| Library / Tipiṭaka / திபிடக • Tipiṭaka / பாசித்யாதி³யோஜனாபாளி • Pācityādiyojanāpāḷi |
8. குமாரிபூ⁴தவக்³கோ³
8. Kumāribhūtavaggo
1-2-3. பட²ம-து³திய-ததியஸிக்கா²பத³-அத்த²யோஜனா
1-2-3. Paṭhama-dutiya-tatiyasikkhāpada-atthayojanā
1119. குமாரிபூ⁴தவக்³க³ஸ்ஸ பட²மது³தியததியேஸு யா பன தா மஹாஸிக்க²மானாதி ஸம்ப³ந்தோ⁴. ஸப்³ப³பட²மா த்³வே மஹாஸிக்க²மானாதி க³ப்³பி⁴னிவக்³கே³ ஸப்³பா³ஸங் ஸிக்க²மானானங் பட²மங் வுத்தா த்³வே மஹாஸிக்க²மானா. தா பனாதி மஹாஸிக்க²மானா பன. ஸிக்க²மானாஇச்சேவ வத்தப்³பா³தி ஸம்முதிகம்மேஸு ஸாமஞ்ஞதோ வத்தப்³பா³. ‘‘கி³ஹிக³தா’’தி வா ‘‘குமாரிபூ⁴தா’’தி வா ந வத்தப்³பா³, வத³ந்தி சே, ஸம்முதிகம்மங் குப்பதீதி அதி⁴ப்பாயோ. கி³ஹிக³தாயாதி எத்த² கி³ஹிக³தா நாம புரிஸந்தரக³தா வுச்சதி. ஸா ஹி யஸ்மா புரிஸஸங்கா²தேன கி³ஹினா க³மியித்த², அஜ்ஜா²சாரவஸேன, கி³ஹிங் வா க³மித்த², தஸ்மா கி³ஹிக³தாதி வுச்சதி. அயங் ஸிக்க²மானாதி ஸம்ப³ந்தோ⁴. குமாரிபூ⁴தா நாம ஸாமணேரா வுச்சதி. ஸா ஹி யஸ்மா அகி³ஹிக³தத்தா குமாரீ ஹுத்வா பூ⁴தா, குமாரிபா⁴வங் வா பூ⁴தா க³தா, தஸ்மா குமாரிபூ⁴தாதி வுச்சதி. திஸ்ஸோபீதி கி³ஹிக³தா குமாரிபூ⁴தா மஹாஸிக்க²மானாதி திஸ்ஸோபி. ஸிக்க²மானாதி ஸிக்க²ங் மானேதீதி ஸிக்க²மானாதி. பட²ம து³திய ததியானி.
1119. Kumāribhūtavaggassa paṭhamadutiyatatiyesu yā pana tā mahāsikkhamānāti sambandho. Sabbapaṭhamā dve mahāsikkhamānāti gabbhinivagge sabbāsaṃ sikkhamānānaṃ paṭhamaṃ vuttā dve mahāsikkhamānā. Tā panāti mahāsikkhamānā pana. Sikkhamānāicceva vattabbāti sammutikammesu sāmaññato vattabbā. ‘‘Gihigatā’’ti vā ‘‘kumāribhūtā’’ti vā na vattabbā, vadanti ce, sammutikammaṃ kuppatīti adhippāyo. Gihigatāyāti ettha gihigatā nāma purisantaragatā vuccati. Sā hi yasmā purisasaṅkhātena gihinā gamiyittha, ajjhācāravasena, gihiṃ vā gamittha, tasmā gihigatāti vuccati. Ayaṃ sikkhamānāti sambandho. Kumāribhūtā nāma sāmaṇerā vuccati. Sā hi yasmā agihigatattā kumārī hutvā bhūtā, kumāribhāvaṃ vā bhūtā gatā, tasmā kumāribhūtāti vuccati. Tissopīti gihigatā kumāribhūtā mahāsikkhamānāti tissopi. Sikkhamānāti sikkhaṃ mānetīti sikkhamānāti. Paṭhama dutiya tatiyāni.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / பி⁴க்கு²னீவிப⁴ங்க³ • Bhikkhunīvibhaṅga / 1. பட²மஸிக்கா²பத³ங் • 1. Paṭhamasikkhāpadaṃ
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / பி⁴க்கு²னீவிப⁴ங்க³-அட்ட²கதா² • Bhikkhunīvibhaṅga-aṭṭhakathā / 1-2-3. பட²மது³தியததியஸிக்கா²பத³வண்ணனா • 1-2-3. Paṭhamadutiyatatiyasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / 8. குமாரிபூ⁴தவக்³க³வண்ணனா • 8. Kumāribhūtavaggavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / 1. பட²மாதி³ஸிக்கா²பத³வண்ணனா • 1. Paṭhamādisikkhāpadavaṇṇanā
