| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
8. баадалибубпияад̇т̇зраабад̣̇аанаван̣н̣анаа
8. Pāṭalipupphiyattheraapadānavaṇṇanā
суван̣н̣аван̣н̣ам̣ самб̣уд̣̇д̇ханд̇иаад̣̇игам̣ ааяасмад̇о баадалибубпияад̇т̇зрасса абад̣̇аанам̣. аяамби буримаж̇инаварзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяаани бун̃н̃аани убажинанд̇о д̇иссасса бхаг̇авад̇о гаалз згасмим̣ гулаг̇зхз сздтибуд̇д̇о худ̇ваа ниб̣б̣ад̇д̇о вуд̣̇д̇хиббад̇д̇о гусалаагусалан̃н̃уу сад̇т̇ари басийд̣̇ид̇ваа баадалибубпам̣ г̇ахзд̇ваа сад̇т̇у бууж̇зси. со д̇зна бун̃н̃зна б̣ахуд̇хаа сукасамбад̇д̇ияо анубхаванд̇о д̣̇звамануссзсу сам̣саранд̇о имасмим̣ б̣уд̣̇д̇хуббаад̣̇з гулаг̇зхз ниб̣б̣ад̇д̇о вуд̣̇д̇химанвааяа сад̇т̇ари басанно баб̣б̣аж̇ид̇ваа нажирассзва арахаа ахоси.
Suvaṇṇavaṇṇaṃ sambuddhantiādikaṃ āyasmato pāṭalipupphiyattherassa apadānaṃ. Ayampi purimajinavaresu katādhikāro tattha tattha bhave vivaṭṭūpanissayāni puññāni upacinanto tissassa bhagavato kāle ekasmiṃ kulagehe seṭṭhiputto hutvā nibbatto vuddhippatto kusalākusalaññū satthari pasīditvā pāṭalipupphaṃ gahetvā satthu pūjesi. So tena puññena bahudhā sukhasampattiyo anubhavanto devamanussesu saṃsaranto imasmiṃ buddhuppāde kulagehe nibbatto vuddhimanvāya satthari pasanno pabbajitvā nacirasseva arahā ahosi.
36. со абарабхааг̇з ад̇д̇ано буб̣б̣агаммам̣ сарид̇ваа соманассаж̇аад̇о буб̣б̣ажарид̇аабад̣̇аанам̣ багаасзнд̇о суван̣н̣аван̣н̣ам̣ самб̣уд̣̇д̇ханд̇иаад̣̇имааха. д̇ад̇т̇а анд̇араабан̣зд̇и аа саманд̇ад̇о хиран̃н̃асуван̣н̣аад̣̇игам̣ бхан̣д̣ам̣ бан̣знд̇и виггин̣анд̇и бад̇т̇аранд̇и зд̇т̇аад̇и аабан̣ам̣, аабан̣асса анд̇арам̣ вийт̇ийд̇и анд̇араабан̣ам̣, д̇асмим̣ анд̇араабан̣з. суван̣н̣аван̣н̣ам̣ ган̃жанаг̇гхияасам̣гаасам̣ д̣̇вад̇д̇им̣саваралагкан̣ам̣ самб̣уд̣̇д̇хам̣ д̣̇исваа баадалибубпам̣ бууж̇зсинд̇и ад̇т̇о. сзсам̣ саб̣б̣ад̇т̇а уд̇д̇аанад̇т̇амзваад̇и.
36. So aparabhāge attano pubbakammaṃ saritvā somanassajāto pubbacaritāpadānaṃ pakāsento suvaṇṇavaṇṇaṃ sambuddhantiādimāha. Tattha antarāpaṇeti ā samantato hiraññasuvaṇṇādikaṃ bhaṇḍaṃ paṇenti vikkiṇanti pattharanti etthāti āpaṇaṃ, āpaṇassa antaraṃ vīthīti antarāpaṇaṃ, tasmiṃ antarāpaṇe. Suvaṇṇavaṇṇaṃ kañcanagghiyasaṃkāsaṃ dvattiṃsavaralakkhaṇaṃ sambuddhaṃ disvā pāṭalipupphaṃ pūjesinti attho. Sesaṃ sabbattha uttānatthamevāti.
баадалибубпияад̇т̇зраабад̣̇аанаван̣н̣анаа самад̇д̇аа.
Pāṭalipupphiyattheraapadānavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 8. баадалибубпияад̇т̇зраабад̣̇аанам̣ • 8. Pāṭalipupphiyattheraapadānaṃ
