| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
(12) 2. бажжорохан̣иваг̇г̇о
(12) 2. Paccorohaṇivaggo
1-4. батамаад̇хаммасуд̇д̇аад̣̇иван̣н̣анаа
1-4. Paṭhamaadhammasuttādivaṇṇanā
113-6. д̣̇уд̇ияасса батамад̣̇уд̇ияаани уд̇д̇аанад̇т̇аани. д̇ад̇ияз ж̇аанам̣ ж̇аанаад̇ийд̇и саб̣б̣ан̃н̃уд̇ан̃н̃аан̣зна ж̇аанид̇аб̣б̣ам̣ саб̣б̣ам̣ ж̇аанаад̇и зва. на хи бад̣̇зсан̃аан̣з тид̇о ж̇аанид̇аб̣б̣ам̣ саб̣б̣ам̣ ж̇аанаад̇и. уггадтанид̣̇д̣̇зсзна хи ависзсаг̇г̇ахан̣зна жа ‘‘ж̇аана’’нд̇и иминаа ниравасзсам̣ н̃зяяаж̇аад̇ам̣ бариг̇г̇аяхад̇ийд̇и д̇аб̣б̣исаяааяа ж̇аананагирияааяа саб̣б̣ан̃н̃уд̇ан̃н̃аан̣амзва гаран̣ам̣ бхавид̇ум̣ яуд̇д̇ам̣, багаран̣авасзна ‘‘бхаг̇аваа’’д̇и сад̣̇д̣̇анд̇арасаннид̇хаанзна жа аяамад̇т̇о вибхаавзд̇аб̣б̣о. бассид̇аб̣б̣амзва бассад̇ийд̇и д̣̇иб̣б̣ажагкубан̃н̃аажагкуд̇хаммажагкуб̣уд̣̇д̇хажагкусаманд̇ажагкусан̇каад̇зхи н̃аан̣ажагкуухи бассид̇аб̣б̣ам̣ бассад̇и зва. ат̇а ваа ж̇аанам̣ ж̇аанаад̇ийд̇и яат̇аа ан̃н̃з савибаллаасаа гаамаруубабарин̃н̃ааваад̣̇ино ж̇аананд̇ааби вибаллаасавасзна ж̇аананд̇и, на звам̣ бхаг̇аваа. бхаг̇аваа бана бахийнавибаллаасад̇д̇аа ж̇аананд̇о ж̇аанаад̇и зва, д̣̇идтид̣̇ассанасса абхааваа бассанд̇о бассад̇иязваад̇и ад̇т̇о. жагку вияа бхууд̇од̇и д̣̇ассанабарин̣ааяагадтзна жагку вияа бхууд̇о. яат̇аа хи жагку сад̇д̇аанам̣ д̣̇ассанад̇т̇ам̣ барин̣зд̇и саад̇хзд̇и, звам̣ логасса яаат̇аавад̣̇ассанасаад̇ханад̇оби д̣̇ассанагижжабарин̣ааяагадтзна жагку вияа бхууд̇о, бан̃н̃аажагкумаяад̇д̇аа ваа саяамбхун̃аан̣зна бан̃н̃аажагкум̣ бхууд̇о бад̇д̇од̇и ваа жагкубхууд̇о.
113-6. Dutiyassa paṭhamadutiyāni uttānatthāni. Tatiye jānaṃ jānātīti sabbaññutaññāṇena jānitabbaṃ sabbaṃ jānāti eva. Na hi padesañāṇe ṭhito jānitabbaṃ sabbaṃ jānāti. Ukkaṭṭhaniddesena hi avisesaggahaṇena ca ‘‘jāna’’nti iminā niravasesaṃ ñeyyajātaṃ pariggayhatīti tabbisayāya jānanakiriyāya sabbaññutaññāṇameva karaṇaṃ bhavituṃ yuttaṃ, pakaraṇavasena ‘‘bhagavā’’ti saddantarasannidhānena ca ayamattho vibhāvetabbo. Passitabbameva passatīti dibbacakkhupaññācakkhudhammacakkhubuddhacakkhusamantacakkhusaṅkhātehi ñāṇacakkhūhi passitabbaṃ passati eva. Atha vā jānaṃ jānātīti yathā aññe savipallāsā kāmarūpapariññāvādino jānantāpi vipallāsavasena jānanti, na evaṃ bhagavā. Bhagavā pana pahīnavipallāsattā jānanto jānāti eva, diṭṭhidassanassa abhāvā passanto passatiyevāti attho. Cakkhu viya bhūtoti dassanapariṇāyakaṭṭhena cakkhu viya bhūto. Yathā hi cakkhu sattānaṃ dassanatthaṃ pariṇeti sādheti, evaṃ lokassa yāthāvadassanasādhanatopi dassanakiccapariṇāyakaṭṭhena cakkhu viya bhūto, paññācakkhumayattā vā sayambhuñāṇena paññācakkhuṃ bhūto pattoti vā cakkhubhūto.
