| Library / Tipiṭaka / ติปิฎก • Tipiṭaka / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) |
(๑๗) ๒. อาฆาตวโคฺค
(17) 2. Āghātavaggo
๑. ปฐมอาฆาตปฎิวินยสุตฺตวณฺณนา
1. Paṭhamaāghātapaṭivinayasuttavaṇṇanā
๑๖๑. ทุติยสฺส ปฐเม อาฆาตํ ปฎิวิเนนฺติ วูปสเมนฺตีติ อาฆาตปฎิวินยาฯ ยตฺถ ภิกฺขุโน อุปฺปโนฺน อาฆาโต สพฺพโส ปฎิวิเนตโพฺพติ ยตฺถ อารมฺมเณ ภิกฺขุโน อาฆาโต อุปฺปโนฺน โหติ, ตตฺถ โส สโพฺพ อิเมหิ ปญฺจหิ ปฎิวิโนเทตโพฺพติ อโตฺถฯ เมตฺตา ตสฺมิํ ปุคฺคเล ภาเวตพฺพาติ ติกจตุกฺกชฺฌานวเสน เมตฺตา ภาเวตพฺพาฯ กรุณายปิ เอเสว นโยฯ อุเปกฺขา ปน จตุกฺกปญฺจกชฺฌานวเสน ภาเวตพฺพาฯ ยสฺมา ปน ยํ ปุคฺคลํ ปสฺสโต จิตฺตํ น นิพฺพาติ, ตสฺมิํ มุทิตา น สณฺฐหติ, ตสฺมา สา น วุตฺตาฯ อสติอมนสิกาโรติ ยถา โส ปุคฺคโล น อุปฎฺฐาติ, กุฎฺฎาทีหิ อนฺตริโต วิย โหติ, เอวํ ตสฺมิํ อสติอมนสิกาโร อาปชฺชิตโพฺพฯ เสสํ เหฎฺฐา วุตฺตนยตฺตา อุตฺตานเมวฯ
161. Dutiyassa paṭhame āghātaṃ paṭivinenti vūpasamentīti āghātapaṭivinayā. Yattha bhikkhuno uppanno āghāto sabbaso paṭivinetabboti yattha ārammaṇe bhikkhuno āghāto uppanno hoti, tattha so sabbo imehi pañcahi paṭivinodetabboti attho. Mettā tasmiṃ puggale bhāvetabbāti tikacatukkajjhānavasena mettā bhāvetabbā. Karuṇāyapi eseva nayo. Upekkhā pana catukkapañcakajjhānavasena bhāvetabbā. Yasmā pana yaṃ puggalaṃ passato cittaṃ na nibbāti, tasmiṃ muditā na saṇṭhahati, tasmā sā na vuttā. Asatiamanasikāroti yathā so puggalo na upaṭṭhāti, kuṭṭādīhi antarito viya hoti, evaṃ tasmiṃ asatiamanasikāro āpajjitabbo. Sesaṃ heṭṭhā vuttanayattā uttānameva.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / องฺคุตฺตรนิกาย • Aṅguttaranikāya / ๑. ปฐมอาฆาตปฎิวินยสุตฺตํ • 1. Paṭhamaāghātapaṭivinayasuttaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / องฺคุตฺตรนิกาย (ฎีกา) • Aṅguttaranikāya (ṭīkā) / ๑-๕. ปฐมอาฆาตปฎิวินยสุตฺตาทิวณฺณนา • 1-5. Paṭhamaāghātapaṭivinayasuttādivaṇṇanā
