| Library / Tipiṭaka / д̇ибидага • Tipiṭaka / бзд̇авад̇т̇у-адтагат̇аа • Petavatthu-aṭṭhakathā |
11. баадалибуд̇д̇абзд̇авад̇т̇уван̣н̣анаа
11. Pāṭaliputtapetavatthuvaṇṇanā
д̣̇идтаа д̇аяаа нираяаа д̇иражчаанаяонийд̇и ид̣̇ам̣ сад̇т̇ари ж̇зд̇аванз вихаранд̇з ан̃н̃ад̇арам̣ вимаанабзд̇ам̣ аараб̣бха вуд̇д̇ам̣. саавад̇т̇иваасино гира баадалибуд̇д̇аваасино жа б̣ахуу ваан̣иж̇аа наавааяа суван̣н̣абхуумим̣ аг̇амим̣су. д̇ад̇т̇зго убаасаго ааб̣аад̇хиго маад̇уг̇аамз бадиб̣ад̣̇д̇хажид̇д̇о гааламагааси. со гад̇агусалоби д̣̇звалогам̣ анубабаж̇ж̇ид̇ваа ид̇т̇ияаа бадиб̣ад̣̇д̇хажид̇д̇ад̇ааяа самуд̣̇д̣̇амаж̇жхз вимаанабзд̇о худ̇ваа ниб̣б̣ад̇д̇и. яассам̣ бана со бадиб̣ад̣̇д̇хажид̇д̇о, саа ид̇т̇ий суван̣н̣абхуумиг̇ааминим̣ наавам̣ абхируяха г̇ажчад̇и. ат̇а ко со бзд̇о д̇ам̣ ид̇т̇им̣ г̇ахзд̇угаамо наавааяа г̇аманам̣ убарунд̇хи. ат̇а ваан̣иж̇аа ‘‘гзна ну ко гааран̣зна аяам̣ нааваа на г̇ажчад̇ий’’д̇и виймам̣санд̇аа гаал̣аган̣н̣исалаагам̣ вижаарзсум̣. амануссид̣̇д̇хияаа яаавад̇ад̇ияам̣ д̇ассаа зва ид̇т̇ияаа баабун̣и, яассам̣ со бадиб̣ад̣̇д̇хажид̇д̇о. д̇ам̣ д̣̇исваа ваан̣иж̇аа взл̣угалаабам̣ самуд̣̇д̣̇з од̇аарзд̇ваа д̇асса убари д̇ам̣ ид̇т̇им̣ од̇аарзсум̣. ид̇т̇ияаа од̇аарид̇амад̇д̇ааяа нааваа взг̇зна суван̣н̣абхуумим̣ абхимукаа бааяааси. амануссо д̇ам̣ ид̇т̇им̣ ад̇д̇ано вимаанам̣ ааробзд̇ваа д̇ааяа сад̣̇д̇хим̣ абхирами.
Diṭṭhā tayā nirayā tiracchānayonīti idaṃ satthari jetavane viharante aññataraṃ vimānapetaṃ ārabbha vuttaṃ. Sāvatthivāsino kira pāṭaliputtavāsino ca bahū vāṇijā nāvāya suvaṇṇabhūmiṃ agamiṃsu. Tattheko upāsako ābādhiko mātugāme paṭibaddhacitto kālamakāsi. So katakusalopi devalokaṃ anupapajjitvā itthiyā paṭibaddhacittatāya samuddamajjhe vimānapeto hutvā nibbatti. Yassaṃ pana so paṭibaddhacitto, sā itthī suvaṇṇabhūmigāminiṃ nāvaṃ abhiruyha gacchati. Atha kho so peto taṃ itthiṃ gahetukāmo nāvāya gamanaṃ uparundhi. Atha vāṇijā ‘‘kena nu kho kāraṇena ayaṃ nāvā na gacchatī’’ti vīmaṃsantā kāḷakaṇṇisalākaṃ vicāresuṃ. Amanussiddhiyā yāvatatiyaṃ tassā eva itthiyā pāpuṇi, yassaṃ so paṭibaddhacitto. Taṃ disvā vāṇijā veḷukalāpaṃ samudde otāretvā tassa upari taṃ itthiṃ otāresuṃ. Itthiyā otāritamattāya nāvā vegena suvaṇṇabhūmiṃ abhimukhā pāyāsi. Amanusso taṃ itthiṃ attano vimānaṃ āropetvā tāya saddhiṃ abhirami.
