| Library / Tipiṭaka / ติปิฎก • Tipiṭaka / องฺคุตฺตรนิกาย • Aṅguttaranikāya |
๘. ปฐมอภพฺพฎฺฐานสุตฺตํ
8. Paṭhamaabhabbaṭṭhānasuttaṃ
๙๒. ‘‘ฉยิมานิ, ภิกฺขเว, อภพฺพฎฺฐานานิฯ กตมานิ ฉ? อภโพฺพ ทิฎฺฐิสมฺปโนฺน ปุคฺคโล สตฺถริ อคารโว วิหริตุํ อปฺปติโสฺส, อภโพฺพ ทิฎฺฐิสมฺปโนฺน ปุคฺคโล ธเมฺม อคารโว วิหริตุํ อปฺปติโสฺส, อภโพฺพ ทิฎฺฐิสมฺปโนฺน ปุคฺคโล สเงฺฆ อคารโว วิหริตุํ อปฺปติโสฺส, อภโพฺพ ทิฎฺฐิสมฺปโนฺน ปุคฺคโล สิกฺขาย อคารโว วิหริตุํ อปฺปติโสฺส, อภโพฺพ ทิฎฺฐิสมฺปโนฺน ปุคฺคโล อนาคมนียํ วตฺถุํ ปจฺจาคนฺตุํ, อภโพฺพ ทิฎฺฐิสมฺปโนฺน ปุคฺคโล อฎฺฐมํ ภวํ นิพฺพเตฺตตุํฯ อิมานิ โข, ภิกฺขเว, ฉ อภพฺพฎฺฐานานี’’ติฯ อฎฺฐมํฯ
92. ‘‘Chayimāni, bhikkhave, abhabbaṭṭhānāni. Katamāni cha? Abhabbo diṭṭhisampanno puggalo satthari agāravo viharituṃ appatisso, abhabbo diṭṭhisampanno puggalo dhamme agāravo viharituṃ appatisso, abhabbo diṭṭhisampanno puggalo saṅghe agāravo viharituṃ appatisso, abhabbo diṭṭhisampanno puggalo sikkhāya agāravo viharituṃ appatisso, abhabbo diṭṭhisampanno puggalo anāgamanīyaṃ vatthuṃ paccāgantuṃ, abhabbo diṭṭhisampanno puggalo aṭṭhamaṃ bhavaṃ nibbattetuṃ. Imāni kho, bhikkhave, cha abhabbaṭṭhānānī’’ti. Aṭṭhamaṃ.
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) / ๘-๑๑. อภพฺพฎฺฐานสุตฺตจตุกฺกวณฺณนา • 8-11. Abhabbaṭṭhānasuttacatukkavaṇṇanā
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / องฺคุตฺตรนิกาย (ฎีกา) • Aṅguttaranikāya (ṭīkā) / ๒-๑๑. อาวรณสุตฺตาทิวณฺณนา • 2-11. Āvaraṇasuttādivaṇṇanā
