| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
3. батамааг̇г̇исуд̇д̇аван̣н̣анаа
3. Paṭhamaaggisuttavaṇṇanā
46. д̇ад̇ияз ануд̣аханадтзнаад̇и гаамам̣ аахунзяяаг̇г̇иаад̣̇аяо д̇аяо аг̇г̇ий б̣раахман̣зхиби ижчид̇аа санд̇и. д̇з бана д̇зхи ижчид̇амад̇д̇аава, на сад̇д̇аанам̣ д̇аад̣̇исаа ад̇т̇асаад̇хагаа. яз бана сад̇д̇аанам̣ ад̇т̇асаад̇хагаа, д̇з д̣̇ассзд̇ум̣ ‘‘аахунам̣ вужжад̇ий’’д̇иаад̣̇и вуд̇д̇ам̣. д̇ад̇т̇а аанзд̇ваа хунанам̣ бууж̇анам̣ ‘‘аахуна’’нд̇и вуд̇д̇ам̣, д̇ам̣ аахунам̣ араханд̇ий маад̇аабид̇аро. д̇знааха бхаг̇аваа – ‘‘аахунзяяаад̇и, бхигкавз, маад̇аабид̇уунам̣ зд̇ам̣ ад̇хиважана’’нд̇и (ид̇иву. 106). яад̣̇аг̇г̇зна жа д̇з буд̇д̇аанам̣ б̣ахуубагаарад̇ааяа аахунзяяаад̇и, д̇зсу саммаабадибад̇д̇и нзсам̣ хид̇асукаавахаа, д̇ад̣̇аг̇г̇зна д̇зсу мижчаабадибад̇д̇и ахид̇ад̣̇угкаавахаад̇и ааха ‘‘д̇зсу…бз… ниб̣б̣ад̇д̇анд̇ий’’д̇и.
46. Tatiye anuḍahanaṭṭhenāti kāmaṃ āhuneyyaggiādayo tayo aggī brāhmaṇehipi icchitā santi. Te pana tehi icchitamattāva, na sattānaṃ tādisā atthasādhakā. Ye pana sattānaṃ atthasādhakā, te dassetuṃ ‘‘āhunaṃ vuccatī’’tiādi vuttaṃ. Tattha ānetvā hunanaṃ pūjanaṃ ‘‘āhuna’’nti vuttaṃ, taṃ āhunaṃ arahantī mātāpitaro. Tenāha bhagavā – ‘‘āhuneyyāti, bhikkhave, mātāpitūnaṃ etaṃ adhivacana’’nti (itivu. 106). Yadaggena ca te puttānaṃ bahūpakāratāya āhuneyyāti, tesu sammāpaṭipatti nesaṃ hitasukhāvahā, tadaggena tesu micchāpaṭipatti ahitadukkhāvahāti āha ‘‘tesu…pe… nibbattantī’’ti.
свааяамад̇т̇о (д̣̇ий. ни. адта. 3.305) мид̇д̇авинд̣̇агавад̇т̇унаа взд̣̇ид̇аб̣б̣о. мид̇д̇авинд̣̇аго хи маад̇араа, ‘‘д̇аад̇а, аж̇ж̇а убосат̇иго худ̇ваа вихаарз саб̣б̣арад̇д̇им̣ д̇хаммассаванам̣ сун̣охи, сахассам̣ д̇з д̣̇ассаамий’’д̇и вуд̇д̇о д̇ханалобхзна убосат̇ам̣ самаад̣̇ааяа вихаарам̣ г̇анд̇ваа ‘‘ид̣̇ам̣ таанам̣ агуд̇обхаяа’’нд̇и саллагкзд̇ваа д̇хаммаасанасса хздтаа нибанно саб̣б̣арад̇д̇им̣ нид̣̇д̣̇ааяид̇ваа гхарам̣ аг̇амааси. маад̇аа баад̇ова яааг̇ум̣ бажид̇ваа убанаамзси. со сахассам̣ г̇ахзд̇ваава биви. ат̇асса зд̇ад̣̇ахоси ‘‘д̇ханам̣ сам̣хариссаамий’’д̇и. со наавааяа самуд̣̇д̣̇ам̣ багканд̣̇ид̇угаамо ахоси. ат̇а нам̣ маад̇аа, ‘‘д̇аад̇а, имасмим̣ гулз жад̇д̇аалийсагодид̇ханам̣ ад̇т̇и, алам̣ г̇аманзнаа’’д̇и ниваарзд̇и. со д̇ассаа важанам̣ анаад̣̇ияид̇ваа г̇ажчад̇и зва. саа бурад̇о адтааси. ат̇а нам̣ гуж̇жхид̇ваа ‘‘аяам̣ маяхам̣ бурад̇о д̇идтад̇ий’’д̇и баад̣̇зна бахарид̇ваа бад̇ид̇ам̣ анд̇арам̣ гад̇ваа аг̇амааси.
