| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
намо д̇асса бхаг̇авад̇о арахад̇о саммаасамб̣уд̣̇д̇хасса
Namo tassa bhagavato arahato sammāsambuddhassa
ан̇г̇уд̇д̇аранигааяз
Aṅguttaranikāye
чагганибаад̇а-дийгаа
Chakkanipāta-ṭīkā
1. батамабан̣н̣аасагам̣
1. Paṭhamapaṇṇāsakaṃ
1. аахунзяяаваг̇г̇о
1. Āhuneyyavaggo
1. батамааахунзяяасуд̇д̇аван̣н̣анаа
1. Paṭhamaāhuneyyasuttavaṇṇanā
1. чагганибаад̇асса батамз жагкунаа руубам̣ д̣̇исваад̇и ниссаяавохаарзна вуд̇д̇ам̣. сасамбхаараганид̣̇д̣̇зсояам̣ яат̇аа ‘‘д̇ханунаа виж̇жхад̇ий’’д̇и, д̇асмаа ниссаяасийсзна ниссид̇асса г̇ахан̣ам̣ д̣̇адтаб̣б̣ам̣. д̇знааяамад̇т̇о ‘‘жагкуд̣̇ваарз руубаарамман̣з аабаат̇аг̇ад̇з д̇ам̣ руубам̣ жагкувин̃н̃аан̣зна д̣̇исваа’’д̇и. нзва сумано ход̇ийд̇и ж̇аванагкан̣з идтз аарамман̣з рааг̇ам̣ ануббаад̣̇знд̇о нзва сумано ход̇и г̇зхассид̇абзмавасзнаби маг̇г̇зна саб̣б̣асо рааг̇асса самужчиннад̇д̇аа. на д̣̇умманод̇и анидтз ад̣̇уссанд̇о на д̣̇уммано. басаад̣̇ан̃н̃ат̇ад̇д̇авасзнаби идтзби анидтзби маж̇жхад̇д̇зби аарамман̣з на самам̣ саммаа аяонисо г̇ахан̣ам̣ асамабзгканам̣. аяан̃жасса бадибад̇д̇и сад̇ивзбуллаббад̇д̇ияаа бан̃н̃аавзбуллаббад̇д̇ияаа жаад̇и ааха ‘‘сад̇о самбаж̇аано худ̇ваа’’д̇и. сад̇ияаа яуд̇д̇ад̇д̇аа сад̇о. самбаж̇ан̃н̃зна яуд̇д̇ад̇д̇аа самбаж̇аано. н̃аан̣уббад̇д̇ибажжаяарахид̇агаалзби бавад̇д̇ибхзд̣̇анад̇о ‘‘сад̇ад̇авихааро гат̇ид̇о’’д̇и вуд̇д̇ам̣. сад̇ад̇авихаарод̇и кийн̣аасавасса нижжавихааро саб̣б̣ад̣̇аа бавад̇д̇анагавихааро. табзд̇ваа хи самаабад̇д̇ивзлам̣ бхаван̇г̇авзлан̃жа кийн̣аасаваа иминаава чал̣ан̇г̇убзгкаавихаарзна вихаранд̇и.
1. Chakkanipātassa paṭhame cakkhunā rūpaṃ disvāti nissayavohārena vuttaṃ. Sasambhārakaniddesoyaṃ yathā ‘‘dhanunā vijjhatī’’ti, tasmā nissayasīsena nissitassa gahaṇaṃ daṭṭhabbaṃ. Tenāyamattho ‘‘cakkhudvāre rūpārammaṇe āpāthagate taṃ rūpaṃ cakkhuviññāṇena disvā’’ti. Neva sumano hotīti javanakkhaṇe iṭṭhe ārammaṇe rāgaṃ anuppādento neva sumano hoti gehassitapemavasenapi maggena sabbaso rāgassa samucchinnattā. Na dummanoti aniṭṭhe adussanto na dummano. Pasādaññathattavasenapi iṭṭhepi aniṭṭhepi majjhattepi ārammaṇe na samaṃ sammā ayoniso gahaṇaṃ asamapekkhanaṃ. Ayañcassa paṭipatti sativepullappattiyā paññāvepullappattiyā cāti āha ‘‘sato sampajāno hutvā’’ti. Satiyā yuttattā sato. Sampajaññena yuttattā sampajāno. Ñāṇuppattipaccayarahitakālepi pavattibhedanato ‘‘satatavihāro kathito’’ti vuttaṃ. Satatavihāroti khīṇāsavassa niccavihāro sabbadā pavattanakavihāro. Ṭhapetvā hi samāpattivelaṃ bhavaṅgavelañca khīṇāsavā imināva chaḷaṅgupekkhāvihārena viharanti.
