| Library / Tipiṭaka / तिपिटक • Tipiṭaka / अङ्गुत्तरनिकाय (अट्ठकथा) • Aṅguttaranikāya (aṭṭhakathā) |
॥ नमो तस्स भगवतो अरहतो सम्मासम्बुद्धस्स॥
Namo tassa bhagavato arahato sammāsambuddhassa
अङ्गुत्तरनिकाये
Aṅguttaranikāye
छक्कनिपात-अट्ठकथा
Chakkanipāta-aṭṭhakathā
१. पठमपण्णासकं
1. Paṭhamapaṇṇāsakaṃ
१. आहुनेय्यवग्गो
1. Āhuneyyavaggo
१. पठमआहुनेय्यसुत्तवण्णना
1. Paṭhamaāhuneyyasuttavaṇṇanā
१. छक्कनिपातस्स पठमे इध, भिक्खवे, भिक्खूति, भिक्खवे, इमस्मिं सासने भिक्खु। नेव सुमनो होति न दुम्मनोति इट्ठारम्मणे रागसहगतेन सोमनस्सेन सुमनो वा अनिट्ठारम्मणे दोससहगतेन दोमनस्सेन दुम्मनो वा न होति। उपेक्खको विहरति सतो सम्पजानोति मज्झत्तारम्मणे असमपेक्खनेन अञ्ञाणुपेक्खाय उपेक्खकभावं अनापज्जित्वा सतो सम्पजानो हुत्वा आरम्मणे मज्झत्तो विहरति। इमस्मिं सुत्ते खीणासवस्स सततविहारो कथितो।
1. Chakkanipātassa paṭhame idha, bhikkhave, bhikkhūti, bhikkhave, imasmiṃ sāsane bhikkhu. Neva sumano hoti na dummanoti iṭṭhārammaṇe rāgasahagatena somanassena sumano vā aniṭṭhārammaṇe dosasahagatena domanassena dummano vā na hoti. Upekkhako viharati sato sampajānoti majjhattārammaṇe asamapekkhanena aññāṇupekkhāya upekkhakabhāvaṃ anāpajjitvā sato sampajāno hutvā ārammaṇe majjhatto viharati. Imasmiṃ sutte khīṇāsavassa satatavihāro kathito.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / अङ्गुत्तरनिकाय • Aṅguttaranikāya / १. पठमआहुनेय्यसुत्तं • 1. Paṭhamaāhuneyyasuttaṃ
टीका • Tīkā / सुत्तपिटक (टीका) • Suttapiṭaka (ṭīkā) / अङ्गुत्तरनिकाय (टीका) • Aṅguttaranikāya (ṭīkā) / १. पठमआहुनेय्यसुत्तवण्णना • 1. Paṭhamaāhuneyyasuttavaṇṇanā