Svāyamattho (dī. ni. aṭṭha. 3.305) mittavindakavatthunā veditabbo. Mittavindako hi mātarā, ‘‘tāta, ajja uposathiko hutvā vihāre sabbarattiṃ dhammassavanaṃ suṇohi, sahassaṃ te dassāmī’’ti vutto dhanalobhena uposathaṃ samādāya vihāraṃ gantvā ‘‘idaṃ ṭhānaṃ akutobhaya’’nti sallakkhetvā dhammāsanassa heṭṭhā nipanno sabbarattiṃ niddāyitvā gharaṃ agamāsi. Mātā pātova yāguṃ pacitvā upanāmesi. So sahassaṃ gahetvāva pivi. Athassa etadahosi ‘‘dhanaṃ saṃharissāmī’’ti. So nāvāya samuddaṃ pakkhanditukāmo ahosi. Atha naṃ mātā, ‘‘tāta, imasmiṃ kule cattālīsakoṭidhanaṃ atthi, alaṃ gamanenā’’ti nivāreti. So tassā vacanaṃ anādiyitvā gacchati eva. Sā purato aṭṭhāsi. Atha naṃ kujjhitvā ‘‘ayaṃ mayhaṃ purato tiṭṭhatī’’ti pādena paharitvā patitaṃ antaraṃ katvā agamāsi.
маад̇аа удтахид̇ваа ‘‘маад̣̇исааяа маад̇ари зваруубам̣ гаммам̣ гад̇ваа г̇ад̇асса д̇з г̇ад̇адтаанз сукам̣ бхависсад̇ийд̇и звам̣сан̃н̃ий наама д̇вам̣ буд̇д̇аа’’д̇и ааха. д̇асса наавам̣ ааруяха г̇ажчад̇о сад̇д̇амз д̣̇ивасз нааваа адтааси. ат̇а д̇з мануссаа ‘‘ад̣̇д̇хаа зд̇т̇а баабабуг̇г̇ало ад̇т̇и, салаагам̣ д̣̇зт̇аа’’д̇и аахам̣су. салаагаа д̣̇ийяамаанаа д̇ассзва д̇игкад̇д̇ум̣ баабун̣и. д̇з д̇асса ул̣умбам̣ д̣̇ад̇ваа д̇ам̣ самуд̣̇д̣̇з багкибим̣су. со згам̣ д̣̇ийбам̣ г̇анд̇ваа вимаанабзд̇ийхи сад̣̇д̇хим̣ самбад̇д̇им̣ анубхаванд̇о д̇аахи ‘‘бурад̇о бурад̇о маа аг̇амаасий’’д̇и вужжамааноби д̇ад̣̇д̣̇иг̇ун̣ам̣ д̇ад̣̇д̣̇иг̇ун̣ам̣ самбад̇д̇им̣ бассанд̇о анубуб̣б̣зна куражаггад̇харам̣ згам̣ ад̣̇д̣̇аса. д̇ам̣ жаггам̣ бад̣̇умабубпам̣ вияа убадтааси. со д̇ам̣ ааха, ‘‘амбхо, ид̣̇ам̣ д̇аяаа бил̣анд̇хид̇ам̣ бад̣̇умам̣ маяхам̣ д̣̇зхий’’д̇и. на ид̣̇ам̣, саами, бад̣̇умам̣, куражаггам̣ зд̇анд̇и. со ‘‘ван̃жзси мам̣ д̇вам̣, гим̣ маяаа бад̣̇умам̣ на д̣̇идтабуб̣б̣а’’нд̇и вад̇ваа ‘‘д̇вам̣ лохид̇ажанд̣̇анам̣ вилимбид̇ваа бил̣анд̇ханам̣ бад̣̇умабубпам̣ маяхам̣ на д̣̇аад̇угаамо’’д̇и ааха. со жинд̇зси ‘‘аяамби маяаа гад̇асад̣̇исам̣ гаммам̣ гад̇ваа д̇асса палам̣ анубхавид̇угаамо’’д̇и. ат̇а нам̣ ‘‘г̇ан̣ха, рз’’д̇и вад̇ваа д̇асса мад̇т̇агз жаггам̣ киби. д̇зна вуд̇д̇ам̣ –
Mātā uṭṭhahitvā ‘‘mādisāya mātari evarūpaṃ kammaṃ katvā gatassa te gataṭṭhāne sukhaṃ bhavissatīti evaṃsaññī nāma tvaṃ puttā’’ti āha. Tassa nāvaṃ āruyha gacchato sattame divase nāvā aṭṭhāsi. Atha te manussā ‘‘addhā ettha pāpapuggalo atthi, salākaṃ dethā’’ti āhaṃsu. Salākā dīyamānā tasseva tikkhattuṃ pāpuṇi. Te tassa uḷumpaṃ datvā taṃ samudde pakkhipiṃsu. So ekaṃ dīpaṃ gantvā vimānapetīhi saddhiṃ sampattiṃ anubhavanto tāhi ‘‘purato