| Library / Tipiṭaka / ཏིཔིཊཀ • Tipiṭaka / པཱཙིཏྱཱདིཡོཛནཱཔཱལི༹ • Pācityādiyojanāpāḷi |
༨. ཀུམཱརིབྷཱུཏཝགྒོ
8. Kumāribhūtavaggo
༡-༢-༣. པཋམ-དུཏིཡ-ཏཏིཡསིཀྑཱཔད-ཨཏྠཡོཛནཱ
1-2-3. Paṭhama-dutiya-tatiyasikkhāpada-atthayojanā
༡༡༡༩. ཀུམཱརིབྷཱུཏཝགྒསྶ པཋམདུཏིཡཏཏིཡེསུ ཡཱ པན ཏཱ མཧཱསིཀྑམཱནཱཏི སམྦནྡྷོ། སབྦཔཋམཱ དྭེ མཧཱསིཀྑམཱནཱཏི གབྦྷིནིཝགྒེ སབྦཱསཾ སིཀྑམཱནཱནཾ པཋམཾ ཝུཏྟཱ དྭེ མཧཱསིཀྑམཱནཱ། ཏཱ པནཱཏི མཧཱསིཀྑམཱནཱ པན། སིཀྑམཱནཱཨིཙྩེཝ ཝཏྟབྦཱཏི སམྨུཏིཀམྨེསུ སཱམཉྙཏོ ཝཏྟབྦཱ། ‘‘གིཧིགཏཱ’’ཏི ཝཱ ‘‘ཀུམཱརིབྷཱུཏཱ’’ཏི ཝཱ ན ཝཏྟབྦཱ, ཝདནྟི ཙེ, སམྨུཏིཀམྨཾ ཀུཔྤཏཱིཏི ཨདྷིཔྤཱཡོ། གིཧིགཏཱཡཱཏི ཨེཏྠ གིཧིགཏཱ ནཱམ པུརིསནྟརགཏཱ ཝུཙྩཏི། སཱ ཧི ཡསྨཱ པུརིསསངྑཱཏེན གིཧིནཱ གམིཡིཏྠ, ཨཛ྄ཛྷཱཙཱརཝསེན, གིཧིཾ ཝཱ གམིཏྠ, ཏསྨཱ གིཧིགཏཱཏི ཝུཙྩཏི། ཨཡཾ སིཀྑམཱནཱཏི སམྦནྡྷོ། ཀུམཱརིབྷཱུཏཱ ནཱམ སཱམཎེརཱ ཝུཙྩཏི། སཱ ཧི ཡསྨཱ ཨགིཧིགཏཏྟཱ ཀུམཱརཱི ཧུཏྭཱ བྷཱུཏཱ, ཀུམཱརིབྷཱཝཾ ཝཱ བྷཱུཏཱ གཏཱ, ཏསྨཱ ཀུམཱརིབྷཱུཏཱཏི ཝུཙྩཏི། ཏིསྶོཔཱིཏི གིཧིགཏཱ ཀུམཱརིབྷཱུཏཱ མཧཱསིཀྑམཱནཱཏི ཏིསྶོཔི། སིཀྑམཱནཱཏི སིཀྑཾ མཱནེཏཱིཏི སིཀྑམཱནཱཏི། པཋམ དུཏིཡ ཏཏིཡཱནི།
1119. Kumāribhūtavaggassa paṭhamadutiyatatiyesu yā pana tā mahāsikkhamānāti sambandho. Sabbapaṭhamā dve mahāsikkhamānāti gabbhinivagge sabbāsaṃ sikkhamānānaṃ paṭhamaṃ vuttā dve mahāsikkhamānā. Tā panāti mahāsikkhamānā pana. Sikkhamānāicceva vattabbāti sammutikammesu sāmaññato vattabbā. ‘‘Gihigatā’’ti vā ‘‘kumāribhūtā’’ti vā na vattabbā, vadanti ce, sammutikammaṃ kuppatīti adhippāyo. Gihigatāyāti ettha gihigatā nāma purisantaragatā vuccati. Sā hi yasmā purisasaṅkhātena gihinā gamiyittha, ajjhācāravasena, gihiṃ vā gamittha, tasmā gihigatāti vuccati. Ayaṃ sikkhamānāti sambandho. Kumāribhūtā nāma sāmaṇerā vuccati. Sā hi yasmā agihigatattā kumārī hutvā bhūtā, kumāribhāvaṃ vā bhūtā gatā, tasmā kumāribhūtāti vuccati. Tissopīti gihigatā kumāribhūtā mahāsikkhamānāti tissopi. Sikkhamānāti sikkhaṃ mānetīti sikkhamānāti. Paṭhama dutiya tatiyāni.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / བྷིཀྑུནཱིཝིབྷངྒ • Bhikkhunīvibhaṅga / ༡. པཋམསིཀྑཱཔདཾ • 1. Paṭhamasikkhāpadaṃ
ཨཊྛཀཐཱ • Aṭṭhakathā / ཝིནཡཔིཊཀ (ཨཊྛཀཐཱ) • Vinayapiṭaka (aṭṭhakathā) / བྷིཀྑུནཱིཝིབྷངྒ-ཨཊྛཀཐཱ • Bhikkhunīvibhaṅga-aṭṭhakathā / ༡-༢-༣. པཋམདུཏིཡཏཏིཡསིཀྑཱཔདཝཎྞནཱ • 1-2-3. Paṭhamadutiyatatiyasikkhāpadavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / སཱརཏྠདཱིཔནཱི-ཊཱིཀཱ • Sāratthadīpanī-ṭīkā / ༨. ཀུམཱརིབྷཱུཏཝགྒཝཎྞནཱ • 8. Kumāribhūtavaggavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝིམཏིཝིནོདནཱི-ཊཱིཀཱ • Vimativinodanī-ṭīkā / ༡. པཋམཱདིསིཀྑཱཔདཝཎྞནཱ • 1. Paṭhamādisikkhāpadavaṇṇanā
