| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੧੩. ਪਾਟਲਿਯਸੁਤ੍ਤવਣ੍ਣਨਾ
13. Pāṭaliyasuttavaṇṇanā
੩੬੫. ਤੇਰਸਮੇ ਦੂਤੇਯ੍ਯਾਨੀਤਿ ਦੂਤਕਮ੍ਮਾਨਿ ਪਣ੍ਣਾਨਿ ਚੇવ ਮੁਖਸਾਸਨਾਨਿ ਚ। ਪਾਣਾਤਿਪਾਤਞ੍ਚਾਹਨ੍ਤਿ ਇਦਂ ਕਸ੍ਮਾ ਆਰਦ੍ਧਂ? ਨ ਕੇવਲਂ ਅਹਂ ਮਾਯਂ ਜਾਨਾਮਿ, ਅਞ੍ਞਮ੍ਪਿ ਇਦਞ੍ਚਿਦਞ੍ਚ ਜਾਨਾਮੀਤਿ ਸਬ੍ਬਞ੍ਞੁਭਾવਦਸ੍ਸਨਤ੍ਥਂ ਆਰਦ੍ਧਂ। ਸਨ੍ਤਿ ਹਿ, ਗਾਮਣਿ, ਏਕੇ ਸਮਣਬ੍ਰਾਹ੍ਮਣਾਤਿ ਇਦਂ ਸੇਸਸਮਣਬ੍ਰਾਹ੍ਮਣਾਨਂ ਲਦ੍ਧਿਂ ਦਸ੍ਸੇਤ੍વਾ ਤਸ੍ਸਾ ਪਜਹਾਪਨਤ੍ਥਂ ਆਰਦ੍ਧਂ।
365. Terasame dūteyyānīti dūtakammāni paṇṇāni ceva mukhasāsanāni ca. Pāṇātipātañcāhanti idaṃ kasmā āraddhaṃ? Na kevalaṃ ahaṃ māyaṃ jānāmi, aññampi idañcidañca jānāmīti sabbaññubhāvadassanatthaṃ āraddhaṃ. Santi hi, gāmaṇi, eke samaṇabrāhmaṇāti idaṃ sesasamaṇabrāhmaṇānaṃ laddhiṃ dassetvā tassā pajahāpanatthaṃ āraddhaṃ.
ਮਾਲੀ ਕੁਣ੍ਡਲੀਤਿ ਮਾਲਾਯ ਮਾਲੀ, ਕੁਣ੍ਡਲੇਹਿ ਕੁਣ੍ਡਲੀ। ਇਤ੍ਥਿਕਾਮੇਹੀਤਿ ਇਤ੍ਥੀਹਿ ਸਦ੍ਧਿਂ ਕਾਮਾ ਇਤ੍ਥਿਕਾਮਾ, ਤੇਹਿ ਇਤ੍ਥਿਕਾਮੇਹਿ। ਆવਸਥਾਗਾਰਨ੍ਤਿ ਕੁਲਘਰਸ੍ਸ ਏਕਸ੍ਮਿਂ ਠਾਨੇ ਏਕੇਕਸ੍ਸੇવ ਸੁਖਨਿવਾਸਤ੍ਥਾਯ ਕਤਂ વਾਸਾਗਾਰਂ। ਤੇਨਾਹਂ ਯਥਾਸਤ੍ਤਿ ਯਥਾਬਲਂ ਸਂવਿਭਜਾਮੀਤਿ ਤਸ੍ਸਾਹਂ ਅਤ੍ਤਨੋ ਸਤ੍ਤਿਅਨੁਰੂਪੇਨ ਚੇવ ਬਲਾਨੁਰੂਪੇਨ ਚ ਸਂવਿਭਾਗਂ ਕਰੋਮਿ। ਅਲਨ੍ਤਿ ਯੁਤ੍ਤਂ। ਕਙ੍ਖਨਿਯੇ ਠਾਨੇਤਿ ਕਙ੍ਖਿਤਬ੍ਬੇ ਕਾਰਣੇ। ਚਿਤ੍ਤਸਮਾਧਿਨ੍ਤਿ ਤਸ੍ਮਿਂ ਧਮ੍ਮਸਮਾਧਿਸ੍ਮਿਂ ਠਿਤੋ ਤ੍વਂ ਸਹ વਿਪਸ੍ਸਨਾਯ ਚਤੁਨ੍ਨਂ ਮਗ੍ਗਾਨਂ વਸੇਨ ਚਿਤ੍ਤਸਮਾਧਿਂ ਸਚੇ ਪਟਿਲਭੇਯ੍ਯਾਸੀਤਿ ਦਸ੍ਸੇਤਿ। ਅਪਣ੍ਣਕਤਾਯ ਮਯ੍ਹਨ੍ਤਿ ਅਯਂ ਪਟਿਪਦਾ ਮਯ੍ਹਂ ਅਪਣ੍ਣਕਤਾਯ ਅਨਪਰਾਧਕਤਾਯ ਏવ ਸਂવਤ੍ਤਤੀਤਿ ਅਤ੍ਥੋ। ਕਟਗ੍ਗਾਹੋਤਿ ਜਯਗ੍ਗਾਹੋ।
Mālī kuṇḍalīti mālāya mālī, kuṇḍalehi kuṇḍalī. Itthikāmehīti itthīhi saddhiṃ kāmā itthikāmā, tehi itthikāmehi. Āvasathāgāranti kulagharassa ekasmiṃ ṭhāne ekekasseva sukhanivāsatthāya kataṃ vāsāgāraṃ. Tenāhaṃ yathāsatti yathābalaṃ saṃvibhajāmīti tassāhaṃ attano sattianurūpena ceva balānurūpena ca saṃvibhāgaṃ karomi. Alanti yuttaṃ. Kaṅkhaniye ṭhāneti kaṅkhitabbe kāraṇe. Cittasamādhinti tasmiṃ dhammasamādhismiṃ ṭhito tvaṃ saha vipassanāya catunnaṃ maggānaṃ vasena cittasamādhiṃ sace paṭilabheyyāsīti dasseti. Apaṇṇakatāyamayhanti ayaṃ paṭipadā mayhaṃ apaṇṇakatāya anaparādhakatāya eva saṃvattatīti attho. Kaṭaggāhoti jayaggāho.