саа згам̣ сам̣важчарам̣ ад̇иггамид̇ваа ниб̣б̣иннаруубаа д̇ам̣ бзд̇ам̣ яаажанд̇ий ааха – ‘‘ахам̣ ид̇ха васанд̇ий маяхам̣ самбарааяигам̣ ад̇т̇ам̣ гаад̇ум̣ на лабхаами, саад̇ху, маариса, мам̣ баадалибуд̇д̇амзва нзхий’’д̇и. со д̇ааяа яаажид̇о –
Sā ekaṃ saṃvaccharaṃ atikkamitvā nibbinnarūpā taṃ petaṃ yācantī āha – ‘‘ahaṃ idha vasantī mayhaṃ samparāyikaṃ atthaṃ kātuṃ na labhāmi, sādhu, mārisa, maṃ pāṭaliputtameva nehī’’ti. So tāya yācito –
793.
793.
‘‘д̣̇идтаа д̇аяаа нираяаа д̇иражчаанаяони, бзд̇аа асураа ат̇авааби маанусаа д̣̇зваа;
‘‘Diṭṭhā tayā nirayā tiracchānayoni, petā asurā athavāpi mānusā devā;
саяамад̣̇д̣̇аса гаммавибаагамад̇д̇ано, нзссаами д̇ам̣ баадалибуд̇д̇амагкад̇ам̣;
Sayamaddasa kammavipākamattano, nessāmi taṃ pāṭaliputtamakkhataṃ;
д̇ад̇т̇а г̇анд̇ваа гусалам̣ гарохи гамма’’нд̇и. –
Tattha gantvā kusalaṃ karohi kamma’’nti. –
г̇аат̇амааха. д̇ад̇т̇а д̣̇идтаа д̇аяаа нираяаад̇и згажжз бажжзганираяааби д̇аяаа д̣̇идтаа. д̇иражчаанаяонийд̇и махаанубхааваа нааг̇асубан̣н̣аад̣̇ид̇иражчаанааби д̣̇идтаа д̇аяаад̇и яож̇анаа. бзд̇аад̇и куббибаасаад̣̇ибхзд̣̇аа бзд̇аа. асураад̇и гаалаган̃жигаад̣̇ибхзд̣̇аа асураа. д̣̇зваад̇и згажжз жаад̇умахаарааж̇игаа д̣̇зваа. со гира ад̇д̇ано аанубхаавзна анд̇аранд̇араа д̇ам̣ г̇ахзд̇ваа бажжзганираяаад̣̇игз д̣̇ассзнд̇о вижарад̇и, д̇зна звамааха. саяамад̣̇д̣̇аса гаммавибаагамад̇д̇анод̇и нираяаад̣̇игз висзсад̇о г̇анд̇ваа бассанд̇ий саяамзва ад̇д̇анаа гад̇агаммаанам̣ вибаагам̣ бажжагкад̇о ад̣̇д̣̇аса ад̣̇агки. нзссаами д̇ам̣ баадалибуд̇д̇амагкад̇анд̇и ид̣̇аанаахам̣ д̇ам̣ агкад̇ам̣ гзнажи абаригкад̇ам̣ мануссаруубзнзва баадалибуд̇д̇ам̣ наяиссаами. д̇вам̣ бана д̇ад̇т̇а г̇анд̇ваа гусалам̣ гарохи гаммам̣, гаммавибаагасса бажжагкад̇о д̣̇идтад̇д̇аа яуд̇д̇абаяуд̇д̇аа бун̃н̃анирад̇аа хохийд̇и ад̇т̇о.
Gāthamāha. Tattha diṭṭhā tayā nirayāti ekacce paccekanirayāpi tayā diṭṭhā. Tiracchānayonīti mahānubhāvā nāgasupaṇṇāditiracchānāpi diṭṭhā tayāti yojanā. Petāti khuppipāsādibhedā petā. Asurāti kālakañcikādibhedā asurā. Devāti ekacce cātumahārājikā devā. So kira attano ānubhāvena antarantarā taṃ gahetvā paccekanirayādike dassento vicarati, tena evamāha. Sayamaddasa kammavipākamattanoti nirayādike visesato gantvā passantī sayameva attanā katakammānaṃ vipākaṃ paccakkhato addasa adakkhi. Nessāmi taṃ pāṭaliputtamakkhatanti idānāhaṃ taṃ akkhataṃ kenaci aparikkhataṃ manussarūpeneva pāṭaliputtaṃ nayissāmi. Tvaṃ pana tattha gantvā kusalaṃ karohi kammaṃ, kammavipākassa paccakkhato diṭṭhattā yuttapayuttā puññaniratā hohīti attho.
