| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੩. ਪਠਮਅਗ੍ਗਿਸੁਤ੍ਤવਣ੍ਣਨਾ
3. Paṭhamaaggisuttavaṇṇanā
੪੬. ਤਤਿਯੇ ਸਬ੍ਬੇਪਿ ਰਾਗਾਦਯੋ ਅਨੁਡਹਨਟ੍ਠੇਨ ਅਗ੍ਗੀ। ਆਹੁਨੇਯ੍ਯਗ੍ਗੀਤਿਆਦੀਸੁ ਪਨੇਤ੍ਥ ਆਹੁਨਂ વੁਚ੍ਚਤਿ ਸਕ੍ਕਾਰੋ, ਆਹੁਨਂ ਅਰਹਨ੍ਤੀਤਿ ਆਹੁਨੇਯ੍ਯਾ। ਮਾਤਾਪਿਤਰੋ ਹਿ ਪੁਤ੍ਤਾਨਂ ਬਹੁਪਕਾਰਤ੍ਤਾ ਆਹੁਨਂ ਅਰਹਨ੍ਤਿ, ਤੇਸੁ વਿਪ੍ਪਟਿਪਜ੍ਜਮਾਨਾ ਪੁਤ੍ਤਾ ਨਿਰਯਾਦੀਸੁ ਨਿਬ੍ਬਤ੍ਤਨ੍ਤਿ। ਤਸ੍ਮਾ ਕਿਞ੍ਚਾਪਿ ਮਾਤਾਪਿਤਰੋ ਨ ਅਨੁਡਹਨ੍ਤਿ, ਅਨੁਡਹਨਸ੍ਸ ਪਨ ਪਚ੍ਚਯਾ ਹੋਨ੍ਤਿ। ਇਤਿ ਅਨੁਡਹਨਟ੍ਠੇਨੇવ ਆਹੁਨੇਯ੍ਯਗ੍ਗੀਤਿ વੁਚ੍ਚਨ੍ਤਿ। ਗਹਪਤੀਤਿ ਪਨ ਗੇਹਸਾਮਿਕੋ વੁਚ੍ਚਤਿ, ਸੋ ਮਾਤੁਗਾਮਸ੍ਸ ਸਯਨવਤ੍ਥਾਲਙ੍ਕਾਰਾਦਿਅਨੁਪ੍ਪਦਾਨੇਨ ਬਹੁਪਕਾਰੋ। ਤਂ ਅਤਿਚਰਨ੍ਤੋ ਮਾਤੁਗਾਮੋ ਨਿਰਯਾਦੀਸੁ ਨਿਬ੍ਬਤ੍ਤਤਿ। ਤਸ੍ਮਾ ਸੋਪਿ ਪੁਰਿਮਨਯੇਨੇવ ਅਨੁਡਹਨਟ੍ਠੇਨ ਗਹਪਤਗ੍ਗੀਤਿ વੁਤ੍ਤੋ। ਦਕ੍ਖਿਣੇਯ੍ਯਗ੍ਗੀਤਿ ਏਤ੍ਥ ਪਨ ਦਕ੍ਖਿਣਾਤਿ ਚਤ੍ਤਾਰੋ ਪਚ੍ਚਯਾ, ਭਿਕ੍ਖੁਸਙ੍ਘੋ ਦਕ੍ਖਿਣੇਯ੍ਯੋ। ਸੋ ਹਿ ਗਿਹੀਨਂ ਤੀਸੁ ਸਰਣੇਸੁ ਪਞ੍ਚਸੁ ਸੀਲੇਸੁ ਦਸਸੁ ਸੀਲੇਸੁ ਮਾਤਾਪਿਤੁਪਟ੍ਠਾਨੇ ਧਮ੍ਮਿਕਸਮਣਬ੍ਰਾਹ੍ਮਣੁਪਟ੍ਠਾਨੇਤਿ ਏવਮਾਦੀਸੁ ਕਲ੍ਯਾਣਧਮ੍ਮੇਸੁ ਨਿਯੋਜਨੇਨ ਬਹੁਪਕਾਰੋ। ਤਸ੍ਮਿਂ ਮਿਚ੍ਛਾਪਟਿਪਨ੍ਨਾ ਗਿਹੀ ਭਿਕ੍ਖੁਸਙ੍ਘਂ ਅਕ੍ਕੋਸਿਤ੍વਾ ਪਰਿਭਾਸਿਤ੍વਾ ਨਿਰਯਾਦੀਸੁ ਨਿਬ੍ਬਤ੍ਤਨ੍ਤਿ। ਤਸ੍ਮਾ ਸੋਪਿ ਪੁਰਿਮਨਯੇਨੇવ ਅਨੁਡਹਨਟ੍ਠੇਨ ਦਕ੍ਖਿਣੇਯ੍ਯਗ੍ਗੀਤਿ વੁਤ੍ਤੋ। ਕਟ੍ਠਤੋ ਨਿਬ੍ਬਤ੍ਤੋ ਪਾਕਤਿਕੋવ ਅਗ੍ਗਿ ਕਟ੍ਠਗ੍ਗਿ ਨਾਮ।
46. Tatiye sabbepi rāgādayo anuḍahanaṭṭhena aggī. Āhuneyyaggītiādīsu panettha āhunaṃ vuccati sakkāro, āhunaṃ arahantīti āhuneyyā. Mātāpitaro hi puttānaṃ bahupakārattā āhunaṃ arahanti, tesu vippaṭipajjamānā puttā nirayādīsu nibbattanti. Tasmā kiñcāpi mātāpitaro na anuḍahanti, anuḍahanassa pana paccayā honti. Iti anuḍahanaṭṭheneva āhuneyyaggīti vuccanti. Gahapatīti pana gehasāmiko vuccati, so mātugāmassa sayanavatthālaṅkārādianuppadānena bahupakāro. Taṃ aticaranto mātugāmo nirayādīsu nibbattati. Tasmā sopi purimanayeneva anuḍahanaṭṭhena gahapataggīti vutto. Dakkhiṇeyyaggīti ettha pana dakkhiṇāti cattāro paccayā, bhikkhusaṅgho dakkhiṇeyyo. So hi gihīnaṃ tīsu saraṇesu pañcasu sīlesu dasasu sīlesu mātāpitupaṭṭhāne dhammikasamaṇabrāhmaṇupaṭṭhāneti evamādīsu kalyāṇadhammesu niyojanena bahupakāro. Tasmiṃ micchāpaṭipannā gihī bhikkhusaṅghaṃ akkositvā paribhāsitvā nirayādīsu nibbattanti. Tasmā sopi purimanayeneva anuḍahanaṭṭhena dakkhiṇeyyaggīti vutto. Kaṭṭhato nibbatto pākatikova aggi kaṭṭhaggi nāma.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੩. ਪਠਮਅਗ੍ਗਿਸੁਤ੍ਤਂ • 3. Paṭhamaaggisuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੩. ਪਠਮਅਗ੍ਗਿਸੁਤ੍ਤવਣ੍ਣਨਾ • 3. Paṭhamaaggisuttavaṇṇanā
