| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
13. баадалияасуд̇д̇аван̣н̣анаа
13. Pāṭaliyasuttavaṇṇanā
365. д̇зрасамз д̣̇ууд̇зяяаанийд̇и д̣̇ууд̇агаммаани бан̣н̣аани жзва мукасаасанаани жа. баан̣аад̇ибаад̇ан̃жааханд̇и ид̣̇ам̣ гасмаа аарад̣̇д̇хам̣? на гзвалам̣ ахам̣ мааяам̣ ж̇аанаами, ан̃н̃амби ид̣̇ан̃жид̣̇ан̃жа ж̇аанаамийд̇и саб̣б̣ан̃н̃убхаавад̣̇ассанад̇т̇ам̣ аарад̣̇д̇хам̣. санд̇и хи, г̇ааман̣и, згз саман̣аб̣раахман̣аад̇и ид̣̇ам̣ сзсасаман̣аб̣раахман̣аанам̣ лад̣̇д̇хим̣ д̣̇ассзд̇ваа д̇ассаа баж̇ахаабанад̇т̇ам̣ аарад̣̇д̇хам̣.
365. Terasame dūteyyānīti dūtakammāni paṇṇāni ceva mukhasāsanāni ca. Pāṇātipātañcāhanti idaṃ kasmā āraddhaṃ? Na kevalaṃ ahaṃ māyaṃ jānāmi, aññampi idañcidañca jānāmīti sabbaññubhāvadassanatthaṃ āraddhaṃ. Santi hi, gāmaṇi, eke samaṇabrāhmaṇāti idaṃ sesasamaṇabrāhmaṇānaṃ laddhiṃ dassetvā tassā pajahāpanatthaṃ āraddhaṃ.
маалий гун̣д̣алийд̇и маалааяа маалий, гун̣д̣алзхи гун̣д̣алий. ид̇т̇игаамзхийд̇и ид̇т̇ийхи сад̣̇д̇хим̣ гаамаа ид̇т̇игаамаа, д̇зхи ид̇т̇игаамзхи. аавасат̇ааг̇ааранд̇и гулагхарасса згасмим̣ таанз згзгассзва суканиваасад̇т̇ааяа гад̇ам̣ ваасааг̇аарам̣. д̇знаахам̣ яат̇аасад̇д̇и яат̇ааб̣алам̣ сам̣вибхаж̇аамийд̇и д̇ассаахам̣ ад̇д̇ано сад̇д̇иануруубзна жзва б̣алаануруубзна жа сам̣вибхааг̇ам̣ гароми. аланд̇и яуд̇д̇ам̣. ган̇канияз таанзд̇и ган̇кид̇аб̣б̣з гааран̣з. жид̇д̇асамаад̇хинд̇и д̇асмим̣ д̇хаммасамаад̇хисмим̣ тид̇о д̇вам̣ саха вибассанааяа жад̇уннам̣ маг̇г̇аанам̣ васзна жид̇д̇асамаад̇хим̣ сажз бадилабхзяяаасийд̇и д̣̇ассзд̇и. абан̣н̣агад̇ааяа маяханд̇и аяам̣ бадибад̣̇аа маяхам̣ абан̣н̣агад̇ааяа анабараад̇хагад̇ааяа зва сам̣вад̇д̇ад̇ийд̇и ад̇т̇о. гадаг̇г̇ааход̇и ж̇аяаг̇г̇аахо.
Mālī kuṇḍalīti mālāya mālī, kuṇḍalehi kuṇḍalī. Itthikāmehīti itthīhi saddhiṃ kāmā itthikāmā, tehi itthikāmehi. Āvasathāgāranti kulagharassa ekasmiṃ ṭhāne ekekasseva sukhanivāsatthāya kataṃ vāsāgāraṃ. Tenāhaṃ yathāsatti yathābalaṃ saṃvibhajāmīti tassāhaṃ attano sattianurūpena ceva balānurūpena ca saṃvibhāgaṃ karomi. Alanti yuttaṃ. Kaṅkhaniye ṭhāneti kaṅkhitabbe kāraṇe. Cittasamādhinti tasmiṃ dhammasamādhismiṃ ṭhito tvaṃ saha vipassanāya catunnaṃ maggānaṃ vasena cittasamādhiṃ sace paṭilabheyyāsīti dasseti. Apaṇṇakatāyamayhanti ayaṃ paṭipadā mayhaṃ apaṇṇakatāya anaparādhakatāya eva saṃvattatīti attho. Kaṭaggāhoti jayaggāho.
