| Library / Tipiṭaka / ติปิฎก • Tipiṭaka / องฺคุตฺตรนิกาย • Aṅguttaranikāya |
๙. ปฐมอคารวสุตฺตํ
9. Paṭhamaagāravasuttaṃ
๙. ‘‘ปญฺจหิ, ภิกฺขเว, ธเมฺมหิ สมนฺนาคโต ภิกฺขุ อคารโว อปฺปติโสฺส จวติ, นปฺปติฎฺฐาติ สทฺธเมฺมฯ กตเมหิ ปญฺจหิ? อสฺสโทฺธ, ภิกฺขเว, ภิกฺขุ อคารโว อปฺปติโสฺส จวติ, นปฺปติฎฺฐาติ สทฺธเมฺมฯ อหิริโก, ภิกฺขเว, ภิกฺขุ อคารโว อปฺปติโสฺส จวติ, นปฺปติฎฺฐาติ สทฺธเมฺมฯ อโนตฺตปฺปี, ภิกฺขเว, ภิกฺขุ อคารโว อปฺปติโสฺส จวติ, นปฺปติฎฺฐาติ สทฺธเมฺมฯ กุสีโต , ภิกฺขเว, ภิกฺขุ อคารโว อปฺปติโสฺส จวติ, นปฺปติฎฺฐาติ สทฺธเมฺมฯ ทุปฺปโญฺญ, ภิกฺขเว, ภิกฺขุ อคารโว อปฺปติโสฺส จวติ, นปฺปติฎฺฐาติ สทฺธเมฺมฯ อิเมหิ โข, ภิกฺขเว, ปญฺจหิ ธเมฺมหิ สมนฺนาคโต ภิกฺขุ อคารโว อปฺปติโสฺส จวติ, นปฺปติฎฺฐาติ สทฺธเมฺมฯ
9. ‘‘Pañcahi, bhikkhave, dhammehi samannāgato bhikkhu agāravo appatisso cavati, nappatiṭṭhāti saddhamme. Katamehi pañcahi? Assaddho, bhikkhave, bhikkhu agāravo appatisso cavati, nappatiṭṭhāti saddhamme. Ahiriko, bhikkhave, bhikkhu agāravo appatisso cavati, nappatiṭṭhāti saddhamme. Anottappī, bhikkhave, bhikkhu agāravo appatisso cavati, nappatiṭṭhāti saddhamme. Kusīto , bhikkhave, bhikkhu agāravo appatisso cavati, nappatiṭṭhāti saddhamme. Duppañño, bhikkhave, bhikkhu agāravo appatisso cavati, nappatiṭṭhāti saddhamme. Imehi kho, bhikkhave, pañcahi dhammehi samannāgato bhikkhu agāravo appatisso cavati, nappatiṭṭhāti saddhamme.
‘‘ปญฺจหิ , ภิกฺขเว, ธเมฺมหิ สมนฺนาคโต ภิกฺขุ สคารโว สปฺปติโสฺส น จวติ, ปติฎฺฐาติ สทฺธเมฺมฯ กตเมหิ ปญฺจหิ? สโทฺธ, ภิกฺขเว, ภิกฺขุ สคารโว สปฺปติโสฺส น จวติ, ปติฎฺฐาติ สทฺธเมฺมฯ หิริมา, ภิกฺขเว, ภิกฺขุ สคารโว สปฺปติโสฺส น จวติ, ปติฎฺฐาติ สทฺธเมฺมฯ โอตฺตปฺปี, ภิกฺขเว, ภิกฺขุ สคารโว สปฺปติโสฺส น จวติ, ปติฎฺฐาติ สทฺธเมฺมฯ อารทฺธวีริโย, ภิกฺขเว, ภิกฺขุ สคารโว สปฺปติโสฺส น จวติ, ปติฎฺฐาติ สทฺธเมฺมฯ ปญฺญวา, ภิกฺขเว, ภิกฺขุ สคารโว สปฺปติโสฺส น จวติ, ปติฎฺฐาติ สทฺธเมฺมฯ อิเมหิ โข, ภิกฺขเว, ปญฺจหิ ธเมฺมหิ สมนฺนาคโต ภิกฺขุ สคารโว สปฺปติโสฺส น จวติ, ปติฎฺฐาติ สทฺธเมฺม’’ติฯ นวมํฯ
‘‘Pañcahi , bhikkhave, dhammehi samannāgato bhikkhu sagāravo sappatisso na cavati, patiṭṭhāti saddhamme. Katamehi pañcahi? Saddho, bhikkhave, bhikkhu sagāravo sappatisso na cavati, patiṭṭhāti saddhamme. Hirimā, bhikkhave, bhikkhu sagāravo sappatisso na cavati, patiṭṭhāti saddhamme. Ottappī, bhikkhave, bhikkhu sagāravo sappatisso na cavati, patiṭṭhāti saddhamme. Āraddhavīriyo, bhikkhave, bhikkhu sagāravo sappatisso na cavati, patiṭṭhāti saddhamme. Paññavā, bhikkhave, bhikkhu sagāravo sappatisso na cavati, patiṭṭhāti saddhamme. Imehi kho, bhikkhave, pañcahi dhammehi samannāgato bhikkhu sagāravo sappatisso na cavati, patiṭṭhāti saddhamme’’ti. Navamaṃ.
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) / ๙. ปฐมอคารวสุตฺตวณฺณนา • 9. Paṭhamaagāravasuttavaṇṇanā
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / องฺคุตฺตรนิกาย (ฎีกา) • Aṅguttaranikāya (ṭīkā) / ๖. มหาสุปินสุตฺตวณฺณนา • 6. Mahāsupinasuttavaṇṇanā
