| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
7-10. батамааг̇ад̇исуд̇д̇аад̣̇иван̣н̣анаа
7-10. Paṭhamaagatisuttādivaṇṇanā
17-20. сад̇д̇амз чанд̣̇ааг̇ад̇инд̇и зд̇т̇а санд̇хивасзна саралобод̇и д̣̇ассзнд̇о ааха ‘‘чанд̣̇зна аг̇ад̇и’’нд̇и. чанд̣̇аад̇и хзд̇умхи ниссаггаважананд̇и ааха ‘‘чанд̣̇знаа’’д̇и, бзмзнаад̇и ад̇т̇о. чанд̣̇асад̣̇д̣̇о хзд̇т̇а д̇ан̣хаабарияааяо, агусалажчанд̣̇абарияааяо ваа. сзсзсууд̇и ‘‘д̣̇осааг̇ад̇им̣ г̇ажчад̇ий’’д̇иаад̣̇ийсу.
17-20. Sattame chandāgatinti ettha sandhivasena saralopoti dassento āha ‘‘chandena agati’’nti. Chandāti hetumhi nissakkavacananti āha ‘‘chandenā’’ti, pemenāti attho. Chandasaddo hettha taṇhāpariyāyo, akusalacchandapariyāyo vā. Sesesūti ‘‘dosāgatiṃ gacchatī’’tiādīsu.
зд̇т̇а жа яо ‘‘аяам̣ мз мид̇д̇од̇и ваа, санд̣̇идтод̇и ваа, н̃аад̇агод̇и ваа, лан̃жам̣ ваа бана мз д̣̇зд̇ий’’д̇и чанд̣̇авасзна ассаамигам̣ саамигам̣ гарод̇и, аяам̣ чанд̣̇зна агад̇д̇аб̣б̣ам̣ гарод̇и наама. яо ‘‘аяам̣ мз взрий’’д̇и жирагаалаануб̣ад̣̇д̇хавзравасзна ваа, д̇ан̇кан̣уббаннагод̇хавасзна ваа саамигам̣ ассаамигам̣ гарод̇и, аяам̣ д̣̇осзна агад̇д̇аб̣б̣ам̣ гарод̇и наама. яо бана манд̣̇ад̇д̇аа момуухад̇д̇аа яам̣ ваа д̇ам̣ ваа аяуд̇д̇ам̣ агааран̣ам̣ вад̇ваа ассаамигам̣ саамигам̣ гарод̇и, аяам̣ мохзна агад̇д̇аб̣б̣ам̣ гарод̇и наама. яо бана ‘‘аяам̣ рааж̇аваллабход̇и ваа висамз жораад̣̇игз висамаани ваа гааяад̣̇ужжарид̇аад̣̇ийни самаад̣̇ааяа вад̇д̇анзна висаманиссид̇о ваа, анад̇т̇амби мз гарзяяаа’’д̇и бхийд̇о ассаамигам̣ саамигам̣ гарод̇и, аяам̣ бхаязна агад̇д̇аб̣б̣ам̣ гарод̇и наама.
Ettha ca yo ‘‘ayaṃ me mittoti vā, sandiṭṭhoti vā, ñātakoti vā, lañcaṃ vā pana me detī’’ti chandavasena assāmikaṃ sāmikaṃ karoti, ayaṃ chandena akattabbaṃ karoti nāma. Yo ‘‘ayaṃ me verī’’ti cirakālānubaddhaveravasena vā, taṅkhaṇuppannakodhavasena vā sāmikaṃ assāmikaṃ karoti, ayaṃ dosena akattabbaṃ karoti nāma. Yo pana mandattā momūhattā yaṃ vā taṃ vā ayuttaṃ akāraṇaṃ vatvā assāmikaṃ sāmikaṃ karoti, ayaṃ mohena akattabbaṃ karoti nāma. Yo pana ‘‘ayaṃ rājavallabhoti vā visame corādike visamāni vā kāyaduccaritādīni samādāya vattanena visamanissito vā, anatthampi me kareyyā’’ti bhīto assāmikaṃ sāmikaṃ karoti, ayaṃ bhayena akattabbaṃ karoti nāma.
яо бана гин̃жи бхааж̇знд̇о ‘‘аяам̣ мз санд̣̇идто ваа самбхад̇д̇о ваа’’д̇и бзмавасзна ад̇ирзгам̣ д̣̇зд̇и, ‘‘аяам̣ мз взрий’’д̇и д̣̇осавасзна уунагам̣ д̣̇зд̇и , яо муяханд̇о д̣̇иннаад̣̇иннам̣ аж̇аанамаано гассажи уунам̣, гассажи ад̇хигам̣ д̣̇зд̇и, ‘‘аяам̣ имасмим̣ ад̣̇ийяамаанз маяхам̣ анад̇т̇амби гарзяяаа’’д̇и сийд̇о гассажи ад̇ирзгам̣ д̣̇зд̇и, со жад̇уб̣б̣ид̇хоби яат̇аануггамзна чанд̣̇ааг̇ад̇иаад̣̇ийни г̇ажчанд̇о агад̇д̇аб̣б̣ам̣ гарод̇и наама.
Yo pana kiñci bhājento ‘‘ayaṃ me sandiṭṭho vā sambhatto vā’’ti pemavasena atirekaṃ deti, ‘‘ayaṃ me verī’’ti dosavasena ūnakaṃ deti , yo muyhanto dinnādinnaṃ ajānamāno kassaci ūnaṃ, kassaci adhikaṃ deti, ‘‘ayaṃ imasmiṃ adīyamāne mayhaṃ anatthampi kareyyā’’ti sīto kassaci atirekaṃ deti, so catubbidhopi yathānukkamena chandāgatiādīni gacchanto akattabbaṃ karoti nāma.
нихийяад̇и д̇асса яасод̇и д̇асса аг̇ад̇иг̇аамино гид̇д̇ияасоби бариваараяасоби нихийяад̇и барихааяад̇и. яассад̇и д̇зна гид̇д̇ийяад̇ийд̇и хи яасо, гид̇д̇и т̇уд̇игхосо. яассад̇и д̇зна бурзжараанужарабхаавзна бариваараяад̇ийд̇и яасо, баривааро. адтаманавамад̣̇асамаани уд̇д̇аанад̇т̇аанзва.
Nihīyati tassa yasoti tassa agatigāmino kittiyasopi parivārayasopi nihīyati parihāyati. Yassati tena kittīyatīti hi yaso, kitti thutighoso. Yassati tena purecarānucarabhāvena parivārayatīti yaso, parivāro. Aṭṭhamanavamadasamāni uttānatthāneva.
жараваг̇г̇о д̣̇уд̇ияо.
Caravaggo dutiyo.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya
7. батамааг̇ад̇исуд̇д̇ам̣ • 7. Paṭhamaagatisuttaṃ
8. д̣̇уд̇ияааг̇ад̇исуд̇д̇ам̣ • 8. Dutiyaagatisuttaṃ
9. д̇ад̇ияааг̇ад̇исуд̇д̇ам̣ • 9. Tatiyaagatisuttaṃ
10. бхад̇д̇уд̣̇д̣̇зсагасуд̇д̇ам̣ • 10. Bhattuddesakasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā)
7. батамааг̇ад̇исуд̇д̇аван̣н̣анаа • 7. Paṭhamaagatisuttavaṇṇanā
10. бхад̇д̇уд̣̇д̣̇зсагасуд̇д̇аван̣н̣анаа • 10. Bhattuddesakasuttavaṇṇanā
