāti āpaṇaṃ, āpaṇassa antaraṃ vīthīti antarāpaṇaṃ, tasmiṃ antarāpaṇe. Suvaṇṇavaṇṇaṃ kañcanagghiyasaṃkāsaṃ dvattiṃsavaralakkhaṇaṃ sambuddhaṃ disvā pāṭalipupphaṃ pūjesinti attho. Sesaṃ sabbattha uttānatthamevāti.
পাটলিপুপ্ফিযত্থেরঅপদানৰণ্ণনা সমত্তা।
Pāṭalipupphiyattheraapadānavaṇṇanā samattā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / খুদ্দকনিকায • Khuddakanikāya / অপদানপাল়ি • Apadānapāḷi / ৮. পাটলিপুপ্ফিযত্থেরঅপদানং • 8. Pāṭalipupphiyattheraapadānaṃ
