| Library / Tipiṭaka / តិបិដក • Tipiṭaka / អង្គុត្តរនិកាយ (ដីកា) • Aṅguttaranikāya (ṭīkā) |
៧-១០. បឋមអគតិសុត្តាទិវណ្ណនា
7-10. Paṭhamaagatisuttādivaṇṇanā
១៧-២០. សត្តមេ ឆន្ទាគតិន្តិ ឯត្ថ សន្ធិវសេន សរលោបោតិ ទស្សេន្តោ អាហ ‘‘ឆន្ទេន អគតិ’’ន្តិ។ ឆន្ទាតិ ហេតុម្ហិ និស្សក្កវចនន្តិ អាហ ‘‘ឆន្ទេនា’’តិ, បេមេនាតិ អត្ថោ។ ឆន្ទសទ្ទោ ហេត្ថ តណ្ហាបរិយាយោ, អកុសលច្ឆន្ទបរិយាយោ វា។ សេសេសូតិ ‘‘ទោសាគតិំ គច្ឆតី’’តិអាទីសុ។
17-20. Sattame chandāgatinti ettha sandhivasena saralopoti dassento āha ‘‘chandena agati’’nti. Chandāti hetumhi nissakkavacananti āha ‘‘chandenā’’ti, pemenāti attho. Chandasaddo hettha taṇhāpariyāyo, akusalacchandapariyāyo vā. Sesesūti ‘‘dosāgatiṃ gacchatī’’tiādīsu.
ឯត្ថ ច យោ ‘‘អយំ មេ មិត្តោតិ វា, សន្ទិដ្ឋោតិ វា, ញាតកោតិ វា, លញ្ចំ វា បន មេ ទេតី’’តិ ឆន្ទវសេន អស្សាមិកំ សាមិកំ ករោតិ, អយំ ឆន្ទេន អកត្តព្ពំ ករោតិ នាម។ យោ ‘‘អយំ មេ វេរី’’តិ ចិរកាលានុពទ្ធវេរវសេន វា, តង្ខណុប្បន្នកោធវសេន វា សាមិកំ អស្សាមិកំ ករោតិ, អយំ ទោសេន អកត្តព្ពំ ករោតិ នាម។ យោ បន មន្ទត្តា មោមូហត្តា យំ វា តំ វា អយុត្តំ អការណំ វត្វា អស្សាមិកំ សាមិកំ ករោតិ, អយំ មោហេន អកត្តព្ពំ ករោតិ នាម។ យោ បន ‘‘អយំ រាជវល្លភោតិ វា វិសមេ ចោរាទិកេ វិសមានិ វា កាយទុច្ចរិតាទីនិ សមាទាយ វត្តនេន វិសមនិស្សិតោ វា, អនត្ថម្បិ មេ ករេយ្យា’’តិ ភីតោ អស្សាមិកំ សាមិកំ ករោតិ, អយំ ភយេន អកត្តព្ពំ ករោតិ នាម។
Ettha ca yo ‘‘ayaṃ me mittoti vā, sandiṭṭhoti vā, ñātakoti vā, lañcaṃ vā pana me detī’’ti chandavasena assāmikaṃ sāmikaṃ karoti, ayaṃ chandena akattabbaṃ karoti nāma. Yo ‘‘ayaṃ me verī’’ti cirakālānubaddhaveravasena vā, taṅkhaṇuppannakodhavasena vā sāmikaṃ assāmikaṃ karoti, ayaṃ dosena akattabbaṃ karoti nāma. Yo pana mandattā momūhattā yaṃ vā taṃ vā ayuttaṃ akāraṇaṃ vatvā assāmikaṃ sāmikaṃ karoti, ayaṃ mohena akattabbaṃ karoti nāma. Yo pana ‘‘ayaṃ rājavallabhoti vā visame corādike visamāni vā kāyaduccaritādīni samādāya vattanena visamanissito vā, anatthampi me kareyyā’’ti bhīto assāmikaṃ sāmikaṃ karoti, ayaṃ bhayena akattabbaṃ karoti nāma.
យោ បន កិញ្ចិ ភាជេន្តោ ‘‘អយំ មេ សន្ទិដ្ឋោ វា សម្ភត្តោ វា’’តិ បេមវសេន អតិរេកំ ទេតិ, ‘‘អយំ មេ វេរី’’តិ ទោសវសេន ឩនកំ ទេតិ , យោ មុយ្ហន្តោ ទិន្នាទិន្នំ អជានមានោ កស្សចិ ឩនំ, កស្សចិ អធិកំ ទេតិ, ‘‘អយំ ឥមស្មិំ អទីយមានេ មយ្ហំ អនត្ថម្បិ ករេយ្យា’’តិ សីតោ កស្សចិ អតិរេកំ ទេតិ, សោ ចតុព្ពិធោបិ យថានុក្កមេន ឆន្ទាគតិអាទីនិ គច្ឆន្តោ អកត្តព្ពំ ករោតិ នាម។
Yo pana kiñci bhājento ‘‘ayaṃ me sandiṭṭho vā sambhatto vā’’ti pemavasena atirekaṃ deti, ‘‘ayaṃ me verī’’ti dosavasena ūnakaṃ deti , yo muyhanto dinnādinnaṃ ajānamāno kassaci ūnaṃ, kassaci adhikaṃ deti, ‘‘ayaṃ imasmiṃ adīyamāne mayhaṃ anatthampi kareyyā’’ti sīto kassaci atirekaṃ deti, so catubbidhopi yathānukkamena chandāgatiādīni gacchanto akattabbaṃ karoti nāma.
និហីយតិ តស្ស យសោតិ តស្ស អគតិគាមិនោ កិត្តិយសោបិ បរិវារយសោបិ និហីយតិ បរិហាយតិ។ យស្សតិ តេន កិត្តីយតីតិ ហិ យសោ, កិត្តិ ថុតិឃោសោ។ យស្សតិ តេន បុរេចរានុចរភាវេន បរិវារយតីតិ យសោ, បរិវារោ។ អដ្ឋមនវមទសមានិ ឧត្តានត្ថានេវ។
Nihīyati tassa yasoti tassa agatigāmino kittiyasopi parivārayasopi nihīyati parihāyati. Yassati tena kittīyatīti hi yaso, kitti thutighoso. Yassati tena purecarānucarabhāvena parivārayatīti yaso, parivāro. Aṭṭhamanavamadasamāni uttānatthāneva.
ចរវគ្គោ ទុតិយោ។
Caravaggo dutiyo.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / អង្គុត្តរនិកាយ • Aṅguttaranikāya
៧. បឋមអគតិសុត្តំ • 7. Paṭhamaagatisuttaṃ
៨. ទុតិយអគតិសុត្តំ • 8. Dutiyaagatisuttaṃ
៩. តតិយអគតិសុត្តំ • 9. Tatiyaagatisuttaṃ
១០. ភត្តុទ្ទេសកសុត្តំ • 10. Bhattuddesakasuttaṃ
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / អង្គុត្តរនិកាយ (អដ្ឋកថា) • Aṅguttaranikāya (aṭṭhakathā)
៧. បឋមអគតិសុត្តវណ្ណនា • 7. Paṭhamaagatisuttavaṇṇanā
១០. ភត្តុទ្ទេសកសុត្តវណ្ណនា • 10. Bhattuddesakasuttavaṇṇanā