ат̇а саа ид̇т̇ий д̇асса важанам̣ суд̇ваа ад̇д̇аманаа –
Atha sā itthī tassa vacanaṃ sutvā attamanā –
794.
794.
‘‘ад̇т̇агаамоси мз яагка, хид̇агаамоси д̣̇звад̇з;
‘‘Atthakāmosi me yakkha, hitakāmosi devate;
гароми д̇уяхам̣ важанам̣, д̇вам̣си аажарияо мама.
Karomi tuyhaṃ vacanaṃ, tvaṃsi ācariyo mama.
795.
795.
‘‘д̣̇идтаа маяаа нираяаа д̇иражчаанаяони, бзд̇аа асураа ат̇авааби маанусаа д̣̇зваа;
‘‘Diṭṭhā mayā nirayā tiracchānayoni, petā asurā athavāpi mānusā devā;
саяамад̣̇д̣̇асам̣ гаммавибаагамад̇д̇ано, гаахаами бун̃н̃аани анаббагааний’’д̇и. –
Sayamaddasaṃ kammavipākamattano, kāhāmi puññāni anappakānī’’ti. –
г̇аат̇амааха.
Gāthamāha.
ат̇а со бзд̇о д̇ам̣ ид̇т̇им̣ г̇ахзд̇ваа аагаасзна г̇анд̇ваа баадалибуд̇д̇анаг̇арасса маж̇жхз табзд̇ваа баггаами. ат̇ассаа н̃аад̇имид̇д̇аад̣̇аяо д̇ам̣ д̣̇исваа ‘‘маяам̣ буб̣б̣з самуд̣̇д̣̇з багкид̇д̇аа мад̇аад̇и ассумха. саа аяам̣ д̣̇идтаа вад̇а, бхо, сод̇т̇инаа ааг̇ад̇аа’’д̇и абхинанд̣̇амаанаа самааг̇анд̇ваа д̇ассаа бавад̇д̇им̣ бужчим̣су. саа д̇зсам̣ аад̣̇ид̇о бадтааяа ад̇д̇анаа д̣̇идтам̣ анубхууд̇ан̃жа саб̣б̣ам̣ гат̇зси. саавад̇т̇иваасиноби ко д̇з ваан̣иж̇аа ануггамзна саавад̇т̇им̣ убаг̇ад̇агаалз сад̇т̇у санд̇игам̣ убасан̇гамид̇ваа ванд̣̇ид̇ваа згаманд̇ам̣ нисиннаа д̇ам̣ бавад̇д̇им̣ бхаг̇авад̇о аарожзсум̣. бхаг̇аваа д̇амад̇т̇ам̣ адтуббад̇д̇им̣ гад̇ваа жад̇уннам̣ барисаанам̣ д̇хаммам̣ д̣̇зсзси. д̇ам̣ суд̇ваа махааж̇ано сам̣взг̇аж̇аад̇о д̣̇аанаад̣̇игусалад̇хамманирад̇о ахосийд̇и.
Atha so peto taṃ itthiṃ gahetvā ākāsena gantvā pāṭaliputtanagarassa majjhe ṭhapetvā pakkāmi. Athassā ñātimittādayo taṃ disvā ‘‘mayaṃ pubbe samudde pakkhittā matāti assumha. Sā ayaṃ diṭṭhā vata, bho, sotthinā āgatā’’ti abhinandamānā samāgantvā tassā pavattiṃ pucchiṃsu. Sā tesaṃ ādito paṭṭhāya attanā diṭṭhaṃ anubhūtañca sabbaṃ kathesi. Sāvatthivāsinopi kho te vāṇijā anukkamena sāvatthiṃ upagatakāle satthu santikaṃ upasaṅkamitvā vanditvā ekamantaṃ nisinnā taṃ pavattiṃ bhagavato ārocesuṃ. Bhagavā tamatthaṃ aṭṭhuppattiṃ katvā catunnaṃ parisānaṃ dhammaṃ desesi. Taṃ sutvā mahājano saṃvegajāto dānādikusaladhammanirato ahosīti.
баадалибуд̇д̇абзд̇авад̇т̇уван̣н̣анаа нидтид̇аа.
Pāṭaliputtapetavatthuvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / бзд̇авад̇т̇убаал̣и • Petavatthupāḷi / 11. баадалибуд̇д̇абзд̇авад̇т̇у • 11. Pāṭaliputtapetavatthu