н̃аан̣асабхаавод̇и вид̣̇ид̇агаран̣адтзна н̃аан̣асабхааво. авибарийд̇асабхаавадтзна барияад̇д̇ид̇хаммаббавад̇д̇анад̇о ваа хад̣̇аязна жинд̇зд̇ваа ваажааяа нижчаарид̇ад̇хаммамаяод̇и д̇хаммабхууд̇о. д̇знааха ‘‘д̇хаммасабхааво’’д̇и. д̇хаммаа ваа б̣од̇хибагкияаа д̇зхи уббаннад̇д̇аа логасса жа д̇ад̣̇уббаад̣̇анад̇о, анан̃н̃асаад̇хааран̣ам̣ ваа д̇хаммам̣ бад̇д̇о ад̇хиг̇ад̇од̇и д̇хаммабхууд̇о. сздтадтзна б̣рахмабхууд̇од̇и ааха ‘‘сздтасабхааво’’д̇и. ат̇а ваа б̣рахмаа вужжад̇и маг̇г̇о, д̇зна уббаннад̇д̇аа логасса жа д̇ад̣̇уббаад̣̇анад̇о, д̇ан̃жа саяамбхун̃аан̣зна бад̇д̇од̇и б̣рахмабхууд̇о. жад̇усажжад̇хаммам̣ вад̣̇ад̇ийд̇и вад̇д̇аа. жирам̣ сажжаббадивзд̇хам̣ бавад̇д̇знд̇о вад̣̇ад̇ийд̇и бавад̇д̇аа. ад̇т̇ам̣ нийхарид̇ваад̇и д̣̇угкаад̣̇иад̇т̇ам̣ д̇ад̇т̇ааби бийл̣анаад̣̇иад̇т̇ам̣ уд̣̇д̇харид̇ваа. барамад̇т̇ам̣ ваа ниб̣б̣аанам̣ баабаяид̇аа ниннзд̇аа. амад̇аад̇хиг̇амабадибад̇д̇ид̣̇зсанааяа амад̇асажчигирияам̣ сад̇д̇зсу уббаад̣̇знд̇о амад̇ам̣ д̣̇ад̣̇аад̇ийд̇и амад̇асса д̣̇аад̇аа. б̣од̇хибагкияад̇хаммаанам̣ д̇ад̣̇ааяад̇д̇абхаавад̇о д̇хаммасаамий. жад̇уд̇т̇з над̇т̇и вад̇д̇аб̣б̣ам̣.
Ñāṇasabhāvoti viditakaraṇaṭṭhena ñāṇasabhāvo. Aviparītasabhāvaṭṭhena pariyattidhammappavattanato vā hadayena cintetvā vācāya nicchāritadhammamayoti dhammabhūto. Tenāha ‘‘dhammasabhāvo’’ti. Dhammā vā bodhipakkhiyā tehi uppannattā lokassa ca taduppādanato, anaññasādhāraṇaṃ vā dhammaṃ patto adhigatoti dhammabhūto. Seṭṭhaṭṭhena brahmabhūtoti āha ‘‘seṭṭhasabhāvo’’ti. Atha vā brahmā vuccati maggo, tena uppannattā lokassa ca taduppādanato, tañca sayambhuñāṇena pattoti brahmabhūto. Catusaccadhammaṃ vadatīti vattā. Ciraṃ saccappaṭivedhaṃ pavattento vadatīti pavattā. Atthaṃ nīharitvāti dukkhādiatthaṃ tatthāpi pīḷanādiatthaṃ uddharitvā. Paramatthaṃ vā nibbānaṃ pāpayitā ninnetā. Amatādhigamapaṭipattidesanāya amatasacchikiriyaṃ sattesu uppādento amataṃ dadātīti amatassa dātā. Bodhipakkhiyadhammānaṃ tadāyattabhāvato dhammasāmī. Catutthe natthi vattabbaṃ.
батамаад̇хаммасуд̇д̇аад̣̇иван̣н̣анаа нидтид̇аа.
Paṭhamaadhammasuttādivaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya
1. батамаад̇хаммасуд̇д̇ам̣ • 1. Paṭhamaadhammasuttaṃ
2. д̣̇уд̇ияаад̇хаммасуд̇д̇ам̣ • 2. Dutiyaadhammasuttaṃ
3. д̇ад̇ияаад̇хаммасуд̇д̇ам̣ • 3. Tatiyaadhammasuttaṃ
4. аж̇ид̇асуд̇д̇ам̣ • 4. Ajitasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā)
1-2. ад̇хаммасуд̇д̇ад̣̇ваяаван̣н̣анаа • 1-2. Adhammasuttadvayavaṇṇanā
3. д̇ад̇ияаад̇хаммасуд̇д̇аван̣н̣анаа • 3. Tatiyaadhammasuttavaṇṇanā
4. аж̇ид̇асуд̇д̇аван̣н̣анаа • 4. Ajitasuttavaṇṇanā