purato mā agamāsī’’ti vuccamānopi taddiguṇaṃ taddiguṇaṃ sampattiṃ passanto anupubbena khuracakkadharaṃ ekaṃ addasa. Taṃ cakkaṃ padumapupphaṃ viya upaṭṭhāsi. So taṃ āha, ‘‘ambho, idaṃ tayā piḷandhitaṃ padumaṃ mayhaṃ dehī’’ti. Na idaṃ, sāmi, padumaṃ, khuracakkaṃ etanti. So ‘‘vañcesi maṃ tvaṃ, kiṃ mayā padumaṃ na diṭṭhapubba’’nti vatvā ‘‘tvaṃ lohitacandanaṃ vilimpitvā piḷandhanaṃ padumapupphaṃ mayhaṃ na dātukāmo’’ti āha. So cintesi ‘‘ayampi mayā katasadisaṃ kammaṃ katvā tassa phalaṃ anubhavitukāmo’’ti. Atha naṃ ‘‘gaṇha, re’’ti vatvā tassa matthake cakkaṃ khipi. Tena vuttaṃ –
‘‘жад̇уб̣бхи адтаж̇жхаг̇амаа, адтаахи бижа сол̣аса;
‘‘Catubbhi aṭṭhajjhagamā, aṭṭhāhi pica soḷasa;
сол̣асаахи жа б̣аад̇д̇им̣са, ад̇рижчам̣ жаггамаасад̣̇о;
Soḷasāhi ca bāttiṃsa, atricchaṃ cakkamāsado;
ижчаахад̇асса босасса, жаггам̣ бхамад̇и мад̇т̇агз’’д̇и. (ж̇аа. 1.1.104; 1.5.103);
Icchāhatassa posassa, cakkaṃ bhamati matthake’’ti. (jā. 1.1.104; 1.5.103);
сод̇и г̇зхасаамиго бхад̇д̇аа. буриманаязнзваад̇и ануд̣аханасса бажжаяад̇ааяа. д̇ад̇рид̣̇ам̣ вад̇т̇у – гассабаб̣уд̣̇д̇хагаалз сод̇аабаннасса убаасагасса бхарияаа ад̇ижаарам̣ жарад̇и. со д̇ам̣ бажжагкад̇о д̣̇исваа ‘‘гасмаа звам̣ гаросий’’д̇и ааха. саа ‘‘сажаахам̣ зваруубам̣ гароми, аяам̣ мз сунако вилуббамаано каад̣̇ад̇уу’’д̇и вад̇ваа гаалагад̇аа ган̣н̣амун̣д̣агад̣̇ахз взмаанигабзд̇ий худ̇ваа ниб̣б̣ад̇д̇аа д̣̇иваа самбад̇д̇им̣ анубхавад̇и, рад̇д̇им̣ д̣̇угкам̣. д̇ад̣̇аа б̣аараан̣асирааж̇аа миг̇авам̣ жаранд̇о аран̃н̃ам̣ бависид̇ваа анубуб̣б̣зна ган̣н̣амун̣д̣агад̣̇ахам̣ самбад̇д̇о д̇ааяа сад̣̇д̇хим̣ самбад̇д̇им̣ анубхавад̇и. саа д̇ам̣ ван̃жзд̇ваа рад̇д̇им̣ д̣̇угкам̣ анубхавад̇и. со н̃ад̇ваа ‘‘гад̇т̇а ну ко г̇ажчад̇ий’’д̇и бидтид̇о бидтид̇о г̇анд̇ваа авид̣̇уурз тид̇о ган̣н̣амун̣д̣агад̣̇ахад̇о нигкамид̇ваа д̇ам̣ ‘‘бадабада’’нд̇и каад̣̇амаанам̣ згам̣ сунакам̣ д̣̇исваа асинаа д̣̇вид̇хаа чинд̣̇и, д̣̇вз ахзсум̣. буна чиннз жад̇д̇ааро, буна чиннз адта, буна чиннз сол̣аса ахзсум̣. саа ‘‘гим̣ гароси, саамий’’д̇и ааха. со ‘‘гим̣ ид̣̇а’’нд̇и ааха. саа ‘‘звам̣ агад̇ваа кзл̣абин̣д̣ам̣ бхуумияам̣ нидтубхид̇ваа баад̣̇зна гхам̣саахий’’д̇и ааха. со д̇ат̇аа агааси. сунакаа анд̇арад̇хааяим̣су. мудтияог̇о гирааяам̣ д̇асса сунаканд̇арад̇хаанасса, яад̣̇ид̣̇ам̣ кзл̣абин̣д̣ам̣ бхуумияам̣ нидтубхид̇ваа баад̣̇зна гхам̣санам̣, д̇ам̣ д̣̇ивасам̣ д̇ассаа гаммам̣ кийн̣ам̣. рааж̇аа виббадисаарий худ̇ваа г̇анд̇ум̣ аарад̣̇д̇хо. саа ‘‘маяхам̣, саами, гаммам̣ кийн̣ам̣, маа аг̇амаасий’’д̇и ааха. рааж̇аа ассуд̇ваава г̇ад̇о.