зд̇т̇а жа ‘‘часу д̣̇ваарзсуби убзгкаго вихарад̇ий’’д̇и иминаа чал̣ан̇г̇убзгкаа гат̇ид̇аа. ‘‘самбаж̇аано’’д̇и важанад̇о бана жад̇д̇аари н̃аан̣асамбаяуд̇д̇ажид̇д̇аани лаб̣бханд̇и д̇зхи винаа самбаж̇аанад̇ааяа асамбхавад̇о. сад̇ад̇авихаарабхаавад̇о адта махаагирияажид̇д̇аани лаб̣бханд̇и. ‘‘нзва сумано на д̣̇уммано’’д̇и важанад̇о адта махаагирияажид̇д̇аани, хасид̇уббаад̣̇о, водтаб̣б̣анан̃жаад̇и д̣̇аса жид̇д̇аани лаб̣бханд̇и. рааг̇ад̣̇осасахаж̇аад̇аанам̣ соманассад̣̇оманассаанам̣ абхааво д̇зсамби саад̇хааран̣од̇и чал̣ан̇г̇убзгкаавасзна ааг̇ад̇аанам̣ имзсам̣ сад̇ад̇авихаараанам̣ соманассам̣ гат̇ам̣ лаб̣бхад̇ийд̇и жз? аасзванад̇о. гин̃жааби кийн̣аасаво идтаанидтзби аарамман̣з маж̇жхад̇д̇о вияа б̣ахулам̣ убзгкаго вихарад̇и ад̇д̇ано барисуд̣̇д̇хабагад̇ибхааваавиж̇аханад̇о, гад̣̇аажи бана д̇ат̇аа жзд̇обхисан̇каараабхаавз яам̣ д̇ам̣ сабхаавад̇о идтам̣ аарамман̣ам̣, д̇асса яаат̇аавасабхааваг̇г̇ахан̣авасзнаби арахад̇о жид̇д̇ам̣ буб̣б̣аасзванавасзна соманассасахаг̇ад̇ам̣ худ̇ваа бавад̇д̇ад̇зва.
Ettha ca ‘‘chasu dvāresupi upekkhako viharatī’’ti iminā chaḷaṅgupekkhā kathitā. ‘‘Sampajāno’’ti vacanato pana cattāri ñāṇasampayuttacittāni labbhanti tehi vinā sampajānatāya asambhavato. Satatavihārabhāvato aṭṭha mahākiriyacittāni labbhanti. ‘‘Neva sumano na dummano’’ti vacanato aṭṭha mahākiriyacittāni, hasituppādo, voṭṭhabbanañcāti dasa cittāni labbhanti. Rāgadosasahajātānaṃ somanassadomanassānaṃ abhāvo tesampi sādhāraṇoti chaḷaṅgupekkhāvasena āgatānaṃ imesaṃ satatavihārānaṃ somanassaṃ kathaṃ labbhatīti ce? Āsevanato. Kiñcāpi khīṇāsavo iṭṭhāniṭṭhepi ārammaṇe majjhatto viya bahulaṃ upekkhako viharati attano parisuddhapakatibhāvāvijahanato, kadāci pana tathā cetobhisaṅkhārābhāve yaṃ taṃ sabhāvato iṭṭhaṃ ārammaṇaṃ, tassa yāthāvasabhāvaggahaṇavasenapi arahato cittaṃ pubbāsevanavasena somanassasahagataṃ hutvā pavattateva.
батамааахунзяяасуд̇д̇аван̣н̣анаа нидтид̇аа.
Paṭhamaāhuneyyasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 1. батамааахунзяяасуд̇д̇ам̣ • 1. Paṭhamaāhuneyyasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 1. батамааахунзяяасуд̇д̇аван̣н̣анаа • 1. Paṭhamaāhuneyyasuttavaṇṇanā
