| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
(17) 2. аагхаад̇аваг̇г̇о
(17) 2. Āghātavaggo
1. батамааагхаад̇абадивинаяасуд̇д̇ам̣
1. Paṭhamaāghātapaṭivinayasuttaṃ
161. ‘‘бан̃жимз , бхигкавз, аагхаад̇абадивинаяаа яад̇т̇а бхигкуно уббанно аагхаад̇о саб̣б̣асо бадивинзд̇аб̣б̣о. гад̇амз бан̃жа? яасмим̣, бхигкавз, буг̇г̇алз аагхаад̇о ж̇ааязт̇а, мзд̇д̇аа д̇асмим̣ буг̇г̇алз бхаавзд̇аб̣б̣аа; звам̣ д̇асмим̣ буг̇г̇алз аагхаад̇о бадивинзд̇аб̣б̣о. яасмим̣, бхигкавз, буг̇г̇алз аагхаад̇о ж̇ааязт̇а, гарун̣аа д̇асмим̣ буг̇г̇алз бхаавзд̇аб̣б̣аа; звам̣ д̇асмим̣ буг̇г̇алз аагхаад̇о бадивинзд̇аб̣б̣о. яасмим̣, бхигкавз, буг̇г̇алз аагхаад̇о ж̇ааязт̇а, убзгкаа д̇асмим̣ буг̇г̇алз бхаавзд̇аб̣б̣аа; звам̣ д̇асмим̣ буг̇г̇алз аагхаад̇о бадивинзд̇аб̣б̣о. яасмим̣, бхигкавз, буг̇г̇алз аагхаад̇о ж̇ааязт̇а, асад̇иаманасигааро д̇асмим̣ буг̇г̇алз аабаж̇ж̇ид̇аб̣б̣о; звам̣ д̇асмим̣ буг̇г̇алз аагхаад̇о бадивинзд̇аб̣б̣о. яасмим̣ , бхигкавз, буг̇г̇алз аагхаад̇о ж̇ааязт̇а, гаммассагад̇аа д̇асмим̣ буг̇г̇алз ад̇хидтаад̇аб̣б̣аа – ‘гаммассаго аяамааяасмаа гаммад̣̇ааяаад̣̇о гаммаяони гаммаб̣анд̇ху гаммаббадисаран̣о, яам̣ гаммам̣ гариссад̇и галяаан̣ам̣ ваа баабагам̣ ваа д̇асса д̣̇ааяаад̣̇о бхависсад̇ий’д̇и; звам̣ д̇асмим̣ буг̇г̇алз аагхаад̇о бадивинзд̇аб̣б̣о. имз ко, бхигкавз, бан̃жа аагхаад̇абадивинаяаа, яад̇т̇а бхигкуно уббанно аагхаад̇о саб̣б̣асо бадивинзд̇аб̣б̣о’’д̇и. батамам̣.
161. ‘‘Pañcime , bhikkhave, āghātapaṭivinayā yattha bhikkhuno uppanno āghāto sabbaso paṭivinetabbo. Katame pañca? Yasmiṃ, bhikkhave, puggale āghāto jāyetha, mettā tasmiṃ puggale bhāvetabbā; evaṃ tasmiṃ puggale āghāto paṭivinetabbo. Yasmiṃ, bhikkhave, puggale āghāto jāyetha, karuṇā tasmiṃ puggale bhāvetabbā; evaṃ tasmiṃ puggale āghāto paṭivinetabbo. Yasmiṃ, bhikkhave, puggale āghāto jāyetha, upekkhā tasmiṃ puggale bhāvetabbā; evaṃ tasmiṃ puggale āghāto paṭivinetabbo. Yasmiṃ, bhikkhave, puggale āghāto jāyetha, asatiamanasikāro tasmiṃ puggale āpajjitabbo; evaṃ tasmiṃ puggale āghāto paṭivinetabbo. Yasmiṃ , bhikkhave, puggale āghāto jāyetha, kammassakatā tasmiṃ puggale adhiṭṭhātabbā – ‘kammassako ayamāyasmā kammadāyādo kammayoni kammabandhu kammappaṭisaraṇo, yaṃ kammaṃ karissati kalyāṇaṃ vā pāpakaṃ vā tassa dāyādo bhavissatī’ti; evaṃ tasmiṃ puggale āghāto paṭivinetabbo. Ime kho, bhikkhave, pañca āghātapaṭivinayā, yattha bhikkhuno uppanno āghāto sabbaso paṭivinetabbo’’ti. Paṭhamaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 1. батамааагхаад̇абадивинаяасуд̇д̇аван̣н̣анаа • 1. Paṭhamaāghātapaṭivinayasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 1-5. батамааагхаад̇абадивинаяасуд̇д̇аад̣̇иван̣н̣анаа • 1-5. Paṭhamaāghātapaṭivinayasuttādivaṇṇanā