ਅਯਂ ਖੋ, ਗਾਮਣਿ, ਧਮ੍ਮਸਮਾਧਿ, ਤਤ੍ਰ ਚੇ ਤ੍વਂ ਚਿਤ੍ਤਸਮਾਧਿਂ ਪਟਿਲਭੇਯ੍ਯਾਸੀਤਿ ਏਤ੍ਥ ਧਮ੍ਮਸਮਾਧੀਤਿ ਦਸਕੁਸਲਕਮ੍ਮਪਥਧਮ੍ਮਾ, ਚਿਤ੍ਤਸਮਾਧੀਤਿ ਸਹ વਿਪਸ੍ਸਨਾਯ ਚਤ੍ਤਾਰੋ ਮਗ੍ਗਾ। ਅਥ વਾ ‘‘ਪਾਮੋਜ੍ਜਂ ਜਾਯਤਿ, ਪਮੁਦਿਤਸ੍ਸ ਪੀਤਿ ਜਾਯਤੀ’’ਤਿ (ਅ॰ ਨਿ॰ ੫.੨੬) ਏવਂ વੁਤ੍ਤਾ ਪਾਮੋਜ੍ਜਪੀਤਿਪਸ੍ਸਦ੍ਧਿਸੁਖਸਮਾਧਿਸਙ੍ਖਾਤਾ ਪਞ੍ਚ ਧਮ੍ਮਾ ਧਮ੍ਮਸਮਾਧਿ ਨਾਮ, ਚਿਤ੍ਤਸਮਾਧਿ ਪਨ ਸਹ વਿਪਸ੍ਸਨਾਯ ਚਤ੍ਤਾਰੋ ਮਗ੍ਗਾવ। ਅਥ વਾ ਦਸਕੁਸਲਕਮ੍ਮਪਥਾ ਚਤ੍ਤਾਰੋ ਬ੍ਰਹ੍ਮવਿਹਾਰਾ ਚਾਤਿ ਅਯਂ ਧਮ੍ਮਸਮਾਧਿ ਨਾਮ, ਤਂ ਧਮ੍ਮਸਮਾਧਿਂ ਪੂਰੇਨ੍ਤਸ੍ਸ ਉਪ੍ਪਨ੍ਨਾ ਚਿਤ੍ਤੇਕਗ੍ਗਤਾ ਚਿਤ੍ਤਸਮਾਧਿ ਨਾਮ। ਏવਂ ਤ੍વਂ ਇਮਂ ਕਙ੍ਖਾਧਮ੍ਮਂ ਪਜਹੇਯ੍ਯਾਸੀਤਿ ਏવਂ ਤ੍વਂ ਇਮਸ੍ਮਿਂ વੁਤ੍ਤਪ੍ਪਭੇਦੇ ਧਮ੍ਮਸਮਾਧਿਸ੍ਮਿਂ ਠਿਤੋ ਸਚੇ ਏવਂ ਚਿਤ੍ਤਸਮਾਧਿਂ ਪਟਿਲਭੇਯ੍ਯਾਸਿ, ਏਕਂਸੇਨੇਤਂ ਕਙ੍ਖਂ ਪਜਹੇਯ੍ਯਾਸੀਤਿ ਅਤ੍ਥੋ। ਸੇਸਂ ਸਬ੍ਬਤ੍ਥ વੁਤ੍ਤਨਯਮੇવਾਤਿ।
Ayaṃ kho, gāmaṇi, dhammasamādhi, tatra ce tvaṃ cittasamādhiṃ paṭilabheyyāsīti ettha dhammasamādhīti dasakusalakammapathadhammā, cittasamādhīti saha vipassanāya cattāro maggā. Atha vā ‘‘pāmojjaṃ jāyati, pamuditassa pīti jāyatī’’ti (a. ni. 5.26) evaṃ vuttā pāmojjapītipassaddhisukhasamādhisaṅkhātā pañca dhammā dhammasamādhi nāma, cittasamādhi pana saha vipassanāya cattāro maggāva. Atha vā dasakusalakammapathā cattāro brahmavihārā cāti ayaṃ dhammasamādhi nāma, taṃ dhammasamādhiṃ pūrentassa uppannā cittekaggatā cittasamādhi nāma. Evaṃ tvaṃ imaṃ kaṅkhādhammaṃ pajaheyyāsīti evaṃ tvaṃ imasmiṃ vuttappabhede dhammasamādhismiṃ ṭhito sace evaṃ cittasamādhiṃ paṭilabheyyāsi, ekaṃsenetaṃ kaṅkhaṃ pajaheyyāsīti attho. Sesaṃ sabbattha vuttanayamevāti.
ਗਾਮਣਿਸਂਯੁਤ੍ਤવਣ੍ਣਨਾ ਨਿਟ੍ਠਿਤਾ।
Gāmaṇisaṃyuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੧੩. ਪਾਟਲਿਯਸੁਤ੍ਤਂ • 13. Pāṭaliyasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੧੩. ਪਾਟਲਿਯਸੁਤ੍ਤવਣ੍ਣਨਾ • 13. Pāṭaliyasuttavaṇṇanā
