| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) |
(੧੭) ੨. ਆਘਾਤવਗ੍ਗੋ
(17) 2. Āghātavaggo
੧-੫. ਪਠਮਆਘਾਤਪਟਿવਿਨਯਸੁਤ੍ਤਾਦਿવਣ੍ਣਨਾ
1-5. Paṭhamaāghātapaṭivinayasuttādivaṇṇanā
੧੬੧-੧੬੫. ਦੁਤਿਯਸ੍ਸ ਪਠਮੇ ਨਤ੍ਥਿ વਤ੍ਤਬ੍ਬਂ। ਦੁਤਿਯੇ ਆਘਾਤੋ ਪਟਿવਿਨਯਤਿ ਏਤ੍ਥ, ਏਤੇਹੀਤਿ વਾ ਆਘਾਤਪਟਿવਿਨਯਾ। ਤੇਨਾਹ ‘‘ਆਘਾਤੋ ਏਤੇਹਿ ਪਟਿવਿਨੇਤਬ੍ਬੋ’’ਤਿਆਦਿ।
161-165. Dutiyassa paṭhame natthi vattabbaṃ. Dutiye āghāto paṭivinayati ettha, etehīti vā āghātapaṭivinayā. Tenāha ‘‘āghāto etehi paṭivinetabbo’’tiādi.
ਨਨ੍ਤਕਨ੍ਤਿ ਅਨਨ੍ਤਕਂ, ਅਨ੍ਤવਿਰਹਿਤਂ વਤ੍ਥਖਣ੍ਡਂ। ਯਦਿ ਹਿ ਤਸ੍ਸ ਅਨ੍ਤੋ ਭવੇਯ੍ਯ, ‘‘ਪਿਲੋਤਿਕਾ’’ਤਿ ਸਙ੍ਖਂ ਨ ਗਚ੍ਛੇਯ੍ਯ।
Nantakanti anantakaṃ, antavirahitaṃ vatthakhaṇḍaṃ. Yadi hi tassa anto bhaveyya, ‘‘pilotikā’’ti saṅkhaṃ na gaccheyya.
ਸੇવਾਲੇਨਾਤਿ ਬੀਜਕਣ੍ਣਿਕਕੇਸਰਾਦਿਭੇਦੇਨ ਸੇવਾਲੇਨ। ਉਦਕਪਪ੍ਪਟਕੇਨਾਤਿ ਨੀਲਮਣ੍ਡੂਕਪਿਟ੍ਠਿવਣ੍ਣੇਨ ਉਦਕਪਿਟ੍ਠਿਂ ਛਾਦੇਤ੍વਾ ਨਿਬ੍ਬਤ੍ਤੇਨ ਉਦਕਪਿਟ੍ਠਿਕੇਨ। ਘਮ੍ਮੇਨ ਅਨੁਗਤੋਤਿ ਘਮ੍ਮੇਨ ਫੁਟ੍ਠੋ ਅਭਿਭੂਤੋ। ਚਿਤ੍ਤੁਪ੍ਪਾਦਨ੍ਤਿ ਪਟਿਘਸਮ੍ਪਯੁਤ੍ਤਚਿਤ੍ਤੁਪ੍ਪਾਦਂ।
Sevālenāti bījakaṇṇikakesarādibhedena sevālena. Udakapappaṭakenāti nīlamaṇḍūkapiṭṭhivaṇṇena udakapiṭṭhiṃ chādetvā nibbattena udakapiṭṭhikena. Ghammena anugatoti ghammena phuṭṭho abhibhūto. Cittuppādanti paṭighasampayuttacittuppādaṃ.
વਿਸਭਾਗવੇਦਨੁਪ੍ਪਤ੍ਤਿਯਾ ਕਕਚੇਨੇવ ਇਰਿਯਾਪਥਪવਤ੍ਤਿਨਿવਾਰਣੇਨ ਛਿਨ੍ਦਨ੍ਤੋ ਆਬਾਧਤਿ ਪੀਲ਼ੇਤੀਤਿ ਆਬਾਧੋ, ਸੋ ਅਸ੍ਸ ਅਤ੍ਥੀਤਿ ਆਬਾਧਿਕੋ। ਤਂਸਮੁਟ੍ਠਾਨੇਨ ਦੁਕ੍ਖਿਤੋ ਸਞ੍ਜਾਤਦੁਕ੍ਖੋ। ਬਾਲ਼੍ਹਗਿਲਾਨੋਤਿ ਅਧਿਮਤ੍ਤਗਿਲਾਨੋ। ਗਾਮਨ੍ਤਨਾਯਕਸ੍ਸਾਤਿ ਗਾਮਨ੍ਤਸਮ੍ਪਾਪਕਸ੍ਸ।
Visabhāgavedanuppattiyā kakaceneva iriyāpathapavattinivāraṇena chindanto ābādhati pīḷetīti ābādho, so assa atthīti ābādhiko. Taṃsamuṭṭhānena dukkhito sañjātadukkho. Bāḷhagilānoti adhimattagilāno. Gāmantanāyakassāti gāmantasampāpakassa.
