| Library / Tipiṭaka / තිපිටක • Tipiṭaka / පාචිත්‍යාදියොජනාපාළි • Pācityādiyojanāpāḷi |
8. කුමාරිභූතවග්‌ගො
8. Kumāribhūtavaggo
1-2-3. පඨම-දුතිය-තතියසික්‌ඛාපද-අත්‌ථයොජනා
1-2-3. Paṭhama-dutiya-tatiyasikkhāpada-atthayojanā
1119. කුමාරිභූතවග්‌ගස්‌ස පඨමදුතියතතියෙසු යා පන තා මහාසික්‌ඛමානාති සම්‌බන්‌ධො. සබ්‌බපඨමා ද්‌වෙ මහාසික්‌ඛමානාති ගබ්‌භිනිවග්‌ගෙ සබ්‌බාසං සික්‌ඛමානානං පඨමං වුත්‌තා ද්‌වෙ මහාසික්‌ඛමානා. තා පනාති මහාසික්‌ඛමානා පන. සික්‌ඛමානාඉච්‌චෙව වත්‌තබ්‌බාති සම්‌මුතිකම්‌මෙසු සාමඤ්‌ඤතො වත්‌තබ්‌බා. ‘‘ගිහිගතා’’ති වා ‘‘කුමාරිභූතා’’ති වා න වත්‌තබ්‌බා, වදන්‌ති චෙ, සම්‌මුතිකම්‌මං කුප්‌පතීති අධිප්‌පායො. ගිහිගතායාති එත්‌ථ ගිහිගතා නාම පුරිසන්‌තරගතා වුච්‌චති. සා හි යස්‌මා පුරිසසඞ්‌ඛාතෙන ගිහිනා ගමියිත්‌ථ, අජ්‌ඣාචාරවසෙන, ගිහිං වා ගමිත්‌ථ, තස්‌මා ගිහිගතාති වුච්‌චති. අයං සික්‌ඛමානාති සම්‌බන්‌ධො. කුමාරිභූතා නාම සාමණෙරා වුච්‌චති. සා හි යස්‌මා අගිහිගතත්‌තා කුමාරී හුත්‌වා භූතා, කුමාරිභාවං වා භූතා ගතා, තස්‌මා කුමාරිභූතාති වුච්‌චති. තිස්‌සොපීති ගිහිගතා කුමාරිභූතා මහාසික්‌ඛමානාති තිස්‌සොපි. සික්‌ඛමානාති සික්‌ඛං මානෙතීති සික්‌ඛමානාති. පඨම දුතිය තතියානි.
1119. Kumāribhūtavaggassa paṭhamadutiyatatiyesu yā pana tā mahāsikkhamānāti sambandho. Sabbapaṭhamā dve mahāsikkhamānāti gabbhinivagge sabbāsaṃ sikkhamānānaṃ paṭhamaṃ vuttā dve mahāsikkhamānā. Tā panāti mahāsikkhamānā pana. Sikkhamānāicceva vattabbāti sammutikammesu sāmaññato vattabbā. ‘‘Gihigatā’’ti vā ‘‘kumāribhūtā’’ti vā na vattabbā, vadanti ce, sammutikammaṃ kuppatīti adhippāyo. Gihigatāyāti ettha gihigatā nāma purisantaragatā vuccati. Sā hi yasmā purisasaṅkhātena gihinā gamiyittha, ajjhācāravasena, gihiṃ vā gamittha, tasmā gihigatāti vuccati. Ayaṃ sikkhamānāti sambandho. Kumāribhūtā nāma sāmaṇerā vuccati. Sā hi yasmā agihigatattā kumārī hutvā bhūtā, kumāribhāvaṃ vā bhūtā gatā, tasmā kumāribhūtāti vuccati. Tissopīti gihigatā kumāribhūtā mahāsikkhamānāti tissopi. Sikkhamānāti sikkhaṃ mānetīti sikkhamānāti. Paṭhama dutiya tatiyāni.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / භික්‌ඛුනීවිභඞ්‌ග • Bhikkhunīvibhaṅga / 1. පඨමසික්‌ඛාපදං • 1. Paṭhamasikkhāpadaṃ
අට්‌ඨකථා • Aṭṭhakathā / විනයපිටක (අට්‌ඨකථා) • Vinayapiṭaka (aṭṭhakathā) / භික්‌ඛුනීවිභඞ්‌ග-අට්‌ඨකථා • Bhikkhunīvibhaṅga-aṭṭhakathā / 1-2-3. පඨමදුතියතතියසික්‌ඛාපදවණ්‌ණනා • 1-2-3. Paṭhamadutiyatatiyasikkhāpadavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / සාරත්‌ථදීපනී-ටීකා • Sāratthadīpanī-ṭīkā / 8. කුමාරිභූතවග්‌ගවණ්‌ණනා • 8. Kumāribhūtavaggavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / විමතිවිනොදනී-ටීකා • Vimativinodanī-ṭīkā / 1. පඨමාදිසික්‌ඛාපදවණ්‌ණනා • 1. Paṭhamādisikkhāpadavaṇṇanā
