| Library / Tipiṭaka / ਤਿਪਿਟਕ • Tipiṭaka / ਅਪਦਾਨ-ਅਟ੍ਠਕਥਾ • Apadāna-aṭṭhakathā |
੮. ਪਾਟਲਿਪੁਪ੍ਫਿਯਤ੍ਥੇਰਅਪਦਾਨવਣ੍ਣਨਾ
8. Pāṭalipupphiyattheraapadānavaṇṇanā
ਸੁવਣ੍ਣવਣ੍ਣਂ ਸਮ੍ਬੁਦ੍ਧਨ੍ਤਿਆਦਿਕਂ ਆਯਸ੍ਮਤੋ ਪਾਟਲਿਪੁਪ੍ਫਿਯਤ੍ਥੇਰਸ੍ਸ ਅਪਦਾਨਂ। ਅਯਮ੍ਪਿ ਪੁਰਿਮਜਿਨવਰੇਸੁ ਕਤਾਧਿਕਾਰੋ ਤਤ੍ਥ ਤਤ੍ਥ ਭવੇ વਿવਟ੍ਟੂਪਨਿਸ੍ਸਯਾਨਿ ਪੁਞ੍ਞਾਨਿ ਉਪਚਿਨਨ੍ਤੋ ਤਿਸ੍ਸਸ੍ਸ ਭਗવਤੋ ਕਾਲੇ ਏਕਸ੍ਮਿਂ ਕੁਲਗੇਹੇ ਸੇਟ੍ਠਿਪੁਤ੍ਤੋ ਹੁਤ੍વਾ ਨਿਬ੍ਬਤ੍ਤੋ વੁਦ੍ਧਿਪ੍ਪਤ੍ਤੋ ਕੁਸਲਾਕੁਸਲਞ੍ਞੂ ਸਤ੍ਥਰਿ ਪਸੀਦਿਤ੍વਾ ਪਾਟਲਿਪੁਪ੍ਫਂ ਗਹੇਤ੍વਾ ਸਤ੍ਥੁ ਪੂਜੇਸਿ। ਸੋ ਤੇਨ ਪੁਞ੍ਞੇਨ ਬਹੁਧਾ ਸੁਖਸਮ੍ਪਤ੍ਤਿਯੋ ਅਨੁਭવਨ੍ਤੋ ਦੇવਮਨੁਸ੍ਸੇਸੁ ਸਂਸਰਨ੍ਤੋ ਇਮਸ੍ਮਿਂ ਬੁਦ੍ਧੁਪ੍ਪਾਦੇ ਕੁਲਗੇਹੇ ਨਿਬ੍ਬਤ੍ਤੋ વੁਦ੍ਧਿਮਨ੍વਾਯ ਸਤ੍ਥਰਿ ਪਸਨ੍ਨੋ ਪਬ੍ਬਜਿਤ੍વਾ ਨਚਿਰਸ੍ਸੇવ ਅਰਹਾ ਅਹੋਸਿ।
Suvaṇṇavaṇṇaṃ sambuddhantiādikaṃ āyasmato pāṭalipupphiyattherassa apadānaṃ. Ayampi purimajinavaresu katādhikāro tattha tattha bhave vivaṭṭūpanissayāni puññāni upacinanto tissassa bhagavato kāle ekasmiṃ kulagehe seṭṭhiputto hutvā nibbatto vuddhippatto kusalākusalaññū satthari pasīditvā pāṭalipupphaṃ gahetvā satthu pūjesi. So tena puññena bahudhā sukhasampattiyo anubhavanto devamanussesu saṃsaranto imasmiṃ buddhuppāde kulagehe nibbatto vuddhimanvāya satthari pasanno pabbajitvā nacirasseva arahā ahosi.
੩੬. ਸੋ ਅਪਰਭਾਗੇ ਅਤ੍ਤਨੋ ਪੁਬ੍ਬਕਮ੍ਮਂ ਸਰਿਤ੍વਾ ਸੋਮਨਸ੍ਸਜਾਤੋ ਪੁਬ੍ਬਚਰਿਤਾਪਦਾਨਂ ਪਕਾਸੇਨ੍ਤੋ ਸੁવਣ੍ਣવਣ੍ਣਂ ਸਮ੍ਬੁਦ੍ਧਨ੍ਤਿਆਦਿਮਾਹ। ਤਤ੍ਥ ਅਨ੍ਤਰਾਪਣੇਤਿ ਆ ਸਮਨ੍ਤਤੋ ਹਿਰਞ੍ਞਸੁવਣ੍ਣਾਦਿਕਂ ਭਣ੍ਡਂ ਪਣੇਨ੍ਤਿ વਿਕ੍ਕਿਣਨ੍ਤਿ ਪਤ੍ਥਰਨ੍ਤਿ ਏਤ੍ਥਾਤਿ ਆਪਣਂ, ਆਪਣਸ੍ਸ ਅਨ੍ਤਰਂ વੀਥੀਤਿ ਅਨ੍ਤਰਾਪਣਂ, ਤਸ੍ਮਿਂ ਅਨ੍ਤਰਾਪਣੇ। ਸੁવਣ੍ਣવਣ੍ਣਂ ਕਞ੍ਚਨਗ੍ਘਿਯਸਂਕਾਸਂ ਦ੍વਤ੍ਤਿਂਸવਰਲਕ੍ਖਣਂ ਸਮ੍ਬੁਦ੍ਧਂ ਦਿਸ੍વਾ ਪਾਟਲਿਪੁਪ੍ਫਂ ਪੂਜੇਸਿਨ੍ਤਿ ਅਤ੍ਥੋ। ਸੇਸਂ ਸਬ੍ਬਤ੍ਥ ਉਤ੍ਤਾਨਤ੍ਥਮੇવਾਤਿ।
36. So aparabhāge attano pubbakammaṃ saritvā somanassajāto pubbacaritāpadānaṃ pakāsento suvaṇṇavaṇṇaṃ sambuddhantiādimāha. Tattha antarāpaṇeti ā samantato hiraññasuvaṇṇādikaṃ bhaṇḍaṃ paṇenti vikkiṇanti pattharanti etthāti āpaṇaṃ, āpaṇassa antaraṃ vīthīti antarāpaṇaṃ, tasmiṃ antarāpaṇe. Suvaṇṇavaṇṇaṃ kañcanagghiyasaṃkāsaṃ dvattiṃsavaralakkhaṇaṃ sambuddhaṃ disvā pāṭalipupphaṃ pūjesinti attho. Sesaṃ sabbattha uttānatthamevāti.
ਪਾਟਲਿਪੁਪ੍ਫਿਯਤ੍ਥੇਰਅਪਦਾਨવਣ੍ਣਨਾ ਸਮਤ੍ਤਾ।
Pāṭalipupphiyattheraapadānavaṇṇanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਅਪਦਾਨਪਾਲ਼ਿ • Apadānapāḷi / ੮. ਪਾਟਲਿਪੁਪ੍ਫਿਯਤ੍ਥੇਰਅਪਦਾਨਂ • 8. Pāṭalipupphiyattheraapadānaṃ
