| Library / Tipiṭaka / తిపిటక • Tipiṭaka / అఙ్గుత్తరనికాయ (అట్ఠకథా) • Aṅguttaranikāya (aṭṭhakathā) |
నమో తస్స భగవతో అరహతో సమ్మాసమ్బుద్ధస్స
Namo tassa bhagavato arahato sammāsambuddhassa
అఙ్గుత్తరనికాయే
Aṅguttaranikāye
ఛక్కనిపాత-అట్ఠకథా
Chakkanipāta-aṭṭhakathā
౧. పఠమపణ్ణాసకం
1. Paṭhamapaṇṇāsakaṃ
౧. ఆహునేయ్యవగ్గో
1. Āhuneyyavaggo
౧. పఠమఆహునేయ్యసుత్తవణ్ణనా
1. Paṭhamaāhuneyyasuttavaṇṇanā
౧. ఛక్కనిపాతస్స పఠమే ఇధ, భిక్ఖవే, భిక్ఖూతి, భిక్ఖవే, ఇమస్మిం సాసనే భిక్ఖు. నేవ సుమనో హోతి న దుమ్మనోతి ఇట్ఠారమ్మణే రాగసహగతేన సోమనస్సేన సుమనో వా అనిట్ఠారమ్మణే దోససహగతేన దోమనస్సేన దుమ్మనో వా న హోతి. ఉపేక్ఖకో విహరతి సతో సమ్పజానోతి మజ్ఝత్తారమ్మణే అసమపేక్ఖనేన అఞ్ఞాణుపేక్ఖాయ ఉపేక్ఖకభావం అనాపజ్జిత్వా సతో సమ్పజానో హుత్వా ఆరమ్మణే మజ్ఝత్తో విహరతి. ఇమస్మిం సుత్తే ఖీణాసవస్స సతతవిహారో కథితో.
1. Chakkanipātassa paṭhame idha, bhikkhave, bhikkhūti, bhikkhave, imasmiṃ sāsane bhikkhu. Neva sumano hoti na dummanoti iṭṭhārammaṇe rāgasahagatena somanassena sumano vā aniṭṭhārammaṇe dosasahagatena domanassena dummano vā na hoti. Upekkhako viharati sato sampajānoti majjhattārammaṇe asamapekkhanena aññāṇupekkhāya upekkhakabhāvaṃ anāpajjitvā sato sampajāno hutvā ārammaṇe majjhatto viharati. Imasmiṃ sutte khīṇāsavassa satatavihāro kathito.
Related texts:
తిపిటక (మూల) • Tipiṭaka (Mūla) / సుత్తపిటక • Suttapiṭaka / అఙ్గుత్తరనికాయ • Aṅguttaranikāya / ౧. పఠమఆహునేయ్యసుత్తం • 1. Paṭhamaāhuneyyasuttaṃ
టీకా • Tīkā / సుత్తపిటక (టీకా) • Suttapiṭaka (ṭīkā) / అఙ్గుత్తరనికాయ (టీకా) • Aṅguttaranikāya (ṭīkā) / ౧. పఠమఆహునేయ్యసుత్తవణ్ణనా • 1. Paṭhamaāhuneyyasuttavaṇṇanā