ਪਸਨ੍ਨਭਾવੇਨ ਉਦਕਸ੍ਸ ਅਚ੍ਛਭਾવੋ વੇਦਿਤਬ੍ਬੋਤਿ ਆਹ ‘‘ਅਚ੍ਛੋਦਕਾਤਿ ਪਸਨ੍ਨੋਦਕਾ’’ਤਿ। ਸਾਦੁਰਸਤਾਯ ਸਾਤਤਾਤਿ ਆਹ ‘‘ਮਧੁਰੋਦਕਾ’’ਤਿ। ਤਨੁਕਮੇવ ਸਲਿਲਂ વਿਸੇਸਤੋ ਸੀਤਲਂ, ਨ ਬਹਲਾਤਿ ਆਹ ‘‘ਤਨੁਸੀਤਸਲਿਲਾ’’ਤਿ। ਸੇਤਕਾਤਿ ਨਿਕ੍ਕਦ੍ਦਮਾ। ਸਚਿਕ੍ਖਲ੍ਲਾਦਿવਸੇਨ ਹਿ ਉਦਕਸ੍ਸ વਿવਣ੍ਣਤਾ। ਸਭਾવਤੋ ਪਨ ਤਂ ਸੇਤવਣ੍ਣਮੇવ। ਤਤਿਯਾਦੀਨਿ ਉਤ੍ਤਾਨਤ੍ਥਾਨੇવ।
Pasannabhāvena udakassa acchabhāvo veditabboti āha ‘‘acchodakāti pasannodakā’’ti. Sādurasatāya sātatāti āha ‘‘madhurodakā’’ti. Tanukameva salilaṃ visesato sītalaṃ, na bahalāti āha ‘‘tanusītasalilā’’ti. Setakāti nikkaddamā. Sacikkhallādivasena hi udakassa vivaṇṇatā. Sabhāvato pana taṃ setavaṇṇameva. Tatiyādīni uttānatthāneva.
ਪਠਮਆਘਾਤਪਟਿવਿਨਯਸੁਤ੍ਤਾਦਿવਣ੍ਣਨਾ ਨਿਟ੍ਠਿਤਾ।
Paṭhamaāghātapaṭivinayasuttādivaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya
੧. ਪਠਮਆਘਾਤਪਟਿવਿਨਯਸੁਤ੍ਤਂ • 1. Paṭhamaāghātapaṭivinayasuttaṃ
੨. ਦੁਤਿਯਆਘਾਤਪਟਿવਿਨਯਸੁਤ੍ਤਂ • 2. Dutiyaāghātapaṭivinayasuttaṃ
੩. ਸਾਕਚ੍ਛਸੁਤ੍ਤਂ • 3. Sākacchasuttaṃ
੪. ਸਾਜੀવਸੁਤ੍ਤਂ • 4. Sājīvasuttaṃ
੫. ਪਞ੍ਹਪੁਚ੍ਛਾਸੁਤ੍ਤਂ • 5. Pañhapucchāsuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā)
੧. ਪਠਮਆਘਾਤਪਟਿવਿਨਯਸੁਤ੍ਤવਣ੍ਣਨਾ • 1. Paṭhamaāghātapaṭivinayasuttavaṇṇanā
੨. ਦੁਤਿਯਆਘਾਤਪਟਿવਿਨਯਸੁਤ੍ਤવਣ੍ਣਨਾ • 2. Dutiyaāghātapaṭivinayasuttavaṇṇanā
੫. ਪਞ੍ਹਪੁਚ੍ਛਾਸੁਤ੍ਤવਣ੍ਣਨਾ • 5. Pañhapucchāsuttavaṇṇanā