Soti gehasāmiko bhattā. Purimanayenevāti anuḍahanassa paccayatāya. Tatridaṃ vatthu – kassapabuddhakāle sotāpannassa upāsakassa bhariyā aticāraṃ carati. So taṃ paccakkhato disvā ‘‘kasmā evaṃ karosī’’ti āha. Sā ‘‘sacāhaṃ evarūpaṃ karomi, ayaṃ me sunakho viluppamāno khādatū’’ti vatvā kālakatā kaṇṇamuṇḍakadahe vemānikapetī hutvā nibbattā divā sampattiṃ anubhavati, rattiṃ dukkhaṃ. Tadā bārāṇasirājā migavaṃ caranto araññaṃ pavisitvā anupubbena kaṇṇamuṇḍakadahaṃ sampatto tāya saddhiṃ sampattiṃ anubhavati. Sā taṃ vañcetvā rattiṃ dukkhaṃ anubhavati. So ñatvā ‘‘kattha nu kho gacchatī’’ti piṭṭhito piṭṭhito gantvā avidūre ṭhito kaṇṇamuṇḍakadahato nikkhamitvā taṃ ‘‘paṭapaṭa’’nti khādamānaṃ ekaṃ sunakhaṃ disvā asinā dvidhā chindi, dve ahesuṃ. Puna chinne cattāro, puna chinne aṭṭha, puna chinne soḷasa ahesuṃ. Sā ‘‘kiṃ karosi, sāmī’’ti āha. So ‘‘kiṃ ida’’nti āha. Sā ‘‘evaṃ akatvā kheḷapiṇḍaṃ bhūmiyaṃ niṭṭhubhitvā pādena ghaṃsāhī’’ti āha. So tathā akāsi. Sunakhā antaradhāyiṃsu. Muṭṭhiyogo kirāyaṃ tassa sunakhantaradhānassa, yadidaṃ kheḷapiṇḍaṃ bhūmiyaṃ niṭṭhubhitvā pādena ghaṃsanaṃ, taṃ divasaṃ tassā kammaṃ khīṇaṃ. Rājā vippaṭisārī hutvā gantuṃ āraddho. Sā ‘‘mayhaṃ, sāmi, kammaṃ khīṇaṃ, mā agamāsī’’ti āha. Rājā assutvāva gato.
д̣̇агкин̣аад̇и жад̇д̇ааро бажжаяаа д̣̇ийяамаанаа д̣̇агканд̇и зд̇зхи хид̇асукаанийд̇и, д̇ам̣ д̣̇агкин̣ам̣ арахад̇ийд̇и д̣̇агкин̣зяяо, бхигкусан̇гхо.
Dakkhiṇāti cattāro paccayā dīyamānā dakkhanti etehi hitasukhānīti, taṃ dakkhiṇaṃ arahatīti dakkhiṇeyyo, bhikkhusaṅgho.
батамааг̇г̇исуд̇д̇аван̣н̣анаа нидтид̇аа.
Paṭhamaaggisuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 3. батамааг̇г̇исуд̇д̇ам̣ • 3. Paṭhamaaggisuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 3. батамааг̇г̇исуд̇д̇аван̣н̣анаа • 3. Paṭhamaaggisuttavaṇṇanā