аяам̣ ко, г̇ааман̣и, д̇хаммасамаад̇хи, д̇ад̇ра жз д̇вам̣ жид̇д̇асамаад̇хим̣ бадилабхзяяаасийд̇и зд̇т̇а д̇хаммасамаад̇хийд̇и д̣̇асагусалагаммабат̇ад̇хаммаа, жид̇д̇асамаад̇хийд̇и саха вибассанааяа жад̇д̇ааро маг̇г̇аа. ат̇а ваа ‘‘баамож̇ж̇ам̣ ж̇ааяад̇и, бамуд̣̇ид̇асса бийд̇и ж̇ааяад̇ий’’д̇и (а. ни. 5.26) звам̣ вуд̇д̇аа баамож̇ж̇абийд̇ибассад̣̇д̇хисукасамаад̇хисан̇каад̇аа бан̃жа д̇хаммаа д̇хаммасамаад̇хи наама, жид̇д̇асамаад̇хи бана саха вибассанааяа жад̇д̇ааро маг̇г̇аава. ат̇а ваа д̣̇асагусалагаммабат̇аа жад̇д̇ааро б̣рахмавихаараа жаад̇и аяам̣ д̇хаммасамаад̇хи наама, д̇ам̣ д̇хаммасамаад̇хим̣ буурзнд̇асса уббаннаа жид̇д̇згаг̇г̇ад̇аа жид̇д̇асамаад̇хи наама. звам̣ д̇вам̣ имам̣ ган̇каад̇хаммам̣ баж̇ахзяяаасийд̇и звам̣ д̇вам̣ имасмим̣ вуд̇д̇аббабхзд̣̇з д̇хаммасамаад̇хисмим̣ тид̇о сажз звам̣ жид̇д̇асамаад̇хим̣ бадилабхзяяааси, згам̣сзнзд̇ам̣ ган̇кам̣ баж̇ахзяяаасийд̇и ад̇т̇о. сзсам̣ саб̣б̣ад̇т̇а вуд̇д̇анаяамзваад̇и.
Ayaṃ kho, gāmaṇi, dhammasamādhi, tatra ce tvaṃ cittasamādhiṃ paṭilabheyyāsīti ettha dhammasamādhīti dasakusalakammapathadhammā, cittasamādhīti saha vipassanāya cattāro maggā. Atha vā ‘‘pāmojjaṃ jāyati, pamuditassa pīti jāyatī’’ti (a. ni. 5.26) evaṃ vuttā pāmojjapītipassaddhisukhasamādhisaṅkhātā pañca dhammā dhammasamādhi nāma, cittasamādhi pana saha vipassanāya cattāro maggāva. Atha vā dasakusalakammapathā cattāro brahmavihārā cāti ayaṃ dhammasamādhi nāma, taṃ dhammasamādhiṃ pūrentassa uppannā cittekaggatā cittasamādhi nāma. Evaṃ tvaṃ imaṃ kaṅkhādhammaṃ pajaheyyāsīti evaṃ tvaṃ imasmiṃ vuttappabhede dhammasamādhismiṃ ṭhito sace evaṃ cittasamādhiṃ paṭilabheyyāsi, ekaṃsenetaṃ kaṅkhaṃ pajaheyyāsīti attho. Sesaṃ sabbattha vuttanayamevāti.
г̇ааман̣исам̣яуд̇д̇аван̣н̣анаа нидтид̇аа.
Gāmaṇisaṃyuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 13. баадалияасуд̇д̇ам̣ • 13. Pāṭaliyasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 13. баадалияасуд̇д̇аван̣н̣анаа • 13. Pāṭaliyasuttavaṇṇanā
